شاعیر: شێرکۆ بێکەس
کتێب: مێرگی زام مێرگی ھەتاو
سەرناو: داری ژاڵە

هەر ئەڵێی داری ژاڵەیەبە کراسێکی سوورەوە
لە سووچێکدا ڕاوەستاوە. 
ئەمڕۆ ئێرە
سەراپای ئەم «ئەنقەرە»یە
بۆنی چەکمە
بۆنی قەمە
بۆنی ئەتاتورکی لێ دێ! 
من سەر بەرەو ژوور بوومەوە
چارەکێک و گەڕامەوە
کراسی سوور
داری ژاڵە
چاوەڕوانیی
دیار نەمابوون
لە جێگەی ئەو، ڕۆژنامەکە
لەناو خوێنێکی تازەدا
(با) پەڕەی هەڵ ئەدایەوە و
لە پەناوە
چاوی من و شەقامی چۆڵ
ئەیخوێندەوە! .

++++++++++++++++++++++