شاعیر: سابیری
کتێب: دیوانی سابیری
سەرناو: عاشقان مەدھۆشی تەئسیری خەیاڵی حوسن و خاڵ

عاشقان مەدھۆشی تەئسیری خەیاڵی حوسن و خاڵ
فارغ البالن لە تەئسیراتی ئافات و مەلال


عاشقان مەستی موتاڵای دەفتەری سونعی خودان
عاقڵان غەرقی جەماڵ و سوورەت و مەغرووری ماڵ


عاشقان بیمار و دووری یار و بێ سەبر و قەرار
عاقڵان جوملە سەحیحولجیسم و مەسرووری ویسال


سابیری بێ خۆت بناسە عەقڵ و عەشقت کامەیە
عاشقێکی ترسنۆک و عاقڵی بێ حاڵ و ماڵ

++++++++++++++++++++++