شاعیر: مینە جاف
کتێب: دیوانی مینە جاف
سەرناو: بە نۆی ئەیلوول و پاییز فەسڵی دڵکەش
سەبارەت: لەدایکبوونی مەحموود سەرتیپ

بە نۆی ئەیلوول و پاییز فەسڵی دڵکەش
بە ڕۆژی شەممەیی عالی سەعات شەش


لە عەین و فەیزی ئەو ڕۆژە سەماوات
منەوەرتر لە ڕۆژان بوو بە سەدقات


بە پەروین موشتەری ئەیدا مونادی
جهان پڕ بوو لە زەوق و کەیف و شادی


بەشیرێ هات و هاوردی بەشارەت
غەم و ئێشی دڵی بردم بە غارەت


وتی ئەمڕۆ لە گەنجینەی کەرەم کار
بە تۆ دریا کوڕێ وەک دوڕڕی شاوار


کوڕێ مەسعوود ساحب بەخت و ئیقباڵ
بە نۆی ئەیلوولی هەژدەی مانگی شەووال


لە ئینعام و عەتایی داوەری حەی
وتم حەمد و سەنا و شوکری بێ پەی


کرا مەولوود و نەزر و شایی تەرتیب
بە ئارا ناونرا مەحموود سەرتیپ


موئەڕڕێخ کردی بەحری ئەبجەدی تەی
وتی مێژوو بە سەرو و غونچە هەی هەی

++++++++++++++++++++++