شاعیر: کەماڵ ڕەحمانی
کتێب: چرای خەیاڵ
سەرناو: کانی ژیان
سەبارەت: ١٣٧٧/١٢/٢٠ هەتاوی، زه‌نگیاوێ‌‌

کانی ژیانم وه‌تی ته‌قیوە
قه‌تی به‌خۆوه‌ ڕوونی نه‌دیوه‌

هه‌ر خه‌م و ده‌رده‌ میوانی دڵم
قه‌ت په‌یدا نه‌بوو ده‌رمانی دڵم

که‌سێ ناپرسێ له‌ حاڵ و ده‌ردم
به‌زه‌یی نایه‌ به‌ ڕه‌نگی زه‌ردم

فرمێسکی چاوم هه‌موو خوێنه‌
که‌چی له‌ یارم به‌شم جوێنه

مردن له‌ کوێیه‌ زیندانی ماڵت؟ ! 
شیرینه‌ بۆ من شه‌ڕابی تاڵت

به‌بێ نۆشدارووی ژوانت گوڵم
چا نابێ زامی سۆهرابی دڵم

بۆ قه‌لی ده‌ردی سه‌ر داری جه‌سته‌م
تیری ڕاوکه‌ری، هه‌ڵۆی گیانه‌که‌م

++++++++++++++++++++++