شاعیر: ئەحمەدی کۆر کتێب: دیوانی شێخ ئەحمەدی کۆر سەرناو: دڵبەرا پەی ڕووی فیراقت دڵ دەناڵێ چون ڕوباب سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ٣٦- ٣٩. - نووسین: نەسرین ڕەحمانی - پێداچوونەوە: ناسیح ڕەحیمی دڵبەرا پەی ڕووی فیراقت دڵ دەناڵێ چون ڕوباب بۆ دوو ئەبرۆی میسلی تاقت بەندی جەرگم بوو کەباب بوو بە بریان توێی دەروونم، چاو پڕ ئەسرین دڵ زەبوون مەحبووبا وا بۆت جنوونم، لێم حەرامە خورد و خاب خاب و خۆراکم گرینە، ڕەحمەتەن لیلعالەمینە ڕەحمێ کە بە منی حەزینە، با کۆتا بێ ئەم عەزاب با کۆتا بێ داخ و دەردم، ناڵەناڵ و ئاهی سەردم بێ ئەجەل وا بۆ تۆ مردم، پێم بدە جامێ شەراب پێم کەڕەم کە جورعەیی مەی، لەو مەیەی مردوو دەکا حەی تۆ بە حەققی ساحەبی مەی، با لە بەین لاچێ حیجاب با لە بەین لاچێ حیجابە، مەحبووبە ڕۆژی خیتابە وادەکەم ئەز خۆم حیسابە، کەمترینم (از) کیلاب کەمترینم (از) سەگانت، (از) سەگانی پاسەبانت جانی من قوربانی جانت، گوڵڕوخی ڕوو ئافتاب ئافتابی شەوقی عالەم، سەروەری (از) نەسلی ئادەم بۆ ڕوسوول تۆ بووی بە خاتەم، ئەی شەهی عالی جەناب ئەی شەهی 'لەولاکە لەولاک' تۆ لە نووری، ئادەم (از) خاک جوملەیی شێخ و وەلی پاک، بوون لە سایەت فەیزیاب بوون لە سایەت ئەز بە قوربان، مەحرەمی ئەسراری سوبحان قەلبی عاسیم بوو بە بریان، لەم سەرەڕێی ماڵ خەراب ماڵ خەراب و دڵ نەخۆشم، عاشقی بێ هۆش و گۆشم خوێنی جەرگی خۆم دەنۆشم، کوورەئاسا دڵ بە تاب کوورەئاسا دڵ بە تاوم، لەت‌لەتە جەرگ و هەناوم وا بە عیشقی تۆ سووتاوم، کەوتمە حاڵی ئیزتیراب حاڵ‌پەرێشان، دەردەدارم، خەستەتەن دڵ پڕ غوبارم هێندە من بێ ئیختیارم، نایەتە حەدد و حیساب ئەی شەهی ڕەببی جەلیلە، 'ئەحمەدی کۆری' زەلیلە دامەنی گرتووی دەخیلە، نەیخەیە سەختی و عیتاب 'ئەحمەدی کۆری' هەژارە، چاوەڕێی لوتفێکی یارە تا بڵێی بێ ئیختیارە، نایەتە حەدد و حیساب ++++++++++++++++++++++ سەرناو: ئەی شەفیعی زەنب و عیسیان ڕەحمەتی بۆ عاڕەسات سەبارەت: ئەحمەدی کۆر، لێکدانەوەی: مەلا مستەفای زاواکێو، لاپەڕە ٥٥-٥٧. - نووسین: نەسرین ڕەحمانی ئەی شەفیعی زەنب و عیسیان ڕەحمەتی بۆ عاڕەسات هـەر لە ئەووەڵ تا بە ئاخر باعیسی بۆ مومکینات هەر لە ڕۆژی ئەووەڵینی، پادشای مەککە و مەدینی مەرهەمی جەرح و برینی، سەیدی فەخری کاینات سەیدی فەخری کایناتی، ئەووەڵ تۆ بووی ئاخر هاتی ڕۆشنی سەر ڕووی بیساتی، هیوای ڕۆژی عاڕەسات هیوای ڕۆژی توند و تاڵی، بە شەوکەت و خۆش جەماڵی نووری سونعی لایەزالی، قوڕئانت بۆ هات بە خەڵات قوڕئانت بۆ هات بە کەڕەم، تورک و تات و ڕۆم و عەجەم دنیا سەراسەر زۆر و کەم، سەرپاکی کەوتنە خاکی پات پاک لە ژێر پێتدا کووژاون، شێخ و شاب و پیر و لاون پاک بە عیشقی تۆ سووتاون، ساحیبی کەشف و کەڕامات ساحیبی عەقڵ و شعووری، بە زاهیر دەڵێی بلووری بە باتین پارچێک لە نووری، ئەی شافیعی ڕۆژی مەمات شافیعی ڕۆژی ئاخرەتێ، خۆڵقای لە نووری قودرەتێ شیفاخوازی بۆ ئوممەتێ، سەرداری کوللی مەخلووقات بۆ مەخلووقات تۆ سەرداری، شیوەن و گریان و زاری هیچ کەس نییە غەیرەز باری، مەگەر هەر ئەو ڕەحمێ بکات ڕەحمێکم پێ‌بکەی خودایە، جاهیل و فەقێ و مەلایە هەرکەس دەفتەری لە لایە، ڕەببی من چیم لێ‌بەسەر هات چم بەسەر هات لە دنیایە، ئەوی چاندم لە مەزرایە هەر چەند دەکەم وەکۆ نایە، ڕەببی تۆی ساحیب دەسەڵات ڕەببی زوو بێی بە فریادم، خۆت بپرسی عەرز و دادم بەشکم حاسڵ بێ مرادم، بە جارێکی بمدەی نەجات بە جارێک نەجاتم نابێ، لە ڕۆژی یەومولحیسابێ خێر و شەڕ سەربەسەر نابێ، نامێنێ مەیلی برات چۆن دەمێنێ مەیلی بابت، لەبەر میزان و حیسابت لە بەهەشت و لە عەزابت، دڵیان غەمگینە مەخلووقات مەخلووقات دڵیان غەمگینە، ئاگری دۆزەخ بە تینە کوا «محەممەد» شای مەدینە، بێ‌ عیلاجێکمان بکات عیلاجمان ناکرێ بەو حاڵە، ئەو دڵەی پڕ لە خەیاڵە دایم پڕ لە ئاهە و ناڵە، بۆتە تەیرێکی بێ‌قینات تەیرێکی بێ‌پەڕ و باڵم، تەن سووتاوە وەک زوخاڵم ئەودەمەی خۆش بێ بە حاڵم، تێر بکەم سەیری باڵات سەیری باڵات کە مەفتوولە، بە ئیسمت قەسەم ڕەسوولە بە سەگی خۆتم کە قەبوولە، بۆ پاسەوانی درگات من پاسەوانی درگاتم، تا لە دونیا بێ حەیاتم مونتەزیری خاکی پاتم، چون مەتڵەبم حاسڵ دەکات لێی‌دەبێ حاسڵ مرادە، هەرچی کردم لە دنیادا زەڕڕەیەک نەفعم بۆ نادا، عومری درێژم چوو بە بات چوو بە با عومری درازم، هەر ئەتۆی قەست و نیازم مەتڵەبێکت لێ‌دەخوازم، قەترەیەک ئاوی حەیات پێم عەتا کە نووری چاوە، جان فیدات بێ جیسم و ناوە «ئەحمەدی کۆر» بۆت سووتاوە، ئارەزوویە خاکی پات ++++++++++++++++++++++ سەرناو: دڵبە‌را داییم دەناڵم ئە‌ز لە‌ سینەی پڕ لە دە‌رد سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ٦١و٦٢. - نووسین: نەسرین ڕەحمانی دڵبە‌را داییم دەناڵم ئە‌ز لە‌ سینەی پڕ لە دە‌رد جارێ ناپرسی لە‌ حاڵم بۆت دە‌کێشم ئاهی سە‌رد بۆت دەکێشم هەندە زەحمەت، سەرزەنشت و لۆم و میحنەت یاری ساحێب شەرت و نییەت، وەختە دڵ بۆت بێ بە گەرد وەختە دڵ بۆت بێ بە خاکە، ڕوومەتت پڕ نوور و پاکە هەر لە جێ دەردم دەواکە، سەت برینت تازە کەرد سەت هەزار زامانی تازە، جێی خەدەنگ و نێش و گازە ئەمڕۆ ڕەندم دیدە بازە، تووند و تیژ، ئازادە مەرد جارێ یار نەیدا وەسەرمە، بۆچی ناپرسێ بە نەرمە لێی هەڵگرتم عار و شەرمە، زەعفەرانم ڕەنگ زەرد ڕەنگ زەردم هەروەکوو بەی، ئاھ و ناڵەم دێ پەیاپەی هات و دایمێ جورعەیی مەی، سەعی و ڕەنجم‌ دا لە بەرد سەعی و ڕەنجم بە عەبەس چوو، عومر و دڵ لە ڕێی هەوەس چوو تا لە نێو قالبم نەفەس چوو، خوێنی جەرگی خۆم خوەرد خوێنی جەرگ، قووت و تەعامە، ئاھ و ناڵەم سوبح و شامە دڵبەری مەست و خەرامە، سونبول و ڕیحان و وەرد سونبول و ڕیحانی تەڕ بوو، هێند و ڕۆمم لێ بە شەڕ بوو تەختی ویم لێ موستەقەڕ بوو، هاتنە سەر من فەرد فەرد 'ئەحمەدی کۆر' دڵ بزووتی، جوست‌وجۆت وەک عەنکەبووتی ئەو کەسەی وا بۆی دەسووتی، کردیە قەیس و نای لە هەرد 'ئەحمەدی کۆر' بەس خەیاڵ کە، حوببی دنیایە بەتاڵ کە مەدحی یاری نوور جەماڵ کە، وا خەلاس کە خۆت لە دەرد. ++++++++++++++++++++++ سەرناو: مەکەن مەنعی عاشقان، عاشق کاری دژوارە سەبارەت: دیوانی شێخ ئەحمەدی کۆر، کۆکردنەوەی: عەزیز موحەممەدپوور 'داشبەندی'، لاپەڕە ١٩٧ـ٢٠٠. - نووسین: کەماڵ ڕەحمانی مەکەن مەنعی عاشقان، عاشق کاری دژوارە هەرچی عیشقی لە دڵ بێ، بێ سەبر و بێ قەرارە دائیم لە بەر هیجرانێ، ڕەنگ زەرد و لێو بەبارە دە عیشقێدا سووتاوم، غەمم لە چوار کەنارە لە بەر دەرد و حەسڕەتان، گریانم دێن هەزارە گەلۆ دەردان ئەز هەڵگرت، ساتێ ناگرم قەرارێ شەو و ڕۆژێ ناسەبرێم، لە ‌بەر غەمی دە یارێ دڵی من هێند لە جۆشە، ئەسرینم دێنە خوارێ مەگین بە وەی ساکین بێ، ببیێن دەنگی بەهارێ بە گوڵانم دێن سەبووری، سەربێننەدەر لە خارێ مزگێنی بێ لە یاران، دەڵێن ئەوڕۆ بەهارە هاتن تەیری دە ڕەنگین، جووت‌بەجووت بوون قەتارە نیشتن لە دەم شەتاوان، زەینی کە، چەن هەزارە ڕەنگاندییان قۆپی و شەت، لە هەر گۆشە و کەنارە گوڵ هاتنە پیکەنینێ، یەک یەک بە دڵ بە زارە هەوری دە ڕەش دەهاتن، گرتیان بەری ئاسمانێ غەمی لە دڵم چەن زۆرن، بابڕۆن دەگەڵ زستانێ لە گوڕڕەی دە شەماڵێ، لە ڕێژنەی دە بارانێ کوێستان مابوون لە تەمێ هەوەڵ مانگی نیسانێ بە سروەی دە شەوبایە، گوڵ خۆی داوە لە سانێ هەوری ڕەش هاتنە خرۆش، لە دامێنی کۆساران چیا و زۆزان سەوزەپۆش، دەگەڵ لکی دە داران وەنەوشەم چەن زەریف دین، گوڵان لە دەم ڕۆباران بە کەسک و سوور دەخەمڵێن، لە سەر جۆ و جۆباران دەڵێن ئەوڕۆ بەهار هات، مزگێنی بێ لە یاران لە کوێستانی دە عەزیم، هەوری ڕەش دەخرۆشن به نەخشی دە بەهارێ، گوڵان زەڕبافتە پۆشن هەر وەکوو ئاهووی چینی، سەحرا میسکێ دەفرۆشن لە شادی دە بەهارێ، چەن لە زەوق و لە جۆشن کێو و دەر و دۆڵ و دەشت، پاکی سەرمەست و خۆشن زەینی خۆم دا کوێستانێ، چەندی لێم کرد خەیاڵە گوڵ بوون لە چوار کەنارێ، لێی شین ببوون هەڵاڵە زەرد و کەسک و بنەفشە، سوورگوڵ و تافتەی ئاڵە لەبەر بۆنی وان گوڵان، یاران دەبوون بێ حاڵە بولبول لە کوێیە مەست بێ، بکا ئەفغان و ناڵە لە کوێستانی دە وا ڕەند، دڵی ئەزە حەزینە گوڵبون لە دەم ڕۆباران، جوان دەبوون بە پەرژینە با بێن گوڵان ببینن، هەرکەس دڵی غەمگینە ئەو گوڵی دە دونیایە، وەفایان بۆ کەس نینە خۆشی لە بۆ وان کەسان، دڵ بە دونێ خۆش نینە ئەو سوێسنەی ساوایە، تازە سەری هەڵدەدا خاشخاشک و گوڵەمێلاق، ئەتڵەسی سوور دەبەردا وەنەوشە پڕ جغارە، سەری لە بەردێ دەدا بۆنی دەبا بای سەبا، بولبول بۆی لە خۆی دەدا کاری دونیایە وەیە، هەر تاڵییە وێت دەدا بە لرفەی بای شەماڵێ، بە سۆزی دە شەوبایە بۆنی گوڵان دەپڕژێن، تێکەڵ بوون لە سەحرایە گوڵ دەرکەوتن لە خارێ، دەریان کردن گەڵایە ئەو گوڵی جوان و زەریف، بوونە بەرگی دونیایە یاران مەدحی بەهارێ، هەرگیز لە تاریف نایە بەهار هاتە سەر تەختێ، گوڵ پشکووتن بە تاوە تەرزی گوڵانم زۆرن، چەن تەرز، سوێسنی ساوە موژدە دەنە بولبولێ، ئەو عاشقی دڵ سووتاوە ئەو دونیایە وا ڕەنگین، وەفای بۆ کەس نەماوە چەن لاو و جوانی پیر کرد، بۆخۆی بە قیتی ماوە بۆنی گوڵان ئەز هەڵگرت، لە دەم جۆ و سەراوان هاتن تەیری گەرمێنێ، کەوتن لە دەم شەتاوان لە هاشەی دە شالوورێ، گڕ بەربوونە هەناوان فرمێسکم دێن بە جووتە، خوێناوم دێن لە چاوان لە حەسڕەتی دە یارێ، دەناڵم وەک سووتاوان لە بەر غەمی دە یارێ، شەو و ڕۆژم خەو نایە چەن جوامێر و سوارچاکان، کۆچیان کرد لە دونیایە «ئەحمەد» ئەتۆش ڕادەبری، یار بۆت دەکەن دوعایە مزگێنی بێ لە یاران، جێن جەننەتولمەئوایە ئەو بەهاری به ‌گوڵزار، بۆ کەس دە تاریف نایه ئەم شیعرە دەبێ وەپاڵ شێخ ئەحمەدی کۆر درابێ، زمانەکەی وە هی شێخ ناچێ بۆیە مامۆستا مستەفای زاواکێویش دە دیوانەکەی دا نەیهێناوە و بە هی ئەحمەدی کۆری نەزانیوە. گیوی مکریانی بە هی ئەحمەدی شێخ مارفی دەزانێ. شێخ ئەحمەد کوڕی شێخ مارفە و خەڵکی دەربەند دەلۆیە، کە کەوتۆتە دۆڵی ورمێ، لە شەڕی نێوان ئێران و ڕووسدا کوژراوە، شێخ ئەحمەد ئامۆزای شێخ بابای شاعیرە. سەرچاوە: کەشکۆڵی گیو، بەرگی یەکەم پیتی ئا، لاپەڕە ٨١. ++++++++++++++++++++++ سەرناو: عیشق کردمی بێ خان‌ومان، بێ مڵک و ماڵی عیشقم ئه‌ز سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ٧٤و٧٥. - نووسین: کەماڵ ڕەحمانی عیشق کردمی بێ خان‌ومان، بێ مڵک و ماڵی عیشقم ئه‌ز تاقه‌ت نه‌ما لاڵ بوو زبان، قامه‌ت هیلالی عیشقم ئه‌ز عیشق کردمی بێ پا وو سه‌ر، بێ مڵک و ماڵی عیشقم ئه‌ز لاڵ بوو زمان، بیستم خه‌به‌ر، قامه‌ت چوو داڵی عیشقم ئه‌ز عیشق حاڵان ته‌غییر ده‌کا، شێت و نه‌زانان ژیر ده‌کا تفڵی دووساڵه‌ پیر ده‌کا، عاشقی جه‌ماڵی عیشقم ئه‌ز عیشق حاڵان ته‌حویل ده‌کا، جوانان به‌ پیر ته‌بدیل ده‌کا گه‌ردن‌که‌شان به‌ دیل ده‌کا، ده‌رحاڵ قه‌تتالی عیشقم ئه‌ز عیشقی له‌تیفی مه‌هوه‌شان، مه‌یلی په‌ری بۆ دڵ‌که‌شان بێ‌هۆش ده‌کا ساحێب هۆشان، مه‌جنوون میسالی عیشقم ئه‌ز ئیشقی له‌تیفی دڵبه‌ران، مه‌یلی نیهالی عه‌ڕعه‌ڕان بێ‌هۆش ده‌کا سه‌وداسه‌ران، مه‌حرووق باڵی عیشقم ئه‌ز عیشق ناگه‌هان لێم بوو دوچار، ساتێ که‌ دیم قه‌وس و عوزار سه‌نعان سیفه‌ت بێ ئیختیار، ته‌قوا به‌تاڵی عیشقم ئه‌ز عیشق عالمان مه‌جهوول ده‌کا، نالاییقان مه‌قبووڵ ده‌کا ئه‌فگار دڵان مه‌قتووڵ ده‌کا، ده‌ر دڵ خه‌یاڵی عیشقم ئه‌ز عیشق ده‌ردان شیفا ده‌دا، عیسا نه‌فه‌س سه‌فا ده‌دا عه‌زمی ڕه‌میم ئیحیا ده‌دا، موڕشیدی حاڵی عیشقم ئه‌ز عیشقه‌ شیفای ده‌ردی عه‌زیم، ده‌رمانه‌ بۆ قه‌لبی سه‌لیم ئیحیا ده‌کا عه‌زمی ڕه‌میم، سه‌ودای جه‌ماڵی عیشقم ئه‌ز عیشق کوورێکه‌ با قیاس، خالیس ده‌کا سه‌نگی ده‌ساس؟ نابێ له‌من که‌ی ئیلتیماس، کۆکۆی زوخاڵی عیشقم ئه‌ز عیشق کووره‌ی لاته‌حمه‌ده‌، ئاسن و پۆڵا وو جه‌لمه‌ده‌ قاڵیان ده‌کا و لێکیان ده‌دا، مه‌ستی ویسالی عیشقم ئه‌ز عیشقی له‌تیفی بێ‌نه‌زیر، وای کرد له‌و 'ئه‌حمه‌دی' فه‌قیر لۆمه‌م بۆ هات وه‌ک تیر و شیر، ساحیب قه‌باڵی عیشقم ئه‌ز عیشقی له‌تیفی نامدار، وای کرد له‌ من 'کۆر'ی هه‌ژار ڕووم نیه‌ له‌نێو ئه‌غیار و یار، پیری جه‌ماڵی عیشقم ئه‌ز ++++++++++++++++++++++ سەرناو: ئەی بە قەد عەڕعەڕ، بە بۆ سونبول، بە ڕۆخ چون میم و ھێ سەبارەت: دیوانی شێخ ئەحمەدی کۆر، کۆکردنەوەی: عەزیز موحەممەدپوور 'داشبەندی'، لاپەڕە ٢٨٠و٢٨١. - نووسین: کەماڵ ڕەحمانی ئەی بە قەد عەڕعەڕ، بە بۆ سونبول، بە ڕۆخ چون میم و ھێ مورغی دڵ شود حەبس ئەندەر قەیدی زێ وو لام و فێ کەی تەوانەم جان بەرەم دەر عەرەسەگاھی ڕەزمی ئو می‌زەنەد پەی‌پەی بە جانم خێ وو نون و جیم و ڕێ گەر تۆ بونمایی جەماڵی خویش نەزدی گوڵستان نیست گەردەد عەتری گوڵ ھەم عەین و نون و با وو رێ قەلعەیی وەسڵەت نەگیرەد ڕۆستەم و ھەرچی یەلن زان سەبەب بگرفت زوڵفت سین و نون و گاف و رێ عاشقان پەروانەسان جەمعەند بەری شەمعی ڕۆخەت ساقی پەی‌پەی تۆ دە جامی شین و رێ وو ئەلف و بێ دەست‌گیری کون مەرا ئوفتادەئەم دەر بەحری غەم ئەی مولەققەب نەزدی حەق ناوت بە غەین و واو و سێ دەر سەفی ڕوتبەی ویلایەت حەق تۆ را کەردە ئیمام سەر نیھادە زیری پایەت جەمعی قاف و طا وو بێ شاعیران زۆریان گوتووە ئەز شیعرھایی بانەمەک کەس نەگوفتە شیعری را چون سین و عەین و دال و یێ مەزھەبی طاھا وو یاسین ئەی شەھی ساحەب حەشەم دەر وجوودەت گەشتە زاھیر عەینی بێ وو کاف و ڕێ سیدقی عەینی یاری غار و عەدلی چون عەین، میم و رێ عەدلی فاروق حوجبی عوسمان زاتی عەین و لام و یێ یاری تۆ شود غەوسی بەغدا شاھی شامات و حەڵەب 'ئەحمەدی‌کۆر' مەگرە چیدی یار بە غەیری ڕێ وو بێ ++++++++++++++++++++++ سەرناو: دڵبەران داییم دەناڵم، دەبەدەم شام و سەحەر سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ٦٦ـ٧١. - نووسین: نەسرین ڕەحمانی دڵبەران داییم دەناڵم، دەبەدەم شام و سەحەر جارێ ناپرسی لە حاڵم، چاو عوقابی خۆش خەبەر چاو عوقابی مەهـ‌جەماڵی، دوژمنی کوفر و زەلالی نووری سیڕڕی لایەزالی، کاشفی 'شق‌القمر' کاشفی قەمەر دوو نیمی، فاتحی دەرگای نەعیمی شافعی 'یَوْمُ‌الْاَلیمی'، 'أنتَ‌ لی نورُالبَصَرْ' نووری بینایی دوو چاوم، بێ فیدات ڕۆح و هەناوم هەڵگیراوە خورد و خاوم، خورادنم بۆتە زەهەر خواردنم خوێن زوخاوە، سەبر هۆشم لێ بڕاوە ئاگری دڵ وا بەتاوە، میسلی شەمعی نێو فەنەر وەک فەنەر دڵ پڕ لە نارم، باری عیسیان بۆتە بارم ڕوو سیاهـ و شەرمەسارم، من لەبەر 'یَوْمُ‌الْخَطَرْ' من لەبەر 'یَوْمُ‌الْمَماتمْ' دێ کە قابیز بۆ حەیاتم وا خەجڵ بێ هۆش و ماتم، نامێنێ هۆش‌ و سەبەر نامێنێ هۆش لەو سەعاتێ، ڕۆح دەگاتە جێی نەهاتێ دەفتەری دونیام دەداتێ، نامێنێ مەیلی پسەر نامێنێ مەیلی جیهانم، دێتە جونبش ڕۆح و گیانم گەر لە گیر لاچێ زبانم، نێوی حەقمان دێتە بەر نێوی حەق دێنم بەزارە، تەن گەلێک تەشنە و بیمارە دڵ هەمیشە ئینتیزارە، هەر دەڵێ 'ماءُ‌الْقَطَرْ' ئاخ لە بۆ یەک قەترە ئاوە، ئەو دەمەی دونیا تەواوە شاهـ و دەروێش تۆپێ جاوە، 'قَد دَخَلْتَ فی‌الْقَبَر' تا قیامەت قەبرە ماڵم، دێن مەلاییک بۆ سوئالم ڕەببی تۆی موخبیر بە حاڵم، نەمخەیە سەر ڕێی خەتەر نەمخەیە سەر ڕێی زەلالەت، لێم دەپرسن زۆر بە شیددەت 'قالَ مَنْ ربّکَ مَیتْ' کێت پەرەست، کێت پیغەمبەر کێت پەرستوە، کوا ئیمامت، مەزهەب و دین و کەلامت؟ حەشر و میزان و مەقامت، بۆم بەیان کە ئەو خەبەر بۆم بەیان کە سیڕڕی قەلبی، ئەی خودایە تۆم تەبیبی من دەڵێم (اللّەُ رَبِّی)، با خەلاس بم لەو خەتەر با خەلاس بین لەو مەقامە، ئاخری دونیا تەمامە جەمعی ئوممەت خاس و عامە، ڕێی حەشرمان دێتە بەر دەشتی مەحشەر وا دەبەستن، جەمعی مەخلووق سەف دەبەستن یەک‌هەزار ساڵ ڕادەوەستن، لێمان ناپرسن خەبەر ناپرسن لێمان چ حاڵە، دەشتی مەحشەر دێتە ناڵە ئاگر و پۆلوو و زوخاڵە، نامێنێ حیلم و بەسەر نامێنێ عیلاج و چارە، چەندهەزار کەس بێ‌ژمارە باب لە فرزەندی بێزارە، ئەو لەبەر شین و چەمەر ئەو لەبەر گریان و شینە، (قَالُوا یَا رَبِّ رَضِینَا) کوا محەممەد شای مەدینە، بۆچ لێمان نابێ خەبەر؟ بۆچ خەبەردار نابێ لێمان، سووت دڵ و جەرگ، قەلب و پێمان یەک‌هەزار ساڵ حەشرە جێمان، کوا حەبیبی ڕۆژی حەشەر کوا حەبیبی کوللی عالەم (مَا تَقَدَّمَ قَبْلُ آدُم) پاک لە مەحشەردا بووین جەم، بوو زوخاڵ سەمع و بەسەر بوو زوخاڵ سەمع و بەسەرمان، باری عیسیان کەوتە سەرمان چاو کە هەڵنایە لە شەرمان، دەستەو ئەژنۆ قوڕبەسەر دەستەو ئەژنۆ ڕۆدەنیشن، پڕ گوناهان ڕادەکێشن خێر و عیسیانمان دەکێشن، هەم بە میزان سەربەسەر پڕگوناهان دێن و چوونە، دەفتەری وان سەرنگوونە (فَاقْرَؤُوا مَا تَفْعَلُون، قَدْ دَخَلْتَ فِي السَّقَر) ئەو سەقەر ئاور گرینە، بۆ کوفاران زۆر بەتینە دێتە سەر عالەم بە کینە، نامێنێ هۆش و خەبەر نامێنێ هۆش لەو سەعاتە، دێ جەهەننەم بانگ دەکاتە کوانێ تاریکەسەلاتە، چاوەڕێی وانە سەقەر جێ و مەقاممان زەمهەڕیرە، باسی مەحشەر زۆر کەسیرە پێغەمبەرمان دەستگیرە، چاکە بیکەین موختەسەر موختەسەر کەین باسی زیللەت، دەکرێ حەشری کوللی ئوممەت یەک بە ڕەحمەت، یەک بە زەحمەت، ڕێی سیڕاتمان دێتە بەر بۆن شەفیع کە تۆ بە ڕەحمەت نەنخەیە تاریک و زوڵمەت پێن عەتا کە قەسری جەننەت (إعْطِنا طُوبَىٰ) شەجەر دێتە بەرمان ڕێی سیڕاتە، بۆ گونەهبار، جێی نەهاتە یاڕەبی بن‌دەی نەجاتە، بۆن شەفیع کە پێغەمبەر تۆی شەفیعول‌موزنیبینە، لەو دەمەی ئاور بەتینە تۆی پەنای مە شای مەدینە! بۆن شەفیع کە پڕهونەر 'ئەحمەدی کۆر'ی فەقیرە، حەق تەعالا دەستگیرە باری عیسیانت کەبیرە، نەمخەیە سەر ڕێی خەتەر ++++++++++++++++++++++ سەرناو: ئه‌ی سه‌ییادی باکەماڵە، هێنده‌ دڵ نه‌خجیر مه‌که‌‌ سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ١٣٦ـ١٣٨. - نووسین: نەسرین ڕەحمانی ئه‌ی سه‌ییادی باکەماڵە، هێنده‌ دڵ نه‌خجیر مه‌که‌‌ کوشتنی عاشق حه‌ڵاڵه، ‌ له‌و ڕه‌قیبه‌ بیر مه‌که‌ چی ڕه‌قیبه‌ ڕەدد و ئینکار، نین له ‌ده‌ردی دڵ خەبەردار هەر دەڵێ عوششاقی بێکار، بیکووژە ته‌قسیر مه‌که‌ تۆ لە قەتڵیت خێر دەگاتێ‌، مه‌یده‌یه‌ ئاوی حه‌یاتێ ئه‌رزێکی نه‌فعت نه‌داتێ، ماڵی لێ ته‌عمیر مه‌که‌ لێی مەکە تەعمیر بە جارە، زەحمەت و ڕەنجت خەسارە یا مەدە تۆ کەس جغارە، یا لە خۆی دڵگیر مەکە هه‌ر که‌سێک بێ‌بیروڕا بێ، شیبهی دار وشک و ڕەها بێ حەز دەکەم عەیشی نە چا بێ، کاری بێ ته‌دبیر مه‌که‌ کار و ئەسبابی جیهانی، جوملە بێ نەفعی‌یو فانی له‌فزێکی مه‌عنی نه‌زانی، مه‌عنی‌یی ته‌فسیر مه‌که‌ وەک خەلیلی پاک دین بە، ساحێبی سیدق و یەقین بە (لَا أُحِبُّ الْآفِلِين) بە، خۆفێ ئەز ئاگر مەکە ئاگری نەمروود و شەیتان، بۆ خەلیلی بوو بە ڕەیحان گەر تۆ هەی ساحێبی ئیمان، قەلبی خۆت کافر مەکە زه‌خمی په‌یکان تیری مه‌ستان، خه‌لعه‌تن بۆ دڵ دروستان تۆ میسالی ته‌ن په‌رستان، پارێز ئەز شمشیر مه‌که‌ زەربێکی شمشیر بارە، قاتڵی چەندین هەزارە نایچێژێ تیری لە ژارە، فکری شەکر و شیر مەکە فکری شەکر و شیر شیرینە‌، ئایینه‌ی قەلبت ببینە تۆ له‌ بوخڵ و بوغز و کینه، ‌ جان و دڵ ماهیر مه‌که‌ ماهیری فیعلی بەتاڵە، دڵ بە دنیا ئیشتیغاڵە دەم لە عیلمی قیل و قاڵە، شیبهەتی شاعیر مەکە شاعیری‌یو تەڕزبانی، خاسە وەسفی یاری جانی کیمیایی دڵ نه‌زانی، تەن وەکی ئیکسیر مه‌که‌ 'ئه‌حمه‌دی کۆر' به‌هری جانان، به‌س بکه‌ داد و فوغانان تۆ ڕەئیسی حیلەزانان، هێندە دەم تەزویر مه‌که‌ ++++++++++++++++++++++ سەرناو: ڕۆژو و شەو دەکەم ڕجایێ، لەو بینایی کردگار سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ٧٢و٧٣. - نووسین: نەسرین ڕەحمانی ڕۆژو و شەو دەکەم ڕجایێ، لەو بینایی کردگار بە داییم دەکەم دۆعایێ، تا ببینم ڕوویی یار ڕوویی یار با ببینم، شاد دەبێ قەلبی حەزینم دڵبەری شۆخ و شیرینم، گوڵ ڕوخی سیمین عوزار گوڵ ڕوخی سیمین جەبینە، شۆخ و شەنگ و نازەنینە قیمەتی چاوانی نینە، موڵکی ئیسلام و کوفار موڵکی ئیسلام و فەرەنگە، نین بەهای یاری چەلەنگە هەر کە یار لێی دام خەدەنگە، لێم بڕا سەبر و قەرار لێم بڕا سەبر و شەکیبە، ناڵینم چون عەندەلیبە بێنە سەر من سەد تەبیبە، دەردی من ناکەن چ چار دەردی من ناکەن دەوایە، بە کەسم نایە شفایە ڕۆژ و شەو حاڵم وەهایە، پێم نەماوە ئیختیار ئیختیارم پێ نەماوە، گۆشەیی جەرگم بڕاوە وا لە عیشقی ئەو دوو چاوە، سووت بەدەن سەر تا بە خوار سووت بەدەن، لە عیشقی یارێ، خوێن لە چاوانم دەبارێ میسلی بارانی بەهارێ، داییمە لەیل و نەهار داییمە من هەر دەناڵم، جان و دڵ وەک کۆی زوخاڵم کوشتەی دوو برۆی هیلالم، ئەی گەلی ئەغیار و یار ئەی گەلی یار و عەزیزان، دەردی عیشقی ڕوو تەمیزان نایەتە کێشان و میزان، بێ بە میزان سەد هەزار بێ میزان و بێ حیسابە، ئاگری ساحێب مەهابە جەرگ و دڵ میسلی کەبابە، هەر سووتا لەیل و نەهار خاریج (از) حەد و میزانە، تیر لە جەرگم وەک بارانە بۆ تۆ دڵ وەحشی و نەزانە، یاری ساحێب ئیختیار هەر کە ساحێب ئیختیار بێ، مەقسوودی وی دینی یار بێ ئەو لە سەر قەول و قەرار بێ، زوو دەبێتن ڕەستگار 'ئەحمەدی کۆر' تۆش لەوانی، دات بە با عومری جەوانی ئاخری دنیات نەزانی، چۆن دەبێتن ئاخری کار ++++++++++++++++++++++ سەرناو: دیم لە خەودا شاد و خوڕڕەم یاری من بادەی دەوێ سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ١٥٨-١٥٩. - نووسین: نەسرین ڕەحمانی دیم لە خەودا شاد و خوڕڕەم یاری من بادەی دەوێ دەس لە ناو دەس، دەم لە ناو دەم، وەی لە شادی ئەو شەوێ دوێشەوێ عەیش و نیشات بوو، کەیف و ئاهەنگ و بیسات بوو بۆ کزەی دڵ ئەو نەجات بوو، ناگەهان ڕابووم لەوێ وەختێ بیدار بووم نە کەس بوو، تەن سەراسیمەی هەوەس بوو ڕۆح هەراسانی قەفەس بوو، لاڵ و کەڕ کەوتم لەوێ لاڵ و کەڕ وەک زولعویوبان، کەشفی ئەبسار و قولووبان بمدەنێ بێ ڕووی حەبیبان، حاشەلیللا نامەوێ نامەوێ مەقسوودی حاسڵ، گەر نەبم بەو یارە واسڵ کۆنەدنیا پووچ و باتڵ، غەیری زاتی پەرتەوێ غەیری شوعلەی ڕوویی جانان، پووچە کاری دوو جیهانان ئەز دەکەم ناڵە و فوغانان، ڕۆژ و شەو شیبهی کەوێ هەروەکوو کەو لە کۆساران، ئەز دەناڵم لەدووی یاران بەڵکوو جارێکی لە جاران، دەست و دەستی یار کەوێ دەست بگاتە دەستی یارێ، خۆش بکا داخ و جخارێ دەنگی هاتیف هاتە خوارێ: بگرە گۆشەی پێشڕەوێ پێشەوایی جینن و ناسان، دەستگیری عام و خاسان من خەلاس کە زۆر بە ئاسان، غەیری تۆم قەت کەس نەوێ (غیر تو کس ما ندیده، بر جمال حق رسیدە) (چند کلام از سر شنیدە) بۆ دوو عالەم خوسرەوێ خوسرەوێ خووبانی عالەم، زوبدەیی ئەولادی ئادەم خاکی پات شاهان و حاتەم، دوژمنی خورد و خەوێ ئەز لە سەر ئەکل و شەڕابم، حاڵ‌نەزان و ماڵ‌خەرابم بۆیە قەت دڵشاد نابم، من سەعاتێ بێ ئەوێ بێ ئەوێ یاری بەنازە، ساحێبی عەیش و نیازە مەرهەمە بۆ زامی تازە، دامەنی گەر دەس کەوێ دامەنی خەرقەی ئیتاعەت، سەییدی ساحێب شەفاعەت من دەکەم پای تۆ زیارەت، خاکی نەعلی تۆم دەوێ خاکی نەعلی ئەسپی تاها، سورمەیە بۆ چاوی ئەعما ئاخ لە مەکری کۆنە دنیا، کەس بە ڕاحەت ناخەوێ پیر و بدفیعل و خیسالە، قەحبەیە پڕ عومر و ساڵە خۆی نیشان دام یەک جەماڵە، مات و حەیران بووم لەوێ ئەم جیهانی بەد خەرا بی، تاکوو تێیدای چاکە چا بی دوێنێ کوڕ بووی ئەمڕۆ بابی، سبحەی و دووش پیر لەوێ دووسبەی پیر و فتادە، ڕێ بە مەنزڵ کەج نیهادە عومری زایع، ڕەنج بەبادە، بێ سەبەب پیریت دەوێ هەرکەسێ دوشمن لەپاڵ بێ، عومری زایع، ڕەنج بەتاڵ بێ هەر دەبێ زووی بۆ زەواڵ بێ، ڕۆژ و شەو قەت نەسرەوێ 'ئەحمەدی کۆر' تەن لە فاق دە، دڵ بە حوببی یاری تاق دە یەک بخوازە و یەک تەڵاق دە، نابنە دۆستت دوو هەوێ ++++++++++++++++++++++ سەرناو: هێند بە دیتنت ئینتیزارم، خواردنم خوێنە و زوخاو سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ١١١-١١٤. - نووسین: نەسرین ڕەحمانی هێند بە دیتنت ئینتیزارم، خواردنم خوێنە و زوخاو دڵ تەنووری پڕ لە نارم، ئاخ لەبۆ یەک قەترە ئاو ئاخ لەبۆ دڵ میهرەبانێ، لەفز خۆشێ، حاڵ‌زانێ دڵبەری شیرین زبانێ، باوەشێن کا جێی سووتاو باوەشێن کا جەڕح و زامان، دڵبەری شۆخ و خەرامان یار وەبیر بێنێ غوڵامان، زوڵف ڕیحان لوول و خاو زوڵف ڕیحان، لوول و کڕژن، وا لە هەنیانت دەچڕژن جەرگ و دڵیان پێ دەبرژن، تەن دەنێنە جۆش و تاو تەن وەکوو کوورەی حەدادە، حەق بدا وەعدەی مرادە یار بەبێ قەول و عینادە، ڕەحم کا بە منی 'بێ چاو' ڕەحمێ کا بە منی هەژارە، جارێکی پێم بڵێ بەزارە شەربەتە بیخۆ بیمارە، ڕۆحم ئیحیا کا تەواو حەی بکا ئەرواح و جانم، حۆریی حەوت ئاسمانم لەیلەتولقەدری زەمانم، تۆی دەوای جەرگی بڕاو دڵبەرا دەردم دەوا کە، ساتێکی ڕوو لە خودا کە بەس دڵی من پڕ جەفا کە، بەو خەدەنگی، تازە ساو لێم مەدە هێندە خەدەنگان، شای غەزالان شۆخ و شەنگان من لەبەر زەبری نەهەنگان، لێم مەحو بوون ئیسم و ناو لێم مەحو بوون ناو و ئیسمم، سووت دڵ و جان، جەرگ و جیسمم حەق وەهای دا پشک و قیسمم، قەددی ئەلفم بوو بە واو قەددی ڕاستم کوفتە کارە، خەڵک لە ناڵەی من بێزارە ئەو چ دەردێکە دوچارە، هاتە سەر دڵ (از) نەکاو هاتە سەر من ناگەهانی، سیڕڕی مەخفی ‌و‌ نیهانی ئاشکار بوو لە جیهانی، عەقڕەبێ خستوومیە داو عەقڕەب و مار و ئیلانی، قاتڵی ئەرواح و جانی یار بە حاڵم گەر بزانی، بوومە تەیری باڵ شکاو تەیرێکی بێ‌پەڕوباڵم، مایەیی سووت و زوخاڵم دڵ بە جۆش و ئاهـ و ناڵم، لێم حەرام بوو خورد و خاو خورد و خابم لێ حەرامە، مەسکەن و مەئوا و مەقامە بۆت وەها ڕیسوایی عامە، شێخ و شاب و پیر و لاو شێخ و شاب بێ ئیختیارن، هەن لە بەندت، بەندەوارن میسلی وی چەندین هەزارن، هەن لە خاکی پات کوژاو هەن لە خاکی پات هیلاکن، شێخ و سۆفیی سینەچاکن ناڵەکێش و دەردناکن، مەست و ئەقڵ پێ نەماو مەستی تۆن بێ ئەقڵ و هۆشن، بافوغان، شین و خرۆشن دڵ بەناڵە و دەرد جۆشن، دڵبەران دڵ لێ‌ڕفاو دڵبەران دڵ برد بەغارەت، هەرچی یار کردی ئیشارەت بۆ وییە موژدە و بەشارەت، شاهی حەو ئیقلیم تەواو تۆ کە شای مڵکی زەمینی، هەرکەسێ ڕووی تۆ ببینی شاد دەبێ قەلبی حەزینی، زولف هەوری، ڕوو هەتاو ڕووت مەهی دوو پەنج و چارە، ناو بە ناو نەجم و ستارە عەقرەبان لێ گرت قەرارە، شوبهی شەمعی دڵ گڕاو شوبهی شەمعی شەو زولامە، پێی نەهێشتم ئەقڵ و فامە شوبهەتی وەحشی گەڕامە، تۆ منت کرد نەخچیر و ڕاو تۆ منت کرد نەخچیر و سەیدە، نات لە پام زنجیر و قەیدە جانی جانان ئەو چ کەیدە، بوومە دانەی ناو خوراو بوومە سەرمایەی جغاران، دڵ بە فیدای زولفی یاران داییمەن سوبح و ئێواران، لێی دەدا نەرمە خوناو وان خوناوان لێ دەبارن، نافەیی ئاهووی تەتارن شوبهەتی شەبهایی تارن، عەتر و ڕیحان بۆی گوڵاو عەتر و ڕیحان گوڵ شەمیمە، قەد ستوونی زێر و سیمە دڵ لەسەر عەهدی قەدیمە، دڵبەری زێڕین کڵاو دڵبەری قەد زێڕ ستوونە، تەختی عەقرەب لێی سکوونە هێندەیان شیر لێ دەسوونە، دەس‌خەتی حەققن تەواو دەس‌خەتی سونعی جەلالن، مەکتەبی پڕ خەت و خاڵن لەشکری غەم وەک مناڵن، قەت لە من نابن بڵاو 'ئەحمەدی کۆر'ی هەژارە، جارێکی تۆ بڵێی بە زارە شەربەتە بیگرە بێ‌چارە، ڕۆحم ئیحیا کەی تەواو 'ئەحمەدی کۆر'ی بێ‌چاوە، سەبر و هۆشت لێ بڕاوە ئاگری دڵ هێند بەتاوە، پێت نەما جەرگ و هەناو ++++++++++++++++++++++ سەرناو: شەو دێ لە عومرم کەم دەبێ، جا چۆن دڵم پڕ غەم نەبێ؟ سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ١٥٩-١٦١. - نووسین: نەسرین ڕەحمانی شەو دێ لە عومرم کەم دەبێ، جا چۆن دڵم پڕ غەم نەبێ؟ ڕۆژ دێ لە عومرم کەم دەبێ، جا چۆن دڵم پڕ غەم نەبێ؟ دنیا بەوەندە مەکر و فەن، ڕۆح خۆشەویستە دەر بەدەن هیجرەت دەکاتن ئەز بەدەن، جا چۆن دڵم پڕ غەم نەبێ؟ هەر کەس کە بیبێتن کەماڵ، دنیای وا پووچ و بەتاڵ نەیکا دەبێ قەت‌قەت خەیاڵ، جا چۆن دڵم پڕ غەم نەبێ؟ منداڵ و خزم و دایک و باب، دەمرن ئیدی نادەن جەواب بۆ تۆ بەسە هێندە خیتاب، جا چۆن دڵم پڕ غەم نەبێ؟ دنیا بۆ کەس ناچێتە سەر، بێ‌ئیعتیبارە و بێ‌هونەر دەمرن فەقیر و موعتەبەر، جا چۆن دڵم پڕ غەم نەبێ؟ خاکین دەبێ ببین بە خاک، دانیشتووین بێ خۆف و باک مەعلوومە هەر دەبین هیلاک، جا چۆن دڵم پڕ غەم نەبێ؟ بەو خوایە پێت دەڵێم فەقیر، ئەتۆ خودا مەکە لە بیر وەختێ دەبێ بکەویە گیر، جا چۆن دڵم پڕ غەم نەبێ؟ داییم لە دوام شەقیه ئەجەل، ئەو توند و تیژ من کوێر و شەل دەمخاتە ناو داوی ئەمەل، جا چۆن دڵم پڕ غەم نەبێ؟ غەڕڕە مەبە غەڕڕە مەبە، چی فەرموو حەق تۆش هەر وەبە ڕابرد چی دەسگا و دەبدەبە، جا چۆن دڵم پڕ غەم نەبێ؟ چەند هاتن و چوون سوڵتان و شا، مردن، لە تەختی بوون جودا واحید دەمێنێ هەر خودا، جا چۆن دڵم پڕ غەم نەبێ؟ ماڵ و خێزان و دەوڵەتم، لەحزێکی نادەن مۆڵەتم لێم تێک دەدەن جێ و حورمەتم، جا چۆن دڵم پڕ غەم نەبێ؟ لەو قەبرەدا تاریک و قووڵ، دادەنیشن مات و مەلوول ناکرێین عیلاج بە زێڕ و پووڵ، جا چۆن دڵم پڕ غەم نەبێ؟ لەو قەبرەدا تەنیا نەفەس، بۆ کەس نییە فەریاد ڕەس چاکە بکەین تەرکی هەوەس، جا چۆن دڵم پڕ غەم نەبێ؟ غەمگینی دڵم چاترە، بە زاهیر نەفسم کافرە لێم دەمڕن دۆست و برا، جا چۆن دڵم پڕ غەم نەبێ؟ ئەوجار وەرە سەیری مەزار، مردن فەقیران و هەژار کەوتوون تێیدا چەندین هەزار، جا چۆن دڵم پڕ غەم نەبێ؟ قەت نوێژ و ڕۆژوو ناگری، بۆ کاری دنیا حازری پێت وایە قەت‌قەت نامری، جا چۆن دڵم پڕ غەم نەبێ؟ 'ئەحمەد' بەس کە لە خەبەران، سینەت خەزێنەی گەوهەران نەسیحەتە بۆ برادەران، جا چۆن دڵم پڕ غەم نەبێ؟ ئەی 'ئەحمەدی کۆر'ی فەقیر، بە دەستی نەفس بووی ئەسیر جەهەننەمت کردوە لەبیر، جا چۆن دڵم پڕ غەم نەبێ؟ ++++++++++++++++++++++ سەرناو: دڵ دەسوتێ بە شیبهی مۆم، ئەو لە داخ و حەسڕەتێ سەبارەت: دیوانی شێخ ئەحمەدی کۆر، لێکدانەوەی: مەلا مستەفا ڕەشیدی 'زاواکێو'، چاپی یەکەم٫ ١٣٩٣ هەتاوی، لاپەڕە ١٦٢-١٦٤. - نووسین: نەسرین ڕەحمانی دڵ دەسوتێ بە شیبهی مۆم، ئەو لە داخ و حەسڕەتێ عاشقی جەماڵی ڕووی تۆم، کوشتوومی خاڵی جەبهەتێ کوشتمی خاڵی ڕووی تۆ جانە، خاڵی ڕەش نەقش و نیشانە پێی بدەی هەر دوو جیهانە، هەرزان دەبێ بۆ قیمەتێ هەرزانە شۆخ و شیرینە، پێم نەماوە عەقڵ و دینە قیمەتی مەککە و مەدینە، بیفرۆشی خاڵ و خەتێ بیفرۆشی تاڵان و غارەت، هەر کەسێ بیکا زییارەت بۆی دەبێتە شکڵ و قامەت، میسلی کەعبە و قیبلەتێ میسلی کەعبە و قیبلەی عالەم، شوکر و لیللا هەر تۆی خاتەم حەق لە نەسڵی پاکی ئادەم، بابی جەمعی ئوممەتێ بابی جەمعی ئینس و جانی، سەییدی هەر دوو جیهانی جەوهەری تیغی دەبانی، هەم لە دنیا و ئاخرەتێ لە دنیا و ئاخیرەت موختاری، دەری خەزنەی کردگاری بۆ دەوای دەرد و بیماری، لوتف کە جامی شەربەتێ لۆتف کە جامی شەڕابە، دڵ دەسووتێ وەک کەبابە وەختە ببمە قەترێک ئابە، مردم لە داخ و حەسڕەتێ مردم لە داخی جەبینت، جەبهەتی ڕووی گوڵینت زوڵف و گێسووی موشکینت، سووڕەتی شکڵی حیکمەتێ سووڕەتی شکڵی شەفافە، شکڵی سووڕەت نووری سافە جارێکی بتکەم تەوافە، ناتدەم بە ڕووزەی جەننەتێ نامەوێ بێ غەیری تۆیە، حەق بدا بتکەم بە بۆیە بێ‌شکە جەننەت بە تۆیە، جێ و مەکانی ڕاحەتێ جێ و مەکانی خاس و عامان، دڵبەری مەست خەرامان مەڵحەمی بۆ جەڕح و زامان، مەیبەرە ئاخیرەتێ با نەچێتە قیل و قالە، ئەز فیدات کەم جان و ماڵە وا دەکێشم ئاهـ و ناڵە، داییم ئاهـ و ناڵەتێ داییم هەر ناڵین و شینە، کار و پیشەم هەر گرینە غەیری تۆ هیچ کەسم نینە، کە بۆم بکا شیفاعەتێ لوتفەکەت داد و کەرەمە، عەفوو کە گوناهان لەمە بۆ خاتری شەوی دووشەمە، چوویە میعراج بۆ ئۆممەتێ بۆم بکا تکاو ڕەجایە، محەممەدەلمستەفایە بۆ خاتری شەوی ئیسرایە، میعراجت بوو بۆ ئوممەتێ چوویە میعراج هێنات خەڵات، گوفت‌وگۆت بوو دەگەڵ خودات چووی و هاتیەوە دەر سەعات، لە لامەکانی وەحدەتێ 'ئەحمەدی کۆری مەهدەران'، سینگی تۆم تەختی گەوهەران بێنەدەر بۆ برادەران، مەیبەرە ئاخیرەتێ ++++++++++++++++++++++ سەرناو: شەو و ڕۆژ بێ قەرارم ئەز، لە عیشقی ڕوویی نەوگولها سەبارەت: نووسین: بینایی دیدە شەو و ڕۆژ بێ قەرارم ئەز، لە عیشقی ڕوویی نەوگولها دەکەم تەی چۆڵ و بەید و بەڕ، بەناڵین شیبهی بولبولها به قەیدی زولفی تۆ ئەیمەن نییە، مەجنون و عاقلها (ألا أيها الساقی أدر كأسا و ناولها کە عشق آسان نمود اول، ولی افتاد مشکلها) لە شکڵی تۆم لە ڕووی ئەرزێ نەهات و هەم نەمی ئایەد لە بۆ عوششاقی دڵ مەحزون حبیبی چون تو کەی ئایەد لە نەسلی ئادەم و حەووا، حەبیبی چون تو، چون زایەد (بە بوی نافەای کآخر صبا زان طرە بگشاید ز تاب جعد مشکینش چە خون افتاد در دلها) هەموو، عالەم، لە شەڕق و غەڕب لە بەحر و بەڕ، فیدای ڕویەت جەمیعی کافر و ئیسلام، بە فیدیەی قەددی دڵجویەت تەمامی ئەهلی عوششاقان قەتیلی قەوسی ئەبرویەت (به می سجاده رنگین کن، گرت پیر مغان گوید که سالک بی خبر نبود ز راه و رسم منزلها) دەڵێم بەو نەرگسی چاوان ئیمان و عەقڵ و دین بوردەم لە داخ و حەسڕەتی جانان زیاد بوو میحنەت و دەردم وەکو شەمعێ بە سۆز و گڕ، وەکو پەروانە بێ پەردەم (مرا در منزل جانان چه امن و عیش چون هردم جرس فریاد می دارد که بر بندید محملها) لەوێ ڕۆژێ کە تۆ خوڵقای هەمو عالەم بە تۆ ماییل دەکەن ئەرجوو و تەمەننایە، لە دەرگاهت وەکو ساییل چ موشتاقن ببینن ڕووی تۆ بێ پەردە و حاییل (شب تاریک و بیم موج و گردابی چنین هایل کجا دانند حال ما سبکباران ساحلها) فیدایی قەددی نەو تەرزت، ڕوحی من ئەی شەهی نادر کە تۆی خوڵقاند لە نوری خۆی، قەدیم و قەییوم و قادر عەجەب نەقش و نیگارێک بوی لە ڕوی عالەم کە بوی زاهر (همە کارم ز خودکامی بە بدنامی کشید آخر نهان کی ماند آن رازی کزو سازند محفلها) ئەلا ئەی (ئەحمەدی کور)ی زەلیل و خەستە، تەن عاجز لە داخ و حەسرەتی جانان مەلول و مات و گەردن کز دڵت چون خانەیی زەنبور و عەقاریبان لە سەر نا جز (حضوری گر همی خواهی از او غائب مشو حافظ متی ما تلق من تهوی، دع الدنیا و أهملها) ++++++++++++++++++++++