شاعیر: نامی
کتێب: بارانی ڕەحمەت
سەرناو: ڕشتەی نەسەبی حەزرەت ﷺ لە ھەردوو لاوە

نەسەبی سابت بۆ ڕەسوولەڵڵاھ
بۆت بەیان بکەم: ئەووەڵ «عبداللّه»


«عبدالمطّلب» بەرزی بێلەکە
مایەی ئیفتیخار بۆ ئەھلی مەککە


«هاشم» و «عبدالمناف» و «قُصَيّ»
«كِلاب» و «مرّه»، ھەم «كعب» و «لُؤَيّ»


«غالب» و «فهر» و «مالك» بزانە
لەمان بەرەوژوور «نضر» و «كنانه»


«خذيمه، مدرك، الياس» و «مضر»
«نزار» و «مَعد، عدنان»ی سەروەر


ڕشتەی والیدەی «آمنه، وهَب»
«عبدالمناف» و «زهره»ی بە ئەدەب


لەوەوژوور «كلاب» لای ئەم باپیرە
یەک ئەگرن ڕشتەی ئەم ھەردوو تیرە


ئەم ڕشتە بەرزە بە حوکمی دەلیل
ئەگات بە «قيدار» کوڕی «اسماعيل»


ھەموو سەربەرز و مەرد و سەرفەراز
بەوان ئاوا بوو مەککە لە حیجاز


ھەڵبژێراوی خودای عالەمن
ساحێب شەرەفی نەسڵی ئادەمن

++++++++++++++++++++++