شاعیر: مینە جاف
کتێب: دیوانی مینە جاف
سەرناو: شەوێ شیرین و دڵکەش وەک شەوی عید
سەبارەت: لەدایکبوونی سالاری داود بەگ (١٣٥٧ی کۆچی)

شەوێ شیرین و دڵکەش وەک شەوی عید
جیهان ئەفرووز بوو ئەو شەو میهر و ناهید


دوو شەو زیلحەججە مابوو بۆ موحەڕڕەم
لە خەزنەی ڕەحمەتی خەللاقی ئەکرەم


کەرەم کریا بە ئەمری حەیی دادار
کوڕی خۆشبەخت و تالع ناوی سالار


موئەڕڕیخ کردی تاریخی موبارەک
تاها و ئیقرەء و شەمس و تەبارەک

++++++++++++++++++++++