شاعیر: مینە جاف
کتێب: دیوانی مینە جاف
سەرناو: شەوێ نوورین وەکوو بەختی سەعیدان
سەبارەت: بارامی ڕەزابەگ

شەوێ نوورین وەکوو بەختی سەعیدان
بە شەوق و شوعلە نوورین، پاکی دەوران


بە سروەی بای نەسیم ئەو شەو سەراسەر
موعەتتەر بوو بە عەتری میسک و عەمبەر


شەوی جومعە شەوی بەرز و شەرەفدار
کراوە قاپییی بەخشینی دادار


لە خەزنەی زاتی حەق کریا کەریمێ
کوڕێ نەک کوڕ بڵێ دوڕڕی یەتیمێ


لە دوای خۆشی و ئەدایی شوکری یەزدان
بە کوردی ناونرا بارامی کوردان


موئەڕڕیخ کردی تاریخی موبارەک
بە هود و ئیقرەء و شەمس و تەبارەک

++++++++++++++++++++++