شاعیر: کەمالی
کتێب: دیوانی کەمالی
سەرناو: حەیفە گەر بێت و بڵێم تۆ گوڵی باخ و چەمەنی

حەیفە گەر بێت و بڵێم: تۆ گوڵی باخ و چەمەنی
گوڵ ئەبارێ لە دەمت کاتێ کە تۆ پێئەکەنی


نرخی یەکجاری شکا قەند و شەکر لەم شارەدا
خەڵکی کاتێ کە دییان دەم گوڵ و شیرین سوخەنی


تۆ بە سڵ کردن و وەستانەوە و ڕاکردن
خۆت نیشان داوە کە کارئاسکی دەشتی خوتەنی


بە برۆی چەشنی کەوان و بە موژەی وەک تیرت
تێگەیشتم کە فەڵاموورزێکی سەف شکەنی


ئاشکرام بەس بکە ئەی دڵ کە ئەبینی دڵدار
هەموو ئەندامم ئەلەرزێنێت لە پڕ ڕائەچەنی

++++++++++++++++++++++