شاعیر: میرزای لوڕستانی
کتێب: مەمو ئالانی
سەرناو: بە نام بێچوون بەنای لامەكان
سەبارەت: نووسین: کەماڵ ڕەحمانی - هێنانە سەر ڕێنووسی هۆرامی: ئاکۆ مارانی

بسم اللە الرحمن الرحیم

١
بە نام بېچوون بەنای لامەكان
نگەدارەندەی زەمین و زەمان

٢
واحد و ئەحەد فەرد و فریاد ڕەس
ڕاحم و ڕەحیم پەی بېكەسان كەس

٣
پادشای قەییۊم واحد و موتڵەق
نگەدارەندەی چەرخ موعەلەق

٤
ڕزق دەھەندەی وەحشی و موور و مار
پادشای بۍ عەیب واحدولقەھار

٥
بە غەیرەز ئەو شا كەس نېیەن شاھان
شاهـ ھەر ئەو شاھەن نە ھەر دوو جەھان

٦
زاهر و باتن لامەکان ماوان
سونعش بۍ شېوەن زاتش فراوان

٧
ئەر وەسف زاتش مەکەروو ئېزهار
تەمام نمەبۊ نە شەرح نە تۊمار

٨
ئومېدم ئیدەن پادشای ئەعزەم
بە ئەلتاف وېت بداریم و چەم

٩
دەور ڕەستاخېز ئاخرزەمان بۊ
مەخلووقات تەمام ناڵه‌ ئەمان بۊ

١٠
ببەخشیم بە ناز مستەفای مورسەل
نیازم ئیدەن بەنای لەم یەزەل

١١
گەر چ کەرده‌ نان ستەمان بەر خوېش
بوویەر جە کردار ئی بەندەی دڵرېش

١٢
چوون ئەندېشەم هەن جە دەریای جوودت
دۊڵبەندەن بە ئان نەقش عهوودت

١٣
بە مەحز لوتفت ئومېدەوارم
وېت فەرموودەنی ئامۊرزەگارم

١٤
غەرق جە قەباحات موتەهەم جە زەنب
(ٲغْفِرلی ٲغْفِر یا غافِرُالزَنب)

++++++++++++++++++++++