شاعیر: مارف ئاغایی
کتێب: زەوی سەخت و ئاسمان دوور
سەرناو: خۆشەویستی

ئاسمان بە قەد منئەستێرەکانی خۆش ویستبایە، 
هیچ ئەستێرەیەک
دانەدەڕژا. 

زەریا بە قەد من
ماسییەکانی خۆش ویستبایە، 
هەرگیز دەنووکی ماسیگرەکان
نەدەبووە تابووت. 

چیا بە قەد من
بەفری خۆش ویستبا، 
یا هەر چوار وەرزان بەفری دەماوە، 
یا خۆیشی لەگەڵ ئەوا دەتواوە. 
بەڵام داخەکەم
ئاواتم: ئاسمان، زەریا و چیایە
خۆیشم : ئەستێرە و ماسی و بەفرم.

++++++++++++++++++++++