شاعیر: حافز
کتێب: دیاری مەهاباد
سەرناو: جووتە مەم
سەبارەت: نووسین و ئامادەکردن: کەماڵ ڕەحمانی - مەلا غەفوور دەباغی (حافزی مهابادی)، ساڵی ١٣٥٤ی کۆچی ـ هەتاوی. - ئاسۆی ڕوون، چاپی یەکەم ١٣٩٤ی هەتاوی، لاپەڕە ٧٩. - دیاری مەهاباد، چاپی سێیەم، ساڵی١٣٨٦، لاپەڕە ١٠٨.

ئەی جووتە مەمت عەینی هەڵووی تازە فەریکە
فێداری دەسی تۆیە دڵم، چارەسەری کە

گیان بۆتە پەپوولێک و لە دەوری شەمی ڕووتە
تا باڵ و پەڕی، پاکی نەسووتاوە دەری کە

چاوت کە بە هاوکاری برۆت خەڵکی دەکووژێ
ئەگریجە لەپای چی لەگەڵ ئەو جووتە شەریکە؟ ! 

دوژمن دەیەوێ تۆ بە تەڵا هەڵخەڵەتێنێ
یا جوابی بە تێڵا بدە، یا جارێ کەری کە! 

ئەم هۆنەرە بێ‌چاوە کە سەوداسەری تۆیە
تاوێ وەرە دەس باوێ ملی، بەختەوەری کە

++++++++++++++++++++++