شاعیر: ویساڵی
کتێب: دیوانی ویساڵی
سەرناو: ئەوێستا ئەهلی عیلمە دڵ بریندار

ئەوێستا ئەهلی عیلمە دڵ بریندار
لە فەقر و بێنەوایی زار و بێزار


هەمووی کوشتن بە زیللەت چەرخی دەووار
نە هەر بێ نانی هەم مردن بە بێ دار

***

بە مەیلی جاهیلانە دەوری گەردوون
بە غایەت دوشمنێکی بێ ئەمانە


سەراسەر کیزبە قەولی ئەم جیهانە
لەوی ئەتداتێ لێت نەکا بە تاعوون

***

مەنازە قەت بە ماڵی پووچی دنیا
وەکوو قاروون هەزاری کرد ڕیسوا


بە ڕیش و مێزەر ئیش نابێ موهەییا
عەمەل ماڵە، لە دنیا و لە عوقبا

***

نەجیبە چون فەقیرە غەرقی خوونە
بەڵێ بەختی هونەرمەند سەرنگوونە


کە دنیا تا هەیە تالیب بە دوونە
ئەوێستا گەورە دوون و گەورە مادوون

++++++++++++++++++++++