شاعیر: کەماڵ ڕەحمانی
کتێب: چرای خەیاڵ
سەرناو: تەمبەڵی مەکەن
سەبارەت: ٩٥/٠٣/٣٠ پیرانشار

ڕۆژ هاتۆتەدەر، بە تیشکی زێڕین
زێڕوەشانی کرد هەموو ڕوی زەوین

سروە دادێنی بسکی گوڵ و دار
بێنی خۆش گەڕا دە دێهات و شار

بارانەی بەهار، چۆم و ئاوهەڵدێر
گشت هەرا دەکەن بە دەنگی دلێر

ڕاپەڕن لە خەو لە پێش ڕۆژهەڵات
تەمبەڵی مەکەن لە شار و دێهات

چاوی لێتانە خاک و زمانتان
دەوڵەمەندی کەی، ببێ ئاوەدان

دەوڵەمەند نەبێ گەلێ زمانی
خاکی نەبینێ ڕوی ئاوەدانی

لە قافلەی گەڵان زۆر دوا دەکەوێ
خۆ ناگڕێتەوە، قەت پێش ناکەوێ

++++++++++++++++++++++