شاعیر: سابیری
کتێب: دیوانی سابیری
سەرناو: گرفتارم بە داوی زولفی شێرینێکی قەد بەیداخ

گرفتارم بە داوی زولفی شێرینێکی قەد بەیداخ
بە تەقدیری خودا نابێ دڵی دێوانە قەت بێ داخ


لەکن دەرکەوتنی لەیلا دەم و دەس شێت و مەجنوونم
لەکن ون بوونی ئەو شیرینە فەرھادم لە کێو و شاخ


دەبینی ڕەنگی زەردم بۆچ دەپرسی حاڵی دەردی من
کە بێ شەوقم میسالی دالییەی بێ خاوەن و چەرداخ


نەخۆشی سەرسەری سابیر مەگەر چا بێتەوە ڕۆژێ
کە تۆ پێیێ بنێیە سەر سەری کوتتابی ئۆف و ئاخ!

++++++++++++++++++++++