شاعیر: شێرکۆ بێکەس
کتێب: مێرگی زام مێرگی ھەتاو
سەرناو: سێ کورسی

کورسیەکەی بەرگەڵوکورسیەکەی ئەوروپا
کورسیەکەی پەرلەمان
لەسەر یەکەم سەرم بوو بوو
بە چەتری گوڵە کێویلە و
ژووری ژووانی باڵندە و
جۆلانەی خەونی سەردابان. 
لەسەر دووەم سەرم بوو بوو
بە سەماگەی نیوەشەوی
لەش و لاری شیعری ڕووت و
ئەپارتمانی شووشەبەندی ڕەنگاوڕەنگ و
حەوزی مەلەی پەریستان و
قەوانی جاز. 
لەسەر سێهەم سەرم بووە: 
بە بازگەی گومرگی دزیی و
سایلۆی خاڵیی لە گەنم و
تەنەکەی نەوتی بەتاڵ و
تایەی قاچاغ!

++++++++++++++++++++++