شاعیر: گۆران
کتێب: سروشت و دەروون / دەنگی دەروون
سەرناو: ئەی نەی

ئەی نەی! چییە وا بە سۆز و سازی؟ 
بۆچ تۆش وەکوو ئێمە عیشق بازی؟ 
یا مەحرەمی ڕازی عاشقانی؟ 
بۆ ئاهی دەروونی تەرجومانی؟ 


***


لەبڕێزە دڵی زەعیف و زارم، 
لەو عیشقە مەئالی ئیزتیرابە، 
لەو تایە کە پێوە بێ قەرارم، 
لەو سەممە کە موهلیکی شەبابە! 


***


ئامالی عەزیزی نەوجەوانیم
پامالی مەزالیمی زەمانە؛ 
هەر سانییەیەک لە زیندەگانیم
عەسرێکی هەموو خەمی جیهانە! 


***


ئەی نەی! دە بە نەغمەیی خرۆشان
ئەم ناوە بە جارێ پڕ سەدا کە؛ 
بۆ ڕۆحی شکستەباڵی ناڵان
لاوانەوەیەک بە کوڵ ئەدا کە!

++++++++++++++++++++++