شاعیر: نامی
کتێب: بارانی ڕەحمەت
سەرناو: شەرتی ڕۆژوو چییە؟

شەرتی ڕۆژووە نیەتی ئینسان
بە شەو بۆ ڕۆژووی ڕۆژی ڕەمەزان


نابێ ھیچ عەینێ بە ڕۆژا بڕوا
بە خاڵیایی ئەندامی تۆدا


وەکوو کراکە و برناخ و گەروو
سک، بەر و دوا، حاڵی ببە زوو


زەرەری نییە بە دڵ نەلەرزی
بگاتە ڕەگت دەرمانی دەرزی


ھەم بێزەرەرە دەرمانی ئەجزا
با تەئسیر بکا لە مۆخ و ئەعزا


چونکی سک نییە بە عورف و عادەت
«مغني» ببینە و وەربگرە حیکمەت


بەڵێ کە دەرزی گەییە نێوی سک
ڕۆژوو ئەشکێنێ بەبێ شوبھە و شک


زەرەری نییە تۆزی سارا و دەشت
تەئسیری کلیش کە چاوت پێ ڕەشت


دووکەڵی کوورەیش بە قەدەر عادەت
نەک ھی جگەرەی تاڵی پڕ بیدعەت


پارێز لە عەمدی جیماع و ئینزال
خۆ ڕشانەوە شەرتە بێ جیدال


جیماعی عەمدی بۆ شەخسی فاعیل
قەزا و کەفارەت پێی ئەبێ حاسیل


ئازاد کردنی عەبدێکی بە دین
لە عەیبی عەمەڵ سالم بێ و ئەمین


جا ڕۆژووی دوو مانگ لەپاش ڕەمەزان
ئیفتاری ڕۆژووی نەیەتە ناویان


ئینجا نان دانی شەست کەسی میسکین
بۆ ھەر یەکێکیان موددێ، قووتی ژین

++++++++++++++++++++++