شاعیر: مینە جاف
کتێب: دیوانی مینە جاف
سەرناو: کوا نەتیجەی مەکتەب و تەحسیل و کرد و کارەکەت
سەبارەت: بۆ ئەو منداڵە بەگزادانەی ساڵی ١٩٣٧ کە نەیانتوانی لە شاری کفری و سلێمانی و باقووبە خوێندن تەواو بکەن بە دەس بەتاڵی گەڕانەوە.

کوا نەتیجەی مەکتەب و تەحسیل و کرد و کارەکەت
پێم بڵێ چی بوو حوسوولی زەحمەت و ئازارەکەت


بۆ چی وات زانیوە عرفان تەرکی نوێژ و ڕۆژووە
یا بەمە بووی بە مونەووەر لاریکەی سیدارەکەت


ڕەنگە وات دانابێ خوێندن کافری و بێ دینییە
یا وەکو گودلە و تەراش تەنویر ئەکا ئەفکارەکەت


کەی بە گودلە و سوێڵ بڕین بوونە مونەووەر ئەجنەبی
خەڵق بە تەییارە و زەرێلی تێنە ناوی شارەکەت


پارەکەت لێل خۆت بەرە بۆ مەکتەبی ئەڵمان و ڕووس
گوێ لە مینە بگرە! لاچۆ! بێ فەڕە دینارەکەت

++++++++++++++++++++++