شاعیر: ئاوات
کتێب: شاری دڵ
سەرناو: ڕۆژی هه‌ل
سەبارەت: (قاقڵاوا، ١٣٤٢ ی هه‌تاوی) - لاپەڕە ١٩٣ ی چاپی جه‌عفه‌ر. له‌ چاپی ئەنیسیدا نه‌مدۆزییه‌وه‌

سه‌د شوکر کورده‌! ئه‌وڕۆ ڕۆژی هه‌له‌
هه‌له‌ هه‌ڵکه‌وتووه‌، فه‌رموو به‌ په‌له‌

وه‌ره‌ مه‌یدان و له‌خوێن سوورکه‌ وڵات
وا، که‌ له‌و خوێنه‌ ته‌رم بێنه‌ مه‌له‌

گه‌رچی ئێستاکه‌ به‌ چاو ده‌یبینی
دوژمنت شیک و جوان، قیت و به‌له‌

دێ زه‌مانێکی له‌به‌ر ده‌ست و په‌لت
خۆ بکا پان، بکه‌وێ چه‌شنی سه‌له‌

ئه‌وده‌مه‌ تۆڵه‌ به‌ ده‌ست بێنه‌ ئه‌گه‌ر
پیاوی، بگره‌ نه‌ته‌ویی خۆت به‌ په‌له‌‌‌‌

++++++++++++++++++++++