شاعیر: شێخ سەلام کتێب: چوارینەکانی خەییام سەرناو: کێ بوون ئەوانەی بەر لە مامۆستا هەژار خەییامیان وەرگێڕا سەبارەت: نووسین: کەماڵ ڕەحمانی من یه‌که‌مین که‌سێک نه‌بووم که‌ خه‌ییام بکه‌م به کوردی. له پێش مندا کامران عالی به‌درخان له ژماره‌ی ڕۆژنامه‌ی ڕووناهیه‌که‌یدا ـ به‌کرمانجی ـ په‌خشی ده‌کرد. شێخ سه‌لامیش به‌ شێوه‌ی کوردی هه‌شت بڕشت وه‌ریگێڕا و عه‌لائه‌دینی سه‌جادی بۆی له‌چاپ دا و چه‌ند نمونه ته‌رجه‌مه‌ش له‌ فازیل و مامۆستا گۆرانی ده‌گه‌ڵ خست. ئه‌حمه‌د شاڵیش ـ که ماموستای مه‌دره‌سه‌ بوو ـ ئه‌م کاره‌ی به‌جێ‌هێنابوو؛ که‌ نه‌مدیوه چاپ کرابێ. پێشەکی چوارینەکانی خەییام، وەرگێڕاوی: مامۆستا هەژار. ++++++++++++++++++++++ سەرناو: ئەم گۆزە وەک من عاشقێ بوو زار سەبارەت: نووسین: کەماڵ ڕەحمانی - پێداچوونەوە: بینایی دیدە ١ ئەم گۆزە وەک من عاشقێ بوو زار بە تاڵی زولفی یارێ گرفتار ئەم دەستە ئێستە تەوقی ملیەتی دەستێ بوو، کام دەست؟ دەستی ملی یار «شێخ سەلام» ئەم گۆزە وەکوو من بووە، دڵدار و هەژار جارێکی دڵی خۆش بووە، سەدجار خەمبار ئەو هەنگڵ و دەسگرەی لە ملیا دیوتە دەستێ بووە زۆر خراوەتە سەر ملی یار «هەژار» ئەو گۆزەش وەک من کوشتەی یارێ بوو گیرۆدەی داوی چاو بەخومارێ بوو ئەو قوڵفەش کەوا لە گەردنیایە دەستێک بوو لە مل شەدەلارێ بوو «ئەحمەد شاڵی» ئەم گۆزە وەک من دڵدارێ بووە گیرۆدەی زوڵفی نیگارێ بووە ئەو دەسکەی ئێستا قوڵفە لە ملیا سەردەمێک دەستی مل یارێ بووە «گۆران» این کوزه چو من عاشق زاری بوده‌است، در بندِ سرِ زُلفِ نگاری بوده‌است؛ این دسته که بر گردن او می‌بینی دستی است که بر گردن یاری بوده‌است! «خیام» ++++++++++++++++++++++ سەرناو: بەر لە من و تۆ شەو و ڕۆژێ بوو سەبارەت: نووسین: کەماڵ ڕەحمانی - پێداچوونەوە: بینایی دیدە ٢ بەر لە من و تۆ شەو و ڕۆژێ بوو چەرخی جەفاکار ئەهات و ئەچوو بۆ سەر ئەم خاکە پێ بە ئەسپایی دانێ، چاوەکەم، چاوی یاری بوو «شێخ سەلام» پێشی من و تۆش ڕۆژ و شەوێک بوون کاکە گەردوون لە گەڕانا بوو وەکوو ئێستاکە لەم سەرزەوییە لە هەر جێ پێ وەگوێزی خۆڵ و گڵی چەند چاو و دڵە ئەو خاکە «هەژار» بەر لە من و تۆ ڕۆژگارێ بووە خول خواردنی چەرخ بۆ کارێ بووە ها سووک پێ ‌دانێ لەسەر خاکی ڕەش ڕەشێنەی چاوی نیگارێ بووە «گۆران» پیش از من و تو لیل و نهاری بوده است گردنده فلک نیز به کاری بوده است هرجا که قدم نهی تو بر روی زمین آن مردمکِ چشم ‌نگاری بوده است «خیام» ++++++++++++++++++++++ سەرناو: ئەم کەلاوەیە کە دنیای نامە سەبارەت: نووسین: کەماڵ ڕەحمانی - پێداچوونەوە: بینایی دیدە ٣ ئەم کەلاوەیە کە دنیای نامە ئارامگاهی بەیانی و شامە ١ بەزمێکە لە سەد جەمشید جێماوە قەسرێکە تەکیەی سێ‌سەد بەهرامە «شێخ سەلام» ١. ئەم میسراعە بۆ ڕاگرتنی کێش دەبێ ئاوا بێ: ئارامەگاهی بەیانی و شامە ئەم کۆنە سەراوپەردە کە دنیای ناوە شایی لە بەرێک، شینە لە پێنسەد لاوە ئەم خوانچەیە بەرماوی هەزار جەمشیدە گۆڕە و گەلێ بارامی تیا نێژراوە «هەژار» ئەم سەرا کۆنەی ناوی جیهانە لەسەر ڕێی گەشتی شەو و ڕۆژمانە بەزمێکە لە سەد جەمشێد جێ‌ماوە سەد بەهرام هات و چوو لەم وێرانە «گۆران» این کهنه رباط را که عالم نام است وآرامگه ابلق صبح و شام است بزمی‌ا‌ست که واماندهٔ صد جمشید است قصری‌است که تکیه‌گاه صد بهرام است «خیام» ++++++++++++++++++++++ سەرناو: ئەو قەسرە کەوا بەهرام بوو خێوی سەبارەت: نووسین: کەماڵ ڕەحمانی - پێداچوونەوە: بینایی دیدە ٤ ئەو قەسرە کەوا بەهرام بوو خێوی لانەی ئاسکە، جێ ڕاوی رێوی بەهرام چۆن گۆڕی کرد بە بریانی گۆڕیش بەهرامی وا کرد بە شێوی «شێخ سەلام» لەو کۆشک و سەرایەدا کە جەم جامی گرت ڕێوی ترەکیوە، مامز ئارامی گرت بارام کە هەموو ژیانی خۆی گۆڕی دەگرت دیت بە چ جۆرێ گۆڕێ بارامی گرت؟! «هەژار» ئەو کۆشکەی جێگای کەیفی جەمشید بوو ئاسک تیا ئەژی و مام ڕێویش بێچوو بەهرام کە گۆڕی ئەکرد بە کەباب گۆڕ گرتی خۆی و مردوو بەسەرچوو «احمد شاڵی» ئەو کۆشکەی بەزمی تیا گێڕا بارام بۆ ئاسک و ڕێوی بوو بە جێی ئارام بارام کە گۆڕی ئەگرت تا مابوو نەتدی گۆڕ ئەوی چۆن گرت سەرئەنجام؟! «گۆران» آن قصر که جمشید در او جام گرفت، آهو بچه کرد و روبَهْ آرام گرفت؛ بهرام که گور می‌گرفتی همه عُمر، دیدی که چگونه گور بهرام گرفت؟! «خیام» ++++++++++++++++++++++ سەرناو: ئەو دەشتە کەوا هەر لالەزارە سەبارەت: نووسین: کەماڵ ڕەحمانی - پێداچوونەوە: بینایی دیدە ٥ ئەو دەشتە کەوا هەر لالەزارە گوڵاڵەی خوێنی چەن شەهریارە وەنەوشەی ڕەنگ‌شین لە خاک دێتەدەر دەنکە خاڵەکەی سەرگۆنای یارە «شێخ سەلام» هەر پنجە گوڵێکی سوور لە گوڵزارێ بوو ئەو سوورییە خوێنی دڵی دڵدارێ بوو هەر پەلکە وەنەوشەیەک لە هەردێ دەردێ خاڵێکە لەسەر ڕوومەتی نازدارێ بوو «هەژار» لە هەر جێ گوڵ و لالەزارێکە ئەو گوڵە خوێنی پاشای شارێکە هەر وەنەوشەیەک دەم ئەکاتەوە خاڵی سەر گونای چاو بەخومارێکە «ئەحمەد شاڵی» لە هەر دەشتێکا کە گوڵزارێکە ڕەنگی گوڵ خوێنی شەهریارێکە، وەنەوشەی مۆری لە گڵ دەرهاتوو خاڵێکی جوانی ڕووی نیگارێکە! «گۆران» در هر دشتی که لاله‌زاری بوده‌است از سُرخی خون شهریاری بوده‌است هر شاخ بنفشه کز زمین می‌روید خالی است که بر رُخ نگاری بوده‌است «خیام» ++++++++++++++++++++++ سەرناو: دەستمایەی عومرم لە دەستم دەرچوو سەبارەت: نووسین: کەماڵ ڕەحمانی ٦ دەستمایەی عومرم لە دەستم دەرچوو بە پەنجەی ئەجەل جگەر کون کون بوو ناگەڕێتەوە کەسێ لەو دنیا تا لێی بپرسین ئەحواڵی مردوو «چوارینەکانی خەییام، وەرگێڕاوی: شێخ سەلام. » داخم ئەوی دێر هات و ئەوی کەوناران هاوباوەشی مەرگن و لە دنیا تاران کەس نایەتەوە بەرەو ژیان لێی پرسم: لە کوێیە بنە و باری هەواری یاران؟ «چوارینەکانی خەییام، وەرگێڕاوی: مامۆستا هەژار. » سەرمایە و قازانج هەمووم لە دەست چوو زۆر جەرگی بڕی ئەجەلی بەدخوو کەس نەهاتەوە لەو دنیا تاکوو بزانین باسی مردوەکان چی بوو «چوارینەکانی خەییام، وەرگێڕانی: ئەحمەد شاڵی» هەی داخ دەستمایە لە چنگمان دەرچوو لەدەست مەرگ گەلێ جگەر کون‌کون بوو خۆ کەس لەو دنیا نایە لێی پرسم ئەنجامی کاری زووتر کۆچ کردوو «وەرگێڕاوی چوارینەکانی خەییام، مامۆستا گۆران» افسوس که سرمایه ز کَف بیرون شد، در پایِ اَجَل بسی جگرها خون شد! کس نامد از آن جهان که پرسم از وی: کاحوالِ مسافرانِ دنیا چون شد؟ «خیام. » ++++++++++++++++++++++ سەرناو: نامەی جوانیم پیری زوو دڕی سەبارەت: نووسین: کەماڵ ڕەحمانی ٧ نامەی جوانیم پیری زوو دڕی غونچەی بەهاری شادی هەڵوەری ئەو مەلە کەوا ناوی جوانی بوو کەی هات نازانم، کەی بۆ کوێ فڕی؟ ! «چوارینەکانی خەییام، وەرگێڕاوی: شێخ سەلام. » زستانی ژیانە وا قەلی مەرگە قڕی پیری مڵەیەک بوو ڕەگی لاویمی بڕی باڵداری جوانیم لە لکی ئاواتم هاوارە لە من! چ زووبەزوو نیشت و فڕی «چوارینەکانی خەییام، وەرگێڕاوی: مامۆستا هەژار. » حەیف ڕۆژانی جوانیم بەسەر چوو بەهاری تازەی ژینم وشک بوو ئەو باڵندەیەی کە گەنجی ناو بوو هاوار نازانم کەی هات و کەی چوو «چوارینەکانی خەییام، وەرگێڕانی: ئەحمەد شاڵی» ئەفسوس! تۆماری جوانیمان تەی بوو بەهاری تازەی شادیمان (دەی) بوو ئەو مەلە مەستەی جوانی بوو ناوی هەی داد، نەمزانی کەی هات و کەی چوو «وەرگێڕاوی چوارینەکانی خەییام، مامۆستا گۆران. » افسوس که نامهٔ جوانی طی شد وان تازه‌بهار زندگانی دی شد آن مرغ طرب که نام او بود شباب فریاد! ندانم که کی آمد، کی شد! «خیام. » ++++++++++++++++++++++ سەرناو: یارانی هاوسەر لە دەستم دەرچوون سەبارەت: نووسین: کەماڵ ڕەحمانی ٨ یارانی هاوسەر لە دەستم دەرچوون لە دەریای شینی ئەجەل سەرنگوون هەر یەک شەڕاب و هەر یەک مەجلیس بوو بەڵام دوو دەورە لە من زیاتر بوون «چوارینەکانی خەییام، وەرگێڕاوی: شێخ سەلام. » داخم گەلی یار و خۆشەویستان مردوون لەش خاکی نێوان کۆمەڵێ دار و پەردوون چەشتمان لە مەیەک هەموو لە ناو کۆڕی ژیان پێش ئێمە بە دوو سێ پشوو مەستی کردوون «چوارینەکانی خەییام، وەرگێڕاوی: مامۆستا هەژار. » داخی بە جەرگم هاوڕێکانم چوون ئێسکیان داڕزاو نەمان و مردوون وەک یەک نۆشیمان لە یەک پیاڵە کەمێ پێش ئێمە ئەوان سەرخۆش بوون «چوارینەکانی خەییام، وەرگێڕانی: ئەحمەد شاڵی» یارانی هاودەم هەموو لە دەست چوون لە ژێر پێی مەرگا یەک‌یەک پێ‌شێل بوون لە بەزمی عومرا یەک (مەی)مان نۆشی ئەوانی زووتر خست جامی گەردوون! «وەرگێڕاوی چوارینەکانی خەییام، مامۆستا گۆران. » یاران موافق همه از دست شدند در پای اَجل یکان یکان پست شدند خوردیم ز یک شراب در مجلس عُمر دَوری دو سه پیشتر ز ما مست شدند «خیام» ++++++++++++++++++++++ سەرناو: ئەڵێن لە بەهەشت حۆری و غیلمانە سەبارەت: نووسین: کەماڵ ڕەحمانی - پێداچوونەوە: بینایی دیدە ٩ ئەڵێن لە بەهەشت حۆری و غیلمانە شەرابی ئاڵە و هەنگوینی شانە نان ئەو نانەیه ئەمڕۆ لە خوانە بۆ خۆم هەڵگرم بۆ ئەو زەمانە «شێخ سەلام» ئەڵێن لە بەهەشت حۆری جوان هەیە مەی و هەنگوینی سپی شان هەیە بۆچ یارپەرستی و مەینۆشی نەکەم مادام ئەنجامی کار هەمان هەیە؟! «گۆران» بیستوومە بەهەشتێ هەیە حۆری تێدا ڕووباری شەڕابی پاکی دەڕوا پێدا من لێرە مەی و یارێ پەیا کەم چ دەبێ؟ دەسکەوتەکە هەر یەکن بە هەردووک ڕێدا «هەژار » ئەڵێن بەهەشتە و حوری چاو کەژاڵ شیرە و هەنگوینە و شەرابێکی ئاڵ من باکم چی بێ کە لێرە هەم بێ مەی و یارێکی تەڕی چواردەساڵ «ئەحمەد شاڵی» گویند بهشت و حورعین خواهد بود آنجا مِی و شیر و انگبین خواهد بود گر ما مِی و معشوق گزیدیم چه باک؟ چون عاقبت کار چنین خواهد بود! «خیام» ++++++++++++++++++++++ سەرناو: گەردوون لە زەوی گوڵ ناکا دیاری سەبارەت: نووسین: کەماڵ ڕەحمانی - پێداچوونەوە: بینایی دیدە ١٠ گەردوون لە زەوی گوڵ ناکا دیاری نەیسپێرێ بە خاک، بڕوانە کاری هەور لە جیاتی ئاو، گەر خاک هەڵبگرێ خوێنی نازاران خوڕزەم ئەباری «شێخ سەلام» گەردوون هیچ گوڵێک لە گڵ دەرناکا تا نەیڕزێنێ دیسان لە خاکا لە جێی ئاو خاکی هەڵگرتایە هەور هەر خوێن ئەباری بەسەر خاشاکا «گۆران» هەر خاکێ هەیە خۆڵی لەشی یارانە هەر چاو و دڵی دڵبەر و دڵدارانە وەک ئاو کە هەور خۆڵ و گڵیش هەڵبگرێ تا ڕۆژی حەشر تەوژمی خوێن‌بارانە «هەژار» فەلەک لە زەوی گوڵێکی نەڕوان نەیخاتە خاک و نەیکوژێ دیسان گەر هەور وەک ئاو خاکی ئەباران تا حەشر ئەباری خوێنی پیر و جوان «ئەحمەد شاڵی» گردون ز زمین هیچ گُلی برنارد کش نشکند و هم به زمین نسپارد گر ابر چو آب خاک را بردارد تا حشر همه خون عزیزان بارد «خیام» ++++++++++++++++++++++ سەرناو: ڕەهێڵە ئەکا هەوری بەهاران سەبارەت: نووسین: کەماڵ ڕەحمانی ١١ ڕەهێڵە ئەکا هەوری بەهاران بۆ سەبزەزاری ڕوخساری یاران سەیرانگای منە، ئیمڕۆ ئەم سەبزە بۆ سەبزەی ئێمە کێ دێتە سەیران؟ «چوارینەکانی خەییام، وەرگێڕاوی: شێخ سەلام. » هەور دیسان هات گیای شت بە گریان بێ مەیی گوڵڕەنگ چۆن بژین یاران؟ ئێستا سەیرانگای ئێمەیە سەوزە ئەی سەوزەی خاکمان کێی دێتە سەیران؟ ! «چوارینەکانی خەییام، وەرگێڕاوی: مامۆستا گۆران. » پڕژاندی هەور لە دەشت و دەر بارانی بێ مەی بی دەمێ، تامی ژیان نازانی وا ئێمە لە سەیری سەوزەزارین، داخۆ سەوزەی گڵی ئێمە کێ بکا سەیرانی؟ «چوارینەکانی خەییام، وەرگێڕاوی: مامۆستا هەژار. » هەور هات و گریا دیسان بەهارە وەرە سەرخۆش بین لەم سەوزەزارە ئاخۆ سەوزەگیای سەر گۆڕی ئێمە سبەی سەیرانگای کام هەرزەکارە «چوارینەکانی خەییام، وەرگێڕانی: ئەحمەد شاڵی» ابر آمد و زار بر سرِ سبزه گریست بی بادهٔ گُلرنگ نمی‌باید زیست این سبزه که امروز تماشاگه ماست تا سبزهٔ خاک ما تماشاگه کیست! «خیام. » ++++++++++++++++++++++ سەرناو: سەوزەگیای تازە لێوی جۆیبار سەبارەت: نووسین: کەماڵ ڕەحمانی - پێداچوونەوە: بینایی دیدە ١٢ سەوزەگیای تازە لێوی جۆیبار سروچکە ئەدەن دەمی نەوبەهار نامەردت نەکەن سەرنجی بدەن نیشانت ئەدا، تازە خەتی یار «شێخ سەلام» هەر گیایەک لە گوێ ئاوێک ڕوواوە ئەڵێی مووی لێوی تازە خەت داوە نەکەی گیا هەرگیز بێ‌باک بشێلی لە گڵی لەشی وەک گوڵ خەمڵاوە «گۆران» هەر سەوزە کە تازە لە دەم ئاوێ ڕواوە وەک تازە خەتێ لە لێوی لاوێ ڕواوە هەنگاوێ لەسەر شینکە بە پارێز دانێ ئەو شینکە لە خاکی مەستەچاوێ ڕواوە «هەژار» لە هەر قوژبنێک سەوزە و مێرگێکە لە خوێنی گەشی جوانەمەرگێکە پێ توند دامەگرە لەو سەوزەگیایە ڕەگ و ریشەکەی دڵ و جەرگێکە «ئەحمەد شاڵی» هر سبزه که برکنار جویی رُسته است گویی ز لب فرشته‌خویی رُسته است پا بر سر سبزه تا به خواری ننهی کان سبزه ز خاک لاله‌رویی رُسته است «خیام» ++++++++++++++++++++++ سەرناو: ‌لە هۆشیاریما شادیم مەحاڵە سەبارەت: نووسین: کەماڵ ڕەحمانی ١٣ لە هۆشیاریما شادیم مەحاڵە وەک لە مەستیما عەقڵم بەتاڵە حاڵێکە بەینی مەستی و هۆشیاری بەندەی ئەو کەسەم ئەو حاڵەی حاڵە «چوارینەکانی خەییام، وەرگێڕاوی: شێخ سەلام. » هوشیار بم نەشئەم لێ پەنهانییە کە مەست بم عەقڵم لە نوقسانییە حاڵەتێک هەیە بەینی ئەم و ئەو بە بەندەی ئەبم زیندەگانییە «چوارینەکانی خەییام، وەرگێڕاوی: مامۆستا گۆران. » هۆشم کە دەبێ، خەفەت دڵم دەردێنێ سەرخۆش کە دەبم، هۆش لە سەرم نامێنێ کاتێ کە نە زۆر مەست و نە زۆر وشیارم گیانم بە فیدای ئەو دەمە؛ دنیا دێنێ «چوارینەکانی خەییام، وەرگێڕاوی: مامۆستا هەژار. » گەر سەرخۆش نابم پەست و دڵگیرم کە سەرخۆش ئەبم بێ هەست و بیرم حاڵێکە بەینی هۆشیاری و مەستی بەندەی ئەو کاتەم گەر بێ دەستگیرم «چوارینەکانی خەییام، وەرگێڕانی: ئەحمەد شاڵی» تا هُشیارم، طرب ز من پنهان است چون مست شوم در خردم نقصان است حالی است میان مستی و هشیاری من بندهٔ آن؛ که زندگانی آن است «خیام. » ++++++++++++++++++++++ سەرناو: ئەی دڵ زەمانە غەمی لێت ئەوێ سەبارەت: نووسین: کەماڵ ڕەحمانی ئەی دڵ زەمانە غەمی لێت ئەوێ گیانی شیرینت دەرئەچێ شەوێ خۆش بژی ئیمڕۆ لە سەبزەزارا بەر لەوەی سەبزەی خاکت سەرکەوێ «چوارینەکانی خەییام، وەرگێڕاوی: شێخ سەلام. » ئەی دڵ زەمانە پیشەی خەم دانە هەرکاتێک دی بۆی مردی، گیانە سا پێش ڕوانی سەوزە لە خاکت خۆش بژی لە دیار ئەم سەوزە جوانە «چوارینەکانی خەییام، وەرگێڕاوی: مامۆستا گۆران. » چاوجوان وەرە لام، بە خەم بڵێ بەو لاوە لێم هاڵێ هەتا داوی ژیان نەپساوە نەورۆزە، چەمەن سەوزە، دەمێ سەرخۆش بین تا سەوزە لە سەر گۆڕەکەمان نەڕواوە «چوارینەکانی خەییام، وەرگێڕاوی: مامۆستا هەژار. » ای دل! چو زمانه می‌کند غمناکت ناگه برود ز تن روان پاکت بر سبزه نشین و خوش بزی روزی چند زان پیش که سبزه بردَمَد از خاکت «خیام. » ++++++++++++++++++++++ سەرناو: بە هەوری نەورۆز گوڵ چاوی شۆریا سەبارەت: نووسین: کەماڵ ڕەحمانی - پێداچوونەوە: بینایی دیدە بە هەوری نەورۆز گوڵ چاوی شۆریا تۆ و پیاڵە و شەراب، دامێنی چیا ئیمڕۆ تێر سەیری سەوزەگیا بکە سبحەی لە خاکت سەوز ئەبێ گیا «شێخ سەلام» کە هەوری نەورۆز ڕووی گوڵی تەر کرد بە عەزمی بادە هەڵسە دەست‌وبرد ئەم سەوزە گیایەی سەیرانگای تۆیە سبەی لە خاکی تۆ ئەڕوێ ورد ورد «گۆران» چۆن هەوری نەورۆز گوڵاڵە ئەشوا تۆش پەژارەی دڵ بە مەی بشۆ وا ئەم لالەزارەی سەیرانگای تۆیە سبەی ئەبینی لە خاکت ڕوا «ئەحمەد شاڵی» چون ابر به نوروز رخ لاله بشست برخیز و به جام باده کن عزم درست کاین سبزه که امروز تماشاگه توست فردا همه از خاک تو برخواهد رست «خیام» ++++++++++++++++++++++ سەرناو: پێم ئەڵێن دۆزەخ مەخسووس بۆ مەستە سەبارەت: نووسین: کەماڵ ڕەحمانی - @chapkagolibevena ١٦ پێم ئەڵێن دۆزەخ مەخسووس بۆ مەستە بەم واتەواتە قەت دڵ مەبەستە گەر عاشق و مەست بچنە جەهەننەم بەهەشت چۆڵ و هۆڵ وەک بەری دەستە «چوارینەکانی خەییام، وەرگێڕاوی: شێخ سەلام.» ئەڵێن جەهەنەم جێگەی سەرخۆشە قەت باوەڕ ناکا کەسێ بەهۆشە سەرخۆش و عاشق بچنە جەهەنەم بەهەشتێ وابێ چۆڵە و ناخۆشە «ئەحمەدی شاڵی» ئەڵین دۆزەخە جێی پیاوی سەرخۆش هەی قسەی بێ‌جێی دوور لە عەقڵ ‌و هۆش گەر عاشق و مەست گشت بچنە دۆزەخ بەهەشت ئەبێتە ناولەپێکی بۆش «چوارینەکانی خەییام، وەرگێڕاوی: مامۆستا گۆران.» گۆیا لە جەهەندەمن ئەویندار و مەست بەم واتەیە پێکەنیم و گوستی خۆم گەست جێی چەند کەری کوڵکنە ئەگەر وابێ بەهەشت یان چۆڵ و بیابان و کپە وەک لەپی دەست «چوارینەکانی خەییام، وەرگێڕاوی: مامۆستا هەژار.» گویند مرا که: دوزخی باشد مست قولی‌ست خلاف، دل در آن نتوان بست گر عاشق و میخواره به دوزخ باشند فردا بینی بهشت همچون کف دست «خیام» ++++++++++++++++++++++ سەرناو: مەی بخۆ ئێستە، ئەچیتە ژێر گڵ سەبارەت: نووسین: کەماڵ ڕەحمانی - @chapkagolibevena ١٧ مەی بخۆ ئێستە، ئەچیتە ژێر گڵ بێ‌ڕۆح، بێ ڕەفیق، بێ‌هاودم، بێ‌دڵ زینهار ئەم سیڕڕە ئاشکرا نەکەی کە پەژموردە بوو گەشە ناکا گوڵ «چوارینەکانی خەییام، وەرگێڕاوی: شێخ سەلام. » مەی بخۆ، لەژێر گڵا ئەنووی زۆر بێکەس، بێ‌هاوڕێ، بێ‌هاودەنگی گۆڕ با ئەم ڕازەشت لا نهێنی بێ: گوڵ سیس بێ، گەشە ناکا لەبەر خۆر «چوارینەکانی خەییام، وەرگێڕاوی: مامۆستا گۆران. » مەی تێکە! وەخۆ! دەرفەتە؛ هاکا مردی لەم ژێر گڵە بێ هەواڵ و بێ هاودەردی وا پێتی ئەڵێم شتێک لە لای کەس مەیڵێ نابێتەوە گوڵ پەلکەگوڵێ با بردی «چوارینەکانی خەییام، وەرگێڕاوی: مامۆستا هەژار. » مِی خور! که به زیرِ گِل بسی خواهی خُفت بی مونس و بی رفیق و بی همدم و جُفت زنهار به کس مگو تو این رازِ نُهُفت! هر لاله که پَژْمُرد، نخواهد بِشْکُفت «خیام» ++++++++++++++++++++++ سەرناو: ئەو حەکیمانەی کە سەردەفتەرن سەبارەت: نووسین: کەماڵ ڕەحمانی - @chapkagolibevena ١٨ ئەو حەکیمانەی کە سەردەفتەرن خاوەنی عیلم و فەزڵ و هونەرن لەم شەوەزەنگە ڕێیان دەرنەکرد هەرچەن هاتن، چوون، هەر بێ‌خەبەرن «چوارینەکانی خەییام، وەرگێڕاوی: شێخ سەلام. » ئەوانەی دەریای هۆش و هونەر بوون ڕووناکی ڕێگای خۆشی بەشەر بوون سەریان دەرنەکرد لەم شەوەزەنگە ورێنەیەکیان کرد و تێپەڕ بوون «ئەحمەدی شاڵی» ئەوانەی دەریای فەزڵ و هونەر بوون لە کۆڕی عیلما چرا و ڕابەر بوون لەم شەوەزەنگە ڕێیان دەر نەکرد ئەفسانە بێژی خەولەخۆخەر بوون «چوارینەکانی خەییام، وەرگێڕاوی: مامۆستا گۆران. » هۆزان و بلیمەتان و بیرڕوون و پتەو بۆ بوون و دەچن؟ نە کەس ئەمی زانی نە ئەو تاریکە شەوێک گەڕان بەبێ ڕێ و گێژ بوون ئەفسانەیەکیان ئەهۆنی چاویان چووە خەو «چوارینەکانی خەییام، وەرگێڕاوی: مامۆستا هەژار. » آنان ‌که محیطِ فضل و آداب شدند در جمعِ کمال شمعِ اَصحاب شدند رَه زین شبِ تاریک نبردند برون گفتند فسانه‌ای و در خواب شدند «خیام» ++++++++++++++++++++++ سەرناو: قەومێ مەشغووڵی درۆ و دەلەسە سەبارەت: نووسین: کەماڵ ڕەحمانی - @chapkagolibevena ١٩ قەومێ مەشغووڵی درۆ و دەلەسە قەومێ هەر حۆری و بەهەشتیان بەسە ئەم پەردە لاچێ ئاشکرا ئەبێ دوورن زۆر دوورن ئەو جۆرە کەسە «چوارینەکانی خەییام، وەرگێڕاوی: شێخ سەلام. » هەندێ دەستخەڕۆ دووی غوروور کەوتن هەندێک شوێن کۆشکی پڕ لە حوور کەوتن کە پەردە لاچوو ئاشکرا ئەبێ ئەمانە لە تۆ ئێجگار دوور کەوتن «چوارینەکانی خەییام، وەرگێڕاوی: مامۆستا گۆران. » قومی ز گزاف در غرور افتادند جمعی ز پی حور و قصور افتادند معلوم شود چو پرده‌ها بردارند از کوی تو دور دور دور افتادند «خیام» ++++++++++++++++++++++ سەرناو: قەومێ خەریکی مەزهەب و دینن سەبارەت: نووسین: کەماڵ ڕەحمانی - @chapkagolibevena ٢٠ قەومێ خەریکی مەزهەب و دینن هەندێ داماوی شک و یەقینن هاکا ها جارچی دەنگی هەڵبڕی هەمووتان کوێرن، ڕێی ڕاست نابینن «چوارینەکانی خەییام، وەرگێڕاوی: شێخ سەلام. » هەندێک لە بیر دان بۆ مەزهەب و دین هەندێک دوودڵی گومان و یەقین لە لابەلاوە لە پڕ دەنگێ دێ ئەڵێ: کام گومان کام بڕوا و ئایین؟ ! «چوارینەکانی خەییام، وەرگێڕاوی: مامۆستا گۆران. » هێندێک بە خەیاڵ لە دین و ئایین ژیرن لایەک بە گومان لە بێگومانی گیرن سەیری دەبێ تێبگەن کە هیچ تێنەگەیین کەمتر لە سەری پیاز و پەلکی سیرن! «چوارینەکانی خەییام، وەرگێڕاوی: مامۆستا هەژار. » قومی مُتفکّرند در مذهب و دین جمعی متحیرند در شک و یقین ناگاه منادی در آید ز کمین: کای بی‌خبران راه نه آن است، نه این قومی متفکّرند اندر رهِ دین قومی به گمان فتاده در راه یقین می‌ترسم از آن که بانگ آید روزی کِای بی‌خبران راه نه آن‌است و نه این «خیام» ++++++++++++++++++++++ سەرناو: گەر هاتنی من قازانجی تۆیە سەبارەت: نووسین: کەماڵ ڕەحمانی - @chapkagolibevena ٢١ گەر هاتنی من قازانجی تۆیە تانی تەونی ژین بۆچی بێ‌پۆیە؟ لەناو چەنبەری چەرخا گیانی پاک بۆچی بسووتێ؟ بۆ ڕەنجەڕۆیە؟ «چوارینەکانی خەییام، وەرگێڕاوی: شێخ سەلام. » هاتن و چونمان بێ سوود و هۆیە قالیچەی ژینمان بێ تان و پۆیە لە گێژەی چەرخا ئای کە گیانی پاک ئەسوتێ قرچ و هەرا و بۆسۆیە «چوارینەکانی خەییام، وەرگێڕانی؛ ئەحمەد شاڵی» لە هاتنمان و چوونمان سوو کوانێ؟ بۆ تەونی هیوا تای دەزوو کوانێ؟ لەناو چەمبەری چەرخا هەزاران گیان سووتا و خۆڵی بەباچوو کوانێ؟ «چوارینەکانی خەییام، وەرگێڕاوی: مامۆستا گۆران. » ئەم هاتن و چوونی ئێمە چی لە دوایە؟ کێی وا هەیە لەم گڵۆڵە هەڵکا تایە؟ ئەو لاشە هەموو دەکەونە ئاورگی نەمان سووتمانی وەهام نەدیوە؛ دووکەڵ نایە! «چوارینەکانی خەییام، وەرگێڕاوی: مامۆستا هەژار. » از آمدن و رفتنِ ما سودی کو؟ وز تارِ امیدِ عمرِ ما پودی کو؟ چندین سر و پای نازنینانِ جهان می‌سوزد و خاک می‌شود؛ دودی کو؟ از آمدن و رفتنِ ما سودی کو؟ و از تارِ امیدِ عمرِ ما پودی کو؟ در چنبر چرخ جان چندین پاکان می‌سوزد؛ خاک می‌شود؛ دودی کو؟ «خیام» ++++++++++++++++++++++ سەرناو: مەلێکم بینی لەسەر قەڵای تووس سەبارەت: نووسین: کەماڵ ڕەحمانی - @chapkagolibevena ٢٢ مەلێکم بینی لەسەر قەڵای تووس لە ژێر چنگیا بوو کەللەی کەیکاووس، بە کەللەی ئەگوت: ئەفسووس، سەد ئەفسووس! کوانێ دەنگی زەنگ؟ کوانێ ناڵەی کووس؟ «چوارینەکانی خەییام، وەرگێڕاوی: شێخ سەلام.» مەلێکم بینی لەسەر قەڵای تووس لەبەر دەمیا بوو کەللەی کەیکاووس، ئەیوت بە کەللە: ئەفسووس، سەدئەفسووس! کوانێ دەنگی زەنگ؟ کوانێ ناڵەی کووس؟ «چوارینەکانی خەییام، وەرگێڕاوی: مامۆستا گۆران.» چووکێک لە کەلاوەیەک لە بەر لابایێ دەیکۆڵی بە دندووکی، سەری پاشایێ پێم وابوو دەڵێ: بمگرە گەر دەتوانی! بەو کەللەیە سوێند دەخۆم لە دەستت نایێ! «چوارینەکانی خەییام، وەرگێڕاوی: مامۆستا هەژار.» مرغی دیدم نشسته بر بارهٔ توس، در پیش نهاده کلّهٔ کیکاوس با کلّه همی‌گفت که: افسوس! افسوس! کو بانک جَرَس‌ها و کُجا نالهٔ کوس؟ ١ «خیام» ١. عطار نیشابوری: مرغی دیدم نشسته بر ویرانی در پیش گرفته کلّهٔ سلطانی می‌گفت بدان کلّه که ای نادانی دیدی که بمردی و ندادی نانی ++++++++++++++++++++++ سەرناو: نەکەی تۆ تەوبە لە مەستی بکەی سەبارەت: نووسین: کەماڵ ڕەحمانی - @chapkagolibevena ٢٣ نەکەی تۆ تەوبە لە مەستی بکەی چونکە لەو تەوبە سەد تەوبە ئەکەی گوڵ گەشە بکا، بولبول بخوێنێ تۆ و پیاڵە و شەراب، شیشە و جامی مەی «چوارینەکانی خەییام، وەرگێڕاوی: شێخ سەلام. » لە مەی گەر تۆبە بکەی نادانی سەد تۆبە بکەی هەر پەشیمانی گوڵ یەخەی دڕا بولبول ناڵانی جا تۆ چۆن تۆبە بە حەق ئەزانی «چوارینەکانی خەییام، وەرگێڕاوی: ئەحمەد شاڵی. » نەکەی تۆبە کەی لە مەی تا هەیە تۆبە سەد تۆبەی بە دوادا هەیە گوڵ کراس بدڕێ و بلبل بخوێنێ لە کاتی وادا تۆبە کوا هەیە؟ ! «چوارینەکانی خەییام، وەرگێڕاوی: مامۆستا گۆران. » چۆن تۆبە لە مەی دەکەی هەتا مەی مابێ؟ ! ئەو ڕۆژە مەخۆرەوە کە پەیدا نابێ نەخوازە بەهار و چیمەن و دیمەنی گوڵ تۆبەی چی؟ هەزار تۆبە لە تۆبەی وا بێ «چوارینەکانی خەییام، وەرگێڕاوی: مامۆستا هەژار. » توبه مکن از مِی! اگرت مِی باشد صد توبهٔ نادمیت در پی باشد گل جامه‌دران و بلبلان ناله‌زنان در وقت چنین، توبه روا کی باشد؟ ! «خیام» ++++++++++++++++++++++ سەرناو: دەمە و بەیانێ گوڵ کەوتە گرین سەبارەت: نووسین: کەماڵ ڕەحمانی - @chapkagolibevena ٢٤ دەمە و بەیانێ گوڵ کەوتە گرین وتی بە سەبا بە دڵی غەمگین: سەیری مۆڵەتی چەرخی بەدخوو کە بۆ دە ڕۆژ غونچە، گوڵ و هەڵوەرین «چوارینەکانی خەییام، وەرگێڕاوی: شێخ سەلام. » گوڵ بەربەیانێک ژاکاو هەڵوەری ڕازی خۆی هەڵڕشت بۆ با و هەڵوەری کەم‌شەرتی چەرخە کە گوڵ بە دە ڕۆژ ڕوا و پشکووت و ژیا و هەڵوەری «چوارینەکانی خەییام، وەرگێڕاوی: مامۆستا گۆران. » گل صبحدم از باد برآشفت و بریخت با باد صبا حکایتی گفت و بریخت بد عهدی عمر بین، که گل ده روزه سر برزد و غنچه گشت و بشکفت و بریخت «خیام» ++++++++++++++++++++++ سەرناو: بە شنەی سەبا گوڵ پەردەی دڕی سەبارەت: نووسین: کەماڵ ڕەحمانی - @chapkagolibevena ٢٥ بە شنەی سەبا گوڵ پەردەی دڕی بولبول بە ناڵە دەنگی هەڵبڕی لە سایەی گوڵدا دانیشە کە گوڵ ئەبێتۆ بە خاک، لە خاک دەرپەڕی «چوارینەکانی خەییام، وەرگێڕاوی: شێخ سەلام. » شەماڵ داوێنی گوڵی دادڕان بلبل لە ناو گوڵ کەوتۆتە فەغان لە ژێر سێبەری گوڵانا تاوێ دانیشە زۆر جار ئەڕوێ لە خاکمان «چوارینەکانی خەییام، وەرگێڕاوی: ئەحمەد شاڵی» بڕوانە دڕی با پەردەی ڕووی گوڵ سەرگەرمی عەشقە بلبلی سەر چڵ لە بن گوڵباخا دانیشە، گوڵباخ زۆر جار ڕواوە و بۆتەوە بە گڵ «چوارینەکانی خەییام، وەرگێڕاوی: مامۆستا گۆران. » گوڵ یاخە دەکاتەوە بەرامبەر بە شنە بولبول دڵی خۆشە کەوتە ئاواز و قنە تا تۆش و گوڵیش نەبوونە تۆزی بەر با مەی بێنە لە گوڵزارێ بخەین باروبنە «چوارینەکانی خەییام، وەرگێڕاوی: مامۆستا هەژار. » بنگر ز صبا دامنِ گُل چاک شده بلبل ز جمال گُل طربناک شده در سایهٔ گُل نشین! که بسیار این گل از خاک برآمدَست و در خاک شده «خیام. » ++++++++++++++++++++++ سەرناو: داری بەیداخی نیفاق پەی ئەکەم سەبارەت: نووسین: کەماڵ ڕەحمانی - @chapkagolibevena ٢٦ داری بەیداخی نیفاق پەی ئەکەم بە مووی سپیمۆ مەیلی مەی ئەکەم پەیمانەی ژینم گەیشتە حەفتا ئێستاکە نەیکەم فەرموو کەی ئەکەم؟ «چوارینەکانی خەییام، وەرگێڕاوی: شێخ سەلام. » سبەینێ ئاڵای درۆ قەی ئەکەم بە مووی سپیەوە قەسدی مەی ئەکەم ساڵانی عومرم خۆی دا لە هەفتا ئێستێ کەیف نەکەم گوایە کەی ئەکەم «چوارینەکانی خەییام، وەرگێڕاوی: ئەحمەد شاڵی. » ئیتر بەیاخی نیفاق پەی ئەکەم بە مووی سپیەوە ڕوو لە مەی ئەکەم ژمارەی پێکی عومرم حەفتایە ئێستا بەدمەستی نەکەم، کەی ئەکەم؟ ! «چوارینەکانی خەییام، وەرگێڕاوی: مامۆستا گۆران. » دووڕوویی بەسە، ڕوو دەکەمە مەیخانە ئەم ڕیشی سپی، بە مەی بڕەنگێ جوانە پێوانی تەمەن گەییشتە حەفتا، تا کەی خۆم هەر وەکوو هەم نیشان نەدەم شێتانە؟ «چوارینەکانی خەییام، وەرگێڕاوی: مامۆستا هەژار. » فردا علم نفاق طی خواهم‌کرد با موی سپید قصد مِی‌ خواهم‌کرد پیمانهٔ عمر من به هفتاد رسید این دم نکنم نشاط، کی خواهم‌ کرد «خیام. » ++++++++++++++++++++++ سەرناو: چەندێ خەریکی ئاو و گڵ ئەبووین سەبارەت: نووسین: کەماڵ ڕەحمانی - @chapkagolibevena ٢٧ چەندێ خەریکی ئاو و گڵ ئەبووین یا بە سەر بادا ئەهاتین ئەچووین قسە هەزارە هەر دووی بەکارە وەکوو 'ئاو' هاتین وەکوو 'با' ئەڕۆین «چوارینەکانی خەییام، وەرگێڕاوی: شێخ سەلام. » بەینێ شاگرد بووین، بووین بە مامۆستا بەم کەین و بەینە زۆر کەیفمان هەستا ئەنجامی داستان گوێ بگرە چی بوو لە خاک دەرچووین و چووین بە بای وەشتا «چوارینەکانی خەییام، وەرگێڕاوی: ئەحمەد شاڵی. » چەندێک مناڵ بووین قوتابی زانا چەندێکیش خۆمان بووین بە مامۆستا ئەنجام بڕوانە چێمان بەسەرهات وەک ئاو هاتین و بۆی دەرچووین وەک با! «چوارینەکانی خەییام، وەرگێڕاوی: مامۆستا گۆران» ژیانت چییە؟ تا چووک و شلی، شاگردی وەستای کە گەیشتی، پاشی: پیری، مردی پوختایی وتار لە من ببیسی باشە: تۆزێکی لە خۆڵ بەرز ببووی، با بردی «چوارینەکانی خەییام، وەرگێڕاوی: مامۆستا هەژار. » یک‌چند به کودکی به اُستاد شدیم یک‌چند ز اُستادی خود شاد شدیم پایان سُخن شنو که ما را چه رسید: از خاک درآمدیم و برباد شدیم «خیام نیشابوری» ++++++++++++++++++++++ سەرناو: پیر و جوان و تازەی نۆ تۆ نوێ سەبارەت: نووسین: کەماڵ ڕەحمانی - @chapkagolibevena ٢٨ پیر و جوان و تازەی نۆ تۆ نوێ یەک بەدوای یەکدا هەر ئەڕوا، هەر دێ ئەم دنیا تاسەر بۆ کەس نامێنێ هەرچی بێ ئەڕوا، ڕۆیی و چی لێ دێ؟ «چوارینەکانی خەییام، وەرگێڕاوی: شێخ سەلام. » چ دەستەی تازە، چ پیرانی کۆن هەموو یەک بە یەک، وەک هاتوون ئەڕۆن دنیا نامێنێ تا سەر بۆ کەسیان چۆن هاتن و چوون، ئەبێ بێن، بڕۆن! «چوارینەکانی خەییام، وەرگێڕاوی: مامۆستا گۆران» آن‌ها که کهن شدند و این‌ها که نوند هر کس به مراد خویش یک تک بدوند این کهنه جهان به کس نماند باقی رفتند و رویم و دیگر آیند و روند «خیام نیشابوری» ++++++++++++++++++++++ سەرناو: ڕەندێکم بینی لە ڕووی سەرزەمین سەبارەت: نووسین: کەماڵ ڕەحمانی - @chapkagolibevena ٢٩ ڕەندێکم بینی لە ڕووی سەرزەمین بێزار لە دنیا، بێزاتر لە دین حەق، حەقێقەت، شەرێعەت، یەقین لەلای وەک پووش بوو، ئێوەش وا بژین «چوارینەکانی خەییام، وەرگێڕاوی: شێخ سەلام. » ڕەندێکم بینی دانیشتووی ڕووی خاک مەگەر هەر ئەوم دیبێ وا بێ‌باک؛ بەرامبەر بە کوفر، ئیسلام، دنیا، دین حەق، گومان، یەقین، ڕێی خراپ و چاک «چوارینەکانی خەییام، وەرگێڕاوی: مامۆستا گۆران» رندی دیدم نشسته بر خِنْگِ زمین، نه کفر و نه اسلام و نه دنیا و نه دین، نی حق، نه حقیقت، نه شریعت نه یقین، اندر دو جهان کرا بُوَد زَهرهٔ این؟ «خیام نیشابوری» ++++++++++++++++++++++ سەرناو: گەردوون تاسێکی دەمەونخوونە سەبارەت: نووسین: کەماڵ ڕەحمانی - @chapkagolibevena ٣٠ گەردوون تاسێکی دەمەونخوونە دانا لە ژێریا زار و زەبوونە سەیری دۆستیی پیاڵە و شیشە کەن خوێن لە بەینیانا بادەی گوڵگوونە! «چوارینەکانی خەییام، وەرگێڕاوی: شێخ سەلام. » گەردوون جامێکە سەرنیگوون کەوتوو ژیران لەناویا گشت زەبوون کەوتوو سرنج لە دۆستیی شووشە و پیاڵە بەن دەم لە دەمان و خوێنی یەک خواردوو «چوارینەکانی خەییام، وەرگێڕاوی: مامۆستا گۆران. » گەردوونی چەوێڵ هەر بە چەپیی سووڕاوە هەر بۆیە ئەوی ڕاستە تیا داماوە بڕوانە لە هاواڵەتی شووشە و پیاڵە خوێن کەوتە نێوانیان و لێو بە لێو چەسپاوە «چوارینەکانی خەییام، وەرگێڕاوی: مامۆستا هەژار. » این چرخ چو طاسی است نگون اُفتاده در وی همه زیرکان زبون اُفتاده در دوستی شیشه و ساقی نگرید لب بر لب و در میانه خون اُفتاده «خیام نیشابوری» ++++++++++++++++++++++ سەرناو: بەین کوفر و دین، هەناسەیەکە سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٣١ بەین کوفر و دین، هەناسەیەکە ڕێی شک و یەقین هەناسەیەکە خۆش بژی دەمێ بە شۆخ و شەنگی کە عومری شیرین هەناسەیەکە «شێخ سەلام» کفر و دین بەینیان یەک هەناسەیە یەقین تا گومان یەک هەناسەیە ئەم هەناسەیە بە خۆشی بژی مادام خۆی ژیان یەک هەناسەیە «گۆران» از عالم کفر تا به دین یک نفس است وز منزل شک تا به یقین یک نفس است این یک نفس عزیز را خوار مدار کاین حاصل عمر ما همین یک نفس است «خیام» ++++++++++++++++++++++ سەرناو: دڵە لە دنیا چاکەی چیت ئەوێ؟ سەبارەت: نووسین: کەماڵ ڕەحمانی - @chapkagolibevena ٣٢ دڵە لە دنیا چاکەی چیت ئەوێ؟ چۆن ئاسوودەیی بەر تۆ ئەکەوێ؟ داوای دەرمان کەی دەردت زیاد ئەکا دەرمانت نەوێ، بە دەرد بسرەوێ! «چوارینەکانی خەییام، وەرگێڕاوی: شێخ سەلام. » ئەی دڵ لە دنیا ئیحسانت ئەوێ؟ ! لە چەرخی گەردوون سامانت ئەوێ؟ دەرمان داوا کەی دەرد گران ئەبێ لەگەڵ دەرد هەڵکە و دەرمانت نەوێ «چوارینەکانی خەییام، وەرگێڕاوی: مامۆستا گۆران. » ای دل ز زمانه رسم احسان مطلب وز گردش دوران سر و سامان مطلب درمان طلبی درد تو افزون گردد با درد بساز و هیچ درمان مطلب «خیام نیشابوری» ++++++++++++++++++++++ سەرناو: گایەک لە ئاسمان ناوی پەروینە سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٣٣ گایەک لە ئاسمان ناوی پەروینە گایەک کۆڵەکەی ژێری زەمینە بە چاوی خیرەد سەرەنجە بدە مابەینی دوو گا کەرگەل ببینە «شێخ سەلام» گایەک لە ئاسمان ناوی پەروینە گایەکیش ئەڵێن لەژێر زەمینە سا چاو بگێڕە ئەی خاوەندی هۆش لە ناو دوو گادا کەرگەل ببینە «گۆران» گایێکە لە عاسمان و ناوی کۆیە گایێکە دەڵێن هەڵگری هەرد و بۆیە سەیری کەرەگەل بکەی لە ناو ئەم جووتە گەر ژیر و بەبیری سەیری خۆش بۆ تۆیە «هەژار» گاوی است در آسمان و نامش پروین یک گاو دگر نُهفته در زیر زمین چشم خِرَدَت باز کُن از روی یقین زیر و زبَرِ دو گاو مشتی خر بین! «خیام» ++++++++++++++++++++++ سەرناو: کە نەورۆز گوڵی خستە سەر پەنجە سەبارەت: نووسین: کەماڵ ڕەحمانی - @chapkagolibevena ٣٤ کە نەورۆز گوڵی خستە سەر پەنجە لەگەڵ دولبەری پڕ لارولەنجە شەڕاب بنۆشە ئەم چەرخە شینە 'قاڕوونی' فەوتان، گەنجی هەر ڕەنجە «چوارینەکانی خەییام، وەرگێڕاوی: شێخ سەلام. » وەک گوڵ پیاڵە بەرمەدە لە دەست لەگەڵ گوڵڕەنگی چاو و برۆ مەست شەراب بنۆشە، ئەم چەرخە شینە هاکا تۆیشی کرد بە وێنەی گڵ پەست! «چوارینەکانی خەییام، وەرگێڕاوی: مامۆستا گۆران. » هەر شەو بوو لە مەیخانە دەهات ئاوازێ خۆشی لە کەسێک لە ئێمە مەی دەخوازێ بۆ مات و کزی؟ گەلێکی وەک تۆ گەردوون کردوونی بەتۆز و خۆڵی سەر رێبازێ «چوارینەکانی خەییام، وەرگێڕاوی: مامۆستا هەژار» چون لاله به نوروز قدح گیر به دست با لاله‌رُخی، اگر تو را فُرصت هست می نوش به خرّمی! که این چرخِ کهن ناگاه تو را چو خاک گرداند پَست «خیام نیشابوری» ++++++++++++++++++++++ سەرناو: لە دڵدا داری خەفەت مەڕوێنە سەبارەت: نووسین: کەماڵ ڕەحمانی - @chapkagolibevena ٣٥ لە دڵدا داری خەفەت مەڕوێنە کتێبی عەشق ئەشعار بخوێنە شەراب بنۆشە پیاڵەی پەیاپەی بە پیاڵەی لەبڕێز ڕیشەی دەربێنە «چوارینەکانی خەییام، وەرگێڕاوی: شێخ سەلام. » دڵ نابێ داری خەمی تیا بڕوێ خۆش کتێبێکە لە خۆشی بدوێ مەی‌نۆشین باشە و کام هێنانەدی خۆ دیارە ژینت چەن کەم بۆ ئەلوێ! «چوارینەکانی خەییام، وەرگێڕاوی: مامۆستا گۆران. » در دل نتوان درخت اندوه نشاند همواره کتاب خرّمی باید خواند مِی باید خورد و کام دل باید راند پیداست که چند در جهان خواهی ماند «خیام نیشابوری» ++++++++++++++++++++++ سەرناو: کێ لە هاتندا پرسی پێ کرا؟ سەبارەت: نووسین: کەماڵ ڕەحمانی - @chapkagolibevena ٣٦ کێ لە هاتندا پرسی پێ کرا؟ خۆ لە مردندا هەر بە زۆر برا نامەرد هەی ساقی شەرابێ تێکە بۆ دنیای تاریک هەر مەیە چرا «چوارینەکانی خەییام، وەرگێڕاوی: شێخ سەلام. » هاتن بە دەستمان نەبوو تا نەڕۆین تاڵاوی مەرگیش هەر ئەبێ بخۆین دەخیلتم ساقی هەستە تا زووە داخی زەمانە با بە مەی بشۆین «چوارینەکانی خەییام، وەرگێڕاوی: ئەحمەد شاڵی. » لەم هاتنە بێهودەیە بیرم شاشە سەرباری خەمان بیر و خەمی ئەولاشە مەیگێڕ وەرە قۆڵ هەڵکە گڵێنەت بێنە! خەم چڵکی دڵە، بە مەی بشۆرین باشە «چوارینەکانی خەییام، وەرگێڕاوی: مامۆستا هەژار. » چون آمدنم به من نَبُد روز نخست وین رفتنِ بی‌مُراد عَزمی‌است دُرُست برخیز و میان ببند ای ساقی چُسْت کاندوهِ جهان به مِی فرو خواهم ‌شُست «خیام نیشابوری» ++++++++++++++++++++++ سەرناو: لە عیلم و فنوون لادە بەتاڵە سەبارەت: نووسین: کەماڵ ڕەحمانی - @chapkagolibevena ٣٧ لە عیلم و فنوون لادە بەتاڵە بە ئاڵی زوڵف، ئەو چاوە کاڵە بەر لەوە ئەجەل خوێنت بڕێژێ خوێنی سوراحی بڕێژە پیاڵە «چوارینەکانی خەییام، وەرگێڕاوی: شێخ سەلام. » ئەی دڵ فەلسەفەی دنیا بەتاڵە هۆگری یار بەو ئەم مەیە تاڵە بەر لەوەی ڕۆژگار خوێنت بڕێژێ تۆ خوێنی شووشە بڕێژە پیاڵە «چوارینەکانی خەییام، وەرگێڕاوی: ئەحمەد شاڵی. » خۆ دوورە کتێب بگرە، گەمەی منداڵە ژیر بیری لەسەر شەڕاب و لێوی ئاڵە هۆشت بێ هەتا خوێنی نەڕژتووی گەردوون تۆ خوێنی کچی ڕەزان بڕێژە پیاڵە «چوارینەکانی خەییام، وەرگێڕاوی: مامۆستا هەژار. » از درسِ علوم، جمله بگریزی بِهْ واندر سرِ زلفِ دلبر آویزی به زآن پیش که روزگار خونت ریزد تو خونِ قِنینه در قدح ریزی به «خیام نیشابوری» ++++++++++++++++++++++ سەرناو: من و گوڵ‌ڕوخسار، سەوزەگیا و ناو گوڵ سەبارەت: نووسین: کەماڵ ڕەحمانی - @chapkagolibevena ٣٨ من و گوڵ‌ڕوخسار، سەوزەگیا و ناو گوڵ هەتا بتوانم کەیف ئەکەم بە دڵ تا ببم، ئەژیم، ئەبم، ئەمێنم خواردوومە، ئەیخۆم شەرابی سەرچڵ «چوارینەکانی خەییام، وەرگێڕاوی: شێخ سەلام. » با روی نکوی و لب جوی و مل و ورد، تا بتوانم عیش و طرب خواهم کرد. تا بوده‌ام و هستم و خواهم بودن می خورده‌ام، ﻣﻰخورم و خواهم خورد «رباعیات خیام (طربخانه)، یار احمد رشیدی تبریزی، به تصحیح: جلال‌الدین همایی، ص ٧٩. » ++++++++++++++++++++++ سەرناو: ڕەفیق قەت غەمی بەیانی مەخۆ سەبارەت: نووسین: کەماڵ ڕەحمانی - @chapkagolibevena ٣٩ ڕەفیق قەت غەمی بەیانی مەخۆ بەم تۆزە عومرە مەبە دەسخەڕۆ ئەوانەی ئەژین حەفتا هەزار ساڵ وەک یەکە لای من، من و ئەو و تۆ «چوارینەکانی خەییام، وەرگێڕاوی: شێخ سەلام. » ئازیز با غەمی سبەی هەڵنەگرین بێ مەی قەت سەرێ نەکەینە سەرین سبەی کاروانی مەڕگ کەوتەڕێ ساڵێک بێ و هەزار وەکوو یەک ئەمرین «چوارینەکانی خەییام، وەرگێڕاوی: ئەحمەد شاڵی. » دڵتەنگی هەبێ، دەبێ بە مەی ژەنگی بەرین بۆ بیری نەهات و هات چما خەم‌لەبەرین سۆزی کە مەرگ تەپڵی نەمانی لێدا ئەمن و تۆ دەگەڵ بابەدەمی هاوسەفەرین «چوارینەکانی خەییام، وەرگێڕاوی: مامۆستا هەژار. » ای دوست بیا تا غمِ فردا نخوریم وین یک‌دمِ عُمر را غنیمت شُمُریم فردا که از این دیْرِ کُهَن درگذریم با هفت‌هزار سالگان سَربه‌سَریم «خیام نیشابوری» ++++++++++++++++++++++ سەرناو: ئەوەی لە دونیا لەتێ نانی بوو سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٤٠ ئەوەی لە دونیا لەتێ نانی بوو کەلاوەکۆنێ ئاشیانی بوو پیاوی کەس نەبێ، کەس پیاوی نەبێ هەر ئەو ژیاوە، ئەو ژیانی بوو «شێخ سەلام» گەر دەسگیرت بوو تۆ پارچەنانێ کەلاوەکۆنێ، سووچی کۆڵانێ نە کەس غوڵامت، نە غوڵامی کەس لە بەهەشت ئەژیت تۆ خۆت وا دانێ «ئەحمەد شاڵی» هەرکەس کە دەسی بە تیکە نانێ بڕەسێ لاکۆخێ هەبێ، شەوانە تێیدا وەحەسێ چەند خۆشە ژیانی وا، چ ئازادە بە دڵ بۆ خۆی بێ، نە ئاغا بێ، نە بەردەستی کەسێ «هەژار» در دَهر هر آن که نیم نانی دارد از بهر نشست آشیانی دارد نه خادم کس بود نه مخدوم کسی گو شاد بزی! که خوش جهانی دارد «خیام» ++++++++++++++++++++++ سەرناو: با مڵکی تۆ بێ میسر و ڕۆم و چین سەبارەت: نووسین: کەماڵ ڕەحمانی - @chapkagolibevena ٤١ با مڵکی تۆ بێ میسر و ڕۆم و چین لە ژێر پێتا بێ سارای سەرزەمین بەشی من و تۆ هەر وەکوو یەکە دە گەز کەفەن و یەک‌ دوو گەز زەمین «چوارینەکانی خەییام، وەرگێڕاوی: شێخ سەلام. » دنیات بە خەیاڵی خۆ لە توربێن ناوە زێڕت هەیە، عەرزت هەیە، دێمە و ئاوە ئەو ڕۆژی مەرگ سەرت ئەدا سەربەسەرین هەر دوو گەزە خاکی گۆڕ و تۆپێک جاوە «چوارینەکانی خەییام، وەرگێڕاوی: مامۆستا هەژار. » گر ملک تو مصر و شام و چین خواهد بود و آفاق تو را زیر نگین خواهد بود خوش باش که عاقبت نصیب من و تو ده گز کفن و دو گز زمین خواهد بود ١ «منسوب به خیام نیشابوری» ١. بابا افضل کاشانی. ++++++++++++++++++++++ سەرناو: شیرین شیرینی فەرموو بە خەسرەو سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٤٢ شیرین شیرینی فەرموو بە خەسرەو کە کەی مەی بە ڕۆح ئەبخشێ برەو یەکشەم، دووشەممە، سێشەممە و چوار پێنجشەممە، جومعە، شەممە، ڕۆژ و شەو «شێخ سەلام» ئەی لە سەر سەری هەموو سەروران ئەزانی کەی مەی حەڵاڵ ئەکا گیان شەممە و یەک و دوو، سێشەممە و چوار پێنجشەممە، جومعە، شەو مەلابانگان «ئەحمەد شاڵی» ای بر سر سروران عالم افروز دانی که چه وقت می بود روح افروز یکشنبه، دوشنبه، سه‌شنبه و چهار پنجشنبه و آدینه و شنبه شب و روز «خیام» ++++++++++++++++++++++ سەرناو: عەشقی مەجازی عەشقێکی وشکە سەبارەت: نووسین: کەماڵ ڕەحمانی - @chapkagolibevena ٤٣ عەشقی مەجازی عەشقێکی وشکە وەکوو ئاگری قامیش و پووشکە عاشقی بێقەرار ڕۆژ و مانگ و ساڵ خواردن و خەوتن مار و دووپشکە «چوارینەکانی خەییام، وەرگێڕاوی: شێخ سەلام. » عەشقێ کە پاک بێ وشک و بێ تامە هەروەک خۆڵەمێش بێ ترس و سامە عاشق ئەوەیە مانگ و ڕۆژ و ساڵ بێ خەو، بێ خواردن، بە بێ ئارامە «چوارینەکانی خەییام، وەرگێڕاوی: ئەحمەد شاڵی. » عشقی که مجازی بود آبش نبود چون آتش نیم مرده تابش نبود عاشق باید که سال و ماه و شب و روز آرام و قرار و خورد و خوابش نبود «خیام نیشابوری» ++++++++++++++++++++++ سەرناو: ئیمشەو پیاڵەی یەک مەنی ئەکەم سەبارەت: نووسین: کەماڵ ڕەحمانی - @chapkagolibevena ٤٤ ئیمشەو پیاڵەی یەک مەنی ئەکەم بە دوو پیاڵە مەی دڵ غەنی ئەکەم هەر شەش تەڵاقی عەقڵ و دین ئەدەم ئەوسا کچی ڕەز خوازبێنی ئەکەم «چوارینەکانی خەییام، وەرگێڕانی: شێخ سەلام. » ئەمشەو پیاڵەی مەی تەواو پڕ ئەکەم خۆم بە پێکێ دووان مەست و شڕ ئەکەم هەر سێ تەڵاقی عەقڵ و دین ئەدەم ئەوسا کچی ڕەز مارەبڕ ئەکەم «چوارینەکانی خەییام، وەرگێڕانی: ئەحمەد شاڵی. » ئەم جارە پەڵاسی شەرم و دین پارە دەکەم ئەم دەردی هەژارییەم بە مەی چارە دەکەم سێ‌بەردە دەنێمە مستی بیری پیرم کیژی ڕەزی ڕووسووری ترێ مارە دەکەم «چوارینەکانی خەییام، وەرگێڕاوی: مامۆستا هەژار. » امشب می جامِ یک‌مَنی خواهم ‌کرد، خود را به دو جامِ می غنی خواهم ‌کرد؛ اول سه طلاقِ عقل و دین خواهم ‌داد، پس دخترِ رَز را به زنی خواهم‌ کرد. «خیام نیشابوری» ++++++++++++++++++++++ سەرناو: دنیا بە تەحقیق هەمووی مەجازە سەبارەت: نووسین: کەماڵ ڕەحمانی - @chapkagolibevena ٤٥ دنیا بە تەحقیق هەمووی مەجازە ڕاز و نیازی تیادا مەخوازە سینەت قەڵغانی تیری قەزا بێ قەڵەم چی نووسی تێپەڕی تازە «چوارینەکانی خەییام، وەرگێڕانی: شێخ سەلام. » ئەی دڵ کە دنیا پیشەی نەمانە بۆچی ئەم هەوڵ و ڕەنجە گرانە غەم لەسەر دڵت هەرگیز بار مەکە چارەنووس چی بێ ئەیکا زەمانە «چوارینەکانی خەییام، وەرگێڕانی: ئەحمەد شاڵی. » ای دل چو حقیقتِ جهان هست مَجاز، چندین چه بَری خواری ازین رنجِ دراز! تن را به قضا سپار و با درد بساز، کاین رفته قلم زِ بهرِ تو ناید باز. «خیام نیشابوری» ++++++++++++++++++++++ سەرناو: بەر لەوە کە غەم بکا شەبیخوون سەبارەت: نووسین: کەماڵ ڕەحمانی - @chapkagolibevena ٤٦ بەر لەوە کە غەم بکا شەبیخوون پەیاپەی تێکە تۆ بادەی گوڵگوون خۆ تۆ ئاڵتوون نیت هەی قەڵبی نادان جارێ تر لە خاک نابینی دەرچوون «چوارینەکانی خەییام، وەرگێڕانی: شێخ سەلام. » بەر لەوەی لە سەر گۆڕت بخوێنن بفەرموو مەی و مەزەی خۆش بێنن خۆ تۆ ئاڵتون نیت هەی گەوجی نەزان بتخەنە خاک و دەرت بهێنن «چوارینەکانی خەییام، وەرگێڕانی: ئەحمەد شاڵی» سەرخۆش بە بە مەی، لە سەر دەراوێژە کەسەر ئەم کورتە ژیانە ڕێی خەمانی مەخە بەر بەس گیژ و نەزان و هێڕ بە! خۆ تۆ زێڕ نی ژێر خاک بکرێی، دووبارە بتهێننەوە دەر «چوارینەکانی خەییام، وەرگێڕاوی: مامۆستا هەژار» زان پیش که بر سرت شبیخون آرند فرمای که تا باده گلگون آرند تو زر نه‌ای ای غافل نادان که ترا در خاک نهند و باز بیرون آرند «خیام نیشابوری» ++++++++++++++++++++++ سەرناو: قاپێکی شووشەم دا لە بەرد، بوو ورد سەبارەت: نووسین: کەماڵ ڕەحمانی - @chapkagolibevena ٤٧ قاپێکی شووشەم دا لە بەرد، بوو ورد مەست و سەرخۆش بووم، زۆر نابەجێم کرد شکا، زڕەی هات، زیڕانی و وتی: پیاوێ بووم وەک تۆ، خاوەن زەد و خورد «چوارینەکانی خەییام، وەرگێڕانی: شێخ سەلام. » گۆزێک لە دەسم شکابوو، ئەو گریا بۆم: خەم داتنەگرێ منیش یەکێکی وەک تۆم زۆرجاری منیش وەکوو تۆ گۆزەم دەشکاند تۆش ڕۆژێ دەبی بەگۆزە، دەشکێی وەک خۆم «چوارینەکانی خەییام، وەرگێڕاوی: مامۆستا هەژار. » بر سنگ زدم دوش سبوی کاشی سرمست بُدم، چو کردم این اَوباشی با من به زبانِ حال می‌گفت سبو: من چون تو بُدَم، تو نیز چون من باشی! «خیام نیشابوری» ++++++++++++++++++++++ سەرناو: کاتێ وەنەوشە ڕەنگ شین هەڵێنێ سەبارەت: نووسین: کەماڵ ڕەحمانی - @chapkagolibevena ٤٨ کاتێ وەنەوشە ڕەنگ شین هەڵێنێ شنەشن شەماڵ گوڵ ئەجووڵێنێ هوشیار کەسێکە هاوشانی دولبەر شەڕاب بنۆشێ، شیشە بشکێنێ «چوارینەکانی خەییام، وەرگێڕانی: شێخ سەلام. » کاتێ وەنەوشە شین و خاڵ خاڵە شەماڵ شەن ئەکا چاکی گوڵاڵە هۆشیار کەسێکە دەس لە ملانی یار شەراب ئەنۆشێ، ئەشکێنی پیاڵە «چوارینەکانی خەییام، وەرگێڕانی: ئەحمەد شاڵی. » کاتێ لە زەوی وەنەوشە سەر دەردێنێ سروە دەمی خونچە ماچ بکا و ڕایژێنێ چەند خۆشە لەگەڵ خونچەدەمێ ڕایبوێری تۆ تۆبەشکێن و ئەو دڵت نەشکێنێ «چوارینەکانی خەییام، وەرگێڕاوی: مامۆستا هەژار. » هر گه که بنفشه جامه در رنگ زند، در دامنِ گل بادِ صبا چنگ زند، هشیار کسی بُوَد که، با سیمْبَری می نوشد و جام باده بر سنگ زند. «خیام نیشابوری» ++++++++++++++++++++++ سەرناو: دنیا بێ مەی و بێ ساقی هیچە سەبارەت: نووسین: کەماڵ ڕەحمانی - @chapkagolibevena ٤٩ دنیا بێ مەی و بێ ساقی هیچە بێ زەمزەمەی نای عێراقی هیچە سەراپا دنیا سەرنجە ئەدەم حاسڵ عوشرەتە، ماباقی هیچە «چوارینەکانی خەییام، وەرگێڕانی: شێخ سەلام. » بێ دڵبەر و مەی، تەمەن بەسەرچوون هیچە بێ ڕەنگی مەی و دەنگی بلوور، بوون هیچە ئازاد و بە دڵخۆشی بژی چەند ڕۆژێک ڕابوێرە لە هیچ بیر مەکە! گەردوون هیچە «چوارینەکانی خەییام، وەرگێڕاوی: مامۆستا هەژار. » دوْرانِ جهان بی مِی و ساقی هیچ است بی زمزمهٔ نایِ عراقی هیچ است هر چند در احوال جهان می‌نگرم حاصل همه عشرت است و باقی هیچ است «خیام نیشابوری» ++++++++++++++++++++++ سەرناو: شووشەی شەرابت شکانم خودا سەبارەت: نووسین: کەماڵ ڕەحمانی - @chapkagolibevena ٥٠ شووشەی شەرابت شکانم خودا داتخست دەروازەی ژیانم خودا من لێمدا کەچی وا تۆی گرتووە قڵپ قڵپ شەرابت ڕژانم خودا «چوارینەکانی خەییام، وەرگێڕانی: شێخ سەلام. » شکاندت شوشەی مل باریکی جوان چیت بیستوە مەکە ئاڵۆزی دیسان مەگەر سەرخۆش بوی هەی خاکم بە سەر ئەو مەیە خۆشەت بە ناحەق ڕژان «چوارینەکانی خەییام، وەرگێڕانی: ئەحمەد شاڵی. » شووشەم ئەشکێنی بە قەستی، خودایە! ڕێی نەشئە و بەزمم ئەبەستی، خودایە! شەرابی ئاڵم ئەڕێژیتە خاک، هەی خاکم بە دەم بۆچ مەستی، خوایە «چوارینەکانی خەییام، وەرگێڕاوی: مامۆستا گۆران. » شووشەی مەیەکەت بۆچی ڕژاندم خوایە وەک شووشە، نەشە و دڵت شکاندم خوایە مەیخۆرە منم کەچی یەکێ تر دەگری بمبوورە لە پەردەدا گەیاندم خوایە «چوارینەکانی خەییام، وەرگێڕاوی: مامۆستا هەژار. » اِبریقِ می مرا شکستی رَبّی! بر من درِ عیش را ببستی رَبّی من میْ خورم و تو می‌کنی بد‌ مستی! خاکم به دهن مگر تو مستی رَبّی! «خیام نیشابوری» ++++++++++++++++++++++ سەرناو: کێ گوناهـ ناکا، کێیە پێم بڵێ؟ سەبارەت: نووسین: کەماڵ ڕەحمانی - @chapkagolibevena ٥١ کێ گوناهـ ناکا، کێیە پێم بڵێ؟ هیچ کەس، بێ گوناهـ کێیە پێم بڵێ؟ کە من بەد بکەم، تۆش هەر بەد بکەی فەرقی من و تۆ چییە پێم بڵێ «چوارینەکانی خەییام، وەرگێڕانی: شێخ سەلام.» بێ گوناهـ کێیە پێم ناڵێیت یەزدان؟ ! لە گوناهـ بەدەر کەی بووە ئینسان؟ ! من گوناهـ بکەم تۆش سزام بدەی چی ئەبێ فەرقی من و تۆ قوربان؟ ! «چوارینەکانی خەییام، وەرگێڕانی: ئەحمەد شاڵی.» کێ‌یە بێ گونای ڕووی دنیا، بڵێ؟ ! بێ گونا کردن چۆن ژیا، بڵێ؟ ! کە من بەد بکەم، سزای تۆیش بەد بێ تۆ و من جیاوازین لە چی‌یا، بڵێ؟ ! «چوارینه‌کانی خه‌ییام، وه‌رگێڕانی: مامۆستا گۆران» دنیایە لە کەو دە! بێگوناهێکی نییە کەس بێ هەڵە نەژیاوە لە سەر ئەم زەوییە من کردە خراپ و تۆش خراپەم تووش کەی جیاوازی لە نێوان من و تۆ خوایە چییە؟ «چوارینەکانی خەییام، وەرگێڕاوی: مامۆستا هەژار.» آن کیست که بی‌جرم و گنه زیست؟ بگو بی‌جرم و گناه در جهان کیست؟ بگو من بد کنم و تو بد مکافات کنی پس فرق میان من تو چیست؟ بگو ١ «منسوب به خیام» ١. فخرالدین عراقی. ++++++++++++++++++++++ سەرناو: سەییادی ئەزەل داوی نایەوە سەبارەت: نووسین: کەماڵ ڕەحمانی - @chapkagolibevena ٥٢ سەییادی ئەزەل داوی نایەوە دانەی بۆ ئادەم خستە کایەوە فیتی خۆیەتی، عالەم بەدناوە 'نَعَم' بەهانە بە 'بَلَىٰ'یەوە ١ «چوارینەکانی خەییام، وەرگێڕانی: شێخ سەلام.» خوا داوی ئەناوە داوی ئەو بانادەم دەعبایەکی گرت و ناوی لێنا ئادەم ڕاوی ئەوە، داوی ئەوە، دانەش هی ئەو دەمخاتە تەڵە و گەرکیە خۆشم لادەم! «چوارینەکانی خەییام، وەرگێڕاوی: مامۆستا هەژار.» صیّاد اَزَل که دانه در دام نهاد صیدی بگرفت و آدمش نام نهاد هر نیک و بدی که می رود در عالم او می کند و بهانه بر عام نهاد ٢ «خیام نیشابوری» ١. [وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ ۛ شَهِدْنَا ۛ أَن تَقُولُوا يَوْمَ الْقِيَامَةِ إِنَّا كُنَّا عَنْ هَٰذَا غَافِلِينَ. سورة الأعراف/ ١٧٢. ] ئەوساش کە پەروەرندەی تۆ لە پشتی عەولادی ئادەم زاروزیچی بەرهەم هێنا، لەسەرخۆیان شایەتی هەر بەخۆیان دا. گوتی: من پەروەرێنتان نیم؟ گوتیان: بەڵێ، ئێمە لەوە ئاگادارین. نەکا ڕۆژی سەڵا بێژن: نەمانزانی. [قورئانی پیرۆز، وەرگێڕاوی: مامۆستا هەژار. ] ٢. خواجه عبدالله انصاری. ++++++++++++++++++++++ سەرناو: دای بە گوێی دڵدا فەلەک پەنهانی سەبارەت: نووسین: کەماڵ ڕەحمانی - @chapkagolibevena ٥٣ دای بە گوێی دڵدا فەلەک پەنهانی تۆ چەوت و چێڵی لە من ئەزانی لەم دەورە و پێچە گەر دەستم ئەبوو خۆم نەجات ئەدا لە سەرگەردانی «چوارینەکانی خەییام، وەرگێڕانی: شێخ سەلام. » بە گوێما فەلەک هێواش چرپانی تۆ حوکمی قەدەر لە من ئەزانی ئەم گێژ و خولەم بە دەست خۆم بوایە خۆم ڕزگار ئەکرد لە سەرگەردانی «چوارینەکانی خەییام، وەرگێڕانی: ئەحمەد شاڵی. » گەردوون بەدزی دوێنێ لە لام درکانی هەرچی بەسەرت دێ لە دەس ئێمەت زانی لەم چەرخ و خولەمدا دەسەڵاتم بوایە خۆم ئێستە ڕەها دەکرد لە سەرگەردانی «چوارینەکانی خەییام، وەرگێڕاوی: مامۆستا هەژار. » در گوشِ دلم گفت فلک پنهانی: حُکمی که قضا بُوَد ز من می‌دانی؟ در گردشِ خویش اگر مرا دست بُدی خود را برهاندمی ز سرگردانی «خیام» ++++++++++++++++++++++ سەرناو: ئەگەر بێدینم، گەر بێ ئیمانم سەبارەت: نووسین: کەماڵ ڕەحمانی - @chapkagolibevena ٥٤ ئەگەر بێدینم، گەر بێ ئیمانم ئەگەر سەرخۆشی مەیخانەکانم هەر کەس بە ڕەنگێ لە من تێ‌ئەگا منیش هەر ئەوەم کە خۆم ئەیزانم «چوارینەکانی خەییام، وەرگێڕانی: شێخ سەلام. » گەر لە مەی مەستم بەڵێ من مەستم کافرم، بێدین، من بت‌پەرستم هەر کەس بە جۆرێک ئەمداتە قەڵەم من خۆم ئەزانم چییە مەبەستم «چوارینەکانی خەییام، وەرگێڕانی: ئەحمەد شاڵی. » گر من ز می مُغانه مستم، هستم، گر کافِر و گَبْر و بت‌پرستم، هستم، هر طایفه‌ای به من گمانی دارد، من زانِ خودم، چُنان‌که هستم هستم. «خیام» ++++++++++++++++++++++ سەرناو: ڕێبازم هەموو بە داو تەنراوە سەبارەت: نووسین: کەماڵ ڕەحمانی - @chapkagolibevena ٥٥ ڕێبازم هەموو بە داو تەنراوە بۆ هەر لا بڕۆم ڕێم لێ گیراوە دنیا وەک هەوا پرە لە حوکمت حوکم تۆ ئەیکەیت، من عاسیم ناوە «چوارینەکانی خەییام، وەرگێڕانی: شێخ سەلام. » دەسکاری خودایە خۆم و ئاکاریشم بۆ هەرچی دەچم لە دەستی ئەودا ڕیشم هیچ کارێ بە دەس خۆم نییە هەرچی دەیکەم ئەو پێمی دەکا، هێشتە گوناباریشم! «چوارینەکانی خەییام، وەرگێڕاوی: مامۆستا هەژار. » بر رهگُذرم هزار جا دام نهی گویی که: بگیرمت اگر گام نهی یک ذرّه جهان ز حکم تو خالی نیست حُکمَم تو کُنیّ و عاصیَم نام نهی؟ ! ++++++++++++++++++++++ سەرناو: منت دروست کرد له‌ گڵ و له‌ ئاو سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٥٦ منت دروست کرد له‌ گڵ و له‌ ئاو خوری و قامیشت هۆنده‌وه‌ تاوتاو چاکه‌، خراپه، ‌ هه‌رچی که‌ ئه‌یکه‌م یه‌ک یه‌ک تۆ نووسیت، من ئه‌که‌ی به‌دناو «شێخ سەلام» کێ ڕۆژی بەرێ قوڕی منی شێلاوە؟ کوڵکە و مەرەزم بە کام تەشی ڕێسراوە؟ کارم کە یەکی نەگرت و لێم ئاڵۆزا سووچم چییە؟ لای خۆتەوە هەڵپێچراوە «هەژار» یارب تو گِلم سرشته‌ای؛ من چه کنم؟ پشم و قصبم تو رشته‌ای؛ من چه کنم؟ هر نیک و بدی که آید از من به وجود خود بر سر من نوشته‌ای؛ من چه کنم؟ «شرف‌الدین شَفَروَه» ++++++++++++++++++++++ سەرناو: زۆر بە پەلەپەل بۆ دنیا هاتم سەبارەت: نووسین: کەماڵ ڕەحمانی - @chapkagolibevena ٥٧ زۆر بە پەلەپەل بۆ دنیا هاتم حیرەتی زیاد کرد دەورەی حەیاتم نەمزانی چی بوو مەقسوودی گەردوون لەم هات‌وچۆیە، بوون و مەماتم «چوارینەکانی خەییام، وەرگێڕانی: شێخ سەلام. » لەم بێ‌خەبەری خۆمە کەساس و ماتم بێهوودە دەبوورێ دەم و سات و کاتم من ببم و نەبم، جیهان وەکوو خۆی وایە مەیگێڕ وەرە لێکی دەوە! من بۆ هاتم؟ «چوارینەکانی خەییام، وەرگێڕاوی: مامۆستا هەژار. » آورد به اِضطرارم اوّل به وجود جُز حیرتم از حیات چیزی نفزود رفتیم به اِکراه و ندانیم چه بود زین آمدن و بودن و رفتن، مقصود! ++++++++++++++++++++++ سەرناو: وجوود جامێکە عەقڵ ئەنوێنێ سەبارەت: نووسین: کەماڵ ڕەحمانی - @chapkagolibevena ٥٨ وجوود جامێکە عەقڵ ئەنوێنێ خیرەد لە لێوی سەد ماچ ئەسێنێ سەیرە شیشەگەر ئەم شیشە جوانە بۆ دروست ئەکا؟ بۆ ئەیشکێنێ؟ ! «چوارینەکانی خەییام، وەرگێڕانی: شێخ سەلام. » لەش ناسک و لاوچاکی وەها هەن کچ و کوڕ گوڵ دڕکە بەرانبەری بکەی، بێکەسە دوڕ گەردوون کە بەدانستە دەیانکا، وەک شێت تێکیان هەڵدەشێلێت و دەیانکاتەوە قوڕ «چوارینەکانی خەییام، وەرگێڕاوی: مامۆستا هەژار. » جامی است که عقل آفرین می‌زَنَدش صد بوسه زِ مِهْر بر جَبین می‌زندش این کوزه‌گر دَهْر چنین جامِ لطیف می‌سازد و باز بر زمین می‌زندش! ++++++++++++++++++++++ سەرناو: عومرت لەگەڵ یار گەر بەسەر بێنی سەبارەت: نووسین: کەماڵ ڕەحمانی - @chapkagolibevena ٥٩ عومرت لەگەڵ یار گەر بەسەر بێنی هەموو هەر بە ناز بۆسە بسێنی ئاخری ئەمری، هەر ئەبێ بڕۆی دونیا خەوێکە ساتێ ئەیبینی «چوارینەکانی خەییام، وەرگێڕانی: شێخ سەلام.» یاری شیرینت له لابێ تا هه‌ی به هه‌رچی خۆشی دنیایه بگه‌ی مادام ڕۆژێکی بەجێی ده‌هێڵی وه‌ک خه‌وه نابێ دڵی پێخۆش که‌ی «سیلەچاوێک لە چوارینەکانی ئەبووسەعید ئەبوولخەیر، کەماڵ ڕەحمانی.» لذات جهان چشیده باشی همه عمر با يار خود آرميده باشی همه عمر هم آخر عمر رحلتت بايد کرد خوابی باشد که ديده باشی همه عمر «ابوسعید ابوالخیر» ++++++++++++++++++++++ سەرناو: دوو کەس لەم دنیا ئیشیان تەواوە سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٦٠ دوو کەس لەم دنیا ئیشیان تەواوە چەرخ وەکوو خەڕەک لایان سواوە یەک خەبەردارێ تەواو تێ بگا! دوو: بێ خەبەربێ لەم بەن و باوە! «شێخ سەلام» از گردش این دایره‌ی بی‌پایان برخورداری دو نوع مردم را دان یا باخبری تمام از نیک و بدش یا بی‌خبری از خود و احوال جهان «خیام» ++++++++++++++++++++++ سەرناو: گەردوون تاقێکی عومری تاڵمانە سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە ٦١ گەردوون تاقێکی عومری تاڵمانە جەیحوون فرمێسکی ئەشکی ئاڵمانە بەهەشت ساتێکی خۆشی ژیانە دۆزەخ پزیسکەی ناڵە ناڵمانە «شێخ سەلام» گردون نگری ز قد فرسودهٔ ماست جیحون اثری ز اشک پالودهٔ ماست دوزخ شرری ز رنج بیهودهٔ ماست فردوس دمی ز وقت آسودهٔ ماست «خیام» گردون کمری ز عمر فرسودهٔ ماست دریا اثری ز اشک آلودهٔ ماست دوزخ شرری ز رنج بیهودهٔ ماست فردوس دمی ز وقت آسودهٔ ماست «ابوسعید ابوالخیر» ++++++++++++++++++++++ سەرناو: بە دوو ڕۆژ نانێ په‌یدا بکا پیاو سەبارەت: نووسین: بینایی دیدە ٦٢ بە دوو ڕۆژ نانێ په‌یدا بکا پیاو گۆزە شکاوێ لەگەڵ دوو قوم ئاو بۆچی خزمەتی ئەم و ئە‌و بکا؟! وەیا مەئموور بێ درۆ و چاو و ڕاو ++++++++++++++++++++++ سەرناو: لە نەرمی زەوی تا بەرزی (زوحەل) سەبارەت: نووسین: بینایی دیدە ٦٣ لە نەرمی زەوی تا بەرزی (زوحەل) چەن گرێ هەبوو یەک یەک کردم حەل لە مەکر و حیلە دەرچووم پەلە پەل وەک خۆی مایەوە موشکیلی ئەجەل ++++++++++++++++++++++ سەرناو: ئێمە ئەی موفتی! زۆر بێ ئازارین سەبارەت: نووسین: بینایی دیدە ٦٤ ئێمە ئەی موفتی! زۆر بێ ئازارین کە زۆر سەرخۆش بین زیاتر بێدارین تۆ خوێنی کەس و ئێمەش خوێنی ڕەز هەردروو ئەيخۆينۆ، کێمان خوونخوارین؟ ++++++++++++++++++++++ سەرناو: منم مشتەری مە‌یی کۆنە و نۆ سەبارەت: نووسین: بینایی دیدە ٦٥ منم مشتەری مە‌یی کۆنە و نۆ ئێمە بەهه‌شتمان داوە بە دوو جۆ بۆ من شەراب و تۆ دنيا و بەھەشت بۆ ھەر لا ئەڕۆی فە‌رموو زوو بڕۆ ++++++++++++++++++++++ سەرناو: جوان دروست ئەکەی ناسکتر لە گوڵ سەبارەت: نووسین: بینایی دیدە ٦٦ جوان دروست ئەکەی ناسکتر لە گوڵ ئەگریجە و پەرچەم، عەنبەر و سونبوڵ نابێ سەيری کەم، سەيرە ئەم حوکمە (دێزه هەڵ نە‌چێ بێته کەف و کوڵ) ++++++++++++++++++++++ سەرناو: فەلەک لافاوی غەم هەڵئەسێنێ سەبارەت: نووسین: بینایی دیدە ٦٧ فەلەک لافاوی غەم هەڵئەسێنێ یەکێ لائەدا، یە‌کێ ئە‌فڕێنێ مەعدووم بزانێ ئه‌حواڵی مه‌وجوود بۆ سەر ئەم دنیا کێ پێ هەڵدێنێ؟ ++++++++++++++++++++++ سەرناو: خەرقەم سەرپۆشی سەر سەری خومە سەبارەت: نووسین: بینایی دیدە ٦٨ خەرقەم سەرپۆشی سەر سەری خومە خۆڵی مەيخانەم بۆ ته‌یەممومە جێ شە‌وی منه گۆشە‌ی مەيخانە ڕێگه‌ی مزگەوتم بە ڕۆژ لێ گومه ++++++++++++++++++++++ سەرناو: عومرت دووسەد بێ سێ سەد بێ، هە‌زار سەبارەت: نووسین: بینایی دیدە ٦٩ عومرت دووسەد بێ سێ سەد بێ، هە‌زار لەم وێرانەیە دەرئەچی ناچار هە‌ردوو یەک نرخه، هەروەکوو یەکە پاشای شاران بی یا گەدای بازار ++++++++++++++++++++++ سەرناو: ئەڵێن لە بە‌هه‌شت حۆری و که‌وسه‌رە سەبارەت: نووسین: بینایی دیدە ٧٠ ئەڵێن لە بە‌هه‌شت حۆری و که‌وسه‌رە جۆگه‌ی شەراب و شیر و شەکەرە جامێ شەرابم بۆ تێکه ساقی! حازر بێ کەم بێ له‌قه‌رز چاکترە! ++++++++++++++++++++++ سەرناو: دڵۆپێ شەراب دونيا ئەهێنێ سەبارەت: نووسین: بینایی دیدە ٧١ دڵۆپێ شەراب دونيا ئەهێنێ خشتی سەر کووپە، ڕۆح ئەجووڵێنێ ئە‌و پەشتەماڵە لێوی پێ ئە‌سڕن قيمەتی ھەزار بەرماڵ ئەشکێنێ ++++++++++++++++++++++ سەرناو: مردووی قەبرستان بوون بە تۆز و خاک سەبارەت: نووسین: بینایی دیدە ٧٢ مردووی قەبرستان بوون بە تۆز و خاک زەڕڕە لە زەڕڕە ترازان تاک تاک وای لەم شەرابە هەر بە یەک پیاڵە بێ خەبەر، بێ هۆش عالەم بوو هيلاک ++++++++++++++++++++++ سەرناو: که‌ی گه‌ڵای عومرم لە دار ترازا سەبارەت: نووسین: بینایی دیدە ٧٣ که‌ی گه‌ڵای عومرم لە دار ترازا جومگەم یەک لە یەک داخزا، ڕزا خاکم سوراحی بکەن پڕ لە مەی پژمەیەك ئەکەم، هەڵئەستم ئازا ++++++++++++++++++++++ سەرناو: هەڵسە غەم مەخۆ، دنیا وەک بایە سەبارەت: نووسین: بینایی دیدە ٧٤ هەڵسە غەم مەخۆ، دنیا وەک بایە بە شادی بژی، دەرچۆ لەم کایە گەر دنیا سەری وەفای ببوایە لەبەر خەڵق نۆرە بۆ سەر تۆ نایە ++++++++++++++++++++++ سەرناو: گیانە دوشمنە ئەم چەرخە پیرە سەبارەت: نووسین: بینایی دیدە ٧٥ گیانە دوشمنە ئەم چەرخە پیرە دوشمنی گيانی پاشا و وە‌زیرە کۆڕی بە حەڵقە لەسەر سە‌وزە گيا هاکا لە خاکت گيا دای زنجیره ++++++++++++++++++++++ سەرناو: لەگەڵ یارێکدا وەک خەرمانە‌ی گوڵ سەبارەت: نووسین: بینایی دیدە ٧٦ لەگەڵ یارێکدا وەک خەرمانە‌ی گوڵ بگرە شەراب و شیشە، گوڵ و موڵ بەر لەوەی گورگی ئەجەل کراست بدڕێنێ، بدڕە تۆ دامانی گوڵ ++++++++++++++++++++++ سەرناو: ساقی! سه‌وزەگيا و گوڵ تێک ئاڵاوە سەبارەت: نووسین: بینایی دیدە ٧٧ ساقی! سه‌وزەگيا و گوڵ تێک ئاڵاوە تێپەڕی بەھار حەوت ڕۆژی ماوە شەراب بنوشە، سبحە‌ی ئە‌يبينی گوڵ، خاک، گيا، دڕک، سەبرە فە‌وتاوە ++++++++++++++++++++++ سەرناو: دائیرەی گەردوون بەحری بێ بنە سەبارەت: نووسین: بینایی دیدە ٧٨ دائیرەی گەردوون بەحری بێ بنە شەراب بنۆشه، چەرخ دوشمنه دەور ئەدا ئەجەل، دەورەت دێتە‌سە‌ر شەرابی مەرگ چارەی چەشتنە ++++++++++++++++++++++ سەرناو: سوراحی و پیاڵە یاری دڵ نازدار سەبارەت: نووسین: بینایی دیدە ٧٩ سوراحی و پیاڵە یاری دڵ نازدار هەڵگرە بڕۆین، بۆ گوێ سەبزەزار لە قەد و باڵای یاران ئەم چەرخە سەد بار پیاڵەی کرد، سوراحی سەدجار ++++++++++++++++++++++ سەرناو: تەبعم لەگەڵ ڕووی وەک گوڵ تێکە‌ڵ بێ سەبارەت: نووسین: بینایی دیدە ٨٠ تەبعم لەگەڵ ڕووی وەک گوڵ تێکە‌ڵ بێ دەست و پیاڵه، گوڵ چڵ تێکه‌ڵ بێ من لە ھەر باغێ گوڵێ ئەچنم بەر لەوە ئەجزام بە گڵ تێکه‌ڵ بێ ++++++++++++++++++++++ سەرناو: سەتری ئیزەدی هیچمان نایزانێ سەبارەت: نووسین: بینایی دیدە ٨١ سەتری ئیزەدی هیچمان نایزانێ هەروەك مەتەڵە، كێ هەڵی دێنێ؟ لەپشت پەردەوە گفتوگۆمانە ئەو پەردە لاچێ، كەسمان نامێنێ ++++++++++++++++++++++ سەرناو: ئێمە زۆر گەڕاین بە دەر و دەشتا سەبارەت: نووسین: بینایی دیدە ٨٢ ئێمە زۆر گەڕاین بە دەر و دەشتا دنیام پشکنی ورد ورد لە گەشتا بە دوو چاو نەمدی تاقە ڕێبوارێ بە دوو گوێش نەمبيست بێتەوە هێشتا ++++++++++++++++++++++ سەرناو: ئەو پیاڵە کەوا دە پوول ئەهێنێ سەبارەت: نووسین: بینایی دیدە ٨٣ ئەو پیاڵە کەوا دە پوول ئەهێنێ سەرخۆش مەستیش بی ھەر نایشکێنێ ئەم سەر و دەست و پەنجە شیرینه کردگار بۆ ئەيکا و هەڵیه‌وەرێنێ ++++++++++++++++++++++ سەرناو: کەوتینە دوا و دۆزاخە وەک مەل سەبارەت: نووسین: بینایی دیدە ٨٤ کەوتینە دوا و دۆزاخە وەک مەل ھەر فرته فرت و داخ و پەلە پەل گیرۆدەی دنیای بێ درگا و بانین هاتین بێ موراد ئە‌ڕۆین بێ ئەمەل ++++++++++++++++++++++ سەرناو: لە ڕێک‌خستندا زاتی کردگار سەبارەت: نووسین: بینایی دیدە ٨٥ لە ڕێک‌خستندا زاتی کردگار بۆ تەبائیعی دانا ناهەموار گەر ڕێکوپێکه شکانی لە چی؟ وەگەر ناڕێکە، کێیه گوناھکار؟ ++++++++++++++++++++++ سەرناو: هەرچەند ڕەنگ و ڕووم، جوان و ڕەنگینە سەبارەت: نووسین: بینایی دیدە ٨٦ هەرچەند ڕەنگ و ڕووم، جوان و ڕەنگینە باڵا وەک سەرو و ڕوومەت نه‌سرینە بەڵام نازانم بۆ لە دنیادا وا ڕازامەوە، بۆ لام شیرینه؟ ++++++++++++++++++++++ سەرناو: لە گەرد و خولی ئەم چەرخە شینە سەبارەت: نووسین: بینایی دیدە ٨٧ لە گەرد و خولی ئەم چەرخە شینە یا بۆ تێکچوونی ئەم سەرزەمینە مەحەکی عەقڵ و ترازووی قیاس قەڵبە، سەر ئەکا! فەرموو بیبینە ++++++++++++++++++++++ سەرناو: کەیف بکە، ژیان نەفەس‌دانێکە سەبارەت: نووسین: بینایی دیدە ٨٨ کەیف بکە، ژیان نەفەس‌دانێکە یەک زەڕڕە لە خاک نە‌وشیروانێکه ئەحواڵی دنیا و ژیانی هەموو خەو و خەیاڵ و تەفرەدانێکە! ++++++++++++++++++++++ سەرناو: هەر هەفتە بخۆ شەرابی ڕەنگدار سەبارەت: نووسین: بینایی دیدە ٨٩ هەر هەفتە بخۆ شەرابی ڕەنگدار له دەست دەر نەکەی جومعە سەد زینهار له لای من جومعە و شەممە وەک یەکە یەزدان‌پەرستم نه وەک ڕۆزگار! ++++++++++++++++++++++ سەرناو: شەرابێ، دنیا هەر یەک نەفەسە سەبارەت: نووسین: بینایی دیدە ٩٠ شەرابێ، دنیا هەر یەک نەفەسە یەک نەفەس شادی لەلای من بەسە چوون هات گەردشی گەردوون، بسازە چونکە چەرخی چەرخ بەرعەکسی کەسە ++++++++++++++++++++++ سەرناو: بەرلەوە یەک یەک لەدنیا بڕۆین سەبارەت: نووسین: بینایی دیدە ٩١ بەرلەوە یەک یەک لەدنیا بڕۆین ئەمرۆ پێکەوە شەرابێ بخۆین وەختی ڕۆینمان چونکە ئەم چەرخە وچانمان نادا دەم و چاو بشۆين! ++++++++++++++++++++++ سەرناو: بەخشندەگی تۆ لە عالەم باوە سەبارەت: نووسین: بینایی دیدە ٩٢ بەخشندەگی تۆ لە عالەم باوە عاسی لە بەهەشت بۆ دەرکراوە؟ بەهەشت بە تاعەت لە کوێ بەخشینە؟ لەگەڵ گوناهدا بەخشین، تەواوە ++++++++++++++++++++++ سەرناو: ئەگەر گوڵ نەبێ هەمە دڕک و خار سەبارەت: نووسین: بینایی دیدە ٩٣ ئەگەر گوڵ نەبێ هەمە دڕک و خار وەگەر نوور نە‌بێ زۆرە گریه و نار خەرقە، خانقا، شێخم گەر نييه هە‌یە ناقووس و کەليسا و زوننار ++++++++++++++++++++++ سەرناو: هەڵسە شەرابێ، وەخت نەماوە سەبارەت: نووسین: بینایی دیدە ٩٤ هەڵسە شەرابێ، وەخت نەماوە دەمی تەنگی تۆم ڕۆزی بڕاوه شەرابێ ئاڵ بێ، وەک گوڵی کوڵمت تەوبەم وەک زوڵفت: چین چین شکاوه ++++++++++++++++++++++ سەرناو: ‎شەراب نۆشین و هاوشانی دولبەر سەبارەت: نووسین: بینایی دیدە ٩٥ ‎شەراب نۆشین و هاوشانی دولبەر ‎چاکترە لە ڕیای زاهدی نوێژکەر ‎گەر عاشق و مەست بچنە جەهەننم ‎بەهەشت چۆڵ و هۆڵ، لەم سەر تا ئەوسەر ++++++++++++++++++++++ سەرناو: تا کەی بۆ مزگەوت، یا بۆ کەنشت چوون؟ سەبارەت: نووسین: بینایی دیدە ٩٦ تا کەی بۆ مزگەوت، یا بۆ کەنشت چوون؟ تاکەی بۆ بەهەشت لە دۆزخ دەرچوون؟ بڕۆ ببینە: سەر لەوحەی قەزا چی بوو لە ئەزەل نووسی، بەرله‌بوون ++++++++++++++++++++++ سەرناو: ئەو ڕۆژە ئەسپی گە‌ردوون زین کرا سەبارەت: نووسین: بینایی دیدە ٩٧ ئەو ڕۆژە ئەسپی گە‌ردوون زین کرا مشتەری و په‌روین ئارایش درا ھەرکەس بە‌شی خۆی درایه دەستی گوناھمان چییە؟ وەھا بەش کرا! ++++++++++++++++++++++ سەرناو: ئەوانە کە وا بە بیر و هۆشن سەبارەت: نووسین: بینایی دیدە ٩٨ ئەوانە کە وا بە بیر و هۆشن هەموو خەريکی: (نێره بیدۆشن)؛ عەقڵ سه‌ر بە سەر تەڕەپياز ناکا وا چاکە جلی ئەبلەھ بپۆشن! ++++++++++++++++++++++ سەرناو: لەسەر فەرشی خاک خەوتوو دیارە سەبارەت: نووسین: بینایی دیدە ٩٩ لەسەر فەرشی خاک خەوتوو دیارە له ژێر زەویدا کەوتوو دیارە کە دەشتی «عەدەم» سەرنجە ئەدەم چين چين نەهاتوو و هاتوو دیارە ++++++++++++++++++++++ سەرناو: سەر لە بەیانە دەمی شەفەقە سەبارەت: نووسین: بینایی دیدە ١٠٠ سەر لە بەیانە دەمی شەفەقە لە پیاڵە و شووشە هەڵسێنمە تەقە مەشهوور و باوە: حەق تاڵ و ڕەقە بۆیە مەی تاڵە، مەعلوومە حەقە ++++++++++++++++++++++ سەرناو: مەیخانە دایم بە من ئاوایە سەبارەت: نووسین: بینایی دیدە ١٠١ مەیخانە دایم بە من ئاوایە خوێنی دوو هەزار تەوبەم لە لایە من گوناھ نەکەم ڕەحمەت چی ئەکا؟ ڕەحمەت بێ گوناھ چییە؟ چی تیایە؟ ++++++++++++++++++++++ سەرناو: ساقی شەرابی عەقیق بنوێنە سەبارەت: نووسین: بینایی دیدە ١٠٢ ساقی شەرابی عەقیق بنوێنە لە گەرووی شیشه دەی خوێن بڕژێنە بە غەيری جام و شەراب من نيمه ھاوڕازی دڵ پاک وەکوو ئاوێنە ++++++++++++++++++++++ سەرناو: بەیانە ساقی شەرابی گوڵڕەنگ سەبارەت: نووسین: بینایی دیدە ١٠٣ بەیانە ساقی شەرابی گوڵڕەنگ وردی کەین بە بەرد شیشەی نام و نەنگ دەست لە ئومێدی ژاکاو هەڵگرین بۆ زوڵفی لوول و بۆ دامانی چەنگ ++++++++++++++++++++++ سەرناو: لەو مەیە جامێ قووتی ڕەوانە سەبارەت: نووسین: بینایی دیدە ١٠٤ لەو مەیە جامێ قووتی ڕەوانە بمدەرێ هەرچەن سەرم گرانە دنیا وەکوو «با» دێ، تێئەپەڕێ بۆ دەردی دنیا هەر مەی دەرمانە ++++++++++++++++++++++ سەرناو: دڵ‌ئازار مەبە، قـەت دڵ مەشکێنە سەبارەت: نووسین: بینایی دیدە ١٠٥ دڵ‌ئازار مەبە، قـەت دڵ مەشکێنە بە ئاگری ڕق، کەس مەسووتێنە گەر ئاســوودەگی یەک جاریت ئەوێ؟ خۆت بڕەنجێنە، کەس مەڕەنجێنە ++++++++++++++++++++++ سەرناو: یەک پیاڵە شەراب سەد دڵ و دینە سەبارەت: نووسین: بینایی دیدە ١٠٦ یەک پیاڵە شەراب سەد دڵ و دینە تەنيا یەک چۆڕی چین و ماچینە له سەر ڕووی زەمین تەنها شەرابە تاڵێکە گيانە؛ گيانی شیرینە ++++++++++++++++++++++ سەرناو: لە هاتن غەیرى دەردى‌سەر چی بوو؟ سەبارەت: نووسین: بینایی دیدە ١٠٧ لە هاتن غەیرى دەردى‌سەر چی بوو؟ لە مردن غەیرى دەربەدەر چی بوو؟ لە هیچ‌کەس نەم‌بیست من بەم دوو گوێیە: ئەم هاتوچوونەى من لەبەر چی بوو؟ ++++++++++++++++++++++ سەرناو: دڵە تۆ دەرکی موعەمما ناکەی سەبارەت: نووسین: بینایی دیدە ١٠٨ دڵە تۆ دەرکی موعەمما ناکەی وا زوو لە نوکتەی دانا تێناگەی لێرە لە شەراب بەهەشتێ سازدە لەوێ بە بەهەشت ئەگەی یا ناگەی! ++++++++++++++++++++++ سەرناو: ئەو قەسرە کە وا جووتێ چەرخ بەرزبوو سەبارەت: نووسین: بینایی دیدە ١٠٩ ئەو قەسرە کە وا جووتێ چەرخ بەرزبوو شاھان بۆ دەرگای ئەچوون ڕوو بە ڕوو يەک قومريم بینی لە سەرتەلاری بە ناڵه ئەيگوت: کوو کوو کوو کوو کوو ++++++++++++++++++++++ سەرناو: عەقڵ بێ سوودە ئەمڕۆ، زەرەرە سەبارەت: نووسین: بینایی دیدە ١١٠ عەقڵ بێ سوودە ئەمڕۆ، زەرەرە سوودی زەمانە بۆ پیاوی کەرە شەرابێ بێنە عەقل لابەرێ ئەوسا بۆ ئێمەش چەرخ جیلوەگەرە! ++++++++++++++++++++++ سەرناو: من گوناهکارم، ڕه‌زای تۆ کوانێ؟ سەبارەت: نووسین: بینایی دیدە ١١١ من گوناهکارم، ڕه‌زای تۆ کوانێ؟ تاریکه‌ دڵم، چرای تۆ کوانێ؟ بە‌هه‌شت بە‌خشینت گه‌ر بە‌ تاعه‌ته‌ پێ فرۆشتنه‌؛ عه‌تای تۆ کوانێ؟ ++++++++++++++++++++++ سەرناو: دڵ نوێژ و ڕۆژوو کەوتە کەڵ‌کەڵەی سەبارەت: نووسین: بینایی دیدە ١١٢ دڵ نوێژ و ڕۆژوو کەوتە کەڵ‌کەڵەی وتم: مرادم ھاتە دی ئۆخەی لەولاوە دەسنوێژ بە تڕێ شکا لەم‌لاوە ڕۆژوو بە یەک قەترە مەی ++++++++++++++++++++++ سەرناو: لە باغا بولبول کە کەوتە ناڵە سەبارەت: نووسین: بینایی دیدە ١١٣ لە باغا بولبول کە کەوتە ناڵە لە سەر دەست پیاڵەی شەرابی ئاڵە بەر لەوە خەڵقی یەک بە یەک بڵێن: دیسان فڵانی دەستی دا پیاڵە ++++++++++++++++++++++ سەرناو: دڵە ئەسپابی عوشرەت بسێنە سەبارەت: نووسین: بینایی دیدە ١١٤ دڵە ئەسپابی عوشرەت بسێنە سەوزەگيا بە جێ شادی بنوێنه له سەر ئە‌و سەبزە شە‌وێ وەک شە‌ونم دانیشە بەيان هەڵهات مەمێنە ++++++++++++++++++++++ سەرناو: لەو فیکرە لادە لە لات مەحاڵە سەبارەت: نووسین: بینایی دیدە ١١٥ لەو فیکرە لادە لە لات مەحاڵە بەر مەدە شیشه و شەراب و پیاڵە «کچی ڕەز» بگرە، گوێ مەگرە لە خەڵق ئەڵێن: کچ حەرام، دايک حەڵاڵە! ++++++++++++++++++++++ سەرناو: هەرکەس زوو ڕۆیی لە دنیا دەرچوو سەبارەت: نووسین: بینایی دیدە ١١٦ هەرکەس زوو ڕۆیی لە دنیا دەرچوو له ژێری خاکا یەکایەک نوستوو باده بنۆشە، ڕاستت پێ ئەڵێم: ھەرچی وتراوە وەک «با»یە هەموو ++++++++++++++++++++++ سەرناو: تاکەی باس و خواس لە پێنج و لە چوار سەبارەت: نووسین: بینایی دیدە ١١٧ تاکەی باس و خواس لە پێنج و لە چوار چ يەک بێ موشکيل چ خۆ سەد هەزار گەر چنگێ خاکين چەنگی ڕوبابی... ئەگەر لە بادین باده بێنه یار! ++++++++++++++++++++++ سەرناو: بێ‌بادە مەبە مڵکی مەحموودە سەبارەت: نووسین: بینایی دیدە ١١٨ بێ‌بادە مەبە مڵکی مەحموودە گوێ بگره لە چەنگ لەرەی داووده له ھاتن لە چوون ئەندیشە مەکە کەیف بکە ئێستە، ئێستە مەوجوودە ++++++++++++++++++++++ سەرناو: کاتێ کە ناسیم من لەپی دەستم سەبارەت: نووسین: بینایی دیدە ١١٩ کاتێ کە ناسیم من لەپی دەستم چەرخی بەدمایە دوو دەستی بەستم ئەم حاڵە بە ژین چۆن حیساب ئەکرێ؟ نە یار، نە بادە، نە تۆزێ مەستم ++++++++++++++++++++++ سەرناو: کاروانی عومر تێپەڕی وەک خەو سەبارەت: نووسین: بینایی دیدە ١٢٠ کاروانی عومر تێپەڕی وەک خەو هانا شەرابێ، لادە لەم و لەو غەمی بەیانی ئێستە بۆ ئەخۆی ساقی شەرابێ وا تێپەڕی شەو ++++++++++++++++++++++ سەرناو: شەراب لە بەهەشت بۆ خاس و عامە سەبارەت: نووسین: بینایی دیدە ١٢١ شەراب لە بەهەشت بۆ خاس و عامە لەم دنیا مەنعی هەر بۆ نەفامە لاقـی حوشترێ «حەمزە» عارەبی پەڕاندی؛ بۆ من مەی کەی حەرامە؟ ++++++++++++++++++++++ سەرناو: هاتنت، چوونت ئایەی «بَلْ هُمْ» بوو سەبارەت: نووسین: بینایی دیدە ١٢٢ هاتنت، چوونت ئایەی «بَلْ هُمْ» بوو ناوت لە ناوی ناواندا گوم بوو ناخون کۆمەڵ بوو ها لێت بە سم بوو ڕیشت کە‌وتە دوا وا لێت بە دوم بوو ++++++++++++++++++++++ سەرناو: لەلای خەڵق بەهەشت لەگەڵ حوور خۆشە سەبارەت: نووسین: بینایی دیدە ١٢٣ لەلای خەڵق بەهەشت لەگەڵ حوور خۆشە لەلای من ئاوی (ترێ‌سوور) خۆشه ئەم نەقدە بگره ئە‌و وەعدە بەردە کە دەنگی دەھۆڵ ھەر لە دوور خۆشه ++++++++++++++++++++++ سەرناو: جام و شەراب و ساقی و لالەزار سەبارەت: نووسین: بینایی دیدە ١٢٤ جام و شەراب و ساقی و لالەزار بۆ من بێ و بۆ تۆ بەھەشتی نازار باسی بەھەشت و دۆزەخ بەس بکەن کێ دۆزەخی دی، کێ بەھەشت یەک جار؟ ++++++++++++++++++++++ سەرناو: ئەی لە چوار و حەوت کە هاتیتە دی سەبارەت: نووسین: بینایی دیدە ١٢٥ ئەی لە چوار و حەوت کە هاتیتە دی لە حەوتە لە چوار ڕەنج و دەردت دی شەراب بنۆشە چەن جار پێم وتی! هاتنەوەت نییە کە مردی، مردی ++++++++++++++++++++++ سەرناو: شەراب و یار و سووچێکی باگر سەبارەت: نووسین: بینایی دیدە ١٢٦ شەراب و یار و سووچێکی باگر بەسمە نامەوێ لەمە زیاتر کراس، گیان و دڵ، بارمتەی مەیە بێ‌باک لە خاک و ئاو و با و ئاگر ++++++++++++++++++++++ سەرناو: لە شوێنی شەهوەت، هەوای نەفس بڕۆی سەبارەت: نووسین: بینایی دیدە ١٢٧ لە شوێنی شەهوەت، هەوای نەفس بڕۆی لە جیاتی شادی، دەرد و غەم ئەخۆی بزانە تۆ کێی، لە کام لا هاتی؟ ئێستە چی ئەکەی، بۆ کام لا ئەڕۆی؟ ++++++++++++++++++++++ سەرناو: ڕێیەکە پەردەی ئەسراری خودا سەبارەت: نووسین: بینایی دیدە ١٢٨ ڕێیەکە پەردەی ئەسراری خودا پێچو پڵووچە کەس ڕێ دەرناکا غەیری دوو تۆی خاک مەنزڵگە نيیه ڕێس و گوريسه، زوو نابێ کۆتا ++++++++++++++++++++++ سەرناو: هاکا جیا بووینۆ لە ڕۆحی شیرین سەبارەت: نووسین: بینایی دیدە ١٢٩ هاکا جیا بووینۆ لە ڕۆحی شیرین چووینه تۆی دوو تۆی تاریکی زەمين شەراب بنۆشه مەعلوم نايزانين: له کوێوە هاتین و بۆ کوێ ئە‌چين؟! ++++++++++++++++++++++ سەرناو: دەمەو بەیانی لە مەیخانەی من سەبارەت: نووسین: بینایی دیدە ١٣٠ دەمەو بەیانی لە مەیخانەی من دەنگێ هات وتی: دێوانەیی من! هەڵسە، پڕ بکەین پەیمانە لە مەی بەر لەوە پڕکەن پەیمانەی مردن ++++++++++++++++++++++ سەرناو: هەر ئەبێ بمرین، نە مردن لە چى؟! سەبارەت: نووسین: بینایی دیدە ١٣١ هەر ئەبێ بمرین، نە مردن لە چى؟! مردن یەک جارە، بزووتن لە چى؟! خوێن و پیسایی و چنگێ ڕەگ و پێست! نەبوون باشترە، غەم خواردن لە چى؟ ++++++++++++++++++++++ سەرناو: چی دەست ئەکەوێ لە ژیان ئینسان سەبارەت: نووسین: بینایی دیدە ١٣٢ چی دەست ئەکەوێ لە ژیان ئینسان غەیری غەم خواردن یا خۆ گیان کێشان خۆزگەم بەوەی زوو لە دنیا دەرچوو بەختیار کەسێکە کە نەیدی ژیان! ++++++++++++++++++++++ سەرناو: کەناری جۆیەک، شەراب بێ هاودەم سەبارەت: نووسین: بینایی دیدە ١٣٣ کەناری جۆیەک، شەراب بێ هاودەم کەنارە گیر بين، لە دەرد و له غەم عومری شیرینی ئێمە یەک دەمە! ڕوو خۆش و دڵشاد، بژین هە‌موو دەم ++++++++++++++++++++++ سەرناو: من بە بێ‌شەراب قەت ژینم نابێ سەبارەت: نووسین: بینایی دیدە ١٣٤ من بە بێ‌شەراب قەت ژینم نابێ بێ‌پیاڵەی پڕ مەی ڕوانینم نابێ بەندەی ئەو ساتەم کە ساقی ئەڵێ: جامێ‌تر بگرە، توانینم نابێ! ++++++++++++++++++++++ سەرناو: ساقی غەمی من بەرز ئاوازەیە سەبارەت: نووسین: بینایی دیدە ١٣٥ ساقی غەمی من بەرز ئاوازەیە سەرخۆشیم زیاد لە ئەندازەیە هەرچەند ڕیش سپیم، سەرخۆشم لەمەی خۆم پیر و کۆنم، دڵم تازەیە ++++++++++++++++++++++ سەرناو: تا مانگ و زوهرە باقی ئەمێنێ سەبارەت: نووسین: بینایی دیدە ١٣٦ تا مانگ و زوهرە باقی ئەمێنێ لە شەراب چاکتر کەس هیج ناهێنێ مەی‌فرۆش سەری چۆن لێ شێواوە لەوەی ئەیفرۆشێ چاکتر ئەسێنێ؟ ++++++++++++++++++++++ سەرناو: هەڵسە سا ساقی، تازە گوڵی من سەبارەت: نووسین: بینایی دیدە ١٣٧ هەڵسە سا ساقی، تازە گوڵی من لابەرە غەم و دەردی دڵی من گۆزەیەک شەراب بێنە بی‌نۆشم ئەکرێ بە گۆزە، ڕۆژێ گڵی من! ++++++++++++++++++++++ سەرناو: هەڵسە بەیانە، فیدات بم ساقی سەبارەت: نووسین: بینایی دیدە ١٣٨ هەڵسە بەیانە، فیدات بم ساقی هەر لەو شەرابە، شەو ماوە باقی جامێ پر بکە؛ ئیمڕۆ فرسەتە ڕۆژێ تێ کە تۆیش خشتێکی تاقی! ++++++++++++++++++++++ سەرناو: بەس غەمی بێ‌سود بخۆ، بە دڵشاد سەبارەت: نووسین: بینایی دیدە ١٣٩ بەس غەمی بێ‌سود بخۆ، بە دڵشاد لە دنیا بژی؛ (هەرچی بادا باد) دنیا ئاخری هەر ئاخر بوونە وەبزانە نەبووی؛ بژی وەک ئازاد ++++++++++++++++++++++ سەرناو: دەردی دڵ تەواو گەیشتە گیانم سەبارەت: نووسین: بینایی دیدە ١٤٠ دەردی دڵ تەواو گەیشتە گیانم لە گیانم زیاتر من هەراسانم من ببم، نەبم دنیا وەک یەکە ئەبێ فائیدەی چی بێ ژیانم؟ ++++++++++++++++++++++ سەرناو: ئێمە نامێنین، دنیا ئەمێنێ سەبارەت: نووسین: بینایی دیدە ١٤١ ئێمە نامێنین، دنیا ئەمێنێ ناو و نیشانمان بە جێ نامێنێ لەمەو بەر نەبوین دنیا نەڕووخا لەمەو دواش نەبین هەر وا ئەنوێنێ! ++++++++++++++++++++++ سەرناو: گوڵ وتی: سەیری ڕەنگم چەن جوانە سەبارەت: نووسین: بینایی دیدە ١٤٢ گوڵ وتی: سەیری ڕەنگم چەن جوانە زوڵمی گوڵاوگر لای من تاوانە! بولبولێ پێی‌وت بەزبانی حاڵ: ڕۆژێ پێکەنین، ساڵێ گریانە! ++++++++++++++++++++++ سەرناو: دوێشەو بۆ شەراب من لە گەڕاندا سەبارەت: نووسین: بینایی دیدە ١٤٣ دوێشەو بۆ شەراب من لە گەڕاندا گوڵێکم بینی، لە ئاگرداندا هەڵقرچاو پێم‌وت: بۆ ئەتسووتێنن؟ وتی: پێکەنیم لە ناو باخاندا ++++++++++++++++++++++ سەرناو: چونکە مەحرەمی من پێت ئەڵێم زوو: سەبارەت: نووسین: بینایی دیدە ١٤٤ چونکە مەحرەمی من پێت ئەڵێم زوو: لە هەوەڵ‌جاردا کە ئادەم چی بوو؟ بەدبەخت، لە قوڕی غەم دروست کرا بۆ تاقە ڕۆژێ، دەریان پەڕاند زوو! ++++++++++++++++++++++ سەرناو: فەرزم کرد ساقیم وەک ماهتابە سەبارەت: نووسین: بینایی دیدە ١٤٥ فەرزم کرد ساقیم وەک ماهتابە گەر ئاوی حەیات لە جێی شەرابە زوهرە و موغەنی و عیسام هاودەم بێ دڵ ناڕەحەت بێ لەلام عەزابە ++++++++++++++++++++++ سەرناو: گوڵ وتی: منم یووسف بە وێنە سەبارەت: نووسین: بینایی دیدە ١٤٦ گوڵ وتی: منم یووسف بە وێنە لەعلی دەھەنم یاقووت شکێنە وتم: یووسفی نیشان بنوێنە وتی: کراسم ھا غەرقی خوێنە ++++++++++++++++++++++ سەرناو: کەڵکەڵەی شەراب وا کەوتە سەرم سەبارەت: نووسین: بینایی دیدە ١٤٧ کەڵکەڵەی شەراب وا کەوتە سەرم بە قەرز و حازر ئیش پێکهێنەرم پێم ئەڵێن: پارەی بەیانیت کوانێ؟ بۆچ «مریەم» ڕێسای جبە و مێزەرم؟! ++++++++++++++++++++++ سەرناو: لەگەڵ عاقڵ‌دا تێکەڵ بوون چاکە سەبارەت: نووسین: بینایی دیدە ١٤٨ لەگەڵ عاقڵ‌دا تێکەڵ بوون چاکە پڕ بە پێ لە دەست ناکەس هەڕاکە ناکەس وەکوو مار ناکاو ئەتگەزێ! زەھری دانشمەند لە جێی تلياکە! ++++++++++++++++++++++ سەرناو: بۆ عالەمی ڕۆح پڕ بیر و هۆش بە سەبارەت: نووسین: بینایی دیدە ١٤٩ بۆ عالەمی ڕۆح پڕ بیر و هۆش بە بۆ ئیشی دنیا لاڵ و خەمۆش بە تا گوێچکە و چاو و زبان ئەمێنێ بێ‌چاو، بێ‌زبان، بێ‌هۆش و گۆش بە ++++++++++++++++++++++ سەرناو: خۆزگە بەو کەسە پێی نەوترا زل سەبارەت: نووسین: بینایی دیدە ١٥٠ خۆزگە بەو کەسە پێی نەوترا زل خوری و ئەتڵەسی بۆ نەکرا بە جل لە هەر دو دونیا وەک «عەنقا» نەک وەک منی بایەقوش؛ کەلاوە مەنزل ++++++++++++++++++++++ سەرناو: کەیف بکە، بێ غەم نابینی شەوێ سەبارەت: نووسین: بینایی دیدە ١٥١ کەیف بکە، بێ غەم نابینی شەوێ ئەستێرەی ئاسمان لە یەک ئەکە‌وێ؟ خشتێ لە خۆڵی لاشه‌ی تۆ ئەکەن بەر کۆشک و سه‌رای یە‌کێ ئەکه‌وێ ++++++++++++++++++++++ سەرناو: دڵە لە ژەنگی لاشە گەر پاکی سەبارەت: نووسین: بینایی دیدە ١٥٢ دڵە لە ژەنگی لاشە گەر پاکی ڕۆحێکی پاکی، بۆ ئەفلاک چاکی عەرشە جێگەی تۆ، تۆ شەرمت ببێ کەبۆ چەن ڕۆژێ دانیشتووی خاکی ++++++++++++++++++++++ سەرناو: بە جامێ شەراب با دڵ شاد بکەین سەبارەت: نووسین: بینایی دیدە ١٥٣ بە جامێ شەراب با دڵ شاد بکەین لە بوون و نەبوون کەمتر یاد بکەین بێ‌چارە سووکی لە تۆی زیندانا لە بەندی ژیری، گیان ئازاد بکەین ++++++++++++++++++++++ سەرناو: نیو نەفەس ماوە ساقی لە ژینم سەبارەت: نووسین: بینایی دیدە ١٥٤ نیو نەفەس ماوە ساقی لە ژینم لە تێکەڵی خەڵق یەکجاری بە قینم لە بادەی دوێشەو یەک پیاڵە نەما نازانم چی ما عومری شیرینم؟ ++++++++++++++++++++++ سەرناو: لە دەست ئەم چەرخە هەر خەفەت ئەخۆم سەبارەت: نووسین: بینایی دیدە ١٥٥ لە دەست ئەم چەرخە هەر خەفەت ئەخۆم ڕەنجم بێ‌سوودە، بەڵکە ڕەنجەڕۆم (چموچارمە) ڕۆژ و شەو ئەڵێم: ئای درەنگ هاتم، هاوار زوو ئەڕۆم! ++++++++++++++++++++++ سەرناو: ئەم چەرخە پیسە، دۆستی ڕەزیلە سەبارەت: نووسین: بینایی دیدە ١٥٦ ئەم چەرخە پیسە، دۆستی ڕەزیلە حەمام و قە‌سر و ئاش بۆ بە‌خيلە (تڕها!) لە دەور و چەرخ و گه‌ڕانت دانا بۆ شێوی شەوی زەلیلە! ++++++++++++++++++++++ سەرناو: گەر من وەک یەزدان دەسەڵاتم ئەبوو؟ سەبارەت: نووسین: بینایی دیدە ١٥٧ گەر من وەک یەزدان دەسەڵاتم ئەبوو؟ چەرخی گەردوونم زوو هەڵگرتبوو سەر لە نوێ ڕەنگی ڕەنگم ئەڕێژا ئازاد بە ‌کامی دڵ بگەن هەموو ++++++++++++++++++++++ سەرناو: کەی من هاتنم بەدەستی خۆم بوو سەبارەت: نووسین: بینایی دیدە ١٥٨ کەی من هاتنم بەدەستی خۆم بوو یا خۆ مردنم بە ئارەزوو بوو؟ هاتن و، بوون و، ڕۆیین لە دنیا هیچم نە ئەویست دەسەڵاتم نەبوو ++++++++++++++++++++++ سەرناو: ئەو کەسەی زەوی و چەرخی داناوە سەبارەت: نووسین: بینایی دیدە ١٥٩ ئەو کەسەی زەوی و چەرخی داناوە زۆر داغی گەرمی بە دڵدا ناوە چەن لەعلی لێو و چەنێ زوڵفی لوول یەک یەک نایە خاک، ڕزا و پواوە؟ ++++++++++++++++++++++ سەرناو: نە کەنشتە چوون نە مزگەوت بینین سەبارەت: نووسین: بینایی دیدە ١٦٠ نە کەنشتە چوون نە مزگەوت بینین لە کام گڵ خولقام بۆ خوایه زانين دین و بەھەشت و دنیام لە دەست چوو وەک گاوری لات و قه‌حبە‌ی ناشیرین! ++++++++++++++++++++++ سەرناو: ئەم لاشە بۆشە هیچە؛ بێ‌خەبەر سەبارەت: نووسین: بینایی دیدە ١٦١ ئەم لاشە بۆشە هیچە؛ بێ‌خەبەر نۆ تەبەق ئاسمان هیچە سەراسەر خۆش بژی تۆزێ، نازانی ژیان يەک ھەناسەیە هیچە دێتەدەر! ++++++++++++++++++++++ سەرناو: ئەستێرەی ئاسمان ڕیز ڕیز لە سەر ڕێن سەبارەت: نووسین: بینایی دیدە ١٦٢ ئەستێرەی ئاسمان ڕیز ڕیز لە سەر ڕێن ئاوا ئەبن و چین بە چین هەڵدێن مەخلووقی دەوری زەوی و ئاسمان تا نەمرێ خودا هەر لە زاوزێن! ++++++++++++++++++++++ سەرناو: تا کەی من غه‌می بوون و نه‌بوونی سەبارەت: نووسین: بینایی دیدە ١٦٣ تا کەی من غه‌می بوون و نه‌بوونی بە خۆشی ئەژیم یا بە زەبوونی پڕکه پیاڵە ھيچ مەعلووم نيیه ئەم ھەناسەيە داچوو و دەرچوونی! ++++++++++++++++++++++ سەرناو: گۆزەگەرێکم دوێ دی لە مەیدان سەبارەت: نووسین: بینایی دیدە ١٦٤ گۆزەگەرێکم دوێ دی لە مەیدان قوڕی ئەشێلا بە دڵ و بە گیان بە زبانی حاڵ ئەو قوڕە ئەیگوت: من وەکوو تۆ بووم بەس بێ تێک‌شێلان ++++++++++++++++++++++ سەرناو: ئەوانەی قوڕی گۆزە ئەشێلن سەبارەت: نووسین: بینایی دیدە ١٦٥ ئەوانەی قوڕی گۆزە ئەشێلن بە دەست و بە پێ هونەر ئەنوێنن! تا کەی پێ‌لەقە، شەپازلە تا کەی؟ بۆ دەست و پەنجە و گەردن ئەشکێنن؟ ++++++++++++++++++++++ سەرناو: دڵ سیڕڕی ژینی ئەگەر ئەزانی سەبارەت: نووسین: بینایی دیدە ١٦٦ دڵ سیڕڕی ژینی ئەگەر ئەزانی ڕێی بۆ ئە‌سراری مەرگیش ئەھانی! تۆ ئێستە زیندووی، واقت وڕماوه کە بمری ئەوسا زانین ئەتوانی؟! ++++++++++++++++++++++ سەرناو: لەو ئەستێرانەی وان بە حەواوە سەبارەت: نووسین: بینایی دیدە ١٦٧ لەو ئەستێرانەی وان بە حەواوە خيرەدمەند هەموو هۆشيان داماوە نەکەی سەر ڕشتەی خیرەد گوم بکەی عاقڵ‌تر زیاتر سەر لێ‌شێواوە! ++++++++++++++++++++++ سەرناو: لای گۆزەگەرێ دوێنێ لە بازاڕ سەبارەت: نووسین: بینایی دیدە ١٦٨ لای گۆزەگەرێ دوێنێ لە بازاڕ چەند گۆزەم بينی بێ‌دەنگ و دە‌نگدار يەک بە یەک ئەيگوت بە زبانی حاڵ: کوا گۆزە فرۆش، کوانێ خەريدار ++++++++++++++++++++++ سەرناو: تاکەی گۆزەگەر بە گڵ شەن‌وکەو سەبارەت: نووسین: بینایی دیدە ١٦٩ تاکەی گۆزەگەر بە گڵ شەن‌وکەو بەسە ئازاری لاشەی ئەم و ئەو بە چی ئەزانی وا وردی ئەکەی پەنجەی فەرەیدون، دەستی کەیخەسرەو ++++++++++++++++++++++ سەرناو: شەراب و شادی ئایینی منە سەبارەت: نووسین: بینایی دیدە ١٧٠ شەراب و شادی ئایینی منە بێ باك لە كفر و دین، دینی منە پرسیم لە بووكی دنیا: مارەییت؟ وتی: دڵ خۆشیت كابینی منە! ++++++++++++++++++++++ سەرناو: شێخێ بۆ تەمێی ژنێکی بەدخوو سەبارەت: نووسین: بینایی دیدە ١٧١ شێخێ بۆ تەمێی ژنێکی بەدخوو قیڕە قیڕی بوو ئەهات و ئەچوو ژن وتی: یا شێخ چی ئەڵێی من وام بەڵام تۆ وەهای وەک ناوت دەرچوو؟ ++++++++++++++++++++++ سەرناو: کورسی و تەختی خان لەگەڵ تاجی «کەی» سەبارەت: نووسین: بینایی دیدە ١٧٢ کورسی و تەختی خان لەگەڵ تاجی «کەی» میزەر و جبە بە یەک سۆزەی نەی تەسبێح پێشداری لەشکەری ڕیا له پڕ من ئەيدەم بە یەک پیاڵه مەی! ++++++++++++++++++++++ سەرناو: نازانم؟ کاتێ کە دروست کرام سەبارەت: نووسین: بینایی دیدە ١٧٣ نازانم؟ کاتێ کە دروست کرام بۆ بەهەشت یا بۆ دۆزەخ دانرام وەعدەی بەهەشتم دابە تۆ، بۆ من عوود و شەراب و یاری دڵارام ++++++++++++++++++++++ سەرناو: سواڵکەر مەی بخوا میری میرانە سەبارەت: نووسین: بینایی دیدە ١٧٤ سواڵکەر مەی بخوا میری میرانە گەر ڕێوی بیخوا شێری ژیانە جاهیل بینۆشێ ئەگا بە پیری پیر بە نۆشینی وەک نەوجوانە ++++++++++++++++++++++ سەرناو: سەرلەوحەی عیلمی مەعانی عەشقە سەبارەت: نووسین: بینایی دیدە ١٧٥ سەرلەوحەی عیلمی مەعانی عەشقە شابەیتی شیعری جوانی عەشقە ئەی بێ خەبەری کزەی سۆزی عەشق خۆشی لە ژیان نایزانی عەشقە! ++++++++++++++++++++++ سەرناو: کێ دەستی گەیشت لە دنیا بە گوڵ سەبارەت: نووسین: بینایی دیدە ١٧٦ کێ دەستی گەیشت لە دنیا بە گوڵ نەیدا لە دڵی کسپەی دڕکی چڵ سەیری شانە کەن تا لەت لەت نەبوو تێکەڵی نەبوو بە زوڵف و کاکوڵ! ++++++++++++++++++++++ سەرناو: لای عاشق یەکە گەر شیفا، گەر دەرد سەبارەت: نووسین: بینایی دیدە ١٧٧ لای عاشق یەکە گەر شیفا، گەر دەرد هێلانەی عاشق چ گەرم و چ سەرد وەک یەک ئەیپۆشێ ئەتڵەس و پەڵاس سەرینی عاشق چ پەڕ بێ چ بەرد ++++++++++++++++++++++ سەرناو: ماسی ئومێدم لە تۆڕ دەر پەڕی سەبارەت: نووسین: بینایی دیدە ١٧٨ ماسی ئومێدم لە تۆڕ دەر پەڕی عومرم وەک شە‌وی سەرخۆش تێپەڕی عومری شيرینی گرانمایەی من سەد حەیف بە ھەرزان لە منيان کڕی ++++++++++++++++++++++ سەرناو: عالەم میحنەت و ئەندووھ و غەمە سەبارەت: نووسین: بینایی دیدە ١٧٩ عالەم میحنەت و ئەندووھ و غەمە دە‌ورانی گەردوون دەرد و ستە‌مه لە گەردشی چەرخ سەرنجە ئەدەم کەس ئازاد نييە گەر بشبێ کەمە ++++++++++++++++++++++ سەرناو: حەفتا و دو میللەت خەریکی دینە سەبارەت: نووسین: بینایی دیدە ١٨٠ حەفتا و دو میللەت خەریکی دینە بەڵام من عەشقی تۆ لام ئایینە لە کفرو ئیسلام، تاعەت و گوناھ مەقسوود هەر تۆیە و هەر تۆ بینینە ++++++++++++++++++++++ سەرناو: دەمی بەیانە، شەبەق بوو ڕووناک سەبارەت: نووسین: بینایی دیدە ١٨١ دەمی بەیانە، شەبەق بوو ڕووناک پڕکه پياڵە، قەت مەبە غەمناک شەراب بنۆشە، زۆر شەبەق هەڵدێ ئەو ڕوو لە ئێمه و ئێمه ڕوو لە خاک ++++++++++++++++++++++ سەرناو: بۆ فەرز و سوننەت هیج تێ‌مەکۆشە سەبارەت: نووسین: بینایی دیدە ١٨٢ بۆ فەرز و سوننەت هیج تێ‌مەکۆشە نانێکت گەر بوو لە کەس مەیگووشە ناوی کەس مەبە، کەس مە‌ڕەنجێنە بەهەشت هی خۆتە! شەراب بنۆشه ++++++++++++++++++++++ سەرناو: جەژن هات، ئیشمان گەلێ بۆ چاک بوو سەبارەت: نووسین: بینایی دیدە ١٨٣ جەژن هات، ئیشمان گەلێ بۆ چاک بوو ساقی سا شەراب تێکە زوو بە زوو لە سەر کەر و گا جەژن دای ماڵی زوو، ڕەشمەی نوێژ و لەغاوی ڕۆژوو ++++++++++++++++++++++ سەرناو: بە پیری عەشقت سەری خستمە داو سەبارەت: نووسین: بینایی دیدە ١٨٤ بە پیری عەشقت سەری خستمە داو ئەینا من لە کوێ و شەرابی بەدناو؟! جانانە تۆبەی عەقڵی شکاندم کراسی سەبرم لەت لەت و دڕاو ++++++++++++++++++++++ سەرناو: دەرگای ئارەزوو و مەقسەد دائەخەم سەبارەت: نووسین: بینایی دیدە ١٨٥ دەرگای ئارەزوو و مەقسەد دائەخەم لە کەس و ناکەس هیچ داوا ناکەم غەيری دۆست کەسێ دەستم ناگرێ! ھەر ئە‌و ئەزانێ ھەر چلۆنێ هەم ++++++++++++++++++++++ سەرناو: تا کەی خەریکی ڕەنگ و بۆ ئەبین سەبارەت: نووسین: بینایی دیدە ١٨٦ تا کەی خەریکی ڕەنگ و بۆ ئەبین تاوێ دوای جوان و تاوێ ناشیرین؟ چاوگەی زەمزەم بی یا ئاوی حەیات قووتت هەر ئەدا بیری ژێرزەمین! ++++++++++++++++++++++ سەرناو: چی دەست ئەکەوێ پیاو لە دنیای دوون؟ سەبارەت: نووسین: بینایی دیدە ١٨٧ چی دەست ئەکەوێ پیاو لە دنیای دوون؟ غەیری دڵ‌ئێشان غەیری گیان‌دەرچوون! دڵخۆش یەکێکە یەک نەفەس بژی! خۆزگەم بە وانەی لە دایک نەبوون ++++++++++++++++++++++ سەرناو: دنیا و «مافيها»ی سەراسەر هیچە سەبارەت: نووسین: بینایی دیدە ١٨٨ دنیا و «مافيها»ی سەراسەر هیچە چیت‌دیت و چیت‌بیست هەموو هەرهیچە هیچە سەراپا دنیا خول بدەی لە ژوور بۆ مردن بیتەدەر هیچە ++++++++++++++++++++++ سەرناو: ئێمە بازیچە و گەردوون بازی باز سەبارەت: نووسین: بینایی دیدە ١٨٩ ئێمە بازیچە و گەردوون بازی باز بە ڕووی ڕاستی نەک بە ڕووی مە‌جاز بە بازی کردن هاتینە دنيا چووينۆ بۆ عەدەم بە یەک «قەڵەم باز» ++++++++++++++++++++++ سەرناو: تێپەڕیم بەلای گۆزەگەرێکدا سەبارەت: نووسین: بینایی دیدە ١٩٠ تێپەڕیم بەلای گۆزەگەرێکدا پێی لەسەر چەرخی دەستابوو وەستا بە دەست بۆ گۆزە دەست و لوولە‌ی کرد لە کەللەی پاشا و لە دەستی گەدا ++++++++++++++++++++++ سەرناو: کە دەرچوو گیانی پاکی من و تۆ سەبارەت: نووسین: بینایی دیدە ١٩١ کە دەرچوو گیانی پاکی من و تۆ خشت‌رێژی ئەکەن لاکی من و تۆ دیسان بۆ خشتی قەبری خەڵقی‌تر ئەيخەنە قاڵب خاکی من و تۆ ++++++++++++++++++++++ سەرناو: چیم برد لە دنیای بێ‌پایان من هیچ سەبارەت: نووسین: بینایی دیدە ١٩٢ چیم برد لە دنیای بێ‌پایان من هیچ یا خۆم چیم دەست‌کەوت لە ژیان من هیچ چرای شادی بووم، دوای کوژان من هیچ با جامی جەم بم، دوای شکان من هیچ ++++++++++++++++++++++ سەرناو: لە چەرخ و دەورەی چەرخ، سەرگەردانین سەبارەت: نووسین: بینایی دیدە ١٩٣ لە چەرخ و دەورەی چەرخ، سەرگەردانین سوورەت‌گە‌رێکە، وە‌های ئە‌زانین خۆرە چرای ئە‌و، دنيايە فانووس ئێمه سوورەتین، تيادا حە‌یرانين! ++++++++++++++++++++++ سەرناو: عومری درێژ بێ یارم وەکوو غەم سەبارەت: نووسین: بینایی دیدە ١٩٤ عومری درێژ بێ یارم وەکوو غەم ئيمڕۆ لوتفی بوو بە بێ‌زياد و کەم بەڵێ: چاکە‌ی کرد دای بە دەم ئاودا بە چاوی بينی چاوی پڕ گريەم ++++++++++++++++++++++ سەرناو: خەییام خێوەتی حکمەتی دووران سەبارەت: نووسین: بینایی دیدە ١٩٥ خەییام خێوەتی حکمەتی دووران کەوتە کوورەی غەم، سووتا بە سووتان مەقەستی ئەجەل تەنافی بڕی دەڵاڵی ئەمەل فرۆشتی ھەرزان ++++++++++++++++++++++ سەرناو: تا کەی بۆ دنیا غەم ئەخەینە دڵ سەبارەت: نووسین: بینایی دیدە ١٩٦ تا کەی بۆ دنیا غەم ئەخەینە دڵ چاو پڕ لە فرمێسک، دڵت پڕ لە کوڵ شەراب بنۆشە بە بەزم و شادی بەر لە دەرچوونت لە دنیای سەرچڵ ++++++++++++++++++++++ سەرناو: چۆڕێ لە شەراب هەموو مڵکی «کەی» سەبارەت: نووسین: بینایی دیدە ١٩٧ چۆڕێ لە شەراب هەموو مڵکی «کەی» تەختی قوباد و مڵکی تووس و ڕەی ناڵە‌ی ڕەندانه‌ی ڕە‌ند لە بەياندا چاکتر لە نووزەی سۆفی و لە نووکەی ++++++++++++++++++++++ سەرناو: من کە ڕەمەزان بە ڕۆژ شێو ئەکەم سەبارەت: نووسین: بینایی دیدە ١٩٨ من کە ڕەمەزان بە ڕۆژ شێو ئەکەم خۆم موستەحەقی سەد جنێو ئەکەم تاریکی ڕۆژوو ڕۆژی کرد بە شەو وەھا ئەزانم کە پارشێو ئەکەم ++++++++++++++++++++++ سەرناو: قەبرم وا تێکدەن نەیبێ نیشانە سەبارەت: نووسین: بینایی دیدە ١٩٩ قەبرم وا تێکدەن نەیبێ نیشانە بمکەن بە عیبرەت بۆ ڕووی زە‌مانه خۆڵم بە شەراب بە قوڕ بشێلن بۆ خشتی سەری کووپەی مەيخانە ++++++++++++++++++++++ سەرناو: سەر پڕ لە سەودای یاری شۆخ و شەنگ سەبارەت: نووسین: بینایی دیدە ٢٠٠ سەر پڕ لە سەودای یاری شۆخ و شەنگ دەست بە پیاڵەی شەرابی گوڵڕەنگ خەڵق ئەڵێن: خودا تۆبەت قەبوڵ کا من نایکەم مەگەر خۆی بیکا بێ‌دەنگ ++++++++++++++++++++++ سەرناو: هاوسەران بۆ من هەر شەرابە قووت سەبارەت: نووسین: بینایی دیدە ٢٠١ هاوسەران بۆ من هەر شەرابە قووت سوور ئەکا ڕەنگی زەردم وەک یاقووت کە مردم یاران بمشۆن بە شەراب ھەم لە داری مێو هەڵبەستن تابووت ++++++++++++++++++++++ سەرناو: لە شیرین خەودا پیاوێکی هۆشیار سەبارەت: نووسین: بینایی دیدە ٢٠٢ لە شیرین خەودا پیاوێکی هۆشیار وتی: کەس بە خەو نابێ بەختیار! نازانی کە خەو برای مردنە؟ هەڵسە لە خاک‌دا ئەخەوی ناچار ++++++++++++++++++++++ سەرناو: شیرین بێ، تاڵ بێ، عومر هەر ئەڕوا سەبارەت: نووسین: بینایی دیدە ٢٠٣ شیرین بێ، تاڵ بێ، عومر هەر ئەڕوا پەیمانە پڕ بی چ بەڵخ، چ بەغدا له دوای من و تۆ مانگ گەلێ ئە‌ڕوا لە دوا بۆ هەوەڵ، لە هەوەڵ بۆ دوا ++++++++++++++++++++++ سەرناو: چی هەیە هەمووی ڕووی لە زەواڵە سەبارەت: نووسین: بینایی دیدە ٢٠٤ چی هەیە هەمووی ڕووی لە زەواڵە چی نییە نەقسی نییە، مەحاڵە وەھا بزانه چی هەیە نيیه چی نییه هەیە، سەيرە ئەم حاڵه ++++++++++++++++++++++ سەرناو: بە شەراب ئەیشۆم چاو و دەست و پێم سەبارەت: نووسین: بینایی دیدە ٢٠٥ بە شەراب ئەیشۆم چاو و دەست و پێم مەشهوور بووم، هەر کەس ئەزانێ من کێم پەردەی مەستووریم چەشنی لەت لەتە شڕ و وڕم کرد، پینە نەکرێ پێم ++++++++++++++++++++++ سەرناو: لە دنیا دارێ ڕاست هەڵ نەچوو سەبارەت: نووسین: بینایی دیدە ٢٠٦ لە دنیا دارێ ڕاست هەڵ نەچوو بۆیە هیچ کەسێ بۆ ڕاستی نەچوو هەرکەس لقێکی گێڕ و وێڕی گرت پێوە ئەلەرزێ هاکا مانوو بوو ++++++++++++++++++++++ سەرناو: گوڵزاری بەهار و یاری گوێ ئاوێ سەبارەت: نووسین: بینایی دیدە ٢٠٧ گوڵزاری بەهار و یاری گوێ ئاوێ پياڵەی شەراب، بە گۆشە‌ی چاوێ ھەر چەن ئەم قسه زۆر ناشيرینە: من لە جێ سەگ بم بەهەشتم ناوێ ++++++++++++++++++++++ سەرناو: شەراب بنۆشە بۆ ڕۆح دەرمانە سەبارەت: نووسین: بینایی دیدە ٢٠٨ شەراب بنۆشە بۆ ڕۆح دەرمانە ‌دەرمانی غەم و ڕاحەتی گیانە ‌گەر لافاوی غەم دنیا بماڵێ ‌سواری بادە بە کەشتی تۆفانە ++++++++++++++++++++++ سەرناو: بێ‌کەڵکە یادی ڕۆژی ڕابوردوو سەبارەت: نووسین: بینایی دیدە ٢٠٩ بێ‌کەڵکە یادی ڕۆژی ڕابوردوو يا پەلە پەلی ڕۆژی نەهاتوو بێ‌سووده باسی ڕابوردوو و نەھات فرسە‌تە زینهار ئێستەت لە دەست‌چوو! ++++++++++++++++++++++ سەرناو: چەرخ بە ئارەزووی دانا ناکا گەشت سەبارەت: نووسین: بینایی دیدە ٢١٠ چەرخ بە ئارەزووی دانا ناکا گەشت گەر حەوت تەبەقە یاخۆ تەبەق هەشت کە مردی لاشەت چی ئەیخوا بیخوا مێروولەی قەبر یاخۆ گورگی دەشت ++++++++++++++++++++++ سەرناو: ئەم ڕێ درێژە بۆ نەبڕیاوە سەبارەت: نووسین: بینایی دیدە ٢١١ ئەم ڕێ درێژە بۆ نەبڕیاوە رێبوارێ بۆچی نەھات لەلاوە؟ چی بە جێ ئێڵی له‌م دوو ڕێگانە؟ کە مردیت بە خوا نایەیتە دواوە! ++++++++++++++++++++++ سەرناو: خەيیام بە بادە، بە نەی دڵخۆش بە سەبارەت: نووسین: بینایی دیدە ٢١٢ خەيیام بە بادە، بە نەی دڵخۆش بە بە ساقی سادە، بە مەی دڵخۆش بە دنیا ئەوەڵ و ئاخر نە‌بوونە! وابزانە نەبوویت که ھەیت دڵخۆش بە ++++++++++++++++++++++ سەرناو: بەم تەرحە دونيا نەبینێ دوشمن سەبارەت: نووسین: بینایی دیدە ٢١٣ بەم تەرحە دونيا نەبینێ دوشمن بێ مەی و مه‌عشووق، مردنه مردن! تا کەی لە کۆنی و تازەی دنيا باس تازە بێ، کۆن بێ وەک یەکە بۆ من ++++++++++++++++++++++ سەرناو: لەو گۆزە کەوا لە شەرابە پڕ سەبارەت: نووسین: بینایی دیدە ٢١٤ لەو گۆزە کەوا لە شەرابە پڕ پیاڵەیەک پڕکە ساقی کتوپڕ خۆت بیخۆ و بۆ من تێکە‌ سە‌ر و مڕ بۆ گۆزە خاکمان ئەشێلن وەک قوڕ ++++++++++++++++++++++ سەرناو: دە هەڵسە، هەڵسە ساقی بەسیە خەو سەبارەت: نووسین: بینایی دیدە ٢١٥ دە هەڵسە، هەڵسە ساقی بەسیە خەو با بێ شەرابێ وەک دەنووکی که‌و هاکا کاسەی سەر کرا بە گۆزە لە گۆزە کاسە پڕکه بەر له‌ ئه‌و ++++++++++++++++++++++ سەرناو: ئەگەر ڕۆژێ بێ یا سەد ساڵ ژیان سەبارەت: نووسین: بینایی دیدە ٢١٦ ئەگەر ڕۆژێ بێ یا سەد ساڵ ژیان دیلی عەقڵین و بێزارین لە گیان بگرە پیاڵەی شەراب بەر لەوە ببین بە گۆزە لای گۆزەکەران ++++++++++++++++++++++