شاعیر: سابیری
کتێب: دیوانی سابیری
سەرناو: بۆ نەچێ ڕۆحم کە چاوم کەوتە چاوی خەشمناک

بۆ نەچێ ڕۆحم کە چاوم کەوتە چاوی خەشمناک
خۆر ھەڵات و جێ بە جێ بۆچی نەبێ شەونم ھیلاک


فەرموو سەیری کە لە ڕێگەی عەشقی تۆ دا عالەمێ
عاجز و بیمار و ماتەمبار و غەرقی خوێن و خاک


تۆ کە ڕابوردی بەسەرمانا دەسم دامێنی تۆ
چاکی نازک ھەڵکە ئالوودە مەکە داوێنی پاک


سابیری لێو گەستنی ئەو شۆخە بێ حیکمەت نییە
یەعنی ناڵین و شکات و گریە نازانم بە چاک

++++++++++++++++++++++