شاعیر: کەمالی
کتێب: دیوانی کەمالی
سەرناو: لە دڵما نووکی برژانگی بە وێنەی تیری ڕوهامە

لە دڵما نووکی برژانگی بە وێنەی تیری ڕوهامە
لە حەسرەت زوڵفەکەی ڕۆژم بە ڕاستی هەر وەکوو شامە


نیگار لەیلایە من مەجنوون و دەشتی شارەزوور ئەمڕۆ
دوجەیلە تاری زوڵفی پڕ خەمی زنجیری سەودایە


خۆشە ئەحواڵی ئەو مەستەی لە بەزمی بادە نۆشانا
نەزانێ لێوی دولبەر کامەیە و مینایی مەی کامە


نەوەک لەیلا و مەجنوونە نەوەک شیرین و فەرهادە
قسەی عەشقی من و تۆ داستانی بێ سەرەنجامە

++++++++++++++++++++++