شاعیر: بەختیار زێوەر
کتێب: دیوانی بەختیار زێوەر
سەرناو: چەند شیرینە لام دار و بەردی وەتەنم
سەبارەت: گۆرانی لەسەر وەزنی مارشی خدێوی

چەند شیرینە لام دار و بەردی وەتەنم
بە فیدای ئەکەم سەر و گیان و بەدەنم


خاکی وەتەنم گشتی زیو و زەڕە
بەردی وەک گەوهەرە، ئاوی چەشنی کەوسەرە


فەرزە بۆ وەتەنمان جان فیدا کردن
لە ڕێی ئەم خاکەدا بە کۆمەڵ مردن


دەسا کوردینە بەسیە ئەم حاڵەتە
بۆ تەرەفقیی قەومی کورد، ئەمڕۆ ڕۆژی هیممەتە

++++++++++++++++++++++