شاعیر: بێکەس
کتێب: کوردایەتی
سەرناو: خود پەسندان

ئەو کەسانەی ئێستەکە دەعوایی میللیییەت ئەکەن
ناوی خۆیان ناوە عالم، خادیمی موڵک و وەتەن

ئەچنە چاخانە بەکۆمەڵ لنگ لەسەر لنگ دائەنێن
فیک و هووڕ دەس پێ ئەکەن، هەم زوڵف و پەرچەم دائەخەن

سەیری دەمیان کەی لەوێدا چۆن بەگوو دێتە قسە
وا دەزانن هەریەکەی (داروێن)ە فکری لە فەن

غەیری فیشاڵ و درۆ لەفزی پڕ و پووچ و بەتاڵ
هیچی تر نازانن ئەسڵەن، لاف و دەعیەش لێ ئەدەن

++++++++++++++++++++++