شاعیر: سەید تاهیر
کتێب: ھەوارگەی دڵان
سەرناو: مەگەر کاڵای وەفایایی نەماوە

مەگەر کاڵای وەفایایی نەماوە
مەگەر نرخی موحەببەت تێکشکاوە


مەگەر تەبعی جەوانمەردان لەئیمە
مەگەر زەینی سوخەنسەنجان عەقیمە


مەگەر ئەهلی تەسەووف بێ سەفا مان
مەگەر ئەربابی دانش بێ زەکا مان


مەگەر بەحری هیمەم وشکە سەراوی
مەگەر هەوری کەرەم بێ ئاوە تاوی


مەگەر شیعر و ئەدەب قەدری نگوونە
مەگەر فەزڵ و هونەر خوار و زەبوونە


مەگەر دوڕڕی سەجایا ناڕەوایە
مەگەر نەقدی مەزایا کەمبەهایە


وەفا کاسید تەقەللوب چاک و مەتڵووب
سەفا فاسید تەزەوور باش و مەحبووب

++++++++++++++++++++++