شاعیر: مینە جاف
کتێب: دیوانی مینە جاف
سەرناو: فەرەحدەر وەک نەسیمی بەر بەیانی
سەبارەت: مێژووی لە دایک بوونی حەمە سەعیدی حەمە بەگی ئامۆزام

فەرەحدەر وەک نەسیمی بەر بەیانی
فەرەحدەر وەک نەسیمی بەر بەیانی


شەوێ عالی شەرەف پڕ زەوق و شادی
فریشتە یەک بە یەک ئەیدا مونادی


کە ئەمشەو ساعەتی لوتف و سەخایە
سەراپا شوعلەیی نووری خوایە


لە یومن و حورمەت و فەیز و سەوابی
خەزێنەی لوتفی حەق کریا وە قابی


کەرەم کریا بە توولی عومر و تالع
سەعید ئەو شەو بڵیێ وەک دوڕڕی لامیع


لە پاش ئیزهاری شوکری زاتی باری
بۆ مێژووی چوومە ناو باغی بەهاری


کە چی فەرمووی ئەدیبێکی موئەڕڕیخ
بڕۆ بیکە بە غونچە و سەرو و تاریخ

++++++++++++++++++++++