شاعیر: شاھۆ
کتێب: دیوانی شاهۆ
سەرناو: کەوکەبی تاریکە تاڵە شوومە کورد

کەوکەبی تاریکە، تاڵە شوومە کورد
بۆیە وا دائیم لە حەق مەحروومە کورد


بۆ تورەقی کۆششە ئیشی کە چی
سەیر ئەکەی پاش کەوتوو و مەزڵوومە کورد


واسیتەی ئەم نەگبەتی و پاش کەوتنەی
گەر تەئەمول کەی لەلای مەعلوومە کورد


سوئی زەن، فیتنە و حەسەد، کیبر و نیفاق
ئەم سیفاتانەن کە پێی مەشئومە کورد


بێ سوباتی و سەر ڕەقی و بێ مەسلەکی
بووەتە ئەسبابی ئەوەی مەحکوومە کورد

++++++++++++++++++++++