شاعیر: سابیری
کتێب: دیوانی سابیری
سەرناو: ئەی قەمەر لەیل و بە ڕۆژ ئافتاب

ئەی قەمەری لەیل و بە ڕۆژ ئافتاب
عاشقی ڕووت بوونە کەتان و کەباب


عەکسی گوڵی ڕوومەتی تۆی دی بەشەر
بۆیە سروشکی بووە عەینی گوڵاب


چا نیە بێ سووچ و خەتا ئەمکوژی
ڕۆژی قیامەت ھەیە ئەکرێ حیساب


ڕەحمی خودا بێنە دڵ و بەسیەتی
نیمە تەوانایی عیتاب و عەزاب


بەختی منە وعدی تۆ ناکا وەفا
عەھدی تووە نەبوو دوعا موستەجاب


بەم دڵی بیمارەوە دەستە و دوعام
یەک لە ھەزارانی نەبوو موستەجاب


ھاتە سەرینم وتی: چی مەیل ئەکەی؟ 
ھاتە دەمی سابیری جووتێ عەناب

++++++++++++++++++++++