شاعیر: کەمالی
کتێب: دیوانی کەمالی
سەرناو: ئەگەر مەردی لە دنیادا سەبوکبار و قەلەندەر بە

ئەگەر مەردی لە دنیادا سەبوکبار و قەلەندەر بە
ڕەفیقی ساقییی سادە و حەریقی جام و ساغەر بە


وەکوو زاهید خەمی جەننەت مەخۆ ئاسوودەخاتر بە
بە تەقریری ئەزەل ڕازی بەبێ پەروا لە مەحشەر بە


هەژاری و بێ نەوایی شاهییە وەک خواجە بۆ پارە
مەبە ڕیسوایی دنیا و عاقیبەت بێ پووڵ و بێ زەڕ بە


کەسێ مەردە کە ئازاری دڵی خەڵکی نەدا هەرگیز
کە جەلبی قەلبی مردوم کەیت بڕۆ سەردار و سەروەر بە


ئەگەر عاقڵ بی عیلم و مەعریفەت تەحسیل ئەکەیت وەرنێ
کە شێت و جاهیلیت عەوداڵی ئەهلی قاتر و کەر بە

++++++++++++++++++++++