شاعیر: گۆران
کتێب: لە کۆڕی خەباتا
سەرناو: بێشکەی مناڵ
سەبارەت: بەرڤیخە - ١٩٦٢

دایک دای ڕەنج، بۆ مناڵ دای؛ 
بۆ بزەی ناو بێشکەی ئارام، 
بۆ شیرینیی گڕوگاڵ دای... 

باوک هەچ ئارەقێکی ڕشت
بۆ ئەوەی ڕشت - من دڵنیام -
نەمری کات: بڕبڕەی پشت... 

ئای ئەو ماڵە چەن ئاوایە: 
کە دایک و باوک لای بێشکەدا، 
گوێیان لە مشەی ساوایە! 

ئای ئەو ماڵە چەن بێ باکە: 
کە لە بارووت و لە بۆمبا
ژێر بێشکەی مناڵیان پاکە! 

ئای چەن خۆشە: ماڵێک بێ وا
ڕووی دنیا، ئەم پەڕ تا ئەوپەڕ، 
دڵنیا بین بێشکەی ساوا
نابێ بە خۆڵەمێشی شەڕ!

++++++++++++++++++++++