شاعیر: خۆشناو
کتێب: شیعرەکانی خۆشناو
سەرناو: کاتێ...
سەبارەت: بەهاری١٣٩٧ی شەمسی هۆنیومەتەوە

کاتێ وەلامدا شەدە و شاڵی تۆ
بۆنم کرد سینە و پرچی کاڵی تۆ
گوێم دایە ناڵە و گڕ و گاڵی تۆ
کاتێ دەمم هات بۆ نێو خاڵی تۆ
ماچ دەکەم گۆنا و چەنەی چاڵی تۆ

کاتێ کە کەوتم لە قاپی دەرگات
خۆم کردە قەقنەس، خۆم کردە فیدات
هەتاکوو بگەم ڕۆژێ بە باڵات
گیانە ڕۆح دەدەم بۆ بزە و نیگات
دەیکەمە جادە ڕێی بەر ماڵی تۆ

کاتێ باوەشت کردەوە لە بۆم
ئەو کاتەی هەستا لە دەروون بۆسۆم
بە گەرمی لەشت توامەوە وەک مۆم
کاتێ کە هاتیە دە باوەشی خۆم
سەر دەنێمە سەر باسک و باڵی تۆ

کاتێ بە لامدا ڕادەبری خانم
کاتێ کە شانت ئەخشێ لە شانم
ئەو کاتەی گەرما دەبەخشیە گیانم
لە من دەتارێن ناخۆشیەکانم
خۆش دەبێ حاڵی من بە حاڵی تۆ

کاتێ بە پەنای تۆدا ڕابردم
تیری مژۆڵت ئاڕمانجی کردم
تارمایی خەمت لە ڕوودا شردم
بەرەو ترۆپکی ئەوینت بردم
خوایە چەند خۆشە پاڵ وە پاڵی تۆ

کاتێ وادەت دا بۆ یەکتر ببین
جوابت دامەوە بە وشەی شیرین
هاتە سەر لێوت، خەندە و پێکەنین
لە ڕۆمانی دڵ بوویە خاتوو زین
تۆ ماڵی من بە، ئەمنیش ماڵی تۆ

++++++++++++++++++++++
سەرناو: زێوه‌
سەبارەت: میرزاحه‌سه‌ن خزری(باوکی ڕەحیم خزری) - زێوه - ١٣٤٠

بۆت ده‌که‌م باسی جێیه‌ک له‌ جیهان
ده‌سکردی خوایه‌ له‌ نێو کوردستان 
گوڵو گوڵزارو لاله‌ و ئه‌رخه‌وان
ئاوی گــواراو زوڵاڵوو ڕه‌وان 
سرووشتی جوانو خه‌ڵکی به‌ ئیمان 

بۆت بکه م باسوو تاریفی زێوه‌
سه‌ری به‌ گوڵزار داوێنی کێوه‌
له‌ هه‌رچوار ته‌ره‌ف قازانجی پێوه‌
هه‌زار ئافه‌رین ئابادی زێوه‌ 
میسالی نیه ‌ مه‌گه‌ ر ئیسفه‌هان 

کێوێکی لێیه‌  به‌ نێو مۆسکاوی
که‌نگرو مه‌ندۆک که‌وتۆته داوی
سه‌ری به‌رزکرد بۆ هه‌ورو ساوی
هەزاران وه‌حشی که‌وتوه له‌ناوی
باوه‌ڕکه  ‌ تێی دان له‌ پڵینگو شێران 

له‌ کوێستانه‌کان که‌و خۆی ده‌نوێنی
له‌ نێو باخاندا بولبول ده‌خوێنی
داره‌  گوێزی جوان خۆی ڕاده‌ژێنی
گوڵی نه‌وبه‌هار با ده‌یژه‌کێنی 
هه‌ر ئاوه‌دان بی قه‌ت نه‌بی وێران  

له‌ جۆگه‌ و جۆبار وا گوڵو گوڵزار
له‌ داوێنه‌که‌ی له‌ هه رچوار که‌نار
به داره‌ قه‌یسیو هه‌ڵوچه‌ و هه‌نار
وا ڕازایه‌وه‌  به‌ وێنه‌ی بــــــــــازار
بڕۆ ببینه‌  ئه‌و جێگه‌ی سه‌یران   

له‌  لای ڕۆژئاوا ده‌شتێکی پانه‌
بۆ هه‌ ڵپه‌ڕینو به‌زمی شه‌وانه‌
له‌ داوێنه‌که‌ی باخی جیننانه‌
تێیدا خەڵق بوون گوڵوو ریحانه‌
شه‌رم ناکێشێ له‌ باخی شیمران

له‌ ڕۆژهه‌ڵاتی شکافته‌ و زه‌وی
ده‌ڕوانیته‌ شه‌ت خۆی کردوه‌ نه‌وی
هه‌ زار وه‌حشیات تێی دا ده‌خه‌وی
ده‌نگی ئاوهه‌ڵدێر به‌ ڕۆژو شه‌وی
سه‌ رچاوه‌کانی ئاوی زه‌نوێران  

له‌ لای باکووری سه‌ رچاوه‌ی زۆره‌
ئاوی ڕوونوو جوان وێنه‌ی کافووره‌
تاریفی نایه‌    له‌ ئاقڵ دووره‌
بیستم له‌ پیران من به‌ ئه‌و جووره‌
گۆیا یه‌ک سێون با مازه‌نده‌ران    

ڕوو له‌ باشووری هه‌مووی باخاته‌
له‌ سه‌دهه‌زار جوور پڕ میوه‌  جاته
له‌ سێوو هه‌رمێ هه‌تا ته‌ماته‌
هه‌رچی لێی وه‌خۆی ئاوی حه‌یاته‌
هه‌مووی نه‌مامی ده‌ستی وه‌رزێران

به‌ هیچ که‌س ناکرێ تاریفی به‌ زار
بریا هاتبای بتدیبا یه‌ک جار
به‌ سه‌د ده‌فته‌ریش نایه‌ته‌ گوفتار
ئه‌و ڕه‌زوو باخی هه‌زار به‌ هه‌زار
ڕازاوه‌ته‌وه‌  به‌   گوڵوو ریحان   

باخوو باخاتی تاریفی نایه‌
ده‌ڵێی به‌هه‌شته‌  له‌سه‌ر دنیایه‌
دێنه‌    دیده‌نی له‌ هه‌موو لایه‌
سێوه‌  سووره‌ی چووه‌ بۆ ئامریکایه
لێـــــــی ده‌ کۆڵنه‌وه‌  گیاشناسان

زێوه  ‌  خاوه‌نی هه‌زار نه‌فه‌ره‌
چاوه‌ڕێی سنحه‌ت که‌سپو هونه‌ره‌
خودا مه‌رحه‌مه‌ت بکا له‌و سه‌ره‌
ئه‌گه‌ربۆشمان بێ جادده‌ ی یه‌کسه‌ره‌
ئه‌وده‌م خۆش ده‌بێ خاکی دلێران 

میلله تی زێوه‌   هه‌مووی یه‌کماڵه‌
پاکو نه‌جیبه   ‌ بێ خه‌شوو خاڵه‌
ژین ده‌به‌نه  ‌سه‌ر به‌وجۆره‌، خاڵه‌
بابه‌   گه‌وره‌مان جێگه‌ی به‌تاڵه‌
ئه‌وبوو سه‌رداری هه‌موو سوێسنیان

مزگه‌وتو حوجره‌ی به‌هره‌ی خودایه‌
مه‌لای موده‌رریس وا ده‌وێ دایه
کاری، موناجات، زکری ئەڵایه‌
‌دائیم چه‌ند فه‌قێی ده‌ خزمه‌ت دایه
ده‌خوێنن عیلمی نه‌حوو ئه‌ستێرا 

برایه‌کمان هه‌یه‌کوڕی مه‌حموودئاغای
شانبه‌شان ده‌گه‌ڵ حاجی مام وەستای 
‌‌‌‌‌عومریان سه‌رف کردله‌ ڕێگای خودای
به‌قورئان خوێندنو به‌ بانگو سه‌ڵای
ئه‌وبوو خاده‌می مزگه‌وته‌که‌مان 

کیژو لاوانی هه‌مووی سه‌رمه‌ستن
له ‌کارو کۆشش هه‌رگیز ناوه‌ستن
گشت قالب سووکوو چابکوو جستن
له‌پێش دوژمنی چۆن ڕاده‌وه‌ستن
هه‌زار ئافه‌رین بۆ هیمه‌تی وان   

هه ر ژنی لێیەتی نه‌سلی ئێرانی
هه‌مووی ئاقڵمه‌ند قانون ده‌زانی
خه‌ڵکی ده‌دوێنن گه‌لێک به‌جوانی
گله‌ییان هه‌یه   ‌له‌حه‌وزو کانی
ده‌بێ ته‌عمیر کرێن به‌دڵو به‌گیان   

حه‌سه‌ن بۆت ناکرێ مه‌دحی ته‌واوی
مه‌دحی ڕیش سپیو کیژانو لاوی
باسی باخاتی جوانوو ڕازاوی
یا باسی ڕاوچیو که‌وو شه‌و ڕاوی
ئه‌وه‌   نوختێکه‌ له تاریفی وان

++++++++++++++++++++++
سەرناو: جێژنو کرێکار
سەبارەت: ١٣٨٨/١/١

نه‌ورۆزه‌و پیرۆزه ‌له‌تۆ چینی کرێکار
وه‌رزی ژینه‌وه‌ی گیاو گژه‌ شکۆفه ‌ده‌کادار

مزگێنی به‌هاری پێیه‌ بۆمان هه‌رچی سروشته
به‌تریشقه‌یی هه‌ورانو ته‌مو مژو کانی له‌کۆسار

جێی شانازیه‌و فه‌خره ‌لام که‌ئه‌منیش کرێکارم‌
چون پێغه‌مبه‌ری خوا ماچی ده‌کا ده‌ستی کرێکار

به‌ڵام داخی گرانم ئه‌وجێژنه‌یه‌ش دیسان ئه‌من
هه‌روه‌ک هه‌موو جێژنه‌کانی دیکه‌ چوومه‌وه‌ سه‌رکار

نیمه‌ ده‌سه‌ڵات نایه‌ له‌ده‌س بڵێم ده‌چمه‌وه‌ بۆماڵ
به‌شیفتو میفتو پۆستو مۆستو کار بووم گرفتار

ده‌ستی ماندوو له‌سه‌ر زگی تێره‌ باوی نه‌ماوه‌
ئه‌و به‌نده‌ ده‌چه‌وسێته‌وه‌ له‌دێهاتو له‌شار

ئه‌لفی قه‌ده‌که‌م چه‌ماوه‌له‌ده‌س چه‌رخی زه‌مانه 
چه‌رخی چه‌پ وایکردوه‌ گیانه‌ زۆردار ڕاست بێ ئه‌من خوار

حه‌قو ناحه‌ق که‌ده‌مێکه‌ جێگه‌یان داوه‌ به‌یه‌ک
له‌ هێلـلانه‌ی بولبولاندا پاپۆکه‌ی به‌ستووه‌ مار

من ناڵێم کارێ نه‌که‌م وه‌کوو ده‌ڵێن کار جه‌وهه‌ره‌
حه‌قی خۆم ته‌واو ده‌نێ مافم نه‌خورێ وه‌ک پار، پێرار

شوولا من گه‌له‌ک سه‌خته‌ تاقه‌تا من نه‌ما خه‌ڵاس
ئه‌ز ته‌نێ شوولێ بکه‌م بۆ خوارنێ نه‌سێ، نه‌چار

گشت مانگێ حه‌وڵێ ئه‌ده‌م بۆ نان په‌یاکردن وه‌لێ
سه‌ری هه‌ر بورجان حه‌ساو ئه‌که‌م بوگم فره‌یێ قه‌رزار

به‌خوای ئه‌ڕباب چینی کرێکار هه‌ر مانگێ کارێ نه‌کا
گیان ده‌ده‌ی، بۆنێ ده‌که‌ی، ده‌مری وه‌کوو بێکه‌سوکار

بێتوو جارێکی له‌جاران خوانه‌کا نه‌خۆش که‌وم
ده‌یکا به‌قوله‌قولوو گرمه‌گرموو هاتوو هاوار

قه‌بری دوای مردنیشی هه‌ر ده‌بێ من هه‌ڵیکه‌نم
چونکه‌ ئه‌وانه‌ی وه‌کووین هه‌رگیز نه‌یانکردووه‌ کار

ڕه‌نجی شانو قه‌ڵشی ده‌ستو به‌رگی پینه‌کراو نه‌بێ
کوا ده‌خۆی نانی خه‌زه‌ڵ ده‌مژی خوێنم هه‌ر وه‌کو هار

بۆده‌بێ ئه‌منی هه‌ژار خاوه‌نی بستێ خاک نه‌بم؟ 
حاشا له‌ئیسته‌خرو وان مۆبڵو سه‌راو کۆشکو ته‌لار

بۆچی ناکه‌ی تاکو هه‌ی له‌هه‌ژاران ئاوڕێ وه‌ده‌ی
ده‌ستیان بگری هه‌ڵیان ستێنی تاکو نه‌مێنێ سه‌رو خوار

کرێکارێکم خۆ دیل نیم به‌چاوی سووکم مه‌ڕوانه‌
خێری لوتفو مه‌رحه‌مه‌ت لای خوداوه‌ند یه‌ک به‌هه‌زار

از ازل تابه‌ ابد حق نوشتن جرم بوده‌است
‌ حق وناحق هر چه دیدید، زود بنویسید زنهار

قه‌یناکا حه‌وڵێ ئه‌ده‌ین له‌کارو کۆشش ناوه‌ستین
به‌ڵکو هه‌ژارانی جیهان له‌م وه‌زعه‌یا بن ڕزگار

ده‌بمه‌ دڕکو چه‌قڵی چاوی دژمنانی گه‌لو هۆز
باله‌دوای مردنی خۆشناو نه‌ڵێن نه‌بووه‌ وه‌فادار

++++++++++++++++++++++
سەرناو: به‌شی تۆم

عاشق به‌بزه‌و لێوو مه‌زه‌ی کوڵمی گه‌شی تۆم
فه‌وتاوی دوو ئه‌برۆی که‌وانوو چاوی ڕه‌شی تۆم

جه‌رگم هه‌موو له‌ت له‌ت بووه‌ به‌و تیری خه‌ده‌نگت
قوربانی وه‌فاو لوتفو سه‌فای سه‌یری که‌شی تۆم

تاکه‌ی ده‌بێ خوێناوم به‌ئه‌سرینه‌وه‌ بسڕم
شه‌ش خانی ئومێدم، به‌ته‌مای جوتێ شه‌شی تۆم

نابینی جه‌فاکاری له‌لای ئێمه‌وه‌ هه‌رگیز
دڵداری وه‌فاداری به‌بێ غه‌لـلو غه‌شی تۆم

سه‌ربازی سوارکاری سپای عیشقم و هه‌رده‌م
ئاماده‌ به‌خدمه‌ت له‌ ڕێگای خه‌تتوو مه‌شی تۆم

وه‌ک بولبولی مه‌ست هاتم هێلانه‌م له‌ دڵت کرد
هه‌ر کۆرپه‌یی ساواموو خه‌واڵووی باوه‌شی تۆم

قیسمه‌ته‌و بڕاوه‌ته‌وه‌ له ئه‌مدیوو له‌ئه‌ودیو
تا ڕۆژی حیسابێ دێ به‌شی تۆمو وبه‌شی تۆم

++++++++++++++++++++++
سەرناو: جێژوان

خاتونەکەم، شۆخو شەنگم
هەموو شەوێک
عەتری ئەوین بپڕژێنەو
فانۆسی ئەشق هەڵگرە
هێدی هێدی هەنگاو بنێ
بۆ کۆڵانی شێعرەکانم
خۆت دەزانی، جگە لەوێ
هیچ شوێنێکی تر شک نابەم
کە تۆی دڵ بێیتە جێژوانم

++++++++++++++++++++++
سەرناو: هه‌ر نه‌هاتی
سەبارەت: ١٣٩٠/٩/٢

ساڵی ئه‌وساڵ هه‌دام نه‌دا
له‌سه‌رماداو له‌گه‌رمادا
خۆم به‌داروو به‌ردی دادا
هه‌ر نه‌هاتی، هه‌ر نه‌هاتی

چاوه‌ڕوان بووم بۆ دیدارت
هێنده‌ی سه‌یری سه‌ر ڕێگا که‌م
هه‌ردوو چاویشم له‌ده‌ست دا
هه‌ر نه‌هاتی، هه‌ر نه‌هاتی

جارجار ڕوحمت ده‌هاته‌ گه‌ڕ
به‌ لاوازی بۆم ده‌هاتی
زیره‌کیش بووی له‌ڕۆینێ دا
هه‌ر نه‌هاتی، هه‌ر نه‌هاتی

ده‌وه‌ره‌ ڕووحوو ڕه‌وانم
به‌بێ تۆ که‌س ئه‌منی ناوێ
ته‌واو جه‌سته‌مت له‌ شه‌ی دا
هه‌ر نه‌هاتی، هه‌ر نه‌هاتی

خۆزگه‌ جارێکیش بۆمن بای
خۆشه‌ویستم، گه‌ڵا ناسکه‌
چ خه‌تایه‌ک له‌من ڕوویدا
هه‌ر نه‌هاتی، هه‌ر نه‌هاتی

هێللانه‌م له‌سه‌ر دڵی خۆم
بۆ ساز کردووی گیانی شیرین
گیرفان ‌بۆتۆ جێی خاڵی دا
هه‌ر نه‌هاتی، هه‌ر نه‌هاتی

++++++++++++++++++++++
سەرناو: وردەشەرم

کچە جوانەکەم
هەموو کەسم
ئەستێرەکەم
پێم خۆشە لەبەر کامێرا
سەر هەڵێنی
باوانەکەم، شەرم مەکە
دەبەر شانو کۆڵت مرم
هەرکە دەڵێی: بابە چۆنی
لەگەڵ بزەی لێوەکانت
بۆمن هەموو دنیا دێنی

++++++++++++++++++++++
سەرناو: کەسێک نەیناسی مەڵێ: هاواڵە

کەسێک نەیناسی مەڵێ: هاواڵە
قفڵی دڵتی بۆ مەکە ئاواڵە
لە داخیلەی دڵت بۆ دوا ڕۆژی خۆت
غەیری عیشقی خودا گشتی بەتاڵە

++++++++++++++++++++++
سەرناو: عەشق

عەشق هەستێکی زۆر سەیرە
مرۆڤی دەکا، کڕوو مات
یەک پەیدا دەبێو لە ناکاو
خۆی دەکا، بە هەموو دنیات.

++++++++++++++++++++++
سەرناو: دابڕان

که ڕۆیشت لەلام، دەمگوت: دێتەوه
چاوم به دیتنی دەگەشێتەوه

دەمگوت: هەڵناکا بە بێ من تاوێ
دێتەوه و خۆیم له باوەش داوێ

کەچی به ڕاستی نەگەڕایەوه
ئاوڕێکی خێری هەر نەدایەوه

چەن چاوەڕوانیم کێشا لەخۆڕا
چەنده ئەسرینم لەچاو هەڵچۆڕا

ئێستاش که زانیم چەند بێ وەفای تۆ
تۆراوی بە بێ دەلیل و بێ هۆ

گەر بتزانیایه دابڕان چەند تاڵه
ڕازی نەدەبووی بەو وەزعو حاڵه

ده بڕۆ ئازادت ناکەم بەو خوایه
ئازاد کردنت بەخوا خەتایه

++++++++++++++++++++++
سەرناو: Kids

Kids,so regretful am I
That I could not
Have a cause in your dreams 
..... .
My only fortune are tears
That I kept aside in the nights
And wept then for you
Through the darkness
Without a sound. 



«منداڵه‌کان»

منداڵه‌کان، شه‌رمه‌زارم 
که ‌نه‌متوانی
خه‌ونه‌کانتان وه‌دی بێنم
. 
ته‌نیا داراییم، فرمێسکن
نیوه‌شه‌وان 
دوای نوستنتان
له‌تاریکی، به‌بێده‌نگی
بۆ ئێوه‌یان، ده‌وه‌رێنم.

++++++++++++++++++++++
سەرناو: شانه‌که‌ت دره‌نگ هێنا، سه‌ری ئاڵۆزی من با بردی

شانه‌که‌ت دره‌نگ هێنا، سه‌ری ئاڵۆزی من با بردی 
خشت و به‌ردو چینــــی ماڵه‌  ڕووخاوی من با بردی 

من داره‌ به‌ڕوێکی پیـر بووم له‌ قه‌دی کێوێکی به‌رز
دوو لقم بوو ئه‌و لقـی سووتاوی من با بردی

له‌و مه‌قامانه‌م به‌ ته‌نیــــــا خۆڵه‌مێـــــــــش ماوه‌ته‌وه‌
شێــــعره‌ مه‌شعه‌لـــدارو داگـریســـــاوی من با بردی

له‌گه‌ڵ ئه‌و نیــــوه‌م که‌ماوه‌ تۆ هـه‌ڵکه‌ به‌ ئاســـــا یی
دره‌نگ هاتی نیوه‌ی ئه‌وینم، ئه‌ی چاوی مـن با بردی

باڵـــم کوتان، ته‌مه‌ن ڕۆیی تاکــوو بشـــکێنم قه‌وه‌ز
هیچ که‌ نه‌شــکا، باڵ و په‌ڕی ژاکـــــاوی من با بردی

++++++++++++++++++++++
سەرناو: خاڵه‌رامبۆ!
سەبارەت: ١٣٨٩/٦/١٨ یان ١٣٩١/٩/١

بابه ‌کارده‌کا کاری به‌زه‌حمه‌ت
ڕوی ئاسوده‌گی هه‌ر نه‌دیوه ‌قه‌ت

بۆکارێ یه‌کوو بۆخواردن شه‌شه‌
خوابه‌زیادی که‌ی ئه‌و جه‌معو به‌شه

ڕۆژێک بژیوی هێنایه‌وه‌ ماڵ‌
ڕه‌نگی تێکچوبوو په‌رێشان ئه‌حواڵ

گه‌یشته‌ ژورێو یه‌کسه‌ر لێی که‌وت
پاڵی دایه‌وه‌و که‌مێکیش خه‌وت

دوای چه‌ند ده‌قیقه‌ کورێکی هاته‌وه‌
نه‌یهێشت که‌باوکی سه‌ربکاته‌وه‌

هه‌ڵستا له‌خه‌و ئه‌و بابی ماندوو
دیمه‌نێکی نوێ له‌ بان سه‌ری بوو

دیتی تابڵۆیه‌ک به‌نه‌قشوو نیگار
هه‌ڵاوه‌ساوه‌ له‌قه‌دی دیوار

سه‌ری سووڕمابوو له‌و وێنه‌ سه‌یره‌
نه‌وه‌ک به‌شه‌ره‌و نه‌وه‌کو ته‌یره

قاوی کرد ڕۆڵه‌ ئه‌و پیاوه‌ کێیه‌
تفه‌نگێکی سه‌یرو عه‌جیبی پێیه‌

عه‌کسی کێشاوه‌ به‌ڕوتو قوتی
ده‌ده‌ستی دایه‌ گورزی نیو پوتی

کوڕه‌که‌ کوتی ئه‌وه‌ خاڵه‌رامبۆیه‌! 
غه‌نیمی سه‌تی وه‌کو منو تۆیه‌

شه‌ڕداکا له‌سه‌ر ئاسمانو زه‌وی
ته‌یاره‌ت به‌به‌ن بۆده‌کا نه‌وی

پاڵه‌وانێکی ته‌واو عه‌یاره‌
زۆر به‌قووه‌ته‌ یه‌کجار به‌کاره‌

کاری وی شه‌ڕو فه‌تحو‌ زه‌فه‌ره
زیددی گلوله‌ی ها ها ده‌به‌ره‌! 

ئه‌وانه ی‌ که‌بیست هه‌ستاله‌جێی خۆی
تێکه‌ڵی کردن حه‌وتو هه‌شتو نۆی

ئاقڵی، نه‌یمابوو تاقه‌تو بـڕی
تابڵۆی له‌سه‌رڕا بۆخۆارێ دڕی

کوتی ئه‌‌گه‌ر پیاوه‌، بێته‌ ئێرانه‌
ته‌حه‌مولی کا ئه‌و برکو ژانه‌

با شه‌ش نه‌فه‌رم بۆبکا به‌خێو
پاڵه‌وانی چی؟ تڕحێوه‌ تڕحێو‌

++++++++++++++++++++++
سەرناو: ئازیزەکەم

ئازیزەکەم 
ئەگەر سەد جار بڵێن: دەردی
مەحاڵه ڕوومت لێ بادەم
دڵنیا بە ئەگەر بشمرم
به هەزار دەرمانت نادەم

++++++++++++++++++++++
سەرناو: دنیا تێک چوە

دنیا تێک چوە، 
شڵەژاوە
تەنیا دڵی تۆ
لە ناو دڵم
نەبزوتوەو
لە جێی خۆی ماوە.

++++++++++++++++++++++
سەرناو: ئازیزە ون بووەکەی خۆم

ئازیزە ون بووەکەی خۆم
بۆ تاقە جارێکیش بێ
توخودا خۆتم نیشان دەوە
تۆ نازانی لە تاوانت هووڕ و گێژم
گەر گریانم شادت دەکا
شەرتە تا هەم
هەر ئەسرینت بۆ بڕێژم

++++++++++++++++++++++
سەرناو: ئای کە چەند سەختە کرانشینی

ئای کە چەند سەختە کرانشینی
پەنجا کەراسم لەوێدا دڕی
چەند ساڵە ئێمە ماڵە و ماڵ دەکەین
بە سەری پیری خانوێکم کڕی

قەدیمی دەڵێن: هەر کەس سەبر کا
عاقیبەتی وی، لەسەر خێرانە
حەیفێکی هەیە کۆڵانی ماڵمان
دایم لایەکی بەرەو قەبرانە

++++++++++++++++++++++
سەرناو: کاتێک مردم

کاتێک مردم
ملائیکە هەڵیان گرتم
بەرگی فریشتەیان دەبەر کردم
بۆلای هەزاران فریشتەی دیکەیان بردم
کە منیان دیت، بە تێکڕایی
پرسیارێکیان لێ دەکردم
وتیان: ئاخیرەکەی نەمان زانی
تۆ ئایلانی یا ئالانی؟ 
وتم: شەڕی چیتانە هاوڕێیان
مرۆڤێکم وەکوو ئێوە
گرینگ نیە ناوم چیە
گرینگ ئەوەیە کە کوردم
بەڵێ، کوردم

++++++++++++++++++++++
سەرناو: دەبێ ئەوشۆ بچمە سەر بانێکی بەرزی شار

دەبێ ئەوشۆ
بچمە سەر بانێکی
بەرزی شار

خەڵک لە مەترسی 
چاوەکانی تۆ، 
بکەم ئاگادار

++++++++++++++++++++++
سەرناو: گوڵەکەم

گوڵەکەم
بۆیەئاوت دەدەم 
بۆیەدەست بەگەڵاکانت دادێنم
بۆیەبۆنت پێوەدەکەم
تا گەورەبی و سێبەرم لێ بکەی
دەنا 
هەموو بن دیوارێک سێبەرن 
سێبەری گوڵی خۆم لەکوێ و
سێبەری دیوارەڕووخاو لەکوێ
خۆشم دەوێی گوڵەجوانەکەم

++++++++++++++++++++++
سەرناو: بابە، نەجیبترین مەخلوقی خودا

بابە، نەجیبترین مەخلوقی خودا
ئارامو مەتین، بێ سەرو سەدا

ماندوو بێ تاقەت، ئەتۆی زەحمەتکێش
عومری گرانبەهات کردووین پێشکێش

نەحەسایەوەبەدرێژایی ژیان
ژیانت بردەسەر بەنەرمیو نیان

یاخوا تۆ بژی بەلەشێکی ساغ
هەر گەشاوەبی وەک چرای وەتاغ

بابەمن فیدات، بۆ خۆم قوربانت
خۆشناو ماچ دەکا دەستو لاقانت

++++++++++++++++++++++
سەرناو: ئەمشەویش ڕابرد

ئەمشەویش ڕابرد
دڵی من پڕی لە ئێش و زامە
چاوەڕوان بووم
نەهات
هەر نەهات
نە هەواڵ
نە جواب
نە کورتەنامە

++++++++++++++++++++++
سەرناو: هەر لایەکم لێ کردەوە
سەبارەت: وەرگێڕانی شێعرێکی کارۆ

هەر لایەکم لێ کردەوە
شکا سەرێ
بۆ هەر جێیەک سەرم کێشا
بەسترا دەرێ
نە لا لێ ئەکەمەوە بە سەر
نە تازە، سەر ئەدەم لە دەر
کە ڕووحی سەر لێ شێواوم
ماندوو بووە
لەو هەموو لێدانەی، سەرو دەر


به هر دری که زدم
سری شکست
به هر جا که سر زدم
دری بسته شد
نه دگر در زنم به سری
نه دگر سر زنم به دری
که روح دربدرم
از سر و در زدن خسته شد. 

«کارۆ»

++++++++++++++++++++++
سەرناو: دەمەتەقه

نەنکم، واتا دایکی دایکم بەڕەحمەت بێ دەیگوت: لەدەورانی گەنجیەتی مندا زۆربەی خەڵک یەکتریان بەشێعر دەدواند
ڕۆژێکی لەڕۆژان دەچیتەلای وەستا حەوڵای ساردەکوت کەداسێکی بۆ دروست بکا 
جێی ئاماژەیەکەئەمن ئەو شێعرانەم لەخۆی گوێ لێ بووەو تەنانەت چەند بەندیشی بەبیر نەمابوون
پێویستەبزانین کەهەرچەند وەستا حەوڵا ژن و منداڵیشی بووەبەڵام ئەو کچەشووی پێ دەکا
بەو چەشنەیەکتر دەدوێنن: 


سەلام مامۆستا وەستای قەڵاتێ
داسێم بۆ دروست کەخێرت دەگاتێ
دروێنەی پێ بکەم، کەسم نەگاتێ

کچۆڵەکوردەی چیخ لەنەو هەوار
دێنەخوازبێنیت سەد ئەسب سەوار
ماچێکم دەیەئێسترێت بۆ بکەم بار

دەخیل مامۆستا، وەستای قۆیتەڵێ
لەکنت دانیشم قسانم پێ مەڵێ
داسێم بۆ دروست کەگیای لەبەر هەڵێ

چەتیوەجوانەی ئاغای حەسەنی
بەقسانت دیارەکچێکی ڕەسەنی
پیاو پێت ناوێری تووڕەو تەوسەنی

دەخیل مامۆستا، مەچەک وەک دێوی
داسێم بۆ دروست کەدەسکی لەزێوی
دروێنەی پێ بکەم گوڵێ نەبزێوی

داسێت بۆ دروست کەم تەواو لەپۆڵا
دروێنەی پێ بکەبەئیزنی ئەڵڵا
جا دووعایان بکەبۆ وەستا حەوڵا

++++++++++++++++++++++
سەرناو: ڕۆژێک ئاوگەردان وتیەمەلاقه

ڕۆژێک ئاوگەردان وتیەمەلاقه
لەسەر تۆم زۆرەعیشقو عەلاقه

نەمن دەتوانم بێمەنێو پڵاو
نەتۆش دەتوانی بێیەنێو شۆرباو

بۆیەبەدائیم ئێمەخەمینین
وەستا ناهێڵی یەکتر ببینین

بەڵام کەشۆراین دوای کارو باران
دێینەوەلای یەک، وەک جاری جاران

ئەمن تۆ دەگرم لەمێزوو باوەش
با تێر سەیرن کەن مەنجەڵ و تاوەش

++++++++++++++++++++++
سەرناو: بڕۆ بڕۆ هەی بێ‌وەفا...

بڕۆ بڕۆ هەی بێ‌وەفا... 
لەبیرمە دەتگوت: 
هەرکەس ئاڵقەی پەنجەت بۆ بێنێ
هەموو قامکی دەپەڕێنم
هەر دوو چاوانی دەردێنم
ئێستا کە تۆ بێ‌وەفا بووی
هەر خۆت بیڵێ
چاوەکانی کێ دەرێنم؟ 
یا پەنجەی کێ بقرتێنم؟

++++++++++++++++++++++
سەرناو: یەکێ لێی پرسی لەیعقوبی پاک
سەبارەت: وەرگێڕ: خۆشناو

یەکێ لێی پرسی لەیعقوبی پاک
کەئەی ئاقڵمەند، پێغەمبەری چاک

لەمیسرێت بۆنی کراسی بۆ هات
لەچاڵی کەنعان بۆ نەت دا نەجات

ووتی: حاڵی مە، وەک کارەبایه
دەمێکی ونەو، تاوێک پەیدایه

تاویک بڵیندترین لەئاسمانی شین
دەمیکی بەر پێی خۆمان نابینین

کەدەروێش داییم لەحاڵێکا بێ
لەدوو دونیایان، یەکێکی نابێ


یکی پرسید از آن گم کرده فرزند
که ای روشن گهر پیر خردمند

ز مصرش بوی پیراهن شنیدی
چرا در چاه کنعانش ندیدی؟ 

بگفت احوال ما برق جهان است
دمی پیدا و دیگر دم نهان است

گهی بر طارم اعلی نشینیم
گهی بر پشت پای خود نبینیم

اگر درویش در حالی بماندی
سر دست از دو عالم برفشاندی

«گلستان سعدی»

++++++++++++++++++++++
سەرناو: یاری نەیار...

یاری نەیار... 
هێندەت سارد کردمەوەلەخۆت
بەدرۆیانوو، باوو بەندان   
دڵم بەستی، هەستم بەستی
جەستەم بەستی، بەستەم بەستی
دنیا، بەستی
یەکسەر بوو بەسەهۆڵبەندان
یاری نەیار، 
زۆر خۆشحاڵم
ڕووی دیکەت بۆ ئاشکرا کردم
پێت لەسەهۆ ڵی دڵم نا، 
هەڵ خلیسکایو
بۆ دنیایەکی دیکەت بردم

++++++++++++++++++++++
سەرناو: سەودا سەری ئەشقی تۆم، جوانترین مەخلوقی خودا

سەودا سەری ئەشقی تۆم، جوانترین مەخلوقی خودا
ڕۆژێ هەزار جار دەڵێم: سوبحانەسوبحان الله

سەراسەر نزا دەکەم، گوڵی باخی بەهەشتم
دوور بی لەچاوەزارێ، دوور بی لەدەردوو بەڵا

لوتفێکت هەبێ جوانێ سواڵکەری عەشقی تۆمه
تڕۆم مەکەبمدوێنه، تۆ بەڕوحمی ماشاڵا

هەتا دەچمەدەگڵکۆ، مەستم بەدیداری تۆ
دووعا دەکەم بۆ یەک بین، ئەتۆش بڵێ ئیشاڵا

++++++++++++++++++++++
سەرناو: بەیانیت باش، بەیانیت باش، گوڵی من

بەیانیت باش، بەیانیت باش، گوڵی من
گوڵاڵە سوورەی سەر، لاخو چڵی من

لە کونجی داو و زیندانی دڵم دا
تەنیا نێچیرەکەم، ئاسکی سڵی من

لە خەو هەستە هەموو کاتت بە خۆشی
ئەتۆی ساڕێژکەری زامی دڵی من

++++++++++++++++++++++
سەرناو: کابانه جوانێ
سەبارەت: ٥/٩/١٣٨٥

ئەستێرێکم هەس لەڕووی ئاسمانێ
پڕشنگی نیگای، تیری کەمانێ
گفت و لفتی خۆش، شیرین بەیانێ
جێژوانی من و تۆ، ئاڕبابای بانێ
زۆرم خۆش دەوێی کابانەجوانێ

شلک و ناسکی، ناوقەد خڕو خۆڵ
وێنەی ئاسکی، سڵ و توندو تۆڵ
ناز و عیشوەکەت، هەڵدەگرم بەکۆڵ
جێژوانی من و تۆ، مێرگی دیلانێ
زۆرم خۆش دەوێی کابانەجوانێ

دەم قەند و لێو ئاڵ، کەمەر لەزێڕی
چەندەم خۆش دەوشی، ئای لاو یو وێری
جەرگت برژاندووم، وەک گازی فێڕی
جێژوانی من و تۆ، کانیەکوێستانێ
زۆرم خۆش دەوێی، کابانەجوانێ

شللێر و شەشپەڕ، گوڵی بەهاری
بۆ عاشق کوشتن، گەلێک بەکاری
زوڵفی ئاڵاوت، لوولەوەک ماری
جێژوانی من و تۆ، هەواری خانێ
زۆرم خۆش دەوێی کابانەجوانێ

بەڕۆژو بەشەو، دەفکری تۆ دام
وەکو ڕاوچیان، بۆت داناوم دام
خۆشت نێچیری، بۆ من نابی ڕام
جێژوانی من و تۆ، پشتی کاوڵاانێ
زۆرم خۆش دەوێی کابانەجوانێ

ماچێکمان دەیه، لەلێوی ئاڵت
لەکووڵمی سپی و، دوو سێوی کاڵت
بەوێنەت نیه، بەملم وەباڵت
جێژوانی من و تۆ، لەبن شیلانێ
زۆرم خۆش دەوێی کابانەجوانێ

بەس بەغەمزەو ناز، جەرگم دەرێنه
جووتەبەهێی کاڵ، مەیان لەرێنه
باسکەناسکەکەت، لەملم وەرێنه
جێژوانی من وتۆ، بوداق سوڵتانێ
زۆرم خۆش دەوێی کابانەجوانێ

فریشتەی ڕۆژی، یا پەری شەوی
حۆری ئاسمانێی، چۆن هاتیەزەوی
بەڕەوت و ڕەوت، هەر دەڵێی کەوی
بەینی من و تۆ، نایەتەپسانێ
زۆرم خۆش دەوێی کابانەجوانێ

++++++++++++++++++++++
سەرناو: بۆ یەکەم جار بوو ووتت گیانەکەم

بۆ یەکەم جار بوو ووتت: گیانەکەم
گیانی شیرینمت، بە قووربان ئەکەم

من گیانی تۆ بم، تۆش گیانی منی
لە ناو دڵم دای، گەر چی لێم ونی

ئێمە گیانێکین، جەستەمان جیایە
هەتاکوو دەمرم، جێت لە دڵمایە

++++++++++++++++++++++
سەرناو: ماڵی شێواو
سەبارەت: له زمانحاڵی خوشکێكی زوڵم لێکراو

منوو خه‌م ئه‌وڕۆ که‌ده‌ست له‌ملانین 
زۆر ده‌وڵه‌مه‌ندین میری خه‌مانین

منوو خه‌م ئه‌وڕۆ وا بوینه‌ هاوده‌م 
به‌بێ یه‌ک ناژین به‌هیچ سات و ده‌م

باری خه‌مانه‌ له‌ شان و کۆڵم 
گوێ بده‌یه‌ ناڵه‌و به‌ختی کڵۆڵم

ئه‌من ته‌یرێکی ماڵ لێ شێواوم 
هه‌ر فرمێسکی خوێن ده‌ڕژێ له‌چاوم

چه‌ندساڵ له‌وه‌ی پێش به‌که‌یف و خۆشی 
پڵاوی زه‌ماوند له‌مه‌نجه‌ڵ جۆشی

پێکم هێنابوو ژیانی هاوسه‌ری 
ئه‌و میری میران ئه‌منیش وه‌ک په‌ری

ژیانمان ده‌کرد به‌بێ ده‌ردی سه‌ر
ڕازی به‌ ماڵ و به‌لانه‌ و هاوسه‌ر

ماڵ ڕازایه‌وه‌ به‌دوو جوجیله‌ 
شلکوو ناسکۆڵه‌و جوانوو خنجیله‌

هه‌تا ڕۆژێکی به‌ڵای ناگه‌هان 
بزه‌ی لێوانی کردینه‌ گریان

یاری بێ وه‌فام له‌دوای چه‌ندساڵان 
عیشقی منی فرۆشت هه‌رزان و تاڵان

له‌و ده‌وروبه‌ره‌ کوندێکی چاو مه‌ست 
به‌ڕواڵه‌ت جوانوو وه‌کی دیکه‌ په‌ست

هاته‌ نێو ژینی بێگه‌رد و پاکم 
لێکی هه‌ڵوه‌شاند هێلـلانه‌ی چاکم

ژینی تاڵ کردم تاڵتر له‌مه‌رگ 
تیری کاری بوو، دامی له‌جه‌رگ

هه‌رچه‌نده‌ پێم گوت له‌لای من مه‌ڕۆ 
فریوی چاوی کونده‌بوو مه‌خۆ

ئه‌دی تۆ نه‌بوی بۆمنت دێنا گوڵ؟ 
به‌یانت ده‌کرد: هه‌زار ڕازی دڵ

عاشق به‌من بوی به‌جۆشوو خڕۆش 
به‌ منت هه‌ڵده‌کوت چه‌ندین شێعری خۆش

ئه‌تۆ گوڵه‌ باخی گه‌لێک جوانی 
کۆتره‌ باریکه‌ی، که‌و، خه‌رامانی

ئه‌تۆ ئه‌ستێره‌ی سوهه‌یلی پاکی 
ئه‌تۆ فریشته‌ی له‌سه‌ر ڕوی خاکی

ئێستاکه‌ بۆ چی ڕه‌ش بوم له‌به‌ر چاو
ژینی شیرینمان لێ مه‌که‌ تاڵاو

بۆچی ژیانم ده‌که‌ی سه‌ره‌وبن 
بۆ؟ چ خه‌تایه‌ک ڕویداوه‌ له‌ من

به‌رهه‌می ئه‌وده‌م کچێکوو کوڕێک بوو 
هه‌ر کامیان بۆمن باڵ و په‌ڕێک بوو

من ناوی کوڕه‌که‌م لێنابوو وریا 
دنیاش زۆر جوانه‌ به‌ قه‌د یه‌ک دنیا

کونده‌بوو شومه‌ سێبه‌ری گرانه‌ 
سه‌ریان ده‌کۆڵێ ئی ئه‌و جوجکانه‌

جوجیله‌ له‌بن ده‌ستی کونده‌ بوو 
چۆن گه‌وره‌ ده‌بێ؟ چۆن نایخوا باشوو؟ 

چه‌ند شه‌ونخونیم دیوه‌ له‌سه‌ریان 
چه‌نده‌م شردووه‌ لیباسی به‌ریان

ماڵ پێکوه‌نانیش که‌مه‌ری پساندم 
چ زوو کونده‌بوو هات و لێی ستاندم

منی هه‌ڵبڕی له‌کۆرپه‌و لانم 
چۆن ته‌حه‌مول که‌م ئه‌من نازانم

هه‌رچی که‌ پێم گوت نه‌یگرته‌ گوێان 
هه‌موو حه‌قێکی خسته‌ به‌ر پێیان

ئه‌منی وا ڕه‌تاند له‌ماڵ و لانم 
گوڵی ژاکاوم له‌ ماڵ باوانم

ئاوا هه‌ڵوه‌شا ماڵ و حاڵی من 
ئاوا هه‌ڵوه‌ری په‌ڕوو باڵی من

چه‌ند جاران ویستم خۆم بسوتێنم
یا لەنێو بەحرا خۆم بخنکێنم

دوایه‌ به‌خۆم گوت کاری وا ناکه‌م 
بۆ ژینی له‌ دوای قیامه‌ت خه‌راکه‌م

ئاگری هه‌ناوم خۆی ده‌مسوتێنێ 
بۆغه‌ره‌ی گه‌روم خۆی ده‌مخنکێنێ

ئه‌و حیکایه‌ته‌ بۆ هه‌موو که‌سه‌
ژیان و مردن هه‌ر یه‌ک نه‌فه‌سه‌

ئه‌و په‌نده‌ جوانه‌م لێ وه‌رگره‌و به‌س 
قه‌ت مه‌شێوێنه‌ هێلـلانه‌ی هیچ کەس

حەقی من لەلای خواوەندی کەریم
هۆنەری شێعرم: (خۆشناوه) ڕەحیم

++++++++++++++++++++++
سەرناو: لەسەر کێلی گڵکۆم بنووسن

لەسەر 
کێلی گڵکۆم بنووسن: 
بێ وەفا، 
تۆ نەتتوانی
وەکوو خاک 
من لەباوەش بگری.

++++++++++++++++++++++
سەرناو: هاوڕاز

لەلای لانەکەت من لانەدەکەم
زوڵفی ئاڵۆزت بۆ شانه‌ ده‌که‌م
هیوام هه‌ر ئه‌تۆی ببیه‌ هاوڕازم
هه‌مووی بۆتۆیه‌ به‌سته‌و وانه‌که‌م

هه‌ڵوه‌دای ده‌روو ده‌شت و هه‌ردانم
ئاواره‌ی که‌ل و شاخ و بەردانم
وه‌کوو کونده‌بوو بوومه‌ چۆلپه‌ره‌ست
وه‌ره‌ سه‌ردانی دڵه‌ وێرانه‌که‌م

نانا تۆش وه‌ک من مه‌به‌ کونده‌بوو
مه‌به‌  داستانی هه‌بوو یا نه‌بوو
قومری و قه‌ناری، بولبولی مه‌ستی
له‌عل و گه‌وهه‌ری تۆی مه‌رجانه‌که‌م

له‌حه‌ریر و گوڵ به‌رگ و لیباست
ده‌نگی دایه‌وه‌  له‌دونیا باست
باسی جوانیەکه‌ت چووه‌ بۆ عه‌ڕش
فریشته‌ی زه‌وی هه‌م ئاسمانه‌که‌م

ئاشق کوشتنت کردوه‌  به‌ پیشه‌
جه‌رگت ده‌رهێنام له‌ڕه‌گ و ڕیشه‌
مه‌به‌  به‌ زینی هه‌ناسه‌ سارد و   
مه‌مکه‌ به‌ کاکه‌ مه‌می خانه‌که‌م

++++++++++++++++++++++
سەرناو: تا دەتوانی خەم لەڕوخساری خەمبارێ دوور خەوه

تا دەتوانی خەم لەڕوخساری خەمبارێ دوور خەوه
گەلێ ئاسانەگریاندن، تۆ فرمێسکێ بسڕەوه

++++++++++++++++++++++
سەرناو: بەیانیت باش بەیانیت باش گوڵی سوور

بەیانیت باش بەیانیت باش گوڵی سوور
گوڵاڵەسوورەکەی شارو کەژی دوور

دەم و ساعەت لەزەوقی دیتنی تۆ
وەکوو شاعیر، بەکوڵ، شێعران دەکەم جوور

کەپێشکێشی بکەم بەو ڕووحەپاکەت
فیدا کەم خۆم بەئەو دوو چاوی مەخموور

کەکوتت چۆنی بەئەو دوو لێوەئاڵه
خۆشترەبۆ من لەدەنگی عود و ماهوور

++++++++++++++++++++++
سەرناو: وەرە بۆ لام وەرە ئاسکی سڵی من

وەرە بۆ لام وەرە ئاسکی سڵی من
لەڕێی دڵداریا، پرد و کڵی من
کچە پەروەردەکەی خاک و گڵی من
کە پەنجەت نایە ناو پەنجەم گوڵی من
تەزووی شادی دەهات بۆ ناو دڵی من

++++++++++++++++++++++
سەرناو: ئازیزەکەم: من نازانم ئەو ڕۆژانە

ئازیزەکەم: من نازانم ئەو ڕۆژانە
بۆ چی هێندە دە فکرم دای؟ 
وەکوو دووعای مرۆڤی پاک
دائیم دە وێردو
زکرم دای

++++++++++++++++++++++
سەرناو: که‌ره‌و پیره‌پیاو ٢
سەبارەت: ٨٢/٠٩/١٤

ده‌گێڕنه‌وه‌ لە‌ده‌ورانی پێشوو
پیره‌پیاوێک بوو، که‌رێکی هه‌بوو

ده‌ستگیری بوو بۆکارو سه‌فه‌ ر
هه‌رگیز نه‌یده‌برد بۆجێگای خه‌ته‌ر

که‌ر مانی نه‌گرت کاتی هه‌ستانی
خۆڕایی نه‌کرا وه‌رزی زستانێ

که‌ره‌ خدمه‌تی ده‌کرد وه‌ختی کار
ئه‌ویش دایده‌به‌ست تا ده‌هات به‌هار

جارێک به‌زستان ده‌چوو بۆ سه‌فه‌ر
هه‌ڵیبه‌ست له‌ که‌ر ڕێشمه‌و جلو به‌ڕ

زوو به‌ڕی که‌وتن به‌ئیزنی ئه‌ڵڵا
که‌ری قالب سووک ده‌گه‌ڵ مام عه‌وڵا

ده‌به‌ینی ڕێدا کوێستانێک هه‌بوو
ده‌بوو ئه‌و ڕێیه‌ی ببڕن دوو به‌دوو

کە‌وه‌سه‌رکه‌وتن له‌و ‌به‌رزه‌کێوه
قه‌لنێکی تێکردکێشای به‌پێوه
‌
ده‌ست به‌ئاوی کرد له‌نه‌دیوی که‌ر
که‌ره‌ ملی لێنا بۆ خوارێ یه‌کسه‌ر

گوێدرێژ وەیزانی خاوەنی ڕۆیی
دەنا نەیدەکرد کاری سەر خۆیی

ڕه‌شانگیش نه‌بوو له‌نێو به‌فری زۆر
له‌به‌ر چاو نه‌ما نێره‌که‌ری بۆر

که‌ره‌ غه‌یب بوو له‌پڕو له‌ناکاو
حه‌رز قوتیدا، یا بردویه‌ ئاو؟ 

له‌ هیچ کوێ دیارنیه‌ ئه‌و که‌ره‌ زله‌
زه‌نگوڵه‌و مروی شینی ده‌ مله
‌
کردیه‌ هاوارو سه‌ری هه‌ڵبڕی
خوایه‌ کێ دیویه‌ که‌ که‌ر هه‌ڵفڕی

که‌مێک له‌خوارتر ئه‌وجار ده‌نگێ هات
هه‌رکه‌ ده‌نگه‌ی بیست بۆلای ئه‌و هه‌ڵات

دیتی که‌ره‌ بۆرکه‌وتۆته‌ ده‌چاڵ
کوتی لێم قه‌وما چۆن بچمه‌وە‌ماڵ

شه‌یتان هات کوتی خاڵی خۆم چۆنی؟ 
چیت لێ قه‌وماوه‌ بۆچی وا مۆنی؟ 

پێی کوت که‌ره‌که‌م که‌وته‌ ده‌و کونه‌
ده‌نگی دێ به‌ڵام دیمه‌نی ونه

ده‌مهه‌وێ ئه‌من کاتی مردنی
مێز ده‌م له‌ ملو سه‌رو گه‌ردنی

هاوده‌می خۆم بوو ساڵانێکی زۆر
بارگین ناگرێ جێگای که‌ره‌ بۆر

شه‌یتان کوتی که‌ره‌، به‌کار نه‌ماوه‌‌
پشتو ملو لاقی گشتی شکاوه

ده‌تهه‌وێ ببڕێ فغانوو ئێشی
پڕیکه‌ له‌ خاک با زه‌جرێ نه‌کێشی

با بۆخۆی بتۆپێ و ببێ به‌قه‌بری
خه‌ڵکو ڕێبواریش به‌بۆنی نه‌مری

مامه‌پیره‌‌ کوتی خۆ فکری چاکه
لەکوێ په‌یداکه‌م ئه‌م هه‌موو خاکه
‌
دیتی ئه‌و به‌فره‌ی که‌ ئاوا بۆره‌
له‌بن وی خاکو خۆڵێکی زۆره
‌
لایدا به‌فره‌که‌ هه‌ر به‌ده‌ستو برد
به‌نه‌قیزه‌و چه‌نگ ‌چاڵێ پرۆکرد

ئاوا کاری کرد هه‌تا بوو به‌شه‌و
له‌خۆی حه‌رام کرد خواردن و هه‌م خه‌و

که‌م که‌م پڕ بۆوه‌ چاڵ بەخاک وخۆڵ‌
که‌ره‌ هاته‌ ده‌ر جا به‌ بۆڵه‌بۆڵ

شه‌یتان که‌ دیتی هاتنه‌ده‌ری که‌ر
بۆ خۆشی بوو به‌ که‌ری نیوه‌زه‌ڕ

پیاوه‌پیره‌ش که‌ واقی وڕ مابوو
به‌دیتنی که‌رێ مات و کڕمابوو

له‌ناکاو ئاقڵی هاته‌وه‌ به‌رێ
ماندویی نه‌ما له‌ خۆشی که‌رێ

پێی گوت ئه‌وه‌ تۆ چۆن هاتیه‌‌وه‌ ده‌ر
خۆمن سه‌د پوتم گڵ کردی وه‌سه‌ر

که‌ر هاته‌ جواب که‌ئه‌ی خاوه‌نم
حه‌ریفی شه‌یتان ئه‌تۆ نی، منم

هه‌ر خاکێ کە‌تۆ کردتم وه‌سه‌ر
به‌لاقان شێلام ئاوا هاتمه‌ ده‌ر

هه‌رچه‌ند تۆ کردت به‌قسه‌ی شه‌یتانی
به‌ڵام به‌وفێڵه‌ی منت نه‌زانی

پیره‌پیاو ده‌می برده‌ بن گوێی که‌ر
پێی گوتت: به‌ زستان ناچین بۆسه‌فه‌ر

هاتنەوەماڵێ بەکەیف و خۆشی
بڕێکی بۆ زیاد کرد ئالک و جۆشی

++++++++++++++++++++++
سەرناو: لەنێو ماڵی دڵم هەر تۆ دەمێنی

لەنێو ماڵی دڵم هەر تۆ دەمێنی
کەبۆ ژینم ئەتۆ مایەو هەوێنی
ئەوەندەتاڵەدەردی دایەڕۆیی
دەمێنی تا قیامەت هەر کەلێنی

++++++++++++++++++++++
سەرناو: چاوەکەم...

چاوەکەم
چاوی تۆ، 
پردێکەبەسەر شیوێکی چڕ دا
کەپێی دەڵێن: شیوی مەرگ
خوانەکا لەو چاوەبکەوم
دەنا... دەو شیوەی دەکەوم.

++++++++++++++++++++++
سەرناو: خشت و فەنەر

نازانم ژیان، چی دەنەزەردا
ماندووترین مرۆم، لە نێو بەشەردا

منو کوورە و، چین چینی خشتان
ئێستاش خۆڵی وێم، هەروا لە سەردا

دەست و پێم قەڵشیو، پشتم چەماوە
ئاخ خشتە، چۆنت من لە فەنەردا!!!

++++++++++++++++++++++
سەرناو: چاوەڕوانی

چاوەڕوانی چاو جوانێ چاوی ڕوونمی تێر کرد
چاوی منی بەچاوەچاوو چاوەڕوانی فێر کرد
چاوەڕوانیم تا بەکەی چاوەکەی تۆ کوشتمی
کانی چاوم ڕوومەتی ویشکی منی ئاودێر کرد

++++++++++++++++++++++
سەرناو: سڵاوت لێ بێ چاو کاڵ گوڵی جوان و بۆن خۆشم

سڵاوت لێ بێ چاو کاڵ گوڵی جوان و بۆن خۆشم
لەتاوی دیداری تۆ وا مەلوولو نەخۆشم

ماوەیەکەناتبینم لەشایی و زەماوەندان
جاچۆن ئەمن شێت نەبم، نەماوەئەقڵو هۆشم

بوومەمەجنونی کێوان ڕووحم هاتەسەر لێوان
خۆشناوم یا بەد ناوم؟ نازانم نێوی خۆشم

++++++++++++++++++++++
سەرناو: لەمێژە یاری نازەنین

لەمێژە یاری نازەنین
پام بەپاو کۆم بەکۆتەوه

جەستەم چۆتە فەرامۆشی
دڵی خۆم لەبیر نەچۆتەوه

ساڵانێکە لەتاریکیم
تازەڕۆژم لێ بۆتەوه

خەڵقی یاری لێ گوم دەبێو
من تازە تۆم دیتۆتەوه

++++++++++++++++++++++
سەرناو: ئازیزەکەم...

ئازیزەکەم
نازانم بێ تۆ چۆن بژیم
خۆزگە هەر کە دەڕۆیشتی
بیرەوەریەکانیشت
لەگەڵ خۆت بردبایە گشتی.

++++++++++++++++++++++
سەرناو: تۆ بمبووره

چاوجوانەکەم، کەناتوانم ئاشقت نەبم
تۆ بمبووره
ئازیزەکەم، کەناتوانم خۆشم نەوێی
تۆبمبووره
خۆشەویستیم کەدەبوایەسنوور دار بێ
بێ سنووره
وا دەزانم لەو بەینەدا تۆ مەحکوومی
من تەنیا سنوورم بەزاند
بەڵام تۆ چی؟ 
ئەی داگیر کەر
دڵ و مێشک و بیری منت بەنیگاهێ داگیر کردوه
بەڵام دیسان، تۆ بمبووره
تۆ بمبووره

++++++++++++++++++++++
سەرناو: ئەی دڵم

ئەی دڵم
خونچەی گوڵم
تا تۆم هەبێ 
تەمەنی من ساوا دەبێ

بەڵام کاتێک
لێم ون دەبی 
لەگەڵ وەرینی فرمێسکم
لەنێو زەریای بێکەسیم دا 
ڕۆژێ سەد جار
خۆری تەمەن ئاوا دەبێ

++++++++++++++++++++++
سەرناو: هۆ چاو گەشێ

هۆ چاو گەشێ! 
فرمێسکەکانت
مەڕێژە هەتا زیندووم
کۆیان کەوە بۆ ئەو کاتەی
کە من لەبەر تۆ مردووم.

++++++++++++++++++++++
سەرناو: خۆوه شارکێنه

من نەمزانی
فریشتەی ڕۆژی؟ 
یا پەری ئاسمانی؟ 
خۆوەشارکێنەم لەگەڵ مەکه
دڵنیـــــــــا به
لەهەر شوێنێک خۆت وەشاری
دەتدۆزمەوه
چونکەدڵی من
پێت دەزانی

++++++++++++++++++++++
سەرناو: جوجکه
سەبارەت: پێشکەش بە منداڵان

جوجکه ی دنوک زه ردو جوان
پرسیار ده که م به قوربان

له و هێلکه سپی و جوانه
که هه ر ده ڵێی زیندانه

بێ په نجه ره و ده رکه یه
نه هیچ ڕووناکی هه یه

پێم بڵێ چۆن هاتیه ده ر
جوابم ده وه تاج به سه ر

جوجکه گوێی دایه پرسیار
جوابی دایه وه ئه وجار: 
هه ر به ئه مری کردگار

له دوای بیست و یه ک ڕۆژان
له بن باڵی دایه گیان

له و دیوه ته نگ و سه خته
که ده ڵێی به رد ی ته خته

به سوڕان و به ته کان
هه ر وه کوو یه ک پاڵه وان

شکاندم ده رو دیوار
هاتمه ده رێ، به یه کجار

ئێستاش له په نای دایه
له گه ڵ تۆ ده که م کایه

++++++++++++++++++++++
سەرناو: کۆتر

ڕۆژێکیان له حەوشه ی ماڵ
کۆترێکی گەردن به خاڵ

دیتم وا دەکا ناڵه
زۆر پەرێشان ئەحواڵه

وتم: کۆتری باڵ نەخشین
بۆ کەوتووی لەسەر زەوین

وتی: بەردیان داوه لێم
شکا باڵ و پەڕ و پێم

منیش کۆترەکەم هەڵگرت
بۆلای باوکی خۆمم برد

باوکم دیتی برینداره
وتی: خۆم دەیکەم چاره

باڵی بردەوه جێی خۆی
تەخته و چەسپیشی دا بۆی

هەر کاتێ دەچووین بۆ گەشت
دەمان برد بۆ دەر و دەشت

تاکوو دە شەوی تەواو
من پێم دەدا خواردن و ئاو

بەو چەند ڕۆژه چاک بۆوه
بۆ لای جووتەکه ی چۆوه

لەو ڕۆژەوه کۆتری جوان
هەر دێتەوە بۆ لامان

منیش دەیدەمێ دانه
ئەفڕێتەوه بۆ لانه

کۆتر مەلی بێ زەڕه
دژ به دوژمنی و شەڕه

++++++++++++++++++++++
سەرناو: لەو ڕۆژەوە

لەو ڕۆژەوە
هێدی هێدی، لەسەرەخۆ
دەستت خستۆتە ناو دەستم
هەتا ئەوڕۆ
دەستی ڕاستم، دەکەم بە بۆ
تەنانەت، دڵم نایە بیشۆم
چونکه گرتویه بۆنی تۆ

++++++++++++++++++++++
سەرناو: به‌هاری سه‌رده‌شت
سەبارەت: گوندی سێونێ - ١٣٧٧/١/١

به‌ناوی خودای هه‌موو بوونه‌وه‌ر
که‌کوردستانی دانا به‌گه‌وهه‌ر

به‌ ناوت خوایه‌ خواوه‌ندی جوانی
وه‌دیهێنه‌ری به‌رز و نه‌ویانی

خۆشیت داناوه‌ بۆو کوردستانه‌
یه‌ک له‌و خۆشیانه‌؛ چوونه‌ کوێستانه

بۆت بکه‌م باسی سه‌رده‌شتی ڕه‌نگین
به‌هار تابه‌هار سه‌رسه‌وزو نه‌خشین

ناوچه‌ی سه‌رده‌شتێ خۆشه‌ به‌هاران
پێی هه‌ڵا ده‌ڵێم وه‌ک جاری جاران

پێی هه‌ڵا ده‌ڵێم به‌سته ‌و گۆرانی
ڕاستی نه‌قیمه‌ی نێو کوردستانی

دم چۆم و زه‌نوێر خۆشن کوێستانت
ڕه‌ز و باخی جوان، پڕ دارستانت

شنه‌ی بای به‌یان خوڕه‌ی چۆمی زێ
ئاهه‌نگی شادی دێنن بۆ ناو دێ

ئاوی به‌فراوی ڕنووی کوێستانان
ژیان ده‌به‌خشێ به ‌پیر و جوانان

له ‌خیزه‌ڵێنی ئه‌و لابه‌لایه‌
کوڕاده‌ له‌گه‌ڵ شه‌نگه‌ بیزایه
‌
چه‌قرووزه‌ی مه‌ندۆک ناسک و سپی و سۆڵ
له‌بن هه‌ڵۆڵی به‌فری ڕژد و دۆڵ

سه‌ر وه‌ده‌ر ده‌نێ کاردووی په‌لک پان
له‌بن شاخان و که‌لێنه‌به‌ردان

شللێر و شه‌شپه‌ڕ ده‌گه‌ڵ هه‌ڵاڵه‌
سوێسن و به‌یبوون، سووره‌ گوڵاڵه

ئه‌سترێلک و ئه‌سپۆن که‌نێره ‌و قه‌دسوور
خاشخاشی جوان و گوڵی جۆراو جوور

مێلاق و سیر و تیسمۆرکه ‌و ڕۆنیاس
گوڵی ئاڵه‌کۆک و سیرمۆکه ‌و ڕێواس

که‌ما و بۆڕو هه‌ڵز، گیاخاو و گیابه‌ند
دڵان به‌جارێکی له‌وێ ده‌کا به‌ند

گوڵه‌بێژان و گوڵه‌به‌ڕۆنه‌
ده‌سکێک بۆ یارێ دیاریه‌کی کۆنه
‌
سه‌رخۆشت ده‌کا به‌عه‌تر و به ‌بۆ
شای گیایان جاتره، ‌ له‌داوێنی کۆ

به‌ که‌نگر و تیسوێ و پێچووکه ‌و لووشه
وا خەمڵیوە ئەو کوێستانە خۆشە
‌
له‌نێو ئو هه‌موو گیای که‌ژ و کێوه‌
کارگیش هاتنه‌ده‌ر به‌هه‌زار شێوه
‌
له‌نواڵان خۆش دێ ئاهه‌نگی بلوێر
خوڕه‌ی خڕو دۆڵ هاژه‌ی ئاو هه‌ڵدێر

قرووسکەی به‌شدار له‌ده‌وری مێگه‌ل
ده‌نگی زه‌نگوڵه‌ و کاریله ‌و به‌رخه‌ل

خشپه‌ی که‌روێشک و ورشه‌ی ماری سوور
ده‌گه‌ڵ چریکه‌ی شاهێن و شالوور

هاتوونه‌ سه‌یری چیاو چه‌م و کۆ
باز و خه‌رته‌ل و ته‌ڕلان و هه‌ڵۆ

گوێنی که ‌ئاوا به‌ دڕک و داڵه‌
تام و بۆنیشی ناخۆش و تاڵه
‌
ده‌به‌هارێ دا زۆر شتێکی جوانه‌
چونکه‌ پارێزگای خاسه‌ که‌وانه
‌
با بگه‌ڕێینه‌وه‌ بۆسه‌ر بانه‌کان
باهه‌‌ڵگه‌ڕێین بۆکوێستانه‌کان

کیژ و لاوی جوان، خه‌ڵک به‌گشتی
ڕوو ده‌که‌نه‌ کێو توربێن له‌پشتی

ده‌چن بۆدیتنی سروشتی خودا
کوێستان چوون باوه‌ له‌ناو ئێمه‌دا

نان و په‌نیر و قاپێکیش ماستاو
چایه‌کیش لێنێی له‌ده‌وری کانیاو

ئاوری گوێنیان و کتریه‌ ڕه‌ش له‌سه‌ر
لاده‌با خه‌م و په‌ژاره‌ و که‌سه‌ر

دوای حه‌سانه‌وه‌و خواردنه‌وه‌ی چایی
ئه‌وجار ده‌یکه‌نه‌ هه‌ڵپه‌ڕکه‌و شایی

ڕاده‌برێ به‌هار به‌وجۆره‌ له‌نێو
خه‌ڵکی کوردستان له‌ده‌شت و له‌ کێو

هه‌موو خوشک و برا خزمایه‌تی خۆش
به‌هاری ئه‌وتۆ ناکرێ فه‌رامۆش

کوردستان خۆشه‌ هه‌موو نیگاری
به‌ڵام هه‌رکه‌سه‌و شوینو دیاری

به‌هره‌ی بۆ خه‌ڵک، ده‌سکردی خوایه
پاراستنیشی ئه‌مره ‌و ڕه‌وایه
‌
فیدای ناوت بم کوردستانی خۆش
هه‌تا بمێنم ناتکه‌م فه‌رامۆش

فیدای کوردستان سامان و سه‌رم
ناوم ڕه‌حیمه‌ و؛ برای قه‌له‌نده‌رم

++++++++++++++++++++++
سەرناو: باران

با ببارێ
با ببارێ
با تەڕ کا شەدە و دەسرۆکەی یارێ
با باپێچێ بکا و 
له سەری وەکا
لێچکه و کۆڵوانه، 
هەڵدرێن به جارێ
با وەدەر کەون ئاگریجه و برژانگ 
ئاخر چۆن دڵی دێ 
زوڵفی ئاڵۆزی
که بەشانیدا هاتوونه خوارێ
له منی عاشق و شاعیر وەشارێ؟

++++++++++++++++++++++
سەرناو: من و سروشت
سەبارەت: ڕۆژی ١٣بەدەر

من و سروشت ئەوڕۆ 
پێکەوەمان ڕابوارد

من شاعیرێکی ناشی
ئەو ژینگەیەکی خۆش

من عاشقێکی وێڵ
ئەو بووکێکی سەوزە پۆش

من ڕێگایەکی باریک
ئەو ڕووبارێکی بە خڕۆش

ویستم شێعری پێ هەڵبڵێم
هەرچی کردم پێی نەوێرام

تا من دوو بەندم دادەنا
تا من، 
تا من نووکی قەڵەمم دادەدا
ئەو زیاتر، 
ئەو زیاتر جوانی خۆی پێم نیشان دەدا

++++++++++++++++++++++
سەرناو: شێعری شکاو

گەر لە بەر چاوی تۆ کەوتم، ئەو دڵەی مەستم شکا
عەهد و پەیمانی چەند ساڵەی، لەگەڵ تۆ بەستم شکا

هەر کە زەریای چاوی تۆم دی، بێ وەفا هۆشم نەما
کەوتم مەست و کەلەلا، سەرپەنجەی دوو دەستم شکا

من بە هیوای سێبەر و کەپر ی ئەوین، مێوم ڕوواند
کووپەڵەی شەڕابی کۆن و خالیس و خەستم شکا

چۆن دڵت هات لێم بتۆرێی، تاقەتی ئەژنۆم نەما
بێ ئەوەی تاویک لە سەر پا و پەنجە ڕاۆەستم شکا

هەستی ناسکم وا کە هەستی کرد بە هەستی دڵڕەقیت
دێڕ بە دێڕی ڕستەکانی شێعر و هەڵبەستم شکا

++++++++++++++++++++++
سەرناو: من باوکێکم

ڕۆژ نا ڕۆژێک ڕۆژی منه‌
به‌ڵام ده‌ڵێن: 
'هه‌ر ڕۆژێکیان بۆم داناوه'

لام پیرۆزه‌
ئه‌م ڕۆژه‌ی خۆم ڕازانده‌وه‌
به‌ باوه‌شێک گوڵی نێرگز، 
به‌هه‌رچی ڕه‌نگی دنیایه، ‌
به‌ هه‌رچی بۆنی شیاوه. ‌

پێشکه‌شم کرد به‌و که‌سانه‌ی
به‌هه‌ر چه‌شنێ، 
به‌ هه‌ر هۆیه‌
له‌به‌ر بژیوی ژیانی
له‌ ڕێبازێکی پیرۆزدا 
باوکی خۆیان له‌ده‌س داوه.

++++++++++++++++++++++
سەرناو: کۆتری لێقه‌وماو
سەبارەت: ١٣٧٥/١٢/٨

شه‌وه درەنگە سارد و سه‌رمایه
جگه‌ له ‌کوندێ چ ده‌نگێ نایه
‌
له ‌ناکاو بیستم ده‌نگی باڵه‌فڕ
ڕاپه‌ڕیم له‌پڕ ڕامام مات و کڕ

هه‌ڵاتمه‌ ده‌رێ بزانم چ باسه
دیتم دوو کۆتر گه‌لێک به‌تاسه
‌
که‌وتوون له‌به‌ر ده‌رکی بێڵایه‌
شه‌که‌ت و ماندوو له ‌به‌ر سه‌رمایه
‌
گوتم: کۆتره‌کان کۆتره‌ باریکه‌ 
له‌ کوێ بوون به‌ ئه‌و شه‌وه‌ تاریکه
‌
گوتیان له‌ سه‌ر ئه‌و شاخو هه‌ردانه
به ‌زه‌حمه‌تی زۆر کردمان هێللانه

که چی قه‌له‌ڕه‌ش، پێی فرۆشتین شه‌ڕ
له ‌ماڵی خۆمان پێی گرتووین گه‌ڕ

جووته ‌و جوجکه‌مان هه‌مووی کوژراوه‌
ماڵ و لانه‌مان تاڵان کراوه
‌
ڕێمان پێواوه ‌و هاتووینه‌ ئێره‌
تۆش ئه‌مانمان ده‌ کارێکی خێره
‌
بهێڵه‌ له‌ نێو ئه‌و سوانانه‌
به ‌جووته‌ بژین ساز که‌ین هێللانه

وتم: مه‌لانی خۆش خاڵ و ڕه‌نگم
له ‌ئاستی ئێوه‌ ئه‌من بێده‌نگم

هه‌ر کوێیه‌ خۆشه‌ له ‌ده‌ر و سه‌ربان
هێللانه‌ ساز که‌ن به‌که‌یفی خۆتان 

جا وه ‌سبه‌ینێ ڕا به‌ پووش و په‌ڵاش
لانه‌یان ساز کرد له ‌جێیه‌کی باش

ئه‌وه‌ چه‌ند ساڵه‌ ئه‌و دوو کۆترانه‌
لەگەڵ مە دەژین لەو به‌ر هه‌یوانه‌

****

هه‌ر که‌س په‌نا دا به‌ لێقەوماوێ
له‌ ڕۆژی په‌سین پرسیاری ناوێ

په‌نا ده‌ن به‌وه‌ی که‌ لێقەوماوە
حه‌ق له‌لای خودا، قه‌ت نەفه‌وتاوه

++++++++++++++++++++++
سەرناو: بێ تۆ

بۆ نازانی ئەو ڕۆژانه چەنده له ژینم بێزارم
وەک ئەسیری بەندیخانه، ناگاته هیچ کوێ هاوارم

من نازانم ئه و ڕۆژانه بۆچی هێنده له فکرم دای
وه کوو دووعای مرۆڤی پاک، دایم ده فکر و زکرم دای

چاو دەگێڕم لێره و لەوێ، تاوێک دیار و تاوێک ونی
بۆ کوێ بڕۆم ئاخر بێ تۆ، تۆ که هەموو دونیای منی

له هەر شوێنی ئەو دونیایه، ڕۆژگارم بێ تۆ تاریکه
ئەگەر ڕێگا ئوتوبان بێ، بۆ من ئاستەم و باریکه

هه موو که سێک دوای مردنی، دڵی له لێدان دەکەوێ
به ڵام دڵی من له گڵکۆشدا، گڕوو ده گرێ و، هەر تۆی دەوێ

خولاسه بیلبیلەی چاوم، ژیانم بێ تۆ زۆر تاڵه
ساعەتم ڕۆژ، ڕۆژم حەوتوو، حەوتووم مانگ و، مانگم، ساڵه

که جێم بێڵی به تەنیایی، وەبزانه خۆشیم نەماوه
خۆشی به نێو فایدەی چیه، با هەر بڵێن شاعیر

++++++++++++++++++++++
سەرناو: دێم

بە پەیامی تۆ، من وە خەبەر دێم
بڵێی بە لاق وەرە، بزانە بە سەر دێم

من بۆ دیدارت، وا سەودا سەرم
بڵێن: کە شێتی یا دەربەدەر، دێم

عاشقی عیشقی تۆم، عیشقە جوانەکەم
بۆ گەییشتنت، بێ بەرگ و بەر دێم

گەر ڕێگرم بن، سەدو دە لشکر
بۆ ئەو ڕێگایەی، سەخت و خەتەر دێم

دەبا بم کووژن، لە سەر تۆ گیانە
با شەهید بکرێم، وەڵڵاهی هەڕ دێم

++++++++++++++++++++++
سەرناو: پەڕەسرێلکە

ڕۆژێک له‌ ڕۆژانی ساڵی ڕابردوو
که‌هه‌ستام له‌خه‌و به‌یانیه‌کی زوو

به‌ئیشتیا چوومه‌ سه‌ربانی سه‌رێ
تاچاو بگێڕم له‌ دنیای دەرێ

شنەبای به‌یان هه‌وایه‌کی خۆش
زۆر خه‌مڕه‌وێن بوو بۆ دڵی بە پەرۆش

چاوم ده‌گێڕا به ‌ده‌ور و به‌ردا
تڕنه‌بابیلێک١ ده‌هات له‌سه‌ردا

ده‌چۆ لای سوانه‌و ده‌گه‌ڕایەوە‌
دووباره‌ ده‌وری لێده‌دایه‌وه
‌
سرنجم دایه‌ جێگه ‌و مه‌کانی
هه‌ڵاوه‌سابوو جوته‌ی جه‌وانی

ده‌هاتوو ده‌چوو نه‌یمابوو قه‌رار
ده‌سه‌ڵات نه‌بوو هاوار کا به‌زار

بڵێ که‌ چییه ‌و چێم لێ قه‌وماوه‌
جوته‌ی ئازیزم هه‌ڵاوه‌ساوه
‌
هه‌ڵاوه‌سابوو به‌داوێ ده‌زوو
جوجکه‌ی تازه‌شی تێی وه‌ڕامابوو

تاقه‌ت بڕابوو به ‌په‌رێشانی
دنیای دیکه‌ش وا، له‌به‌ر چاوانی

ئیدی خۆم نه‌گرت نه‌مکرد وتووێژ
هه‌ستام په‌یدام کرد دارێکی درێژ

چه‌قۆیه‌کم به‌ست له‌سه‌ری داری
سه‌ری ده‌کردن٢ لوس بوو وه‌ک ماری

چه‌قۆم بۆ لابرد به‌وه‌سیله‌ی دار
پسا ده‌زووله‌و ئه‌ویش که‌وته‌ خوار

فه‌وری چووم داوم له‌ مل کرده‌وه‌
بۆ هیلـلانه‌که‌ی خۆیم برده‌وه
‌
له‌دوای چه‌ند وه‌ختان به‌ پێێ موقه‌دده‌ر
وه‌ک په‌ڕه‌سرێلکه‌ به‌ڵام هاته‌ سه‌ر

جوته‌م بریندار بوو به‌هۆی کاره‌سات
چ چاکه‌م کردبوو هه‌مووی وه‌ڕێ هات

خودا هاوسه‌ری وه‌ من دایه‌وه‌
چرای ماڵه‌که‌م نه‌کوژایه‌وه
‌
ئه‌و په‌نده‌ جوانەی‌ ده‌ گوێیان باوێ
تۆ چاکه‌ی بکه ‌و ده ‌ئاوی هاوێ


پەڕەسرێلکە: پرستو
١. تڕنەبابیلە: سەرچاوەکەی لە (طَیرَاً أبا بیل) ڕا هاتووە کە هەمان پەڕەسرێلکەیە، لە هێندێک شوێنی دیکەی ووڵاتیش پێی دەڵێن (چەک چەکیلکە) و چەند نێوی دیکەشی هەیە
٢. سەری دەکردن: مەبەست لەوەیە کە لە بەر تیژیانی بە ئاسانی سەری پێ دەتاشرا

بۆ زانیاری زیاتر: پەڕەسرێلکە هەر وەخت کەوتە سەر زەوی مەگەر وردە وردە بچێتە شوێنێکی بەرز و خۆی هەڵدا، دەنا بە هیچ شێوەیەک ناتوانێ ڕاستەو خۆ هەڵفڕیت
چونکە باڵەکانی درێژن هەرچەند باڵ لێدا هەر وە عەرزێ دەکەویت و ناتوانیت هەڵفڕێ.

++++++++++++++++++++++
سەرناو: دەم بە بزە

کە ڕووت وەرگێڕا
ئەمجارە
دەم بە بزە و
پێکەنینەوە

دڵم وەک جاران
ڕانەچڵەکی
نەمگوت: تا زووە
بمدوێنەوە
بمدوێنەوە

++++++++++++++++++++++
سەرناو: گورگ و شوان
سەبارەت: وەرگێڕانی شێعری په‌روین ئیعتسامی

بیستوومه‌ شوانێک هه‌ر له‌به‌ر مه‌ڕی
ده‌نووست و ده‌یگوت: با بله‌وه‌ڕی

بێ خه‌م لێی ده‌نووست، مه‌ڕیش له‌ گه‌ڕان
ئه‌مین له‌ گورگ و به‌رخۆڵه‌ و مه‌ڕان

له‌و ده‌ورو به‌ره‌ گورگێکی به‌دکار
له‌خه‌وی شوانه‌ی ببوو خه‌به‌ردار

کوتی وه‌ختی چاکه‌و کاتی مه‌ڕخواردن
یه‌ک و دووی نه‌کرد لێی نه‌ده‌بواردن

خه‌و هه‌ر درێژ و عومری مه‌ڕ کۆتا
به‌سووری خوێنیان سه‌وزایی نه‌ما

هه‌تابه‌یانی هیچیان نه‌سره‌وتن
یانه‌ به‌رخۆله‌ یامه‌ڕ ده‌که‌وتن

به‌فیڕۆ ڕۆیی عومری کاکه‌ی شوان
نه‌فکر و ته‌کبیر نه‌چاره‌ بۆ وان

له‌حه‌وشه‌و ئاغه‌ڵ باش ببون به‌ری
دانی وه‌ده‌ستی گورگی سه‌رسه‌ری

وا چوبوو ده‌خه‌و ئه‌و شوانی بێهۆش
ده‌که‌ونه‌ داوێ سه‌رمه‌ست و سه‌رخۆش

نه ‌قه‌ت ده‌یزانی ڕێگای شوانی
نە شەو نخوونی و نە پاسەوانی

گورگ تا ڕۆژێ له‌کار نه‌وه‌ستا
له‌خه‌وی خه‌فڵه‌ت کاکی شوان هه‌ستا

چاوێکی گێڕا له‌ ده‌ورو به‌ری
جا قوڕی پێوا تا ته‌وقی سه‌ری

ئه‌وه‌ی نه‌ده‌بوو تازه‌ کرابوو
مه‌ڕ لێی که‌وتبوو به‌رخ خورابوو

چه‌ند داوی دانان له‌به‌رو دێبه‌ر
چه‌ند ته‌ڵه‌ی دانان له‌ده‌شتو له‌ده‌ر

به‌هه‌رجۆرێک بێ گورگی ده‌به‌ند کرد
خوری شۆر ده‌یکوتا ده‌یهێناو ده‌یبرد

وه‌های لێده‌دا به‌قوڵه‌گۆچانی
نه‌رم بوو لاشه‌و شکا ئێسقانی

وتی ئه‌ی گورگی بێ ره‌حم و به‌دکار
ئه‌تۆش ده‌کوژم وه‌کوو گورگی پار

جوابی دایه‌وه‌ گورگ به‌ناڵه‌
ئه‌وه‌ی تۆ ده‌یڵێی فکری به‌تاڵه
‌
ده ‌وه‌ختی خۆیدا ئه‌و کوتانه‌ جوانه‌
ئه‌گه‌ر ڕاست ده‌که‌ی گرتبات شه‌وانه
‌
بۆ شوانی نیه‌ شه‌وانه‌ نووستن
تازه‌ چ فایده‌ گرتن و به‌ستن

تۆ خه‌وتی بۆیه‌ ده‌ردت گرانه‌
گورگ خۆی دیاره‌ قاتڵی مه‌ڕانه
‌
گه‌ر نه‌جاتم بێ له‌و به‌ند و داوه‌
وه‌بزانه‌ دیسان مه‌ڕی دیش خوراوه
‌
ئێستاکه‌ بۆچی پشتت شکاندوم
به‌و کوتکه‌ شه‌وێ بۆ نه‌ت ڕه‌تاندوم؟ 

نه‌هه‌رکه‌س مه‌ڕی لێ خوڕی شوانه‌
نه‌هه‌ر که‌س چاوی بێ پاسه‌وانه
‌
که ‌زانیت به‌رخ و مه‌ڕت خوراوه‌
هه‌رای له‌ گورگی مه‌که‌ له‌دواوه



شنیدستم یکی چوپان نادان
بخفتی وقت گشت گوسفندان

در آن همسایگی، گرگی سیه کار
شدی همواره زان خفتن، خبردار

گرامی وقت را، فرصت شمردی
گهی از گله کشتی، گاه بردی

دراز آن خواب و عمر گله کوتاه
ز خون هر روز، رنگین آن چراگاه

ز پا افتادی، از زخم و گزندی
زمانی بره‌ای، گه گوسفندی

بغفلت رفت زینسان روزگاری
نشد در کار، تدبیر و شماری

شبان را دیو خواب افکنده در دام
بدام افتند مستان، کام ناکام

ز آغل گله را تا دشت بردی
بچنگ حیلهٔ گرگش سپردی

نه آگه بود از رسم شبانی
نه میدانست شرط پاسبانی

چو عمری گرگ بد دل، گله راند
دگر زان گله، چوپان را چه ماند

چو گرگ از گله هر شام و سحر کاست
شبان از خواب بی هنگام برخاست

بکردار عسس، کوشید یک چند
فکند آن دزد را، یکروز در بند

چنانش کوفت سخت و سخت بر بست
که پشت و گردن و پهلوش بشکست

بوقت کار، باید کرد تدبیر
چه تدبیری، چو وقت کار شد دیر

بگفت، ای تیره روز آزمندی
تو گرگ بس شبان و گوسفندی

بدینسان داد پاسخ، گرگ نالان
نه چوپانی تو، نام تست چوپان

نشاید وقت بیداری غنودن
شبان بودن، ز گرگ آگه نبودن

شبانی باید، ای مسکین، شبان را
توان شب نخفتن، پاسبان را

نه هر کو گله‌ای راند، شبان است
نه هر کو چشم دارد، پاسبان است

تو، عیب کار خویش از خود نهفتی
بهنگام چرای گله، خفتی

شدی پست، این نه آئین بزرگی است
ندانستی که کار گرگ، گرگی است

تو خفتی، کار از آن گردید دشوار
نشاید کرد با یکدست، ده کار

چرا امروز پشت من شکستی
کجا بود آن زمان این چوبدستی

شبانان نیستند از گرگ، ایمن
تو وارون بخت، ایمن بودی از من

نخسبد هیچ صاحب خانه آرام
چو در نامحکم و کوته بود بام

شبانان، آنقدر پرسند و پویند
که تا گمگشته‌ای را، باز جویند

من از تدبیر و رای خانمانسوز
در آغلها بسی شب کرده‌ام روز

چه غم گر شد مرا هنگام مردن
پس از صد گوسفند و بره خوردن

مرا چنگال، روزی خون بسی ریخت
به گردنها و شریانها در آویخت

بعمری شد ز خون آشامیم رنگ
بطرف مرغزاران، سبزه و سنگ

بسی گوساله را پهلو فشردم
بسی بزغاله را از گله بردم

اگر صد سال در زنجیر مانم
نخستین روز آزادی، همانم

شبان فارغ از گرگ بداندیش
بود فرجام، گرگ گلهٔ خویش

کنون دیگر نه وقت انتقام است
که کار گله و چوپان، تمام است

«پەروین ئیعتسامی»

++++++++++++++++++++++
سەرناو: هەموو گوڵەکانی دنیایە

هەموو
گوڵەکانی دنیایە
بۆ جوانی
ناگەن بە: 
شللێرە شۆڕەکەی
کوێستانی خەیاڵی من.

++++++++++++++++++++++
سەرناو: ئەی خودایە گیان چەندە خۆشە

ئەی خودایە گیان
چەندە خۆشە
نیشتیمانم
کاتێک، 
تاوێک
دەچمە
کەژ و کێو و
دەر و دەشتم
وادەزانم لەو دەمەیدا، 
لە نێوەڕاستی بەهەشتم.

++++++++++++++++++++++
سەرناو: سڵاوێکی شەوانە

سڵاو لە تۆ هەناسەی ئێوارانم
سڵاوت لێ هەوێنی شێعرەکانم

شەوت شاد و هەموو کاتت بە خۆشی
ئەتۆی بۆ ژینی من هێز و تەوانم

گوڵە بۆن خۆشەکەم، چاو کاڵی لێو ئاڵ
لە جۆگەی عومری من، ئاوی ڕەوانم

ئەگەر لووتفت هەبێ بۆ منی داماو
لە سەد ساڵەی دەڵێم هێشتا جەوانم

لە شووشەی قەدی شووشی تۆیە دەڕژێ
ئاونگ و شەونەم و بادەی شەوانم

++++++++++++++++++++++
سەرناو: یاد

ڕۆژ نییە یادت بە سەرما، نەیەت و سەودا نەکەم
یادی خەندە و پێکەنینت، لە شەو و خەو دا نەکەم

تۆ لە ناو دڵما گونجاوی، تێکەڵاوی خوێنمی
تۆ دڵ و جەرگ و هەناوی، چۆن دەبێ من وا نەکەم؟ 

خاتوونی هەڵبەست و شێعرم، ئەی پەری ڕۆژ و شەوم
بۆ زام و برینی جەستەم، مەڵحەم و هەتوانەکەم

ڕۆژێ سەد جاران بە قوربانی هەناسەی گەرمی تۆم
چۆن دەتوانم خۆم فیدای، ئەو قەدی وەک ڕەعنا نەکەم؟ 

با ئەسپی خەیاڵم تاو دەم، بێ ووچان بێمە حوزوور
بۆ جارێکیش بێ نازەنینم، زوڵفی لوولت شانە کەم

ئاگری عیشقت دەهاوێ، گڕ بۆ دڵی پڕ هەستی من
هەر لە دەورت دەگەڕێم، تۆ شەمع و من پەروانەکەم

ڕۆژێ جارێکی ئەجەل دێ، گەر دەبینێ عاشقی تۆم
خۆی ئەدا مەودا بە عومرم، تا تەرکی دونیا نەکەم

لەیلە ئاسا من دەکووژی، خۆ بە ناز و عیشوەکەت
ناحەقە گەر نەبمە مەجنوون، خۆ شێت و شەیدا نەکەم

بوومە خوێندکاری ئەوینت، بمخەرە ژێر دەستی خۆت
لەو قوتابخانەی عەشق دا، شێعر و بەستە و وانەکەم

گەر تو ببیە دڵبەرم، ئەمنیش دەڵێم: تاجی سەرم
با گەداش تاجی لە سەر کا، بۆ منیش وەک شا نەکەم؟ 

پێم دەڵێن: ئەوڕۆکە'خۆشناو' شێعری تەڕ باوی نەما
عەهد و پەیمان بێ کە سڵ، لە شیعری بێ پەروا نەکەم.

++++++++++++++++++++++
سەرناو: دڵی ناسک

چەندەم پێ ووتی: دڵم ناسکە
وریابە وریا، نەیشکێنی

نەکا بە قسەی شۆفار بکەی
بی ڕووشێنی

خوانەخواستە
خەتتی سووری پێدا بێنی

ئێستا لە دڵمدا، ئەوینت
نەسەری ماوە نە سەودا

بۆ دوورین و پینە کردن
نە دەرزی هەیە و نە هەودا

++++++++++++++++++++++
سەرناو: ئەوساڵ هەنارم شکۆفە نادا

ئەوساڵ هەنارم
شکۆفە نادا
هەر چاوەڕوانی
خەندێکی تۆیە.

++++++++++++++++++++++
سەرناو: بیر ویادی ئەو ڕۆژانەی کە ئێمەش یارێکمان هەبوو
سەبارەت: وەرگێڕان

بیر ویادی ئەو ڕۆژانەی کە ئێمەش یارێکمان هەبوو
ئاوەها ڕیسوا نەبوویین و ئیحتوبارێکمان هەبوو
ئەی ئەو کەسەی لە وەرزی زستان من دەبینی پشت چەماو
وەرزی زستانم مەبینە، ئێمەش بەهارێکمان هەبوو


یاد آن روزی کە یاری داشتیم... 
این چنین خوار نبودیم، اعتباری داشتیم
ای که مارا... 
در زمستان دیده ای با پشت خم... 
این زمستان را نبین، ما هم بهاری داشتیم

++++++++++++++++++++++
سەرناو: ساڵەکان تێپەڕین
سەبارەت: وەرگێڕان

ساڵەکان تێپەڕین و
هێشتا
کەسێک لێی نەپرسین... 
کە ئەتۆ چیت لە پەنجەرەی ئەوین دەوێ؟ 
هەر لە بەری بەیانی 
تا نیوە شەوێ
چاوەڕووانی، 
دەڕوانی، لێرەو لە وێ
جاری وایە مانگ دەدوێنی و
جاری واشە هەواڵی ون بوەکە ت
لە هەرچی ڕێبوارە دەوێ
ڕاستی، ون بووەکەی تۆ کێیە؟ 
ئێستا لە کوێیە؟ 
پیشۆکی نێو بەحرانە؟ 
نوورێکە لە ڕۆچنەی سبحەینانە؟ 
یا کە خودایێکە لە ڕۆژی ئەووەڵەوە لە نەدیویانە؟ 


سالها رفت و هنوز 
یک نفر نیست بپرسد از من... 
که تو از پنجره عشق چه ها می خواهی؟ 
صبح تا نیمه شب منتظری، همه جا می نگری
گاه با ماه سخن می گویی
گاه با رهگذران خبر گمشده ای می جویی
راستی، گمشده ات کیست؟ کجاست؟ 
صدفی در دریاست؟ 
نوری از روزنه فرداهاست؟ 
یا خدایی ست که از روز ازل نا پیداست.... . ؟ 

«قەیسەر ئەمین پوور»

++++++++++++++++++++++
سەرناو: پاییزی ناوه‌خت
سەبارەت: بە بۆنەی کیمیابارانی سەردەشتی ڕەنگین - ١٣٨٠/٤/٧

هۆی خزمینه‌
هه‌رچه‌ند به ‌ته‌مه‌ن زۆر کۆن نیم 
له ‌شاری سه‌ر سه‌وز و جوانم
نه‌قیمه‌ی نێو کوردستانم
مێژوویه‌کم له‌لا شک دێ           
جێگای سرنج و سووڕمانه‌
زۆرێک له‌ ئێوه‌ی ئازیزیش
هه‌بوون له‌و ده‌ور و زه‌مانە

ساڵی ٦٦ هه‌تاوی  
حه‌وتوویه‌ک له‌دوای به‌هارێ
به‌بڕیاری له‌ناکاوی             
دوومانگ جێگه‌یان دا به ‌یه‌ک

خه‌زه‌ڵوه‌ر هاته‌ پووشپه‌ڕێ          
پاییز هاته‌ ده‌ هاوینێ 
یاخوا که‌س ئه‌وه‌ی نه‌بینێ

پاییزه‌ی ئێلخانیزاده‌م بیر هاته‌وه‌          به‌ڵام ئه‌وجار، 
پاییزە... کوچه‌و شه‌قامم ڕه‌نگ زه‌رده‌
با ته‌زوو سه‌رده‌، به‌ سۆزوو گه‌رده
‌
ئاخ... له‌و پاییزه‌ ناوه‌خته‌
چه‌ند فڕۆکه‌ی ڕه‌شوو ناحه‌ز     
لێمان بوون به‌ڕه‌شه‌بای مه‌رگ
کیمیایان له‌سه‌ر باراندین       
هه‌ڵپڕوزان پێست و به‌رگ

چاوکه‌ چاوکه‌! 
له‌و تۆزه‌سپیه‌ جوانه! 
جه‌سته‌ی خه‌ڵک ده‌سوتێنێ
ئه‌و بۆنه‌ خۆشه‌ چیه‌؟ 
هه‌ناوێ داده‌پلۆخێنێ

وه‌ک دار هه‌رمێکه‌ی ناو ڕه‌زی    
ها که‌ پاییز به‌سه‌ر دادێ
گه‌ڵاکانی ڕه‌نگ ده‌گۆڕن
زه‌ردن سوورن یا قاوه‌یین        
گه‌لێکیشیان ڕه‌ش و بۆرن
چه‌ندین ڕه‌نگی جۆراو جۆرن
به‌ئاواتی بووژانه‌وه‌ن         
هه‌ر به‌ته‌مای تیشکی خۆرن

سه‌به‌بکاری ئه‌و ڕووداوه‌        
باش ده‌یناسن و ده‌یزانم
من بۆیه‌ ناوی ناهێنم             
گڵاو ده‌کا شێعره‌کانم

ئاخ... له‌و پاییزه‌ ناوه‌خته‌
جه‌سته‌ سووتان بلۆقیان ده‌کرد
که‌س هۆشی که‌سی نه‌مابوو
خه‌زه‌ڵ وه‌رین درشتو ورد
لە نێو تۆزێ دا سه‌مابوو

سه‌مفۆنیای مه‌رگ لێدرا     
له‌ نێو تۆزی کیمیای به‌ بۆن
سه‌مای مه‌رگ ده‌ست پێ کرا
ده‌ نێو ئه‌لبومی تازه‌دا     
بووین به‌ مێژویه‌کی کۆن

ده‌نگ نوسابوو چاو نه‌یده‌دی      
بۆکوێ په‌نا ببه‌ م ئه‌دی
که‌مێک ڕووحم هاته‌وه‌ به‌ر
به‌ده‌نگو زمانی ئیشاره‌
هاوارم کرد: 
هۆی... هێزی فره‌ نه‌ته‌وه‌              
ڕۆژی تۆیه‌ فریام که‌وه
‌
ئێستاش ماوه‌ی چه‌ندین ساڵه‌    
ئاسه‌واری هه‌ر لێ ماوه‌
حه‌یفوو خه‌سارم ئه‌وه‌یه‌         
که‌س ئاوڕێکی لێ نه‌داوه
کەس... 
ئاوڕێکی لێ نەداوە‌

++++++++++++++++++++++
سەرناو: وتم کچی خۆم بۆ وا دەگری

وتم کچی خۆم
بۆ وا دەگری؟ 
وتی: کاکم لە زیندانە
بەرەو جێژنە
بابیشم نیە
کەس نیە بمداتێ
جێژنانە.

++++++++++++++++++++++
سەرناو: بۆ شاخەوانەکانی وەڵاتم

ئەو کـاتەتان باش ئەی کــەژوانەکـــــــــــــــان
خوشک و براکـــــان، شـــــــاخەوانەکـــــــــــان

ئێــــــــوە کە دەچنـــــــــە لووتکـــــەی بەرزایی
دەبینن سرووشت، دەستـکردی خوایی

هەرچەندە دەبڕن، زۆر ڕێگای خەتەر
پەیامتـــــــان دیارە، دژ بە شووڕو شەڕ

پەیامــــــــی ئاشتـــــــی و شـــــادی دەهێنــــــن
بە چـــــــوونی چیـــــــــــا خەم دەڕەوێنــــــــن

هـــــــــــەر پایــــە دار بن، بە ورە و تاقــــەت
لە تواناییتــــــــــان، کەم نەهێنـــــــــن قــــەت 

من فیـــــــــدای ئێـــــــوەم کۆڕی شاخەوان
لــــــــە بە ســـــــــاڵاچوو تا تیپـــــــــــــی جـەوان

'خۆشنــــــــــــاوە' بۆتە خاکــــــــــی بەر پاتان
کــــوردتان ناســــــــاندوە بە گشــــت وڵاتان

++++++++++++++++++++++
سەرناو: بەیانیت باش

بەیانیت باش گوڵە سوورەی بەهارم
بەیانیت باش شکۆفەی لالەزارم

بەیانیت باش گوڵی باخی ئەوینم 
بەیانیت باش تاقانەکەی، لە شارم

بەیانیت باش لە خەو ڕابە ئازیزم
دە بزانە بۆ تۆیە شێعر و وتارم

چاوەڕوانم شەوانە تا بەیانی
ئەتۆ هەستی بکەی ساڕێژ و چارم

کە چاوم تۆ دەبینن نازەنینم
گەش و ڕوون دەبنەوە دوو دیدەی تارم

++++++++++++++++++++++
سەرناو: گوڵەهێرۆ، شەرمەزارم

باش دەزانم، کە فیلتێری جگەرە، چەندە بۆ تۆ جەرگ‌بڕە
پنج و ڕیشەت دەسووتێنێ، گوڵ و گەڵات دەوەرێنێ
هیچ کات یەکتر ناگرنەوە

باش دەزانم، دیمەنی گرژی زبڵ و زاڵ
لەگەڵ پەلکە سەوزەکان و ڕەنگی جوانی چێرەیی و ئاڵ، 
هیچ کات یەکتر ناگرنەوە

باش دەزانم، شووشە و لاستیک و نەوت
کە لە ژێر بەژنی تۆ کەوت، ناهێڵن سەر هەڵدەنەوە
هیچ کات یەکتر ناگرنەوە

بەڵام چبکەم؟ ئاخ کە چەندە لەو مرۆڤانە بێزارم
تەنیا دەتوانم هاوارکەم، پڕ بە زارم
گوڵە هێرۆ، شەرمەزارم، شەرمەزارم

++++++++++++++++++++++
سەرناو: ژیانی بێ تۆ
سەبارەت: ئیلهام لە شێعری "ارمیا برزین"

تۆ چاو لە چاوم ببڕە، خۆشم دەوێی گیانەکم
لەپێناو تۆ دەبەخشم، هەر هەموو ژیانەکەم

سوێند بە هەرچی ئەوینە، عاشقی ئەو چاوەتم
من ئەسیر و بەندی ئەو، زوڵفە لێک هاڵاوەتم

تۆ وەکوو گوڵێکی لە نێو، گوڵدانی بەهاری من
گوڵە دایم سەوزەکەم، مەڕۆ تۆ لە شاری من

ژیانی بێ تۆ بە مانای
ژینێکی تاڵ و ناخۆش
یا دایم چاو لە ڕێگا
یا بە مانای، ئەتۆ خۆش

هەر کات ماندوو شەکەت بم، تۆ ساڕێژی برینمی
فێنکی ڕووح و هەناوم، لە ورزی هاوینمی

لە ناو دڵی پڕ ئێشم، ئومێدی منی کەسم
بە ئەو چاوە پاکانەت، دەبی بە فریاد ڕەسم

خۆ من مردبووم بە ڕاستی، باش کەوتیە فریای حاڵم
هەناسەت دایەوە من، بوویی بە چرای ماڵم

ژیانی بێ تۆ بە مانای
ژینێکی تاڵ و ناخۆش
یا دایم چاو لە ڕێگا
یا بە مانای، ئەتۆ خۆش

++++++++++++++++++++++
سەرناو: عاقبت در ترافیک قلبم گیر کردی
سەبارەت: فارسی

عاقبت در ترافیک قلبم گیر کردی

دیگر چراغ زرد نخواهم زد
که هوای رفتن بکنی

چراغ سبزم نخواهم زد
که بری و برنگردی

++++++++++++++++++++++
سەرناو: دە بێرۆ نازەنینم بەسیە دووری

دە بێرۆ نازەنینم بەسیە دووری
دەبێ چەنێ بکێشم بۆت سەبووری

تۆ نازانی بە بێ تۆیی چ سەختە
ئەگەر تۆبی لە جێی من، من دەبووری؟

++++++++++++++++++++++
سەرناو: رۆڵه‌م کچی خۆم کچی شیرینم
سەبارەت: پێشکێش بەکیژانی خوێندکاری سه‌رفراز - ١٣٨٢/٦/١

رۆڵه‌م کچی خۆم کچی شیرینم
ئه‌ستێره‌ گه‌شه‌ی ئاسمانی ژینم

هاتوویه‌ دنیا به‌خێر بێی گوڵم
هێزی هه‌ناوم فێنکایی دڵم

شه‌ونه‌خونیمان دیوه‌ له‌سه‌ر تۆ
ڕه‌نجی چه‌ند ساڵه‌ن نه‌ده‌ی به‌ فیڕۆ

لانکه‌ت ڕاژاوه‌ هه‌تا به‌یانی
لای لای بۆ کردووی دایه‌ به ‌جوانی

ده‌یگوت: لای لایه‌ ڕۆڵه‌م لای لایه
هیوا و ئومێدی بابه‌یو دایه
‌
ده‌چی بۆ مه‌کته‌ب ئاگات بێ له‌ خۆت
پاک به‌ وه‌ک ناوت با فیدا بم بۆت

ته‌مه‌ن ڕانه‌برێ به‌فکری به‌تاڵ
نه‌که‌ویه‌ داوی هه‌رزه ‌و کوڕو کاڵ

ڕه‌فیقی باش و، ئاقڵ و زانا
ڕێزیان لێ بگره‌ به‌ پێی توانا

ڕه‌فیقی خراپ، مڵه‌یه‌ بزانه‌
وه‌ک هه‌ژار ده‌ڵێ ئه‌و په‌نده‌ جوانه‌: 

دۆستت نه‌زان بێ له‌به‌ری هه‌ڵێ
ڕوو ڕه‌شی پێوه‌ ماچی مه‌نجه‌ڵێ

ئه‌رێ لای لایه‌ ڕۆڵه‌م لای لایه‌
زانست به‌ که‌ڵکه‌ بۆ ڕۆژی دووایه
‌
زۆر باش بخوێنه‌ ده‌رسان ڕه‌وان که‌
مامۆستاکانت، خۆیان قوربان که
‌
بزانه‌ بۆتۆ چه‌ند زه‌حمه‌ت ده‌کێشن
دڵسۆزن زیاتر له‌ قه‌وم و خێشن

پشتیوانیان بێ خوداوه‌ندی گه‌وره
ده‌گه‌ڵ تۆ ده‌که‌ن ته‌مرین و ده‌وره
‌
هه‌رچی فێری بوون ساڵی ڕابردوو
ئێستاکه‌ بۆ تۆ ده‌یهێننه‌وه‌ ڕوو

ده‌رست پێ ده‌ڵێن به‌ گیان و به‌دڵ
جوانی وه‌رگره‌ لێێان نه‌که‌ی سڵ

هاو ڕێگایان به‌ لێیان نه‌بی جیا
چون کاری وانه‌ پیشه‌ی ئه‌نبیا

پله‌ وه‌رگره‌ بڕۆ بۆ زانکۆ
ببه‌ مامۆستا با بنازم به‌ تۆ

بابه‌ ئوومێدی دوا ڕۆژی وایه
ڕۆڵه‌ی ببینێ له‌ زانستگایه

++++++++++++++++++++++
سەرناو: نازانم نە تۆ گوڵ

نازانم نە تۆ گوڵ
نە گوڵ تۆ
ئەکا بە بۆ... 

بەڵام دڵنیام
لە گوڵ
خۆشترە بۆنی تۆ...

++++++++++++++++++++++
سەرناو: ئەمن لێرە دڵم تەنگە
سەبارەت: وەرگێڕانی شێعرێکی مەهدی ئەخەوان سالس لە فارسیەوە

ئەمن لێرە دڵم تەنگە
هەر ئاوازێ کە دەیبیسم
گەلێ نامۆ و کەم سەنگە
وەرە کەشکۆڵێ هەڵبگرین
دە با ڕێی ئاشقی ببڕین
بزانین ئاسمانی شین
لە هەر شوێنێ
بە یەک ڕەنگە؟

++++++++++++++++++++++
سەرناو: بەرخی نێر

وەتی هەین پێمان دەڵێن: 
بەرخی نێر بۆ سەر بڕینه
بە مل ئێمەیان دابڕیوه، 
ئەو سەخته زامە و برینه
له لای ئێمه بەرخ بەرخە و، 
نێر و مێیینەی بۆ نینه
به ڵام دەشڵێن: 
بەرخ تا سەر 
لە بن سەوه تەی دا نابێ
دەبێ پێ بگرێت و ڕابێ
وا ڕاهاتوین
بویین بە قوچ
خۆمان دەکه ین بە قوربانی
بۆ کوردوستان، 
لە بۆ شەنگال و کوبانی...

++++++++++++++++++++++
سەرناو: منو شەمو شێعرو شەو

منو شەمو شێعرو شەو
دانیشتبووین
بە یادی ئەو

++++++++++++++++++++++
سەرناو: خۆزگە دڵی تۆ زیندان بایە

خۆزگە دڵی تۆ زیندان بایە
تاوانێکی وەهام دەکرد
بەرتیلم ئەدا بە قازی
منی وا مەحکوم کردبایە
لەو بەندە دا ئەسیڕ بایەم
تا دەمردم، 
تا هەتایە

++++++++++++++++++++++
سەرناو: شێعری ئینتێڕنێتی

کیژێ په‌ری بێ وێنه‌، ئیمه‌یلی من وه‌خوێنه‌
به‌ئینتێڕنێت بمدوێنه، ‌ گه‌ر نه‌ماوه‌ هاتووچۆم

وۆیسه‌که‌ت وه‌سڵ کراوه، وێب کامیش که‌ لێدراوه‌
نێت و ئیسکایپ تەواوە، هاتوویه‌ ده‌ماڵی خۆم

ڕووی مانگت وایت باڵانسه، ‌ به‌سێ بۆعدی و سێکانسه‌
ده‌یسوڕێنم ئه‌و ماوسه، ‌ تا دێیه‌ ده‌ فایلی ئۆم‌

هه‌ر پیئێمێکت کە هات، شیرین بوو وینەی نەبات
هاوڕێ لە گەڵ دەنگ و چات، چەند ماچێ بنێرە بۆم

فه‌ێست مەکوژێنەوە ‌، بەدڵ بم لاوێنەوە‌
وێنەکان بنوێنەوە، هه‌تا چاپیان که‌م به‌ زۆم

جار جار دەڵێی هەتیوە! ، ‌ تۆ دڵی منت دزیوە! ‌
دڵت خۆی بۆلام فریوە‌، گڕاویلکەی لە لێوی چۆم

گەر سەد جار دیلێتم کەی، لێم داخەی بێ نێتم کەی
لە سیستێم بێ جێتم کەی، دێم چونکە ئەوینی تۆم

نێوت جوان و قه‌شه‌نگه، ‌ بە فۆنتی حه‌وت ڕه‌نگه‌
له‌ئاست تۆ زمانم له‌نگه، ‌ چاو بازی وێنە هەڵۆم

لە عەزرەت ئەو چاو کاڵە‌، 'خۆشناوه' که‌بێ حاڵه‌
زه‌هری تێکەن‌ لەو ‌پیاڵه، ‌ با له‌ جیاتی مەی وه‌یخۆم

++++++++++++++++++++++
سەرناو: بۆ خەم نابێ؟

گه‌ر ده‌بینم له ‌وەڵاتم، جحێڵه‌کان به‌بێکاری 
ده‌پێون شه‌قامی شاری - بۆ خه‌م نابێ؟ 

گه‌ر ده‌بینم باوکی ماندوو، ده‌ڕژێنێ فرمێسکی خوێنی
ناتوانێ به‌منداڵ بخوێنی - بۆ خه‌م نابێ؟ 

گه‌ر ده‌بینم خه‌ڵکی هه‌ژار، له‌باوه‌شی گرانی دایه‌
به‌زگی برسی قسه‌ی بۆنایه‌ - بۆ خه‌م نابێ؟ 

گه‌ر ده‌بینم خێڵی کۆڵبه‌ر، له‌و ڕێگای ئاسته‌موو باریک 
ده‌کوژرێ به‌شه‌وی تاریک - بۆ خه‌م نابێ؟ 

گه‌ر ده‌بینم جگه‌ر سووتاو، ته‌رمی ئازیزی هاته‌وه‌ 
وێنەی گۆچان داهاته‌وه‌ - بۆ خه‌م نابێ؟ 

گه‌ر ده‌بینم تازیه‌ی داران، هه‌ر له‌ده‌وری شارستانم
دەسووتێنن دارستانم – بۆ خه‌م نابێ؟ 

گه‌ر ده‌بینم به‌من ده‌ڵێن: بۆخه‌م نابێ لێره‌ بڕۆ 
خاڵه‌خه‌مه‌ خه‌مان مه‌خۆ - بۆ خه‌م نابێ؟

++++++++++++++++++++++
سەرناو: نازدارەکەم تۆ ئەو کەسەی

نازدارەکەم
تۆ ئەو کەسەی
لە سەر ڕووحی من نیشتوویی
ئەو جار زانیم
پەپوولەی ڕووحی من کێیە... 
هەڵمەفڕە کەسم
هەڵمەفڕە

++++++++++++++++++++++
سەرناو: دوو چاوت پڕشەرارەی مێهرەبانین

دوو چاوت پڕشــەرارەی مێهرەبانین
کەمـێ ســـەوز و کەمێکیش ئاسمـانین
ئەوڕۆکە بوونە سەردێڕی هەواڵان
سەرەتای سێهەمین جەنگی جیهانین

++++++++++++++++++++++
سەرناو: ئەمن و ئەتۆ هاوڕێیەکی لەپێشین

ئەمــن و ئەتۆ هاوڕێیــەکی لەپێشین
هاواڵــــی ژیانێکی پڕ داخ و ئێشیـــــن
ئەگەر تاڵەو ئەگەر شیـــــرین یەهۆیی
لە گەڵ هەژاریمان سێـڵفی دەکێشین

++++++++++++++++++++++
سەرناو: مەڕۆ لە شاری دڵم

مەڕۆ لە شـــــــــــــاری دڵــــــــــــم
ئەســـــــرینم ئەڕژێتـە خوار
گـەر تۆ نەبـــــــــی، ئەوینـــــــــم
کێ بکەمە هاوڕێ ئەمجار؟

++++++++++++++++++++++
سەرناو: دلم سودای عشقت را گرفتە
سەبارەت: فارسی

دلــــم سودای عشقت را گرفتــــــە
زبانِ خشکِ من نجـــــــوا گرفتــــــە
در این شبهای سرد بی تو بودن
به روی پلک من غم جا گرفتــــــە

++++++++++++++++++++++
سەرناو: لە نێو شەپۆلی زوڵفانت بمرم

لە نێو شەپۆلــی زوڵفانت بمــــــــرم
لە نێو ڕووباری لـێـوانت بمـــــــــرم
دەبا تێر وەخـۆم لە ئەو ڕووبارە
لە نێو گێـــــــــژاوی خاڵانت بمـــــــرم

++++++++++++++++++++++
سەرناو: شەوە زەنگی تەنیایی

لە شەوەزەنگی تەنیایم دا
هەڵوەدای کۆڵانەکانی پڕ دەردم
شەکەت و ماندوو
دەگەڕیم لە شوێن
دۆستی بێگەردم
هاوڕێم لە کوێی؟ 
من بە هیوای تۆ نەمهێنا... 
چرا فانۆسی شەوگەردم

++++++++++++++++++++++
سەرناو: مرا سودای عشقت وا گرفته
سەبارەت: فارسی

مـــــرا ســــــودای عشقت وا گـــــــرفته
دلِ خشکیده ام را نا گرفتــــــــــــــــــه
در این شبهای سرشار از حضورت
دو پلک خستــــــــــه ام مأوا گـــــــرفته

++++++++++++++++++++++
سەرناو: هەموو شەوێ گەر دەبینم چاوی کاڵت

هەموو شەوێ
گەر دەبینم چاوی کاڵت
وادەزانم دوو ئەستێرەن
پڕشنگ داوێن... 

هەموو ڕۆژێ
گەر دەبینم زوڵفی کاڵت
وادەزانم ئەمنی شاعیر
دە داو داوێن...

++++++++++++++++++++++
سەرناو: چاوی کاڵ و پرچی خاوت

چاوی کاڵ و پرچــــــــــــــــی خاوت
ئاوێتــــــــــەی جوانیـــــەکەی ناوت

لێـــــــــــــــوی ئاڵ و چاڵـــــــــــــــــی چەنە
ئاوێتــــــــــــــــــــــــەی ئەم زەردە خەنە

سینگ و بەرۆک، زوڵفی کەمەند
ئاوێتـــــــــــــــەی بۆنی مێخەک بەند

گەردنـــــی کێل و بەژنی ڕێکت
ئاوێتــــــــــــــــــــــەی ئە ندامی لێکت

ڕەوت و ڕەوی وێنــە ئاسکـت
ئاوێتــــــــــــەی ئەو لەشـــــی ناسکت

بە تێکــڕا هەرچــــــــــــــــی لە لاتن
بە ناز و عیشـــــــــــــوە بۆم هـــــــــاتن

ئەمنیـــــــــــان وا خستــــــــــــــۆتە داو
تازە ڕزگار نابــــــــــێ 'خۆشنــــــــاو'

++++++++++++++++++++++
سەرناو: گەرەکتە خاتوونی ماڵ فریشتە خوو بێ؟

گەرەکتە خاتوونی ماڵ فریشتە خوو بێ؟ 
بە دایم عاشقت بێت و خەندە ڕوو بـــێ؟ 

دبێ ســـەرەتا بەهەشتــــــێ ساز بکەی تۆ
لە جەهەندەم دا، فریشتــــــە ناژی جا خۆ

++++++++++++++++++++++
سەرناو: مەهاباد

مەهاباد مەکۆی هونەرمەندانە
جێی مەردایەتی و جێگای ڕەندانە

جێگای فەرهەنگ و عیلم و زانینە
فێری خێر خوازی و مێهرەبانینە

لە بۆ دینداریش بێ وێنەو تاکە
بڕۆ مزگەوتان جا تەماشا کە

سەفی گەنجەکان زیاترە لە پیران
مایەی شانازین ئەی ڕووناک بیران

مەهاباد لانگەی شێرە ژنانە
لە هەموو بوار دا زۆر بوێرانە

شان بە شان لە گەڵ پیاوانی دڵپاک
بۆ جوانی وڵات دەکەن کاری چاک

خەڵکی مەهاباد، بۆ خۆم فیداتان
هاکا 'خۆشناو'یش هاتەوە لاتان

++++++++++++++++++++++
سەرناو: ئەو ڕۆژە کە بوومە هەست و نیستت گوڵی من
سەبارەت: مهری حسینی

ئەو ڕۆژە کە بوومە هەست و نیستت گوڵی من
تۆ وتت کە بوومە خۆشەویستت گوڵی من
قەدەر ئەیامێکە چاوەڕوانم دڵەکەم
ڕێت بکەویتەوە لامان کە ویستت گوڵی من

++++++++++++++++++++++
سەرناو: لەم کاتەوە یار، هاتوە بەم لاوە

لەم کــــــــاتەوە یار، هاتوە بەم لاوە
لە مـــن ئاڵاوە، چەشنــــــــــی لاولاوە
وەهای گرتوومە باوەشی گەرمـــی
سووتانم دیوە، سووتام لەوساوە

++++++++++++++++++++++
سەرناو: روز و شب چشم انتظارم، گل من
سەبارەت: فارسی

روز و شب چشم انتظارم، گل من
تا بیـــــــــایی به دیــــــــارم، گل من
عاشقـم، شور دلم نغمــــه ی توست
می شوی باغ بهــــــارم، گل من؟

++++++++++++++++++++++
سەرناو: ئەوپەڕی ئەوین

کە لێوەکانی دوو عاشق
تێکەڵاوی یەکتر دەبن
لە دەرونیان 
هەڵدایسێنێ، گڕ و تین

دڵیان وەها لێدەدا
باڵ دەگرن و
هەڵدەفڕن 
بەرەو ئاسمانی شین

دەڕۆن... دەڕۆن، 
هەر دوو دەڕۆن
هە تاکوو ئەوپەڕی ئەوین

++++++++++++++++++++++
سەرناو: بیا و تا ابد مهـمان من باش
سەبارەت: فارسی

بیــا و تا ابد مهـمـــــــــــان مـــن باش
برای زخم دل درمــــان مــن باش
شبانە تا سحـــر افســـــونگری کن
صفای خانه و چشمان من باش

++++++++++++++++++++++
سەرناو: گەر ناتوانی بێیتە لام

گەر ناتوانی بێیتە لام
تاوێک وەرە نێو خەوم
ڕۆژم بێ تۆ تاریکە
تۆ ڕووناکی کە شەوم

بێ تۆ شەوگار نابڕێ
ڕۆژم لێ نابێتەوە
کەلەک و کەلەک دەکەم
بێ خەوم، تارە جەوم

تا بەیان هاتوو چۆمە
لە کوچەی دێم و دەچم
واوە دێم و وا دەڕۆم
بۆ ساتێکیش ناسرەوم

کە هاتی نازەنینم
لە ژوور سەرم دانیشە
بملاوێنە بە نەرمی
بەڵکوو کەمێ ڕاکەوم

هێزی ئەژنۆم نەماوە
پەنجە بخەرە ناو پەنجەم
تین و تاقەتم تۆ بی
لە لاڕێیان ناکەوم

بێیت و نەیەیت، هیچ کاتێ
لە بەر چاوم لاناچی
خۆشناوە خۆت دەیناسی
پێت وا نەبێ لاکەوم

++++++++++++++++++++++
سەرناو: ئەی ئەو کەسەی بە نیو نیگا دڵ و دیدەمت دەبردن

ئەی ئەو کەسەی
بە نیو نیگا
دڵ و دیدەمت دەبردن

دڵنیا بە
باش بزانە
تۆ دڵی منی هەتا مردن

++++++++++++++++++++++
سەرناو: نەشمیلانم لە دوورەوە چاوەکانت دەخوێنمەوە

نەشمیلانم
لە دوورەوە
چاوەکانت دەخوێنمەوە

من شاهەڵۆ
تۆ کۆترە باریکە
من شاعیر
تۆ ئیلهام
هەرچەند ڕاکەی
بە هەستێکی گەلێ ناسک
دەتهێنمەوە

شاخەو شاخانت لێ ناکەم
لێت ناگەڕێم
هەر لەجێوە
لە نێو باخی شێعرەکانم
بە سەد شێوە
بە هەزار ڕەنگ، 
تۆوی عەشقت
دەچێنمەوە

هەر بە شێعر
دەتدوێنمەوە

++++++++++++++++++++++
سەرناو: روم صد بار هم از پیش رویت
سەبارەت: فارسی

روم صــــــد بار هم از پیش رویت
بدان پر می کشد قلبم بە سویت
و هرگــــــز رفتنــــــم، رفتن نباشــــد
کبـــــــوتــــــــر وار بازآیم بە کـــــــویت

++++++++++++++++++++++
سەرناو: لە نێو شێعری پڕ دەردی من

لە نێو شێعری پڕ دەردی من
ئەگەر ئۆقرەی گرت حاڵی تۆ
بزانە لە سەرواکانم١
باشتر بووە ئەحواڵی تۆ

بڕوانە لە ڕستەکانم! 
دەستنوێژ بە خوێنی دڵ دەگرم
لە میحڕابـی دڵی خۆم دا
هەزار جار لە بەر تۆ دەمرم

جاری وایە بە خۆم دەڵێم: 
بۆ چی هێندە خۆشەویستی؟ 
نەم دەزانی بۆ دڵی من
تەنیا ئەتۆ حەز و ویستی

وەرە خاتوونی خەیاڵم
بۆ نێو پەیڤی شاعیرانەم
با سەمای پێنووس ببینم
لە نێو پەنجەی ماهیرانەم


١. سەروا: قافیەی شێعر

++++++++++++++++++++++
سەرناو: ویشکە ساڵی وام نەدیوە

ویشکە ساڵی وام نەدیوە
نازانم بۆ
ڕەحمەتی خوا
لە ئاسمانان
خۆی لە ئێمە حەشار داوە؟ 

وا هەست دەکەم: 
ناشکووریەکی گەلێک گەورە
لە نێو مرۆڤان ڕوویداوە

وا هەست دەکەم: 
دەستێکی ڕەش
لە شوێنێکی ئەم وڵاتە
جەستەی ناسکی ئافرەتێک
یا کیژۆڵێکی نەشمیلی
ئازار داوە.

++++++++++++++++++++++
سەرناو: شاعیر کێیە؟ کێ ئەیناسێ؟

شاعیر کێیە؟ 
کێ ئەیناسێ؟ 

شاعیر دەنگی چەوساوانە
بانگەوازی ژانی گەلە
بەندیە لە بەندیخانانە

شاعیر پەیمان و بەڵێنە
بە نووکی خامەی شەڕ دەکا
شەهیدی بێ سەر و شوێنە

شاعیر گەرمین و کوێستانە
شینی چینی هەژاران و
هاواری بەرزی شاخانە

شاعیر زەردی لێو بە بارە
سۆزی دەرونی هەستێکە
ڕازی دڵی ئەویندارە

شاعیر کەسێکی وەک منە
بە بێدەنگی دێت و دەڕوا
هەر وەکوو سەربازی ونە

++++++++++++++++++++++
سەرناو: منداڵەکانی گەڕەکی ژووروو

بەبیرتە ئەودەم کایەمان دەکرد
منداڵەکانی گەڕەکی ژووروو
خانووچکەکەیان لێ دەڕووخاندین؟ 

بە بیرتە دایکت تۆی بەمن دەسپارد
منداڵەکانی گەڕەکی ژووروو
بەستەنیەکەیان لەدەست دەڕفاندین؟ 

بەبیرتە گوڵێکی سوورم بۆ هێنای
منداڵەکانی گەڕەکی ژووروو
پەڕو پۆی گوڵیان لێ هەڵوەراندین؟ 

بەبیرتە دانمان بۆ مەل ڕۆدەکرد
منداڵەکانی گەڕەکی ژووروو
زوو مەلەکانیان لێ هەڵدەفڕاندین؟ 

ئێستاش خەریکە بۆ یەکتر دەبین
منداڵەکانی گەڕەکی ژووروو
دیسان نەفرەتیان لە سەر باراندین

++++++++++++++++++++++
سەرناو: ساقیا ئاوازت ئه‌مشۆ
سەبارەت: دوو بەیتی ئەووەڵی لە فارسی وەرگیراوە

ساقیا ئاوازت ئه‌مشۆ 
بۆ لە ده‌نگم ساز نیه‌
یانێ‌ من مه‌ست و خومارم، 
یا کە سازت ساز نیه
‌
ساقیا بۆ پێچەوانە 
دەژنەوەم دەنگی نەیت
فکر ئەکەی سه‌رخۆشی بادەم
یا که‌ وازم واز نیه
‌
دێیت و ڕاده‌بری به‌له‌نجه‌، 
عیشوه‌که‌ت بۆ من نه‌بوو
شل ئەوا هەنگاو دەپێوی، 
یا که‌ بازت باز نیه

ساقیا تو بگره‌ ده‌ستم، 
خول دەخوا تۆقی سەرم
ئاخ کە‌ من دوو دوو ده‌بینم، 
دیارە ‌ فازم فاز نیە

ساقیا ماندوو هیلاکم 
بو چی نام شێلی بەناز؟ 
جوانێ‌ من شێواوه‌ حاڵم، 
یا که‌‌ نازت ناز نیه؟

++++++++++++++++++++++
سەرناو: خاسەکەو
سەبارەت: بە پێشوازی لە شێعرێکی مامۆستا قەلەندەر

خاسـە کــەوی دڵپـڕی باغـی سەرێ
قاسـپــە نەکەی ڕاوچیە دێتە دەرێ 
«سەلاح کوردی»

ماوەیـەکـە خـۆی لە تۆ هەڵـخستوە
شـەرمو بەزەی کوانێ لەشی داوەرێ 
«پاییزان»

هـەر نـەبێ باڵــێ دە لە دڵـدارەکەت
هـــەڵ بــفـڕن تـا بــەری تـاژانـدەرێ
«قەلەندەر»

چۆن بەتۆڕەحمی هەبێ ڕاوچی خراو
بـۆ لـەتـێ سێـو داڕنـێ باخـی بەرێ
«یوسف اسماعیلی»

ڕاو بـکـرێی مـەرگـی شێـعر پێ دەگا
نابـێ وشــە و قاسپە لـە باغ هەڵوەرێ
«کاوە شەمسی»

بۆ دەبــێ ڕاوت بکــا یـا بتکــووژێ
با لەجێ ڕاو کەیفێ لە دەنگـت بەرێ
«ئاسۆ، مەریوان»

کەو وەکوو کورد وایەدەنادوژمنی
هەردەبێ چۆل کاتەوەپشت سەنگەرێ
«واحید سووری»

هەر کەسێ بێ هۆ لەکەوان ڕادەسێ
دەست و تفەنگی لە مەچەک وەرگرێ
«هۆگر»

جوانـی و دەنـگ خۆشـییە تـاوانی تۆ
کوا بۆ قەلی ڕەش دەگـرن لەمپەرێ؟ 
«ڕزگار»

بم بە قەزای سۆز و لـەرەی خاسە کەو
نرخی دەمت زاڵـە بە سـەر گـەوهەرێ
«فەرید، ڕاژین»

لێـت دەگـرێ سـێـرە بـە چـاوی ڕەشـی
دەست و گلـێـنەی هەر دو چاوی دەرێ
«چالاک فەتاح پور»

بـۆ تـەپـکـە جاڕی دڵـی مـن هـەڵفــڕە
باغێـکی ئەمنە و نرخی چۆتە سـەرێ
«خۆشناو»

قاسپە لـە کەو مەبڕە بۆ خوانی ژەمێ
داو بـۆ دوژمـن دابـنــە هـۆڵــی کـەرێ
«هەڵگورد حەق پەرەست»

بـێـتە‌وە بـژوێـن و چـیـا خـاسـه کـه‌و 
پـیـاوی ده‌وێ لــه‌م ده‌ڤــه‌ره دەربـەرێ
«ناتق مەجیدی سۆران»

++++++++++++++++++++++
سەرناو: خاسەکەو ٢

خاسەکەوێ کەوتە تەڵە و داوی تۆ
شین بە کوڵی قاسپە دەکا ڕاوی تۆ
«سەلاح کوردی»

بەم خەم وعەیبە مەژی تا پێت نەڵێن
ڕاوچیە پیرسەیرە کەچۆن ماوی تۆ
«هۆگر»

بۆچی دەکەی گاڵتە بەژینی کەوێ؟ 
ڕوونـە لـەلام بـەدفـەڕی دامـاوی تـــۆ
«ناسرخزرپوور»

باڕەکــەوی خاڵ لە ملی شاخەکـەم
ڕاوچــی دەبـێ بۆ نەبـینێ چاوی تو؟ 
«خۆشناو»

کـەوتیە نێو داوی جەفا گیانەکەم
هەر بە دەهـۆ و فێڵە کە گیراوی تۆ
«وەستا ڕۆستەم قەڵاڕەشی»

خۆشــی نەهـاتـە دڵە گـیراوەکــەت
تۆبە پەرۆش چۆن بژی شەمزاوی تۆ
«نیشتمان»

ڕۆژی بـەرینـی مەکــە شەوگـاری تار
وەک شــەوەزەنگـە بـیری قـاڵاوی تۆ
«واحید سووری»

ڕاوچـی مەبـە تانە، لەنێو چاوی گەل
شەرمێ بکەن کاتئ دەبەن ناوی تۆ
«فەرید ڕاژین»

ڕاوچی کەوان تیر لەکەوانت مەنێ
کەو کەمە با شل نەبێ هەنگاوی تۆ
«چالاک فەتاح پوور»

دونـد و چـیا شـوێنیی ژیانـی کـەوە
ڕاوچــی بـەسـە ئیدی نەمـا باوی تۆ
«سکاڵا»

داو و گـرێ لـێـکــەوە بـا هـەڵـفـڕێ
خۆشـە کــە ڕزگار بێ لە پـێناوی تۆ
«ئاسۆ مەریوان»

بـۆچـی دژی خـاڵ و خەتی گـەردنی؟ 
چـیـدی بەدی نـایی حەز و کـاوی تۆ
«ڕزگار»

خـۆزگـە لـه جێی قاسـپه قـریوە‌ت ببا 
هه‌سـتە هه‌له، تاکـوو نە‌فه‌وتاوی تۆ
«ناتق مەجیدی 'سۆران'»

کـوردی بەغیرەت بـە و ڕزگاری کـە
لادە لـە سەر ڕێـچکـەیی بەدناوی تۆ
«قەلەندەر»

++++++++++++++++++++++
سەرناو: غەزەلی بادەی ئەوین ١

بەسەر، سەرخۆشی بێ بادەم، لەچاوی باشە خۆم لادەم
کە نووری بێتە سەر دینم، بە مەستی چۆک دەبێ دادەم
چ بەد مەستانە دوو بادەی خوماری دیدە دەبزێوێ
دڵۆپێ جامی مەینۆشی بە ئاوی کەوسەرێ نادەم
«سەلاح کوردی»

چ تۆفانێ کە بەرنادا سەری سەودای ئەوینی من
لە ئەو چاوەم کە تەم گرتی ڕەهێڵەی عەشق دەبێ دادەم
ئەگەر لەشکر لەبەندم کا بە ئیزنی تۆ دەبم ئازاد 
چ تۆفیرێ دەکا بۆ من لە لای تۆ بم دەدەی وادەم؟ 
«قەلەندەر»

سەبووری دێ دڵی زارم، بە ماچی لێوەکەی ئاڵت
کە شادی کەی بە یەکجاری، تەواو ئەم جەستە ناشادەم
بە ناوی تۆ قەسەم دیدەم، کە دەم بینی لە مەیخانە
شەو و ڕۆژێ لە ڕێـی ئەشقت، سەرم داناوە ئازادەم
«خۆشناو»

نیگای بۆ من هەوارێکە بە دوو جامێ لە بادەی کاڵ
ئەگەر دینم بەرێ شەرتە سەری پێکێکی لێ بادەم
چرۆی دوو چاوی ئەم شۆخه کە پشکووتن بەهارم دێ
بەیانی تا دەمی شێوان بە حەسرت وا لەپای جادەم
«ناسرخزرپوور»

له نادی بەژنەکەی تۆدا به بۆنێ بێ نمەک مەستم
نەدەی ڕێگەم له بۆ ژوورێ ئەبەد , چون بەنده مەی زادەم
زەعیفم من لەبەر دەستی مەیا واچاکه بیزانی
که مەی سەد زەرگی لێ داوم، بەڵام هەروا دەخۆم تادەم
«زامدار»

چ سەر خۆشم خەیاڵی وا لە سەرمایە کە ڕۆژێ دێ 
ئەتۆ بـی بووکی ئەم ماڵە و ئەمن تارات بە سەردادەم  
چ پێویستم بە بادەی بێ لە گەڵ یادی وەها مەستم 
هەتاکوو دەس بدا شەرتە خەیاڵیشی لە دەس نادەم
«یووسف نەسروڵاهی»

ئەمن وەمزانی ئەو دەریای ئەوینە بۆ مەلەی ئێمە
بوارێکی هەیە، خنکام و جا زانیم گەلێ سادەم
تەمێکی رەش سەری کوێستانی هیوای گرتووە و ئێستا
لە کوێیە تاقە تیرێژێک لە روخسارت کە پێ ڕادەم؟ 
«ڕەسووڵ سوڵتانی»

++++++++++++++++++++++
سەرناو: دڵی من

شەوە شیرن خەوی تۆ، هات و نەهاتی دڵی من
خەمە خاوانی کەناری کش و مانی دڵی من
«سەلاح کوردی»

شەوە دیسان و سەمای بەرقی نیگاهی بەشکۆت
ئەی فیدای چاوی گەشت بێ گەشەساتی دڵی من
«هەتاو خورشیدی»

شەوە زەنگی سەرە ژێری تەمەنی من وێدەچێ
دوور لە باڵات وشکە ڕۆ بێ قڕ و قاتی دڵی من
«قەلەندەر»

خەمی بێ تۆیی یە دەمباتە ڕچەی دەربەدەری
لە خەویشدا نەدەهاتی لە چی قاتی دڵی من؟ 
«خۆشناو»

سەرە دەر ناکەم و سەد شێوەیە ئەما دڵەکەم
دەڵـێ هاتووی بۆ نەجاتی، نه وەفاتی دڵی من
«زامدار»

هەر هەواڵێ کە دەبیسم خورپەیەک نایە لە دڵ
کە لەتۆ دێ خەبەرێ دەشکێ سەباتی دڵی من
«واحید سووری»

تابەکەی تارە لەچاوم، سەرەسوێی چاوی ڕەشت
خەم بە بێ هۆ نیە خۆی کردە خەڵاتی دڵی من
«ئوسمان سەقز»

وەرە ئەوشۆ مەرهەمێ دانێ لە سەر زامی بە سۆم 
چ دەبێ دەستی شەفات بێ بە نەجاتی دڵی من؟ 
«فەرید ڕاژین»

دیدەکەم باری خەمی تۆیە دەگێرێ، هەر وەها
چەمەەڕایە و بە تەما بۆچی نەهاتی دڵی من؟ 
«ئاسۆ مەریوان»

هەمە ئاواتێ هەتا هەم لە سەرم ناچێتە دەر
کە لەشەڕگەی ئەشقی تۆدا بێ خەباتی دڵی من
«باڕێزە»

ڕۆژی ڕوو دەرخە لە ژێر پەردە شەوم با بزڕێ
شەوی دڵ ڕوونە لە یانەی ڕۆژەڵاتی دڵی من
«هەڵگورد حەق پەرەست»

وەکو شیرین و شەکەر خەندە بکە بێژە سڵاو
فەرموو پێ داخە لەجەژنی سوور وساتی دڵی من
«بـەرەوئـاسۆ»

دڵە خورپە، هەوەسی ژوان و هەوای بێ خەبەری
چەندە خۆشە لە پەنام بی تۆ بە هاتی دڵی من
«ناسر خزرپوور»

++++++++++++++++++++++
سەرناو: کۆڵبەرێکم، بێنەوایێکم ئەمن

کۆڵبەرێکم، بێنەوایێکم ئەمن
ڕەنجەڕۆی وەک من لە دونیا دا کەمن
یا کەمینە یانە سەرما یا ڕنوو
ڕێگە دەبڕم سەر دە نێم، هەی داد لە من

++++++++++++++++++++++
سەرناو: شنەی شێعر ١
سەبارەت: مفاعیلن مفاعیلن فعولن - هزج مسدس محذوف

چ خۆشە سەوت و ئاوازی من و تۆ
گمەی شادی و چپەی ڕازی من و تۆ
دڵم داوە بە داوی بسکــــی خاوت
خەوێکـی خۆشە ئامبازی من و تۆ
«سەلاح کوردی»

چەنێ خۆشـە لە گـوڵزاری دڵی یار
گوڵێکت بێ وەکوو زاری دڵی یار
لە بۆنی شێت و شەیدا بی، بخوێنی
بـە دڵـــداری لــە بـازاڕی دڵی یار
«زەمان»

دەزانی بۆچی تارە ماڵەکــەی من؟ 
بە بێ بوونت شپرزە حاڵەکەی من
کە دەتزانی سەوابن ماچەکەی تۆ
چ قەوما گوێت نەدایە ناڵەکەی من؟ 
«خۆشناو»

خەمی دنیا بە کۆیە چاوی چاوم
هەموو هیوام بەتۆیە چاوی چاوم
لە ئاسمانی نیگاهی پاک و ساوت
فڕینم وەک هەڵـۆیە چاوی چاوم
«واحید سووری»

ئەوا زسـتانە یارێ، ســەغڵەتە ڕێم
بەفر گرتوویە کەژ بێژە چلۆن بێم؟ 
لەدووریت سـڕ بوە خامەم عەزیزم
وشەم هەربوو بەخەم، خەم بوو بە هاوڕێم
«الف. ن. خەمبار»

مەگەر خەوبێته دوو سازی من وتۆ
لـه تینـابێـکـــی ئـارازی من وتۆ
وشک بێتوو به زەردێکی وه گۆڕین
به کووکـی بێ تمەی جازی من وتۆ
«زامدار»

له‌بیر ناکەم یه‌که‌م ژوانی ئه‌وینم
هه‌میسـانیش بەیادی خـه‌و ده‌بینم
که‌ ڕۆیشتی له‌ کۆڕی به‌زمی عیشقم
گه‌رم داهات شـه‌وی سـاباتی شـینم
«ئاسنگەر»

ئەگەر تۆ دەی لەسێدارەم ئــەوی من
نەچی بیکەی جگەر پارەم ئـەوی من
خەیاڵت قەت لەدڵناچێ پەری شــەو
بەکام لای دا دەبێ چارەم ئــەوی من
«قەلەندەر»

چەنـێ بمرم له بێ تاوی خەریکــه
نەمامی ژین بەلادا دێ، تەریکــە
وەها دووری لەبەر چاوم شەوو ڕۆژ
خەم و مەینەت لەچاوانم شەریکە
«شەرا»

++++++++++++++++++++++
سەرناو: با بیدرکێنم

با بیدرکێنم: 

چاوەکانی: ئاگر! 
بژۆڵەکانی: دەستڕێژ! 
برۆکانی: ماشە! 
دڵم: نیشانە! 

تفەنگاوێژی چاک بوو
تەقەی لێ هێنا و ئەنگاوتی

بە شایەت بن
سەربەهام ناوێ
گەردنی خۆش و ئازا بێ

++++++++++++++++++++++
سەرناو: برق می زد چشم هایش پسرک
سەبارەت: تەرجەمەی شێعری سەلاح کوردی

برق می زد چشم هایش
پسرک
در همان میعادگاه از سرِ شرم
حرف هایی زد تمامی گرمِ گرم

دخترک رخسارِ گلگونش شکفت
هیچ امّا او نگفت
گاه گاهی پلک از هم می گشود
اندکی ناز و کرشمه، بود..... . تا
اندکی شرم و حیا

جان به لب گشتم ز شوق
زیر شاخه های بید مجنون
با ترنّم های باران
آه.... . یاد تو چگونه
خیس می کرد وجودم را چنان



کــوڕ   
لە ژوانگە
چاوی دەدرەوشا... و
قسەی گەرمی دەکرد

کــچ
وەکوو گوڵ
سـوور دەبوو
جارجارە چاوی هەڵ دەهات
و... . تۆزێ ناز
شەرمی دەکرد

من
لەژێر شۆڕە بییەک
ڕووحم دەهاتە نێۆ دەمم
نم نمی باران و..... . یادت
ئااااااخ
کە چۆن تەڕمی دەکرد... 

«سەلاح کوردی»

++++++++++++++++++++++
سەرناو: بزەی لێوی منی کوشتوە بە جارێ

بزەی لێوی منی کوشتوە بە جارێ
دەبینم گەر گەزۆیان لێ دەبارێ
شەوان تا بەر بەیانی هەر دوعامە
نەکا بڕوا، بە جارێ خۆی وەشارێ

++++++++++++++++++++++
سەرناو: خەیاڵ

جێگایەکی دوور
خانوێکی بچوک
دەورا دەوری باغ
ئەسپێکی سەرکەش

سەربانی خاوێن
شەوێکی تاریک
ئاسمانێکی ساف
ئەستێرەی گەش گەش

هەوای بەهاری
دیوێکی بۆن خۆش
کەمەری باریک
یارێکی چاو ڕەش

کەلو پەلی ماڵ
ڕایەخ و سەرین
چایەکی داخ و
عیشقێکی بێ خەش

سەیر و سۆحبەت و
گاڵتە له گەڵ یار
خۆشەویستی زۆر
ژینێکی هاوبەش

++++++++++++++++++++++
سەرناو: چ بە شۆخی و چ بەنازێکەوە تۆ هاتییەوە
سەبارەت: وەرگێڕانی تاکە بەیتێکی سائیبی تەورێزی

چ بە شۆخی و چ بەنازێکەوە تۆ هاتییەوە! 
لە دڵی من چ بەجێ ماوە بە پۆ١ هاتییەوە؟ 


١. پۆ: پەلە



دلربایانه دگر بر سر ناز آمده‌ای
از دل من چه به جا مانده که باز آمده‌ای

«صائب تبریزی»

++++++++++++++++++++++
سەرناو: ئه‌وه‌ سه‌رده‌شتم ده‌ڵێ به‌ده‌سته‌ خوشکێ
سەبارەت: ئیلهامێک له‌ به‌یتی کاکه‌ میر و کاکه‌ شێخ بۆ هه‌ڵه‌بجه‌ی سه‌رفراز - ١٣٩٢

ئه‌وه‌ سه‌رده‌شتم ده‌ڵـــێ به‌ده‌سته‌ خوشکێ: 
هه‌ڵه‌بجه‌ گیانێ
که‌سی له‌ بابانێ
ئه‌وڕۆ سه‌ربه‌ستی، 
تازه‌ نه ‌ئه‌تۆ به‌رده‌ده‌یه‌وه‌ لکی ده‌سرۆکه‌یوو 
نه‌ئه‌من به‌رده‌ده‌مه‌وه‌ لکی ده‌ کۆڵوانێ
چیدی شینێ ناگێڕین
نه‌ئه‌تۆ ده‌چیه‌وه‌ به‌غدایه ‌، ئه‌سته‌نبووڵێ
نه‌ئه‌من ده‌چمه‌وه‌ کن شازاده‌شای تارانێ
ئه‌ی قاسیدی دە خودای
ڕابگه‌یه‌نه‌ به‌وان شه‌هیدانی ڕووح لە ئاسمانێ
ئه‌و که‌سانه‌ی ده‌یانکردینه‌وه‌ ئه‌نفال و
ده‌یانکوشتین به‌ بۆمب و به‌ کیمیا بارانێ
ئه‌وڕۆکانه‌ هه‌ڵاوه‌ساون به‌په‌تی ده سێدارەی ‌ 

فێنکاییم ده‌هاته‌وه‌ به‌ دڵدا، 
ده‌کوژایه‌وه‌ ئاوری ده‌رون و دەرون خانێ
چاوو دڵت ڕوون
پیرۆز بێ به‌رگی تازه‌ت
به‌وێ وه‌رزێ، 
هه‌رااااامه‌تی هه‌ر به‌وێ زستاااااااااانێ.

++++++++++++++++++++++
سەرناو: گوڵێ بێتەوە لە کانی

له ‌کاتی به‌ری به‌یانی
له ‌به‌ر سارده‌بای زریانی
دانیشتوم به‌ چاوه‌ڕوانی
ببیسم چپه‌ی که‌وشانی 
گوڵێ بێته‌وه‌ له‌کانی

له‌ ژێر داری بێ گه‌ڵا دا
له ‌سه‌ر ڕێگاو به‌ر ڕێگا دا
چاوه‌ڕوانم تاوێ لادا
به‌ وه‌رزی گه‌ڵاڕێزانی
گوڵێ بێته‌وه‌ له‌ کانی

داده‌نیشم به‌ ڕۆژوو شه‌و
ناهێڵم بێته‌ چاوم خه‌و
تا وه‌کوو من ببینم ئه‌و
چاوم که‌وێ به‌ چاوانی
گوڵێ بێته‌وه‌ له‌ کانی

له‌م ڕێگایه‌ی دووروو درێژ
به‌ چاوێکی فرمێسک ڕێژ
ماتوو مه‌لوول، سه‌رساموو گێژ
قه‌ی نا باعاله‌م بیزانی
گوڵێ بێته‌وه‌ له‌کانی

ده‌ست به‌ دووعا ڕاده‌وه‌ستم
ده‌زانن چییه‌ مه‌به‌ستم؟ 
سورمه‌ی چاوی بیرو هه‌ستم
خاکوو خۆڵی به‌ر پێیانی
گوڵی بێته‌وه‌ له‌ کانی

++++++++++++++++++++++
سەرناو: لاڕێ لە جادەی قیرەتاو خۆشترە

لاڕێ
لە جادەی قیرەتاو
خۆشترە

مادام
من بە تۆ
بگەیەنیت

++++++++++++++++++++++
سەرناو: خانمێکی دڵ پڕ ئێش
سەبارەت: وەرگێڕان

خانمێکی دڵ پڕ ئێش
پرسیاری بۆ هاتە پێش

پرسی لە قانوون زانێ
هەتاکەی پیاو دەتوانێ

ژنی دووهەمی بێنێ
ئەووەڵیش تێی ڕامێنێ؟ 

قانوون زان جوابی داوە: 
پرسیارەکەت تەواوە

تاکوو فێر دەبن سەرجەم
ئێوە نەبنە ژنی دووهەم


روزی زﻧﯽ از یک ﺣﻘﻮقدان ﭘﺮﺳﯿﺪ: 
ﺗﺎ ﮐﯽ ﻣﯽ ﺧﻮاهید ﺑﻪ ﻣﺮدان اﺟﺎزه ﺑﺪهید زن دوم ﺑﮕﯿﺮند؟؟!!

ﺣﻘﻮقدان ﮔﻔﺖ: 
ﺗﺎ زﻣﺎﻧﯽ ﮐﻪ زﻧﻬﺎ ﯾﺎد ﺑﮕﯿﺮند زن دوم ﻫﯿﭻ ﻣﺮدی نشوند... 

«سیمین دانشور»

++++++++++++++++++++++
سەرناو: مناڵ و ژینگە
سەبارەت: ئەو شێعرەم پێشکێش بە مناڵە خنجیلانەکانی وڵاتم

من مناڵی کوردانم
عاشق بە نیشتمان

وڵاتم وەک بەهەشتە
جێگای سەیران و گەشتە

هەینییان دەڕۆینە دەر
ناچین بۆ جێگای خەتەر

لە بنەماڵە دوور نابین
چۆنێک باشە با وابین

سەر شاخ و دم چۆم و ئاو
سەر دار و هەڵدێر، تەواو

گشتیان خەتەرن کاکە
شوێنی وا نەچین چاکە

لقی داران ناشکێنین
پەلەوەر ناپەڕێنین

ناشێوێنین هێللانە
سرووشت، بە ئەوان جوانە

ئێمە ئەشغاڵ ناڕێژین
با خاوێن بێ جێگای ژین

لە هەر کات و هەر زەمان
دەپارێزین ژینگەمان

++++++++++++++++++++++
سەرناو: بابە شیرینترین وشەی دنیایە

بابە، شیرینترین وشەی دنیایە
خۆزگە هەر سایەت لەسەرم بایە

هەرچەندە منیش بووم بە بابە
بەڵام ئی وەک تۆ گەلێ نایابە

یاخوا کەس ئەسرین بۆ بابی نەسڕی
گڵکۆش ناتوانێ لەدڵانی وەسڕێ

++++++++++++++++++++++
سەرناو: کوڕەدار

کوڕەدار: 

نەمگوت سێبەر له پیاوی سپڵه مەکه
دەنا ڕۆژێک له ڕۆژان هەموو لقو پۆت دەسووتێنیت! 
به چ چاوو ڕویەک، دەچێته بن سێبه ری دارێکی دیکه! 
بڵێی بۆ ئەویش وەفای هەبێ؟ 

گەمان نیەکەم فڵانی

++++++++++++++++++++++
سەرناو: تاقەدارەکەی نێو ڕەزی

تاقەدارەکەی نێو ڕەزی
ئەوساڵ سێبەر لە کەس ناکا
لە چنگی خاوەنی تەور

وتی: دەسکی تەور لە خۆت
ساز کراوە من بڵێم چی

وتی: جەناب گەر بە تەشوێ
تۆ نەتاشی لە لقی من
بیوری بەستەزمان نازانێ
لەگەڵ منا بکا جەور

++++++++++++++++++++++
سەرناو: یێره‌لماسێ
سەبارەت: ١٣٧٤/٠٢/١

چه‌ند ساڵه‌ هاتوو چۆ ده‌یکه‌م به‌ ئیخلاسێ
ئازەریمە برای کوردم با بیناسێ
قه‌در و ئیحترامم زۆره‌ نه‌یکه‌ باسێ
هه‌ر که‌سێ مه‌ردی خۆی دیاره‌ له‌ که‌راسێ
دێنم بۆ تۆ یێره‌لماسێ، یێره‌لماسێ

له‌شاهیندژ، بناب، تکابێ، میاندابێ
به‌سایپا باری دێینم ره‌نگێ ئابێ
به‌که‌یفی خۆت هه‌لێبژێره‌ زۆری نابێ
کورده‌واری به‌من ده‌یلێ پیاوێ خاسێ
دێنم بۆ تۆ یێره‌لماسێ، یێره‌لماسێ

به‌پاییزێ، زستان، به‌هارێ، هاوینێ
غوڵامتان ئەکبەراغا باری دێینێ
هه‌تا ده‌چم کیلۆیه‌کیش لێی نامینێ
به‌خت و ئیقبالم هه‌ستاوه‌ ده‌گه‌ل شانسێ
دێنم بۆ تۆ یێره‌لماسێ، یێره‌لماسێ

شاگردی من پوڵی ده‌وێ خه‌رجی زۆوره‌
هه‌رچه‌ندێ حه‌ممامێ ده‌یکا، ڕه‌شه‌، بۆوره‌
قیافه‌ ده‌گرێ هه‌ر وه‌کێ برا گۆوره‌
ئاوێ زۆوری مه‌سره‌ف ده‌یکا وه‌کێ ماسێ
دێنم بۆ تۆ یێره‌لماسێ، یێره‌لماسێ

یێرالێ ئه‌رزان پێمانه‌ وه‌ره‌ هه‌سته‌
گه‌نده‌ مه‌نده‌ پێمان نیه‌ رامه‌وه‌سته‌
ده‌ کیلۆ، بیست کیلۆ دامنا به‌سته‌ بەسته
ئه‌کبه‌رئاغا به‌رۆژ سووتا سه‌رێ تاسێ
دێنم بۆ تۆ یێره‌لماسێ یێره‌لماسێ

ئه‌کبه‌رئاغا زۆر دروسته، نییه‌ فێڵباز
میوه‌ رزیوم پێم نیه‌ فه‌قه‌ت پییاز
ئه‌گه‌ر ده‌گه‌ل یێره‌لماسێ هه‌یه‌ نییاز
زوو بکێشه‌ لێێ مه‌پورسه‌ باسوخواسێ
دێنم بۆ تۆ یێره‌لماسێ یێره‌لماسێ

پیکنیکم هه‌میشه‌ پوره‌ بۆهه‌رسه‌فه‌ر
کیتری گچکه‌ ئاماده‌یه‌ ده‌ینێم له‌سه‌ر
هێلکه‌ کۆڵیوێ زۆر ده‌یخۆم بی ده‌ردی سه‌ر
چ کارمان نییه‌ غه‌زای باکه‌لاسێ
دێنم بۆ تۆ یێره‌لماسێ یێره‌لماسێ

قه‌نائه‌تێ منێ زۆوره‌ به‌ بێ حیساب
کارتۆنێ ته‌میزێ ده‌یکه‌م به‌ره‌ختێ خاب
شه‌بانه‌ روز بانگم ده‌یکه‌ن ده‌یده‌م جه‌واب
ته‌وه‌جوهێ نه‌یکه‌ وه‌زئێ ئاسوپاسێ
دێنم بۆ تۆ یێره‌لماسێ یێره‌لماسێ

فه‌رموی منێ زۆوری ده‌یکه‌ن ناچمه‌ ماڵ
موزاهمێ که‌سێ نابم، ماڵێ منداڵ
ماشێنێ خۆم بێ منه‌ته‌ لێیده‌ده‌م پاڵ
هه‌رچه‌ند کێ فه‌رسوده‌ بویه‌ ئوتاق، شاسێ
دێنم بۆ تۆ یێره‌لماسێ یێره‌لماسێ

کوردوستان به‌هه‌شتێ خودا زۆر به‌دبه‌خته‌
دێهاتێ دووری زۆر ده‌یچم ڕێگا سه‌خته‌
گۆرانی من ته‌واو ده‌بێ له‌ئه‌و وه‌خته‌
ئه‌وه‌ شێعرێ ئا خۆشناوە گه‌ر نایناسێ
دێنم بۆ تۆ یێره‌لماسێ یێره‌لماسێ

++++++++++++++++++++++
سەرناو: مامۆستا
سەبارەت: شێعری مامۆستا لە زمانی منداڵە خنجیلانەکان

مامۆستای زاناو دانا
ئەی دڵسۆزی بەتوانا

ناوت گەلێک پیرۆزە
وتەکانت بە سۆزە

ڕەنجی تۆ، لە بەرچاوە
چەند پیرۆزە ئەو ناوە

بۆ ئێمە ماندوو دەبی
سەلامەت بی یاڕەببی

فێرکاریەکەت زۆر جوانە
پیشەی پێغەمبەرانە

هەرچی فێری بووی ئەتوو
بۆ ئێمەی دەهێنیە ڕوو

گوێتان لێ دەگرین بەدڵ
لە ئەو کارە نابین سڵ

خدمەتکارین، قوتابین
چۆنی باشە، با وا بین

پەیمانێکی دەبەستین
لە فێر بوون ڕناوەستین

ئێمەش پەپوولە و مەلین
هیوای دواڕۆژی گەلین

بیپارێزی خودایە
هەرکەسێ مامۆستایە

++++++++++++++++++++++
سەرناو: ئەوساڵەکە خۆشەویستیت زۆر لە ساڵان زیاتر بووە

ئەوساڵەکە خۆشەویستیت
زۆر لە ساڵان زیاتر بووە
هەست بە ناخۆشیە ناکەم

خوێن شیرینم، تا پێدەچی
زیاتر هۆگرت دەبم

دەڵێم بە هیوای بوونی تۆ
سواری ئەسپی خەیاڵ بم
هەلینگ دەم و تێفڕکێنم
لە هەر ناخۆشیە ڕاکەم

++++++++++++++++++++++
سەرناو: دلت بانوی من همرنگ دریاست
سەبارەت: فارسی

دلت بانوی من، همرنگ دریاست
زلال و مهربان در چشم دنیاست
من و تو تا ابد دلدادەی هم
چقدر این دل سپردن با تو زیباست

++++++++++++++++++++++
سەرناو: دڵ تەنگی یانی

دڵ تەنگی یانی: 

بە خۆش و ناخۆشەوە
تەنیا
جێگای تۆی بێتەوە

++++++++++++++++++++++
سەرناو: قوربانی نیگایی پڕ لە ڕازت، شەو خۆش
سەبارەت: شهراد میدری

قوربانی نیگایی پڕ لە ڕازت، شەو خۆش
ڵێدە نەوای بێدەنگی بە سازت، شەو خۆش
لە دوورەوە ماچ دەکەم ڕووی وەکوو ماهت
دانێ لە سەر یەک پێلویی نازت، شەو خۆش

++++++++++++++++++++++
سەرناو: بەیانیت باش، شنە و سروەی بەیانی

بەیانیت باش، شنە و سروەی بەیانی
بەیانیت باش، وشەی جوانی، جوانی

بەیانیت باش، گزینگی خۆرەتاوم
بەیانیت باش، هەوێنی شێعری خاوم

بەیانیت باش، دە ڕابە خەمڕەوێنم
کوڵ و کۆی دڵ بە ماچێک هەڵوەرێنم

دە هەستە دەی، دە هەستە دەی، دە هەستە 
دە تێمڕامێنە تۆ، بەو چاوە مەستە

بە گۆشەی نیو نیگاهی پڕ لەنازت
بە چاوی شازی وەک شاهێن و بازت

بە ئەگریجە و کەمای ئەبرۆی کەوانت
بە دەنگی ناسک و نازی شەوانت

زرینگەی بازن و خڕخاڵەکەی پێت
چپەی خۆشی دەمت 'خوشناو' ئەکا شێت

دە هەستە دەی، دە ڕابە تا بەکەی خەو
وەرە با شاعیریش شێعری نەکا ڕەو.

++++++++++++++++++++++
سەرناو: هەناسەت کەربونی دەردی ئەوینە

هەناسەت کەربونی دەردی ئەوینە
لە سەر پەلکی دڵم هەتوانە، تینە
هەناسەی گەرمی تۆ گەر بۆ دەمم دێ
گەلێک باشتر، لە مادەی ئۆکسیژینە

++++++++++++++++++++++
سەرناو: کاش میشد بوسە بارانت کنم

کاش میشد بوسە بارانت کنم
جان شیرین را بە قربانت کنم

کاش میشد این دل مجروح را
خالی از درد و پریشانت کنم

کاش بودی التیام زخم من 
تا دل ویرانە را خوانت کنم

کاش میشد شعرهای ناب را
من نثار آن تن و جانت کنم

کاش بودی تا ببینی حال من 
میتوانم مست و حیرانت کنم

در سرا کاشانه‌ی شعرم تویی 
کاش میشد بوسە بارانت کنم

++++++++++++++++++++++
سەرناو: دڵم گیرۆدەیی یەک بێ وەفایە

دڵم گیرۆدەیی یەک بێ وەفایە
لە ناخمدا ئاگرێک هەڵکرایە
بەڵام تا مەستی کردم ڕووی ئەوی، دیم
سڵی کرد ڕۆح لە جەستەم، لیم جودایە


دلم زنجیری یک بی وفا شد
میان سینه ام آتش به پا شد
ولی تا مست رویش گشت جانم
رمید از من، گریزان و جدا شد

«م. سوزان»

++++++++++++++++++++++
سەرناو: لەو ڕۆژەوە بوومە حەز و ویستت گوڵی من

لەو ڕۆژەوە بوومە حەز و ویستت گوڵی من
تۆ وتت: کە بوومە خۆشەویستت گوڵی من
قەدەر عەیامێکە چاوەڕێتم دڵەکەم
ڕێت بکەویتەوە لامان کە ویستت گوڵی من


روزی که شدم دار و ندارت گل من
گفتی منم آرام و قرارت گل من
دیریست فقط چشم به راه تو شدم
این جا بخورد باز گذارت گل من

«مهری حسینی»

++++++++++++++++++++++
سەرناو: بە چاوان غەمزە و ئیما مەفەرموو

بە چاوان غەمزە و ئیما مەفەرموو
بە شەوقی ڕوومەتت غەوغا مەفەرموو

کە کوشتت عاشقی خۆت ئەی عەزیزم
سبەی ڕۆژ مەحشەری کوبڕا مەفەرموو

گوڵم بۆ بوویە جەللابی ئە ویندار
لە ئاست من بۆ قەتڵ، فتوا مەفەرموو

سەری من گەر لە ڕێی تۆدا درا لێی
چ باکم، جارێ تر ئاوا مەفەرموو

++++++++++++++++++++++
سەرناو: عاشقی بێ دڵ دەناڵێ مەیلی گریانی هەیە

عاشقی بێ دڵ دەناڵێ مەیلی گریانی هەیە
باوەشی گەرمت بەنەرمی بێشکە ڕاژانی هەیە

من بەنای ئەشق و ئەوینم هەڵچنی تا ئاسمان
تۆ مەژاکێنە دڵم، ئەو بورجە ڕووخانی هەیە

++++++++++++++++++++++
سەرناو: ئەو کاتە وا بۆ یەکەم جار ماچت کردم

ئەو کاتە وا
بۆ یەکەم جار
ماچت کردم
تەزووی شادی
تەواوی ناخی داگرتم
منی هەڵگرت
بەرەو لووتکەی خۆشەویستی و
ئەو پەڕی ئاشقی بردم

++++++++++++++++++++++
سەرناو: گهی بر کوچە‌ی شعرم گذر کن
سەبارەت: فارسی

گهـی بر کوچه‌ی شعــــــــرم گذر کن
بە رســـم عاشقی با من سفر کن
بخوان همراه دل صد عاشقانە
لب خشک مرا از بوسە تر کن

++++++++++++++++++++++
سەرناو: برای عشق پر جوشم، کسی هست؟
سەبارەت: فارسی

برای عشقِ پُر جوشم، کسی هست؟ 
دلی سادە کە بفروشم کسی هست؟ 
فقط نقدینه باشد، گُفته باشم
به نرخ جانِ مَدهوشم، کسی هست؟ 


دلی عاشق خریدارم، کسی هست؟ 
به نرخ روز بردارم، کسی هست؟ 
فقط از دار دنیا یک دل نقد
برای خرج آن دارم، کسی هست؟ 

«مهری حسینی»

++++++++++++++++++++++
سەرناو: مەکەن باسی ئەوینداری، کە چۆنی داوە ئازارم

مەکەن باسی ئەوینداری، کە چۆنی داوە ئازارم
گرفتارم بە داوی ئەو، لە بەند داموو نییە چارم

وتم دەردی ئەشق بگرم، دەبێ خۆشتر ژیانی من
کەچی نەمزانی بەو ئەشقەم، دەچێ ئاراموو قەرارم

وەباڵی تۆم بە ئەستۆ بێ، هەتا دەمرم پەرێشانم
دەترسم ڕۆژی تەنگانە، نەگاتە هیچ کە هاوارم

[سکاڵای دڵ بە کێ بێژم]، دەبینم ویش دڵی خوێنە
کەچەڵ چارەی سەری ناکا، بە ڕای تۆ چۆن دەکا چارم

چ ئوومێدێ بەدی ناکەم، لە ئاست ئەو شۆخە نازدارە
دەزانم گەر بلاڵێمۆ، دەدا پێم دەردەکەی پارم

دەسا یاران بکەن فکرێ، لە بۆ حاڵاتی شێواوم
دەمێ مەجنوونی کێوانوو، دەمیکی شۆهرەیی شارم

ئەمان 'کوردی' غەزەلخوانم، کوتوپڕ لێرە میوانم
قەبووڵ کەن گەرچی لاوازن، قەڵەموو دەستوو ئەشعارم

++++++++++++++++++++++
سەرناو: بە گۆشەی چاوەکانت ئێستە مەستم

بە گۆشەی چاوەکانت ئێستە مەستم
بە ئاگایی ئیلاهم، چاو پەرەستم
کە دەڕوانم لە ڕوخساروو نیگاهت
نە پێنووس کار دەکا هاوار، نە دەستم

++++++++++++++++++++++
سەرناو: بزنید هلهله، میخانه شده باز
سەبارەت: فارسی

بزنید هلهله، میخانه شده باز
دل ساقی است همین خُمره ی همراز
شرح مستی است دل باده پرستم
چشم مست یار، همین ساغر دَمساز

++++++++++++++++++++++
سەرناو: لە لای کوڕی نەفام و گێژ...

لە لای کوڕی نەفام و گێژ... 
هەر کاتێ کە باب لێکەوت
بە ساڵا چوو
بەرەو ئەجەل بەڕێ کەوت، 
جێگاو بانی لێ دەکەن لێژ! 

کە لێت پرسی لە ژیان و
لە هەڵوێستی کوڕەکانی، 
بەرەو قیبلە ڕادەوەستی
بەرز دەکا دەستەکانی
بە چاوێکی فرمێسک ڕێژ
دەڵێ: خودا
لە تەمەنی من هەڵگری
عومری کوڕم بکەی درێژ!

++++++++++++++++++++++
سەرناو: ئازیزەکەم: یادەکانت

ئازیزەکەم: یادەکانت
هەور و هەڵای
ئاسمانی تەماوی من 
ڕادەماڵێ، خەمان دەسڕی

ڕوحم تەیرێکی سپی ڕەنگە
هەموو ڕۆژێ، 
بۆ دیتنی قودسی چاوت
ڕێگایەکی سەخت دەبڕی

++++++++++++++++++++++
سەرناو: بە نەفرەت بی بە نەفرەت

هەیییییییی کلۆ خۆر 
بە نەفرەت بی بە نەفرەت

قیمەت بۆ کچی کورد دادەنێی
یا بۆ ئافرەت؟ 

هەی بێ قیمەت! 
تۆ مانای قیمەت دەزانی؟ 

کێ دەتوانێ، 
قیمەت لە سەر نامووس دانێ؟ 

ئەو کچەی بەرامبەرت کێیە؟ 
تۆ دەیبینی هەنیسک و ئاه و گریانی؟ 
شەڵای خۆێنە... 
شەڵاڵی خوێن، 
هەناو و ڕوومەتی جوانی! 

پێتی بڵێم: ئەوە کێیە؟ 

خاتوونێکە بوێرانە... 
شان بە شانی براکانی
چەکی شەڕەفی لە شانە

خاتوونێکە
دوو ناوی پیرۆزی هەیە

یەکەم ناوی کوردوستانە

دووهەم ناوی
نیشتیمانە

هەی بێ قیمەت! 
بۆ مانای قیمەت دەزانی؟ 

من دەزانم: 

نە بە دۆڵار
نە بە دینار
بەهای بە کەس ناکرێ ئەژمار

گەلێ قوڕسە و
گەلێ گرانە

بە قەد خوێنی شەهیدانە

++++++++++++++++++++++
سەرناو: لە دوایین وەدا دڵی تۆم بە خاک سپارد
سەبارەت: وەرگێڕان

لە دوایین وەدا
دڵی تۆم
بە خاک سپارد
بەڵام هێشتا
پیاسە دەکەی
لە کووچەی باخی خەیاڵم



دلت را
در آخرین وداع
دفن کردم
امّا هنوز
در کوچە باغ خیالم
قدم می زنی

«مێهری حسینی»

++++++++++++++++++++++
سەرناو: نیشتمانم

نیشتمانم، جوانکەڵانی

ناڵێم کە بەس تۆ بۆ منی، 
بۆ هەموانی

تۆ خەمڕەوێن و هەتوانی

تزووی شادی بە دڵم دادێ
هەر کاتێکی ناوت دێنم

شەڕانی نیم
بەڵام جار جار... 

بە هەزاران، قەڵەم دێنم

سوپایەکیان لێ ساز دەدەم
لە سەرچاوەی بیر و هەستم
جەوهەر دێنم

پەیڤ و پێنووسم ڕێک دەخەم
لە گۆڕەپانی لێنووسم
نەخشەی شەڕێ دەنەخشێنم

هەرکەسێکی تۆی خۆش نەوێ! 
دەست و قەڵەمی دەشکێنم...

++++++++++++++++++++++
سەرناو: بە چوێلەکەیەک، کاتێ ئەدەی دان

بە چوێلەکەیەک، کاتێ ئەدەی دان
دەیهەوێ ڕاکا، تەیری بەستەزمان
سەرنجێ بدە هەڵوێستی جوانی
ئازادی لە لا خۆشترە لە نان

++++++++++++++++++++++
سەرناو: نمیدانی کە ماە با ما چەها کرد
سەبارەت: فارسی

نمـیدانی کە ماە با ما چەها کرد
به درد عشق یک شب مبتلا کرد
چنـان تیری زد او بر سینۀ چاک
مرا با هر چە زخم است آشنا کرد

++++++++++++++++++++++
سەرناو: تێکووشین بە هیوای جیرانی ویشکە

تێفکرن ئەو لاولاوە
هیچ کوێ نەبوو لێی هاڵێ
مەجبوور لە خۆی هاڵاوە

++++++++++++++++++++++
سەرناو: دو چشمونت سیە رنگ و قشنگە
سەبارەت: فارسی

دو چشمونت سیە رنگ و قشنگە
دو مُژگونت مثِ تیرِ  تُفنگە
نشانە می روی وقتی دلوم را! 
نمی دونُم چرا مایل بە جنگە؟

++++++++++++++++++++++
سەرناو: لە خەیاڵمدا

شەوی ئەمشۆ لە من ڕابورد بە خۆشی
لە گـــەڵ یــارێ وەلامان نا پەرۆشی
بە ئەستێرە وبە قەوسی ڕوویی ماهی
دوچار بوویین بە مەستی، بادە نۆشی


شەوی ئـەمشەو لە من ڕابورد بەساڵێ
دڵی بــردم گـڕ و تیـنی خـەیـــاڵێ
سڵ و سرک وسڕو لەرزان و بێ دەنگ
هەتا ڕۆژ مام لە سیلەی کوێرە مـاڵێ

«هەستیار قەڵاڕەشی»

++++++++++++++++++++++
سەرناو: دوو شابسکی بە شاندا هاتە خوارێ

دوو شابسکی بە شاندا هاتە خوارێ
بەشانان شەی دەکا شاجوانی شارێ
ئەمن کوشتەو شەهیدی زولفی خاوم
کە چی شێتم دەکا ئەو هەر بە جارێ


هەناسەم هاتە ژێر زولفت پەشۆکا
کەمێکی مابوو ئەوکم دەستەمۆکا
بەچەنگی بامەدە پرچت کە ڕەنگە
لە سـەرخۆشی بشێوێ و باگرۆ کا

«سەلاح کوردی»

++++++++++++++++++++++
سەرناو: حەوق ماوم لە ئاکارێ زەمانە

حەوق ماوم لە ئاکارێ زەمانە
لە بۆی دانام تەڵە و داو، چاو خومارێ
چ خۆش بوو گیر ببێ عاشق لەگەڵ یار
لەنێو باوەش بەگەرمی خۆی وەشارێ


کە تۆ ڕۆیی دڵم شێوا بەجارێ
لە ناخم دا بە دایم گڕ دەبارێ
لە تەنیایی ژیانم دا کەژاڵێک، 
دڵی بردم، کەوی کردم، عەیارێ

«رەسووڵ خزری  (قەلەندەر)»

++++++++++++++++++++++
سەرناو: دوێکە شۆخێکی لەبار و نازدار

دوێکە شۆخێکی لەبار و نازدار
لە حەشروحەلا و شلوقی ناو شار
دڵی ڕفاندم نازانم کێیە! 
قەینا ئازاد بێ جارێ نا، سەد جار

++++++++++++++++++++++
سەرناو: ئازیزەکەم بۆ کۆچت کرد؟

ئازیزەکەم بۆ کۆچت کرد؟ 
تازە دوای تۆ... 
گوڵی بەهار م بۆ چییە؟ 
سەیرانی نێو دەشت و چیا و
چراخانی شارم بۆ چییە؟ 

پاییز هاتی؟ 
پاییز وەرە... 
پێ و قەدەمت سەر چاوانم
گەردنت خۆش و ئازاد بێ
وا گەڵای تەمەنم وەری
منیش بۆ لای ئەوی بەرە.

++++++++++++++++++++++
سەرناو: ئافرەت، قوربانی

ئاخ کە من کەسێک دەناسم
نێوی پیرۆزی ئافرەتە
فریشتێکی ئاسمانی
نە بابی ئەو ئیبڕاهیمە
نە نێوی ئەو ئیسماعیلە
ئایەتی خودای ڕەحمانی
بە زۆرداری و بە ملهوڕی
ڕۆژێ دە جار
بگرە سەد جار
دەبێتە قۆچی قوربانی



زن، قربانی
آه... 
کسی را میشناسم
که نام زیبایش زن است
فرشته ای آسمانی
نه پدرش ابراهیم است
نه نام او اسماعیل
وحی مُنزَلی ست 
از سوی ذات سبحانی
و به اجبار
در حضور خودش
روزی دهها
بلکە صدها بار
می شود قوچ قربانی

«خۆشناو»

++++++++++++++++++++++
سەرناو: خۆزگە کە زووتر هاتبایە دنیا

خۆزگە
کە زووتر هاتبایە دنیا
تا بە هاوکووفی
تەنیا بۆ من بای

++++++++++++++++++++++
سەرناو: کەسێ نیم من نەزانم، چی حەڵاڵە و چی حەرام

کەسێ نیم من نەزانم، چی حەڵاڵە و چی حەرام! 
شەڕاب گەڵ تۆ حەڵاڵە و ئاو ئەگەر تۆ نی حەرام


من نه آنیم کە حلال از حرام نشناسم
شراب با تو حلال است و آب بی تو حرام

«شیخ سعدی»

++++++++++++++++++++++
سەرناو: دو زُلفونِ کَمَندت تا زمینە
سەبارەت: فارسی

دو زُلفونِ کَمَندت تا زمینە
شبیە دام، دائم در کمینه
مگر صیادی و بُردی دلم را؟ 
نمی دانم کە شاید قسمت اینه

++++++++++++++++++++++
سەرناو: نمی آیی گلم؟ چه دیر کردی!
سەبارەت: فارسی

نمی آیی گلم؟ چه دیر کردی! 
مرا با رفتنت دلگیر کردی

تو را گویند: اِکسیر جوانی
ولی من را از این غم پیر کردی

++++++++++++++++++++++
سەرناو: منم دەروێشی گۆشەی خانەقای دڵ

منم دەروێشی گۆشەی خانەقای دڵ
کە هاتم بۆ ژوانگا لێم نەکەی سڵ
بە ڕەخسی دەوری باڵات، شێت و حەیران
دەسووڕێم یا دەسووتێم تا دەبم کڵ

++++++++++++++++++++++
سەرناو: هێندێک شاعیر

هێندێک شاعیر: 
کە شێعرەکانی باڵ دەگرن
بەس بەرەو تاریکی دەفڕن!

++++++++++++++++++++++
سەرناو: بەرەو ڕێژگەی ئەوینت پێ دەهاوێم

بـەرەو ڕێژگـەی ئەوینت پێ دەهــاوێم
هـەتا٘ لێـوم لــە دوو لیـ٘وت دەسـاوێم

هــەتا ڕووگـەی ئەوینم چـاوی تۆ بێ
بە سروەی ئەشقی پاکی تـۆ دەلاوێم
هەستیار قەلاڕەشی

بەچینی زوڵفەکەی تۆ من سـەبوورم
کـە من سوڵتـانی سەر یاڵی کەژاوێم

گرێ پوچکەت لە عەشقم دا لـە بۆیە
وەکوو بابردەڵەوپووشی سەراوێم
قــەلــەنــدەر

درەنگانێ دەپرسن: تۆ لە کوێ بووی
بە ناچـــاری دەڵێـم: دایم لــە ڕاوێم

شەوان بەڵکـوو ببینم یــار خــەزاڵم
خــودا ڕوحمی بکا بکەوێــتە داوێم
ڕەحیم خزری(خۆشناو)

++++++++++++++++++++++
سەرناو: کە پاییز دێ...

کە پاییز دێ... 
گەڵاکانی ڕەنگاوڕەنگی خەیاڵاتم
دەوەرنە سەر شێعرەکانم
شێعر و گەڵا
چاوەڕوانی بەهار دەکەن
بە مەبەستی
وەدی هاتنی خەونەکانم

++++++++++++++++++++++
سەرناو: وێنەکانت خۆیان ئەدوێن

وێنەکانت خۆیان ئەدوێن
هەرکە چاوم پێیان کەوت

شتڵە شێعر، 

لە دێبەری هەستی من دا
بە ڕیز ئەڕوێن

++++++++++++++++++++++
سەرناو: مناڵە چاو گەشەکان
سەبارەت: ٩٦/٠٧/١٦

مناڵە چاو گەشەکان
حاڵتان چۆنە بە قوربان

کیژ و کوڕانی وریا
دڵتان ڕوونە وەک دەریا

من فیدای ڕۆحی پاکتان
قوربانی تاک بە تاکتان

ئێوە وەکوو پەپوولەن
بە توانان و بە جولەن

ماندوو نابن لە کایە
پڕ ئینڕژین و مایە

ئاقڵ و وریا و بە هۆش
یاخوا قەت نەبن نەخۆش

دەگرن ڕێزی موعەللیم
ئێوەن منداڵی نەجیم

دەرسەکان جوان دەخوێنن
زرینگن، کەم ناهێنن

بە قسەی دایک و باب دەکەن
نەکا بە قسەی وان نەکەن

ئەوڕۆ لە ئەو نێوەیە
جێژنە، جێژنی ئێوەیە

پیرۆز بێ ڕۆژی منداڵ
ژیانتان قەت نەبێ تاڵ

++++++++++++++++++++++
سەرناو: پاییز هاتی؟

پاییز هاتی؟ 
پاییز وەرە
وەکوو گەڵای با بردەڵە
بە هەوایەکی سێحراوی
ئاوێتەی نمە بارانێک
ڕۆحم بۆ لای ئەوی بەرە

++++++++++++++++++++++
سەرناو: با هەر بڵێن: شێتە...

با هەر بڵێن: شێتە... 
لە خۆشیاندا دەگریم و
لە ناخۆشیاندا، 
پێدەکەنم. 

ئیمە ئاوایە

++++++++++++++++++++++
سەرناو: چاوگەشەکەم

چاوگەشەکەم
بڵێ حۆری 
چاوی تۆیان، 
بە چ ئاوێ ششتووە؟ 
بە چ کلێ ڕشتووە؟ 
کە بە جووتە، 
ئەمنی شێتیان کوشتووە...

++++++++++++++++++++++
سەرناو: کجا دنبال جسم تو بگردم؟
سەبارەت: فارسی

کجا دنبالِ جسم تو بگردم؟ ! 
تو ای آرام جانِ پُر ز دردم 
زمین لرزید و شرمی ماند بر او
تو را تا دید روی دستِ سردم


لە کوێ بگەڕێم لە تۆ ئەی گیانی دایە
دە بۆ چوویە خەوەی هەتا هەتایە؟ 
زەوی لەرزی، شەرم گرتی کەتۆی دی! 
لە سەر دەستی سڕم گەر بوویی زایە
«خۆشناو»

++++++++++++++++++++++
سەرناو: خودا خەڵک وەلاوێنە

خودا خەڵک وەلاوێنە
خەڵکی کوردم مل بە کوێنە
ئاسمانە مەگوڕڕێنە
هەورە باران مەبارێنە

خەڵکی کوردم زۆر هەژارە
ئەوڕۆ شانس و بەختی لارە
زەویش لە تەکیا لاسارە
هەورە باران مەبارێنە

دار و بەردمان لەرزیوە
ماڵ و حاڵمان ڕمیوە
زاگرۆزمان لەریوە
هەورە باران مەبارێنە

بووکی مە بارانی ناوێ
ئاوی گوێ سوانانی ناوێ
دەرزیلەی کچۆڵانی ناوێ
هەورە باران مەبارێنە

عالەم هەموو لە سەحرایە
شیوەنە لە هەموو لایە
سەدان کەسم بووە زایە
هەورە باران مەبارێنە

++++++++++++++++++++++
سەرناو: زندگی ادامە دارد
سەبارەت: فارسی

عشق تا جاری ست روی خاک ما
می شود سیراب حسّ پاک ما
سرزمینم بوی باران می دهد
سبز خواهد شد دوباره تاک ما

++++++++++++++++++++++
سەرناو: شەوەشێعری تایبەت بە شەوچلە

لە یەڵدادا... 
ناحەزانی وەڵاتەکەم، 
لە جیاتی شووتی و
ئاوی هەنار
زۆر بە پەلە... 
بە جەستەی ڕۆڵەی کوردی
شەڵاڵی خوێن
مەجلیسیان ڕازاندەوە
بۆ شەوچەلە!

++++++++++++++++++++++
سەرناو: پێهەڵا کوتنی مەشکە بە شێوازی ئەوڕۆیی

هەی مێرسی مێرسی مێرسی
هەی مەشکەی بەرقی مێرسی
چەندە خڕ و خەپاڵی
هەر دەڵێی جوجە خێرسی

مەشکەم مەشکەی بەرقییە
جوانە و ڕەنگی سپییە
بەدەنەی گاڵوانیزە و
ساختی ئیران شەرقییە

هەی... 

مەشکەی من دیجیتاڵە
مەزەندەی کاسبیە ساڵە
جوانی کردوە ئەو ماڵە
حەیفێ دۆیەکەی تاڵە

هەی... 

مەشکە بە دووان هەڵنایە
دەهۆڕێنێ وەک گایە
بەرقی دەخوا وەک کایە
دەژێ و دەکا سەمایە

هەی... 

مەشکەم مەسرەفی زۆرە
بەڕاستی بەرق خۆرە
هەڵدەسووڕێ بە نۆرە
حەیفێ ڕۆنەکەی بۆرە

هەی... 

مەشکەی مە گەلێک جوانە
جێگای لە سەر کاشیانە
قەدری لە سەر چاوانە
لەو سەری ئاشپەزخانە

هەی... 

مەشکەم مێدی ئین ئیران
قابیڵی ماڵە میران
دەنگی وەک بەور و شیران
وە زاڵە هاتوون جیران

هەی... 

بوکێ عەمری نەمێنی
خۆ دە هیچ ناگەیەنی
بە ئێس ئێم ئێس دەمدوێنی
ئاب مەعدەنیم، پێ دێنی

هەی... 

مەشکە دەڵێی بادزەنی
بە تاسمە پێدەکەنی
لە خۆشیانی بووم خەنی
تێیکەم ئاوی مەعدەنی

هەی... 

مەشکەم ئۆتووماتیکە
دەڵێن سیمی باریکە
دوساعەتان خەریکە
ناژێ ماستی شەریکە

هەی... 

لە تەورێزێم هێناوە
تینی تێدا نەماوە
دوو جاران تەعمیر کراوە
دۆی دەکاتە بە قاوە

هەی... 

مەشکەی چەرمی فەوتاوە
حەیفە خستیانە لاوە
دۆ و ڕۆن تامی نەماوە
وتەی ڕەحیم خۆشناوە

هەی مێرسی مێرسی مێرسی
هەی مەشکەی بەرقی مێرسی
چەندە خڕ و خەپاڵی
هەر دەڵێی جوجە خێرسی

++++++++++++++++++++++
سەرناو: ماە وشم
سەبارەت: فارسی

ماە وَشَم
استخارە کردەام
گویا بە هم نمیرسیم
مگر فاصلە ما
چقدر است؟

++++++++++++++++++++++
سەرناو: چقدر حسود شدەام

چقدر حسود شدەام
بیم آن دارم کە شعرهایم
تو را نیز از من بگیرند



ئەوەندە دڵپیسم... 
لە شێعرەکانم دەترسێم
کە ڕۆژێ تۆ
بستێنن لێم! 

«خۆشناو»

++++++++++++++++++++++
سەرناو: و این عشق زلال تو، دلم برد
سەبارەت: فارسی

... و این عشق زلال تو، دلم بُرد
تمام ناامیدی در دلم مُرد
برای من تو را گویا سرشتند
به روی لوحِ دل، عشقت رقم خورد


چه فرجامی رقم خورده برایت
که عشق و زندگی دارد هوایت
همین احساسِ پاکِ زندگانی ست
که می آید به شوقی پا به پایت

«مهری حسینی»

++++++++++++++++++++++
سەرناو: زستانە و قەندیلی تەمەن بەفری زۆر لێ دەبارێ
سەبارەت: ٩٦/١١/٠٩

زستانە و
قەندیلی تەمەن 
بەفری زۆر لێ دەبارێ

داخەکەم چۆڕەوی شاخ
گەرووی ویشکم تێراو ناکا. 


‍ می پراکَنَد
زمستان
تریشه های برف را
روی قندیل عمر من
و چکه چکه
جاری می شود
از آغوش کوهسار
آبی که
سیراب نمی کند
گلوی خشکیده ام را
«خۆشناو»

++++++++++++++++++++++
سەرناو: ئەوینم ئەگەر تەمەن بدا مەودا

ئەوینم
ئەگەر تەمەن بدا مەودا
ڕێگایەکی چڕ دەپێوم
با ماندوو بم و تینوو... 
ویشک بن گەروو و لێوم
بەس بە تۆ بگەم
ناسکە سێوم.

++++++++++++++++++++++
سەرناو: تۆ ماڵی منی و منم گەدای تۆ
سەبارەت: وەرگێڕان

تۆ ماڵی منی و منم گەدای تۆ
بوومە دڵتژیی دەنگ و سەدای تۆ

گەرچی چووی شکوور تا ئێستە باشم
چشتێ ڕووی نەدا، بوومە فدای تۆ


تو مال منی و من گدایت شده ام
دلتنگِ شنیدن صدایت شده ام

تو رفته ای و هنوز من خوبم، شکر
چیزی نشده، فقط فدایت شده ام

«شهریار»

++++++++++++++++++++++
سەرناو: عەزیزم حاڵی من پرسینی ناوێ

عەزیزم حاڵی من پرسینی ناوێ
زەمەن هەر دەم بنەی ژینم دەساوێ
چنارێکم پەلم دەخشێ لە ئاسۆ و
گەڵای زەردم دەبارێ هەر لە چاوێ

++++++++++++++++++++++
سەرناو: به یادت دفتر دل باز کردم
سەبارەت: فارسی

به یادت دفتر دل باز کردم
تو را با آینه همراز کردم

به شوق بالهایت نازنینم
به اوجی بیکران پرواز کردم

تو را ای ماه من، عاشق که دیدم
به پای سرو عشقت ناز کردم

ندیدی؟ پا به پای دل کنارت
صعود عشق را اعجاز کردم

دلم با موج چشمت همصدا شد
تو را با ساحلم دمساز کردم

گلم، ای حسِ نابِ شعرهایم 
به شوقت صد غزل آغاز کردم

خودم را، این تمام سادگی را
حریم باغ سروِناز کردم

نبودی بی خبر از روزگارم
نیازم را به دل ابراز کردم

بیا... خوشناو مانده چشم در راه
نَوای عشق را آواز کردم

++++++++++++++++++++++
سەرناو: جارێک لە خەونمدا مردم

جارێک
لە خەونمدا مردم
بەرەو گۆڕستانیان بردم
لە دوای بە خاک ئەسپاردنم
ملائیکە بە جووت هاتن
پرسیاری زۆریان لێ کردم
بە ترس ۆ خۆفی زۆرەوە
بە جوابی جۆراو جۆرەوە
هەر چلۆنێ بێ جوابم داوە
تا گەییشتە... 
پرسیارێکی زۆر تایبەتی! 
وتیان کوردە
خۆشترین شوێن لەم جیهانە
چ جێیەکە؟ ئەوەی بزانە
منیش بە دەنگێکی بەرز
بە جوابێکی جوان و تەرز
وتم: خودا خۆی دەزانێ
خۆشترین شوێن لەو جیهانە
خاکی پاکی کوردوستانە

++++++++++++++++++++++
سەرناو: گوڵم بزانە بە ئازارم کە ئەوڕۆ

گوڵم بزانە بە ئازارم کە ئەوڕۆ
دەسووتێ دڵ لە بازاڕی کوڵوکۆ
کە تێفکریم لە حاڵی ئەو دڵەی خۆم
سەرم سووڕ ما لە ئاکاری کوڵوکۆ

++++++++++++++++++++++
سەرناو: خوایە شێعرەکەت چەندە بە پێزە

ئەو کاکڵە گوێزە پێی دەڵێن نەوە
چرای ڕووناکی تارمایی شەوە
خوا بیپارێزێ بۆ دایک و بابی
لەو گووپە سوورەی ماچێک لێکەوە

سەلاح کوردی 


خوایە شێعرەکەت چەندە بە پێزە
خدمەتکارتە ئەو کاکڵە گوێزە
نەوە بە باب و بە باپیرەوە
نۆکەری هەرچی 'کوردی' بەڕێزە

خۆشناو

++++++++++++++++++++++
سەرناو: هەڵاڵەی من لە لانواڵان ڕواوە

هەڵاڵەی من لە لانواڵان ڕواوە
لە شاخاندا لە گەڵ عاشق دواوە
شەهیدی سوور خەڵاتی دیوە بۆیە
شەرم گرتی، لە ئاستی دانواوە

++++++++++++++++++++++
سەرناو: جوانه زد بهار عشق در من
سەبارەت: فارسی

جوانه زد بهار عشق در من
شکوفا شد قرار عشق در من
چه تقدیر قشنگی داشت این دل
گلم شد یادگار عشق در من

++++++++++++++++++++++
سەرناو: شب مهتابی چشمت چه زیباست
سەبارەت: فارسی

شب مهتابی چشمت چه زیباست
دلت آبی تر از احساس دریاست
کنار ساحل و شوق نگاهت
شود لبریز از عشقی که تنهاست

++++++++++++++++++++++
سەرناو: لە بەرزایی بەرزە شاخێ

لە بەرزایی بەرزە شاخێ
دڵێ لە ترپە کەوت
بە هەزاران... 
بە میلیۆنان
دڵ هەژان و وەژان کەوت

چاوێ فرمێسکی لێ بڕا
بارانی ئەسرین داکەوت

توچاڵ و بەرزە کێوەکان! 

گەر گیانی کەژوانیش بگرن
بەرەو بەرزایی تر دەچن
هەڵدەشاخێن
نابن زەوت
نابن زەوت

++++++++++++++++++++++
سەرناو: ئاخ کە چاک حاڵم گیراوە

ئااخ... 
کە چاک حاڵم گیراوە
تاڵی تاڵە و بە هەنگوین
نابێ شیرین
وەرە ئەی دڵ
با تێر بگرین
بۆ کوردان و
شاری عەفرین

++++++++++++++++++++++
سەرناو: کە تۆ ڕۆیی دڵم بۆی کردی شینێ

کە تۆ ڕۆیی دڵم بۆی کردی شینێ
کەسێ یاخوا جودایی وا نەبینێ
بە شینی فیرقەتت ئەی شا گوڵی من
وە دوور کەوتم لە زەردە و پێکەنینێ

++++++++++++++++++++++
سەرناو: سپیدەت باش سپیدەی ڕوونی ئاسۆ

سپیدەت باش سپیدەی ڕوونی ئاسۆ
چ خۆش بوو باخی سینەت تێر بکەم بۆ
دە هەستە چاو هەڵێنە چاوگەشی خۆم
ئەمن مردم لە چاوەڕوانی جا خۆ

++++++++++++++++++++++
سەرناو: جێژنی میعڕاجە و پیرۆز بێ لێتان

جێژنی میعڕاجە و پیرۆز بێ لێتان
هەر ئاوەدان بێ شار و دێ و زێتان
خەڵکی کوروستان، بە گیان و بە دڵ
هەتا هەم دەبمە خاکی بەر پێتان

++++++++++++++++++++++
سەرناو: هەتا خەمێکم بە ئاو دادەکەم

هەتا خەمێکم بە ئاو دادەکەم
دوو خەمی دیکەم بە غار دێتە پاڵ
ڕووناکاییەکی وا بەدی ناکەم، 
ساڵێکی ترم باشتر بێ لەم ساڵ

++++++++++++++++++++++
سەرناو: چاوە فرمێسکی دەبارێ، باسی ڕۆیشتن مەکە
سەبارەت: وەرگێڕان

چاوە فرمێسکی دەبارێ، باسی ڕۆیشتن مەکە
دڵ ئەوە ڕووخا بە جارێ، باسی ڕۆیشتن مەکە

قوم بە قومی عەشقی تۆ دەڕژێتە ناو گۆزەی دڵم
بەو شەڕابە دڵ دەچارێ، باسی ڕۆیشتن مەکە

باوەشی خۆت ئاوەڵا کە ڕەنجی دووریت تاڵە تاڵ
مەرگە بۆ مەحکوومی دارێ، باسی ڕۆیشتن مەکە

ڕێچکەیی چاوت گەلێ باریکە کاتی تاو و تۆ
گەردەلوولە بۆ کەنارێ، باسی ڕۆیشتن مەکە

چاوەکانم وێک دەنێم تاکوو ببیسم دەنگی تۆ 
دا مەڕۆ خەو لێم دەتارێ، باسی ڕۆیشتن مەکە

هەر هەناسەی گەرمی تۆیە مات و دڵگەرمم دەکا
پاشەگەز به و بێرە یارێ، باسی ڕۆیشتن مەکە



چشم هایم سخت بارانی ست، از رفتن مگو! 
دل سراپا رو به ویرانی ست، از رفتن مگو! 

جرعه جرعه عشق در کامِ سبویم ریختی
این شراب کهنه ته جانی ست، از رفتن مگو! 

باز کن آغوش خود را، رنج این دوری فقط
مرگِ این محکومِ زندانی ست، از رفتن مگو! 

معبرِ تنگی ست چشمان تو وقتی تب کند
ساحلِ چشمت چه توفانی ست، از رفتن مگو! 

پلک می بندم که شاید در خیالم بشنوم
رفتنت خوابِ پریشانی ست، از رفتن مگو! 

می شوم دلگرم با حجمِ نفس هایت اگر
سهمت از رفتن پشیمانی ست، از رفتن مگو! 

مهری حسینی

++++++++++++++++++++++
سەرناو: شەنگە دارم دی، لە سەر خاک کەوت

شەنگە دارم دی، لە سەر خاک کەوت
لە داخی تەور، نەدەبوو زەوت
وتم کێ ریشەی تۆی بڕی؟ وتی: 
ئەو کەسەی لە ژێر، سێبەرم خەوت


افتاد درختی که به خود میبالید
از داغ تبر به خاک غم مینالید
گفتم چه کسی به ریشه‌ات زد؟ 
گفت آنکس که به زیر سایه‌ام میخوابید

++++++++++++++++++++++
سەرناو: هەڵاڵەی من لە بازاڕی دەفرۆشن

هەڵاڵەی من لە بازاڕی دەفرۆشن
دڵم بۆیان بە دایم هەر لە جۆشن

حەیف بۆ ئەو گوڵەی هێمای شەهیدان
لە دەس خەڵکی نەخۆش، سیسن، نەخۆشن

++++++++++++++++++++++
سەرناو: شیوەنی لالە
سەبارەت: شێعری چەند قۆڵی بەرەو پیری ئەم دوو بەیتە جوانەی مامۆستا تێکۆشەر

لالە دەگری پڕبەدڵ، مافی شەهیدانی دەوێ
سووری کرد ئامێزی خا ک و ڕانەوەستانی دەوێ

ئافەرین بۆ مە کتەب و ڕێبازی جوانی ئەم گوڵە
ڕێی ئەوینداری و ئەشق کەنگێ هەدادانی دەوێ؟ 

تێکۆشەر


لالـــە دەشتـی وا کــە پـــڕ کرد بـوو شەڵاڵی خوێنی سوور
لۆغـە بۆ کەیف و نــەهـەنگـــە جـەژنی خەرمانی دەوێ

بـۆیـە پــەڕپەڕ سوورە پەلکی بۆنی ئازادی دەدات
باخی دڵـداری وڵاتـم گەڕەخەمڵانی دەوێ

قەلەندەر


لالە دایم عادەتی وایە لەسەرگۆڕی شەهید
سەروەدەردێنێت و ئاوی ئارەقەی شانی دەوێ

بۆیە ئێستا بست بە بستی نیشتمانم لالەیەو
گشتی سیس و توونیەو هەر ئاوی چاوانی دەوێ

زامــــــــــدار


لالەدەڕژێ داخی دڵ,وامەردی مەیدانی دەوێ
بانگی ئازادی دەبێژێ ومافی ئینسانی دەوێ

شاخ وکێوبۆیەدەڕنگێنێ بەخوێنی سووری خۆی
پێن دەڵێ کاروان بەڕێوەکواپشوودانی دەوێ

فەڕەنگ سلیمان ڕاد


سەر لە پێناوی ئەوینی خاک نەبێ، بۆ چیمە من؟ 
هەر کەسێکی وا نەبێ، مەعلوومە دۆڕانی دەوێ

شینی لالەی گەر تەماشا کەی لە دوندی شاخەکان
باش دەزانی ئەو گەلەی، ئێستاکە ڕاسانی دەوێ

خۆشناو


مەنعی گریان بۆ شەهیدی سوو خەڵات ناکەم ئەمن
مەرگی زۆر ناکاوی خونچە جەرگی بریانی دەوێ

زۆر دەمێکە سیسە پەلکی سووڕ گوڵی باخچەی وڵات
گوڵشەنی سەر سەوزی سەردەم خوێن و بارانی دەوێ

هەڵگورد' پەسوێ


'یادی ئەشق و خۆشەویستی ماتەم و ژانی دەوێ
دڵ هیمای خوێنی ئەوین بێ تین و برژانی دەوێ
خونچەکەی لالەی خەمینم لانک و ڕاژانی دەوێ'

(لالە دەگری پڕبەدڵ، مافی شەهیدانی دەوێ
سووری کرد ئامێزی خا ک و ڕانەوەستانی دەوێ)

'دوێ شەوێ دڵ هەر چڵی دا بۆ بەر بۆی ئەو چڵە
چڵ بە چڵ پێداگەڕا بوو وەک پەپولە ئەو دڵە
وا پەیامی دا بە زاری و رستەیەک کورت و قوڵە'

(ئافەرین بۆ مە کتەب و ڕێبازی جوانی ئەم گوڵە
ڕێی ئەوینداری و ئەشق کەنگێ هەدادانی دەوێ؟ )

بێخوێش تێکۆشەر


چاوەڕێ بووم گەر ببارێ مەزرەعەی دڵ قاقڕە
نم نمی باران کە سووکە بەفرو بۆرانی دەوێ

سەد مەخابن چیم نەبینی ئینتیزار بێ فایدە بوو
بەس دەبێ عالەم بزانن دڵ کە هەتوانی دەوێ

خورۆش


باسی دڵداری لە دوو بەیتا چلۆن جێ گر دەبێ
یان غەزەل یان ساز و شمشاڵی دەمی شوانی دەوێ

کۆتری مەستی خەیاڵم نافڕێ و بێ ئۆقرەیە
تا لە خاڵی لێوی ئاڵی ناسکت دانی دەوێ

عەدنان یارئەحمەدی


لالە شین بوو دەشت و مەزرا وا هەمووی سوور هەڵگەڕا
بـۆ نـمـای جـوانی ئـەوێـنێ, خـەت ونـیـشانی دەوێ

پـێـن دەڵێ دەرسـی ژیـان و مـانەوەی مـەیدانی شەڕ
بــۆیـە مـاف و خـۆشـەویـستی پـیاوی زۆرهانی دەوێ

بێ بەش


لالە دەگری پڕبەدڵ,گڵکۆی شەهیدانی دەوێ
بۆ ژیانی;خاکی پاک ورەمزی هەرمانی دەوێ

ئافەرین بۆ ئەم گوڵەی;هێمای شەهیدانی وڵات
گەر شەهیدی دەست کەوێ ;کەی دۆستی کەژوانی دەوێ

س. ح. رەبەن


لالەزارم ڕادەژێ شین و شەپۆڕی پێوەیە
بۆ ستاننی مافی گەل هاوار و هەستانی دەوێ

بۆ ئەوینی نیشتمانم مردنێکی سورخەڵات
هەوڵ وهیواو ئیشقی پاک و هێزی ئیمانی دەوێ

دەریا


لالەیە هێمای شەهیدی ســـــوور خەڵاتی نیشتمان 
پێم دەڵێ: ڕێگەی شەهیدان درێژە پێدانی دەوێ

لالە زارە دەشتەکەی کاکی بە کاکی تا هەبێ
باوەشی ئەو نامرێ قەت بۆ شەهید مانی دەوێ

ناسری خزرپوور


چاوەڕێم من لالە سەر بێنێتە دەر لە سەر کەژان
بۆ شەهیدانی وڵات، کازیوە گریانی دەوێ

خوایە سەبرێکی عەتاکەی بەم دڵەی بێ سەبرەکەم
من بە دایم خەم دەخۆم دڵ مەیلی بارانی دەوێ

کازیوە{س، م}


دەشتی ویشکی لالە زار و گوڵشەنی ئەم مەوتەنە
هەوری شین گێری خەمین و ڕێژنە بارانی دەوێ

با ببارێنین بە گشتی خوێن و فرمێسک و ئەوین
چون بەهاری بێ خەزان و سەوزەزارانی دەوێ

شەوین

++++++++++++++++++++++
سەرناو: سووتانی قەڵەم

ئەو دەم کە قەڵەم عاشقە جانانە دەسووتێ
وا بەرزە لەبەر شەوکەتی ڕایانە دەسووتێ

خوێنی مەلی ئازادییە دڕژێ لە دەمی تیغ
قافی شەڕەف وعیززەتی هەرمانە دەسووتێ

شاهۆ موکریانی


ڕێزی قەڵەمێ بگرە هەتا هەی لە ژیانا
هەر ئەو قەڵەمەم بۆ گەلی بێ لانە دەسووتێ

خوا سوێندی بە ئەو خواردووە، جارێکی لە گەڵ نوون
تا ڕۆژی حەشر بێ سەر و سەبرانە دەسووتێ

گوڵزاری ئەدەب گەرچی هەزاران قەڵەمی دی
داخم قەڵەمیش جەرگی پڕی ژانە دەسووتێ

کاروانی هونەر ڕۆیی بەرەو پیری شێعر، شەو
خۆشناوە بە ژیری، گڕی گڕکانە دەسووتێ

خۆشناو

++++++++++++++++++++++
سەرناو: بەهارە و هەورە تریشقە...

بەهارە و
هەورە تریشقە
لە ئاسمانی خەیاڵمدا
شەبەق دەدا
بارانەی ئەشق دەبارێ
بە شەماڵێ

نمەی بارانی ئەفسوناویت
ژەنگی دڵم دەشواتەوە، 
هەوری خەمم ڕادەماڵێ

بەگزینگی چاوەکانت
داری هیوام چرۆ دەکا، 
لقی لە باڵات دەهاڵێ

ئەی نازەنین قوربانت بم
لە کوێستانی ڕۆئیای خۆما
بۆ خواردنی کارگە سینە، 
میوانت بم
میوانت بم

++++++++++++++++++++++
سەرناو: نگاهت را بە من انداز هر دم
سەبارەت: فارسی

نگاهت را بە من انداز هر دم
در آغوشت بگیر این جسم سردم
تو کە بانوی این اشعار گرمی
بده جانی به این رخسار زردم

++++++++++++++++++++++
سەرناو: وتت: ناڕۆم، بەڵام ڕۆیی

وتت: ناڕۆم، بەڵام ڕۆیی
بە جێت هێشتم بە بێ هۆیی
نەخۆشێکی بێچارەمە
گرتوومە دەردی بێ تۆیی

++++++++++++++++++++++
سەرناو: ناوت، چوار خشتەکیە و دەنگت چوارینە

ناوت، چوار خشتەکیە و
دەنگت چوارینە
چاوەکانت، چاوگەی مەسنەوین یا خۆ چیرۆکێکی درێژ... 
خۆت بە غەزەل دەبینم و
قژەکانت بە قەسیدە
بەڵام
ئەگەر بۆ من بی، 
ئەبیە ڕۆمانێکی ئەوینی
هەتا هەتایی


نامت، دو بیتی و
رباعی ست، صدایت
عکست چشم اندازی ست از مثنوی یا حکایتی بلند
خودت را غزل می بینم و
قصیدەاند موهایت
اما... 
اگر مال من باشی
رُمان عشقی می شوی
تا بینهایت. 

«خۆشناو»

++++++++++++++++++++++