شاعیر: عورفی
کتێب: دیوانی عارف عورفی
سەرناو: برادەر ڕوو لە درگاهی خودا کە

برادەر ڕوو لە درگاهی خودا کە
خوداوەندێ کە وا تەنها و تاکە


نەکەی تۆوی خراپە دانەچێنی
برام بەزری خراپ ناهێنێ چاکە


خراپە هیچی لێ نایەتە بەرهەم
بکە چاکە برادەر چاکە چاکە


نەتیجە و عاقیبەت هەر چوونە بۆمان
لەجێی کەیف و سەما ڕوو لە سەما کە


زەمانە زۆری وەک تۆی خست و کوشتی
نەبەستی پشت بە پشت ئەم کۆنەلاکە


هەزارانی وەکوو تۆی خستە ژێر خاک
لەدەس ئەم پیرە تا ئەتوانی ڕاکە

++++++++++++++++++++++