شاعیر: کەمالی
کتێب: دیوانی کەمالی
سەرناو: دڵم دەردت بە دەرمان گەر نەزانێ با لەتوپەت بێ

دڵم دەردت بە دەرمان گەر نەزانێ با لەتوپەت بێ
سەرم گەر بەردەبازی ڕێت نەبێ دووچاوی مەینەت بێ


وەکوو لوتفت ئەگەر جەور و جەفای پێ خۆش نەبێ عاشق
خوایە شەرمەزار و ڕووڕەشی ڕۆژی قیامەت بێ


ئەوەی ڕۆیشت خەیاڵی هاتنەوە جارێکی تر ناکا
لە لام وایە قیامەت بێ غەم و دەرد و موسیبەت بێ


پیادە بوو بە فەرزین کش ئەکا ئاخر لە شاه یا ڕەب
نەکەی ئینسانی ناکەس نائیلی خۆشی و سەعادەت بێ

++++++++++++++++++++++