شاعیر: نامی
کتێب: بارانی ڕەحمەت
سەرناو: ئیعجازی ئەخلاقی

لە گشت باڵاتر موعجیزەی ئەخلاق
سەرگەردان ئەکا عوقەلای ئافاق


ئەو سیدق وسەفا و ئەو ئەمانەتە
ئەو عەھد و وەفا و ئیستیقامەتە


ئەو شەرم و شێوە و ئەو شوجاعەتە
ئەو حەوسەڵەیە، ئەو مەتانەتە


ئەو چاوپۆشییە و ئەو سەماحەتە
ئەو شەھامەتە و ئەو سەلاحەتە


ئەو دڵ گوشادی و ئەو تەوەککولە
ئەو خۆگرتنە و ئەو تەحەممولە


ئەو دڵسۆزییە و ئەو دڵدارییە
ئەو میھرەبانی و بێئازارییە


ئەو تێکۆشینە لە ڕێی ئەم شەرعە
ئەو بێتەماعی و ئەو زوھد و وەرعە


ئەو ئیعتیدالە لەبۆ ڕەفتاری
ئەو حەلاوەتە لەبۆ گوفتاری


گشت موعجیزە بوون بۆ زومڕەی ئەنام
ئیتر نایەوێ توول دان بە کەلام

++++++++++++++++++++++