شاعیر: مینە جاف
کتێب: دیوانی مینە جاف
سەرناو: برا گیان ئاما نامەی پڕ لە خەم
سەبارەت: بۆ عەزیزی فەتاحی مەحمودی یاروەیس لە هەڵەبجە

برا گیان ئاما نامەی پڕ لە خەم
بن چینەی شاییم دەرکەندا وە هەم


دەرکێشا ڕیشەی نەشاتم جە بێخ
جگەر قیمەت کەرد پەی کەباب و تێخ


دەورەکەی قەدیم وە یاد ئاماوە
ئاهر جە هەردەی دەروون بەرداوە


ئازیزم ئازام یەکسەر ڕێزنا
خەرمانی هەوا و عەیشم سوزنا


پێم نەما تاقەت تەوانا و تاوم
چون سەیلەن ئەسرین هۆناوەی چاوم


براکەم گەردوون یە ڕەفتارشەن
دڵ وە هون کەردەن ئاخر کارشەن


بە خوا هیچ کەسێ نمازۆ وە شاد
نە من تەندروس نە تۆ خەم وە یاد

++++++++++++++++++++++