شاعیر: مینە جاف
کتێب: دیوانی مینە جاف
سەرناو: دەخیلت بم وەکو عارەب بە قوربان دەست و دامانت
سەبارەت: بۆ شێخ حەسەنی قەرەچێوار

دەخیلت بم وەکو عارەب بە قوربان دەست و دامانت
تەماشای حاڵی مەنسووبی سەگی بەر قاپی دیوانت


ڕەواهی غیرەتە بۆ تۆ سەگی قاپیت بۆ ئەم حاڵە
ئەسووتێ و بە مەئیووسی فەقیری دیدە گریانت


مەدە تۆ بی و خوا، یا پیر نەماوە قووەیی تامول
دەوایی دەردی کاریم کە، سەر و ماڵم بە قوربانت


ئەوانی هیممەت و لوتفە، دەسە و داوێنتم ئەلئامان
تەداوی زامەکانم کە تەبیبا تۆ و قورئانت


ببەخشە مینە بەو نوورەی کە شوعلەی ڕوویی تاهایە
لە ڕێگەی ڕەحمەوە سەیرێ بە حاڵم کە بە چاوانت

++++++++++++++++++++++