شاعیر: شوکری فەزڵی کتێب: دیوانی شوکری فەزڵی سەرناو: ئیش کە ڕووی ئێستە لە ھەورازە سەرەولێژی نەکەی سەبارەت: نووسین: کەماڵ ڕەحمانی - ئەم پارچه غەزەڵەی، شوکری فەزڵی له کاتی خۆی بۆ شێخ مەحموودی نەمری نوسیوه به ناوی 'دیاری' ـ شێخ مەحموود و شوکری هاوڕێی منداڵی بوونە. مێژووی ئەدەبی کوردی، بەرگی ٥، دکتور مارف خەزنەدار. ئیش کە ڕووی ئێستە لە ھەورازە سەرەولێژی نەکەی فکری وردیشی ئەوێ، ھەر بە دۆعا و نوێژی نەکەی گێرەشێوێنێ کە کای کۆنی بە با دا لە کنت چاکە ھەر لێی خوڕی، سەیری دەم و کاوێژی نەکەی سەرەتای ئیش ھەموو یەک بوونە، ئەویش نابێ ھەتا ھەر برینێ کە لە دڵدا ھەیە ساڕێژی نەکەی حەیفە چاوێ کە جەفا کۆڵەوەژی تێدەشکان تۆ بە کلچێوکی وەفا عەینی گەلاوێژی نەکەی قەومی بێ سەر نییە ئەمڕۆ لە ھەموو عالەمدا ئەتەوێ تاجی سەری بی، بە ھەوا گێژی نەکەی شا، وەکوو شایەکی شەترەنجە لە عالەم ئەمڕۆ گەورە قانوونە، قسەی کورت ئەمەیە، درێژی نەکەی ++++++++++++++++++++++ سەرناو: بۆ کوشتنی شەیدایان ھەر لەحزە موھەییایە سەبارەت: نووسین: کەماڵ ڕەحمانی بۆ کوشتنی شەیدایان ھەر لەحزە موھەییایە ئەی دڵ حەزەری لێ کە، بێ خەوف و موحابایە وا مەستە ئەڵێن چاوی، بیبینە چ ھۆشیارە بۆ سەیدی دڵی عاشق تیری لە کەماندایە نەفعی چییە ئەم ڕۆحە ھەر لەحزە ئەگەر نەیکەم قوربانی قەد و باڵای ئەو دولبەرە ڕەعنایە باعیس بە فیراقی یار ھەر تەعنەیی ئەغیارە کوێر بن ھەموو مەحرووم بن لەو بەزم و تەماشایە نەزم و غەزەلی ھەممی، شایستەیی تەحسینە مەوزوون و تەڕ و شیرین، دڵجۆ وو دڵ ئارایە ++++++++++++++++++++++ سەرناو: پەشێواوە لە سەر سەفحەی عوزاری حاشیەی پەرچەم سەبارەت: نووسین: کەماڵ ڕەحمانی بە قامەت سەروی بوستانە، بە ڕوخ وەک ماھی تابانە عەقیقی لێوی عیسا دەم، ئەمیری جەمعی خووبانە بە گەردن ئاھوویی چینە، بە کاکۆڵ خاڵی موشکینە لە نەسلی ئادەمە ئەمما لە جوملەی حوور و غیلمانە پەشێواوە لە سەر سەفحەی عوزاری حاشیەی پەرچەم لە دەرکی مەعنییی خەتتی، خیرەد داماو و حەیرانە عەجایب موعجیزێکم دی لە باغی حوسنی جانانە لەسەر بەرگی گوڵی ئەحمەر بنەفشەزار و ڕەیحانە لە بۆ نەخچیری دڵ ھەممی موھەییا نێرگسی مەستی موژەی تیر و کەمان ئەبرۆ، بە غەمزە ئافەتی جانە ++++++++++++++++++++++ سەرناو: وا کاکۆڵی ئەو شۆخە بەدەم بادی سەباوە سەبارەت: نووسین: کەماڵ ڕەحمانی وا کاکۆڵی ئەو شۆخە بەدەم بادی سەباوە ئێستاکە لە ھەر لاوە پەرێشان و بڵاوە خاڵی سیەھ و پەرچەمی پڕ چینی لەسەر ڕوو بۆ سەیدی دڵی عاشقە ئەو دانە وو داوە چون ماھ لەگەڵ ڕوومەتی ئەو بەیتە موقابیل نەعلی فەرەسی ڕشکی، مەھ و قورسی ھەتاوە مەنعم مەکەن ئەر وەحشی سیفەت بادییە تەی کەم ھۆشم کە لە سەردا بە قەدەر زەڕڕە نەماوە زۆر ھەممی بە شۆر و شەڕە، ئەو شۆخە بە غەمزە ھەر خوێنی شەھیدانە لەسەر ڕێگە ڕژاوە ++++++++++++++++++++++ سەرناو: لە ھیجرا ڕۆژ و شەو عاشق خەریکی ناڵەیی زارە سەبارەت: نووسین: کەماڵ ڕەحمانی لە ھیجرا ڕۆژ و شەو عاشق خەریکی ناڵەیی زارە پەرێشان حاڵە قوربان، عاجز و غەمبار و بیمارە شیفام با ماچی لێوت قەت نییە ئێستاکە، دڵ چونکە بە نووکی خەنجەری موژگانی خوونڕێژت بریندارە بنازم وردە غەمزەی چاوی مەستت ئەی کەمان ئەبرۆ! کە وا بۆ کوشتنی عاشق عەجەب تیرێکی خوێنخوارە ئەگەر بۆ سەیدی مورغی دڵ نەبێ کاکۆڵی موشکینت لەبەر چی ھەر وەھا چین چین و پێچاوپێچ و خوارە١ لە چینی پەرچەمی تۆدا سەبا سست ھاتە سەفحەی باغ مەگەر سەرمەستە قوربان بۆیە وا ئاھیستە ڕەفتارە بە کوشتن شاد ئەبم ئێستا، بە شەرتێ گەر بەجێ بێڵێ لە دڵدا خەنجەرێ بۆ یادگار ئەو شۆخە غەددارە حەمەد بەگ٢ تا بڵێی شیرینە ھەممی ھەروەکوو نەزمم کە ھەم مەشھووری ئافاق و پەسندی یار و ئەغیارە ١. ئەم بەیتەیان ئەگەر ئەم 'وا'یەی نەبێ لەنگ دەبێ ئەگەر بۆ سەیدی مورغی دڵ نەبێ کاکۆڵی موشکینت لەبەر چی ھەر وەھا چین چین و پێچاوپێچ و [وا] خوارە ٢. مەبەست لە حەمەدبەگی گوندی موغانی لای شاری سلێمانييە. ++++++++++++++++++++++ سەرناو: لە دووریت تا بە کەی عاشق خەریکی زار و ڕۆڕۆ بێ سەبارەت: نووسین: کەماڵ ڕەحمانی لە دووریت تا بە کەی عاشق خەریکی زار و ڕۆڕۆ بێ لە کونجی میحنەتی غەمدا ھەتا کەی دەستەئەژنۆ بێ بە ماچێ بێ، بکە دەرمانی زامی کوشتەکەت جانا ھەتا کەی دڵ برینداری خەدەنگی فیرقەتی تۆ بێ سەراسەر عالەمت خستۆتە حیرەت ئەی پەری! چونکە، کەسێ نەیدی بەری عەرعەر ترنج و سێو و لیمۆ بێ ھیلاکم من بە دەستی فیرقەتت، لوتفێ بکە ئاخر ھەتا کەی جان و دڵ نەشئەی شەرابی وەسڵەتی تۆ بێ بە میقرازی غەمی، کۆتا بووە ڕشتەی حەیاتی من جەوابی ئەو نییە ھەممی ھەتا کەی «ھای» و «یاھۆ» بێ؟ ++++++++++++++++++++++ سەرناو: ڕەقیبی بەد لقا یا ڕەب ئەسیری دەردی میحنەت بێ سەبارەت: نووسین: کەماڵ ڕەحمانی ڕەقیبی بەد لقا یا ڕەب ئەسیری دەردی میحنەت بێ فتادەی بەحری غەم، دووچاری گەردابی مەشەققەت بێ بە ئوممێدی مرووەت، بێ نسیبی کەی، عەبەس چونکە لە دنیا ھیچ کەسێ نەیدیوە بەد، ساحیب مرووەت بێ ئیلاھی کوێر ببن جوملە ڕەقبیان یەک بە یەک! تا کەی ئەسیری ناری فیرقەت بم؟ دەمێ با وەقتی وەسڵەت بێ ڕەقیبی سەگ سیفەت چاری بە نان و دەرزییە ھەممی عیلاجی دوور کونەندەی ھەر ئەوە، با تووشی زەحمەت بێ ++++++++++++++++++++++ سەرناو: عەجەب شۆخی لە نەفحەی پەرچەمی پڕ چینی موشکینی سەبارەت: نووسین: کەماڵ ڕەحمانی عەجەب شۆخی لە نەفحەی پەرچەمی پڕ چینی موشکینی ئەسیری سەڕسەڕی نیسیانە ئێستا نافەیی چینی لە بەیتی ڕوومەتی خاڵی سیاھی وەک حەجەر وایە کە بۆیە عالەمێ ئێستاکە وا موشتاقە بۆ دینی لەبۆ باغی نەزاکەت نەونیھالێکە سەمەن بۆیە لەگەڵ بەرگی بەھەشتی ڕەشک ئەدا ئەندامی سیمینی لە زەخمی چەشم، یا ڕەب دوور کەوێ گوڵزاری حوسنی یار ڕواوە سونبولی خۆشبۆ لە سەر ئەو سنگی نەسرینی ئەمیر ئیبنی ئەمیرە، ھەم لە حوسنا میری میرانە لە دنیا دین ئەکا یەغما، عەقیقی لێوی شیرینی تەماشاگاھی ڕوخساری حەمەد بەگ تا مویەسسەر بێ ئەمن چ بکەم لە خولد و کەوسەر و گوڵزاری ڕەنگینی لەگەڵ عوششاقە گوفتی ھەر بە خەنجەر ھەممی ئەو شۆخە خودا بمکا فیدایی خەنجەر و دەستی بلوورینی ++++++++++++++++++++++ سەرناو: کوا شاھم؟ کوا ماھم؟ کوا سەرداری خووبانم؟ سەبارەت: نووسین: کەماڵ ڕەحمانی کوا شاھم؟ کوا ماھم؟ کوا سەرداری خووبانم؟ کوا ئارامی گیان و دڵ، کوانێ میری میرانم؟ کوا ڕاحەت ڕەسانی خاتری مەحزوون و غەمگینم؟ کوانێ ڕۆشنایی بەخشی دیدەی ئەشک ڕێژانم؟ کوانێ شەھسواری عەرسەیی حوسن و مەلاحەتمان کوانێ شای سوپاھی دولبەرانی ماھڕوویانم سەبا! لوتفێ بکە، بێنە پەیامێ بۆ منی بێدڵ کوانێ یۆسفی سانی، کوانێ جانی جانانم؟ منی دووچاری دەرد و ھیجر کرد ئەو شۆخە و ڕۆیی بەغەیرەز ماچی لێوی ئەو نییە ئێستاکە دەرمانم عەجەب، ڕەحمی بە حاڵی من نییە ئەو لالە ڕوخسارە کە ئێستا لالەزارێکە لە خوێنی ئەشک دامانم بە ناری فیرقەتی سووتا بە یەکسەر جەرگ و جان و دڵ خودا ڕەحمێ بە حاڵی من نەکا مومکین نییە مانم لە وەجھی مەرحەمەت ئەمشەو لە چەرخی ھەفتەما ھەممی مەلائیک زار و ناڵین بوو، لەبۆ حاڵی پەرێشانم ++++++++++++++++++++++ سەرناو: وا دولبەری ئەم شارە ھەموو ماھ جەبینن سەبارەت: نووسین: کەماڵ ڕەحمانی وا دولبەری ئەم شارە ھەموو ماھ جەبینن یەغماگەری ھۆش و خیرەد و ڕەھزەنی دینن سیمین زەقەن و گوڵ بەدەنن، کەبک خەرامن ھەم ڕاحەتی جان و دڵی عوششاقی حەزینن فیلجوملە وەکوو تازە نیھالی ئیرەمن ھەم وەک لالەیی خولد و گوڵی فیردەوسی بەرینن ئاھوو ڕەوشن، تاوسی زەڕڕین پەڕ و باڵن ئەم دەستە، مەلائیک سیفەت و شەھرنشینن ھەر یەک کە بە دوو نێرگسی جادوو لە فسووندا باعیس بە ھەوا و کەشمەکەشی ڕوویی زەمینن ڕوو غونچەیی لالەن، وەکوو غیلمانی بەھەشتن با ناز و کریشمە، ھەموو وەک حوور جەبینن ھەر یەک کە بە بۆیی شکەنی پەرچەمی پڕ خەم قیمەت شکەنی ساحە وو ھەم نافەیی چینن بۆ بورجی تەماشا قەمەر و شەمس و نوجوومن بۆ وەجھی لەتافەت ھەموو وەک دوڕڕی سەمینن یەک یەک ھەموو ناوک مژە وو ئەبرۆ کەمانن ھەر لەحزە لەبۆ کوشتنی عاشق لە کەمینن فاریغ نییە ھەر لەحزە لە چەند لاشەیی عاشق ھەر لەحزە دووسەد خەستە لەبەر ئاھ و ئەنینن دەستیان ھەموو ھەممی کە لەسەر تیغی دەبانە ھەر لەحزە وەھا حازر و ئامادە بە کینن ++++++++++++++++++++++ سەرناو: ئەم ساوە بەچانە کە لە ئەوسافی نەمامن سەبارەت: نووسین: کەماڵ ڕەحمانی ئەم ساوە بەچانە کە لە ئەوسافی نەمامن دەردت ئەدەنێ، تەفرە مەخۆ، قەد مەڵێ ڕامن گا دۆستی وەفادار، گەھێ دوژمنی خونخوار دڵ نەرم ئەبێ گاھێک و گەھێ سەختی کەلامن غەمگین مەبە، نەک بۆ تۆ، وەفایان نییە بۆ کەس مەعلوومە کە ئەم تاقمە وەک تاسی حەمامن دوو ڕوون وەکوو کاغەز، دوو زمانن ھەر وەکوو خامە ڕەش عەینی مەرەکەب لە دڵ، خارج لە نیقامن ھەر ئەو کەسە دانایە کە وا سەرفی نەزەر کا لەو بێ بەر و پشتانە کە وا مەشھووری تامن لەم عەسرە سەرت سوڕ مەکە ھەممی کە ئەمانە ھەروا لە وەفادا، چەنێ بێ عەھد و دەوامن ++++++++++++++++++++++ سەرناو: بە غایی دڵم زارە لەبەر سەھمی نیگاھی سەبارەت: نووسین: کەماڵ ڕەحمانی بە غایی دڵم زارە لەبەر سەھمی نیگاھی بەم کەوکەبەیی حوسنە بڵێ نادرە مەحموود عاشق کوژە، غەددارە، دڵ ئازارە، جەفاجۆ خوێن ڕێژە، شەرەنگێزە، موژەی خەنجەرە مەحموود جەبرەن دڵی ھەممی بە خەمی کاکۆڵی بەنگە حوسنی کە ببێ زێب و زەڕ و زێوەرە مەحموود ++++++++++++++++++++++ سەرناو: پێنج‌خشته‌كی له‌سه‌ر غه‌زه‌لی مسته‌فا به‌گی كوردی سەبارەت: نووسین: کەماڵ ڕەحمانی - شایانی باسە غەزەلەکەی کوردی ئەوەی کە دێرە دایە جیاوازی زۆرە لەگەڵ دیوانی کوردی ئەو چاپەی محەممەد مستەفا 'حەمەبۆر' لێکۆڵینەوەی لەسەر کردووە. لە چاوم دەم بەدەم دێ، جۆ بە جۆ فرمێسکی خوێنینم برینداری خەدەنگی عەشقم و مومکین نییە ژینم لە من ئێستاکە بێزارە بە کوللی جانی شیرینم «ڕەفیقی کونجی میحنەت عاجزن ھەر شەو لە ناڵینم گورێزانن لەبەر لێشاوی مەوجی ئەشکی خوێنینم» بە ناری فیرقەتی تۆ جیسم و جان و دڵ کە وا سووتا وەرە ڕەحمێ بە حاڵم کە، فیدات بم، ئەی مەلەک سیما بە یادی پەرچەم و خاڵی سیاھ و ڕوومەتت ئێستا «ئەگەرچی ڕۆژ و شەو مەشغووڵی نەغمەی موتریبم ئەمما لە غەم خاڵی نییە ساتێ دڵەی مەحزوون و غەمگینم» کە ئەووەڵ من ئەسیرت بووم، بە تەحقیق ئەی سەنەم زانیم بە ھیجران دەمکوژی ئاخر نییە ڕەحمت بە شەیداییم لە سینەمدا ئەوا کەوتۆتە خوێن، زامی دڵم داییم «تەبیب دێنن دەوای دەردم بکا، خۆ من زەدەی دووریم بەبێ داروویی وەسڵی ئەو نییە ئارام و تەسکینم» لە فیرقەت قەت نییە عاشق ئەسیری دەرد و میحنەت بێ لە ڕێی پێغەمبەرا مردم ئیتر با وەقتی وەسڵەت بێ بە جانانم بڵێن تا کەی وەھا تەرکی مرووەت بێ «ئەگەر مومکین نییە وەسڵت، لە پاش مردن وەسییەت بێ لەباتی قەوم و خوێشانم لەسەر مەیتم بکا شینم» لەبەر دەرگای ئەوا کەوتم، بە ئاھ و شیوەن و گریان لە ڕۆح ئێستاکە بێزارم، منی بەرھەم زەدەی ھیجران ئەگەر ئەو شۆخە، من بکوژێ بە شمشێری برۆ و موژگان «شەھیدی عەشقم و مەمشۆن و کفنم بۆ مەکەن یاران گەواھی حەشرە بۆ دەعوای شەھادەت بەرگی خوێنینم» منی کوشت ئاخر ئەو یارە، بە کەس مومکین نییە چارم لە مانم یەک نەفەس ماوە، نییە ڕەحمێ بە ھاوارم کە دەسپێرن بە خاکی لەحد، یاران جیسمی بیمارم «لە پەردەی تاھیری گەر بێ سەدای ئەو عاشقی یارم ئیتر حاجەت نییە، بێنن مەلا بۆ وەعز و تەڵقینم» مەکە بێ مەنفەعەت زاری، مەڕێژە قەترەی ئەسرینت کە سستە گەردنی ھەممی نیگارت ڕوشتەیی ژینت شەھیدی تیری موژگانت نیشانەی جیسمی خوێنینت «عەبەس کوردی! مەلائیک دێن ئەپرسن مەزھەب و دینت کە قادر خۆی ئەزانێ من لەسەر کام مەزھەب و دینم؟» ڕەفیقی کونجی میحنەت عاجزن ھەر شەو لە ناڵینم گورێزانن لەبەر لێشاوی مەوجی بەحری ئەسرینم ئەگەرچی ڕۆژ و شەو مەشغووڵی نەغمەی موتریبم ئەمما لە تەم خاڵی نییە ساتێ دڵەی مەفتوون و غەمگینم نە هەر دەردی منە تەنیا، ئەمە دەردی هەموو لایە بەجارێ فولکی شێواوە، لە نەگبەت ماهـ و پەروینم هەزار خۆزگەم بە خۆت دووری لە شاری پڕ بەڵا و میحنەت لە فرسەتدا منیش هەڵدێم لە تەڵخیی شاری شیرینم تەبیب دێنێ دەوای دەردم بکا، خۆ من زەدەی دووریم بە بێ داڕوویی وەسڵی تۆ نییە ئارام و تەسکینم ئەگەر مومکین نەبوو وەسڵت کە من مردم وەسییەت بێ لە باتی قەوم و خوێشانم لە سەر قەبرم بکە شینم شەھیدی عەشقم و مەمشۆن و کفنم بۆ مەکەن یاران گەواھی حەشرە بۆ دەعوای شەھادەت بەرگی خوێنینم لە پەردەی تاھیری گەر بێ سەدای ئەو عاشقەی یارەم ئیتر حاجەت نییە بێنن مەلا بۆ وەعز و تەڵقینم عەبەس 'کوردی' مەلائیک دێن دەپرسن ئیعتیقاداتم کە 'سالم' خۆی دەزانێ من لە سەر کام مەزھەب و دینم «کوردی» دیوانی کوردی بەرگی ١، لاپەڕە ٣٣٨، لێکۆڵینەوەی: محەممەد مستەفا 'حەمەبۆر'، چاپی یەکەم هەولێر ٢٠١٠، بڵاوکراوەی: ئاراس. ++++++++++++++++++++++ سەرناو: شوکری وه‌ڵامی شێخ ڕە‌زا ده‌داته‌وه‌ (١) سەبارەت: نووسین: کەماڵ ڕەحمانی - دیوانی شێخ ڕه‌زای تاڵه‌بانی، ساغ‌کردنه‌وه‌ و شه‌رحی: شکور مسته‌فا، چاپی یه‌که‌م، هه‌ولێر ٢٠٠ ز، لاپه‌ڕه‌ ١٠٠و١٠١. ڕێشانی کێری خۆم کە لە ژنتا ڕەتاندووە سەرسمی داوە، کەوتووە، جەرگی پساندووە ھێند سەختە ‌قەحبەیە دەربەندی ناو کوزی بێچارەیەی خشاندووە، پەراسووی شکاندووە یا شێخ ئەتۆش تەماتە سواری ئەمەش ببی حاڵی خراپە، سست و سەقەت ماوە، ماندوووە کەڵبەت نەماوە حیزە، کە بێسوودە عەف‌عه‌فت پیری دووتای کردووی، شانت خەفاندووە ھەجووت کە بەیتی کوردییە بۆ کێرمی ئەکەی ئەم قۆڕەقۆڕە ھیچە، ڕەزا تۆم تڕاندووە لێشاوی کێری مەتڵەبە «گوڵچین» وەگەرنە بۆچ وەک تاقی پردی خاسسە کوزی داچەقاندووە تا ماوە دێی زەبەللـه‌حی تسعینی بێنە پاڵ بێ گانی تاوی داوە کوزی داوەشاندووە «شوکری» بە کوونی گانی کوڕی بێنه‌ نەزمەوە زۆری نەداوە سەد ملەکێری تەقاندووە شێخ ڕ‌ەزا هه‌جوی شوکری ده‌کات شوکری لە داخت ئەمە ساڵێکە وه‌ یا دووه‌ کێرم نەخۆشە، حاڵی پەرێشانە، کەوتووە جارێ بپرسە موخلیسەکەت چۆنە، چۆن نییە؟ مەحسووبە کۆنەکەت، عەجەبا ماوە، مردووە؟ کوشتەی فیراقی تۆیە، عیلاجی ئەگەر نەکەی ئۆباڵی بەو ملەت کە دەڵێی نێرکەکاردووە عەمدەن ئەڵێم نەخۆشە، موراعاتی تۆ دەکەم وەرنە دەمێکە ڕۆحی بە جەننەت سپاردووە گەر من درۆ ئەکەم، ئەوە دایکت بپرسە لێی یایە بە دەستی خۆی کفن و دفنی کردووە شانە و خەنە و حەمامی حەرام کردووە لە خۆی پاش ڕەحمەتی، حەرامە لە من، سوێندی خواردووە ئێستەش کراسی چڵکنە، ناولنگی کوڵکنە وەک دێوەڵووکە تووکی بەری بستێ ھاتووە یایە ئەگەر سەگرمە بە ژێر کوڕکەیا بچێ ھەروا دەزانێ لاقەمەلێکی پیاچووە یایە کە مەعبەری دوبری و دیهلیزی کوزی یاتاغی ئەشقیایە، گوزەرگاھی ئۆردووە شێعرێ کە تۆ بە چاکی دەزانی شیاکەیە نەزمێ کە تۆ بەیانی دەفەرمووی گەن و گوووە ھەروەک تسێ کە جەوھەری خۆی دەربخا بە با نامووسی خۆت بە شێعری سەفیهانە بردووە بەم شێعرە بێفەڕانە نابییە شێخ ڕەزا زەحمەت مەکێشە ئائینە کاریی ئەرەستووە ++++++++++++++++++++++ سەرناو: شوکری وه‌ڵامی شێخ ڕەزا ده‌داته‌وه‌ (٢) سەبارەت: نووسین: کەماڵ ڕەحمانی - دیوانی شێخ ڕه‌زای تاڵه‌بانی، ساغ‌کردنه‌وه‌ و شه‌رحی: شکور مسته‌فا، چاپی یه‌که‌م، هه‌ولێر ٢٠٠ ز، لاپه‌ڕه‌ ٧٥و٧٦. شێخ ڕەزا عەرزت ئه‌گێم، خۆت بۆچی ئەحمەق کردووە قەوچە وەک ماکەر ئەکەیت و گوێت وه‌ها لەق کردووە حیزە ئێشی مێخی سابیق چاوتی زەق کردووە قەحبە «گوڵچین» تۆی که‌وا گەووادی موتڵەق کردووە من بە مەترەق بارەھا کوزیم شەق و پەق کردووە تۆم نەوەک ئه‌مجاره‌ ھەتک و پەتک و نەستەق کردووە باوکی مەعلوومت نییە، لەعنەت لە زاتت ھەی تەرەس گوو بە گوێی دایکت، چووزانم دایەبەر کێ پێش و پەس گوو مەخۆ یا شێخ ئیتر با شۆڕشێ بەرپا نەکەم خۆت و کەرکووکت بەجارێ سەربەسەر ئیفنا نەکەم با لە ناولنگی ژنت پێچاڵی سەد جۆڵا نەکەم با کوزی وەک قەلعەیی خەیبەر بە مەترەق وا نەکەم «مەستی» فیعلەن، داکی گای ئەم سڕڕ‌ە‌ با ئیفشا نەکەم بۆچ ئه‌که‌ی ھەجووم، به‌ڵێ تۆ شێخی، ھەجووت با نەکەم باوکی مەعلوومت نییە، لەعنەت لە زاتت ھەی تەرەس گوو بە گوێی دایکت، چووزانم دایەبەر کێ پێش و پەس شێخ ڕە‌زا هه‌جوی شوکری ده‌کات پوورە شوکری بەسیە با نەتگێم و سمتت لەق نەکەم دایکە کێرخۆرت هەواڵەی سووری سەرئەبڵەق نەکەم نییەتم بوو دەفعەیێ خۆمت پیاده‌م باز وتم نەقسە بۆ ئەمسالی من با گوێ لە ھەر ئەحمەق نەکەم من کە شاھبازی شکارئەندازی شاھیم پێ دەڵێن حەیفە با ئاھەنگی جەنگی سەرگەڕ و لەقڵەق نەکەم تۆ بە جارێ وەک ژنی فاحیشه‌ پێت لێ ھەڵبڕی نەء، وتم خەیری نییە، چاوێکی گەر لێ زەق نەکەم حیزە سا خۆت بگرە، تا بۆت بێمە مەیدانی مەساف شەرته‌ ھیچت پێ نەڵێم تا بن گونت نەستەق نەکەم کۆنەحیزی شاری بەغدا لێم حەرام بێ شاعیری گەر کوزی خوشکت وەکوو ئەیوانی کیسرا شەق نەکەم ھەروەکو «مەستی»م بە فەردێ گا، خوا ڕۆحم به‌رێ مولحیدی کافرمەزەب گەر تۆش بە ئەو مولحەق نەکەم من دەزانم کێ لە خشتەی بردوویی ئەمما چ سوود سەییدە سەیید قسەی سووکی دەبێ دەرحەق نەکەم پێی بڵێ با مونتەبیهـ بێ، تۆش گەن و گووم بەس بخۆ با سلێمانی بە جارێ کافری موتڵەق نەکەم عەھدە کردوومە لە خزمەت شێخ ڕەزادا ورچەکوێر نەیخەمە ناو لنگی دایکت، تا لە تۆی ئێرەق نەکەم ++++++++++++++++++++++ سەرناو: شوکری وه‌ڵامی شێخ ڕە‌زا ده‌داته‌وه‌ (٣) سەبارەت: نووسین: کەماڵ ڕەحمانی لۆتیی و ڕەققاس من نیم، نێرەگای پیرەبنە ئەی لە «گوڵچین»ی ژنت بەم، «ئوندەر دیدن بنە»١ بۆچی نازانی لە کوێیە لۆتیاتی قۆرییە ھەموویان شێخ‌ژن دەگێن، شێخ‌ژن دەڵێ: تینم نەنه‌ ١. له‌وێ پێم وترا شێخ ڕەزا ھەجوی شوکری ده‌کات عالەم و دنیا ئەزانێ شوکرییه‌ کوێر خەرجی منە شۆخ و شەنگە، ھەروەکوو ڕەققاس ئەڵێی موتڵەق ژنە دایکی حیزی خەڵکی بەغدا و باوکی گەووادی سنە وەک بەدیعەی بنتی بەکراوای بێچواو بێ بنە ++++++++++++++++++++++ سەرناو: شوکری وه‌ڵامی شێخ ڕە‌زا ده‌داته‌وه‌ (٤) سەبارەت: نووسین: کەماڵ ڕەحمانی - دیوانی شێخ ڕه‌زای تاڵه‌بانی، ساغ‌کردنه‌وه‌ و شه‌رحی: شکور مسته‌فا، چاپی یه‌که‌م، هه‌ولێر ٢٠٠ ز، لاپه‌ڕه‌ ١١٤. من بۆ كه‌ركووک هاتووم، ده‌عوام هه‌يه‌، ده‌عوا ئه‌كه‌م كێری چل تابووری كوردان بای ئه‌ده‌م، تێی ڕا ئه‌كه‌م كورد و عاره‌ب، داوده‌ فه‌حلن له‌ بۆ لێدان هه‌موو فاڵی شێخ‌ژن گه‌رمه‌، فاڵی عاله‌می پێ چا ئه‌كه‌م مه‌قسه‌دی چا كردنی بوو، ئيسمی ياشێخ جێی هه‌يه‌ حاكمی دوو سێ وجووهم، حوكمی لێ ئيجرا ئه‌كه‌م وه‌ی بكه‌م كه‌ركووک به‌ جارێ ئافه‌رينتان پێ بكه‌م بۆچی وا عاجز نه‌بێ، وا چابوكی ڕيسوا ئه‌كه‌م گاسنی هه‌جووم له‌ وه‌ردی شێخ ڕە‌زا مه‌عته‌ل بووه‌ نايبڕێ شوكری به‌ بيللا گاسنی پۆڵا ئه‌كه‌م شێخ ڕەزا ھەجوی شوکری ده‌کات حیزێک که‌ ئه‌گه‌ر قسه‌ ببه‌ستێ به‌ ڕه‌زاوه‌ بێ‌شک به‌ حه‌ڵاڵی له‌ کوزی دایکی نه‌زاوه‌ بێ حیکمه‌ت و بێ قیمه‌ت و بێ جێ نییه‌ شیعری عومری له‌ هه‌وه‌ڵ تا ئاخری تێدا ڕزاوه‌ شوکری گه‌ن و گۆخۆری سوله‌یمانییه‌ ئه‌م وت هه‌ر چه‌نده‌ که‌ ئه‌م دی وه‌کوو لۆتی ده‌گه‌ڕاوه‌ ++++++++++++++++++++++ سەرناو: شوکری وه‌ڵامی شێخ ڕە‌زا ده‌داته‌وه (٥)‌ سەبارەت: نووسین: کەماڵ ڕەحمانی شاهم شێعری خۆت وه‌رگره‌، كه‌م ده‌ماغ و سه‌رسه‌ری ئه‌گه‌ر من زۆڵی سنه‌م، تۆ پووشت و گه‌وواد و كه‌ری شێخ ڕەزا ھەجوی شوکری ده‌کات تۆيچ لێمان بووگی به‌ شاعير ئه‌ی حه‌رامزاده‌ی سنه‌ بۆچه‌ شانێ ناخه‌فێنی، مه‌سره‌فی چه‌س ئه‌و تنه‌ عيززه‌ت ئاهه‌نگی له‌كوێ بوو ئه‌ی كوڕی وه‌ستاشه‌فێ وردەئاهه‌نگێ كه‌ فه‌رمووت ها وه‌لای وه‌ستاژنه‌ ++++++++++++++++++++++ سەرناو: شوکری وەڵامی شێخ ڕەزا دەداتەوە (٦) سەبارەت: نووسین: کەماڵ ڕەحمانی - دیوانی شێخ ڕه‌زای تاڵه‌بانی، ساغ‌کردنه‌وه‌ و شه‌رحی: شکور مسته‌فا، چاپی یه‌که‌م، هه‌ولێر ٢٠٠ ز، لاپه‌ڕه‌ ١٩٠. شێخ ڕەزا وا دیارە ئەمڕۆ مەیلی گاندانت ھەیە حازرم، تۆش ڕێ و شوێنی خاسسی میوانت ھەیە شیعرەکەت مەزموونی عیجزی تیایە دیارە چاوەکەم شەرتە نەیھێڵم ھەچی خارشتی ناو ڕانت ھەیە شێخ ڕەزا هەجوی شوکری و جەمیل سدقی زەهاوی دەکات ژن یەکێ بوو من ھەر ئەمگوت ئاخ لە دەس ئەم جادووە بۆچ قوڕی عالەم بە سەر خۆم دا نەکەم ئەمجا دووە ++++++++++++++++++++++