شاعیر: کەمالی
کتێب: دیوانی کەمالی
سەرناو: لە دووری تۆ نیگاری بێ وەفا و دین

لە دووری تۆ نیگاری بێ وەفا و دین
سەفایێکی نییە چوارباخی پێنجوین


بەبێ ڕووی تابدار و وردە خاڵت
نییە شەوقی لە لای من مانگ و پەروین


مەهێڵە ڕۆژی من ڕەش بێ نیگارا! 
لەسەر ڕوو لابدە تۆ زوڵفی پڕچین


قسەی عەشقی منوتۆ هاتە مەیدان
ئیتر باسی نەما فەرهاد و شیرین! 


فیدای ئەو چاوە مەستەی کە کەمالی
ژیان و عەقڵ و هۆش و سەبر و تەمکین

++++++++++++++++++++++