شاعیر: کەمالی
کتێب: دیوانی کەمالی
سەرناو: دنیا هەموو خەم و خەفەت و دەرد و مەینەتە

دنیا هەموو خەم و خەفەت و دەرد و مەینەتە
یا خەونە یا خەیاڵە وە یا خۆ حیکایەتە


ڕابووردوو ڕۆیی تێپەڕی داهاتوو چاوەکەم
تەنها خەمی نەخۆشی و مەرگ و ڕەزالەتە


تا ماوی تێری لێ بخۆ لە ڕێی خودا
نایبەیتە گۆڕی تەنگەوە ئەم ماڵ و سەروەتە


بۆ زێڕ مەبە بە نۆکەری بێگانە ئەی برا
هەرکەس وەهابێ ڕووڕەشی ڕۆژی قیامەتە

++++++++++++++++++++++