شاعیر: شێرکۆ بێکەس
کتێب: مێرگی زام مێرگی ھەتاو
سەرناو: لە شەوێکدا

«با»یەک دای لەسەر و قژمسەر و قژم، بوون بە لق و پۆپی دارێ. 
دار هەنارێ گوڵێکی خۆی گرتە سنگم
سنگیشم بوو بە گوڵجاڕێ. 
کچێک قومێ ماچی دامێ و
دوو لێوم بوون بە ڕووبارێ. 
کە منداڵێکی ڕواندایش، سەری خۆی و
مەمکی دایکی و
دەستی باوکی
لەڕێی TVەوە بۆ ناردم
دارم کوێر بوو
گوڵجارەکەم کۆچی کرد و
ڕووبارەکەم شینی کرد و
من ئەو شەوە هەڵبەستێک بووم
تا بەیانی تەم دای گرتم!

++++++++++++++++++++++