شاعیر: بەختیار زێوەر
کتێب: دیوانی بەختیار زێوەر
سەرناو: بێ شەوقە قەمەر وەختێ کە هەڵدێ لە هیلالا

بێ شەوقە قەمەر وەختێ کە هەڵدێ لە هیلالا
مۆمێکە لە چاو حوسنی ڕوخی دڵبەری والا


شێتی لەبی تۆم، وێڵم و مەجنوونی بیابان
پەروانەیە دڵ، وێڵە بەدووی دیدەیی کاڵا


عەیشم هەنموو غەم، بێ خەو و خۆراکە وجوودم
تۆش کافری ڕەحمت نییە یەک ئان لە خەیاڵا


مردن بەشی گەورەی منە لەم ڕێگەیە قوربان
ڕەحمێ بکە تۆش بمخەرە دەر لەم بنی چاڵا


لەم ڕێگەیی پڕ تاب و غەمە فایقی زێوەر
سووتانە بەشی، مردنە حیسسەی لەمە ئاڵا

++++++++++++++++++++++