شاعیر: کاکەیی کتێب: شیعرەکانی حیلمی کاکەیی سەرناو: ئاخر گفتارم سەبارەت: بەزمانی سەیید چۆ سەوزەوە بۆ فەقێ حەمە حەیدەر ئاخر گفتارم... گشت نیشاندەران ئاخر گفتارم گفتار بێ نیشان مەدۆ ئازارم بەندە قاپی یۆم نیشاندا وەنەت قاپی یەک دیشەن بواچۆم پەنەت هەق فرسەت بدۆ دڵشادم کەرۆ کەس بێکەسان نەجاتم دەڕۆ حەوڵت پەی مەدی ماوەری بەشت وەشەرتێ چەنیم هیچ نەبۆ غەشت بەندەی گوناه کار دڵشاد شارە ئۆمێد گەورەم وە چواردە یارە ئەتۆ مەواچە سەی چۆ سەوز یارە چۆ سەوز نە جوملەی گشت گوناه کارە ئەی ئەی سەیید حەمە دڵ جەلا دەرم دڵشادم کەرۆ ئاغای قەمبەرم ++++++++++++++++++++++ سەرناو: ئاغا ئامادە سەبارەت: ١٩٥٨/٥/٥ - بۆ سەیید عەلی نەغە ئاغا ئامادە... لەشکر حازرەن پەی جەنگ ئامادە پەنامان وە زات موشکڵ گوشادە جیهان یەک ڕەنگ بۆ تەمامی سادە نەواچی مەڵڵا مەدۆ گەوادە ها تەعلیم درمان پیر ئوستادە فیرقەی مونکیران وەبێ ئیرشادە چەو بۆنە وەیتەور مونکیر عینادە عەجایب غەوغا جەنگ و جیهادە ئەی جەنگ و جەدەل پەرێ بەغدادە قیسمێ چە یاران بێ ئیعتیقادە مەشغوڵ غەیبەت فیتنە و فەسادە دایم فریاد ڕەس هەر جە ئیمدادە پەی ئاشۆی شاران یاران دڵشادە سادر بی تەمام وەیتەور ئیرادە تەمام زەبوون مۆ بەگ و بەگزدە غەدر کەربەلا هەر هان جە یادە ڕەنج بەدکاران مەدان وە بادە جە سەبت تۆمار مونکیر نەفیادە ئوستاد ئاهن کاوەی حەدادە یاری خوڵاسە تەمام ئازادە وەختەن نەجات بین جەی مەرگ و زادە دڵ ها چە خرۆش پەی وەخت و وادە داخڵ وە شرووت ئابا و ئەجدادە جەڕای هەقیقەت بیمان پیادە جە نیمەی مەیدان تەمام ئیفتادە دڵان وێنەی بەفر جە ئینجیمادە وەجۆش کورە حەل مەبۆ مادە وەنفووس پیر شەهرم ئابادە هیممەت یاران ڕاست کەردەن جادە دەخیلەن ئاغا جە مونکیر لادە موهر هەقیقەت جە دڵ نیهادە جە دووری دیدەت دڵ چە فریادە جەواب شیعرم بکەر ئیعادە ++++++++++++++++++++++ سەرناو: ئاغا ئەشعارم سەبارەت: بۆ سەیید عەلی نەغە ئاغا ئەشعارم... ئەتۆ نەکیانای جەواب ئەشعارم ئەتۆ حەکیمی ئەمن بیمارم وەتیر بەدان دەروون زامدارم دەخیلەن پیرم ڕوود بکەر چارم کەشتی نەگرداب بەحر خونخوارم نەواچی مەڵڵا نەکەرد ئیخبارم ئامانەن مورشید بکەر بێدارم کەلام تەفریقە ناشی سوارم کۆتا خزمەتم وەبێ کردارم جەی دونیای فانی خەیلێ بێزارم گیر وەردەی گەرداب نەفس بەدکارم جامەی مەجازی بییەن وە زینهارم دەلیل حایرین بسازنی کارم عاجز و مەحزوون زەلیل و زارم هیچ کەسێ نییەن بدۆ دەست بارم غوسەی ئەی جیهان ڕێزنان دەمارم پەی ڕەهنەموونی دڵ ئینتیزارم وە دەست نامەرد نەکەی شکارم جەڕای هەقیقەت تێک نەی ئەفکارم شادی وە میسقاڵ خەم وە خەروارم هەر وختێ زانای جە تۆی مەزارم میهمان دونیای ئەی ڕا گوزارم مەست ڕۆی ئەلەست دیدەی خومارم خاسیم نەکەردەن بەد بییەن کارم ئێستا پەشیمان خەجاڵات بارم یا هەق ڕاست باری وەزن ئەشعارم سینەم پڕ خەزنە گەوهەر بۆ بارم یا رب العباد بشنەو هاوارم پەی ڕاگەی غەڵەت نەکەی ئیجبارم عاسی عوسیان بار هەم شەرمەزارم ناقیسەل عەقلم نییەن کردارم هەم ئەختیار و پیر دەروون بیمارم کەلب ئاستانەی دوڵدوڵ سوارم یا زات مەولا تۆنی میعمارم خەرابە زارەن لاهوورەن شارم پەی شای خوراسان بەندە زەوارم بێ پارە و بێ پووڵ وەبێ دینارم شەربەت شیرین بی وەژار مارم ئەسیر و مەحبووس قەڵعە و حەسارم وێنەی دار بید دایم بێ بارم بەد خووی بەد ئەخلاق ساحێب وەقارم بێ سەبر و بێ حیلم جە قین و قارم داخڵ وە گرۆی زومڕەی بەد کارم بێ یار بێ یاوەر زوڵماتی تارم جە تەعنەی مونکیر هیچ نییەن عارم چون گەدای موفلیس وێڵ نام شارم چەمەڕای مەوسم فەسڵ بەهارم یاهەق سەبووک کەی گرانەن بارم دڵ پڕ جە وەسواس دەروون غوبارم چەنی نەزانان وەهام جەوارم پەرێ هامسایان هەم وەفادارم نابینا و عەلیل بێ کەسب و کارم جە نام یارستان بێ ئیعتیبارم ++++++++++++++++++++++ سەرناو: ئاغا بێ عەلەف ئاغا بێ عەلەف... مەعلووم جووت ناکا گاو وەبێ عەلەف یاڕەب بکیانی پێشینەن سەلەف مەڵڵا بێ چایی مەبۆنێ بەترەف بێزارم چە دەست نەفس نا خەڵەف پەی تەعنەی ناکەس دڵ بییەن هەدەف عەجەب ئاشووبەن شمشێر نە ڕووی کەف دروێشان فیرار بێزار بین لە دەف هەردوو لا حازر لەشکر سەفا سەف مەڵڵای بێ باوەڕ یەکسەر بی کەنەف چە دونیا نەمەند حورمەت و شەرەف چە تۆکڵ شامی مەکەران سەدەف مەبۆ فیرار کەم پەی قەریەی شەنەف گشت ئیجبارییەن وەبێ موکەللەف غەمناکم چە دەست قەومانی ئەحلەف جاهیل و نەزان خەڵقان دەلەف سەد حەیف نەیجاگە ڕۆح کەردم تەلەف مەحروومم چە بەزم ئەو بادەی قەرقەف ئاخرش هیچ بی چەند عومر کەردم سەرف ڕووسیاو خەجەڵ دڵ سەرد وێنەی بەرف نویسنام یەک کیتاب وە سی و دوو حەرف تەحقیق مەکەران چە دیوان عەرف تازە مەقبووڵەن قەدیم ماچان خەرف مەعنا مەغلووقەن سڕ ها چە تۆی زەرف ئەوەڵ وە ڕەجای شای سوار ڕەف ڕەف دووەمین وەهیممەت پادشای نەجەف بۆ تەمەع ئەخۆن قەسەم و حەلەف بەڵا ئامادەن ئانیفەن ئەنەف ++++++++++++++++++++++ سەرناو: ئاغا مەغروورەن سەبارەت: بۆ سەیید عەلی نەغە ئاغا مەغروورەن... فیرقەی جاهێڵان تەمام مەغروورەن فیرقەی سەییدان گشت ئوجاخ کۆرەن خانەدان وێران یەکسەر خاپوورەن ئەحواڵی وەیتەور جە یاری دوورەن ئینە کەی ئەرکان شەرت و دەستوورەن ڕاگەی هەقیقەت بێ زوڵم و زۆرەن دەروون بێ کینە دایم پڕ نوورەن جەی سەردی ساعەت یاری زەروورەن خزمەت حەساوەن گفتەی زەبوورەن سککەی ئەهلی هەق هەمیشە مۆرەن واجیبات تەمام دڵ پڕ سروورەن وە بێڵ زوبان دڵان ڕەنجوورەن پەی جیفەی دونیا عالەم مەقهوورەن گرۆی یارستان جە شادی و سوورەن فیرقەی مونکیران دڵ چون دەیجوورەن جەی پرد فانی مەخلووق عبوورەن بەعزێ بێخەوەر بەعزێ غەیوورەن دەروون مەیخانەی ئاو ئەنگوورەن وەخت شەوق و زەوق خانە مەعموورەن مەعمووڵەن مەڵڵا پڕ جە قسوورەن أنا الحق واتەن کار مەنسوورەن جەی وەخت فەقیر حاڵ دایم مەنفووەن قەڵبم بەوێنەی گڕەی تەنوورەن هەمیشە دڵم هەر جە حزوورەن کۆتا خزمەتم عەفوت مەنشوورەن جە خانەی ئوجرەت نیشتەم مەجبوورەن یار بییەن وە مار دەور سەمتوورەن دەخیلەن ئاغا ببەر خەبەردار چە بەعزێ ئەتوار وێت کەر نیگادار کینە و عەداوەت بنەر وەلاوە پەرێ قەوم و خوێش بوە وە باوە هەنی کافییەن تەتویل کەلام مەعلوومت مەبۆ ئاخر سەرەنجام ++++++++++++++++++++++ سەرناو: ئاغە تاقەتم سەبارەت: نامە بۆ حەمە ئاغای خوبیلە لە سلێمانی ئاغە تاقەتم... ئەختیار و پیرم نییەن تاقەتم مەحرووم و مەئیووس چە مەلاقەتم وجوودم بادار هەنەن زەحمەتم گەردەن نیهادەی شاه قودرەتم مونتەزیر وە لوتف قاپی ڕەحمەتم ئەر سەد دڵ ئازار هەنەن حیددەتم کەمتەرین نە گشت یاری سیفەتم فیرقەی مونکیران مەکەن لەعنەتم وە سایەی یاران ساحێب دەوڵەتم سەر سەری کەم فام چە حەماقەتم جار جارێ دڵشاد گاه چە میحنەتم بێ شەوق و بێ زەوق دڵ پڕ زوڵمەتم کثیر العیال ساحێب کوڵفەتم لقا الله الحق مۆ قەناعەتم دایم خەجاڵەت کەردەی سەبقەتم چەنی غارستان نییەن ئولفەتم بێزار چە دیدار حۆری جەننەتم جەنی بەد گۆیان وە کەم مودەتم ڕەزیل و سەفیل چە نام عەشرەتم هەرچی خوداوەند کەرد وە قیسمەتم مەمنوون و مەشکوور شاه وەحدەتم چە بەعزێ ئوموور بێ شەفەقەتم وەلەو سکووتم زۆر وە دیقەتم یا حەق قەبووڵ کەی هەم دەخاڵەتم عاسی و شەرمەزار وە خەجاڵەتم زوبانم بڕیان وە سەلامەتم خەتای فراوان کەردەن ثقلەتم چەلای سەڕافان هەنەن قیمەتم بەڵێ چەی عەسرە نییەن ڕەغبەتم باوەڕ نەداران وە ڕیوایەتم نادر الامثال نەی جا قیللەتم بێ قەدر و حورمەت چە نام میللەتم مسکین و فەقیر بێ عەزەمەتم ++++++++++++++++++++++ سەرناو: ئاغە فیداتم سەبارەت: نامە بۆ سەیید ئەلیاس ئاغە فیداتم... ئاغە گیان قوربان تەمام فیداتم دائیما موحتاج دەنگ و سەداتم مونتەزر وە ئەمر وەعدە و سەعاتم ئیمساڵ وە خزمەت یاران نەهاتم یە خەیلێ وەختەن بڕیان بەراتم عاجز و مەحزوون چە گۆشە ماتم بێ شەوق و بێ زەوق وەبێ خەڵاتم لقا الله الحق مەدۆ قنیاتم بێزار چە دیدار حۆری جەنناتم مەبۆ بپەرسی داد و شکاتم پەرێ ئاغای وێم ئی شیعرە واتم چەی سەردی سەعات تەڵخەن ئەوقاتم چە دووری یاران زۆر خەجاڵاتم ئەختیار پیرەنان بێ دەستەڵاتم هەمیشە مەراق خاک و پای ڕاتم مەعیووب مەخڵووط ڕووی سەربەساتم نادان موفلیس وەبێ ئەقواتم چەی سەردی ساعەت دەروون زوڵماتم مەر زات بیچوون بدۆ نەجاتم دایم چە دووعای دەفع بەڵاتم ئەر قەبووڵ کەری بەندە مەڵڵاتم موقیم چە تەرفیع شەوق و جەلاتم شەبان تا وە ڕۆژ هەر چە سەناتم ئەر تاڵبەنی دایم چە لاتم دڵشاد مەسروور شەوق و خەناتم بەڵێ چی زەمان کەم ئیلتیفاتم ئاغا گیان هەر وەقت من وە تەماتم بەڵێ چە ئی وەقت وەبێ تاعاتم بێ یار و یاوەر وەبێ حاڵاتم یاران ڕەحم کەن وەحاڵ حەیاتم شیوەن بێهوودەن بعد المماتم فیدای ڕدێن، بەژن و باڵاتم مەبۆ گۆش بدەی وە مەلاقاتم وە هیممەت تۆ خۆش ئەشعاراتم غایەت لەذیذەن گشت مەقالاتم پەی ساڵێ هەنی سەوز مەبۆ کاتم پەرێ هیچ شەخسێ ئی ڕەزم نەواتم گشت وە ڕمووزەن یەکسەر ئەبیاتم موحتاج ئوستام کەمەن ئاڵاتم غایەت لەزیزەن کار و سەنعاتم ئوستاد کامڵ وەتۆ ڕەجعاتم چە زاهر سەواب خەفا پەنهانەن نیک و بەد چەلای خالق عەیانەن حەیات و مەمات چەلام سییانەن چ حاجەت وە حەرف واتەی بەیانەن ئی نەفس غەددار خەتای کێمانەن عاقبت الامر مەردەن ڕێمانەن نەفس ئەممارە دایم عیسیانەن نەفس موتمەئین قانیع وەنانەن ++++++++++++++++++++++ سەرناو: ئیبتدا بە نام حی ذوالجلال سەبارەت: بۆ مام موحەممەد دەروێش عەلی ئیبتیدا بە نام حی ذوالجلال خالق المخلوق ڕۆز و ماه و ساڵ مورغ دەروونم وەیتەور کەرد خەیاڵ حەساوم کەردەن بە وێنەی ڕەماڵ مەڵڵای بێ بەهرە، خامەن ئەی خەیاڵ بێزارم جە دەست فیرقەی قیل و قاڵ ڕەئیس و ڕیشوەت حوکام کەرد ئیغفاڵ ئیدارەی فەقیر یەکسەر بییەن تاڵ تاکەی دەوام کۆ ئەی حاڵ و ئەحواڵ وە گەردەن زاڵم ئاه ماڵ و منداڵ هەرکەس داشتەبۆ سەروەت، موڵک و ماڵ هەر ئەو مەقبووڵەن ئەر سەد بەد ئەفعال مەراق وە حەرام بێزار چە حەڵاڵ دەوری ناکەسەن زەمانەی دەجاڵ فیرقەی زاڵمان گشت فارغ البال مایشوف عیبه ولا یدیر بال عەبەس بێهوودەن چە بەحس و ئەحواڵ دایم مەعیووبەن شەخس فەقیر حاڵ ئەختیار پیر لاواز کثیر العیال خەتام فراوان دەروون ئینفیعال هیچ کەس فەخر نەکۆ وەبەخت و ئیقباڵ وە یەدی هەقەن کریم الخصال جایزەڵ خەتام دڵ وێنەی زوخاڵ حەیا فیرار کەرد نامووس پایماڵ دیوانخانە بی وە پەچای زماڵ بییەن وە ڕیش خەند گشت ساحێب کەماڵ ئەگەر ئەی دەورە دەوام کۆ ئەتواڵ خودا و پێغەمبەر مونکیران بەتاڵ ئەشعارم دوڕەن نادر الامثال سەڕاف مەزانۆ قیمەت گەوهەر لاڵ قەهرەمان چەنی هەم ڕۆستەمی زاڵ اخر الانجام نگوون بی جە چاڵ حەزرەت ڕەسوول واتەن ئەی مەقال انا بشر مثلکم ارسال جبرائیل پەرێم وەحی مەکۆ ئینزال مەواچی پەرێ موئمین خۆش جەمال هیچ فەخرش نەکەرد حەبیب زوڵاڵ واردەش نانی یەو پۆشاکش بی شاڵ پەرێ خود بینان حازرەن زەواڵ چەند هەزار ملووک نیگوون بی دەرحاڵ انا ربکم نەمروود وات تیمثال وەنار جەحیم ڕۆح کەرد ئینتیقاڵ بیست و دوو مەسرەع شیعرم بی ئیکمال دەروون تەیار بەر وێت مەکەر ئیشغال ++++++++++++++++++++++ سەرناو: ئیبتدا بە نام پادشای قەدیر سەبارەت: نامە بۆ فەقێ حەمە حەیدەر ئیبتدا بە نام پادشای قەدیر خالق المخلوق سوڵتان سریر سەلامم هەنەن برای بێ نەزیر نیگەهدارت بۆ سەی ئەحمەدەل میر چە قەریەی زەنقڕ واتم وە تەقریر عەرزم کەرد وەنەت چوار قسناق شەعیر قەوڵت دا تەمام وە بەندەی فەقیر قەوڵی جۆ وە جۆ نەدارۆ تەوفیر منیش وا کیانام سەی عەباس چۆ سەوز وە قەوڵ حەقیقەت شەرت ڕاگەی - - ز گێڵا وەدەما وەبۆشو بەتاڵ واتش دەنگ نەکەرد ئوستای پڕ کەماڵ منیش سکووت بیم عاجز و مەحزوون ئەمرش وەی تەورەن قەیووم بێچوون مەڵڵا موستەحەق مەعاش ڕاتبە قەتحەن ناکەم لێت هیچ مەعاتەبە پەروانەی شەعیر حونطە میهمانم پاقلە و زوڕات نیشتەن وە شانم حەیی و حووی مەکەم هیچ نمەزانم فڕ و فێڵ جیهان ها لە گیرفانم نحن قسمنا کەم کەردەن نانم نەمەندەن تاقەت تاب و توانم سەد حەیف زایە بی واتەی بەیانم یار نییەن وە تەنگ زاری و گریانم ئەر زات موتڵەق نەکۆ دەرمانم ساڕێژ نمەبۆ کۆنە زامانم برای خۆش ڕەونەق فەردم شەعیرەن قەرار ئەی وەختە بەوللبەعیرەن حاکم و نواب گشت بێ زەمیرەن فیرقەی ئەهل هەق یەکسەر یەخسیرەن ++++++++++++++++++++++ سەرناو: ئیبتدا بە نام یا عەلی مەدەد سەبارەت: بۆ مام موحەممەد دەروێش عەلی ئیبتیدا بە نام یا عەلی مەدەد ئەی دۆعا نویسنام پەی مام موحەممەد نیگەهدارش بۆ الله الصمد ئومێدم هەنەن لاڵەم نەبۆ ڕەد ئەگەر چل ساڵ بۆ وە یا خود هەم سەد مەبۆ داخڵ بین وە قەبر و ئەلحەد ئەی ڕای هەقیقەت ابا عن الجد بۆ وە قیسمەتمان وەبێ حەد و عەد جە ڕۆژ ئەزەل ئەر نیک، ئەگەر بەد نویسیان جە تۆمار وە قەڵەم زەرد ڕۆژێ هەزار جار پێمان باچان دەرد مەبۆ جە دڵمان نەبۆ کینە و گەرد قەبووڵمان کەردەن کۆچ بەردەڵبەرد مەبۆ تەیار بین چون سوارەی جەرد یە مەڵڵا واتەن دایم دڵ پڕ دەرد پەنامان بەردەن وە دوو، هەفت نەرد ++++++++++++++++++++++ سەرناو: ئیبتیدا بە نام حی ذوالجلال ئیبتیدا بە نام حی ذوالجلال پادشای بێباک بێ میسل و میسال لازمەن شەرحێ بارین وە مەقال زەمانەی زەندیق بەدبەختی ڕەجال نەهیچ گرۆهێ نەمەندەن ئەقوال گشت بی وە مۆدە حەیا پایماڵ هەر کەس نی زەمان داشتە بۆ ئەمواڵ هەر ئەو مەقبوولەن نە ڕووی ماه و ساڵ ئەر سەد عەیبش بۆ بە وێنەی غرباڵ ما یشوف عیبه و لا یدیر بال مائیل وە حەرام بێزار چە حەڵاڵ دەور ناکەسەن زەمانەی دەججاڵ عەیبش بێ هوودەن چە بەحس و ئەحواڵ ئەفعال مەردم ماوەر وە خەیاڵ گەنم بێ قیممەت ئەرزەل چە زوخاڵ گڵە سەر وە جۆ نمەدۆ بەقاڵ چە گێڵ حونطە عاجزەن کەییاڵ وە فسق و فاسق مەردمان مەیال چە حوب عوزری کەس ناکا سوئال یە ساڵ مارەن وە گفتەی ڕەمماڵ ئەمر هەزاران خالیق کەرد ئیرسال چە مەغروری کەس نمۆ وە جەووال موئمین ئەو کەسەن سالم بۆ چە قال وێش کەمتەر گێرۆ چە ئەدنای مناڵ نەک دایم توند بۆ وێنەی بای شەماڵ لای حەق یەکسانەن پادشا و حەماڵ ++++++++++++++++++++++ سەرناو: ئیبتیدا بە نام حی لا یموت ئیبتیدا بە نام حی لا یموت ڕازق و ڕەزاق موور و عەنکەبووت ئەسڵ و فەرع چون یەک گشت بییەن مەخلووت ڕزق قەلیل بییەن قووت لایەمووت عالەم بێ ئەقواڵ نەداران سبووت چەی وەخت و زەمان لازمەن سکووت فیرقەی یارستان گشت بییەن پەرپووت ئیتیفاق نییەن چەنی یەک مەربووت تەقدیر قیمەت کاتب الخلوط مەعلووم بۆ چە لای فیرقەی قەوم لووت نویسنای کاغەز بیست فلس تەمام ئیعلانم کەردەن پەرێ خاس و عام ئوجرەت قیمەت هەم کاغەز وانە چەهار فلسەن وەبێ بەهانە نویسنای کیتاب سەترێ یەک فلس بەیان بۆ چە لای قەوم نادرووس دۆعای نەزڵە بڕ بیست و پێنج فلس مەعلووم بۆ چە لای قەوم یەقین سس دۆعای تەعبە بڕ یەک چارەگ دینار قیمەتش کەمەن وەچار و ناچار دۆعای بازووبەند یەعنی نیم دینار چە کیتاب جەفر مەعلوومەن ئیزهار سەێر تاڵع کەردەن وە بیست فلسەن ئەر سەد بواچان مەڵڵا موفلیسەن تەرتیب ئاداب هەم پەرێ... وە دە فلسەن بەیان بۆ قیمەت تەرتیب دۆعای هەم حەلل مەربووت وە چوار سەد فلس بە غایەت مەزبووت دۆعای بیماران ئەتفاڵ سەغیر وە چواردە فلس کەرەم کەر تەقدیر دۆعای بیماران ئەشخاس کەبیر وە هەژدە فلس مەعلوومەن دڵگیر وەهەشت فلسەن جەنابت ئەرقام ئیعلانم کەردەن پەرێ خاس و عام ئوجرەت قیمەت هەم عەقد و نیکاح وەسێسەد فلس مەعلوومەن موباح مەحەببەت نامە پەرێ ژە مەئیووس چە لای مێرد وێش ببۆ خۆشەویس پەنجا فلسەن هەم عەلیالئووسووڵ ساوەر و داندۆک هەم کەرۆم قەبووڵ دۆعایە دیگەر بۆ حەل شەق وەسێن ئەی فیرقەی ژەنان مەعلوومەن قورشەین دۆعایە هەنی پەی خەوف و خەتەر وەچل فلسەن مەعلوومەن یەکسەر دۆعای گووشا دڵ بەخت دوختەران وە سێسەد فلس مەعلوومەن عەیان حەقەلعەزائیم پەی ماڵ سەرقەت هەم وە پێنج ڕوپیە مەعلوومەن قیمەت دۆعای تێغ بەند ئیمام عەلی وە پێنج سەد فلس مەعلوومەن بەللی دۆعایە هەنی یەعنی گوللە بەند وە دوو دینارەن وەبێ چون و چەند دۆعای دیگەر بۆ تفڵ خۆڵ خۆر قیمەتش مەعلووم یەک مریشکێ سوور غەیر ئەز مەڵڵایی نەدارۆ سەنعەت سەرمایەم ئێدەن بێ مزە و مننەت هەر کەس ڕازییەن وە موعامەڵە مەعلووم ئەو شەخسە غایەت کامڵە هەر کەس وەی قەوڵە ببۆ دڵ گران مەعلووم... چە فیرقەی... ئەر پارە نەبۆ حونطە یا شەعیر مومکینەن چە لای دەوڵەمەند فەقیر وە قەوڵ ئی قانوون مۆ کەران ڕەفتار ئیناثەن ذکوورەن صیغار و کیبار هەرکەس چی قانوون کەرۆ ئیختیلاف چە لای خوداوەند هیچ نمەبۆ عاف سەد حەیف نەمەندەن مێردان سەڕاف گەوهەر شوناسان دوورەن چون کۆی قاف یە مەڵڵا واتەن ڕەنجە ڕۆیی یەن ساکن ماوای عەرەب کۆیی یەن ++++++++++++++++++++++ سەرناو: ئیبتیدا بە نام حی لا ینام ئیبتیدا بە نام حی لا ینام خالق المخلوق تەمام خاس و عام ئەشعاری لەتیف ئینشا کەم تەمام بۆ وە یادگاری پەی دەور ئەییام نەواچان مەڵڵا کەردەن خەیاڵ خام وە گفتەی ڕاستی بەشەر مۆ ئیلزام عالەم گشت غافڵ گیرەن وە تۆڕ دام کەمەند حرس و نەفس شکستەن لەجام نمەز چێش واچوون ئەی فیرقەی ئیسلام گشتمان وە دینار بیەنمێ غوڵام قەلیلەن چەی وەخت مەردێ ساحێب فام پڕەن جەهەننەم چە خوێڕی و لەگام زەحمەت چە بەهەشت پێماندەن مەقام ئەفعالمان بەدەن خولاسەی کەلام کردار حەساوەن گفتار بێ مەقام ئاگا و بیناهەن چە هەفتەم خەیام تەدبیرێ بکەین پەی یوم القیام ئی فانی هیچەن نەدارۆ دەوام خوا ئیمان و دین پێمان کۆ ئینعام دینمان پایماڵ کەرد ئی فانی ئیکرام ئێران و توران تا وە میسر و شام تەکەللوم مەکەن وە فوحش و دوشنام قەناعەت ناکەن وە زوبدەی کەلام جاهیلان مەغروور بێ صەڵا و صیام نەفس موتمەئین بۆ بنیش چە لام چە تەعنەی ناکەس وێت مەکەر کەم فام نەفس ئەممارە مەکەرۆت بەد نام وە نێش خەنجەر جەرگت مەکۆ زام یا رب العباد نەمەند توانام بارم گرانەن سا بۆ وەهانام ئەوسا مەجهوول بیم ئی حاڵ نەزانام ئێستە پەشیمان دڵ گرتەن ئارام یەک شەخسێ غەیبی ماوەرۆ پەیام وەختەن زهوور بۆ مەهدی چە ناکام قەلب عاقڵان پڕەن چە ئالام ڕەئیس وە ڕیشوەت ئیغفاڵ کەرد ئەحکام کەی ڕەوشەن مەبۆ ئی شەب ضەلام چەی خانەی حیرەت بیەنان سەرسام پەناهم بەردەن وە دوازدە ئیمام وە چواردە مەعسووم جنة المقام یە واتەی فەقیر قلیل الکلام عاجز و مەحزوون مەڵڵا عەباس نام ++++++++++++++++++++++ سەرناو: ئیبتیدا بە نام حی معظم ئیبتیدا بە نام حی معظم خالق المخلوق بەبێ زیاد و کەم راس المال دەوێت سەرمایەی قەڵەم پەنامان وە زات شاه ذو الکرم ئی کەشا کەشە ئی ڕەنج و ستەم گشتش پەی جەناب حەزرەت شکەم مەعلووم بۆ لێتان یاران هامدەم زینهار پەی جیفە مەکەردێ نەعەم گرۆی عاقڵان نۆش مەکەرۆ سەم چەنی هیچ فەردێ نمەدەرۆ دەم ئی ڕەزاڵەتە غوصەی چەنی غەم گشتش پەی جەناب حەزرەت شکەم مەرد حەق بایەد هیچ کەس نەکۆ زەم قافڵەی عەقڵش نەوا کەرۆ ڕەم حرس و نەفس زۆردار چون مار ئەرقەم دایم غوڕانەن وەک شێر و دژەم دەسیسە و دروغ بەد بەختی ئادەم گشتش پەی جەناب حەزرەت شکەم کەللەم پڕ غوبار چە تۆز و چە تەم یاران چێش کەرۆن چە دەست ئی شکەم چە کۆ پەنهانەن ئەو باغچەی ئەرەم چە وەجهەلبەشەر چێشەن مورەقەم یە واتەی عەباس چون پەروانەی شەم کەلب کەمتەرین شای ساحێب کەرەم ++++++++++++++++++++++ سەرناو: ئیبتیدا بە نام حەی لایەنام ئیبتیدا بەنام حەی لایەنام خالق المخلوق تەمام خاس و عام سڵام بۆ وەنەت فەقێ خۆش کەلام دۆعا گۆتانم جە سوب تا وەشام واجیبەن پەی یار عیززەت و ئیکرام نەوا پەی نەزان ئاڵچاغ و لەگام ئەمسالت نییە تا وە میسر و شام هەفتەێی جارێ بنیشە جە لام ئەی جیفە هیچەن اخر الانجام بێزارم جە دەست میللەت نەفام کەی ساڕێژ مەبۆ ئەی عیللەت و زام نەزدیکەن لوقمان بکیانۆ دەوام ڕاستی نەمەندەن چە دەور ئەیام نمەیۆ وەکار نماز و صیام سالم و سەلیم شەرتەن پەی ئیسلام کەسب و کەسابەت یەکسەر بی حەرام حەڵاڵ نەمەندەن جە لای خاس و عام وەختەن ڕەوشەن بۆ ئەی شەب ظەلام بێ ڕەحم و ئینساف گشت ساحێب ئەقڵام گرفتار وەدەست ئەی نەفسی لەوام خانەی دڵ وێران ئیمان کەرد ئیزهام وەشەو مەوینی عەجایب ئەحلام فەقێ مەعلوومەن وەخیمەن ئەنجام گشت خەتا و گونا بڕیان وە باڵام مەر... سوار بەیۆ وە هانام نابینا و زەعیف نییەن توانام بەحر هەقیقەت تەمام نەوانام تەرتیب کەم کیتاب چون عومر خیام جە ڕووم و ئێران مەقبوڵ وە دەوام إنّ الله محیط مەعرووف لە کەلام وەبێ ئەمر هەق نمەیۆ ئیلهام ئەر نیک و ئەر بەد جەی دۆڵاب دام جە یەک فابریقە ئیجاد کەرد خودام هەنی چە مەحشەر هیچ نییەن پەروام مەعسووم و فەقیر جەننەتەن مەئوام ئەر خیلافم وات بکەردێ خەفام ضەمائیر ڕەوشەن وە یار مۆ غوڵام جامەی مەجازی ئەی دەباغی خام ئەشعارم ناقس باقی والسلام ++++++++++++++++++++++ سەرناو: ئیبتیدا بە نام حەیی تەوانگەر ئیبتیدا بەنام حەیی تەوانگەر فەردی بێ زەواڵ خالیق ئەکبەر شیعرێ خۆش مەقال ئیکمال کەم یەکسەر وە خۆش دەماغی دڵ بێ مووکەددەر وەک یەک خائینەن فرزەند و پدەر برا وە برا عەدو هەردوو سەر هامسا چە هامسا نمەکۆ هەدەر بڕوا نەداران چە خەوف مەحشەر یەومەن فە یەومەن ڕۆژ چە ڕۆژ بەتەر مەخلووق گومڕاهەن بێ خەوف و خەتەر لیسانەن وە یەک مەوان وە چاکر وەدەم موسڵمان وە دڵ چون کافر چە گومڕایی خەڵک چە مەکر ژەنان ئەمنییەت نییەن چەی وەخت و زەمان چە بەد ڕایی خەڵک هەزار ئەلئامان موبتەلای فیسقەن پیر چەنی جوان مەگەر کە مەردەن نییەن چە یادتان؟ وە کۆنا لوا گشت ئەجدادتان ئەی ماڵ دنیا کێ بەردەن وە قەبر حەوسەڵەتان بۆ هەم کەردێ سەبر ئەگەر هەزار ساڵ عومرت بۆ تەمام عاقیبەت مەرگەن ئاخر سەرەنجام سەد و بیست و چوار هەزار پێغەمبەر هیچ کەس ئەی دونیا نەوەردەن وە سەر چەند سەڵاتینان چە پێشدا دیان چەی دونیای فانی ئامانێ و شیان چەندێ ملووکان گشت چە کەیانیان عاقیبەت یەکسەر گشتش فەوتیان چەندێ بوزرگان چە ئەشکانییان چەی کاروان سەرا بەر نەکەردەن گیان چەندێ پادشاهان چە ساسانییان ساحێب زۆر و زات جیهان پەهلەوان شەربەت ئەزەڵ یەکسەر کەردەن نۆش چە دەرد میحنەت گشت بین فەرامۆش کەمێ هۆشتان بۆ فیرقەی قەوم لووت وە یەک مەواچدێ دەرد و زەقنەبووت یەهوودی خەیبەر نەیجا حازرەن ئەر چون فەڕەنگ بان بێ وەسواسترەن زەمانەی قەحپە دەور سۆزانی ڕاستی ئەمەیە ئەگەر ئەیزانی زومڕەی مەجهوولان گشت خاتر شادەن زەمانەی زەندیق دەور... قەدیم خانەدان گشت بی یەختەسار جەدید مەقبووڵەن نەڕۆی ڕۆزگار وە ڕیا کاری دەسیسە و درۆغ هەتا مەیاوان وە حەدد بلووغ نجاة فی الکذب نەی وەقت ڕەواجەن فیرقەی سادیقان دایم موحتاجەن من صبر ظفر نەی وەقت ناڕاستەن من صبر کفر صحیحا ڕاستەن قسەی پێشینان نەی وەخت چەواشەن مەردم تەقەلاش پەرێ مەعاشەن ئەی دونیا جیفەن تاڵب کیلابەن چەو بۆنە وەیتەور خاڵمان خەرابەن فەرموودەی ڕەسووڵ ئیزهارەن ئیمڕۆ ئۆمەتش مەبۆ هەفتا و سێ گرۆ یەک گرۆش مەبۆ وە ئەهل نەجات وەبێ پرس و جۆ یدخل الجناة هەفتا و دوو فیرقەش هەم ئەهلی نارەن جاگەی جەهەننەم پێشان قەرارەن هەر کەسێ ماچۆ من گرۆی ناجیم عەمامەی سفید من کەوا حاجیم مەر خالیق وە وێش زانۆ کێ خاسەن سانیع سەنعەت بێ درۆ و ڕاستەن موئمین ئەو کەسەن قەلبش بۆ سەلیم بێ شک مەئواشەن جناة المنعیم موسلیم غەیر موسلیم هەر کەس بۆ دڵپاک عەزیزەن چە لای فەرد تەنهای تاک چە زاهیر سەواب خەتا پەنهانەن نێک و بەد چە لای خالیق بەیانەن وە مەرد دانا یەک حەرفێ وەسەن چە لای مەجهوولان گفتەم عەبەسەن مەعلوومەن چە لای ئەهل عورەفا زومڕەی شاعیران نەداران وەفا ڕۆژێ دوو دەفعە ئر نەبۆ چایی ئەحواڵ پەرێشان چون مانگای زایی ئەکەفم ڵە ماڵ وەبێ سەدا و دەنگ سەد دادم چە دەست قەوم دڵ چە سەنگ خەیلێ جار هەنەن وەبێ جغارە دەر ناچم لە ماڵ چارم نا چارە هیچ کەسێ ناڵێ مام مەڵڵا چۆنی ئەگەر بپرسێ ئەگرم لە ڕۆنی هەزار مەرحەبا ناکا یەک فلس دادمەن چە دەست قەوم یەقین سس بێ سیدق و یەقین گشت شکەم پەرس مەشغوڵ وە غەیبەت گەواد و تەرەس چە زات خالیق هیچ نمەکەن شەرم مەشغوڵ وە جیفە غەیبەت گەرمای گەرم انما المومنون ماچان اخوة وە گرۆی کەذاب هەزار لعنة فتنە خۆ مەعلووم چە قەتڵ ئەکبەرەن ئەی بەندە ئاخر توخم بەقەرەن هەر کەس نەیجا بۆ کەردە خەراوەن دیانەت فەوتیان هەر بەحسی ئاوەن ئێستاکە دەوران تازە پیاوەن فیرقەی فەقیران قسەش ناباوەن ئەی بەندەی فەقیر موعەللیم گاوەن تاڵعم نەحسە نە تۆی قوڕاوەن گفتەی ماڵداران وە بان چاوەن سنف فەقیران جەرگش چون قاوەن سنف مەغرووران ئەسپش وەتاوەن دینداری قەلیل ئیمان چە پاوەن یە مەڵڵا واتەن نە عام ڕیسوایەن ساکن ماوای عەلی سەرایەن ++++++++++++++++++++++ سەرناو: ئیبتیدا بە نام حەیی خۆش لیقا ئیبتیدا بە نام حەیی خۆش لیقا خالق المخلوق دنیا و ما فیها قەرار دادەی حووت ماهی چەنی گا حەیی لایەمووت ئەبەدەل بەقا یا ڕەب وە دەرگات سەد حەمد و سەنا موحتاجم نەکەی وە شەخس دەنا بەندە موحیبەن وە اهل العبا کەلب ئاستانەی علی الاعلىٰ ئەر سەد مونکیران بدەرام جەفا مەدح شای مەردان نمەکەم خەفا بشنەودەێ یاران وە کەیف و سەفا مەدحێ چە تەوسیف زات مستەفا مەعلوومەن چە لای ئەهل عورەفا چە عەشق ڕەسووڵ سازیان ئەی دونیا ڕجا چی ئێدەن چە ڕۆز ئەو دونیا تاج لەولاکش وەڕووی سەر نیا کەلام قەدیم وە خەڵات دریا موحەممەدەل ئەمین وەنامش نریا دونیاتان نەڕووی خاک مەبۆ ڕوویا ئیبتیدا بە نام عەلی مۆ گۆیا نامش مونەقەش چە هەفتەم دەرگا جبرائیل باوە غوڵام بود بیللا ببۆ وە کاغەز گشت ئەرز و سەما بەحران مەرەکەب ببۆ جا بە جا جەنگەڵان قەڵەم جیهان بۆ مەڵڵا نمەبۆ تەمام وەسف ئەهلەل عەبا قرة العیون حەبیب خودا فازدار بێ عەیب فاتیمەی زەهرا مادەر حەسەن، حسێن، مجتەبا ئەی یاران ئێدەن هەم خیر النساء بەرزەن دەماغم دەماوەن ئاسا قلووبم وەحوب ئێشان بی ئەحیا شباب الجنة حەسەن خەلق ڕەزا هەم شا حوسەینەن خواجای دوو سەرا زین العابدین ئەعما کەرد بینا موحەممەد باقر پەی دەرمان دەوا جەعفەر سادق سەردار عوقبا عومووم دیانەت وە ئەو مۆ ڕجوا وە مووسای کازم گیانمان بۆ فیدا تووتیان پەی چەشم خاک و پای ڕەزا محەمەد تەقی زات ئالی جا ئێد مەکۆ پەیمان فەردا ڕۆ ڕەجا حەسەن عەسکەری شای عالەم پەنا پەرێ هاشمیان مەبۆ مەلجا گا علی النقی هەم سوخەن ڕەوا موحیببان چە فەیزی ئەو مەبان ئەحیا مەهدییەن ساحێب هەم تاج و لەولا چە ڕۆژ باقی پەی مان مۆ پەنا چە عەشق عەلی گیان مەکەم فەنا مەدحش بوانان وە بڵند سەدا قەومان یەزید حەسرم دان نە جا فەردا چە مەحشەر ڕووشان مۆ سیا فیرقەی - - - وە زەڕ و زیبا فیرقەی - - - بێ زید و ماوا تۆ با دوشمنان کەردەنت نیگا دۆستان جەفا کێش پەی ڕۆژ عوقبا ایها القریش لا تعطوا اذا انشا الله نحن من اهل الجنا بە غەیر چە عەلی شاه کبریا کێن بکەرۆ وە دەردمان دەوا یەک نوقتە ێ بی هەم چە تحت البا وەبێ نام ئەو سەر نەگرد دونیا انا مدینة العلم علی بابها فەرموودەی ڕەسووڵ باوەردێ وەجا مەزرەعەی قلوب بکەردێ ئەحیا وەحوب عەلی سیراب مۆ ئەشیا ئاخرش هیچەن دونیای بێ بەقا دین و ئیمانتان مەدێ وە یاغما القلب مومن ماچان بیت الله دەرگاش مەپاچدێ مەندێش وەژێر پا ئیسمی حەی بگنۆ وەهەرچی ئەشیا موقەدەس مەبۆ وێنەی بیت الله اسم جسم هەردوو دارۆ یەک مەعنا قوڕەیشی دوشمن چە نامەی خودا سمێڵەن قاپی دەروون صفی الله لازمەن تەقبیل پەرێ زیارەت گا بالعکس ئەغیار نەسەر تا وەپا وە میقراز و تیغ مەکەرۆش جودا ئینە کەی مەبۆ چەلای حەق ڕەوا قەول بەشەر مەقبووڵ چە نامەی خودا ئەی قەوم... بکەردێ حەیا ڕوکن شەریعەت مەکەردێ فەنا ناقس مەڵڵایان مەدەرۆ فتوا مەجهوولان حازر پەی جەنگ و دەعوا ئی شیعرە مانۆ پەی ڕۆژ عوقبا هەنی کافییەن سوخەن کەر کۆتا لە عەشق حۆری ئەکەن ئەی نماه اظهر من الشمس مەعلوومەن ئی ماه وەبەنی بەشەر هیچ ناکەم ڕیا گفتار ڕاستی چاکە بۆ پیا مەعلوومەن چە لای ئەهل عورەفا بێ دین ئەو کەسەن هیچ نەبۆش وەفا دایەمان خاکەن، باوەمان سەما گرتەنمان مەسلەک ئەجداد و ئابا کەفتەن نەسەرم یەک عەشق سەودا ها چە دروونم عەجایەب غەوغا بێ حەد و پایان کەردەنم خەتا یا شاه مەردان چە تۆمەن عەتا مەئیوس نەکەری بەندەت بێ نەوا وە دوازدە ئیمام بەردەنم پەنا شاه خوراسان ئەو مووسا ڕەزا چە یاران دوور کۆ گشت بەڵا و خەزا چەهاردە مەعسووم چە ڕۆژ جەزا دەستگیرمان ببۆ چە دیوان شاه هەفتاد و دوو تەن شەهیدان ڕاه مەقتوول بین وەدەست - - - گومڕاه چە دەست گەردوون سەد لا حەول وەلا ئی نەفس زۆردار من کەرد تەوەلا چە لام چون خاکەن ئەر سیم ئەر تەڵا ڕەحمەت وە بابۆم من کەرد وە مەڵڵا یە گفتەی عەباس دەروون پڕ جەلا کەلب کەمتەرین شاه کەربەلا ++++++++++++++++++++++ سەرناو: ئیبتیدا بە نام حەیی لامەکان ئیبتیدا بە نام حەیی لامەکان خالق المخلوق تەمام ئینس و جان فەردێ خۆش مەقال باریم ئەو زوبان تەوسیف ئەحواڵ تۆپزاوە مەکان شەش قسناق حونطە من سنة الجمل مام عەباس شاناش پەی من بێ ئەمەل ئاغا سەیید فەتاح دوو گەلە درەو بەخشنا پێمان وێنەی کەیخەسرەو شەش قسناق حونطە تەمام بی یەکسەر میقدارش مەعلووم پانزدە شەخرەی کەر چە هیممەت زات ئاغا سەیید فەتاح چەی عەنقەرەی قورس بەندە کەرد موباح چە درەو بیست و یەک عەدەد زەلام بەخشنا پێمان ئەو ئاغای نێک نام دوو کاوج حونتەم مەندەن چە لاسوون ڕەوای حەق دەگیل یرندە قالسون مەبۆ چە هیممەت حاتەم دەستوریەت سەن تەبیعەت سەخی نام مەنشووریەت کەرەم کەر پێمان زەلامێ دیگەر خەڵاسم بکەر چە ئەی دەردە سەر ئەگەر عارم بۆ تا یوم المحشر شکارتە ناکەم لە جێگەی بێ فەڕ چە دێوەخانە حەمە عەزیز نام واتم وە مەدەد ڕووی عەقڵ و فام یەک چەند حەفرچی بدەرە پێمان تا ڕای بوزرگیت مەعلووم بۆ لێمان چەندێ کە واتم وە ڕووی ئیلتیماس فائیدەش نەکەرد وەو مەرد نا ڕاس جەناب ئاغا هیچ نابێ دڵ تەنگ سەد حەیف گەوهەرم شانا وە ڕووی سەنگ مەمەد کە کارغ جۆگەی سەیلاو بی چە بەخت مەڵڵا خەیلێ خەراو بی ئاخر نا عیلاج ووتەم پڕ کەدەر دەخاڵەتم کەرد وە حەمە حەیدەر ئاما وە مەیدان وێنەی شێر نەڕ شکارتەی مەڵڵا دەرو کەرد یەکسەر ایاغم یالین هم دولدی تیکان ئاخر ناعیلاج بیم شەخرە چکان سەد دادم چە دەست ئەی دەور و زەمان ئەسپانت مەجرووح دەر ژێر پاڵان تەوق زەڕینت ها چە مل خەران دانات موحتاجەن وە یەک لوقمە نان سەبەب چە ئێدەن کارم تەعتیلەن چەی قەریەی کەبیر حورمەت قەلیلەن بیست و شەش میللەت کەردەنش قەرار مەبۆ تەعداد کەم تاکە بۆ ئاشکار تیپێ چە فیرقەی ئەلبوو ڕەیاشەن تیپێ جەوالەن تیپێ کراشەن تیپێ زوبانی جەهەنەم جا شەن تیپێ ڕووت و قووت بێ نان و ئاشەن تیپێ مەشهوورەن فیرقەی چۆڵمەکی تیپێ تورکومان تیپێ خێڵەکی فیرقەیێ دیگەر جۆڵای بەشیرەن تیپێ ڕافزی تیپێ گزیرەن یەک تیپێ هەنی ماچۆ زوبانەن فەساد و فتنەی دەور زەمانەن تیپێ داودی تیپێ هەم گلەن پەرێ گفتووگۆ وێنەی بولبولەن فیرقەیێ سادات ئەهل موعامرە ئیمساڵ تاڵعیان لە ناو چامرە تیپێ چە فیرقەی ئەلبوو سەعیدەن تیپێ لاسینی قەدیمەلزیدەن تیپێ دزەیی ئەتراف ئەربیل وە ئەنگۆ ئەنگۆ و هەرامە تەفسیل یەک تیپێ هەنی ئەفتغاری یەن تیپێ لغامین هەردەم دیارییەن تیپێ بەقاڵەن تیپێ چاوشەن خەریک قرچە و سواڵە و باوشەن یەک تیپێ هەنی زوڕنا پەسەنەن مەشهوور عالەم چە فورقەی زەنەن تیپێ ساڵحی تیپێ بەیانەن تیپێ ئەلعوبێد س... جیهانەن بیست و شەش میللەت نەیجا جاگیرەن مەشغوڵ کوتان حونطە و شەعیرەن ئێدەش چە سایەی ئاغا فەتاحەن ڕەعیە و مەحسووبش تەمام موباحەن سەد دادم چە دەست قەریەی تۆپزاوە هیچ نایەن وە تەنگ یەیید و باوە هەر کەس چە شاعیر نەکەردش ئەندێش قەدرش نەگێرۆ ئینعام نەدۆ پێش پەی جیفەی دونیا کەرۆش خەتەر ڕێش مەعلووم ئاڵچاغەن ڕەزیلەن خدێش نەواچان ئینە عەقڵێ جافییەن وە مێرد دانا حەرفێ کافییەن ++++++++++++++++++++++ سەرناو: ئیبتیدا بە نام حەیی موعەظظەم سەبارەت: نامە بۆ مام موحەممەد ئیبتیدا بە نام حەیی موعەظظەم خالق المخلوق بەبێ زیاد و کەم راس المال دەوێت سەرمایەی قەڵەم پەنامان وە زات شاه ذو الکرم دەسیسە و دروغ بەد بەختی ئادەم گشتش پەی جەناب حەزرەت شکەم خاسە مەئکولات پەرێش کەری جەم فەردا مەواچۆ نەدیەنم وە چەم مەعلووم بۆ لێتان فەقێیان هام دەم چە وەجهل بەشەر چێشەن مورەقەم؟ حرس و نەفس زۆر دار چون مار ئەرقەم پەردەی دڵ سوراغ عەقڵم کەردەن ڕەم مورغ دڵ خەفتەن دەنگ بێ زیل و بەم موشتاق وە جیفە مەحروومین نە شەم ئەر ئاوێنەی دڵ تاریک بۆ پڕ تەم چە کۆ مەوینیم شای ساحێب کەرەم شیشەی دڵ ساف بۆ چون ئاب زەم زەم ئیمجار دیار مەبۆ شوعلە چە تۆی شەم ئەهلی هەق دایم مۆ نۆش کەرۆ سەم ساکن و سکووت دڵ بارۆ وەهەم دەخیلەن ئامان دەلیل ئەقدەم وە دڵ بگێرە ئایین نەک وە دەم چە گفتەی کەمتەر دڵ ماوەر وەغەم قرة العینم نووری هەر دوو چەم ++++++++++++++++++++++ سەرناو: ئیبتیدا بە نام خالیق ئەکبەر ئیبتیدا بە نام خالیقی ئەکبەر ئەی نامە وەنەزد سەی حەمە حەیدەر هەزاران سڵام وەجان و جگەر پڕ زەوق و پڕ شەوق برای موعتەبەر جە کەردەی گەردوون گشت سەرمان سیڕەن ئیدارەی مەڵڵا وەچڕ و فڕەن پرێم بکیانە نیم حوققە تووتوون وە ڕەزامەندی وە شەرتێ بتوون زمستان ئاما وەعدە کەرد حلوول پەرێم بکیانە وەبێ پارە و پووڵ چاوی ماچ ئەکەم ئاغا سەی ئەڵماس مەمنوونەن چەنەش مەڵڵا سەی عەباس دەستی ماچ ئەکەم ئەو میمی سوڵتان نیگەهدارش بۆ پادشای سوبحان دەستیان ماچ ئەکەم جەمیع سادات ئاغایان خاس ساحێب کەرامات دووەمین سڵامم وە جەمیع مامات گشت یاران خاس چەنی ئۆمییات هەنی کافییەن تەتویل ئەشعار مەعلووم بۆ جە لات یار وەفادار جەواب ئەشعار میقدارێ تووتوون زوود پێمان بکیان لێت نەبۆ چەتوون باقی والسلام ڕۆح ڕەوانم بەندەی کەمتەرین قاپی یارانم *** ئیبتیدا بە نام خالیق ئەکبەر ئەی نامە وەنەزد سەی حەمە حەیدەر هەزاران سڵام وەجان و جگەر بەعدی ئەز سەلام ئوستای پڕ هونەر تەشریفت نامان وەلای ئەی کەمتەر یە خەیلێ وەختەن برای دین پەروەر ئۆمێدەوارم وە شای... وەر زوود نەجات بوین جە ئەی دەردە سەر جە دەستی مونکیپ نەجات بین یەکسەر هەقمان بستانۆ ئەو ئاغای قەنبەر ئەی جیفەی فانی ڕەنجمان کەرد بێوەر تەمع هەزاران کەرد زێر و زەبەر مەسرەف قلیان ئەی چایی و شەکەر حەیا پایماڵ فەقیر دەر بە دەر ئەی نەفس زۆردار ئەژدیهای هەفت سەر وێنەی نێرە حووت نەدارۆ لەنگەر دائیمەن مەڵڵا هەر جە تەلاشەن زیکر و فیکرمان پەرێ ئیعاشەن میقدارێ تووتوون کیانات پەرێم قەردەن یا بەلاش مەعلووم بکەر لێم ئەگەر وە قەردەن پەی ڕۆی قیامەت مەڵڵاتان مەردەن سەرت سڵامەت ئەگەر وە پارە مەکەریش حەساو جوابم بدەر وە تەعجیل و تاو تەئمینش کیتاب بنیش وە بەخە پەی ڕەمڵ شانا پەی دوین دەغەڵ یاڕەب وە شادی بڕانی ئەیام الامر منکم باقی والسلام ++++++++++++++++++++++ سەرناو: ئیبتیدا بە نام رب العالمین سەبارەت: نامە بۆ فەقێ عەبدین لە کەرکووک ئیبتیدا بە نام رب العالمین ئی نامە وە لای کاک فەقێ عەبدین چاوت ماچ ئەکەم ئەی قرة العین نیگەهدارت بۆ پادشای کەونەین تازە مەشغووڵم وە کیتاب نووسین ئەرێ بۆ ئێمە گاور و ڕووسین؟ وەبێ جغارە بێ چایی و عەلەف یە کەی مروەتەن ڕۆح کەروون تەلەف تەمام گران بی ئەشیا سەفا سەف سەنعەت مەڵڵا ڕەزیلەن بەترەف شەکر و چایی، بەرماغ و تووتوون پەرێم بکیانە وە شەرتێ بتوون گاوێ کە پیر بۆ نەدارۆ تاقەت وە زۆر عەلەف مەر گێرۆ قووەت خودا فرسەت بۆ بەعد ئەز یەک شەهر ئیکمالش مەکەم وەبێ دەردە سەر مورید هەقیقەت فەقێ عابەدین مەحفووزت کەرۆ رب العالمین ++++++++++++++++++++++ سەرناو: ئیبتیدا بە نام پادشای بێ قیاس سەبارەت: بۆ مام زۆراب هەیاس ئیبتیدا بە نام پادشای بێ قیاس ئەی نامە وەنەزد مام زۆراب هەیاس سەلامم هەنەن جە یاران خاس دۆعام پەی کەردێ وە سیدق و ئیخڵاس هەر کەس مەپەرسۆ جە بەندە خەبەر دۆعا گۆشەنان تا یوم المحشر ++++++++++++++++++++++ سەرناو: ئیبتیدا بە نام پادشای جەلیل سەبارەت: نامە بۆ مەلا ڕۆستەم وەلی موتورزا لە گوندی سنوور ئیبتیدا بە نام پادشای جەلیل تەورات و فورقان، زەبوور و ئینجیل هەر کەس بە نەوعێ دین کەردەن قەویل ڕەفتار مەکەرۆ وەبێ قال و قیل هەر چوار کتوبات خودا کرد تەکمیل پەی ڕزق و ڕۆزی خالیقەن کەفیل فیرقەی مەکتەبلی دین کەردەن ڕەزیل مەڵڵای شەریعەت سەر سام و سەفیل هەر چە قاپی فاو تا - - - - جەرگ مەخلووقات - - - - تمەز چێش کەرۆن مەڵڵا - - - - چە دەست مەجهوولان - - - - برای خانەدان بە غایەت - - - - کیانام پەرێت یەک عوودێ سبیل ئەمسالش نییەن تا شار... تووتوون شاور بۆ فەواکە زەبیل عەرز و خڵووسم هەن وەشێخ - - - - مەردی موبارز وە دوشمن - - - - ئەولاد مەرغوب حاجی - - - - نیگەهدارش بۆ شای رب الاعلىٰ دووەمین سڵامم هەم وە عەبەی شێت موقابیل وە ڕەزم جەمیع العوبید سێیەم سەلامم وە برام مەجید مەقبوڵ مەجلیس غایەت دڵ سفید چوارەم سڵامم وە کوێخا عەتیە بزانێ ئەی شیعر مەڵڵا وتیە پێنجەم سەڵامم وە فەتحی جەژنی هەزار ئافەرین وە باڵا و بەژنی شەشەم سەڵام بۆ وە خاڵۆ جەلال ئەفلاتوون ئیدراک هەم ساحێب کەماڵ چونکە شێخ تاڵب برای فەتاحەن چە هەردو تەرەف مەڵڵا موباحەن ئەر چەلتووک بەیۆ ئەوەڵ سفتاحەن مەڵڵا پەرێتان دائیم مەداحەن نەواچان وەحشی ئەلبو سەباحەن خورمای فراوان واردەی توفاحەن دەروێش و فەقیر هیچ نەدارۆم زوور سەلامم هەنەن وە جمیع سنوور مەحسووبان شێخ ئیناث و ذکوور دۆعا گۆتانم بێ ڕیا و قسوور ++++++++++++++++++++++ سەرناو: ئیبتیدا بە نام پادشای ذو الجلال ئیبتیدا بە نام پادشای ذو الجلال ئیجاد کونندەی ڕۆژ و ماه و ساڵ جەمیع زیڕۆحات تەمام کەرد ئیکمال چە کەتم عەدەم ئاورد وەڕووی حاڵ هەشت بەهەشت چە لوتف سازا وەدەر حاڵ فیرقەی سەعیدان مەکەران ئیدخال هەفت دۆزەخ سازا وەغەزب ئال پەی گرۆی شەقی فیرقەی بەد ئەفعال مورغ دەروونم دارۆ چەند خەیاڵ شیعرێ تەرتیب کەم نادر الامثال ئامادەم کەردەن چە دانەیە لاڵ پەرێ سەڕافان دانایان حاڵ چە بێ هام فەردی جەرگم بی زووخاڵ وە ئەی لەفز خۆش کەس نییەن مەیال نە هیچ گرۆهێ نەمەندەن ئەقوال گشت بی وە مۆدە حەیا پایماڵ هەرکەس داشتە بۆ سەروەت، موڵک و ماڵ هەر ئەو مەقبووڵەن نە ڕووی ماه و ساڵ ئەر سەد عەیبش بۆ بە وێنەی غرباڵ مایشوف عه یبه وه لا یدیر بال مەراق وە حەرام بێزار جە حەڵاڵ دەور ناکەسەن زەمانەی دەججاڵ عەبەس بێهوودەن چە بەخت و ئەحواڵ دایم مەعیووبەن شەخس فەقیر حاڵ ڕەئیس وە ڕیشوەت حوکام کرد ئیغفاڵ چوار قاپی مەغلووق نییەن ڕای مەجال مەر داد فەقیر پرسۆ بێ زەوال کەس چە قسەی هەق نمەکۆ سوئال یەکسەر ناقیسەن ترازووی مکیال مەر زات مەهدی هەق کەرۆ ئیرسال کوانێ سەڵتەنەت داڵ ئیبن داڵ وە کۆنا لوا زۆردار سەڵساڵ چەند هەزار شاهان کەردەن ئیرتیحاڵ ئال و عەیالش گشت بی پایماڵ کەس فەخر نەکۆ وە بەخت و ئیقباڵ وەدەست هەقەن کریم الخسال یەکسەر بێ شەرمەن نەسوان و ڕیجال چە هەزار یەکێ مەربووت وە حیبال دایم فەخر ئەکەن تۆجاڕ و بەقاڵ وە کورد ماچان... ر وە عەرەب... ل عاقیبەت ملتان مەبۆ وە خڕخاڵ حازرەن پەیتان جاگەی سیا چاڵ ئاه و هەناسەی گشت ماڵ و منداڵ یەکسەر چە گەردەن مەرد بێ کەماڵ کۆتاهیش نییەن هیچ ئەی قیل و قال مەر خودا قورئان نەکەردەن ئینزال وە واسیتەی جبریل پەیک خۆش خەیاڵ تا کەی دەوام کۆ ئەی جەنگ و جەدال یەک نەبی و قیبلە خودا ساحێب قال انما المومنون اخوة تمثال یەکتر قەتڵ مەکەن پەرێ دوو ڕیاڵ چەو بۆنە مەحو بییەن ئیستیقباڵ ئەجانب سەندەن تەمام ئیستیقلال چە خەوف مەحشەر گشت فارغ البال چە فتوای ناهەق دونیا بییەن تال موئمنی سالم نییەن یەک ڕێجاڵ ئەگەر مەندەبۆ بێ گورز و گۆپاڵ ئیسلام بێ بەهرە تەمەڵ و تەڕاڵ سەنعەتشانەن گدایی و سواڵ ئەجانب بە عەقڵ بە قوەی فەعال دونیا خاپوور کەرد چون ڕۆستەم زاڵ مەغرووران نادم بییەن ئینفیعال ئەشعارم مەوزوون نەدارۆ خەلال عالم و ئاخووند دین کەرد ئیحتیلال وە دوو نەوع مەدان هەم بانگ بیلال دیانەت مەفقوود سیا بی هیلال مەبۆ بکێشین ئەی دەرد و مەلال مەگەر سەر چە نۆ بانگ کەرۆ دەڵاڵ ئەساس زوبدە کەران ئیستیکمال ورنە بێهوودەن مەحاڵەن مەحاڵ حەدیس قال الله تەمام کەر بەتاڵ ئەساسەن نەبی واتەن ئەی مەقال من مەدینەی عیلم عەلی قاپی ماڵ قەبووڵ نەداران فیرقەی گشت جیهال فراوان کەردەن ئی قەتڵ و قیتاڵ ئەر خودا چە عەبد وێش نەبۆ خۆشحاڵ ڕەجای پێغەمبەر بێسوودەن عەبداڵ ئەر ئەمر خالیق بشکنی حەیاڵ چە کۆ مەوینی تۆ عەشق جەماڵ کلید قاپی جەننەت عالە لعال وە باد زوبان واز نمۆ حەماڵ ئەر چەند فەقیر بی کثیر العیال وەماڵ حەرام تۆ مەبەر مەیال وە ڕۆژ واعزی سارق اللیال وە تەمای حۆریت وەی حاڵ و ئەحواڵ ئەسرار هەقیقەت حەل نمۆ وە سوئال نە وە سەرف کەردەن سەروەت، موڵک و ماڵ تا گیان نەکێشی خوون نەخۆی سەد ساڵ تۆ لەم قال داخڵ ناکرێی وە حاڵ کافییەن مەڵڵا زوبان بکەر لاڵ ئەلفەقر و فەخری پۆشاگت بۆ شاڵ ++++++++++++++++++++++ سەرناو: ئیبتیدا بە نام پادشای قەدیر سەبارەت: نامە بۆ دەروێش ئەمیر ئیبتیدا بەنام پادشای قەدیر ئەی نامە وەنەزد کاک دەروێش ئەمیر دستت می بوسند صغیر و کەبیر ئیمداد ڕەست بۆ ڕەهبەر دەستگیر موراسەلەی خاص تەمام بی دەستگیر چە خەیاڵ خام ڕەوشەن بی زەمیر لوتف و شەفەقەت کەردمان تەقدیر عەینەل قەلب مەسدوود نابینا و بەسیر چە دەستمان بەرشیای چون خەدەنگ و تیر مەنزڵ بێ پایان ئەر سەد ڕاگە دویر ئەرواح یاران هەر هان چە حزویر مەعلووم بۆ چە لات زات بێ نەزیر شەو و ڕۆژ نامت بەر نەشیان چە ویر کەلب دەرگاتین بە وێنەی قیطمیر چە حاڵ یاران ببی با خەبیر موشتاق دیدار ئەهل گەرمەسیر وە پەنج و دوو ڕۆژ هیچ نەویمان سیر دۆعای خێر بکەر پەی یار فەقیر چەی سەردی ساعەت دڵمان نۆ زەویر تەکیەی پڕ ڕەونەق ئاغا ژن مونیر گ شەوێ جومعە عەشقمان پڕ جە نویر پەنامان بە زات شای ساحێب سەریر خادیم تەکیە دڵ ساف چوون حەریر هەفتەیێ یەک جار وێنەی شایی و سویر دەنگ عەلی عەلی یاوان وە کەشمیر ئاغا سەی بورهان غایەت مودەبیر خادیم موخڵیس وە دەروێش ئەمیر *** سەی کەریم چەنی ئاغا سەی جەماڵ دەستت ماچ ئەکەن وە کەیف و خەیاڵ دایک سەیید جەماڵ هەم چەنی کەریم سەلامش هەنەن وەبێ ترس و بیم خەواهر موخڵیس ئاغا سەیید جەماڵ خالص المخلص صاحب الکمال سەلامش هەنەن ڕۆز و ماه و ساڵ وە جەناب عالی پەی یاران ئیقباڵ ئینتیزارتەن جەمیع یاران سەڵامش هەنەن ئاغا سولەیمان ئاتەش عەشقت پڕەن چە زینە دەستت ماچ ئەکا کاک عەلی عێنە مورشید کامڵ چە عالەم بەللی سەڵامش هەنەن ئاغا سەی عەلی سەڵامش هەنەن ئاغا سەی بورهان موخلیس جەناب وە دڵ و وە گیان بەنام یەزدان الله الصمد سەلامش هەنەن ئاغا سەی موحەممەد مەڵڵا سەی عەباس بییەن وە مەداح سەلامش هەنەن ئاغا سەی سەلاح پەنامان وە زات شاه السسن سەلامش هەنەن مەڵڵا سەیید عەباس بەنام بێچوون رحمن الرحیم سەڵامش هەنەن ئاغا یەیید کەریم ئوستاد ئەزەڵ بحر الحقایق سەلامش هەنەن ئاغا سەی فایق حاجی مادەرش چەنی خەواهر سەڵامشان هەنەن باتن و زاهر ئەو ساحێب تەکیە سەیید ئیبراهیم ئۆمێدمان وەتۆن یا حەق پەناهیم سەلامش هەنەن چەنی سەیید زێبار ئارەزووت ئەکەن وە لەیل و نەهار ئۆمێدمان هەنەن چە فەسڵ بەهار دڵمان ببۆ شاد وە جەماڵ یار پەنامان وە زات پادشای مەجید سەڵامش هەنەن ئاغا سەیید ڕەشید پەنامان وە زات حی ذوالجلال سەڵامش هەنەن ئاغا سەیید جەماڵ هەم ساحێب تەکیە وە یاری ئەرکان سەڵامش هەنەن ئەو مونیرە خان زیکرمان ئێدەن یا عەلی مەدەد یاران موخڵیس ئەلبو موحەممەد سەڵامشان هەنەن بێ حەد و عەدەد گەورە تا بچووک یەکسەر موعتەمەد یاهەق کەس نەکەی چە یاری غەفڵەت سەلامش هەنەن ئاغای سەی ڕەفعەت ئەهل ئابادی گشت قەریەی مەتیق سەلامشان هەنەن وە ڕاگەی تەریق چەممان ها چە ڕا ڕۆر و ماه و ساڵ سەلامش هەنەن ئاغا سەیید جەلال موحەممەد چەنی ئاغا سەی نیعمەت سەلامش هەنەن چەنی سەی ڕەحمەت مەحموود کەرکووکی چەنی مستەفا سەلامش هەنەن وە کەیف و سەفا مورشید پڕ شەوق حەقیقەت جۆیی سەڵامش هەنەن گشت عەرەب کۆیی خورشید ئیسماعیل هەم مامۆ سەلیم سەڵامش هەنەن یاران قەدیم وە دەرگاه هەق داریم ئیلتیماس سەڵامش هەنەن هەم باوە هەیاس ساحێب تەکیە هەم باوە ڕۆستەم سەڵامش هەنەن وەبێ دەرد و غەم فرزەند سەیید عەلی سەیید فەخرەدین سەڵامش هەنەن وە سدق و یەقین دەروێش وەلی نام هەم مامە حەمە سەڵامش هەنەن وە زەوق زەمزەمە ماباقی یاران ئەهل گەرمیان موشتاقت بییەن وە دڵ و وە گیان چە ماهێ یەکجار وەخت خۆش زەمان نامەی دڵشادی پەرێمان بکیان غەیر ئەز جەنابت نییەن سەبووری ئەمما وەلێمان بە غایەت دووری ++++++++++++++++++++++ سەرناو: ئیبتیدا بە نام پادشای قەدیرە ئیبتیدا بە نام پادشای قەدیرە مامە موحەممەد دەلیل دەست گیرە مورید موخڵیس سەی ئەحمەد میرە وەزوود بکیانە پەرێم تەمیرە مەوجوودەن خالیق بینا و بەسیرە ساحێب کەرەمەن گوزەشت قوسیرە مەواچە مەڵڵا شێت و فەقیرە خودا وەیتەورە کەردەن تەسویرە فیدات بام کەمتەر مەکەر جە ویرە دایم وەیاران بکەر تەعزیرە قوربان ئەهل هەق هەر وەخت زەویرە وەدەست نادان زەلیل و گیرە مەردی هەق دایم ڕەوشەن زەمیرە بێ پەروا جە تەعن گشت تانە و تیرە قوربان جەدت بام خەڵک شارەزویرە پەی گردین یاران دەلیل دەست گیرە ڕۆژ و ماه و ساڵ... دایم شەوقت بۆ ڕۆژ و ماه و ساڵ نوور چەمانم ئەی دەروون زوڵاڵ نمەیۆ وەکار واسواسە و خەیاڵ تەسلیم وە ڕای هەق بار کێش چون حەماڵ ڕجام هەر ئێدەن وێت بکەرە لاڵ وە دوانزدە مەسرەع شیعرم کەرد ئیکمال ++++++++++++++++++++++ سەرناو: ئیبتیدا بە نام پادشای قەههار ئیبتیدا بەنام پادشای قەهەار خال المخلوق شای لیل و نهار ئەی شیعرە نویسنام وەدڵێ زامدار کیانام پەرێتان یاران دیندار هەر پۆسەن بازاڕ شای پەروردگار ناز چەنی نیعمەت مەدۆ وە حیمار هەر کۆ دانا بۆ زەبوون بییەن زار وەدەست نامەرد بییەن گرفتار حەیا دار دایم بییەن شەرمەزار وەدەست بێ حەیا زەلیل و زگار هەزار شکایەت نمەیۆ وەکار مەبۆ قانیع بی وە چار و ناچار حەیا و حورمەت نەیجا کەردەن بار پارە نمەکۆ سەد داد و هاوار بزان چۆن مەبۆ سەر ئەنجام کار نە ئەی دار بید ورچنین ئەثمار مەعلووم پێنج سەدەن هەم نیمەی هەزار هەر چەند حەساو کەی هەر ئێدەن شومار بێ شەوق و بێ زەوق دڵم پڕ چە نار کەی خەڵاس مەوین جەی زیندان تار یەکا یەک کۆچ کەرد یاران سالار هەر من مەندەنان چە ئەی شۆن هەوار مەگەر چە ئەلتاف پادشای جەببار چە ئەی خانەی کفر کەرۆم ڕستگار مەنزڵمان دوورەن هەم گرانەن بار هیچ نمەتاوۆش ئەی لەش مردار فیرقەی یارستان گشت بییەن وە مار بەدی یەک مەکەن ڕۆژێ هەزار جار ئاشنای ئەزەڵی گشت بییەن وە غار بێگانەی ئەبەد بییەن تاعەت کار زوڵم فراوان بێ حەد و شومار ڕێزیان وەهەم گشت پێشە و دەمار عەجەب وەخیمەن سەرئەنجام کار کەی ئیسڵاح مەبۆ ئەهل ئەی دیار ئەمنییەت لوان نەمەند ئیعتیبار جەوە لخصیانەن جەمیعی ئیقرار هەر پۆسەن کردار چەرخ کەچ ڕەفتار داخڵ بیەنمێ هەم وە ساڵ مار ها چە چوار قوڕنە پەیدا بی کوشتار ڕستاخێز سەخت هەم قەتڵ و قەلار بەشەرمان مەغروور ساحێبەلوقار سەد دادم چە دەست میللەت ئەشرار مین بەعد چەند ڕۆژ لیس فیه دیار جمع الاراضی مەبۆ وە بەیار حەکیم حازیق دەرد مەکۆ تیمار بەڵێ چە ئاخر سەرەنجام کار هەم سەبر و سەبات لازمەن ئەمجار تەسلیم بی وەهەق هەم وە گەردەن لار چە دەست مەلعوون ئەی نەفس زۆردار وەرنە مەحاڵەن ببین ڕستگار وە شەرتێ خودا چەنیت ببۆ یار سەر حرس و نەفس بڕێزنی چون مار ئەر چە دەست بەرشۆ لغام و ئەفسار وە ڕاگەی غەڵەت مەکەرۆت ئیجبار ئەر قەناعەت کەی دڵ مۆ چون بەهار کۆتا خزمەتەن مەرد تەمع کار نەسیحەت ئێدەن برای خۆش ڕەفتار دڵ ئازار نەوی چەی حەرف و گفتار سەر بڵندمان کەی چەنام یار و غار سڕ هەقیقەت نەکری ئیزهار ئەر سلووک کەری وەڕای بەد ئەتوار عزیەتت مەدان وە فەلاقە و دار هەر کەس وەهەق کەردەنش ئیقرار مەبۆ کەرۆ تەرک هەم نامووس و عار ئەر وێنەی مەنسوور بکەراش وەدار دروغ گۆ نەبۆ ڕاست باچۆ گفتار چە ڕۆژ ئەزەڵ چە سەبت تۆمار هەرچی نویسیا بۆ یەک یەک مۆ ئیزهار عین القلب مەسدوود غریب الدیار چە دەستم بەرشی یار وەفادار ئەڕاگێڵەنان نە دەشت و کۆسار مەست لا یعقل بە وێنەی خەمار بە زوودی بەرشیا ئەو چاپووک سوار من مەندم وەجا پیادە و ناچار چە ماه نەورۆز یام چە پەنج و تار ئومێد هەن وینۆم چە نۆ دیدەی یار دڵ کامیاب بۆ چە وەسڵ دڵدار مەبۆ خاوەن ماڵ گێڵۆ پەی خەوار مەگەر ساحێبم لێم بییەن بێزار مەدۆم وە خۆراک گورگان خونخار بەندە بێزار نیم چە نۆشای ئەی ژار چەی زەمانەی سەرد دڵ کەردم عەمار تەعنە مەدۆ لێم صیغار و کیبار چە دەست ئەی میللەت چون سەگ هۆشیار مەگەر وە هیممەت پادشای کەرەمدار کەرەم کەرۆ پێم حەوسەڵەی بسیار ئافاق پڕ بییەن چە شۆرشت و نار یاران حفظ کەرۆ خودای نیگەهدار لاهوورەن شەهرم بکیانە میعمار وەقتەن خەڵاس بین چەی زوڵمات تار سەد فەلاقەت کەن وەدار هەنار چە ڕای هەقیقەت هیچ نەوی شکدار عەجەب چەواشەن یاران هۆشیار شانس هاتە مەیدان فەوتیان بەختیار چە حاڵ و ئەحواڵ بکەرەم ئیخبار ئەگەر ڕەحمت بۆ چە مانگێ دوو جار وێنەی مەولەوی کو مەکەم ئەشعار ئەمما چ فاییدە نییەن خڕیدار بازاڕم کەساس نەمەندەن توجاڕ بفرۆشی وەنەش دانەی قیممەت دار چە کونج خەڵوەت وەقت مەکەم ئیمرار خاستر چە نیشتەی قەسر زەڕ نیگار گەوهەر شوناسان بییەن نادیار هام فەردم نەمەند چەی دونیای غەددار نەفس موتمەئین کەردەنش فیرار چە دەست حیرس و نەفس وێش دان چە پێوار ئابڵۆقەمشان دان یەمین و یەسار نەفس ئەممارە مەکۆ ئینحیسار وەقین و وەقار چەند مەکەم ئینذار لەشکر بەدان حازرەن ئیحضار یەکسەر کینە جۆ هامسا و هام جوار عاقبت الامر تەخریب مۆ عەوار ئەوەڵ وە ڕەجای شای بوراق سوار دوەمین وە ئیمداد ساحێب زولفەقار نەجاتمان بدۆ چە شەرارەی نار زەلیلمان نەکۆ وەدەست کوففار قسە هەزارە دوان دێتە کار پەنجا و نۆ مەسرەع کەردم ئیختیسار ++++++++++++++++++++++ سەرناو: ئیبتیدا بە نام پادشای مەعبوود ئیبتیدا بە نام پادشای مەعبوود خالق المخلوق واحد الوجود عەلی بی کەردش هەم فتح الحدود وە زەرب شمشێر پێش کەردەن سجوود نەعرەتە پێکا بە وێنەی ڕەعوود لافەتا واناش جبرائیل وە زوود هیچ ناما وە تەنگ هەم بوود و نەبوود پەی ئیسلام کەردش تەفریق حدوود سەد دادم چە دەست قەومان نەمروود چە نامەی عەلی ڕووشان مۆ کەبوود چە حەق عەلی خوداوەند فەرموود اتا الله العلم شادەن هەم مەشهوود پەی دین ئیسلام عەلی بی عەموود قاپی خەیبەر کەند شێر پڕ سەعوود لەشکر سەڵساڵ هەم چەند هەزار بوود شار زەڕ فەتح کەرد تەلەسمات فەرهوود کەردشان وە غارەت ئەمواڵ و نقوود خواجای هەشت بە هەشت جنةالخلوود دوشمن عەلی دینش مۆ مەفقوود وەسفش مەعلوومەن چە هەزار قیوود وە ئەهل بەیتش هەزاران دروود چێش کەرۆن چە دەست قەومان عەنوود وە گفتەی قورئان نمەکەن قعوود جە داخ مونکیران دڵم پڕ جە دوود تەئسیر نەدارۆ پەی فیرقەی نەمروود ئینە کە نوستم لازم بە ڕای خوود چە دیوان حەق مونکیران مەتروود ++++++++++++++++++++++ سەرناو: ئەر نەگبەت بەیۆ کۆی فام فیرارەن ئەر نەگبەت بەیۆ کۆی فام فیرارەن لوقمان چەو وەختە چون هەرزە کارەن سەعادەت بەیۆ کۆی فام مەحکەمەن چە گشت بابەتێ خاترش جەمەن ئەی برادەران دونیا دەم دەمەن گا ڕۆزی بسیار کا ڕزقمان کەمەن قووت عاقڵان بە وێنەی سەمەن فیرقەی مەجهوولان دایم بێ غەمەن زوڵم و تەعەددا یاران ستەمەن ئاخرەل وەقتەن عالەم چە ڕەمەن ++++++++++++++++++++++ سەرناو: ئەوەڵ جار بە نام شاه ولایەت ئەوەڵ جار بەنام شاه ولایەت دووهەمین بە ئیسم نوور نەبییەت پەی نویسنای کیتاب کەردم ئیرادەت با یادگاری بۆ چەنام ئی میللەت نەواچان مەڵڵا نەکەردەن خزمەت خەیلێ جەفام وەرد نەڕای دیانەت هەردەم پەی جیفە هایمێ چە ئەزیەت بێ شەوق و بێ زەوق نەداران توومەت پەرێ نەزانان ئی دونیا جەننەت پەرێ دانایان هەم دەرد و میحنەت سەردارمان مەغروور هەر هان چە حیددەت بێ ڕەحم و ئینساف نیشانەی نەکبەت هەر کەس نەی زەمان داشتە بۆ غیرەت قسەی حەق باچۆ مەکەراش عیبرەت یاران چێش کەرۆن چەی زەمانەی سەخت قەدر زەڕ نییەن چە لای ئی بەدبەخت فەقیرێ چون من سوخەن پڕ لەزەت ئەر خزمەتم کەن نەدارۆ منەت هەر کەس وە گرۆی وێش دارۆ ئولفەت بوچک وە بوزرگ مەکۆ ئیتاعەت بە غەیر چە بەدی بوهتان و غەیبەت نەی جا نەمەندەن هەم قەدر و حورمەت هامسا وە هامسا مەکۆ خیانەت نەمەندەن ئەرکان ئەمن و ئەمانەت عالەم موبتەلان وە زەڕ و زینەت حەیا پایماڵ مەفقود دیانەت نەی دەور و زەمان مەندەنان حیرەت شەخس دوڕ شناس نەی زەمان قیللەت زمڕەی سەییدان دارۆ سێ خەسیەت ئەوەڵەن ئێدەن ببۆش سەخاوەت دووهەمین چە جەنگ ببۆش شوجاعەت سێهەمین سابیر ساحێب مەتانەت سەردارێ نییەن داشتە بۆ هەیبەت گشتش نابوتەن بێ شان و شەوکەت ڕەعیەت گرفتار دەرد و مەرارەت زەقنە بووت بییەن جوملەی کەسابە چەرخ چەپ ڕەفتار نەکیانا ڕیشەت عالەم هیلاکەن پەرێ مەعیشەت هیچ مەردێ نییەن پێش کەری بەیعەت بەغەیر چە عەلی شێر پڕ شەوکەت نیەنان وەتەنگ هەم ماڵ و دەوڵەت بە وێنەی تووتی هام چە سیاحەت چە هەرکۆ ببۆ فیرقەی پاک طینەت تووتی دەروونم مەراق وەسۆبەت ڕیشم سفید بی چە دەرد و خەفەت ئەی فیرقەی یاران نەدارۆم تاقەت ئی فانی هیچەن ئاخر نەدامەت خاسی بکەردێ پەی ڕۆی قیامەت نەفس ئەممارە پێم مەدۆ شددەت جەرگم ڕخنە کەرد وە تەعنە و کنیەت نەفس ئەممارە پادشای سەر تەخت نەفس موتمەئین قەرارەن وەجەخت سوپاش پەرگەندە چە نام قەڵا و کەفت حیرس و نەفس ئولکەی ئیمان کەردەن زەفت قایم بگێردێ دین و ئیمان سفت گفتار سەرف کەردەم وە هەرزان و مفت مەر یادم کەردێ باچدێ کوجا ڕەفت دەوام نەدارۆ ئی میزان چەفت پەنامان بەردەن وەزات دوو هەفت چواردە مەعسووم نەدەفتەرەن سەبت دڵمان یەخ بەستەن چەی سەردی ساعەت هەفتا و دوو گرۆ مەکۆمان لەعنەت بەدیمان ماچان قەوم بێ سیفەت هەر هان نە دۆشمان بار مەشەققەت چە ئێمە خەتا چە پیران هیممەت مەحروومان نەکۆ چە بەزم وەحدەت بازاڕم کەساس گەوهەر بێ قیمەت یاحەق نەکیانیم وە ڕاگەی غەڵەت ئەر سەد زەدە دار گیانم پڕ عییلەت سەرگەردان مەکەر بەندەت جی هەڵەت یە واتەی مەڵڵای بەندەی بێ سەروەت سەنعەت نەدارۆم غەیر ئەز کیتابەت ++++++++++++++++++++++ سەرناو: ئەوەڵ سڵامم وە زات حاجی سەبارەت: بۆ مام موحەممەد ئەوەڵ سڵامم وە زات حاجی ڕەهبەر ڕای دین جە گرۆی ناجی داخڵ وە میزان ڕای شەرت ناجی بێزار چە دیدار فیرقەی موغلاجی مەشغوڵ وە حەساد جە ناعیلاجی جەرگمان جە تەعنە کریان هەللاجی ڕەعیەیان گرفتار گێژ و ئەمواجی زەحمەتەن چەی وەخت حوسن و ئیمتیزاجی مەعلووم گیر وەردەی دەیجوور داجی گیرۆدەی عەزاب دەست خەرج و باجی ڕەئیسان برزق دار قەریەی دوڕاجی فەقیران هیلاک مەعیدەی ئاجی ڕۆشنایی دڵمان پەی سەرمان تاجی پەی یار شەکری چە لای بەد زاجی خەیلێ درۆغەن ڕای برا و باجی حزوورەن موخڵیس چە پشت چون قاچی خەتام فراوان هەنی چێش باچی مەڵڵا ڕووت ڕەشەن پەی کەس نەواچی خەیلێ یار جە دین مۆ ئیستیخراجی نەزدیکەن پەی یار هەق کۆ ئیفراجی جەی ساڵ ماردا ئەر تۆ عیلاجی مەوی وە عەرەب ئەڵبو سراجی ئەشعارم تەمام دوانزدە ئیبراجی زەعیم فیرقەی سەف ئەفواجی ++++++++++++++++++++++ سەرناو: ئەوەڵ سەڵامم وە سەیید عەلی سەبارەت: بۆ سەیید عەلی نەغە لە کەرکووک ئەوەڵ سەڵامم وە سەیید عەلی مورشید موخلیس جە عالەم بەری دووەمین سەڵامم وەبرای سەی مەجید جە دیوان هەق مەبۆ ڕوو سفید سێهەم سەڵامم وە سەیید فایق عاقڵ و غەیوور وە مەجلیس لایق چوارەم سەڵامم وە سەیید تەوفیق بە ڕەنج ڕەسام داخڵ وە تەریق پەنجەم سەڵامم وە سەیید حەسەن ئەولاد سافی پۆش غایەت دڵ پەسەن شەشەم سەڵامم بۆ وە سەیید بەیرام نیگەهدارش بۆ حەیی لایەنام هەفتەم سەڵامم بۆ وە سەیید زەینەڵ دایم حازرەن پەی جەنگ و جەدەڵ هەشتەم سەڵامم وە تاها سلێمان ئەمسالش کەمەن جە ڕووی ئەی جیهان سەڵام بیاونە وەسەی خودا بەخش سادیقەلقەولەن وەبێ غەل و غەش سەڵام بیاونە وە سەیید بورهان مەحبووس و ئەسیر گیروەردەی زیندان بییەن وە ڕەمماڵ پەی فیرقەی ژەنان مەحروومەن جە بەزم مەجلیس یاران سەڵام بیاونە وە عەلی ڕەشید ئەرکان یاری گرتەنش تەجدید سەڵام بیاونە وە کوڕەی شەهاب تازە خەوەردار بێدار بی جە خاب سەڵام بیاونە وە تەوفیق حەیدەر پەی ئاداب دین خوڵاسەی ئەتهەر سڵام بیاونە وە مەجید چاوش مەرد فامدارەن خاسەن حەساوش سڵام بیاونە وە مامۆ شوکر شوفێر دەوران غافڵ جە زیکر سڵام بیاونە وە سەی محێ دین داخڵ بی وەشەرت ئەرکان موبین سڵام بیاونە وە مام مستەفا پەی جیفەی دونیا هەر هان چە جەفا گرفتار وە دەست قەڕن بێ وەفا عەزابش فرەن نەدارۆ سەفا سەڵام بۆ وە نەزد فرزەند عارف ئەحمەد و مەحموود مەرد تەعاروف سەڵامم هەنەن وە عەبدەی بەقاڵ نیگەهدارش بۆ حی ذوالجلال سڵامم هەنەن وە ئەبوو غازی خودا تەعالا لێش ببۆ ڕازی عەلی موحەممەد نەسڵ چۆبان نام سەڵامم هەنەن هەزاران سەڵام سەڵام بۆ وەنەزد فیکرەت ئەفەندی مامور البرید چون کەللەی قەندی سەڵام بۆ وەنەزد موحەممەد قەرداش زەحمەت چەنیمان ببۆ وە یۆڵداش سەڵامم هەنەن وە عەلە و نەجاڕ سالم و سکووت مەرد وەفادار سەڵام بۆ وەگشت یاران کەرکووک لە ئافرەت و پیاو گەورە تا بچووک سەردار یاران زات خان ئەحمەد باقی وە یاران یا عەلی مەدەد حاضر المجلس خیر الخلف نام سەڵامش هەنەن وە گشت خاس و عام وەهیممەت لوتف شای خاوەندکاران یاران یەک وجوود چون جار جاران ++++++++++++++++++++++ سەرناو: ئەی برای عەزیز نوور دیدەنی ئەی برای عەزیز نوور دیدەنی خاوێ موبارەک وەخێر دیدەنی وەی بەندەی کەمتەر تۆ فەهمیدەنی بادەی ئەنتەهوور عەشق چەشیدەنی پەی زوهوور هەق دڵ ئومێدەنی چەمەڕای شادی ڕۆژ عیدەنی داخڵ وە مەجلیس شای وەحیدەنی جە جیفەی دونیا دڵ بڕیدەنی تاجری سەڕاف زەڕ خڕیدەنی تازە خەڵاتی عەشق جەدیدەنی تەمامی وەدڵ من چەسپیدەنی فیدای دینی یار دڵ شەهیدەنی بێ یار و یاوەر موعتەمیدەنی ئوستاد کامڵ پەسەن دیدەنی پاسەبان زاغ دار بیدەنی درەخت کامڵ گوڵ ڕەسیدەنی ڕەونەق مەجلیس وەخت عیدەنی کریم الخصال زۆر موفیدەنی جە دەست بەدان دڵ بەعیدەنی نە قەهری نەزان دڵ پێچیدەنی وێنەی مەئیووسان جە حەفیدەنی دانا و مودەبیر خۆش جەریدەنی نادر المثال فەرد فەریدەنی موبتەلا وەقەهر قەوم سەردەنی پەرێ ڕاگەی ڕاست وەتەجهیدەنی جە نام یاران بەر گوزیدەنی جە دیوان هەق ڕوو سفیدەنی خاڵیس و موخڵیس سیڕ پۆشیدەنی شەرابەڵحەریر زوود چەشیدەنی ئوستای هەقیقەت خۆش مورشیدەنی ئەشهەدم بیللا هەم ڕەشیدەنی مەراق وە گفتار هەق شنیدەنی دایم ڕەوشەن زەین لەب خەنیدەنی دایم سەر توفەیل پەی موریدەنی جە بەعزێ ئیشا هەم عەنیدەنی وەڕووی مونکیران تیر شەنیدەنی بێ پەروا جە خەوف گشت تەریدەنی کەمتەر غوڵام تۆم ئەکیدەنی شادی زەوق دڵ مل چەمیدەنی ++++++++++++++++++++++ سەرناو: ئەی شۆخ مەحبووب چە ئاهووی سارا ئەی شۆخ مەحبووب چە ئاهووی سارا یەکدەم با دڵم بکەر مەدارا خەدەنگ غەمزەت چون سەنگ خارا بزەن وە دڵم بکەر سەد پارا بزەن یەک خەنجەر من بکەر ڕیسوا ئەی نوور دیدەم چەشم کەر باڵا جارێ چە وەسڵت نەیاوام بەکام دەخیلەن جڵەو بگێر وە ئارام ئەگەر تابووتم بەران پەی مەزار ئەگەر نمەیی بکەر ئینتیزار من عاشق تۆم چە نام یار و غار با مروەتت بۆ مەبەر ستەم کار کافییەن پەی من چە ڕۆژێ یەک جار بوینی وەچەم جەماڵ دڵدار ++++++++++++++++++++++ سەرناو: بان عین المفتوح دیدە گوشادم باطن عین المفتوح دیدە گوشادم عالەم گشت غەمناک هەر خۆم دڵشادم ظاهر عین القلب مەسدوود دیدە لێڵاوم گشت عالەم خاسەن هەر خۆم خەراوم ++++++++++++++++++++++ سەرناو: باچە وە کوێخا شێر بێ نەزیر سەبارەت: نامە بۆ ئاشنایەک باچە وە کوێخا شێر بێ نەزیر شەخسێ بکیانۆ هەتا وە بەشیر ببۆ وە مێمان چە لای یەک شوناس بەیۆ وە شۆنم وە سیدق و ئیخڵاس هەتا وە بەشیر وە سواری ماشین وە کەیف و سەفا جاگەی دڵنشین من کە بیاوی وە قەریەی بەشیر ئەگەر خەر نەبۆ وە سواری بەعیر هاوارەن حونطە دەخیل یا شەعیر سەلامەتم کەر چە ئی ڕاگەی دویر ئیمجار وەڕاستی مەڵڵا ها چەویر ئەگەر کە ئامام چە من هەن تەقسیر وەسپارەش حەج نمەبۆ قەبووڵ ویتەورە مەبۆ وەشەرت و ئوسووڵ سەلامم هەنەن وە هەیاس مەڵڵا ئیکمالم کەردەن شای قەندیل قەڵا کیانام پەرێش وە دڵێی مەسروور یاڕەبی قەزا وە لێتان بۆ دوور عەرز خڵووسم هەن، وە جەمیع سادات وە فیرقەی مامان ساحێب کەرامات دوو وەمین وە فیرقەی جەمیع ئۆمیات قەتعییەن مەڵڵا ناکا لۆمییات سێهەمین هەر کەس مەپەرسۆ ئەحواڵ سەلامم هەنەن پڕ هەزار جواڵ ئەر سەد بواچان مەڵڵا موفلیسەن سەد فەرگوون سەلام وەنیم فلسەن سەلامم هەنەن وە سەیید قەمەر هەللاج دۆمان وە ڕوو کەن چاپ کەر هەزار سەلام بۆ وە موحەمەد ئایش ها وەختەن مەڵڵا بەیۆ بە جایش سەلام وە مەحموود وە ئەبوو عاسی لازم بۆ سەرکار چە کانی ماسی ئەگەر ---- نەکۆ هەم وەناو ڕاسی ڕوئیەی سەیدیش گێرۆ وە ڕاسی شەو و ڕۆ مەدحش ماچی وە خاسی مەعلووم ئامۆزای مەڵڵا عەباسی نیم هۆقە سەلام وە ڕەحیم خانە عەجەب غولێوەن چە بیابانە ئەمسالش نییەن تا وە ڕۆخانە دەوڵەتش مەلۆ گشت وە گۆڕخانە ئی شیعرە نویسنام هەم پەرێ سوحبەت چە گفتار من کەس نەکۆ حیددەت ئەساسەن ڕەحیم کۆنە هاوسایە دەروون چون حەدید دڵ نەخوسایە ++++++++++++++++++++++ سەرناو: برا جغارە برا جغارە... شنەفتم کەردت تەرک جغارە نیگادارت بۆ پادشای هەزارە هەزار ئافەرین جەی فیکر و کارە هەزار چوین مەڵڵا بۆت خزمەتکارە حەزرەتی چایی بییەن سەردارە هەزارێ چون من کەردەن ئاوارە سەبووریت چایەن برای غەمبارە نەواچی مەڵڵا مەردێ وەکارە ئێستاکە دەوران فیرقەی بێعارە عاقڵان ساکن گۆشە و کنارە مەڵڵا گرفتار نەفس بەدکارە مەقبووڵم کەردەن نەفس ئەممارە دەلیلمان چایەن شەکەر پیرمانە شەو و ڕۆژ نامش هەر چە ویرمانە دونیا خاپوور بۆ وە ساق... هەرچی نویسیا بۆ چە تەقدیرمانەن ئەگەر ئازانی چایی بکەر تەرک مەوی غوڵامت تا وە ڕۆژ مەرگ نمەیۆ وە داد ئەی کوڕە کوڕە جغارەت تەرک کەرد پەی کۆکە... تڕە جە داخ دەوران مەڵڵا مان وڕە ئێستاکە دەوران وەختی مونکیرە جە گفتار خاس دڵم زۆر پڕە ئیجازە نییەن دەستم چون سڕە زۆر موشتاقتانم گیان سەیید حەمە ڕەونەق مەجلیس زەوق زەمزەمە وختەن خەڵاس بین جەی تۆز و تەمە هیمەتمان حەقەن چراغ و شەمە هەنی کافییەن برای مەحرەمە وە پانزە ڕەقەم ئیکمال بی گەمە ++++++++++++++++++++++ سەرناو: برا خرۆشان برا خرۆشان... سەراسەر عالەم پەی جەنگ خرۆشان دیک دەروونم سەر جە نۆ جۆشان یەک یەک پەیدا مۆ گەوهەر فرۆشان خەڵات مەکریۆ فیرقەی مەی نۆشان فەوت و فەنا مۆ گرۆی ئاڵۆشان شەخر سواران نییەن هاملۆشان سواران غەیب دونیا مەپۆشان سەف ئاڕای لەشکر جە چەهار گۆشان پەی قەتڵ و قیتاڵ یەکسەر مەکۆشان زۆمڕەی مونکیران مەبۆ پەرێشان عەجەب کوشتار مۆ تێشان وە ئاشان ڕەونەق دار مەبۆ قەدیم قوماشان دونیا مۆ بەهەشت سەیر و تەماشان عەدوی ئەهلی بەیت دەروون خراشان یەکسەر باتڵ مۆ صوم صەڵاشان جای بیئسەل مەسیر مەبۆ وەجاشان زیانەی دۆزەخ شێخ و مەڵڵاشان خود بین، خود پەسەن نییەن حەیاشان دەفتەر دار مەکۆ یەکسەر جیاشان وەغەزەب مەبۆ کار ڕیاشان تاریک مۆ زوڵمات شوعلەی چراشان تەمام قەتع مۆ مەلجا و پەناشان هاشا پێغەمبەر ناکا ڕەجاشان ئەر خودا جە عەبد وێش نەبۆ ڕازی فایدە نەدارۆ سەد مەڵڵا و قازی خالیق جە مەعبوود ئەر نەبۆ خۆشنوود ڕەجای پێغەمبەر هیچ نەدارۆ سوود گونام کیبارەن وەزن هەزار ڕەطڵ مەعلوومە الفتنه اکبر من القتل یوم لا ینفع مال ولا بنون جە ئایەی فورقان کەردەن ڕەهنموون الا من اتی الله بقلب سلیم تەحریرەن جە صوحف کەلام قەدیم قەت واتەن نماز صوم چەنی صەلات مەنفەعەت دارۆ پەی ڕۆژ هەی هات هەرکەس سالم بۆ وە دڵ و وە گیان وەبێ پرس و جۆ یدخل الجنان جە قالوا بلی جە وعد الوعید کەس نمەزانۆ شەقی یا سەعید مەر خالیق وە وێش زانۆ کێ خاسەن کەمتەر گشت عالەم مەڵڵا عەباسەن ولا تقنطوا من رحمة الله ئومێدەوارەن پادشاه و گەدا بەڵێ وەحەدیس دەلیل و بورهان خالیق وە مەخلووق وێش کەردەن بەیان مەعلووم جە فیرقەی گوناه کارانم کەلب کەمتەرین قاپی یارانم ++++++++++++++++++++++ سەرناو: برا خەوەرت سەبارەت: نامە بۆ مامۆستای بەناوبانگی کاکەیی «سۆفی ڕەشید هاواری» برا خەوەرت... یە چەندێ وەختەن نامان خەوەرت مەوی وە غوڵام ڕەوشەن بەسەرت یەک عەشقێ سەودا ها جە تۆی سەرت یەکجار شیرینەن بار و سەمەرت قایمەن وەحەق پشت و کەمەرت جە حاڵ بەندە بەیۆ نەزەرت نۆش گیانت بۆ واردەی کەوسەرت *** نوخت - - تەمام ئیزهار بی ئاوازەی خۆش عەجەب ئیخبار بی تەمام ئەهل حەق یەکسەر بێدار بی مەعلووم ژار نۆشان گشت وەفادار بی داخڵ وە فیرقەی شای خاوەندکار بی واردەی مونکیران وە ژار مار بی فریاد ڕەس حازر خودامان یار بی ئی دەرد و میحنەت پەی یار - - بی پەرێ بێداران فەسڵ بەهار بی شەرت - - چەی ساڵ مار بی شادی کەن شادی یار خەوەردار بی بەندە پەی یاران وەخزمەت کار بی چە چوار عەناسر شوعلە دیار بی پەشێوی ئیقباڵ گرۆی ئەغیار بی قانوونێ تازە چە بەغدا شار بی ڕەفیقش ئاما وەنەش هامیار بی زومڕەی بەد تینەت تەمام شکدار بی ئوردوو هیجاوە لەشکر سوار بی جە چوار گۆشەوە قەتڵ و کوشتار بی ئەی نوور عەینم، مەبۆ هۆشیار بی جەژن یارانەن خانە مەعمار بی هەتاکە ئیمڕۆژ دەور ستەمکار بی ئەحواڵ پەریشان فەقیر هەژار بی شکات قەبووڵ بی قەید دەفتەر دار بی ئەمر سەندەی هەق دەلیل دیار بی هەق مەزڵوومان یەک وە هەزار بی خوون شەهیدان چە تۆی ئەسرار بی چە دمای خەفەت شادی دیار بی سەف تانە کێشان یەکسەر نامدار بی خزمەت و کردار نەشەست تۆمار بی هەق واچ چون مەنسوور تەسلیم وە دار بی مایەی دیانەت شەرت و ئیقرار بی زەبوونی تاڵع قەوم ئشرار بی چون یاران ساکن گۆشە و کنار بی زات یا عەلی وە مەدەد کار بی بیست و یەک مەسرەع تەمام ئەشعار بی ++++++++++++++++++++++ سەرناو: برا خەیاڵم برا خەیاڵم... شەو و ڕۆژ دایم های جە خەیاڵم مونتەزیر وە لوتف شای ذوالجلالم وە قوربان یار بۆ گشت سەر و ماڵم جە بەد ئەتواری نییەن ئەمسالم گرفتاڕەنان وەدەست زاڵم فیدای کەسێ بام دەروون بۆ سالم نەواچان فەقیر وەبێ کەماڵم وەگەر فریاد ڕەس بگێرۆ باڵم وەرنە پایماڵ پەرێشان حاڵم بێ خەوف و خەتەر فاریغەڵباڵم ڕزیان جە پیری مووی کلک و یاڵم مۆ جواب بدەی تۆ وە سوئالم بێ یار و یاوەر دەروون زوخاڵم جە لای بەدکاران نییەن ئیقباڵم پەرێ ئەهل هەق شیرین جەماڵم ساکن، سکووت خۆشەن مەقالم شادی وە خەروار خەم وە میسالم گیرۆدەی تەلەسم داڵ بن داڵم مەحبووس و ئەسیر دێو سەڵساڵم جە لای مونکیران زۆر تورش و تاڵم پەی مەیدان داری ساحێب گۆپاڵم سوپای حرس و نەفس کەردەن ئیغفاڵم جەی خانەی نیعمەت نییەن مەجالم پەی بار تەعنە وێنەی حەماڵم هەق وە ئیجامە کەردەن ئیرسالم گرفتار وەدەست نەزان ئەحواڵم جەهد مەکەم پەرێ ڕای ئیستیقلالم گیر وەردە وە دەست ئەی قیل و قالم واردەم نانی یەو هەم پۆشاگ شاڵم ئیفتادە چە نام قوڕاو و چاڵم واجیبات ناقیس بەدەن ئەعمالم جە گونا کاری هەم زوبان لاڵم کۆتا خزمەتم وەبێ ئیکمالم وەقەوڵ هەقیقەت مەدەن گۆشاڵم ماڵم گشت حەرام نییەن حەڵاڵم گرفتار وەدەست ماڵ و مناڵم پەرێ زوهوورات وە ئیستیعجالم ئینتیزار وە لوتف شای بێ زەواڵم فەقەت جەی دەمدا دین پایەماڵم ++++++++++++++++++++++ سەرناو: برا خەیاڵم ٢ برا خەیاڵم... شەو و ڕۆژ دایم های جە خەیالم ئەی سەیید حەمە قەزات وە ماڵم جە دووری دیدەت وێنەی عەبداڵم وە تەڵخ مۆ بار و ڕۆزگار و ساڵم جە دووری یاران دەروون زوخاڵم ئەر سەد کە فەقیر بێ موڵک و ماڵم وەسایەی یاران ساحێب ئیقباڵم دەور دەقیانووس ها جە خەیاڵم نەدیم چەی وێنە میللەت زاڵم ئەر سەد حاجی گیان پۆشاگەن شاڵم ڕزیان جە پیری تووک کلک و یاڵم جە تەعنەی بەدان فارغ البالم جە بەعزێ ئەحواڵ زۆر ئەوقات تاڵم پەی مەدح یاران وێنەی دەڵاڵم فیرقەی یارانەن گورز و گۆپاڵم تۆ قەت نەپەرسای چۆنەن ئەحواڵم خودای هەیکەلان بییەن زەواڵم گرفتار جە نام قوڕاو و چاڵم گشت کەردەی وێمەن دایم بێ ناڵم مونتەزیر وە ئەمر شای بێ زەواڵم یاهەق دڵ یاران گشت کەری سالم زات هەق وێشەن مەلجاگای پاڵم ساکن و سکووت هەم زوبان لاڵم پەی بار لەعنەت چون خەر حەماڵم مەعلوومەن مەحو بییەن ئیقباڵم ئەر سەد جار باچی ساحێب کەماڵم پارە نمەکۆ چونکە بێ حاڵم مەراق وە یاران ساحێب جەماڵم سککەی شەرت بتوون ساف و زوڵاڵم هەق وێش مەزانۆ چون کەردەن قاڵم ئەر نێک و ئەر بەد نادر ئەمسالم ++++++++++++++++++++++ سەرناو: برا مەستەنی برا مەستەنی... مەعلووم بی جە لام تەمام مەستەنی لاقەید جە واتەی خام و گەستەنی باتینەن دڵشاد زاهیر خەستەنی مەی نۆش ئەزەڵ کۆی ئەلەستەنی چەنی ئەی فەقیر هام پەیوەستەنی جۆیار باقی هەم سەر مەستەنی جەولاندەر خاس پێش و پەستەنی پەی شەرت و شرووت کەمەر بەستەنی وەعدەی ساڵ مار وەنەش دەستەنی گفتارت لذیذ هەر چە نیستەنی باتینەن ئاباد دەروون هەستەنی دەروون پڕ جە عیشق بوریان جەستەنی مەرد موبارز کەمان شەستەنی پەرێ نەزانان کەم هەوەستەنی پەرێ زهوورات حوکم وەدەستەنی دیگ زەمیر ساف غایەت چەستەنی وەجاگەی مەقسوود تەمام ڕەستەنی حرس و نەفس کوشتە هەر چە قەستەنی گرۆی مونکیران تۆ شکستەنی عەندەلیب ئاسا جە قەفەسەنی زەلزەلەی ئاشووب عەبد و شەستەنی خۆشەویست زات چوار و هەشتەنی ڕەوشەن زەین و ساف دڵ بەهەشتەنی بە وێنەی مەجنوون وێڵ دەشتەنی هەراگێڵ چۆڵ نەکۆ نیشتەنی ئەرکان یاری تەمام ڕەشتەنی وەدەست گومڕاهان دڵ شکستەنی دایم جە سەیران سەحرا و گەشتەنی هونەرمەند خاس هەم زۆر مشتەنی پەرێ یارستان قەڵا و پشتەنی ساحێب قەهر و قین جە خۆ ڕشتەنی فیدای یارستان پەی هەق ڕەشتەنی موخڵیس قەدیم پشتەڵ پشتەی ئوستاد میعمار ساحێب خشتەنی ساکن و سکووت خەڵوەت نیشتەنی وێنەی سیا وەخش خوون چە تەشتەنی چون تووتی ئاسا چە گڵ گەشتەنی شراب الحریر مزە چەشتەنی چون هەور ڕەحمەت باران وەشتەنی ++++++++++++++++++++++ سەرناو: برا نەمەندەن برا نەمەندەن... وەعدە تەمام بی هەنی نەمەندەن شەرت تەمام بییەن مەر قەرار چەندەن فیرقەی یارستان تەمام پەرگەندەن زومرەی شکاکان گشت قوەت سەندەن نێکان گرفتار حەڵقەی کەمەندەن ئەی قەوڵ و قەرار شەرت و پەیوەندەن ئەی ژار فینجان شەکەرین قەندەن گرۆی موخڵیسان بێ چون و چەندەن وەزات بێچوون وەهەق پەیوەندەن خطوط مستقیم خەرمان خۆش ڕەندەن نێکان یەک و چوار گشت وەیەک بەندەن فیرقەی دەوڵەمەند وە فەقیر خەندەن تیر وە ڕووی دیدەی مەغرووران شەندەن بوزرگان مەشغوڵ ڕای فێڵ و فەندەن ڕیشەی مونکیران جە دونیا کەندەن شکاکان تەمام نامەی مەرگ وەندەن غەڵغەڵەی کوشتار جە ماه ئایندەن خرووج لەشکر پەی قاپی لەندەن امر الافواج جە سەمەرقەندەن قابیز پڕ غەزەب بە غایەت توندەن موهر نگینش چە مەولا سەندەن دینداری ئەی وەخت خەیلێ پەسەندەن وەر جە قیل و قال دەروونمان زەندەن ++++++++++++++++++++++ سەرناو: برا گیان حەیات برا گیان حەیات... یاوا پێم نامەت چون ئاب حەیات ئەحیام کەرد زندە نەڕووی سەر بە سات وانام سەر تا پا وە کەیف و نەشات خودای بان سەر مەکەرۆت خەڵات لایقەن وەنەت ئەی بەش و بەرات وەختەن جەی گەرداب فانی بین نەجات جەی ساڵ ماردا وەعدەی زوهوورات دەلیل قاتیع مەکەرۆ ئیسپات سەف مێردانەن ڕەمز و ڕمووزات وەڵەوکن دوورم ڕۆحم ها چە لات سەر و ماڵ فیدای گەرد خاک و پات غایەت دڵشاد بیم چە ئەی ئیلتیفات مەعلووم زیاد مۆ کەشف و کەرامات جە لای مونکیران ناچی مەڵڵا وات شەوق و زەوق بتوون زیاد مۆ چە لات گشت وەیەک شاد مۆ حەیات و مەمات کەلب هۆشیارم جە قاپی دەرگات وەهیممەت تۆ واتم ئەی ئەبیات وەرنە پەرپووتم بێ دەستگا و ئاڵات دۆعا گۆتانم بەندەی سەنا خوات دۆعام پەی کەرە مەقبووڵەن ڕەجات سەر وێنەی گەڵای دار و نەباتات مەڕێزۆ وەهەم چەنی تورک و تات دایم هۆشیار بەر نەفس نەکۆ ئیغمات زاری و واوەیلان پەرێ مونکیرات کەللەی زاڵمان مەکیانان سۆقات سەرگەردان مەوان وە تەڵخی ئەوقات یەکسەر گرفتار زوکوور و بەنات وا هەق زوهوورەن شادی بۆ خەنات هەر چوار کتووبات ئینجیل و تەورات بێ قەدر و قیمەت وەبێ کەرامات نیشانەی وێشەن ئوستاد سەنعات عەفوو کەر قسوور دارۆم غەڵەتات ++++++++++++++++++++++ سەرناو: برا گیان خەراب برا گیان خەراب... دونیا نەمەندەن وەختەن بۆ خەراب بە حوکم بێچوون پادشای وەهاب مەئموور ئامادەن وەتەعجیل و تاب عیشق دەروونم وەیتەور کەرد حیساب جەی ساڵ ماردا مەبۆ فتح الباب دڵ یارستان مەگێرۆ حوباب نێکان خەڵاس بۆ بەدان دڵ کەباب حورمەت قەلیلەن جە دۆست و ئەقراب مەردان چەنی زەن بییەن وە ئەرباب جاهیلان مەراق تەموورە و ڕۆباب عاقیلان مەدفوون فی تحت التراب موبتەلای فسقەن شێخ چەنی شەباب بێ قەدر و قیمەت هەر چەهار کیتاب هەزاران ئاما چون ئەفراسیاب جەی دەریای فانی نیگوون بی غەرقاب جەی بەندەی فەقیر نەگێری عیتاب غوڵام وەتوەن ئەی عالی جەناب عالەم پەی جیفە مەکۆ ئیرتیکاب لە ئەفعال بەد ناکەن ئیجتیناب جەرگ مونکیران کێشان وە قولاب بەدان مۆ تەلەف گرد بێ کفن و ئاب ئامام وە خزمەت وە تەعجیل و تاب جە عید نەورۆز مەوین کامیاب ئاشنای ئەزەل بییەن وە ئەجناب بێگانەی ئەبەد بییەن وە ئەحباب بییەن وە عەدوو فرزەند چەنی باب شەبان تا وە ڕۆژ هیچ نەدارۆم خاب نامەی شیرینت لەفز خۆش مەئاب یاوا وە دەستم وانام وە شەتاب دەروون ڕەوشەن بیم بە وێنەی ئافتاب تاریکی ڕەم کەرد بی وە ماهتاب وەدەست هەقەن ئەر خێر ئەر سەواب غافڵ نمەبۆ دەروێش تەواب هەفت نازر حازر مەندەن هەفت نواب ئەوشانیش مەوجوود مەکەمەل ئەسباب وەخت شادییەن برای خۆش ئەلقاب پەنامان بەردەن وە اولو الباب داخڵ مۆ وەیەک عەجەم و ئەعراب سەیل خوون ڕاهی مەبۆ وێنەی ئاب گفتارم لذیذ ئەنگوور و ڕوتاب مەزەن پەی دەماغ یاران خۆشاب ++++++++++++++++++++++ سەرناو: برا گیان سەلام برا گیان سەلام... سەلامم هەنەن هەزاران سەلام وە فیرقەی سادات مام و خاس و عام نیگادارتان بۆ حەیی لایەنام یاوا وە دەستم نامەی خۆش مەشام عاجز و مەحزوون جە کەردەی نەفام دۆعا گۆتانم جە سوب تا وەشام بێزارم جە دەست نوتفەی ناوەکام عەزیزم کەی بۆ بنیشی وە لام غوسەی دەروونم بەرشۆ جە ئالام فیکر و عەقڵ و هۆش نەمەندەن چە لام ئۆمێدمان هەنەن بیاویم وە کام کەی ڕەوشەن مەبۆ ئەی شەب ظەلام دڵمان ڕەوشەن بۆ جەی وەقت و ئەیام کاسە پڕ بییەن نەدارۆ دەوام پەنامان هەنەن وە ڕەجای... م یە ئەمری هەقەن زوبدەی ئەلکەلام جەزای فراوان جەم بەستەن چە لام ئەمر یەزدانەن نا عەدلەن حوکام ئەهل هەق تەسلیم بییەن وە نەفام چ تەور تەحریر کەرد دائیرەی ئەقلام ئەر غەم ئەر بەڵا ئەگەر شادوکام مەبۆ ڕازی بین دڵ گێرۆ ئارام ئەی دەورەی فانی زوو مەبۆ تەمام یەزدان جەی کارە حیکمەتێ دارۆ هەقمان مەستانۆ فەردا یا ئارۆ خودا عادلەن شکێ نەدارۆ لازم هەق وەدەست هەقدار بیاوۆ موفەشق بییەن شیرازەی فیکرم بێ شەوق و بێ زەوق مەحرووم چە زیکرم جە عەلی سەرای سەیید موحەممەد جواب شیعرم پەی بکەرە ڕەد یا هەق نەیۆنێ وە ڕاگەت هیچ بەد نیگادارتان بۆ واحد الاحد ڕاگەی موستەقیم بابۆ چەنی جەد مەبۆ بگێریم دەروون موعتەمەد کیانام پەیت نامە برای موعتەقەد باقی والسلام یا عەلی مەدەد ++++++++++++++++++++++ سەرناو: برا گیان نامە برا گیان نامە... یە خەیلێ وەختەن نەکیانای نامە فیرقەی مونکیران گیرۆدەی دامە نەزدیکەن زهوور شادی و هەنگامە بەدان وە نێکان ماچان بەد نامە شکاک خەجاڵات حزوور شامە قانوون مۆ تەبدیل برای خۆش فامە دەورێ عەدالەت مۆ جەی ئەییامە ڕەجاچی یاران زات - - - ڕەهبەر چەرخەچی گردین عەوامە زاڵم موبتەلای دەرد و ئالامە فەقیران دڵشاد وەشادی و کامە ئەی مەڵڵای جۆیار شیرین کەلامە پەی گردین یاران یەکسەر غوڵامە ئاشووب و فەساد - - - وێڵ سەرگەردان نە چۆڵ شامە - - - مێردان وەعدەی تەمامە دەور دەور ڕاستییەن یار خۆش خەرامە زات - - - قائیدی عامە غاران مەپێکۆ وەتیر پەیکامە زات شا حەیدەر جای ئیلتیجامە فیرقەی بەد کاران مەکۆ لغامە دەوران فانی وەبێ دەوامە باقی مەعموورەن دەروون سەلامە زەمیرم موفەشەق خەیاڵم خامە ئەرێ حاجی گیان یە چ بەڵامە دڵ خاپوور کەردەن نەفس لەوامە نەفس موتمەئین بێ دەنگ و سامە عەقڵ و هۆش و فام ڕەم کەرد چە لامە جە دەست تەعنەی خۆڕێ و لەگامە کەس نییەن وە تەنگ یوم القیامه قەبووڵ نەداران تەعویزی جامە تەعنە مەکەن زیکر صوم و صەلامە بێزارم جە دەست گرۆی نەفامە کەی ئەدا مەبۆ ئەی قەرز و وامە ئەی دونیای فانی پاپێچ پامە وەختەن ساڕێژ بۆ ئەی کۆنە زامە دەرمان بکیانۆ شای سەرەنجامە یاهەق یار نەکەی نمەک حەرامە چەند نێش نەشتەر یەکسەر چە ڕامە پەرێ هەقیقەت چە نۆ چە ڕامە یاڕەب کردارمان نەکەری خامە جەمیع یارستان گشتش برامە فەرامۆش مەکەن چە خێر دۆعامە جەی ساڵ ماردا شەوق و جەلامە کەمتەرین نە گشت خەوەر چە لامە گ شەو مەوینی غەریب ئەحرامە جە خاودا وەنەم مەدان ئیلهامە پەرێم بکیانە جەواب نامە بێزارم جە دەست مەجازی جامە گفتارم لذیذ شیرین خۆش تامە دوو هەزار ڤینتار جورم و گونامە قانوونێ جەدید کریان سەقامە خادیم یاران عەلی سەرامە ++++++++++++++++++++++ سەرناو: برا گیان وانام برا گیان وانام... نامەی خۆش ئەلفاز سەراسەر وانام چون تەیر تیژ باڵ، باڵ و پەڕ شانام مەعلووم شەو و ڕۆژ... هانام حەکاکە ئێستا زاتت نەناسام بەڵی جەی وەختە مەعلووم بی چە لام *** ئەی ڕەمزە سڕ بۆ مەکەرەش ئیعلام ئەگەر بواچی پەرێ خاس و عام کارت تەعتیل مۆ مەمانی سەر سام جە گرۆی جاوید مەویایم وە کام وێت مەکەر وە شێت بێ هۆش و سەرسام کەمێ سەبرت بۆ عەلییەن ئاغام ها عەرزت کەردم سەراسەر تەمام قەواڵەت مۆر مۆ مەوی شادوکام جە عالەم خاو مەدەری پەیغام ظاهرا معیوب نوتفەی ناوەکام یاهەق وە دەرگات ئێدەن ئیلتیجام ئیمانمان هەنەن وەی دەستگا و مەقام جەی سەردی ساعەت نەکەریم نەفام چەنی گومڕاهان نەپێچیم ئەدام مورشید موخڵیس شای شیرین کەلام کەلب یارانم باقی والسلام ++++++++++++++++++++++ سەرناو: برا گیان یاوا برا گیان یاوا... نامەی شیرینت وەدەستم یاوا خونچەی دەروونم چون گوڵ شکاوا چە شەوق و شادی مدرام وە پاوە نەیجا نەمەندەن شەرم و حیجاوە هیچ نایەن وەتەنگ سەیید و باوە قسوور نمەکەن لە کار خەراوە دایک یەکتری ئەگێین وە پاوە کەی نەجات مەوین جەی زەید و قاوە ئاخر سەرەنجام مەوین بەد ناوە یەکسەر لێخن بی مەجرای سەر چاوە پەنامان وە زات خواجای گشت کاوە هەر جە بەیانی تا وەخۆر ئاوا مەشغووڵم پەیتان دەست وە دۆعاوا بێزارم جە دەست ئەی ناحەساوە بێزار جە ئەرکان ڕای باوەڵباوە مەڵڵا چون خەفاش مەحرووم ئافتاوە ڕاگەم کەردەن گوم جە ئەی ماهتاوە شەبان تا بە ڕۆژ هام لە غاوغاوە جە کەردەی دەوران سەرمان سڕ ماوە ناپوختە قاڵب دەروون زوخاوە شادی و زەوق و شەوق جە لای پاکتاوە مەڵڵای کۆر باتین دیدە لێڵاوە خەڵ ئەی زەمان خودای بەرداوە مورغ دەروونم لانەی فەوتاوە شیرازەی فیکرم تەمام بڕاوە جە زاهیر سەواب خەتا پەنهانەن نێک و بەد جە لای خالیق عەیانەن ++++++++++++++++++++++ سەرناو: برا یارت بۆ سەبارەت: بۆ فەقێ حەمە حەیدەر برا یارت بۆ... زات ید الله دائیم یارت بۆ زات فریاد ڕەس مەدەد کارت بۆ دوڕ و جەواهیر جە عەمارت بۆ دائیم شادی و زەوق خۆشی کارت بۆ مەبۆ ئینتیزار ساڵ مارت بۆ زیکر هەق دایم چە گفتارت بۆ جە دیوان هەق ئیعتیبارت بۆ هەزار چون بەندە خزمەت کارت بۆ فەڕاش دەرگای کووچە و شارت بۆ گرۆی گشت خاسان هام جەوارت بۆ عیلم باتنی جە ئیخبارت بۆ پەی دونیای فانی شین و زارت بۆ چەمەڕای تەبیب دڵ بیمارت بۆ عەقیدەی درووست قەول و قەرارت بۆ سەنگ پەرچین خاک تۆی مەزارت بۆ هەنی کافییەن ئەگەر عارت بۆ گفتار لذیذ جە شومارت بۆ نامداران خەجڵ کار زارت بۆ مێوەی ڕەنگای ڕەنگ جە ثیمارت بۆ داخڵ وە ئیجماع سەف زەوارت بۆ زاتی... وە هۆشیارت بۆ ئەر سەد چەنیمان قین و قارت بۆ سیڕ نیگا داشتن جە ئسرارت بۆ یاهەق ئەفزوونتەر شوعلەی نارت بۆ وەعدە نەزدیکەن خەڵات یارت بۆ مەڵڵا وە فیدای گەردەن لارت بۆ ڕمووز خودا وە ئاشکارت بۆ ساکن و سکووت جە گۆشە ماتم کەلب کەمتەرین قاپی دەرگاتم ++++++++++++++++++++++ سەرناو: برا یارەنی برا یارەنی... مەعلووم بی جە لام تەمام یارەنی پەی زوهوور هەق ئینتیزارەنی جە ڕای دۆنای دۆن خەوەردارەنی وەدەست نەزان دڵ بێزارەنی وە حوکم یەزدان گرفتارەنی دایم جە نۆشای قەهر و ژارەنی بێزار جە ئەرکان بەد ئەتوارەنی پەی دیدار یار دڵ بیمارەنی بێزار جە ئەغیار فیدای یارەنی چەمەڕای خەڵات ئارۆ و سارەنی تەسلیم وەڕای هەق گەردەن لارەنی گا گاهێ توغیان قین و قارەنی اظهر من الشمس تۆ ئاشکارەنی چەمەڕای وەعدەی ساڵ مارەنی موحتاج دەلیل شیرین یارەنی جەفا کێش دەور گران بارەنی الحمد لله زۆر هۆشیارەنی جەی دونیای فانی بەردە بارەنی دەروون پڕ جە عەشق دڵ خومارەنی جە لای مونکیران بێ ئیتبارەنی بەڵێ پەی یاران چون گوڵزارەنی قەواڵەت حازر جە تۆمارەنی چەو بۆنە مەشغووڵ خەریک جاڕەنی غوڵام ئیخڵاس - - سالارەنی پەرێ زامداران جە تیمارەنی دیک دەروون جۆش جە فەوارەنی جە نام ئەی میللەت چون خەوارەنی چون بەندە بێ یار دڵ ئاوارەنی شەو و ڕۆژ مەشغوڵ پڕ ئەفگارەنی ڕەوشەن زەمیری بێ غوبارەنی انا الحق ئاسا پای قەنارەنی ساکن و سکووت دەر کنارەنی چە کونج خەڵوەت تاعەت کارەنی ڕۆشنایی دڵم جە قەتارەنی مەربووت و مەزبووت وەفا دارەنی وێنەی سەیادان جە شکارەنی پەرێ زهوورات پڕ ئیخبارەنی جە فەسڵ پاییز تۆ زوارەنی پەی تەواف کەعبە حازر سوارەنی ++++++++++++++++++++++ سەرناو: برای دیندارم سەبارەت: بۆ مام موحەممەد برای دیندارم... فەقێ خاسەکەم کاکەی دیندارم بەدەست ئەجنەبی دوو دیدە تارم زەبوون و مەزڵووم دەست ئەغیارم فەقێ دەخیلەن مژنەو هاوارم پەرگەندەی وڵات ئەی شار ئەو شارم پەی بەدان عەدو دەروون پڕ قارم چەنی قەوم یۆم دڵ ساف و یارم یە عەباس واتەن کەساس بازاڕم پەی کورد گۆران خاس خزمەتکارم ++++++++++++++++++++++ سەرناو: بە نام یەزدان الله الصمد بە نام یەزدان الله الصمد ئەی نامە وە نەزد سەیید موحەممەد فیدای دینی یار زات موجتەهەد ئەمین و سالم برای موعتەمەد ئۆمێدەوارم لاڵەم نەبۆ ڕەد نێکان نەجات زۆ جە دەست فیرقەی بەد یە مەڵڵا واتەن گفتار ببۆ حەد هەنی کافییەن یا عەلی مەدەد ++++++++++++++++++++++ سەرناو: بە نام یەزدان حی ذو الجلال بە نام یەزدان حی ذو الجلال خالق المخلوق بێ میثل و میثال سمیع و بصیر فەرد بێ زەواڵ قەرار دادەی کەون ڕۆژ و ماه و ساڵ حاکمێ عادڵ زوود بکەر ئیرساڵ خەڵاس بۆ چە بەند فیرقەی فەقیر حاڵ زوڵم بێ پایان جەرگمان کەرد زوخاڵ جبریل حفظ کەرۆ وە شەهپەڕ و باڵ وەرنە مەحاڵەن نییەن ڕای مەجال عەجەب دەورێوەن نادر الامسال هەر کەس داشتە بۆ سەروەت، موڵک و ماڵ هەر ئەو مەقبووڵەن نە ڕووی ماه و ساڵ ئەر سەد عەیش بۆ بە وێنەی غرباڵ ما یشوف عیبه و لا یدیر بال مەراق وە حەرام بێزار چە حەڵاڵ دەور ناکەسەن زەمانەی دەجاڵ نە هیچ گرۆهێ نەمەندەن ئەقواڵ گشت بی وە مۆدە حەیا پایماڵ ڕەئیس وە ڕیشوەت حوکام کەرد ئیغفاڵ وە گەردەن زاڵم دەین ماڵ و مناڵ مەحزوون و مەغمووم دایم دڵ مەلال کەی چەی خسووفە بەر مەشۆ هیلال عەبەس بێهوودەن چە واتەی ئەحواڵ دایم مەعیووبەن شەخس فەقیر حاڵ نەزدیکەن دونیا ببۆ ئیحتیلال وەحەساب جەفر وە گفتەی ڕەماڵ کاسە پڕ بییەن ڕاکب مۆ ئینزال وە حوکم بێچوون شاه لایەزال ئەسرار حەل نابێ وە جواب سوئال سەد جار سەرف بکەی سەروەت موڵک و ماڵ تا خوون جگەر نەخۆی پەنجا ساڵ لەم قال داخڵ ناتکەن وەڕووی حاڵ کوانێ شاری زەڕ داڵ ئیبن داڵ وە کۆنا لوا قەهرەمان و یەل کوا شەداد، عاد شەهەنشای جیهان کوا گەنج قاروون یا دێو صڵصاڵ کوا قەسر خەوەڕنەق نوعمان خۆش خەیاڵ کوا بەهرام گۆڕ وە شکار مەیاڵ یەکسەر خەڵاس بین چە جەنگ و جەدال داخڵ بین وە خاک چەنی کەمەر لاڵ کافییەن مەڵڵا شیعر مەکەر ئەطوال بیست و یەک مەسرەع کەردەنم ئیکمال ++++++++++++++++++++++ سەرناو: بە نام یەزدان پادشای سەهمناک بە نام یەزدان پادشای سەهمناک ستارە لعیوب فەرد تەنهای تاک دیدەنم نەخاو ڕوویای هەوڵناک دونیا خەراب مۆ کەردەنم ئیدراک یاران پەی جیفە هیچ مەودێ غەمناک دارا ئەو کەسەن ببۆ سینە پاک جیفە هەزاران کەردەنش هیلاک بێوەری بییەن چە شاه لەولاک ئاه دەروونم یاوان وە ئەفلاک عالەم بێ خەبەر گشت بییەن بێباک هامفەردم نییەن یەک شەخسێ حەکاک لە ناره السقر هیچ نابن خۆفناک فایدە نەدارۆ ئی موڵک و ئەملاک مالک الملوک وێشەن کفیناک ایها... ما قبول صلاک عالەم گشت خەراو بەوێت ماچی چاک انت ما قریب بعده و ایاک ما تخاف من الله لیش تصیر بواک هل عباد الله کلهم اخاک اموال المسروق تالی ها رماک ابوینکم لویش ما قراک تسکن فی البلد تفلس من رواک تەئسیر نمەکۆ وە گرۆی ناپاک خامۆش بەر مەڵڵای پڕ حیلم و چالاک ان الله جمیل یحب الجمال بییەن وە مەسلەک چە دەستی جیهال هەر پەوسەن ئەتوار ئی مینای زوڵاڵ گا گاهێ ڕاکب گا گاهێ ئینزال کەس فەخر نەکۆ وە بەخت و ئیقباڵ وە یەد حەقەن کریم الخصال یاران چێش کەرۆن چە دەست ئی حاڵ نەفس ئەممارە بییەن وە زەواڵ سوپای ئیمانش شکنان پەڕ و باڵ نەفس موتمەئین فیرارەن چە ماڵ ڕەعیە مەکەرۆ دەعوای ئیستیقلال بییەن وە بەگلغ چە گردین مەحاڵ غیرەتم چەی وەخت موختەلیف ئەشکال ئەی برادەران نییەن ڕای مەجال زەوق ئی دونیا عالەم کەرد ئیغفال خەتای تەراکوم بارم کەرد ئیثقال موئمین وە بەهەشت مەکۆ ئینتیقاڵ ئەی فانی هیچەن ئاخر مۆ بەتاڵ تۆبە بکەردێ گشت وە ئیستیعمال زەخیرەی مەحشەر بکەردێ ئیکمال یە واتەی حیلمی دایم دڵ مەلال ئی شیعرە نویسنام وە کردەوەی مەئال وەزن ئەشعارم هەر بە وێنەی لاڵ ناقسەن عەقڵم خەیلێ بێ کەماڵ ++++++++++++++++++++++ سەرناو: بەندەی بێ سەروەت نەی موڵک تۆپزاوا بەندەی بێ سەروەت نەی موڵک تۆپزاوا خەریک و خەرکاو ماوم لەم ناوا وەجەهد سەرف کەردم نوور دوو چاوا پەی خزمەت ئەکراد کوردستان ماوا هەی داد چێش کەرۆن ڕاستی نەماوا میرزا و نامیرزا مایل پڵاوا هەر فەردێم نویسنا وە زووخ هەناوا واتن بێهوودەن بدەش وە ئاوا جە داخا قیرتاس قەڵەم کیتاوا گشتم نا وەتۆی بوخچەی پەناوا هەرکەسێ بەیەو باچۆ بوانە مەکەریش وەپەن ڕیسوای زەمانە مەڵڵا وەس واچە گفتەی نا مەوزوون بنویس پەی یاران شیعر وەک ئاڵتوون ++++++++++++++++++++++ سەرناو: جارێ هاین لە فکر ئیش دونیایی جارێ هاین لە فکر ئیش دونیایی دایکی هەزاران مەڵڵایان گایی مەڵڵا بەرباد کەرد جغارە و چایی یەقەمان گرتەن عەجەب ڕیسوایی ++++++++++++++++++++++ سەرناو: حاجی ئازاری حاجی ئازاری... شەو و ڕۆژ دایم هام جە ئازاری پەنامان وە زات شای خاوەندکاری دەورانێ ڕاستی بارۆ دگاری زوڵم و تەعەددا مەردم ئازاری نەمەندەن جە یاد فیکر دینداری زاڵمان مەغروور هان جە ئینکاری گرفتار مەوان وە دەرد کاری وێنەی دار بید بێ مێوە و باری فەقیران هیلاک هان جە فیراری فریاد ڕەسمانەن چاپووک سواری ها چە تۆی غەیبی پەردەی پێواری ئینقیلاب مەبۆ جە بەغداد شاری دوو زات نەو جاگە مەبۆ ئیزهاری خوونی شەهیدان جە گرۆی غاری مەستانان وە زۆر وە قین و قاری نائیبی ئەوەڵ مەبۆ ئاشکاری دەست نێژ مەکەران تویل چناری ژێش پەیدا مەبۆ چەند هەزار داری مەستانان هەق حوسەین نازداری فیرقەی نیک ئەتوار میر سەر کاری گرۆی... مۆ خاکستاری یەک یەک بەیان مۆ جەی ساڵ ماری بەیانش کەردەن زات دەفتەر داری عەدل و عەداڵەت یەکسەر مۆ جاری خەوەر دار خاس میزان و قاری وەختەن خەڵاس بین جە شەو تاری ڕۆشنایی ئاما مەیۆ نەهاری یاوا وە گۆشم سەدای هاواری سەراسەر یاران بی ڕەستگاری پانزدە مەسرەع ئەشعاری غەریب وا کیانام وە لات ئوستادی تەدریب زامدار سەلامەت حازرەن تەبیب وەعدە نەمەندەن زهوورەن قەریب ++++++++++++++++++++++ سەرناو: حاجی ئاشکار سەبارەت: بۆ مام موحەممەد حاجی ئاشکار... ڕەمزێ جە باتن بییەن ئاشکار مەبۆ هۆشیار بین وە لیل و نهار زیکر و هەق دایم بکەرین تیزکار شادی هەی شادی بوودێ خەوەردار هەدەفگا پێکان وەعدەی ساڵ مار ئەوەڵ زهوورات ها جە بەغدا شار دەلیل و بورهان وەیتەور دان قەرار یەک وجوود ببۆ سیغار و کیبار جە تەعنەی مونکیر دڵ کەریم عەمار تەشویق و تەرغیب بکەین بێ مەدار وەختەن زهوور بۆ یەک مێردێ نامدار بڕێزیۆ وەهەم لار وەبانی لار هەفت ڕۆ جەنگ مەبۆ جەی ماوا و دیار ++++++++++++++++++++++ سەرناو: حاجی ئالووسەن حاجی ئالووسەن... سەراسەر جیهان یەکسەر ئالووسەن فیرقەی یارستان بەندی و مەحبووسەن مزگان مزگانەن وەخت جلووسەن گرۆی مونکیران مات و مەئیووسەن یەی حاڵ وێشان هەر جە ئەفسووسەن دونیا تار و تەم چون ئابنووسەن کەللەی بەدکاران جە خاک مەدیووسەن پەرێ هەقیقەت بەندە جاسووسەن بەد بەختی تاڵع گشت بێ نامووسەن برات خۆی مەراق ئەکل و مەلبووسەن ئیسلام پایماڵ دەورەی مەجووسەن دەنگ کەڕنا و سەدای ناقووسەن فەتح موزەفەر هەر جە قودووسەن پەرێ یارستان گفتەم مەخسووسەن بەندەی کەمتەرین وێنەی سالووسەن مەبۆ نیگوون بۆ کاسە مەترووسەن جیهان مەعموورەن عەجەب مەرسووسەن زات گیو جاڕچی سوپادار تووسەن وەلوەلەی ڕووی ئەرز دەنگ سەدای کووسەن دەفتەر دار هەق کاتیب نفووسەن مەئمووران مەشغوڵ دەرس درووسەن چەرخ کەچ ڕەفتار دەوری مەنحووسەن دین بی وە دینار ئیمان فلووسەن ++++++++++++++++++++++ سەرناو: حاجی بارت هەن سەبارەت: بۆ مام موحەممەد حاجی بارت هەن... مەعلووم بی جە لام فیکر بارت هەن جە دەست دەوران قین و قارت هەن پەرگەندەی وڵات شار وە شارت هەن بە وێنەی مەنسوور فیکر دارت هەن حەکیم حازیق پەی تیمارت هەن عاجز و مەحزوون گران بارت هەن وە دەست مونکیر نۆشای ژارت هەن تەبدیل مەکان فیکر جاڕت هەن هەزار چون بەندە خزمەتکارت هەن گشتش موڵک وێشەن خودا یارت هەن تەقەلای بێ سوود یاوەر غارت هەن ساکن بەر حاجی خۆش گفتارت هەن عەقیدەی دروست کەرەمدارت هەن گرفتار نەفس دەلیل زارت هەن تەسلیم وەڕای هەق مەدەد کارت هەن گشت ئەمر هەقەن ئەر سەد نارت هەن مەعلوومەن چانا هەم بەد کارت هەن ئەگەر سەبرت بۆ فەرماندارت هەن موژدەی بەشارەت ساڵ مارت هەن مەڵڵای کەمتەرین دڵ بیمارت هەن مەردەی قەبرستان تۆی مەزارت هەن مەلجای ئەهل هەق قیبلەی یارت هەن ڕەئیسی عادڵ زات -رت هەن ++++++++++++++++++++++ سەرناو: حاجی بێ مایە سەبارەت: بۆ مام موحەممەد حاجی بێ مایە... شیر نمۆ وە ماست مەعلووم بێ مایە جەی اخر الوقت ئێدەمەن غایە وەجا مەمانۆ کولانە و کایە توجارەت نمۆ وەبێ سەرمایە جە لای مونکیران گفتارم زایە جە هەر چوار ئەتراف جەنگ و هەرایە خودا یارستان کەرۆ حەمایە نەمەندەن جەی وەخت قەدر هامسایە خەلایق گومڕا دڵ بێ چرایە جەمیع میللەتان هان چە دەعایە ڕەئیس مەگێرۆ قەدر ڕەعایە جە قەدر فرزەند گشت حەرام زایە هان جە فەلاکەت پدەر و دایە میللەت یارستان بێ فیکر و ڕایە گرۆی ئاغایان نەداران سایە سەد دادم جە دەست عەلی سەرایە شەوق دینداری لایان نەمایە خەریک قومار بوختیان و کایە خود بین، خود پەسەن ئاخر ڕیسوایە هێشتان نەیاوان مەڵڵا وە پایە چەو بۆنە مەراق جەنگ و دەعوایە مەڵڵا گرفتار نەفس بێ حەیایە شەرابەتتوتون موشتاقی چایە ++++++++++++++++++++++ سەرناو: حاجی بێ نەزیر سەبارەت: نامە بۆ فەقێ حەمە حەیدەر حاجی بێ نەزیر... ئەی برای خاسم حاجی بێ نەزیر پەیمان بکیانە چوار کاوج شەعیر یەعنی جۆ بە جۆ بکەرەش تەحریر ئاردمان نەمەندەن جەی خانەی فەقیر فریاد ڕەستان بۆ ڕەهبەر دەستگیر حورمەت قەلیلەن جە دەلیل و پیر جە یادم لوان گشت ڕای و تەدبیر نەدارۆم تاقەت پەرێ ڕاگەی دویر عەفوم کەر جەناب جە عوزر و تەقسیر جە لای تۆ ڕۆشەن مەبۆنێ زەمیر حاڵ فەقیران بەرنەشۆت جە ویر تەمام وانانت گشت زەبەر و زیر کامڵ دەوران دانای خۆش تەفسیر ++++++++++++++++++++++ سەرناو: حاجی بێزارم سەبارەت: بۆ مام موحەممەد حاجی بێزارم... جەی دونیای فانی خەیلێ بێزارم گیر وەردەی گەرداب نەفس بەدکارم جامەی مەجازی بییەن وە زینهارم دەلیل حایرین بسازنی کارم چەمەڕای ئیمداد دوڵدوڵ سوارم عاجز و مەحزوون زەلیل و زارم هیچ کەسێ نییەن بدۆ دەست بارم غوسەی ئەی جیهان ڕێزنان دەمارم پەی ڕەهنەموونی دڵ ئینتیزارم پادشای سەبەب ساز بسازنی کارم چەمەڕای ئیمداد دوڵدوڵ سوارم وە دەست نامەرد نەکەی شکارم جە ڕای هەقیقەت تێک نەی ئەفکارم شادی وە میسقال خەم وە خەروارم هەر وەختێ زانای جە تۆی مەزارم سوار وە هانا بسازنی کارم موحتاج وە ئیمداد دوڵدوڵ سوارم موحتاج دونیای ئەی ڕا گوزارم مەست ڕۆی ئەلەست دیدەی خومارم خاسیم نەکەردەن بەد بییەن کارم ئێستا پەشیمان خەجاڵات بارم یاهەق ڕاست باری وەزن ئەشعارم سینەم پڕ خەزنە گەوهەر بۆ بارم یا رب العباد بشنەو هاوارم وە ڕاگەی غەڵەت نەکەی ئیجبارم عاسی عیسیان بار هەم شەرمەزارم کۆتا خزمەتم نییەن کردارم ئەختیار پیر تەمەن دەروون بیمارم کەلب ئاستانەی دوڵدوڵ سوارم یاهەق نیجامە مەدەر ئازارم ئەر ئازارم هەن بکەر تیمارم نی خواب غەفڵەت بکەر بێدارم گیر وردەی گەرداب بەحر خونخارم زات شای عەلی تۆنی میعمارم ئاباد بکەرە لاهورەن شارم پەی شای خوراسان بەندە زەوارم وەجا ماوەری شەرت و ئیقرارم شەربەت شیرین بی وە ژار مارم ئەسیر ومەحبووس قەلعە و حەسارم وێنەی دار بید دایم بێ بارم بێ سەبر و بێ حیلم بەدەن ئەتوارم بێ یار بێ یاوەر زوڵماتی نارم چە تەعنەی مونکیر هیچ نییەن عارم چون گەدای موفلیس وێڵ نام شارم چە ئەی بیابان وێنەی خەوارم چەمەڕای نەورۆز فەسڵ بەهارم دڵ پڕ جە وەسواس دەروون غوبارم چەنی فەزانان وەهام جوارم فیدای خاک و پای یار وەفادارم نابینا و عەلیل بێ کەسب و کارم چە نام یارستان بێ ئیعتیبارم حاجی گیان ئامان لێت نەیۆ قارم وە عەقیدەی خاس بشنەو گفتارم بێزار چە جیفە دوشمن دینارم خەیلێ قانیعم وە ڕووی ڕۆزگارم دایم جە ئیسڵاح یار و ئەغیارم جە ئاشووب بەعید قایم ئەسرارم موقابیل وە ڕەزم هەزار هەزارم پەی مەیدان داری عەجەب سوارم ++++++++++++++++++++++ سەرناو: حاجی بێزاری سەبارەت: بۆ مام موحەممەد حاجی بێزاری... مەعلووم بی جە لام لێمان بێزاری جە داخ دەوران جە ئاه و زاری گورفتار وە دەست نەفس بەدکاری ئوستاد کامڵ غایەت دینداری چەنی مونکیران هەر جە ئینکاری موشتاق دین یار بێزار جە خاری ئەهل خزمەتی هەم کردار داری دڵ یار و کۆی یار مەرد قەتاری بێ قەدر و حورمەت جە نام حەساری ئەمسالت نییەن تۆ جە هۆشیاری بێ یار و یاوەر گۆشە و کەناری مونتەزیر وە لوتف زات دەفتەر داری زات خوداوەند کەرۆت بێداری داخڵ بیت وەشەرت ڕای ڕەدا باری ڕەهنموومای ڕاتەن شای بوراق سواری چەند جار جە خاودا نۆشانت ژاری بەعد ژار نۆشان خەڵات بسیاری خاک پوختە خاک تەمام تەیاری جە خەزانەتەن دانەی مەرواری موشتەری نییەن های جە پێواری حازرەن توجار پەی خڕێداری بەڵێ بەشەرتێ نەبۆ ئیزهاری پەنهان و سڕ بۆ جەتۆی عەماری زات فریاد ڕەس بییەن سواری چەنی بێگانە هان چە قەلاری نیشانە ئێدەن جە ساڵ ماری جە چوار قوڕنە مۆ قەتڵ و کوشتاری فیدای نامت بام فەقێی سالاری ڕۆشنایی دڵم شفای بیماری ++++++++++++++++++++++ سەرناو: حاجی بەشارەت سەبارەت: بۆ مام موحەممەد حاجی بەشارەت... وەنەت مەعلووم بۆ موژدەی بەشارەت یانەی زاڵمان بشۆ وە غارەت وە فیرقەی بەدان مەکەن حەقارەت ئاشۆی شارانەن دونیا فەتارەت گشت خاپوور مەبۆ موڵک و عەمارەت وەعدەی ساڵ مار ئێدەن ئیشارەت یار زهوور مەکۆ نەزدیک زیارەت چەی دەرد و میحنەت مەوین کەفارەت چە گشت کتوبات ئێدەن عیبارەت هەرچی نویسیا بۆ نە سەبت چارەت مەبۆ بوینی نەفع یان خەسارەت ئێستا هاین جەی بەند تەحت ئەسارەت وەختەن نەجات بین جە ئەی سەفارەت لێت عەیان نییەن جاگەی دووبارەت وەختەن تەشکیل بۆ باتن وەزارەت هەفت نائیب حازر ها جە ئەمارەت هەفت نازر مەوجوود یەی ئیستیمارەت وەسف پەی خاسان کریان شومارەت لازم ببۆنێ سەبر و مەدارەت وە شادی مەبۆ دەرد و مەرارەت بەدان مەسوچنۆ کویرەی حەرارەت دەخیلەن حاجی فوول نۆ سەبارەت پوختە هێش مەبۆ شۆمو بەیارەت ++++++++++++++++++++++ سەرناو: حاجی تەمامەن سەبارەت: بۆ مام موحەممەد حاجی تەمامەن... نوخت ئەوەڵ ئاخر گردین تەمامەن وەعدە نەمەندەن ئاخر کەلامەن مەعلووم بۆ چەلات یوم القیامەن بەدان موبتەلای دەرد و ئالامەن فیرقەی پاک تیننەت چە شاد و کامەن بەدان گرفتار ڕای چۆڵ شامەن یاران وە ڕەفتار ڕای دین خودامەن سەر چاوەی یاران سەیید و مامەن بەدان ڕووسیا حزوور شامەن نێکان سەر ئازاد سەف مەولامەن دەورێ ناڕاستەن عەجەب پەیغامەن فەقێ شەو و ڕۆژ فکرت چەلامەن مەڵڵا گیر وەردەی دەست نەفامەن پەی دیدار یار هەر ئا دۆعامەن زات دوڵ دوڵ سوار پشت و پەنامەن حرس و نەفس غاڵب شەوق و تەڵامەن ئەرێ ڕەهبەر گیان یە چە بەڵامەن پەی جیفەی دونیا عەشق و جەلامەن بێ خەوەر چە کار حاڵ برامەن دایم پەی بەدی چوون و چڕامەن کار، کاسبیمان یەکسەر حەرامەن ئی دام دوڵاب پا پێچ پامەن مەعلوومەن چە لات خەیاڵم خامەن کەلام پەی شاهید وێنەی ئەنامەن ڕاسی هەر ئێدەن وەبێ خیتامەن ++++++++++++++++++++++ سەرناو: یاهوو یا مەنهوو سەبارەت: بۆ مام موحەممەد حاجی جارییەن... ئەشک دمووعم جە نۆ جارییەن چەمەڕای ڕەحمەت خاوەندکارییەن جەی ساڵ ماردا ئینتیزارییەن عاجز و مەحزوون دەردم کارییەن پەنهان جە دەروون نادیارییەن زوڵم و تەعەددا بێ شومارییەن ئیدارەی ئەی وەخت ژار مارییەن ڕەفتار مەخلووق بەد ئەتوارییەن کەی شەرت و شرووت ڕاگەی یارییەن زاڵمان مەراق ستەم کارییەن مەلبووسات حامی چیت بازاڕییەن ڕەوشت ئەی جاه خەتا کارییەن کەلام تەفریقە گوناه کارییەن مەڵڵا چون - - تەمام بارییەن چە خانەی خەڵوەت دەر کنارییەن خاسان جان فیدای دین یارییەن خاڵیس و موخڵیس بەردە بارییەن خەیلێ کەس وەک من جە ئینکارییەن خەریک ئەی جیفەی گیان مردارییەن بەدان جە تەحریک دڵ ئازارییەن جە ناعیلاجی گەردەن لارییەن ئیدارەی ئەی وەخت گشت بێ عارییەن عەوام سەلامەت قوڕ پەی قارییەن ++++++++++++++++++++++ سەرناو: حاجی جە یادت سەبارەت: بۆ فەقێ حەمە حەیدەر حاجی جە یادت... مەعلوومەن مەڵڵا بەرشیەن جە یادت بگێرە تەریق پیر و ئوستادت تاکو زیاد بۆ واناو سەوادت حی لایموت بدۆ مرادت جار جارێ بەندە نەشۆ جە یادت تەقەلای سوود ئەی ڕەنج وە بادت وەکۆنا لوا ئابا و ئەجدادت عەناسر ئیکمال پۆختەن بونیادت وەڕای هەقیقەت هەق کۆ ئیرشادت تەمام ناقسەن کۆی ئیعتیمادت وەدەست حرس و نەفس مەدۆ جەلادت وەهەق نەیاوان داد و فریادت ئەی جیفە هیچەن مەکۆ بەربادت فریاد ڕەس حازر مۆ وە ئیمدادت بێزارم جە دەست کار عینادت زۆر وە قیمەتەن دانە و مەوادت یاڕەب ڕەوشەن بۆ زەین و فوئادت عالەم سەرگەردان بەحر ئینجیمادت یەکجار کەم بییەن جوود و جەوادت نەرم نمەبۆ دڵ، کوورەی حەدادت ++++++++++++++++++++++ سەرناو: حاجی خوێشەنی سەبارەت: بۆ مام موحەممەد حاجی خوێشەنی... فیدای دین یار قەوم و خوێشەنی جە تەعنەی بەدان بێ ئەندێشەنی پەی ڕای هەقیقەت جە تەفتیشەنی ڕەهبەر ڕاستی ساف دەروێشەنی حاجی خولاسە ساغ دەروێشەنی زەمیر خوڵاسە بێ تەشویشەنی جە واتەی مونکیر دەروون ڕێشەنی یار ئەزەڵی پوختە هێشەنی فەقیر و سالم وێنەی مێشەنی مەشغوڵ حەساد کێشە کێشەنی پەی ڕزق فانی جەفا بێشەنی بێزار چە خوراک عەیش و نێشەنی پەی واتەی ڕاستی تێژ چون تێشەنی دەلیل بەرهەق ئوردی جێشەنی چەمەڕای زهوور وەعدە و ڕێشەنی جویای هەقیقەت جەفا کێشەنی جامەی مەجازی بێزار کێشەنی جە خەوف باتن دڵ چە ئێشەنی دایم جە خەیاڵ شەش و بێشەنی ڕاگەی هەقیقەت گشت حاڵیشەنی ڕەونەق دیوان تەجەلیشەنی ++++++++++++++++++++++ سەرناو: حاجی دشوارەن حاجی دشوارەن... ئەی ڕاگە سەختەن غایەت دشوارەن جە هەزار یەکێ پەی یار خەمخوارەن ماباقی خودبین هەر جە ئینکارەن قیسمێ مونکیرەن دەروون پڕ ژارەن قیسمێ خوڵاسەن میزان تەیارەن پەناو ئومێدم وەقاپی یاڕەن هەرچەن داد مەکەم یار نادیارەن مەگەر ساحێبم چەنەم بێزارەن جەو بۆنە وەیتەور ڕەفێقم مارەن گیر وەردەی گەرداب چارم ناچارەن یاری نەمەندەن دەور دەور غارەن چەمم ئینتیزار شای مەدەد کارەن ئاوێنەی دڵم پڕ چە غوبارەن دەردم کارییەن هەم نادیارەن ناپوختە قاڵب زەمین بەیارەن ڕۆح وە دەست نەفس هەر چە ئازارەن گفتارم چون دوڕ جە تۆی عەمارەن بازاڕم کەساس وەبێ توجاڕەن دەخیلەن حاجی ئینە چ کارەن مورغ دەروونم جە ئاه و زارەن دۆستان تەعنە کێش کووچە و بازاڕەن دوشمنان لایق تەخت زەڕ کارەن تووتی خۆش سوخەن وەبێ مینقارەن بولبولان مەحبووس قەفەسی تارەن فەقیران هیلاک جە ئاه و زارەن دەوڵەمەند مەغروور ساحێب وەقارەن عەجەب زوڵمەتەن دەیجوور تارەن لەشکر پەرگەندە وەبێ سەردارەن گەلە بێ شوان گورگان هەزارەن گوسفەندان وەدەست گورگان قەلارەن تا وەعدە نەیۆ بێخود گفتارەن لابود ئەی ڕمووز سەبت تۆمارەن جە گشت خسووسێ یار خەوەردارەن سەیاد حازرەن خەریک شکارەن پەی قەتڵ یاران جە قین و قارەن زەبوونی خەڵکان وەبێ شومارەن نەواچی مەڵڵا هەرزە گوفتارەن ئوستادم واتەن وەیتەور قەرارەن جە دمای کوشتار دەور دەور یارەن ++++++++++++++++++++++ سەرناو: حاجی دوورەنان سەبارەت: بۆ مام موحەممەد حاجی دوورەنان... یە خەیلێ وەختەن چەنەت دوورەنان مونتەزیر وە لوتف - - زهوورەنان موشتاق وەبادەی ئەنتەهوورەنان بێ واردەی شەراب دڵ مەخموورەنان حرس و نەفس غاڵب هەم مەغروورەنان پەی پێل سیرات جە عبوورەنان فەقێ عیسیان بار زۆر مەغدوورەنان گیروەردەی گەرداب زوڵم و زۆرەنان عین القلب مەسدوود دەروون کوورەنان گاه گاهێ دڵ سەرد گاه ڕەنجوورەنان گاه گاهێ مەراق ساز سەمتوورەنان گاه گاهێ دڵشاد گاه مەقهوورەنان گاه گاهێ وێران گاه مەعموورەنان گاه گاهێ ڕەوشەن گاه دەیجوورەنان واجیبات ناقیس پڕ قسوورەنان ئەولاد فەقیر میر سوورەنان چەمەڕای وەعدەی نەفخ سوورەنان ئەفکارم موفەشەق دڵ ختوورەنان ئەر سەد جەی دونیا بێ حزوورەنان اخر الانجام دڵ مەسروورەنان غافڵ جە ئەرکان شای کۆی توورەنان گاه وەهەق پەیوەست دەروون جوورەنان گاه چە خانەی کفر دڵ خاپوورەنان دایم پەی شکار جە پەیجوورەنان جە پانزدە مەسرەع ئەشعار مۆرەنان ++++++++++++++++++++++ سەرناو: حاجی دڵشادم سەبارەت: بۆ مام موحەممەد حاجی دڵشادم... وەهیممەت یار خەیلێ دڵشادم چەمەڕای زهوور قاپی بەغدادم وە ئومێد هەق دریان مورادم مونتەزیر وە لوتف موشکل گوشادم یاوان وە دیوان داد و فریادم داخڵ وە ئەرکان ئابا و ئەجدادم گا گاهێ تەسلیم گاهێ عینادم دەخیلەن حاجی بکەر ئیرشادم زات حەیدەرەن پەنا و ئیمدادم خەیلێ زیادەن ئەشیا و مەوادم گورفتار وە دەست قەوم شەدادم تەعمیرەن شەهرم دەروون ئابادم کاتب الفقیر شیرین سەوادم وە ئەزەڵ دەیجوور هەن ئیعتیقادم وەشەرت ئەزەڵ بەستەن بونیادم کارخانەچی یار کۆنە گەوادم دایم زیکری هەق ها چە ئەورادم تەسلیم وە ئەرکان ڕای مەرگ و زادم چەمەڕای ئیمداد زات فەرهادم مورشید و ڕەهبەر بییەن ئەوتادم کۆتا خزمەتم وەبێ ئوستادم ناقیسەلعەقڵم هەم ڕەنج وە بادم غەی ئەز هەقیقەت نییەن ئیرادم پەرێ دین یار چە ئیجتیهادم دەست و دڵ تەییار وە ئیعتیمادم شەرت - - بی ئیستیشهادم سر و ماڵ توفەیل جەی ڕا نیهادم غافڵان خاو گشت مەبۆ نادم یەعنی پەشیمان چون قەوم عادم زاتی - - وە ئیستینادم یاران گشت بوزرگ بەندە چون خادم جەی سەردی ساعەت دەروون ئیجمادم ڕەهبەر جۆش دەرۆ کوورەی حەدادم جاسووسی ڕای دین وێنەی سەیادم داخڵ وە سفووف ئۆردی جیهادم ++++++++++++++++++++++ سەرناو: حاجی دەستگیرت سەبارەت: نامە بۆ فەقێ حەمە حەیدەر حاجی دەستگیرت... زات یار قەنبەر بۆ وە دەستگیرت مەڵڵا وە غوڵام ڕەوشەن زەمیرت یاڕەبی زۆر بۆ حونطە و شەعیرت جەو بۆنە مەڵڵا نییەن جە ویرت جەی کار و بازاڕ نییەن خەبیرت زات شا عەلی ڕاست بارۆ تیرت موشتاقم وە عەشق دیدەی مونیرت غوڵام موخڵیس نییەن تەزویرت هەزاران ڕەحمەت وە زات و شیرت یەکجار بۆ خۆشەن مسک و عەبیرت حاکم تەحقیق سەندەن تەقریرت عەجەب حاجی گیان نییەن خەبیرت جە خاو دیەنم شیرین تەسویرت پەی مەعنای ئەی خەو چێشەن تەعبیرت ئەی نەفس زۆردار کەردەن ئەسیرت بواچە پەنەم فیکر و تەدبیرت مەولا بوەخشۆ گونای کەبیرت نە هیچ جامەیە نەکۆ فەقیرت وەختەن بشاخنۆ شاخ نەفیرت یاهەق گوشاد بۆ دیدەی بەسیرت چەنەت ڕازییەن دەلیل و پیرت فیرقەی مونکیران مەکەن تەحقیرت فیکرت فراوان عەمیقەن بیرت یاڕەب ئاوا بۆ شار کەشمیرت پایەش بڵند بۆ تەخت و سەریرت چەند مەرد دانا بۆ وە وەزیرت جیفەی ئەی دونیا نەکۆ تەسخیرت پشت مەوەست وە بەرگ لیبس حەریرت سەرپۆشت ئاسمان خاک بۆ حەسیرت پاڵشتت سەنگ بۆ خۆراک فەتیرت هەزار ئافەرین پەی فیکر ژیرت تەمام لذیذەن ماست و پەنیرت ++++++++++++++++++++++ سەرناو: حاجی زوڵماتەن سەبارەت: بۆ مام موحەممەد دەروێش عەلی حاجی زوڵماتەن... سەراسەر دونیا یەکسەر زوڵماتەن ئەهل هەق تەمام گشت بێ بەراتەن ئیدارەی زوخاو دەورمان ئیحاتەن دەلیل بەر هەق دیدەم نەڕاتەن ڕۆشنایی دڵم هەر تۆم قنیاتەن ئەی دونیای فانی ئاخر مەماتەن لزووم حورمەت وەقت حەیاتەن ئەهل هەق مەعلووم پڕ زەڕە و زاتەن ڕۆح ڕەوانم مەڵڵا فیداتەن زاتێ وێنەی تۆ جە دونیا قاتەن یارستان پەیوەست گشت وەیەک چاتەن واردەی مونکیران قەند و نەباتەن خۆراک یاران زەهر و فەتاتەن وەعدەی نەزدیکەن وەخت هەی هاتەن کاک حاجی، مەڵڵا، فیدای خاک پاتەن پەی ماڵ دونیا وەچی هەراتەن بارکێش حەماڵ تەمای کراتەن مەڵڵای خۆش سوخەن عەجەب خەیاتەن غەلغەلەی ئاشووب تورک چەنی تاتەن ئەی مەڵڵا مەراق پوختە کاڵاتەن شەوق دینداری عەجەب حاڵاتەن پەرێ بیماران گفتار شفاتەن پەی ڕاگەی یاری شەوق و سەفاتەن ++++++++++++++++++++++ سەرناو: حاجی ساڵ مار سەبارەت: بۆ مام موحەممەد حاجی ساڵ مار... وەعدەی زهورات حاجی ساڵ مار دەلیلێ قاتیع وەنەم دان ئیخبار پەرێ یارستان بکەری ئیزهار دەور یارانەن پەشێوی ئەغیار چەی وەختە کردار مەدەد سەد هەزار چی سەردی ساعەت چی تۆف قەهار خزمەت وەپاکی حەساوەن کردار گشت مەبۆ وە تەوق ئی جیفەی مردار مەمانۆ وەجا میرات بەد کار جە تەعنەی بەدان دڵ کەریم عەمار پشت و پەنامان شای هەژدە هەزار ئومێدەوارین وە شای کردگار نەجاتمان بدۆ چەی زیندانی تار یەکسەر خائینەن هامسا و هام جوار مەعلووم بۆ چە لات تەخریب مۆ عەوار سواران حازر پەرێ بەغدا شار فەوت و فەنا مۆ فیرقەی گشت ئینکار دونیا مۆ زوڵمات یەکسەر تیرە تار مەلۆ وە دیوان یار گەردەن لار زێر و زەبەر مۆ گشت قەسر و تەلار بەیان قوش نەجاش مەوانۆ جار جار لاشە وێنەی کۆ سەر وێنەی منار مەڕێزۆ وەهەم سەغیر و کیبار حەق مەزڵوومان شەهیدان زار یەک یەک مەستانان چە قەوم کوفار دونیا مۆ گوڵزار وە دەوران یار قاسیدان خەوەر مەدان شار وە شار وە پانزدە مەسرەع خەتم بی گوفتار ڕۆحم فیدات بۆ یار وەفادار ++++++++++++++++++++++ سەرناو: شین بۆ نەمردوو سەبارەت: بۆ مام موحەممەد دەروێش عەلی حاجی سەردەنی... مەعلووم بی جە لام زۆر دڵ سەردەنی دائیما خەریک جیفە و دەردەنی جەو بۆنە مەڵڵا یاد نەکەردەنی دەلیل ڕەهبەر تۆم هام فەردەنی هەمیشە خەریک بەردەڵبەردەنی واسە مەزانی ئەتۆ مەردەنی دوور کەفتەی وڵات هەم ڕەنگ ڕەردەنی ئەشهەد و بیلا سوارێ جەردەنی بێ غەل و بێ غەش هەم بێ گەردەنی ئەی زوڵم و غەدرە وە من کەردەنی جە تەرەف من دڵ چون بەردەنی جە گیر و گرفت سەودای قەردەنی وڕای هەقیقەت سەر سپەردنی دوور جە فەلاحی وەبێ چەردەنی گرفتار دەست وێڵ هەردەنی چەمەڕای ڕەحمەت شای پشت پەردەنی ڕەئیس ئولکەی شەرقەلئەردەنی جەی دونیای فانی گرەو بەردەنی سەد حەیف کە مەڵڵا یاد نەکردەنی ساف و موسەفا وەبێ گەردەنی بێ ڕەحم و ئینساف وێنەی جەردەنی ڕاگەی هەقیقەت تەی نەکەردەنی جە بەد بەختی من مەعلووم مەردەنی *** بابۆی دوور وڵات مام ئەحمەدم ڕۆ عاقڵ دەوران وە هیممەتم ڕۆ بابۆی خۆشەویست مام مەدحەتم ڕۆ پدری عەزیز مام نیعمەتم ڕۆ برای خۆشەویست سەی عەباسم ڕۆ ئەفلاتوون ئیدراک ئوستای خاسم ڕۆ دوور کەفتەی مەکان عەلی سەرام ڕۆ نوور دوو چاوان باوە و برام ڕۆ مەردەی قەورستان شێخ ڕحیمم ڕۆ یار بێ وەفا دڵ سەلیمم ڕۆ برای موحتەرەم مام زاهیرم ڕۆ جە دوور دیدار دڵ ئاهیرم ڕۆ حەسرەت بەردەی خاک ئاب و گڵم ڕۆ فریاد و فیغان چون بولبولم ڕۆ مەحرووم جە دیدار قەیامەتم ڕۆ حاجی زەمیر پاک سەلامەتم ڕۆ بێ یار بێ یاوەر وەبێ شەوقم ڕۆ مەجلیس پەرگەندە وە بێ زەوقم ڕۆ حاجی دمای تۆ دەردم گرانەن فیرقەی یارستان وێڵ هەردانەن حاجی سەی حەمە بن سەیید حەیدەر مەعلووم جە ئێمە کەردەن سەرف نەزەر مەشغووڵ وە جیفە هەم وە ڕادیۆنەن ئەویش هەم مەردەن مەڵڵا زەبوونەن ئەوەڵ سڵامم وە کوێخا دەروێش مەڵڵا دۆعا گۆن دائیما پەرێش دووهەم سڵام بۆ وە ماڵ، منداڵش گەورە تا بچووک خاسەن خەیاڵش دەستیان ماچ ئەکەم جەمیع سادات وە گەورە و بچووک پسەر و بەنات سێهەم سڵام بۆ وە جەمیع باوە ئەسڵەن دیانەت لایان نەماوە چوارەم سڵام بۆ وە جەمیع -- خاس چەنی خەراو خۆڕی و لەگامان هەر کەس ئەحواڵم مەپەرسۆ جەی سەر مەوی غوڵامش تا یوم المحشر ئومێدم هەقەن شای خاوەندکاران قەبووڵم کەرۆ وە سەگی یاران ++++++++++++++++++++++ سەرناو: حاجی عیسیانم سەبارەت: بۆ مام موحەممەد حاجی عیسیانم... مەعلووم بۆ چە لات تەمام عیسیانم چون مەردەی مەدفوون بێ جسم و جانم دینم مورشیدەن ڕەهبەر ئیمانم دەلیل بەر هەق قەزات وە گیانم غەیر ئەز فریاد ڕەس نییەن ئامانم قووەت دەروونم نوور چەمانم مەلجاگای فەقیر جاگەی باوانم شووم شەرمەزار هەنەن تاوانم چون... دەخیل دەست وە دامانم چون کۆی دەماوەند بەرزەن دەمانم کەم ڕوئیەت بییەن نوور عەینانم وە دەست حرس و نەفس هەم سەرگەردانم گەردەن نیهادەی تەعنەی بەدانم کەس نمەشنەوۆ زاری و فیغانم یار نییەن وەتەنگ داد و گریانم جەی سەردی ساعەت جگەر بوریانم بێ قەدر و حورمەت نام قەومانم سەد حەیف زایعەن واتەی بەیانم داخۆ کەی حەکیم مەکۆ دەرمانم ئەر زات موتڵەق نەدۆ فەرمانم ساڕێژ نمەبۆ کۆنە زامانم بێ خەوەر جە کار ئاما و نامانم بێزار جە ئەغیار دۆست و خوێشانم چەمەڕای ڕەحمەت شای دەروێشانم کەس نمەزانۆ نام و نیشانم بێ زەوق و بێ شەوق زۆر پەرێشانم داخڵ وە فیرقەی دەروون ئێشانم ڕەئیس بەدان من هامتاشانم کەلب یارستان خاک پاشانم ++++++++++++++++++++++ سەرناو: حاجی فیداتم سەبارەت: بۆ مام موحەممەد حاجی فیداتم... ما لا بدنا یەکسەر فیداتم غوڵام موخڵیس قاپی دەرگاتم هەزار جار قوربان خاک ژێر پاتم دائیما مەشغووڵ مەدح و سەناتم کۆتا خزمەتم زۆر خەجاڵاتم قانیعم وە ڕزق بەش و بەراتم خالق المخلوق مەدۆ قنیاتم غەیر جە مەڵڵایی نییەن سەنعاتم چەمەڕای زهوور وەعدە و سەعاتم چە لای مونکیران بەدەن سیفاتم تانە کێش غار بێ دەستەڵاتم موشتاق جەماڵ شادی و خەناتم زات فریاد ڕەس بدۆ نەجاتم وەلەوکن دوورم دایم جە لاتم ئومێدەوارم هەر جە پەناتم لاهوورەن شەهرم بێ عەماراتم جەو بۆنە وەیتەور جە خەیاڵاتم ئەختیار و پیرم ناقیس حەیاتم دەروون ئینتیزار چەمەڕای ڕاتم بێ شەوق و بێ زەوق تەڵخەن ئەوقاتم عاجز و مەحزوون وەبێ سەوقاتم موبتەلای ئەلتاف حوسن و ڕەزاتم شەریک خەفەت بەڵا و قەزاتم غەواس دەریای بەحر ئەشعاراتم یار وەفادار دیدە نە ڕاتم ساحێب مەکینە کۆنە خەیاتم بازاڕم کەساس بێ حاسیلاتم چەند دوڕ گەوهەر پڕ جە فیئاتم سەڕاف نەمەندەن وێڵ وڵاتم شانزدە مەسرەع خۆش ئەشعاراتم پەڕ و باڵ شکیا وەبێ ئالاتم ++++++++++++++++++++++ سەرناو: حاجی نامانی سەبارەت: بۆ مام موحەممەد حاجی نامانی... یە خەیلێ وەختەن وەلام نامانی ڕەهبەر ڕای ڕاست نوور چەمانی دائیما مەشغووڵ زیکر سوبحانی ئوستاد کامڵ وەجسم و جانی پڕ شەوق و پڕ زەوق داخڵ ئەرکانی چەمان ها چە ڕاه سووبح و بەیانی - - زهوور کەرۆ چەنی مێردانی خەڵاس بین جە دەست حرس نەفسانی یاران دا وەباد ئاڵفی فانی فەقێی خۆش دەماغ ئەرەستووی ثانی مەبۆ پەی دەردمان بکەی دەرمانی گرفتار وەدست جفت و فەدانی یاری وەیتەور مۆ مەر نمەزانی ڕۆیە من ئامام پەرێ دیدەنی پەرێ ئەی بەندە ئەتۆ عەبدەنی هاستم وەجگا پەیت موفەککەرە نەواچی مەڵڵا زۆر بێ خەوەرە دینداری ئەی وەخت غایەت خەتەرە پەنامان وە زات ئاغای قەمبەرە سەڵامم هەنەن وە جەمیع یاران وە گەورە و بچووک فیرقەی دینداران انثا و مذکر دەروون تەیاران یاران موخلیس گشت گەردەن لاران سەڵام وە عەباس چەنی مام زاهیر ئەمساڵش نییەن تا میسر و قاهر سڵام بۆ وە نەزد موحەممەد عەلی خالیس و موخلیس جە قال و بلی سڵام بۆ وەنەزد حاجی سەی عەباس بن سەیید قەڵەندەر مەرد دوڕ شوناس سەڵام بۆ وەنەزد ئاغا سەیید عەزە سەخی تەبیعەت تەمام خۆش مەزە ++++++++++++++++++++++ سەرناو: حاجی نامەکەت سەبارەت: بۆ مام موحەممەد حاجی نامەکەت... یاوا وەدەستم شیرین نامەکەت گفتار لذیذ خۆش خەرامەکەت وە شاد بوێرۆ سوبح و شامەکەت هیچ غەش نەدارۆ گشت ئەندامەکەت مەڵڵا بۆ قوربان خاک ئەقدامەکەت یاران گشت موحتاج خۆش کەلامەکەت غایەت لذیذەن مزە و نامەکەت ها جە دەماغم بۆی شەمامەکەت مەڵڵا وە غوڵام عەقڵ و فامەکەت ئیشەڵڵا سارێژ بییەن زامەکەت غایەت تەعدیلەن ئیستیقامەکەت وە شەوق و وە زەوق بۆ دەور ئەیامەکەت موبارەکت بۆ نەو نەمامەکەت تەمام دڵشاد بیم جە پەیامەکەت یا حەق قەبووڵ بۆ گشت صیامەکەت یاهەق شکست نۆ مەد خیامەکەت مەڵڵا وە حەیران دەور عەمامەکەت تەمام ڕەونەق دار تام و سامەکەت عالەم موشتاقەن وە سەلامەکەت مەڵڵا وەفیدای شیرین جامەکەت یەکجار زۆردارەن نەفس لەوامەکەت پەی تەمع بڕیان گشت ئارامەکەت چەنی من چێشەن تۆ مەرامەکەت جە ڕای دین یار کوا ئیکرامەکەت چون کۆە جەم بەستەن گشت غەرامەکەت تەحقیق کەر مەعنای گشت کیتابەکەت تاکە ڕەوشەن بۆ ڕای قیامەکەت ++++++++++++++++++++++ سەرناو: حاجی نامەکەت ٢ سەبارەت: بۆ مام موحەممەد حاجی نامەکەت... لێمان قەتع مەکە ئەتۆ نامەکەت مەڵڵا وەقوربان دەور عەمامەکەت غوسڵمان بکەر چە حەمامەکەت وەشاد بوێرۆ دەور ئەیامەکەت موحتاجم وەشیعر عەنبەر فامەکەت دایم گوڵزار بۆ دەور خامەکەت خۆراک لەذیذ بۆ سوبح و شامەکەت هەنی کافییەن وەس بۆ ئەشعارم جەی وەخت و زەمان خەیلێ بێعارم ++++++++++++++++++++++ سەرناو: حاجی نامەکەت ٣ سەبارەت: بۆ مام موحەممەد حاجی نامەکەت... یە خەیلێ وەختەن نامان نامەکەت سەد حەیفم پەرێ خەیاڵ خامەکەت فەرامۆش کەردی ناتەمامەکەت چ تەور مەوێرۆ سوبح و شامەکەت تەغەیور نەویەن ڕەنگ و جامەکەت کەی ساڕێژ مەبۆ کۆنە زامەکەت حەکیم بکیانۆ پەیت دەرمانەکەت یاڕەب مەحکەم بۆ فیکر و فامەکەت پەی مەڵڵا بکیان شیرین نامەکەت قەتع کەردی لێمان خۆش پەیامەکەت نەزانام چێشەن تۆ مەرامەکەت ++++++++++++++++++++++ سەرناو: حاجی نەخۆشی سەبارەت: بۆ مام موحەممەد حاجی نەخۆشی... واستە شنەفتم واتشان نەخۆشی پەی عەشق ڕای هەق دەروون پڕ جۆشی چەمەڕای ڕەجای زات خامۆشی غافڵ مەنیشدێ وەفەرامۆشی وەخت هیممەتەن یاران دڵ خۆشی پەی جیفەی دونیا نەوی ئاڵۆشی زات وەفادار گەوهەر فرۆشی مەست ڕۆی ئەلەست ئەزەڵ مەی نۆشی تەعنەی «مەنا و مەین» دائیم نەدۆشی وێت پارێز بکەر جە شەڕ فرۆشی حەرف ئەی کەمتەر بگێر نەگۆشی ساحێب دەوڵەتەن یەکسەر وەکۆشی جاشان خاڵی مەند شین وەبێ هۆشی مێردان هەق بین ئەتۆ هاملۆشی داخڵ وەئۆردی زات سفید پۆشی مۆ قەبووڵ کەری دشنام و خۆشی بە وێنەی ئسقێل، ئەبرەم و مۆشی چی زەمانەدا دەروون تەشویشی سککەی شەرت بتوون وەلەو بێ ڕیشی چە ڕای هەقیقەت هەر چە تەفتیشی سادیقەل قەولی خۆش موفەتیشی یە مەڵڵا واتەن بیلمیور ئیشی ئەختیار و پیرەن بڕیان کریشی ++++++++++++++++++++++ سەرناو: حاجی نەقاشا حاجی نەقاشا... خودام ڕەنگ بازەن عەجەب نەقاشا مەیل دەروونم دایم نە جۆشا سەراسەر جیهان گشت لەشکر پۆشا مونکیران هەق دەروون ئاڵۆشا گرۆی عەشق داران تەمام سەر خۆشا جۆیای دین یار مەست مەد هۆشا یاڕەب گردمانکەر نەتۆی پەڵۆشا دەرمان بکیانە پەی گرد نەخۆشا زومڕەی یارستان ببان دڵ خۆشا غوڵام خاس بادەی مەی نۆشا نەواچی مەڵڵا چەنە هەراشا بێزارم جە دەست فانی قەڵاشا فرێ قانیعم وە ئەی مەعاشا گفتارم مەقبووڵ عەجەب قوماشا جە لای مونکیران سڕ مەکەر فاشا مەڵڵا کەمتەرین نە خاک و پاشا تەعتیلم جە دەست کار چەواشا هەق وەدەست وێش کەرۆش لەواشا دوشمن دین یار هەر هان چە هاشا زومڕەی موڕتەدان جەهەنەم جاشا ئیرادەی یەزدان وەیتەور ڕەزاشا قیراتش تەمام خەیلێ جەزاشا تەمام مەغرووران کەفت وە تەلاشا وەدەست... نێکان داغماشا خەڵات باقی نوورین واڵاشا زات کردگار مەوزوون باڵاشا جەمیع یارستان هان جە پەناشا فریاد ڕەسی یار حازر هاناشا شادی و شەوق و زەوق وەخت شاباشا دەنگ ساز و سەمتوور عەجەب سەداشا فانی وێران مۆ باقی بەقاشا دونیا پەرستان جیفە خوداشا ++++++++++++++++++++++ سەرناو: حاجی نەمەندەن سەبارەت: بۆ مام موحەممەد حاجی نەمەندەن... ئەدەب و ئەرکان نەیجا نەمەندەن حرس و نەفس غاڵب ئیمان پەرگەندەن مەعلووم نیشانەی هەزار و هەندەن دوانزدە بورج تەمام مەر حەساب چەندەن پەنامان وە زات شای خەیبەر کەندەن یار یەک وجوود گشت وە یەک بەندەن گفتووگۆی یاران چون کەللە قەندەن مونکیران مەراق وە فێڵ و فەندەن یاران گرفتار حەڵقەی کەمەندەن بیمار بێ دەرمان نامەی مەرگ وەندەن شکاکان جە کەیف چە شادی و خەندەن تاک تاک جە ڕووی ئەرز یار ساغ مەندەن ماباقی شلۆق مەشغووڵ ڕێش خەندەن ئەی خەیاڵ خام فیکر لێم سەندەن چە تۆ زیاتەر هەنی کێم هەنەن قەرار یار مافەوق سۆگەندەن حاجی سەبر و حوکم تەمام پەسەندەن مەعنای یار مەربووت وەیەک پەیوندەن نەوا چون شکاک بیر پەی یەک کەندەن سوڵتان تیر وە ڕووی شکاکان شەندەن کاسە پڕ بییەن گوناه جە گەردەن یە واتەی مەڵڵا گفتارش ڕەندەن ڕەزیل و ڕیسوا چە عالەم پەندەن ++++++++++++++++++++++ سەرناو: حاجی وەخت شەوقەن سەبارەت: بۆ مام موحەممەد دەروێش عەلی حاجی وەخت شەوقەن... شەوگار تەمام بی وەخت زەوق و شەوقەن ئەفواج مێردان چە هەقای هەقەن عالەم ئینقیراز فانی بەرزەقەن مەلجاگاهمان زات موتڵڵەقەن شاه مێردانەن عەلییەن هەقەن فیرقەی مونکیران تەمام دڵ ڕەقەن پەی جیفەی دونیا جە شەقای شەقەن نیکان مونتەزیر سەف دوو تەوقەن شکاکان خەجەڵ بونیادشان لەقەن بێ زەڕە و بێ زات وەبێ ڕەمەقەن مەحرووم و مەئیووس چە کۆی وەق وەقەن جەمیع شکاکان خاپوورین لەقەن گرفتار وە چنگ سوار ئەبڵەقەن چین ئامادە بی ماچین مۆلەقەن شەخر سواران تەمام سەر دەقەن ++++++++++++++++++++++ سەرناو: حاجی وەفادار سەبارەت: بۆ مام موحەممەد حاجی وەفادار... ئەی نوور عەینم یار وەفادار شەبان تا بە ڕۆژ نەدارۆم قەرار جە خەوف خەتەر شای پەروەردگار جە عالەم خاو پێم دریان ئینزار پەی یاران مەبۆ بەرق غەزەب بار چەو بۆنە ویتەور کەردەنم ئیخبار فیرقەی یارستان تەمام بۆ هۆشیار تۆ قاسیدەنی جاڕ دەر وەگشت یار لاڵە بکەران تۆبە و ئیستیغفار وەرنە لاشەمان مەبۆ تار و مار سد لاڵە و ئامان نمەێۆ وەکار کەلب یارستان بەندەی شەرمەراز کۆتا خزمەتم دەروون پڕ ئازار دەروونم وە تیر غاران بی زامدار شکات قەبوڵ بی جە لای خاوەندکار جەمیع ئەرازی مەبۆ وەیەیار - - چۆڵ مەبۆ لیس فیه دیار جە ماه نەورۆز یام چە پەنجەی تار یەک عەلاماتێ مەبۆ بۆ ئیزهار مەڵڵا فیدات بام بۆ ئەی مەرد گۆ یار دەروون گەورە بەر نۆش بکەرە ژار پەرێ سەردانم وێت بکەر تەیار مەبۆ حازر بی هەفتەیە یەک جار سەد تەقەلا کەی جەی دونیای غەدار ئاخرش هیچەن نمەیۆ وەکار دایم ڕوو ڕەشەن مەرد تەمع کار نەجات نمەدۆ فلس و پووڵ، دینار ++++++++++++++++++++++ سەرناو: حاجی چاوەکەم سەبارەت: بۆ مام موحەممەد حاجی چاوەکەم... حاجی گیان تۆنی نوور چاوەکەم ڕەهبەر ڕاستی حاجی کاوەکەم تۆم نیان چە شۆن برا و باوەکەم حەکیم حازق دڵ بیمارەکەم پارەیەک وجوود وەفادارەکەم وێڵ و سەرگەردان گۆشەی شارەکەم ئەسیر نامەرد دەست ئەغیارەکەم مەشغوڵ وە جیفە زەحمەت کارەکەم مەدیوون عەوام نادیارەکەم دەروێش موخڵیس خۆش گفتارەکەم چەمەڕای زهوور ساڵ مارەکەم بێزار جە فیرقەی گشت بەدکارەکەم عەزیز و نازدار تۆی خەمخوارەکەم پەرپووتەن ئەساس کار و بارەکەم تەعمیر بکەرە تۆی نەجاڕەکەم دوڕ و گەوهەرەن یەکسەر بارەکەم خڕیدارەنی ئەی توجاڕەکەم؟ داد فریاد ڕەس - - ڕووی هاوارەکەم دەخیلەن ڕەهبەر بکەر چارەکەم دڵگیر جە کەردەی ڕۆی ڕۆزگارەکەم موشتاق و مەراق ڕووی دیدارەکەم ++++++++++++++++++++++ سەرناو: حاجی ڕەوانم حاجی ڕەوانم... کاک حاجی تۆنی ڕۆح ڕەوانم خەیلێ زامدارم بکەر دەرمانم تەبیب حازیق تۆنی لوقمانم دەماوەند ئاسا بەرزەن دەمانم کەم ڕوئیەت بییەن نوور چەمانم نحن قسمنا زیاد کەردەن نانم نەمەندەن تاقەت تاب و تەوانم سەد حەیف زایعەن واتەی بەیانم یار نییەن وەتەنگ زاری و گریانم ئەر زات موتڵەق نەکۆ دەرمانم ساڕێژ نمەبۆ کۆنە زامانم وەی دونیای فانی چەند جار ئامانم چەند... کەردەن هیچ نەزانانم غەواس دەریای بەحر عومانم لاهوورەن شەهرم خانە وێرانم گیر وەردەی گەرداب دەریای عومانم بێزار جە ئەتوار خەڵک ئەی زەمانم عاجز و مەحزوون وەبێ جەولانم جە کونج خەڵوەت دەروون پەنهانم هوشیار بەر جەی وەخت دین و ئیمانم دەخیلەن حاجی دەست وە دامانم کەلب کەمتەرین قاپی یارانم وەختەن بەیۆوە دەور جارانم گەدای سەر سەری گۆشەی شارانم وەجاگە مەندە جە هەوارانم تەعنەگای مونکیر قەوم غارانم موحتاج ئیمداد شاه سوارانم ئینە چەند وەختەن وەلات نامانم بوگزەر جە تەقسیر جورم گرانم ++++++++++++++++++++++ سەرناو: حاجی ڕەهبەری سەبارەت: بۆ مام موحەممەد حاجی ڕەهبەری... وەیتەورە مەبۆ شەرت ڕەهبەری شەو و ڕۆژ دایم جە دەردەسەری جە حاڵ مەڵڵا هەم بێخەوەری مەشغووڵ حەساد وە بێ ڕەنجبەری هەقت ها وەدەست هەرچی بکەری جە وەلوەلەی ماڵ قەرتی بەشەری سەعی لازمەن حەوڵ و هونەری نەواچی مەڵڵا مەندەن، چە کەری؟ وەر جە تۆ درە و تەمام یەکسەری میقدارێ کێشە مەنەن چا سەری ئەویش تەمام بۆ وەبێ خەتەری جی ساڵ مارا ئەر تۆ مەزهەری چەند کەسان چون من مەبۆ بێوەری ++++++++++++++++++++++ سەرناو: حاجی کەبیرەن سەبارەت: بۆ مام موحەممەد حاجی کەبیرەن... مەعلووم بۆ جە لات گونام کەبیرەن پیر ڕەجا چییەن دەلیل دەستگیرەن پەنامان وە زات شای خەیبەر گیرەن فیرقەی مونکیران یەکسەر شەریرەن ئەهل هەق سالم وەبێ تەقسیرەن شای گردین دڵان تەمام خەبیرەن عاقیبەت دەوران ڕەوشەن زەمیرەن قەڵەم زەڕینەن کاتیب دەبیرەن چێش چە دەفتەر بۆ نسیب فەقیرەن حاجی گیان ناچی مەنزڵمان دویرەن مەئموور ئامادەن دڵمان پڕ نویرەن ڕەهبەر موخڵیس تۆم هەر چە ویرەن دیدارت پەرێم مسک و عەبیرەن جەماڵت وێنەی ماه مونیرەن گوفتارت وێنەی قورس پەنیرەن ئەفکارم بڵاو ئێدەم جە ویرەن فرزەندت هیمەت نوور بەسیرەن قەدرش بگێرە ساحێب سەریرەن خاڵیس موخڵیس تاڵب وەمیرەن نەتاوام نامام خەیلێم قوسویرەن جە دەست نەخۆشی مەڵڵا ئەسیرەن زەوق و شەوقمان زیکر و تەمیرەن قوەت یاران زات شێخ ئەمیرەن ++++++++++++++++++++++ سەرناو: حاجی گریانەن سەبارەت: بۆ مام موحەممەد حاجی گریانەن... جە دووری یاران دیدەم گریانەن دمای تۆ دنیا پەرێم وێرانەن بێ یار بێ هامدەم دەردم گرانەن ئەی دونیا پەرێم وێنەی زیندانەن پەنامان وە زات حەیی سوبحانەن ئەی یار قەدیم خەتای کێمانەن مەوەر وە هام قەوڵ، دڵ وە گومانەن ئومێدم هەنەن وە زات یەزدان ئیغفاڵت ناکەن هەزار ک... م خوان ئاڵاتت مەزبووت تەیارەی ئاسمان خاوەن درشکەی بە وێنەی ڕویان چە قەوڵ نەدارۆ تاقەت شێران جە دەست گورپە، مۆشان هەراسان باڵ جوبرەئیل هەم دوعای خاسان نیگەهدارتان بۆ ئەی دوڕ شوناسان ++++++++++++++++++++++ سەرناو: حاجی گیان تەمام سەبارەت: بۆ مام موحەممەد حاجی گیان تەمام... مەعلووم بی جە لام حەساد بی تەمام ئینە چەند وتختەن نامانی وەلام ئومێدم هەنەن دڵ بۆ شادوکام وەختەن خەڵاس بین جەی دەرد و ئالام جەی سەردی ساعەت ئێدمانەن مەرام شەوق و زەوقمان بۆ وە لەزەت و تام جەی ساڵ ماردا دڵ گێرو ئارام زەمیر دڵشاد بۆ جەی دەغدەغەی خام شەرابەلحەریر بنۆشین وە جام کەشتیمان بەرشۆ جەی گێژی ظەلام کۆتا خزمەتیم نوتفەی ناوەکام مەر زات بێچوون بەیۆ وەهانام وەرنە مەحاڵەن خەڵاس بۆم جەی دام مەبۆ وێران بۆ مەککە و میسر و شام ئاخرش هیچەن دونیای بەد فەڕجام وەجا مەمانۆ نقوود و تەعام پەی فیرقەی بەدان خۆشەن بێ ئیلهام چەن ئەسپ تازی مەندەن بێ لەجام هیچ دڵ تەنگ مەوە پەرێ قەرز و وام فیدای ڕۆحت بام فەقێی نیک نام جوابم بدەر باقی والسلام ++++++++++++++++++++++ سەرناو: حاجی گیان سروور حاجی گیان سروور... وەخت شادییەن زەمزەمەی سروور جەی سەردی ساعەت دڵ نەکۆ خوتوور تسلیم بۆ وە هەق وەشادی و شکوور جە فیرقەی بەدان وێش بکەرۆ دوور ئومێد هەن داخیل ببۆ وە حزوور پەیمانە دروست سککەش ببۆ مۆر داخیل بۆ وەشەرت وەبێ زوڵم و ڕۆر نیجاگەی ناساز دەروون کەردەن توور یەکجار زاڵمەن گەورەی - - وە کوور صاحب الوقار بە غایەت غروور مەبۆ بکێشیم ئەی یار وە زەروور یاران گرد بێوەی ناچارەن مەجبوور وەدەست مونکیران دائیما مەقهوور جەی پردی سیرات گشت کەرۆ عبوور یەکسەر زندە مۆ گشت ئەهل قبوور قەلب سەلیمان بێ عەیب و قسوور جە دیوان هەق خەڵاتش مۆ نوور پەی نیکان حازر شەرابەن تەهوور ئافاقە مەبۆ پەی فیرقەی زەبوور جەی ساڵ ماردا زهوورەن زهوور یاران خەڵاس مۆ جەی دەرد و ڕەنجوور هەر کەس وە ڕاستی بکەرۆ پەیجوور داخیل وە گرۆی زات شاه تەیموور وەختەن ئیسرافیل نەفخ دەرۆ وە سوور یانەی بەدکاران یەکسەر بۆ خاپوور چەندێ غواسە سەفینە و پاپۆڕ جەی بەحری بێ پەی نیگوون مۆ شەیپوور مەگەر وە ئەلتاف پادشای غەفوور یاران نەجات بۆ نەی گەرداب تۆڕ ئەی دەردە سەرە مۆ وە شادی و سوور نەوای خۆش ئەلحان دەنگ ساز و سەمتوور نحن قسمنا کەم کەردن نانم ڕەوشەن زەمیر بۆم ئاوێنە بلوور بێزارم جە دەست نەفس تەڵخ و شۆر هەر هان جە تەحریک پەرێ سەڕ و شۆڕ دەوران مۆ وە دەور نەگیسا و شاپوور مووسا گۆستاخەن کەلیم کۆی توور نەبی سولەیمان شای تەیر و تیوور جە فەرمانشەن یەکسەر مار و موور زات حەیدەر ئاورد وەنیمە ڕۆ خۆر عیسا زندە کەرد چەند مەردە مەزکوور ++++++++++++++++++++++ سەرناو: حاجی گیان سەردەن سەبارەت: بۆ مام موحەممەد حاجی گیان سەردەن... مەعلووم بۆ جە لات زەمانە سەردەن عالەم گیروەردەی عەزاب و دەردەن فیرقەی فەقیران جە بەردەڵبەردەن فیکر و خەیاڵم پەی ئادای قەردەن داخەکەم مەڵڵا وەبێ هام فەردەن زاڵمان زۆردار تەمەع ماڵ کەردەن گرۆی مەزڵوومان تەبعید و تەردەن حەکیم حازیق دەواش پەی دەردەن هەرکەس مەدیون بۆ دایم ڕوو زەردەن جەی وەخت و زەمان خاستەرەن مەردەن نەک دەخیل وە سەف نامەردان بەردەن ئەحواڵ پەرێشان دەروون پڕ دەردەن ئاوێنەی زەمیر هەم موفشەق کەردەن جەی سەردی ساعەت یاران بێ نەردەن وێڵ و سەرگەردان ڕوومان جە هەردەن ئێستاکە دەوران زاڵم و جەردەن خونمان بی وە ئاو زەمین بێ وەردەن زوڵم و تەعەددا گشت هەق وێش کەردەن جە ڕۆژ حەساب دەینمان وە گەردەن حرس و نەفس ئیمان لێم جودا کەردەن چەند ئینزار کەردم وەسەدا کەردەن فائیدە نەدارۆ نەوس زۆر ئاوەردەن ئۆیلکەی ئیمانش گشت چە پاو کەردەن کافییەن حاجی نەسیحەت کەردەن چەند هەزار خاسان ئامان و وێردەن ++++++++++++++++++++++ سەرناو: حاجی گیان سەردەن ٢ حاجی گیان سەردەن... مەعلووم بۆ جە لات زەمانە سەردەن گرۆی ئەهل هەق جە بەردەڵبەردەن وە دەست مونکیران دایم ڕەنگ زەردەن چەو بۆنە مەڵڵا دەروون پڕ دەردەن فەقێ جە دووریت هەناسەم سەردەن عاجز و مەحزوون وەبێ هام فەردەن دونیا بوڵاشغ یەکسەر گشت جەردەن نێکان جەڕای هەق ئەرواح سپەردەن جەو بۆنە وەیتەور یادم نەکەردەن مەڵڵا گیر وەردەی مەسرەف و قەردەن پەنامان وە زات شاه پشت پەردەن زەمانە زەندیق دەور نامەردەن فیرقەی یارستان یەکسەر بێ نەردەن زەمیر یاران پاک و بێگەردەن زومڕەی سیاه دڵ وێڵەن جە هەردەن واسە مەزانی حاجی گیان مەردەن ئەگەر عارش بۆ وێش بە وێش کەردەن تائیفەی ئەی وەخت دەروون چون بەردەن جە ڕای دینی یار هیچ ڕەنج نەوەردەن دایم شەڕ و شۆڕ جەنگ و نەبەردەن جیهان پڕ غەوغا جە تۆز و گەردەن ئۆردو ئامادەن پەی شرق الاردن جە دیوان هەق مونکیران تەردەن ++++++++++++++++++++++ سەرناو: حاجی گیان موفلیس سەبارەت: بۆ مام موحەممەد حاجی گیان موفلیس... مەعلووم بۆ لێتان مەڵڵا بی موفلیس سەد دادم جەدەس قەومی یەقین سس گرفتار بییەن مەڵڵای نادرووس خەڵاس بیت نەی جا ئەی یار موخڵیس من مەندەم تەنها بێ یار و بێ کەس بێ یار بێ یاوەر بێ شەوق و هەوەس بەغەیر جە ودا نییەن فریاد ڕەس حاجی جەی شیعرە قسە مەکەر وەس جەریمەی کاغەز دانم بیست فلس داویت جە کاغەز پووڵی ماڵییە ئەزانی مەڵڵا ئەمە حاڵییە وەقەرت و فەرت بیست فلس تەمام دام وە جەریمە باقی والسلام وەیتەورە مەبۆ ئوستا و شاگردی جەی اخرالوقت ئەی زوڵم پێم کەردی یەک فلس پەرێم وێنەی دینارەن ئەر سەد بواچان مەڵڵا بێعارەن هەق بیست فلس هەتا وە بیست ساڵ سەلەفش بکیان حاجی خۆش خەیاڵ هان جە ئۆغرت تەمام سەر و ماڵ هەق بیست فلس مۆ کەری ئیکماڵ من واتم حاجی روح الحیاتی نەزانام عەتتار ناو دێهاتی باش تاجرەنی هەم دەفتەر فرۆش جەو بۆنە مەڵڵات کەردەن فەرامۆش برایە مەشغوڵ کار عەتتاری بۆ مەعلوومەن لێمان جە بێزاری بۆ هەنی کافییەن گفتووگۆی کەلام ڕۆح مەکەم فیدات حاجی نیک نام ++++++++++++++++++++++ سەرناو: حاجی گیان مەعموور سەبارەت: بۆ مام موحەممەد حاجی گیان مەعموور... ئاوێنەی دەروون ساف بکەر مەعموور وە شەوق وە شادی وە زەوق و سروور مەعشووق وەجای عەشق مەکەرۆ عوبوور جەی سەردی ساعەت وەساز و تەنبوور انا الحقت بۆ بە وێنەی مەنسوور پی جیفەی دونیا وێت مەکەر مەقهوور ئاشۆی شارانەن نەزدیکەن زهوور سەی «حەمە» عەشقەن سابرەن سەبوور لەشکر ئامادەن مۆ کەرۆ مروور بەندە چون مەردەی مەدفوون قبوور ئومێدەوارم وەشای شارەزوور سەراپا جەستەم پڕ خەتا و قسوور زەمیرم موفەشەق دڵ ها چە ختور جارێ مەحکوومم ئەسیر و مەجبوور لابود حوکمێ هەن پەرێم وەی دەستوور وێڵ سەرگەردان مەحرووم چە حزوور ئیرادەی هەقەن عاجزم زەروور وەختەن خەڵاس بۆم چە دەست ئەی غروور نەزدیک بی وەنەم مەنزڵان دوور جار جار مەوینی وەعەین پارچەی نوور باوەڕ نەداران قەوم بێ شعوور من بعد چەند ڕۆژ بەیان مۆ نوشوور ئافاقەی خێرەن پەی یاری جەسوور گرۆی مونکیران زەینشان مەبۆ کوور گشت پایماڵ مەوان وەسەد زوڵم و زوور چە عید نەورۆز پەیدا مۆ شاپوور مەبۆ حیفز کەری گفتار مەزکوور بەحس نەکەی چەلای ئیناث و زکوور با چە بەینمان بۆ ئەی قەوڵ مەستوور وەختەن پەیدا بۆ زات شا زەنوور وی بەش و بەرات قانیعم مەشکوور شوکرم هەن وە زات شای گەردەن بلوور چون موسای گوستاخ کەلیم کۆە توور حاجی گیان تۆنی دەلیل پەیجوور مەلەوان خاس غەواس بحوور بێزار چە دیدار بەدان فجوور ئامادەن پەی جەنگ سوپای سەلم و توور مەبۆ بژەنان ناقوس و ناقوور یەکتر قەتڵ مەکەن شەمەر و جبوور وێرانە مەبۆ کاشانە و قسوور چەند شازادەگان بە وێنەی فەغفوور گشت ئەسیر مەوان وە دەست ئاموور هەر چوار کتوبات خودا کەرد مەنزوور تەمام بێ قەدرەن فورقان و زەبوور کاسە پڕ بییەن بێ باڵ مۆ طیوور خەڵات مەکەران گشت یار غەیوور وەعدەی ساڵ مار اشرف الشهور پەیدا مۆ چە عام زەلزەلەی فی الصور سەرنگوون مەبۆ فیرقەی ڕیشوەت خۆر تەمام زاڵمان مەکەفان وە تۆڕ خوراک بەدان تاڵ و تورش و شۆر مەحرووم و مەئیوس مەوان گۆڕ وە گۆڕ جیا مەکەران سەف باز وبۆر بارشان گران مۆ وەزن هەزار هۆڕ چە تەعنەی بەدان دڵ بییەن ڕەنجوور ڕەجا چیمانەن زات میر سوور ئی دەرد و خەفەت پەیمان مەبۆ سوور وەشەرتێ ئەندام زوبانمان بۆ مۆر یاران خەڵاس بۆ چە غەم مەهجوور شاد بان وە دیوان بێ دەرد و ئجوور یا هەق ڕەوشەن کەی ئاوێنەی کەنتۆر نەجاتمان ببۆ جەی شەو دەیجوور ماهتاب باقی زات شا تەیموور وە دەست بەدان یار بییەن مەحسوور دیک دەروونم بییەن وە غەم خۆر مەعمار بکەرۆش بێ کەسر و کسوور یاران سەر مەست بۆ چە بادەی تهوور چە مەکیدەی عەشق گشت ببان مەخموور ++++++++++++++++++++++ سەرناو: حاجی گیان مەوزوون سەبارەت: بۆ فەقێ حەمە حەیدەر حاجی گیان مەوزوون... وەشەو یاوا پێم نامەی خۆش مەوزوون وانام سەرانسەر وە بێ چەند و چوون ئاوێنەی دڵم پڕ بی جە ئاڵتوون وە دەست حرس و نەفس بیەنان زەبوون کەی نەجات مەوین جەی ڕای دونیای دوون فەرهاد ڕەنجش دا جە کۆی بێستوون ئاخرش وێش کەرد غەڵتان چەنی خوون جە عەشق شیرین وێش کەرد سەر نەگوون نەیاوا وەکام جە ئەی دونیای دوون بەڵێ جە ئاخر پڕ جەلا و شکۆن ڕەجاچی یارەن جە ڕوبع مەسکوون لەیلێ بێ مەعشووق وەزات مەجنوون هەر لەیل لەیلش بی مەواتش جە کۆن ++++++++++++++++++++++ سەرناو: حاجی گیان نامان حاجی گیان نامان... یە خەیلێ وەختەن ئەشعارت نامان مەشغووڵ وە جیفە خەیاڵ خامان وەختەن ساڕێژ بۆ برین و زامان بار کێش بار بەر چون بەحر عومان مەبەر هام قابیل خۆڕی و لەگامان قەبووڵ کەر چون خاک پیسی و پاک جامان حاجی گیان توەنی دەلیل ڕامان هەق وێش مەدەرۆ جەزای نەفامان خەوەردار کەون سەر تا وە دامان جە غەزەب هەق دڵ هان جە ئامان بەڵا ئامادەن نەدارۆ سامان شکاک ورگرتەن بار گونامان دایم زیادەن شەوق و خەنامان ئەر سەد مونکیران کەران فەنامان فریاد ڕەس حازر پەرێ هانامان مەولا بێبەش کۆ سەبەب کارانمان ڕەوشەن کۆ ڕاگەی کووچە و شارانمان دەلیل حایرین بۆ دەست بارانمان بوەزۆمان وەڕای قەدیم جارانمان هەق فەوت بکەرۆ جەمع غارانمان وە تووتیا ببۆ سەر مارانمان وە دوانزدە بورج حەساو شوماران سەلامم هەنەن وە جەمیع یاران ++++++++++++++++++++++ سەرناو: حاجی گیان نامان ٢ سەبارەت: بۆ مام موحەممەد حاجی گیان نامان... یە چەندێ وەختەن نامانت نامان کەشتیم ها جە گێژ ئەی بەحر عومان بێ شەوق و بێ زەوق ئیفتادەی مەیدان دائیما مەشغووڵ کاری عەتتاری جەو بۆنە وەیتەور لێمان بێزاری توجاڕ دەفتەر هەم چایی و وەرەق دەرهەق مەڵڵا دڵت بییەن ڕەق تاجر مەرغوب وێنەی شێخ ڕەحیم دۆست وەفادار ئەی یار قەدیم مەشغوڵ هێلکە «یموڕتە» و خایی فەڤێ کورد «مامک» بێزار چە چایی ئەوەڵ سەلامم وە کوێخا دەروێش پڵاو برنج خۆر بێ خەوف و ئەندێش دوەمین سەلامم وە جەمیع ئاوایی وە گەورە و بچووک وە کەیف و شایی سێهەم سەلامم وەدێی قەڕامی دەوران بڕانان وە شادی و کامی ماباقی دێهات دڵ پڕ کەدەر بۆ سەیید و باوە، لێش بێ زەرەر بۆ نیعمەت و مەدحەت چەنی مام ئەحمەد چاویان ماچ ئەکەم بێ حەد و عەدەد وە سیدق و یەقین وە گیان و وە دڵ دەست میم فەتحیە ماچ ئەکەم چون گوڵ گەورە تا بچووک گشت ماڵ و منداڵ دەستتان ماچ ئەکەن ئەپرسن ئەحواڵ قەریەی تۆپزاوە تەمامی یەکسەر سەڵامشان هەنەن کیبار و ئەسغەر هەنی کافییەن ئەشعارم تەمام الامر منکم باقی والسلام ++++++++++++++++++++++ سەرناو: حاجی گیان گەوهەر سەبارەت: بۆ فەقێ حەمە حەیدەر حاجی گیان گەوهەر... سەڕاف سوخەن ساحێب گەوهەر نیگەهدارت بۆ یەزدان سەروەر دەرەجەت بەرز بۆ جەی سەر و جەو سەر یاوا وە دەستم نامەی بۆ عەنبەر وانام سەراسەر نیام وە بان سەر غوڵام موخڵیس زات شا حەیدەر ساحێب خەزێنە یاقووت ئەحمەر ئومێدم هەنەن وە حەیی داوەر وەخاک و پای تۆ بوەخشۆم یەکسەر ئوستاد موخڵیس ئەی بەندەی کەمتەر پیاڵە بنۆشای جە ئاب کەوسەر موعین فەقیر قەوم و برادەر جان فیدای پەرێ ڕاگەی... ەر یاڕەب جەی دونیا نەوینی زەرەر فریاد ڕەسمانەن دەلیل ڕەهبەر پۆڵاد پەرچین بای جەی دونیای خەتەر چەنی یارستان یاری نامەوەر بەعزێ خەیاڵات مەیۆم وەنەزەر عەجەب سینەمان حاڵات بەشەر برا بێ پەیەن ئەی بەحر بێ دەر سەد هەزار کەشتی مەگێڵۆ بێ سەر وە مەودای تەوەر سەر نووک شەشپەڕ جەرگ مونکیران شەق مۆ وەتەوەر هەرچییەک نویسیان چە سەبتی دەفتەر مەبۆ بوینی ئەر خێر بۆ ئەر شەڕ پەنامان وەزات خالیق ئەکبەر نیگەهدارتان بۆ نەجامەی بەشەر ++++++++++++++++++++++ سەرناو: حاجی گیان هیممەت سەبارەت: بۆ مام موحەممەد حاجی گیان هیممەت... حاجی گیان توەنی بابۆی مام هیممەت وە دایە و بابۆت هەزاران ڕەحمەت تۆ پەروەردە کەرد وەسەد مەشەققەت الحمد لله بزورگ بیت وە جەخت نەجات بیت جە دەست عەزابانی سەخت میهمان نوازی وە ناز و نیعمەت ئەهل خزمەتی هەم ساحێب مروەت ئی جیفەی دونیا نەدارۆ قیمەت کێ ماڵ بەرد وە قەور بەغەیر جە زەحمەت شرووتی یاران عیشقەن موحەبەت وە فیرقەی بەدان سەد هەزار لەعنەت شیرین زوبانی خۆشەن موەددەت پەنامان وە زات شای شیرین شەوکەت وەختەن بیاۆۆ وەدەستمان نۆبەت خەڵاس بین جە دەست ڕەنج و صعوبەت ڕەئیسی یاران زات شا... ت یەکسەر فەقیران مەکەرۆ ئەیوەت ئومێدم وەهەق ساف ببۆ سینەت دەست و دڵ تەیار نەمانۆ کینەت موستەجاب ببۆ دۆعای ئەی کۆیلەت عەشقت زیاد بۆ گڕان بۆ شوولەت خاوەنمان مەدۆ پەنامان مۆڵەت عومرشان ئەفزوون ئەتفال و ڕۆڵەت ئەر خەرمان ساف بۆ پاک مەبۆ هۆڵەت ساحێب جێز مەدۆ ئوجرەت و تۆڵەت دائیما مەڵڵا هەر هان چە هۆڵت ئینشەڵڵا مەدان کراهی کۆڵت ++++++++++++++++++++++ سەرناو: حاجی گیانەکەم سەبارەت: بۆ مام موحەممەد حاجی گیانەکەم... حاجی خۆش کەلام تۆنی گیانەکەم موناجات خۆش وەر بەیانەکەم قووەت بازووی پشت و شانەکەم ساحێب شەوق و زەوق دڵ پەروانەکەم وەبێ تۆ وێران بییەن یانەکەم قووەت دەروون ئاب و نانەکەم ڕەونەق مەجلیس جە ئاشیانەکەم مسکین و فەقیر هەم مل پانەکەم عاقڵ دەوران ڕووی ئەفسانەکەم نەجای گشت کەسم تۆی باوانەکەم سەڕاف سوخەن گەوهەر دانەکەم خەوەردار ڕەزم ڕووی بەیانەکەم خاڵیس و موخڵیس بێ بەهانەکەم ئوستاد میعمار حەوش و خانەکەم تەسلیم وەڕای هەق خۆش دووکانەکەم شاسوار خاس، ڕووی مەیدانەکەم مەرد موباریز ڕاست جەولانەکەم قووەت دین و ڕای ئیمانەکەم بێزار جە مونکیر ڕووی بێگانەکەم مەست ڕۆی ئەلەست خۆش پەیمانەکەم جفتیار و ئوستاد ڕاستە بانەکەم موستەقیم ئەتوار حەیا بانەکەم سەرخۆش و سەکران جە مەیخانەکەم نەقاش نوورین تۆی بوتخانەکەم هەورێشم ساف تاڵ کەتانەکەم مەشغوڵ زیکر چە شەبانەکەم ڕەهبەر ڕای ڕاست هەم شوانەکەم نازدار و بێ عەیب ساحێب ڕانەکەم دەخیلەن حاجی جای ئامانەکەم ++++++++++++++++++++++ سەرناو: حاجی یارانم سەبارەت: بۆ مام موحەممەد حاجی یارانم... کەلب کەمتەرین قاپی یارانم نەمەدەن قووەت جار جارانم وێڵ و سەرگەردان سەر دیارانم گیر وەردەی گەرداب دەست غارانم چەمەڕای ڕەحمەت یار و یارانم خەیلێوەن موحتاج وە دیدارانم چەمەڕای ئیمداد شاه سوارانم یەکجار کەم بییەن نوور ئەبسارم دەخیلەن حاجی بکەردێ چارم تەعنەی مونکیران گران کەرد بارم شادی وە میسقال غەم وە خەروارم خاسیم نەکەردەن بەد بییەن کارم ئێستا پەشیمان خەجاڵات بارم یا رب العباد بشنەو هاوارم پەی ڕاگەی غەڵەت نەکەی ئیجبارم کۆتا خزمەتم وەبێ کردارم کەلام تەفەڕوق دەروون چون ژارم دەخیلەن تەبیب تەمام بیمارم جەی سەردی ساعەت بکەر تیمارم گورفتار وەدەست نەفسی بەدکارم جامەی مەجازی بییەن وەزینهارم پڕ شەوق و پڕ زەوق دەروون چون نارم موستەحەق وە خاک مەردەی مەزارم گا گاهێ بەد خوو وەبێ ئەتوارم غوسسەی ئەی جیهان ڕێزنان دەمارم گا گاهێ مەغروور ساحێب وەقارم گفتارم هەزیان بە وێنەی مارم ++++++++++++++++++++++ سەرناو: حاجی یاوانی سەبارەت: بۆ مام موحەممەد حاجی یاوانی... مەعلووم بی چە لام تەمام یاوانی سەرت وە قاپی کاوە ساوانی دەروون پڕ جە شەوق وەبێ تاوانی موخلیسی مەڵڵا نوور دوو چاوانی شەرت بتوون یار ساحێب ئەمانی جار جار پەرێمان بدەر بەیانی هەر چە ئێوارە تا وە بەیانی لاڵە بکەرە وە شای سوبحانی نەجاتمان بدەر نەی دونیای فانی داخڵمان کەرۆ وە جاویدانی سڵامم هەنەن ئەی برای گیانی مەحرەم ئەسرار ڕاز نیهانی خەوەردار بوە هەتا مەتوانی ئیغفاڵت نەکۆ فیرقەی بەدانی ئەگەر بکووتات جە نام هەوانی ڕاگەی هەق بگێر وە جسم و جانی شەخر سواران ها جە جەولانی مونتەزیر وە ئەمر یەک قوماندانی حاجی گیان پەنەم بدەر مزگانی ئومێدەوارین وە شای جیهانی مەرحەمەت کەرۆ وەحاڵ یارانی هەمیشە باچیم لاڵە و ئامانی نەجات بین جە دەست حرس نەفسانی ++++++++++++++++++++++ سەرناو: حاجی یاوانی ٢ سەبارەت: بۆ مام موحەممەد حاجی یاوانی... دار پڕ مێوە تەمام یاوانی ڕەهبەر موخڵیس نوور چاوانی تۆم نیان نەجای برا و باوانی یار وەفادار شەوق دیوانی بێزار چە مونکیر شەڕ و داوانی مونتەزیر وەلوتف حەیی سوبحانی گیر وردەی گەرداب فیرقەی نزانی شکاکان عوریان وەبێ ئیمانی خەرمان مەکوتان بێ زاد و دانی پیرە تەوەکل قەدیم گاوانی هەر جە کەسابەت خۆراک و نانی قەدری ئەی کەمتەر هیچ نمەزانی فەقێ هونەرمەند تەمام ئازانی ئەشهەدم بیلا مەرد مەیدانی شێر زەبەر دەست مەرد گۆیانی جە ڕای هەقیقەت تەمام جۆیانی چون بەحر موحیط وەبێ پایانی های چە موناجات سوبح و بەیانی هام فەردت نییەن جەی دونیای فانی پەی سەردی ساعەت دیدە گریانی دەروون پڕ نە داخ جگەر بوریانی مەشهوور ئافاق ڕووم و ئێرانی سەد حەیف بێ قیمەت جە نام یارانی دایم جە فیرقەی وەفادارانی زەمیر چون بلوور وێنەی جارانی هەراگێڵ یار سەر دیارانی دایم جە شکار دەشت و سەحرانی هەنی کافییەن وە چواردە تەمام پانزەمین هەقەن باقی والسلام ++++++++++++++++++++++ سەرناو: دەلیل بەر حەق ڕای باوەڵباوم سەبارەت: بۆ مام موحەممەد دەلیل بەر حەق ڕای باوەڵباوم مامە موحەممەد نوور دوو چاوم وە چواردە مەسرەع ئەشعار تەواوم بێ شەوق و بێ زەوق دەروون کەواوم بێ شەرم و شوعوور غایەت خەراوم مەزرووعات وشکەن موحتاج وە ئاوم فیرقەی مونکیران مەکەران ڕاوم جە لای دۆست وێم خۆشەن حەساوم ++++++++++++++++++++++ سەرناو: ساکن و سکووت هام لە ئەی ماوا سەبارەت: بۆ مام موحەممەد ساکن و سکووت هام لە ئەی ماوا یەعنی مەعرووفەن قەریەی تۆپزاوا چەنی هیچ فەردێ نەدارۆم داوا هەر چەند نەفرەت کەن گشت وەبان چاوا هەر جە وێرەگا تا وە خۆرئاوا لاڵە مەکەرۆم دەست وە دوعاوا هیچ خاسیم نییەن غەیر جە خەراوا بەیان قوش ئاسا نیشتەی کەلاوا ++++++++++++++++++++++ سەرناو: سەلام بۆ وەنەت ئەی برای گیانی سەلام بۆ وەنەت ئەی برای گیانی مەحرەم ئەسرار ڕاز نیهانی موحەبەت خاسەن چەندێ ئەتوانی یاران قەدیم وەکۆ لوانی غەواسەی فیکرم کەفت وە عەمانێ دەریاهان بێ پەی عەجەب سەیرانێ ئازیزی عادڵ نیان دیوانێ یەک یەک مەستانۆ هەق فەقیرانێ هەزار موڵک و ماڵ جەی دونیای فانی مەمانۆ وە جا وە پەشیمانی باوەرە وەجا شەرت و پەیمانی وەرنە جە مەنزڵ وەجا مەمانی شادومان لاهوور حرس و نەفسانی ئیمان فیرار کەرد پەی بیابانی دین شەهید کریان جە خوون غەڵتانی جە هەزار یەکێ دیندار کوانی دەخیلەن برا قوڕەت عەینانی زنهار مەگێرە ڕاگەی چەفتانی کامل الکمال هەم مەلەوانی ڕەفێقی مەکەر چەنی نەزانی موخڵیس دەرگای شای هەورامانی مۆ زیارەت کەری قیبلەی حەقانی قاپی هەقیقەت جای حاجیانی وێت حازر بکەر برای ئیمانی پەی لوای تەواف وەجا نەمانی سەراپا پەرێت کەردم بەیانی عاجز نەوی لێم وەدڵ گومانی غافڵ نەنیشی دەست وە زرانی ئافاقە مەبۆ فەردا بەیانی مەواچە ئەسرار پەرێ بێگانی نەوا جە حزوور بی پەشیمانی درەخت کامڵ مێوە یاوانی مەفرۆشە گەوهەر وەقەوم یەمانی دەست و دڵ تەیار مەکەر زیانی سیڕڕێ بپۆشە تۆ بەیاز خوانی دەروون گەورە بەر هەتا مەتوانی وەجا باوەرە عەهد و پەیمانی تا داخڵ مەوین وە جاویدانی ++++++++++++++++++++++ سەرناو: سەلامم هەنەن چە ئەحمەد خاسە سەبارەت: نامە بۆ گوندی «عەلی سەرا» سەلامم هەنەن چە ئەحمەد خاسە مورید ئیخڵاس مەڵڵا عەباسە سەلامم هەنەن چە شوکر سۆنە خاوەن تانجی ڕەش پاسکیلە کۆنە سەلامم هەنەن چە عەلی شەمام هەمیشەو و هەردەم عەقڵش نا-- سەلامم هەنەن چە حەمە ئینجی پەرێم بکیانۆ میقدارێ کونجی سەلامم هەنەن چە کاکە عەبلۆش خاوەن کارێ قوت چەنی بزنێ پۆش ++++++++++++++++++++++ سەرناو: سەڵامم هەنەن چە کوێخا هەیاس سەبارەت: نامەی یەکەم بۆ گوندی «ئەلبو گەسە» سەڵامم هەنەن چە کوێخا هەیاس ئەو ئەبوو فەروە مایخاف من رصاص سەلامم هەنەن چە عەزەی کاچێ زور خزمەتمی کرد لە بیرم ناچێ سەلامم هەنەن چە مەحموود کاکە بەخۆی خەرابە باوکی زۆر چاکە سەلامم هەنەن چە عەلی حەمک ئەمسالش نییەن تا وە شەمامک سەلامم هەنەن چە وەلی مامۆک نۆش گیانش بۆ ساوەر و دانۆک سەڵامم هەنەن وە ڕەحیم خانە هامڕائیش خۆشەن تا وە ڕۆخانە سەلامم هەنەن چە مام موحەممەد ئاگادارش بۆ الله الصمد سەلامم هەنەن چە سەی مستەفا چەی دونیای فانی مەکێشۆ جەفا ++++++++++++++++++++++ سەرناو: سەیید بێزارم سەیید بێزارم... وە یەکتا قەسەم جە گیان بێزارم جە داخ دەوران دڵ بێقەرارم گرفتار دەست نەفس زۆردارم یە خەیلێ وەختەن جە گیان بێزارم فەقیر زەرعان دڵ تانە بارم وەدەست حرس و نەفس گیر گرفتارم مەر زات بێچوون کەرۆ تیمارم یاڕەب وەدەرگات ئۆمێدەوارم وە لوتف کەرەمت بسازنەی کارم جە نام ئەی میللەت ئەمن چون غارم جە غاران بەتەر دڵ تەعنە بارم ئەگەر هەق ناچی هەم چار ناچارم چون خەر حەماڵ مەکەران بارم وەو کەسە قەسەم پەروەردەگارم وەتەحقیق پەی مەرگ جە گیان بێزارم یاڕەب وەدەرگات ئۆمێدەوارم ئینتیزار وە لوتف هەر چەهار یارم قەسەم وە کەلام زات جەبارم جە چەشمە زیاتر هەم غەم گوسارم دایم چون حەنظەل هەم ترخ تاڵم جە غاران بەتەر مەدان ئازارم گاهێ هەم شیرین چون شەکەر وارم گاهێ هەم تاڵم چون ژار مارم وەسایەی میر سوور یاوانا وە هۆش وە کەلب یاران کەرۆم فەرامۆش ++++++++++++++++++++++ سەرناو: شەو دووشەممە یەعنی شەو ئیسنەین شەو دووشەممە یەعنی شەو الإثنین میهمانت مەیۆ ئەی قرةالعین حەساوی گشتمان ببۆ موتابیق مەعلووم بۆ جە لای یارانی سابیق ئەوەڵ سەڵامم وە سەیید سەفی نیگەهدارش بۆ شاه نەجەفی دووەمین سڵامم وە سەیید سابر عاقڵ دەوران دانای ئەکابر سێهەم سڵامم وە سەی ئیسماعیل مەئموور بەرقەن وەبێ قال و قیل چوارەم سڵامم وەسەی حەسەنی ئەفلاتوون ئیدراک شاهان پەسەنی پێنجەم سڵامم وە ئاغا وەلی مەدەد کارش بۆ حەزرەت عەلی شەشەم سڵامم وە ڕەشید کەتە چە داخ دەوران جەرگش لەت لەتە هەفتەم سڵامم وە جەمیع سادات خانەدان خاس ساحێب کەرامات هەشتەم سەلام بۆ وە فیرقەی مامان وە گردین یاران چەنی ئۆمییان هەزاران سەلام وە ئەهل خانەت چەنی ئەی بەندە نەمەند بەهانەت هەرکەس وەهامدین وێش بۆ خیانەت ڕووسیا ببۆ تا ڕۆی قەیامەت جوابم پەرێ بکیان وە ئەشعار جە حاڵ یەکتر بوین خەوەردار نەدارۆم قەبووڵ عوزر و بەهانە جواب شیعرم پەرێم بکیانە ++++++++++++++++++++++ سەرناو: شەوگاری بەهار پەی یار بێ یاوەر سەبارەت: بۆ مام موحەممەد شەوگاری بەهار پەی یار بێ یاوەر ئی شیعرەم نویسنا پێم بکەر باوەڕ پەنامان بەردەن وە زات داوەر وە حورمەت و ناز ئەو کاکەی جاوەر وەختەن تلووع کۆ خورشید خاوەر خەڵاس بین جە دەست ئەی وەخت بێ فەڕ ++++++++++++++++++++++ سەرناو: عەرز وە ئیرادەت حەقایق پەیمان عەرز وە ئیرادەت حەقایق پەیمان وەنەفس خالص ئاب زەڕ سەلمان وە نوکتەی زەریف تەتهیری ئیمان ئیزهار نە حزوور ئاغای سولەیمان عەرض وە سەلامم وە بانگ جەلی ئیبلاغ نە حزوور ئاغا سەی عەلی سەدها نە کۆی قاف ئاشکار و پەنهان ئیبراز نەخزمەت ئاغا سەی بورهان یا عەلی مەدەد بێ حەد و عەدەد وەجای من باچۆن وە ئاغا فەهەد یاعەلی مەدەد مزید الجلاح چە من بواچن وە ئاغا سەلاح یاعەلی مەدەد ئا بورهان پەسەن چە من بواچن وە سەیید حەسەن یا عەلی مەدەد لسان الحکیم چە من بواچن وە سەیید کەریم یا عەلی مەدەد عەرز و ئیلتیماس ڕەزایەت مەندی شوکر بێ قیاس وە لەفز حەقیر سەفینە شوناس باچۆن وە خزمەت ئا مەڵڵا عەباس یا عەلی مەدەد صوت الحقائق چە من بکیانان پەی ئاغا فائیق وە زەنقر چەنی نەنە حاجی گیان یا عەلی مەدەد ئیبلاغ کون پێشان کەلیمەی ئیخڵاس عەرز صەمایم نە عەتر ئەسرار شمە شەمایم چەنی زیکر دڵ هەمیشە دایم سە خونچە چەنی دوو مەغز بایم وە عاظ ڕەبووط قایم مەقایم تەسلیم وە حزوور سەیید ئیبراهیم یا عەلی مدەد نامەی عەشق ئاثار چە من بواچن وە سەیید زێوار عەرض وە ئەحواڵات وە نامەی سفید بیدەن وە خزمەت ئاغا سەیید ڕەشید عەرض و یا عەلی دووعای ماه و ساڵ چە من بکیانۆن پەی ئاغا جەماڵ یاعەلی مەدەد وەیاری ئەرکان چە من بواچن وە مونیرە خان یا عەلی مدد هەم دۆعای بێ حەد باچۆن وە یاران ئەلبوو موحەممد مەجید و فەتاح وە قاطنیتان یا عەلی مەدەد پێشان کەن بەیان یا عەلی مەدەد وە یار غەفڵەت چە من بکیانۆن پەی ئاغا ڕەفعەت ئیزهارات عەشق قەوای دۆن عەتیق چە من بکیانۆن پەی ئەهل مەتیق یا عەلی مەدەد هیممەتە لبیلال چە من بواچن وە ئاغا جەلال عەرض وە ئیرادەت یا عەلی مەدەد چە من بواچن وە ئاغا موحەممەد هەم یا حەق مەدەد پڕ بەقا و بیعەت عەرض کەن وەجای من وە ئاغا نیعمەت هەم یا هو مەنهو باتنی نەجحەت چە من حاڵی کەن وە ئاغا ڕەحمەت مەحموود کەرکووکی چەنی مستەفا بکێانۆن پێشان عەرضم وە سەفا یا عەلی مەدەد وە خونچەی وەش بۆیی باچۆن وە یاران ئەهل عەرەب کۆیی خورشید ئیسماعیل هەم مامۆ سەلیم هەم ئاغا هەیاس یاران سەمیم گرد ئەهل یانە وە قەوم و خوێشان یاعەلی مەدەد باچۆن وە پێشان باقی تەمامی دۆستان شەریف یاعەلی پێشان باچۆن وە ڕەدیف هەم دەروێش وەلی هەم مامە حەمە عەشقم چەنیشان نا خاتر جەمە یا عەلی چە من بکیانۆن پێشان فارغ کەن وەسواس نە قەلب وێشان ++++++++++++++++++++++ سەرناو: فەقێ ئاڵۆشەن سەبارەت: بۆ مام موحەممەد دەروێش عەلی فەقێ ئاڵۆشەن... چەهار قوڕنەی جیهان تەمام ئاڵۆشەن پەنامان وەزات شاه سیڕ پۆشەن دەلیل حایرین هەر جە خرۆشەن فیرقەی پاک طینەت دایم سەر خۆشەن جە بادەی تهوور مەست مەی نۆشەن سەردار یاران شای قرمز پۆشەن موکەمەل تەیار سوپا و ئۆردووشەن سەڕافان خاس گەوهەر فرۆشەن گرۆی ئەهل هەق تەمام ژار نۆشەن جە بەزم وەحدەت مەی نۆش مەی نۆشەن پادشا و گەدا مەست و مەد نۆشەن مونکیران مەئیووس بێ هۆش و گۆشەن نەواچی مەڵڵا بسیار درۆشەن گفتارم مەوزوون سافەن هەم خۆشەن پەرێ نەزانان وێنەی پەڵۆشەن ئاسیاو بێ ئاوان کاڵە بڕۆشەن بەحر دەروونم کوورەی هەفت جۆشەن دەماغ موعەممەر جە بادە نۆشەن حاجی گیان یاران گشت جگەر گۆشەن بەندە کەلب دڕ زات سافی پۆشەن ++++++++++++++++++++++ سەرناو: فەقێ ئسووڵەن سەبارەت: بۆ مام موحەممەد فەقێ ئوسووڵەن... ڕوئیەی دینداری شەرت و ئوسووڵەن قاپی هەق گوشاد دوعا مەقبووڵەن مونکیران تابیع فیرقەی مەجهوولەن نێکان چە تەوحید خودا مەشغووڵەن شکستەی ئیقباڵ بەد و فسووڵەن دار بید بێ بەر وە بێ حسووڵەن پەرێ سوختەنی لایق مەشغووڵەن ساڵێ دوانزدە ماه، چوار فسوولەن گا پڕ گا خاڵی گا چە نزویلەن ڕاگەی یار ڕاستەن وێنەی مەفتویلەن کەچ شەرت خەجاڵەت شای شارەزوولەن فیرقەی خاریجان وەبێ دخوولەن خارج مەخرووجەن بە وێنەی غوولەن فیتنە و فەسادی نەیجا مەبزوولەن مەحرووم چە دیوان زەوجەلبەتوولەن شەخسێ ئامادەن چە ئەستانبوولەن دەستوور موکەڕڕەم قاتڵ مەقتوولەن قیسم سابیران وەبێ عەجوولەن چە مەیدان هەق ئەحسەن خیوولەن بێ تاب و تاقەت بەندە مەعلوومەن زومڕەیی مەعبوود شەخسێ مرسوولەن یەک موئمینێ خاس جە دێی نەیجوولەن تاعەتش قەریب حوسن و قەبوولەن پەی ڕزق و ڕۆزی خالیق مەکفوولەن دونیا درازەن بێ عورز و توولەن جیفە پەرستان مەحرووم چە شوولەن پەرێ نەجاسەت هەر چە عەدوولەن سەراسەر مەخلووق یەکسەر مەحلوولەن بەعزێ فاعیلەن، بەعزێ مەفعوولەن بەعزێ ناقیلەن، بەعزێ مەنقوولەن بەعزێ سائیلەن، بەعزێ مەسئوولەن مەردمان حاسد نەجل و نجوولەن فەقیران هالک شۆربای بقوولەن بەعزێ ئینکارەن هەر چە نکوولەن بەعزێ قایم دین دەروون مەفسوولەن ساریقەلوەرەق مەشهوور زەغلوولەن نەگبەتی تاڵع زاک و شەنشوولەن من بعد چەند ڕۆژ زۆڕنا و دهۆڵەن خەرمان کوتریان هایت گا هۆڵەن مەڵڵا چون خرسەن چە بۆڵە بۆڵەن پەرگەندەی شاران گشت کۆڵ وە کۆڵەن ++++++++++++++++++++++ سەرناو: فەقێ ئیشتیاق سەبارەت: بۆ مام موحەممەد فەقێ ئیشتیاق... هان چە دەروونم نار ئیشتیاق پەی دیدار یار دڵ ها چە مەراق دیک دەروونم وەختەن بۆ ئیحراق ئەر سەد شکاکان پێمان کەن مەزاق مەلجە گاهمان شاه سوڵتان ئیسحاق مەبۆ وە شیوەن شادی و تەمتەراق شکاکان وە نار غەزەب مۆن ئیغراق بەدەل خزمەت مەدان ئیستیحقاق حاکم تەحقیق مەکۆ ئیستینتاق یارستان وەیەک گشت بوان ئیلحاق یەک وجوود بوان چەنی یەک تفاق نیشانەی نەگبەت مەغرووری و نیفاق هەزاران نگوون وەزەرب شەللاق جاران شەش جبهەت قاپی بی ئیغلاق وەختەن گوشاد بۆ وە حوکم خەللاق مەبان ڕووسیا شارب ئیستیحلاق دوور مۆ جە یاران تەفریق ئیفراق مەگەر وە ڕەجای ساحێب بوراق خەڵاس بین چە دەست بەدان چاو زاق وەرنە مەحاڵەن گیان هاتە دفناق پەنامان بەردەن وەشای هەفتەم تاق نێک و بەد تەحریر سەبتەن جە ئەوراق دەفتەر دار مەوجوود ڕازقەن ڕەزاق ++++++++++++++++++++++ سەرناو: فەقێ بێ عەلەف سەبارەت: نامە بۆ فەقێ عەبدین فەقێ بێ عەلەف... هیت نمەکەرۆ گاو وە بێ عەلەف مەبۆ بکیانی پێشینەن سەلەف گاو پیر بێ چایی، مەبۆنێ بەترەف خەریکم چەنی نەفس ناخەڵەف پەرێ ڕەزم جەنگ بییەن وە هەدەف عەجەب ئاشووبەن شمشێر نەڕووی کەف دەروێشان فیرار، بێزار بین لە دەف هەردوولا حازر لەشکر سەفا سەف مەڵڵای... یەکسەر بی کەنەف تەمام ورگیریان حورمەت و شەرەف چە تۆکڵ شامی مەکەران سەدەف پەنامان وە زات پادشای نەجەف کەفتەنم وەی جا هەم مع الاسف مەبۆ فیرار کەم پەی قەریەی شەنەف گشت ئیجبارییەن وەبێ موکەللەف بێزارم چە دەست میللەت ئەجلەف هیچ ئسووڵ نەزان شەخسان دەلەف سەد حەیف نەی جاگە، ڕۆح کەردم تەلەف مەحروومم چە بەزم ئەو بادەی قەرقەف ++++++++++++++++++++++ سەرناو: فەقێ بێ هۆشم فەقێ بێ هۆشم... جە کەردەوەی وێم خەیلێ بێ هۆشم سەر سەری نادان مەست و مەدهۆشم بێ شەوق وبێ زەوق دڵ بێ خرۆشم گوایە نەی جاگە گەوهەر فرۆشم جە واتەی خەراو پڕ بییەن گۆشم مورید موخڵیس گشت سافی پۆشم گا گاهێ مەحزوون گاهێ دڵ خۆشم وجوودم بادار دایم نەخۆشم ئاسیاوم بێ ئاو کاڵە بڕۆشم جە نادانی وێم غایەت سەرخۆشم بەڵێ جار جارێ دەروون وەجۆشم فیرقەی نێک و بەد کریان درۆشم غوڵام ئیخڵاس ئاغای شاڵ پۆشم تەعنەی خاس و عام هەر هان نە دۆشم مونتەزیر وە لوتف شاه سڕ پۆشم کەشتی نەگەرداب بەندە نەتۆشم جە ئەی خانەی کفر دایم هاملۆشم بە وێنەی شاعیر حەسەن کەنۆشم دائیما موحتاج پارە و قرۆشم کۆتا خزمەتم تەمام ئاڵۆشم زاڵم و غەددار جەردەی عەترۆشم ++++++++++++++++++++++ سەرناو: فەقێ بێدەنگەن سەبارەت: بۆ مام موحەممەد فەقێ بێدەنگەن... دیانەت مەفقوود یەکسەر بێدەنگەن جیهان سەراسەر حازر پەی جەنگەن دڵان یەخ بەستەن ڕەق وێنەی سەنگەن عالەم موبتەلای بەزم و ئاهەنگەن بەدان گورفتار تیر و خەدەنگەن دونیا موشەوەش پەی یاران تەنگەن جاهیل بێ تەریق دیانەت لەنگەن ++++++++++++++++++++++ سەرناو: فەقێ بێزارم سەبارەت: بۆ مام موحەممەد فەقێ بێزارم... چی دونیای فانی خەیلێ بێزارم گیرۆدەی گەرداب نەفسی بەدکارم جامەی مەجازی بییەن وە زینهارم عاجز و مەحزوون زەلیل و زارم هیچ کەسێ نییەن بدۆ دەست بارم وە قاپی خالیق ئومێدەوارم پەی ڕەهنموونی دڵ ئینتیزارم شادی وە میسقال غەم وە خەروارم هەرکاتێ زانای چە تۆی مەزارم میهمان دونیای ئی ڕاه گوزارم مەست ڕۆی ئەلەست دیدەی خومارم مات سەرگەردان تەعنەی ئەغیارم جە دەست مونکیران فرێ غەمبارم یا هەق ڕێک باری وەزن ئەشعارم سینەم پڕ خەزنە گەوهەر بۆ بارم خاسیم نەکەردەن بەد بییەن کارم ئێستا پەشیمان خەجاڵات بارم یا حەی بشنەوە داد و هاوارم پەی ڕاگەی غەڵەت نەکەی ئیجبارم وێڵ سەرگەردان کووچە و بازاڕم غوسسەی ئەی جیهان ڕێزنان دەمارم وە کەلب یاران بکەن شومارم ساڕێژ مەبۆ زام گردین بیمارم ++++++++++++++++++++++ سەرناو: فەقێ تاراجەن سەبارەت: بۆ مام موحەممەد فەقێ تاراجەن... دێوانەی کەم فام چون نان ساجەن ئیدارەی ئەی وەخت وە خەرج و باجەن هەر کەس ئینجا بۆ دایم موحتاجەن مەڵڵا سەرسەری وەبێ میزاجەن دیانەت نەمەند ئیمان تاراجەن ئەدەب ئەرکان چون ئاڵتوون تاجەن فیرقەی بێ ئەرکان وێنەی شیراجەن ئەرێ فەقێ گیان! حەرف ناڕەواجەن؟ مەڵڵا موستەقل بێ خەرج و باجەن دەرد فەقیران وەبێ عیلاجەن زاڵمان مەغروور هەر چە تاراجەن بێ شەوق و بێ زەوق دڵ بێ گەراجەن بەد بەختی تاڵع فیرقەی هەللاجەن زراع فەوتیان مەترو عەراجەن یانەی بەدکاران یەکسەر هەڕاجەن وەعدە نەزدیکەن وەخت ئیفراجەن سەیاد نە پارێز ڕاو دوڕڕاجەن کەشتی نە گرداب بەحر و ئەمواجەن ڕای نەجات نییەن مەخلووق ئەعواجەن دونیا دوور فیرقە خازر ئەفواجەن زەلزەلەی ئاشووب دەیجوور داجەن جەهەنەم پەرێ ----- چەلای خرافان شیعرم ڕەواجەن ئەوەڵ سەڵامم وە مامە زاهر ئەمسالش نییەن تا میسر و قاهر دووەم سەڵام بۆ وە سەیید جەمشیر مانندش نییەن تا شار کەشمیر سێهەم سەڵام بۆ وە سەیید عەزە سەخی تەبیعەت غایەت خۆش مەزە سەڵام بۆ وە نەزد موحەممەد سەفی ئەمسالش نییەن تا وە نەجەفی سەڵامم هەنەن وە باوە هەیاس وە باوە ڕۆستەم مێرد هەق شوناس سەڵامم هەنەن وە مامە حەمە ڕەونەق مەجلیس زەوق و زەمزەمە سەڵامم هەنەن وە مامە عەباس وە دەروون ساف وە سیدق و ئیخڵاس سەڵامم هەنەن وە مەڵڵا وەهاب ئەجەل نەزدیکەن پا ها جە ڕکاب سەڵامم هەنەن وە وەلی مەڵڵا ئەمسالش نییەن تا چەناق قەڵا سەڵامم هەنەن وە کاکە عەلی ئەمسالش نییەن تا وە مەندەلی سەڵامم هەنەن وە عەباس مەڵڵا ئەمساڵش نییەن تا وە کەلبەلا سەڵامم هەنەن وە مامە بەختیار نیگەهدارش بۆ شای پەروەردگار سەڵامم بۆ وە ئەهل گشت عەدنانییە مەعلووم بۆ لێتان مەڵڵا نانییە وە گەورە و بچووک ئیسناء و زکوور سەڵامم هەنەن یاران مەزبوور چە بەینتان نەبۆ هەم کینە و غروور موحەبەتتان بۆ وە دڵێی مەسروور ئامادەن حازر ساحێب بۆیستان چەم بەد بر مارۆ وە زەرب سیننان نەواچدێ مەڵڵا پێم نەدان خەوەر مەعلووم بۆ چەلای ئونسا و موزەککەر بە غەیر چە خاسی مەکەن خەراوی وە زەقنەبووت بۆ ئیدارەی ئاوی هەرکەس ئەحواڵم مەپرسۆ تەمام مەوی غوڵامش تا یوم القیام --وم بۆ لێتان یاران خاسم پاڵای گشتتان وە دیدەی ڕاسم مەتڵەبم ئێدەن یار بۆ یەک وجوود نەزدیک بۆ لێمان مەنزڵ مەقسوود مەقسەدم ئێدەن یار بۆ ئیتیفاق وە یەکتر مەکەن ئیستیهزا و مەزاق هەنی کافییەن ئەشعار بۆ تەمام دوعاگۆتانم باقی والسلام ++++++++++++++++++++++ سەرناو: فەقێ جارییەن فەقێ جارییەن... ئەشک دمووعم جە نۆ جارییەن نیشتەی ئەی جاگە جە بێ عارییەن بێ یاران خاس دەردم کارییەن هامسایانی خاس نا دیارییەن بەیان شیعرم وەفا دارییەن مەحەببەت ئەی جا بەد ڕەفتارییەن شەوق و زەوقمان دڵ ئازارییەن هەی داد هەی بێداد یە کەی یارییەن بێ ڕەحم و ئینساف ستەمکارییەن زوبان درازیم چە بێ عارییەن عەوام سڵامەت دەرد پەی قارییەن پەی تەعنە و پەنی مەڵڵا بارییەن ئەمما چ فاییدە بێ هەوارییەن مەقبووڵ مەجلیس وە ماڵدارییەن نیشانەی نەگبەت ڕەگ هارییەن ڕەفتار یاران یەکسەر خارییەن دڵ پڕ چە کینە تەبع نارییەن زیکر و فکرمان تەمع کارییەن دایم چە وەزەن ئەخلاق مارییەن قەلبمان سیاه چون دەوارییەن دڵ سافی عیسا چە حەوارییەن میللەتان تفاق هام جوارییەن فیرقەی کاکەیی گشت خەوارییەن بوزرگان تەمام چە غەددارییەن سەنعەت مەڵڵا قەڵەم کارییەن ++++++++++++++++++++++ سەرناو: فەقێ جە ویرم سەبارەت: بۆ مام موحەممەد فەقێ جە ویرم... واتەی جەنابت لوا جە ویرم جە داخ دەوران دەروون پڕ تیرم خەیاڵ موفەشەق تاریک زەمیرم عاسی عیسیان بار خەتا کەبیرم چەنی حەیوانات نییەن تەوفیرم عەینەلقەلب مەسدوود هەم بێ بەسیرم کۆتا خزمەتم جە یاری دویرم جیفەی ئەی دونیا کەردەن زویرم مەئیووس و مەحرووم دەلیل و پیرم سوار وەهانا بۆ وە دەستگیرم وەرتەی گرفتار قوڕاو و قیرم ناپوختە قاڵب خەراوەن شیرم کەشتی بەر گەشتە جە بێخ بیرم وەدەست حرس و نەفس ئەسیر و گیرم فەساد و فتنە بەد و مەزویرم جەی بەندیخانە قەید زەنجیرم جەی وەخت و زەمان بەدەن تەسویرم فەقێ قەبوڵ کەر شیعر و تەحریرم غوڵام ئیخڵاس سەیێد جەمشیرم کەلب ئاستانەی یار فەقیرم جە سەبت تۆمار نییەن غەجیرم دەماغ موعەتتەر مسک عەبیرم قانیع و مەقنووع، سابر، سەبیرم جە سەبت تۆمار کریان تەقدیرم پەنا وە ئەلتاف شاه قەدیرم ++++++++++++++++++++++ سەرناو: فەقێ خاسەنان سەبارەت: بۆ مام موحەممەد فەقێ خاسەنان... عاقیبەت دەوران پەرێ خاسەنان نیکان گشت وەدەس بەد هەراسانەن خاوەنمان خالیق کەس بێ کەسانەن ئەسڵەن ژار نۆشی پەیمان ئاسانەن ئیمداد ڕەسمان شای خوراسانەن کاسە پڕ بییەن جەژن دۆستانەن ئیشەڵڵا دەوران هەق پەرستانەن مەغرووران خەجەڵ دەور ڕاستانەن شادی شەوق و زەوق دەروون مەستانەن دڵمان شەختە بەند چون زمستانەن دەروون ساف وێنەی کەمەر هەستانەن جیهان پڕ ئاشووب عەجیب داستانەن لێشاو لەشکر چە کۆهستانەن دائیم مەواچی خالیقی ئەکبەر نەجاتمان بدەر چە ئی دەردەسەر چەنی گشت فیرقەی یار دڵ تەیار وەدەست نامەرد نەوین گرفتار پەنامان بەردەن وە شاه نەجەف سەلامش هەنەن پێت حاجی خەڵەف ڕەحم و شەفەقەت، عەدل و عەداڵەت دەروون جە ئەی جاه خودا دەخاڵەت سەڵامش هەنەن لێت، برام کاک مەجید وە قەول یاری بەستەنمان ئومێد میم ئەمنە چەنی دایەش سەیید عومەر سەڵامشان هەنەن وەجان و جگەر خودا حەل مەکۆ پەیمان موشکیلە سەڵامش هەنەن هەم حاجی گوڵە موبارەک چەنی ئاغا سەیید قودرەت دەستتان ماچ ئەکەن بێ موزد و میننەت باقی یارستان ئەهل تۆپزاوە سەڵامشان هەنەن گشت وەبان چاوە ساڵامم هەنەن وە جەمیع یاران خسووس سەی جەمشێر سادات گۆران ++++++++++++++++++++++ سەرناو: فەقێ دڵشادم سەبارەت: بۆ مام موحەممەد فەقێ دڵشادم... مەعلووم بۆ جەلات خەیلێ دڵشادم چەمەڕای ڕەحمەت موشکیل گوشادم فریاد ڕەس حارز مەیۆ وە دادم دەلیل بەر هەق ڕای مەرگ و زادم زاهیر و باتن تۆی ئیعتیمادم جە قەیدی میحنەت مەکەن ئازادم جەو بۆنە وەیتەور دەروون ئابادم فیرقەی مونکیران گشت مەبۆ نادم مەزروعات یاوا مەشغوڵ حەسادم دیارەن فەقێ گیان، نمەکەی یادم وەبێ تۆ غەمناک هەم ڕەنج وە بادم وەڕای هەقیقەت بکەر ئیرشادم مەڵڵای ناتەمام قەلیل سەوادم تەمام مەحکەمەن ڕای ئیعتیقادم چە هیچ ئەفرادێ نییەن ئیرادم ئەختیار و زەرعان مەیدان ئیفتادم چەمەڕای کەرەم شاه بەغدادم٭ چە شەست ویێەردەن، نەزدیک هەفتادم چەنی حرس و نەفس هەر جە جیهادم پەرێ هەقیقەت ئەفکار زیادم چەنی شکاکان هەر جە عینادم شەو و ڕۆژ مەشغوڵ زیکر و ئەورادم پەی ڕای موستەقیم جە ئیستیردادم ++++++++++++++++++++++ سەرناو: فەقێ فیداتم سەبارەت: بۆ مام موحەممەد فەقێ فیداتم... فەقێ گیان ڕۆیە سەد جار فیداتم مونتەزیر جەماڵ بەژن و باڵاتم بەندەی کەمتەرین خاک ژێر پاتم چەمەڕای ڕەحمەت وەعدە و سەعاتم ئومێد هەن خالیق کەرۆ خەڵاتم شەو و ڕۆژ دایم جە خەیاڵاتم دەروێش فەقیر حاجی دەرگاتم وەیەک شاد ببۆ حەیات مەماتم یاشا ئامانەن هەر جە سەناتم عاجز و مەحزوون بێ دەستەڵاتم دەروون جە وەسواس بێ ئیلتیفاتم یا زات بێچوون هەر جە پەناتم بار کێش دەوران جەور و قەزاتم شاکر و مەشکوور قانیع قنیاتم جامەی مەجازی کەم واجیباتم خەزنەی دڵ مەملووء پڕ مەقالاتم جارێ مەوقوفم وەبێ ئاڵاتم دەخیلەن فەقێ شاهید ئیسپاتم دوعام پەی کەرە بزان براتم پەی نەزان ماچە شیعر و ئەبیاتم دڵ سەردان مەکەن پەند ڕووی بەساتم ئەر قەبووڵ کەرۆ هەق بەدەلاتم سەرگەردان نەکۆ وێڵ وڵاتم یاهەق بدەری سەبر و ئەباتم مات سەرگەردان بەحر هەیهاتم عەزیزم فەقێ ڕۆحم چە لاتم تۆ فەقێی خاسی بەندە مەڵڵاتم چەمەڕای ئافاق چە خۆرهەڵاتم پەی نویسنای کیتاب شاگرد خەیاتم موشتاق وە ئاواز دەنگ و سەداتم شەو و ڕۆژ دایم موحتاج دوعاتم چە حزوور پیر جە مودەعاتم فیدای زەرب دەست شار زەغداتم ڕوئیای هەوەڵناک تەڵخ کەرد ئەوقاتم گا پڕ، گا خاڵی، مەئیووس و ماتم یاهەق قەبوڵ کەی دۆعا و حاجاتم گیر وەردەی گەرداب عەجەب حاڵاتم خودای بان سەر بدەی نەجاتم قەبووڵ بکەری ئەی دەخاڵاتم ++++++++++++++++++++++ سەرناو: فەقێ قەلیلەن سەبارەت: بۆ مام موحەممەد فەقێ قەلیلەن... جەی وەخت و زەمان دیندار قەلیلەن ئیدارەی ئەی وەخت تەمام گشت حیلەن دەستگای هەقیقەت چون بار فیلەن ڕوئیەی دیانەت شەرت و ئسویلەن نێکان دەروون ڕێش بارشان ئەقیلەن یە چەندێ وەختەن کارمان تەعتیلەن فیرقەی یارستان ئەسیر و دیلەن یاهەق جە دەرگات یە چۆن قەویلەن مونکیران دڵشاد نێکان سەفیلەن پەرێ قەرز و وام خودا کەفیلەن شای هەژدە هەزار خالیق وەکیلەن یار دڵ تەیار بێ قال و قیلەن دەروێشان پەی هەق گشت ئاراگێڵەن باغچەی دەروونمان بێ ئاو و بێڵەن زوبانمان لەنگەن حەرف بێ تەفسیڵەن چەممان ئینتیزار ڕای کۆچ و خێڵەن قەیس ئاسا ساکن چە کۆی دوجەیلەن یە ئەمر وێشەن سەر چەشمە لێڵەن پەی جیفە مەردم هەر چە تەعجیلەن عاقیبەت دەوران پەی ڕەوشەن زێڵەن یار قەدیمان خاوەن هەسیڵەن چە سەبت تۆمار وەعدە تەکمیلەن مونکیران وەتەوق زەنجیر تەحمیلەن جە لای خاوەندکار یەکسەر تەحلیلەن نێک و بەد جیهان گشتش وسیلەن ++++++++++++++++++++++ سەرناو: فەقێ ناڕاسەن سەبارەت: بۆ مام موحەممەد فەقێ ناڕاسەن... فیرقەی مونکیران تەمام ناڕاسەن مەشهوور نامم مەڵڵا عەباسەن ئەر سەد خەراو بۆ هەر خاسی خاسەن ++++++++++++++++++++++ سەرناو: فەقێ پەیوەستەن سەبارەت: بۆ مام موحەممەد فەقێ پەیوەستەن... هەفت سەر نەی دونیا وە یەک پەیوەستەن دوو سەرش بێ ڕۆح ڕەقەن شکستەن پەنج سەرش ڕۆح دار چون شێر مەستەن وەسورەت تەمام ئەفکارم سستەن جوابم بدەر فکرم دروستەن جارێ ناوەکام مێوەم نەڕستەن غوسەی ئەی دونیا قاپی دڵ بەستەن وەعدە نەزدیکەن دەووران پێنیستەن بەدان گورفتار قوڕاوێ خەستەن فیرقەی مەغروران وەقار و هەستەن عاقیبەت مەحرووم دیوان ئەلەستەن وە پیر و دەلیل یەقینم بەستەن فریاد ڕەسمان جوان، ئازیز نەو ڕەستەن لەشکر سەفا سەف دەستە وە دەستەن پەرێ زاڵمان دایم جە قەستەن نێزەدار مشغوڵ پێکان شەستەن لوقمان جە عیلاج بیمار و خەستەن دەروون زەدەدار جە حەرف گەستەن هەر کەس بەرز لوا ئاخرش پەستەن گرۆی دڵ تەیار چاپوک و جەستەن نەک چون ئەی فەقیر لونگ و ئاهەستەن بەهەشت ئەی جیهان دیدار دۆستەن ڕەهبەر گیان پەنهان موغز چە تۆی پۆستەن عیتابم هەنەن جە ئاغا جەمشێر وەچی شام نەکەرد جە یانەی فەقیر حازر ئامادە ئاش کولەکە خادیم خاخام وێنەی جولەکە چایم حازر کەرد وە گیان و وە دڵ تەشریف ئاغام مەیۆ وە مەنزڵ بەیانی ئامام کە پەرسام خەوەر ئاغام چایش وارد چە خانەی کەمتەر؟ واتشان ئەو لوا پەی عەدنانییە مەڵڵا خەجاڵات پەشیمانییە وەیتەورە مەبۆ شەرت فەقێ و مەڵڵا ئاو ئێران واردەن بییەن تەوەللا هەنی کافییەن درازی گوفتار سەلامم هەنەن وە فیرقەی گشت یار ++++++++++++++++++++++ سەرناو: فەقێ کەماڵت فەقێ کەماڵت... هەزار ئافەرین پەرێ کەماڵت ئێستا چەنییەنی حاڵ و ئەحواڵت چ تەور مەویارۆ ڕۆزگار و ساڵت شەرتت بتوونەن ڕاستەن ئەقواڵت وەگیان و وە دڵ مەکەم سوئالت دۆعا گۆم پەرێ ئال و عەیالت مەمنوون مەشکوور حوسن ئەفعالت یاهەق زیاد بۆ ماڵ و ئەمواڵت مەڵڵا موشتاقەن وەڕووی جەماڵت مەزانی نییەن ڕاگەی مەجالت شەو و ڕۆژ مەراق دیدەی ویساڵت وەدەست ناکەسان کەنیان شواڵت مونکیر بوریان مۆ وەبای شەماڵت ++++++++++++++++++++++ سەرناو: فەقێ گیان درەو سەبارەت: بۆ مام موحەممەد فەقێ گیان درەو... ئێستا مەشغووڵی وە کار و درەو سەد حەیف جەی دونیا نەوەردین گرەو نەخواردین بادە نەنشتین وە شەو حازرەن داوای - - - لەشکر ئامادەن بە دەوان و دەو چە نەعرەی شێران یاران هەو هەو هەم ئاما وە جۆش حوزن شا خەسرەو ++++++++++++++++++++++ سەرناو: فەقێ یارەکەم فەقێ یارەکەم... فەقێی دوڕ شوناس توەنی یارەکەم چە تۆ زیاتر کێن خەم خوارەکەم عیلاج بکەرە دڵ بیمارەکەم قەندیل ڕەوشەن گۆشەی شارەکەم گرفتار وە دەست فیرقەی غارەکەم دایم هان جە کین دڵ ئازارەکەم حاجی گرانەن غوسسەی بارەکەم هاوار کەر وەدەر شای سالارەکەم نەجات بۆ نەی گێژ ژار مارەکەم ++++++++++++++++++++++ سەرناو: فەقێی خۆش دەماغ سەبارەت: بۆ مام موحەممەد فەقێی خۆش دەماغ... ئەی فەقێی خاسم دانای خۆش دەماغ شەبان تا بە ڕۆژ هام لە ئاخ و داخ بێزار چە دیدار فیرقەی قوڕمساغ جە هەزار یەکێ نییەن شەخسێ ساغ چارەی تورش و تاڵ بەوێنەی تۆراغ خەتام کەبیرەن بەوێنەی بوڵداغ بێ تام و لەززەت شلکێنە و یاپراغ چون جەهەننەمەن ئەی قەسر و ئەی باغ جە قەید میحنەت بەندم وە دوڕ ساغ شەوق و زەوق ها جە نام ئەهالی ئێلاغ واردەشان خۆشەن ماست چەنی قەیماغ کەس ڕای هەقیقەت نمەکۆ سۆراغ جە تەعنەی بەدان جەرگم بی سۆراخ جەم مەوان یەکسەر وێنەی سیا زاغ بێ شەرت و شرووت بێ ڤەول و دایاغ ئەخلاق ناپوختە وەقسە گوستاخ وە کردار نابوود وە گوفتار بۆیاغ دەلیل حایرین ساڕێژ کەرۆ داغ ها جە فورتەنە شار سنە و سابڵاغ کافییەن مەڵڵای ناپوختە دەیاغ ڕای ڕاستی پەرێ یاران مۆ ئیفراغ ++++++++++++++++++++++ سەرناو: قەید زەنجیرم قەید زەنجیرم... یاشا نە قەلعە قەید زەنجیرم چەمەڕای ڕەحمەت شای خەیبەر گیرم وەدەست حرس و نەفس یەکجار ئەسیرم ئەفکار موفەشەق دەروون چون قیرم یا حەق ڕەوشەن کەی زەین و زەمیرم چونکە نی جامە ئەولاد میرم دوعام موستەجاب ڕاست باری تیرم دەلیل حایرین بکەر دەستگیرم وەرنە موستەحەق بیئسەل مەسیرم ئوفتادەی مەیدان چە مەنزڵ دوویرم چە لای مونکیران بەدەن تەسویرم وەدەست جاهیلان خەتەر زەویرم زکر و عیبادەت بەرشیان چە ویرم سوپای حرس و نەفس کەردەن یەخسیرم ئەی یاران خاس بکەن تەدبیرم ئەر نێک و ئەر بەد نییەن مەخبیرم چە سەبت تۆمار کریان تەحریرم مەمنوون چە ئەڵتاف پادشای قەدیرم ئەدنای مەخلووقات شای بێ نەزیرم کثیر العیال ئەحواڵ فەقیرم موشتاق وە مەجلیس جەم غەفیرم گا گاهێ دڵشاد وێنەی وەزیرم گا وێنەی گەدای شار کەشمیرم چە لای سەڕافان مسک عەبیرم بێزار چە دیدار قەوم شەریرم گا شاعیرێ خاس نیمە دەبیرم خەیاڵات کەردەن زەبر و زەیرم پەرێ گفتوو گۆ سوخەن پەزیرم لایق وە خۆراک خوبز شەعیرم ++++++++++++++++++++++ سەرناو: قەید زەنجیرم ٢ سەبارەت: بۆ مام موحەممەد قەید زەنجیرم... حاجی نە قەلعە قەید زەنجیرم چەمەڕای ڕەحمەت شای خەیبەر گیرم موحتاج وە ئیمداد دەلیل و پیرم وەدەست حرس و نەفس یەکجار ئەسیرم موبتەلای جیفە جە مەنزڵ دویرم بەڵێ نیجامە ئەولاد میرم یا حەیی قەدیم ڕاست باری تیرم وێڵ و سەرگەردان دەروون چون قیرم جار جارێ هۆشیار ڕەوشەن زەمیرم چون حاکمی خاس بستان تەقریرم بزانە چونەن ڕای و تەدبیرم جە لای مونکیران بەدەن تەسویرم جە لای ئەهل هەق مسک عەبیرم بێزار جە دیدار قەوم شەریرم غوڵام ئیخڵاس یار فەقیرم مەمنوون و مەشکوور خوبز و شەعیرم ئەر نێک و ئەر بەد کریان تەحریرم ئەختیار پیر تەمەن وەساڵ کەبیرم هەڵاتە نییەن تورشیان هەمیرم وە کەیف و دەماغ وێنەی وەزیرم تاجر هۆشیار لیبس حەریرم دڵ ها چە گەردش وێنەی سەفیرم گا گاهێ غەمناک گاهێ وەزیرم جەی شێوای شێوە نییەن مەخبیرم تەسلیم وەڕای هەق حاجی گیان ژیرم ++++++++++++++++++++++ سەرناو: قەید زەنجیرم ٣ سەبارەت: بۆ فەقێ حەمە حەیدەر قەید زەنجیرم... برا نە قەلعە قەید زەنجیرم وەدەست حرس و نەفس یەکجار ئەسیرم چەمەڕای ڕەحمەت شای خەیبەر گیرم دایم زیکر هەق هەر هان جە ویرم گرفتار وەدەست نەفس بێ پیرم گا گاهێ دڵشاد گاهێ زویرم گا گاهێ عاقڵ گاهێ مزویرم دەلیل حایرین بکەر دەست گیرم وەرنە موستەهەق بیئسەلمەسیرم یاهەق ڕەوشەن کەی خانەی زەمیرم لاهوورن شەهرم بکەر تەعمیرم عەینەلقەلب مەسدوود هەم بێ بەسیرم ئاخرم چێش مۆ نییەن خەبیرم یاڕەب بوەخشی گونا و تەقسیرم دەخیل دەفتەردار تۆنی ئەمیرم چونکی نەی جامە ئەولاد میرم دۆعام موستەجاب ڕاست باری تیرم دەخیلەن یا جەد هاوارەن پیرم جەی سەردی ساعەت زیاد کەر نویرم جە ڕۆژی ئەزەڵ چێش مۆ تەقدیرم مەبۆ بوینی ئەر سەد فەقیرم ئیفتادەی مەیدان جە مەنزڵ دویرم یا دوازدە ئیمام بکەر تەحریرم گا گاهێ جۆعان گاهێ هەم سیرم لەم بێ وەفایە نماچۆ تێرم ئەرێ مەشکە ڕەش لە کوێ بۆت بێرم موستەهەق وەنان خوبز شەعیرم ئەر سەد ئەختیارم ڕەوشەن زەمیرم خەیاڵات کەردەن زەبەر و زیرم چە لای مونکیران بەدەن تەسویرم گرفتار وە دەست قەوم شەریرم جە سەبت تۆمار کریان تەحریرم ئەر نێک و ئەر بەد نییەن جەویرم جە بەد ئەتواری نییەن قسویرم دەخیلەن برا بکەر تەدبیرم گا گاهێ ساڵح گاهێ مزویڕم پەرێ گفتوگۆ سوخەن پەزیرم موحتاج دیدار ج... م غەفیرم گا گاهێ مەفقوود گاهێ سەفیرم گاه شانە مەعموور گاه چوون حەریرم گاه جانشین یەر تەخت سەریرم بێزار جە دیدار ئەهل گەرمە سێرم شەڕم زیادەن هیچ نییەن خێرم ++++++++++++++++++++++ سەرناو: لقاء الله حق مەدۆ قیناتم لقاء الله حق مەدۆ قیناتم بێزار چە دیدار حۆری جەنناتم جەی سەردی ساعەت دەروون زوڵماتم مەر زات بێچوون بدۆ نەجاتم ++++++++++++++++++++++ سەرناو: من واتم حەکیم پەی دەرد تیماری سەبارەت: بۆ مام موحەممەد من واتم حەکیم پەی دەرد تیماری نەزانام خەریک کاری عەتتاری مەراق وە جیفە لێمان بێزاری وەیتەورە نمەبۆ ڕوئیەی دینداری وەجا باوەرە فەقێ ئیقراری کاغەز بکیانە لەی مانگی جاری وەسەن تەقەللای نەفس مرداری ڕزق هەر یەکێوەن ئەر سەد توجاڕی ++++++++++++++++++++++ سەرناو: مەردمان نماز مەردمان نماز... گشتش باتڵەن ئی زکر و نماز چە هەزار یەکێ هەن ساحێب ئیعجاز تەکیە نشین بۆ مورشیدی مومتاز تووتی دەروونم مەکەرۆ پەرواز لازمەن کەرۆن وە سوخەن ئاغاز تەرتیب کەم کیتاب وە سەد عیزز و ناز ترسم بفرۆشەند بە نرخی یەک پیاز پەی دانش دانان گرتەنم ئەراز ئەمسالش نییەن چە مسر و شیراز خەلاس نەویمان چەی ڕاه دراز نەزدیکەن عالەم ببۆ ئینقراز کەرکەس چون مەبۆ وە هامڕای شەهباز چێش کەرۆن چە دەست ئی یار دەم ساز هیلاک بیم وە دەست ئی نەفس گوراز غەیر ئەز یەک کفن نیەنمان جیهاز مەخلووقات مەشغوڵ وە حیلە و ئەنباز حەدیس نامەسموع عالەم سەرفراز مەردمان مەراق سەمتوور چەنی ساز وەزو بدەی کەلام مەکەن ئیعتیراز سمێڵ مەپاچان وە تێغ و میقراز بە غەیر چە خودا کییەن سەبەب ساز کافییەن مەڵڵا کۆتا بکەر ڕاز ++++++++++++++++++++++ سەرناو: مەعلووم ساڵێمان ڕاست دوانزدە ماهەن سەبارەت: ١٩٥١/٦/٦ مەعلووم ساڵێمان ڕاست دوانزدە ماهەن ماهی بێ کاردەن چە تۆی دەریاهەن زەمزەمەی فەقیر سوخەن کۆتاهەن سەڕاف خەوەردار چە حاڵ ئاگاهەن ++++++++++++++++++++++ سەرناو: ناتەواوەنمێ سەبارەت: بۆ مام موحەممەد ناتەواوەنمێ... حاجی نەی جامە ناتەواوەنمێ دائیما مەشغووڵ قیل و قاوەنمێ دەروونمان سوزیا تەشنەی ئاوەنمێ واجیبات ناقس گرد ڕووسیاوەنمێ کەچ شەرت، کەچ ڕەفتار باوەڵباوەنمێ پەی جیفەی دونیا توند و تاوەنمێ غافڵ نە ئەرکان جە گۆش گاوەنمێ بێ شەوق و بێ زەوق دەروون قاوەنمێ ئاخرش موحتاج تۆپێ جاوەنمێ جەی قەید زەنجیر دونیا پاوەنمێ ئەساسەن قەدیم جە سەرچاوەنمێ بەڵێ چەنی یەک زۆر خراوەنمێ ئەر سەد جاگەی خۆش جە بەراوەنمێ دایم چەنی یەک داوای داوەنمێ ئەهل نامربووت وەبێ خاوەنمێ تەبعید مەتڕوود قاپی فاوەنمێ جەڕا گشت بەعید زۆر کەزاوەنمێ ئاخر سەرئەنجام جە قوڕاوەنمێ پەی نوقسانی یەک هەر جە ڕاوەنمێ یەکجار توند و تێز چون تیزاوەنمێ دارمان گشت بێ بەر تەمای ساوەنمێ حاجی گیان ڕەفێق ڕاگەی گاوەنمێ ++++++++++++++++++++++ سەرناو: پادشای قەهار ئەوەڵ جار بە نام پادشای قەهار ئافەریننەندەی هەم لەیل و نەهار مورغ دەروونم بییەن خەبەر دار پێم ماچۆ بنویس پەرێ یادگار ئاراستە کەردەن چەرخ کەچ ڕەفتار پەرێ نمایش جوملەی یار و غار وەفا نەدارۆ ئی حرش دەوار هەزار هەزاران کەردەن نگوونسار هیچ مەغروور مەودێ ئەی یاران یار جیفە چەند کەسان کەردەن شەرمەزار وی ماڵ دونیا مەکەن ئیعتیبار ئاخرش هیچەن سەرەنجام کار مەگندێ وە شۆن ئی نەفس مردار سەرگەردان مەودێ چە کووچە و بازاڕ ئیحاتەم مەدان یەمین و یەسار وە بوهتان سازی قەومان حیمار هیچ کەس وێنەی من نەبۆ ئینحیسار وە دەست گرۆی نادان گرفتار غەیر چە زات حەق نەمەندەنم چار عاجز و مەحزوون دەروون ئینکیسار سا بۆ وە هانام یا وەیسی نازدار یارستان غافڵ گشت بییەن غەددار پارێز بکەردێ چە ڕای بەد ئەتوار غافڵ مەنیشدێ زینهار سەد زینهار وەقتەن پەیدا بۆ شای دوڵ دوڵ سوار ئانەنە یا حەق گونام سەد قەنتار خسوفەل قەمەر کەردەنم شومار سە بەڵای عەزیم مەکەرۆ ئیزهار ئەوەڵ موزارع تەڵەف مۆ خەسار وە دەست مەلەخ سوپای بێ شومار دووهەمین ئێولەت تاعوون کیبار فیرقەی مەردمان مەکەرۆ قەلار سێهەمین مەبۆ حەرب کارزار مەردمان مەبۆ هەم قەتڵ و کوشتار هەر کەسێ وەحەق کەردەنش ئیقرار مەبۆ کەرۆ تەرک هەم نامووس و عار ئەر وێنەی مەنسوور بکەراش وە دار درۆ نەواچۆ ڕاست باچۆ گفتار ئامانەن دەخیل پادشای کەرەم دار پەی ڕاگەی غەڵەت نەکەریم ئیجبار عاجز و مەحزوون بەندەی گوناه کار خەتای فراوان پێم کەردەنت بار هەتاکە نەبۆ ئەمر کردگار وا نمەشانۆ گڵایە چە دار بەهانە کەردش بێ حەد و شومار ئادەم بەر ئاورد چە بەهەشت حەسار گەندم بەهانە شەیتان سەبەب کار وە عالەم بەهانە کەردەنش مەکار یە واتەی مەڵڵای موختەلیف ئەشعار کەمتەر نە عالەم زەدەی زەدە دار ++++++++++++++++++++++ سەرناو: پەنامان وە زات بێچوون خەلاق سەبارەت: یارستان عێراق، تێهەڵکێشی کوردی و تورکی پەنامان وە زات بێچوون خەلاق جە ملمان لادۆ ئەی تەوق ئەعناق حیرس و نەفس غاڵب ها جە تەمتەراق سوپای ئیمانش کوشتەن وە مەزاق مەگەر وە لوتف ساحێب هەفتەم تاق نەجاتمان بدۆ چە دەست ئەی چاو زاق یەکسەر پڕ بییەن دەفتەر و ئەوراق بەدان وە دۆزەخ مەکەران ئەسواق فیرقەی زاڵمان بێ شەرت و تەڵاق بۆ زەهر ماری دائما ایچاق هەی داد هەی بیداد بیز کیمه قاچاق گونلمز دردی بیز کیمه اچاق نامرد بابانیک گورینه سیچاق کافییەن هەنی ئەی مەڵڵای ئاڵچاق پەی سەرما دەستکێش لازمەن قولچاق ++++++++++++++++++++++ سەرناو: پەنامان وە زات شای عالەم هەمە پەنامان وە زات شای عالەم هەمە ئەی نامە وەنەزد ئاغا سەی حەمە هەر چەند تەعریف کەم هێمان هەر کەمە ڕەونەق وە مەجلیس زەوق و زەمزەمە جەی دەور نا عەدل دەروون پڕ تەمە هەورێشم ساف گشت بی وە پەمە ئەی برای عەزیز نوور دوو چەمە ئاگادارت بۆ ساحێب کەرەمە جار جار موبتەلای وە دەرد و غەمە دەروون سەبار بەر نۆش بکەر سەمە وەلەو ژار نۆشی جەبر و ستەمە ئاخرش چون شەهد مزەش جە دەمە وەختەن دڵشاد بین جەی وەخت و دەمە یاران خۆش حاڵ بۆ مونکیر جە ڕەمە نەواچی مەڵڵا شێت و سەر سەمە شەیدای دین یار پەروانەی شەمە جە ساڵ ماردا مەبۆ هەم هەمە فریاد ڕەس حازر پەی زام مەڵحەمە تانە کێش دڵشاد مەغروور مەلجەمە جەرگش پارە مۆ وە مەودای قەمە شکاکان کۆر زەین گشت نامەحرەمە نێکان داغمەدار قەدیم دەمە تازە ئیجادان وێنەی بەقەمە شەرت قەدیمی سککەی ئەقدەمە نەواچی ئەی شیعر پەی هەق تووتوونە بەین من و تۆ شەرت بتوونەن وەلەو ئیدارەی مەڵڵا چە توونەن بێ ڕەحم میللەت چون بێ ستوونەن نیم حۆقە تووتوون پەرێ قیامەت بمانۆ وە قەرد سەرت سەلامەت ئەگەر مەواچی قیامەت نییەن ئیسپاتش بکەر قەومان کێ دییەن هەنی کافییەن گفتووگۆی ئەشعار جەوابم بدەر یار وەفادار ++++++++++++++++++++++ سەرناو: چە بەیانەوە چە بەیانەوە... عەشقێ یاوا پێم چە بەیانەوە یاران یاوەران هەم دیمانەوە ڕەفتار مەعلوومەن وە کێمانەوە عەشق چە مەکیەدە هەم دەمیانەوە شەوق ها چە دەروون ئۆمییانەوە ئەجەل مۆڵەتەن وە کەمانەوە درەخت تالع هەم چەمیانەوە ++++++++++++++++++++++ سەرناو: ڕۆژێ چە تەقدیر حەیی لەم یەزەل سەبارەت: داستانی گەماڵ باز حەمەی سولەیمان ڕۆژێ چە تەقدیر حەیی لەم یەزەل حەرەم مام محا مەشۆرۆ کەل پەل چە وەردەم یانەی حەمەی سولەیمان فەیزەی پسەرش چە لای وێش نیان سەگە باز ماڵ ئامۆزا حەمە ڕانێ مام فەیزە بەردش وە دەمە ئینە داستان هەم سەگە بازەن هەردۆ گۆش بڕیا کلک درازەن حەرەم مام محا پەی دیدەن مادەر وات ئایل بەردەم هەم وەلای دوختەر لوا پەی کەرکووک وە سواری ماشین وە کەیف و سەفا جاگەی دڵنشین بەعد ئەز مولاقات چەنی دایەی وێش شین وە لای دوختۆر وەدڵێی تەشویش دوختور معاینه أیتی أوشاغی دیدی بویوکتر س... ن ده... غی کیمن کویەگی بو طفل طوطموش هم سلاماتدر آز یاره لانموش مەزبوورە واتش سەگ یۆمانەن چ حاجەت وە حەرف واتەی بەیانەن قال هذا الکلب یمکن صار مکلوب مع الرعیها بالقانون مطلوب پەی ناحیەی تاوغ ئەمر بی وارد پۆلیس سوار بی بالخیل یطارد سەگ وە خاوەنش بەردەن پەی تاوغ هیچ نەوین وە تەنگ صجاغ و صاووغ مام «محا»یش بەردەن وەبێ بەهانە حەتاکە یاوان وە پۆلیس خانە مەئموور ئەمرش کەرد وەحیدەت و قار حەتمەن ئەم ڕوژە بلدێ پەرێ شار ئاما وە جواب حەمەی سولەیمان قانوون شوناسەن بە غایەت دانان دیدی افندم دونیا صجاقدر دوقوز سعاتدر کرکوک ایراقدر یاز مەوسیمیدر کوپەگ دەیانماز یولدا گەبەریر یارام صاغالماز بونده ن من قطعا اولمورم مه سئوول مه علوومات ویردم هم علی الاصول مەئموور وات کوپەگ بنەش وە لۆری ئەر چە ڕێ تۆپا ڕیام وە گۆڕی منیش بێزارم چە سەگ خۆڕی نە ئەی تاوستان فەسڵ گاقۆڕی حەمە وات بەگم ئەم ئیش سەر ناگرێ شوفیر بۆ کوردان سەگ هەڵناگرێ لازم بیر پۆلیس موعتبر مامور چەنی گەماڵ باز بکیانۆم وەزوور وەرنە مەحاڵەن ئەی ڕاگەی دراز وە پێی پیادە بێ تاقەت و هاز افندی دیدی سوزن مه عقولدر بالی عزیزم بوده اوصولدر مامور امر ایتدی اولدی اماده پولیسن اسمی بیلمام گون داده شیعریم کوردیجه هم عه ره ب یاده - - - - - - - - - وە قووەی قانوون وە جەبر و زۆری ئەی هەر سە نەفەر بنەر وە لۆری مام محا و پۆلیس چەنی گەماڵ باز کەفتن وە ڕاگە بێ تاقەت و هاز بەڵێ کاک حەمە هەم چەنیشان بی خاوەن گەماڵ باز مەحامیشان بی چە پشت مزگەفت چایخانەی جەوهەر پەرێ ئوتۆمبێل بیشان مونتەزەر پڕش چە خورما ئاما یەک لۆری پۆلیس وات شوفێر هذا ضروری راعی تمر قال ما اقبل سخره فی فوق التمر هل کلب یخره بامر الپولیس هذا مو اصول فی فوق الحلان هل کلب یبول انا موصلاوی هم ابو جاسم پۆلیس وات گەواد گ... باصم حەمە وات اخی انا هم اخوک هذا الکلب فورا مطلوب فی کرکوک امر الحکومه تصیر خساره لا تزعل عمی ماإلنا چارە ئاخر نا عیلاج وە چار و ناچار لوریه بیندیک بێ سەبر و مەدار چە بان لۆری کوپەگ گرد قەرار هەرەکەتش کەرد لوایمێ پەی شار حەتا یاوایمێ وە کەرکووک مەکان چە لای میم گوڵە بیمان وە مێمان هیلاک بیەنمێ بەغایەت خەیلێ چ تەقریرێت وات واتم میم لەیلێ واتش مەتەرسە تەقریرم خاسەن چە کەردەی گەردوون جەرگم پەڵاسەن ئەیزەن گەماڵ باز کەردم ئامادە یەک ڕاجەی باریک چە مل نیهادە گرتەنم بە دەس بەوێنەی مەیموون سەرم مەکێشا وەبێ چەند و چوون سەر سەگ مەکێشام چە نامی بازاڕ تەماشام مەکەرد صیغار و کیبار بی وە غەڵغەڵە بە وێنەی شایی بو کوپەگ در؟ وەیا خود ئایی؟ حەتا بەردمان وەلای موعاون گلنا عاقل ابد مایکاون موعاوەن پەرساش ها تەمام خەوەر عەرز ایتم پەرێش چە پا تا وەسەر دیدی کوپه گویز توتموش بر اوشاغ سنعتمزدر بچیندەن بیچاغ دیدم افندم گور ایاغمی کوپەگ دیشلەمش سولومو ساغی یازی کوپەگی اولمارسه زیرەک هیج کیمسه ویرمەز بر لوقمه اکمەگ بچندەن باشقه ایشیمز یووقتر هەپمز یورغون خیرخزده چوقتر دیدی بو گیجه قال بر قوناغدەر کوپەکویز یاتسین گوزەل یاتاقده دیدم افندم غریبم بیکەس کرکوکتەچوقتر رەزیل و ناکەس کیم قبول ایدەر کوردتەن کوپەگی مەگەر اونلار وارچوق دەکنگی بیطار خانەده بو کوپەگ یاتسین یارین سباحتە وەعدەسی چاتسین دوقوز ئەمرش کەرد وە بێ بەهانە کوپەگمان ئاورد وە بەیطاڵ خانە تەسلیم بی وە دەست خزمەتچی کوپەگ بیست فلسم دا پەی نان و اکمەک دیدم خزمەتچی بونن یەمگی گوینده ویرریز اریەکەپەگی یازی کوپەگی یەمگی بودر شربت ییرینه اچتغی سدوور چە بازاڕ سەنم یەک چامور چناغ پەی گەماڵە باز وە کەیف و دەماغ هیچ لزوم ایتمز باڵ ایله چناغ بعد ایی اکمکی بر چامور چناغ بو کافیدر ویر بزم کوپەگی حاجت ایتمز چوق سویلەمەگی تەعریفم مەکەرد پەرێ خزمەتچی دیدی سن بیزی ایتدیو میمونچی یەک کاسەی قوڕین پرمان کەرد چە ئاو پەرێ گەماڵ باز وەتەعجیل و تاو اغاج بوینونده اغزی اولاشسون ساغا سولا بر از دولاشسون بەیتال وات هەشت ڕۆژ قالسین بو کوپەگ سن گیت ایشیوه چوق چەکتیو امەگ مین بەعد هەشت ڕۆژ تۆ مەکەریم جەلب پەی موعایەنەی ئەم «کوپەگ و کەلب» گەماڵ باز تەسلیم کەردم من نەوجا پەی لوای یانە یۆم کەرد موهەییا او گیجەقالدم میمی گولەگیلده کوپەگ داستانی دائما دیلده بی وە بەیانی ورێزام چە خواب پەرێ نام بازاڕ وە تەعجیل و تاب دیم چەندێ نەفەر ئەفراد شورتە کوپه گویز قاچمش ای مامه کورده یه خامی توتی بازار ایچنده دیدم قاچمشتر البەت سیچانده دیدم سز توتن اشبو سوقاتی بنده ایریجه ایتم سوراقی چە دەست پۆلیس خەڵاس بیم یەکسەر ئامام وەیانە وەبێ دەردە سەر چە ڕێگا فیکرێ کەردم موکەڕەڕ مەعلوومات بدۆم هەر ئێدەن خاستەر ڕەئسەن تاومدا وە پۆلیس خانە پەرێ مەعلوومات وەبێ بەهانە معلومویز اولسون قومسیر افندی بزم کوپه کمیز قاچمشتر شمدی مەعلوومدر پۆلیس اچمس بوینن انکچون بزم کوپه گمیز قاچمش من کوپه گیمی ویر میرەم بر اته انکچون گەلدم بو معلوماته بم کوپه گیم قپلانه بەنزەر جەقال توتار هم قورتی ازەر بنم حالیمە بر ایلە نزەرر بعدما خیرخز ایلەمەز حزەرر ما اعطی کلبی بزوج الثیرانر ینطر الکلب جمیع الجیرانر اذا یسمعون صنف الحرامی کلبی صار ضایع یکطع حزامی انا اشتکی عند هذا الحاکم من چە شکایەت هیچ نییەن باکم اگر خیر خزلەر اولورسە خەبەر کوپەگیم فرار ایتمش بی اسەر جمیع مالیمی ایدەللر سرقەت بنی یاندرمش بو نار فرقەت فەقەت چە دڵدا خەیلێ بیم مەسروور خەڵاس بیم چە دەست گەماڵ باز غروور شوکرم کەرد وە زات بینای کار ساز ئەمن خەڵاس بیم چە دەست سەگە باز ئەیزەن قومیسر ئاما وە گفتار وات خەفەت یەمە ئەی مەرد نامدار قومیسر وات یاوەرم هیچ یەمە خەفەت من گەماڵ باز ایلەرەم همت جمیع شورتە لەر ایلەرەم احزار هەر کەس بر یولی توتسون اشکار واتم مەمنوونم قومسێر ئەفەندی ئامام وەڕاوە وەتاو و تووندی ئامام وە یانە وە کەیف و سەفا خەڵاس بیم چە دەست خەفەت و جەفا نەزانام گەماڵ چە کۆ فیرارەن یاخۆ گزمەچی قوڕنەی کام شارەن یا داغمەچییەن جە قەسابخانە بێزار چە مەعاش کەردەی زەمانە یا خۆ بەزازەن چە نام قەیسەری بێزار چە دیدار گرۆی سەر سەری نەزانام چە کۆ وێش کەردەن بێوار سۆراغش نییەن چە هیچ سەر دیار فەردی گەماڵ باز کەردەنم ئیعلان خەتم بی وەنام حەمەی سولەیمان تەرتیبش کەردەن هەم مەڵڵا عەباس پەرێ زەوق مەجلیس یاوەران خاس یە مەڵڵا واتەن نە عام ڕیسوایەن ساکن ماوای عەلی سەرایەن ++++++++++++++++++++++ سەرناو: ڕەحم بکەن وە یەک جە حاڵ حەیات سەبارەت: بۆ فەقێ حەمە حەیدەر ڕەحم بکەن وە یەک جە حاڵ حەیات شیوەن بێهوودەن چە بعد الممات پەرێ گفتووگۆ بەغایەت ژیرم جەی سەردی ساعەت بکەر تەدبیرم هیچ مەوەر وەتەنگ ڕای هات و نەهات جە کونجێ خەڵوەت بستانە قنیات ++++++++++++++++++++++ سەرناو: ڕەشید هەقیقەت ئوستاد مەعریفەت سەبارەت: بۆ ڕەشید هاواری ڕەشید هەقیقەت ئوستاد مەعریفەت غەواس دەریای دین شەریعەت دیک دەروونم بۆت یەک وجوودە بۆ خانەدانان سەر لە سجوودە ئومێدم هەنەن موژدەی بەشارەت ماڵ مونکیران مەشۆ وە غارەت برا حاڵی بەر چە ئی ئیشارەت ئی دەور ناعەدل مەبۆ فەتارەت ++++++++++++++++++++++ سەرناو: کاک حاجی دیار سەبارەت: شیوەن بۆ مام موحەممەد دەروێش عەلی کاک حاجی دیار... یە چەندێ وەختەن نییەنی دیار خەیلێوەن چەمم نەکەفتەن وەیار پەڕ و باڵ سوختە چون پەروانەی یار جە کونجێ خەڵوەت گرتەنم قەرار بێزار جە ئەرکان تائیفەی شکدار مەشغوڵ مەعیشەت لێمان بیت بێزار پەرێ دیدارت هام چە ئینتیزار واتم حاجی گیان ها چە تۆی مەزار جەو بۆنە لێمان نییەن خەوەردار ئەر زیندە بیا جەی دنیای غەدار ماما وەلامان وەچار و ناچار لازم یەک شیوەن پەرێش کەم وە یاد داخ دەروونم بدەری وەباد حاجی موحەممەد دەروێش خاسم ڕۆ بێزار جە دیدار سەی عەباسم ڕۆ خاڵیس و موخڵیس گەوهەر ناسم ڕۆ گیرۆدە وە دەست قەوم ناڕاسم ڕۆ دەروون پڕ جە عەشق بێ وەسواسم ڕۆ یار ڕای کاوە دوڕ شوناسم ڕۆ بێ ڕاز و ڕۆیەت بێ ئیغماسم ڕۆ زولفەقار وەدەست تێغ ئەڵماسم ڕۆ باوەی مام ئەحمەد مام نیعمەتم ڕۆ دوڕ گران بار وەقیمەتم ڕۆ گیروەردەی میللەت قەوم لووتم ڕۆ ئیدارەی وەیتەور زەقنەبووتم ڕۆ برای موحتەرەم مام زاهیرم ڕۆ مزە چەشنی نوور گۆشت باهیرم ڕۆ ++++++++++++++++++++++ سەرناو: کاک حاجی نەجات سەبارەت: بۆ مام موحەممەد کاک حاجی نەجات... جەی قەید میحنەت کەی مەویم نەجات نمەیۆ وەکار ئەی سووم و سەڵات ڕەحم و شەفەقەت شەرتەن واجیبات سەقف وێرانەن تەخریب بی حەیات تەئسیر نەدارۆ هەزاران ئەبیات ڕەحم کەن وەیەک جە حاڵ حەیات شیوەن بێهوودەن جە بعد الممات وەخیمەن ئەنجام ڕای هات و نەهات ڕۆشنایی نەمەند گشت بی وەزوڵمات ئەی یار ڤەدیم ڕۆحم بۆ فیدات تووتیان پەی چەشم خاک و خۆڵ ژێر پات مکشوف العورة تەمامی بەنات یە چۆن دەورێوەن فیرقەی موئمینات ئینجیل و فوورقان زەبوور و تەورات یەکسەر بێ قیمەت جە ڕووی کائینات خەجاڵات بارم یا هەق جە دەرگات وە هیممەت تۆ، واتم ئەی ئەبیات خالق المخلوق قاضی الحاجات وە دەروون دڵ مەکەم موناجات شەرمەندەی ڕوو ڕەش لایق موجازات عاجز و مەحزوون دوور جە مەکافات داد فەقیران نەپەرسای شکات وە زوود بکیانە حوکمێ عەدالات جە لات عەیانەن حاڵ و ئەحواڵات ڕەوشەن زەمیر بۆم جە بەد خەیاڵات هەزار مەڵڵا بۆ فیدای یەک سەنعات سەد خۆزگە وەدۆم وەیا خود خەڕات تەئمین مەکەرۆ ئیعاشە و تەقوات پارە نمەکۆ حەدیس و ئایات وەبێ پارە و پووڵ ناچی وە جەننات فەقیران مەزڵووم وەبێ دەستەڵات هەر جە خۆر بەرشیا تا وە خۆر هەڵات پەی جەنگ و جیدال مەسازنا ئاڵات خوراک خەران گشت قەند و نەبات ئەسپان بار کێشەن دائم الاوقات خودا داد فەقیر تۆ قەت نەپەرسات دۆستان خەڵاس بۆ نەدەست بەد سەنعات لزووم نمەکۆ هاوار و ئەسوات تەقدیرش کەردەن وەیتەورە بەرات شومار ئەنفاس جەمیع مەزرووعات بەر موحەممەد بۆ سەلام و سەڵات یاڕەب بە حورمەت هەر چوار کتوبات فورقان و زەبوور، ئینجیل و تەورات گشت پەرێ طەمعەن زیکر و عیبادات لەعەشق حۆری خۆراک جەننات ئەگەر مەزانی جەهەننەم مۆ جات پەی چێش مەدەری سەرفترە و زەکات گشت پەی ئەمەلەن فیرقەی موسلیمات بەهەشت پڕ بییەن جە فەواکیهات شەرابەنتەهوور گەردەن بلوورات یاران چەند خۆشەن نیکات بەنات لقاء الله هەق پێم مەدۆ قنیات بێزار جە دیدار حوری الجنات ئیسلامان مەراق گشت وەشەهەوات عەموودت توند کە، هەشتا حۆری هات چەند هەزار غیلمان ها لە ژێر پات تێ بڕ و تێ کوت گشتی بکەر چات سەگ اصحاب الکهف ئەخوا حەلەویات ناقة الصالح تاکل علفات حمار العزیز یصرح فی الاصوات قوی الذکر یتبع البنات ئەگەر لە ئوتێل کەرێ بێت وەلات ڤەبووڵی ئەکەن ئەی گڕۆی ذوات گوفتارم لذیذ نەدارۆ فیئات وە سی و سێ ئەشعار ئیکمال بی ئیسپات ++++++++++++++++++++++ سەرناو: کاک حاجی یاوا سەبارەت: نامە بۆ مام موحەممەد دەروێش عەلی کاک حاجی یاوا... ئەشعار خۆشت وە دەستم یاوا وەقت عەسر تەنگ وەر جە خۆر ئاوا چون خاک کەعبە وەدیدەم ساوا خانەی زەمیرت یا هەق بۆ ئاوا تۆم نیان چە شۆن گشت برا و باوا ئومێدەوارم وە خواجای کاوا دڵشادمان کەرۆ بێ جەنگ و داوا چە دووری دیدەت جەرگم چون قاوا ڕستاخێز مەبۆ چە قاپی فاوا ئەسیر مەحکووم قەریەی تۆپزاوا پەی جەمیع یاران دەست وە دوعاوا چە پەژارەی دڵ نەدارۆم خاوا وەختەن ساحێبمان بەیۆ چە لاوا مونکیر تەرد مەکەن چە قاپی کاوا فریاد ڕەس حازر پا چە ڕکاوا وەختەن خەڵاس بین چە ئی ئاژاوا نەجاتمان ببۆ چەی قیل و قاوا وەعدەی ساڵ مار کریان حەساوا بیست هەفت ڕۆژ مەندەن وەعدە تەواوا هەر کەس تەک بدۆ وەیار قەڵاوا هیچ نییەن وەتەنگ دەرد و بەڵاوا وێنەی بەیان قوش مەسکەن کەلاوا خاسترەن چە قەسر زێڕین تەڵاوا نامووس و عارم نیان وە لاوا نیەنان وە قەید واتەی خەراوا حاجی گیان جاگەم قوڕ و زویلاوا ها لەشکر ئیمان کەردەن بڵاوا دوعای خێر بکەر پەی ئی ڕووسیاوا چە هەر چوار ئەتراف ئۆردی جمیاوا بێ شەوق و بێ زەوق دەروون سووتاوا گشت باڵ و پەڕم یەکسەر ڕووتاوا ئیزهار بی وەعەین حەرف کیتاوا یەخان مەتاونۆ گڕەی هەتاوا یەکسەر لێڵ بییەن چەشمەی سەراوا دینشان فەوتنان سەیید و باوا مامان چەنی یەک مەکەن عەداوا مەبۆ نۆش کەریم پیاڵەی زووخاوا ئەنجامش مەبۆ شەهد و شەکراوا نە سەبر نە تاقەت لالام نەماوا زەعیفەلبەسەر جەرگم بڕاوا ++++++++++++++++++++++ سەرناو: کاک فەقێ تەفریق سەبارەت: بۆ مام موحەممەد کاک فەقێ تەفریق... خودام نیک و بەد مەکەرۆ تەفریق یاران خەڵاس بۆ شکاک مۆ غەریق وەزەرب نێزە جەرگشان مۆ حەریق لەشکر ئامادەن جە سەمت مەشریق عالەم موشەوەش قەتع بییەن تەریق مەحزوونم جە دەست فیرقەی بێ مەسلیق مەشغوڵ سەیران چە باغچە و حەدیق پەنامان وە زات پادشای حەقیق ببۆ وە گوڵزار نار و مەنجەنیق پەی ڕای هەقیقەت یار بکەر تەشویق یاڕەب کارمان نەکەری تەفریق یا زات ڕەسووڵ تۆی حاکم تەحقیق حرس و نەفس لێمان زوود بکەر تەتلیق گرۆی بێ شەرتان شوراب تەحلیق گورفتار مەوان وە عیللەت و دیق بێ حەیا و بێ شەرم جەستە چون لاسیق دوشمن وە فەقیر بێ دینی چاو زیق شەش جیهەت یەکسەر تەمام بی تەفلیق مەردەشۆر حازر، بێ لەکەن ئیبریق مەر زات خالیق بدەرۆ تەوفیق تا کەی ژار نۆشین چە نام ئیبنیق ++++++++++++++++++++++ سەرناو: کاک فەقێ جواب سەبارەت: بۆ مام موحەممەد کاک فەقێ جواب... چەند شیعرم کیانا نەنویسنای جواب دونیا نەمەندەن وەختەن بۆ خەراب بە حوکم بێچوون پادشای وەهەاب مەئموور ئامادەن وە تەعجیل و تاب حورمەت قەلیلەن جە دۆست و ئەحباب مەردان چەنی زەن بییەن وە ئەرباب جاهیلان مەراق عارەق و شەراب مەگەر چە ئاخر دڵ گێرۆ حوباب نێکان خەڵاس بۆ بەدان دڵ کەباب هەزاران ئاما چون ئەفراسیاب جەی دەریای فانی نیگوون بی غەرقاب یەکسەر مونافق شێخ چەنی شەباب جە ماڵ حەرام مەکەن ئیکتیساب ئاشناهی ئەزەڵ گشت بی وە ئەجناب بێگانە مەشغوڵ حەدیس و کیتاب جە هیچ بەشەرێ نەدارۆم عیتاب فەقێ عەزیزم ئەی عالی جەناب وێش مارۆ وەڕام ئەر خێر ئەر سەواب بەندەی ڕووسیاوم حلمی الالقاب هاتف وەی تەورە کەردەنش خیتاب قەرار نەدارۆ ماهی جە ڕووی ئاب چەو گا مۆ مەتین کوورەی ئافتاب شەبان تا بەڕۆژ هیچ نەدارۆم خاب وەختەن پەی یاران ببۆ فتح الباب خەڵاس بین جە دەست چنگاڵ قەساب خودا بەرارۆ کەشتی نەگەرداب هاوار فریاد ڕەس جەرگمان بی خوناب وە یانزدە مەسرەع شیعرم خۆش مەئاب پەی فەقێی خاسم کیانام وە شەتاب ++++++++++++++++++++++ سەرناو: کاک فەقێ خەواف کاک فەقێ خەواف... موخڵیسان دایم مەبۆنێ خەواف دەردم گرانەن وێنەی کۆە قاف جە دیوان هەق کەم کەس مۆ مەعاف مەگەر وە ڕەجای یارانی دڵ ساف بوگزەرۆ لێمان خودا وە ئەلتاف سوپای حەیدەری ئامادەن وە تاف هەی جان وا خێزان چە هەر چوار ئەتراف قەتڵ و کوشتار مۆ هەزاران ئالاف غەرقم جە گوناه مەکەم ئیعتیراف جەی سەردی ساعەت فرسەتەن تەواف وەعدە نەزدیکەن نەدارۆ خیلاف هەزار هەزاران یەکسەر مۆ ئیتلاف مالکی ئەژدەر چەنی میر سەیاف ئەلف و با چەنی دال و نون و کاف شمشێرش کێشان لەشکر نە غیلاف پایماڵ مەکەران ڕەئیس و ئەشراف مەر قەدر گەوهەر بزانۆ سەڕاف غارەت مەکەران خەزێنەی ئەوقاف پەی تایفەی هەق گۆ کفرەن واتە و لاف پەی جادەی قەدیم حازرەن کڵاف مەبۆ نەنیشۆ یاران وەدڵ زاف وێڵ نەوان چە دین ڕای عەبدول مەناف هاشمی ئەسڵەن قوڕەیشی گەزاف ئیسلام خاپوور بی شکستە تەناف مەرد خاس بسیار چە نام فیرقەی جاف وێنەی عێڵ بەگی گۆیندەی ئەسلاف سوورەی بەرائەت جاگەی ئیستیحلاف بە هەقی ئایەی سورة الاعراف فیرقەی موئمنین عەلەوی ئەوساف عین القلب شان ببۆ ئینکیشاف تەمام خائینەن ئەهالی ئەکواف زاڵم و غەددار بێ ڕەحم و ئەنساف ئاشناهان عوشرەن لایعقل ئەوساف ستوون عالەم چواردە ئینحیراف ++++++++++++++++++++++ سەرناو: کاک فەقێ خەوەر سەبارەت: بۆ مام موحەممەد دەروێش عەلی کاک فەقێ خەوەر... مەپەرسۆم لێتان میقدارێ خەوەر جوابم بدەن وەبێ دەردە سەر عارفان خاس دەلیل ڕەهبەر سوئال و جواب فەرزەن پەی بەشەر وەخۆش زوبانی بێ کینە و کەدەر نەواچی مەڵڵا مەغروورەن یەکسەر تەسلیم بیانات وەشای... ر ئەوەڵ سوئالم ئێدەن سەر دەفتەر نەچێش ئیجاد کەرد یەعنی حەوز کەوسەر چەند مەئموور دارۆ مەزەش چون گەوهەر یەکاێەک سوئال وەنەم عەیان کەر سوئال دووهەمین ئاو مونتەشەر نەچێش ئیجاد کەرد ئاورد وە نەزەر سوئال سێهەم ڕۆحان سەرانسەر نەچێش سازناش خالق ئەکبەر یەعنی نیک و بەد فیرقەی جانەوەر مایەش نە چێش بی باچە پەی کەمتەر چوارەم یەعنی خۆر شەمس مونەوەر چەند هەزار لیسکەن بکەر موقەڕەڕ پێنجەم سوئالم ئەی نوور بەسەر خاڵ نام مانگ واچە پەی ئەفقەر مانگ و خۆر یەک بی پەرێم جیا کەر جەواب واتەم وەبێ ڕیا کەر مەعلووم ب جە لات ئەی فەقێی گیانی نەچێش ئیجاد کەرد ڕۆح ئینسانی دوانزدە بورج ئاسمان سەبعەی سەیارە نامشان چێش بی بکەر ئیزهارە چوار عەناسر چەنی شەش جیهەت وەنەم عەیان کەر بێ مزد و مینەت چەند هەزار غوڵام جە وجوود مەربووت خاک و ئاب و باد چ تەور بی مەخلووت شجره التووبىٰ چەند هەزار چڵەن مێوەش چەند ڕەنگەن کامش شا گوڵەن هەفت تەبەق سەما هەفت تەبەق زەمین وەقوەی کام زات چەنی جیا بین مایەی خاک چێش بی بەحر بی وەبەڕ پەرێم بواچە مەعنای دوو شەهپەڕ ئەگەر سوئالات تۆ دای وە دەستم غوڵام موخڵیس قاپی تۆ هەستم ++++++++++++++++++++++ سەرناو: کاک فەقێ نامە سەبارەت: بۆ مام موحەممەد کاک فەقێ نامە... یاوا وە دەستم ئەشعار و نامە جە جەژن قوربان وەخت خۆش هەنگامە موتاڵەعەم کەرد وە شادی و کامە گوفتارت لەزیز عەنبەر مەشامە فەرموودەی وایەت یەکسەر تەمامە هەر کەس ناجح بۆ جەی دوڵ و جامە لە گشت هەوەڕێ کارش تەمامە کلیت هەقیقەت جە سەر ئەنجامە بەیان مەکەرۆ یەکسەر پەیغامە ڕۆژ مەحشەرەن یوم القیامه ئومیان دوشمن سەیید و مامە وەختەن ساڕێژ بۆ برین و زامە خەڵاس بین جە دەست ئەی نەفس خامە ئەر ئەسپ ئەی حرس نەکەی لەغامە عاقیبەتەلئەمر مەوی نەدامە هەر شەخسێ وە زات عەلی غوڵامە هیچ باکش نییەن جەی بەند و دامە تەسلیم وەڕای هەق سەرش سەلامە جە کونج خەڵوەت مەکۆ ئیقامە عوشرەت نمەکۆ چەنی عەوامە مەراق وە ئوستاد پیر خۆش فامە نەواچی مەڵڵا خۆڕی و لەگامە مەخسووس وێم مەکەم شێت و سەرسامە شەرت هەقیقەتم پاپێچ پامە مەحکەم وەقین قەڵای پۆڵامە حازر بەر فەقێ سەفەر جە ڕامە سەنگ د... اوەر جای ئیلتیجامە ++++++++++++++++++++++ سەرناو: کاک فەقێ یاوا سەبارەت: بۆ مام موحەممەد کاک فەقێ یاوا... نامەی خۆش ئەلفاز وە دەستم یاوا چون خونچەی بەهار دڵم شکاوا هەرچی پەرساویم جوابت داوا درەخت کامڵیت تەمامی یاوا ڕەهبەر ڕاستم نوور دوو چاوا هەزار جار شوکور وە قاپی کاوا جەلات ئیکمال کەرد دەفتەر سەرچاوا سەییاد باتین فیرقەی پاکتاوا خەوەر دارەنی جە هەردوو لاوا گرۆی مونکیران گۆزەی شکاوا چەنی شکاکان مەکەر داو داوا هەر کەس پارێز کەرد جە کار خەراوا مەعلوومەن ئەو کەس سککەش موهتاوا مەبۆ قەبوڵ کەی چارمان نەماوا ئەی فانی هیچەن باقی حەساوا هەتا دار بید بگێرۆ ساوا مەدارا بکەین چەنی گومڕاوا دیانەت فەوتیان ئیمان چە پاوا چە هەزار یەکێ مەندەن وەپاوا ئەهل هەق دایم مەشغوڵ کیتاوا بێزار چە مەجلیس ئەی قیل و قاوا موتیع وە قانوون ئەرکان شاوا پەرێ یارستان دەست وە دۆعاوا ++++++++++++++++++++++ سەرناو: کاک ڕەشید هاوار کاک ڕەشید هاوار... مامۆی سوختە جەرگ کاک ڕەشید هاوار عاجز حاڵ چە دەست تانەی یار و غار یاری یار گەرەک چە فانی بێزار وە یادت مەیۆ ئەو ڕۆ وە هاوار وەبان جەبەل ئامایمێ وەوار دەست منت گرد وەنەت دا ئیفشار واتت گەرەکمەن بکەریم هۆشیار دەستم بنەر وەبان خەزێنەی ئەسرار تاکە دڵشاد بۆم وە ڕووی ڕۆزگار کەسێ دوڕ سێن بۆ موفلیس و بێ عار چ باکش نە سەر تەعنەی باری غار کەمینە وێمەن یارانی ویسار کەس کەس نەوینە حەسار وە حەسار ++++++++++++++++++++++ سەرناو: کەس خاس نمەبۆ کەس خاس نمەبۆ... تا خاسی نەکەی کەس خاس نمەبۆ حەرفان دروغ وە ڕاس نمەبۆ بەدکار چە لای حەق ئیخڵاس نمەبۆ نا سوار هەرگیز وە سوار نمەبۆ مەرد خاس نەجەنگ هاشار نمەبۆ تەڵای ژێر خاک، بەد ڕەنگ نمەبۆ تووتی نە مەجلیس بێ دەنگ نمەبۆ مەجلیس سەر مەستان بێ نۆش نمەبۆ لوقمەی پوختەنی بێ جۆش نمەبۆ شیر وە بێ مایە، پەنیر نمەبۆ تا بەدی نەکەی گزیر نمەبۆ تار تەنبووران بێ کۆک نمەبۆ تا هەرزە نەبۆ سبووک نمەبۆ گفتووگۆی گەرمی وە سەرد نمەبۆ نامەرد وە گەزاف وە مەرد نمەبۆ شار وەبێ دووکان وەشار نمەبۆ دەریا وە پای سەگ مردار نمەبۆ لووتی چە فتراک کەڵ پۆس نمەبۆ یار بێ وەفا وە دۆس نمەبۆ شار وە بێ دووکان وە شار نمەبۆ ڕەنج پەرێ مێردان خەسار نمەبۆ شاهین شەو گەرد موئنیس نمەبۆ ئەڵماس وە ئاهەن یەک جینس نمەبۆ عالم و جاهیل یەک ڕەنگ نمەبۆ عاقڵ چە تەعنە دڵ تەنگ نمەبۆ حاکم مورافع بێ شەڕ نمەبۆ سوپای ڕۆژ جەنگ بێ سەر نمەبۆ مەفرەق چەنی مس زەڕ کەفت نمەبۆ سەخاوەت مێردان وە مفت نمەبۆ ئادەم سەخی بەخیل نمەبۆ وەشان و شەوکەت سەخی نمەبۆ نوقرەی درەخشان جەسوور نمەبۆ دەمین مەحشەر بێ سوور نمەبۆ هەورێشم وە پۆی، تان کێش نمەبۆ هەرگیز بێگانە وە خوێش نمەبۆ شۆرەگات زەمین وە کشت نمەبۆ مێرد خاس وە بەد ئاڵشت نمەبۆ ++++++++++++++++++++++ سەرناو: کەلب یارستان مەڵڵا سەیید عەباس سەبارەت: بۆ مام موحەممەد کەلب یارستان مەڵڵا سەیید عەباس گەوهەر بێ قیمەت بازاڕم کەساس عین القلب مەسدوود دیدە لێڵاوم گشت عالەم خاسەن هەر خۆم خەراوم ئەرێ حاجی گیان نوور دوو چاوم جە دووری دیدەت هیچ نییەن خاوم دائیما جە تۆ هەنەن عیتاوم جە مانگێ جارێ بدەر جواوم ++++++++++++++++++++++ سەرناو: کەچ حەساوەنمێ کەچ حەساوەنمێ... گرۆی یارستان کەچ حەساوەنمێ چەلای مونکیران هەر و گاوەنمێ پەی کار بەدی هەر چە ڕاوەنمێ چە ئەدەب و ئەرکان ناتەواوەنمێ چە دیوان حەق ڕوو سیاوەنمێ ئەر سەد نی جامە چە سەر چاوەنمێ دەروون چون زووخاڵ تەشنەی ئاوەنمێ پەی جەنگ و داوا هەر چە تاوەنمێ ئەسیر دوڕساغ قاپێ فاوەنمێ ++++++++++++++++++++++ سەرناو: هەر کەس نەی زەمان دراز بۆ ڕیشش هەر کەس نەی زەمان دراز بۆ ڕیشش ماچان ئاڵچاغەن خەراوەن ئیشش نە سەر تا وە پا مەکەن تەفتیشش ماچان نەمەندەن قووەی قامیشش ئەر شاگرد ئوغڵان بنەی وە تڵیشش ئەمجارە مەوی وە خۆشەویستش نامەرد بێزارەن جە قەوم و خوێشش فارغ البالەن چە پاش و پێشش غەیر چە نەفس وێش ئیدارەی عیشش چە حاڵ فەقیر دڵ نییەن ئێشش ئەر سەد ساحێب موڵک هەزار بۆ جەیشش بێ قەوم و عەشرەت نمەیۆ کیشش عالەم سەر سامەن چە فاش و فیشش ئەختیار پیر کەفتە بڕیان کڕیشش زەمین بە بێ ئاو نمەیۆ هێشش شەریک گورگەن دوژمن وە هیشش مەڵڵا چە زاری پەی دەرد ڕێشش مەر زات موتڵەق ۆەرۆ ساڕێشش تا کەی بشۆری... گامێشش تەمام نمەبۆ ئەی شش و بێشش فیرعەون هاست بەجا شەهر بابیلش کەیخوسرەو لوا وێران کابیلش ئەی خاکە قووت کەرد ڕۆستەم زابیلش جیفەی فانی پیر موڵکەن دەلیلش مەڵڵا وەکارەن چەنی حەنیفشش کەس نەکەفۆ وەوەر زە... شیشش یاران چەن خۆشە گ... سکیشش خاتوون الوەقتەن وردەن تکیشش پارە نمەکۆ ئەی فاک و فیکش قاپی مەغلووقەن کەم بی کلیلش بێ نامووس و نەنگ دونیا وە سیکش عالەم هەراسان چە دەنگ زیکش بەد ئەتواری وێش کەردەن عەلیلش موبارەکش بۆ غەم مەلویلش بییەن وە مامر خرووس و دیکش شەو و ڕۆژ مەراق بییەن وە سیکش عەجەب سەکرانەن پڕ بییەن پیکش وەباد غەزەب مەدڕان تیکش وەهەزار حیلە کار نمۆ ڕێکش ساحێب کەون مەوجوود ئەجەل نەزدیکش شەخس عەقڵ دار مەبۆ تەریکش چون ژار مارەن مێوەی فەریکش مەڵڵای قوڕ وە سەر بییەن خەریکش هەزاران تفوو وەچارەی پیسش عالەم سەرگەردان فعل خەبیسش هەرکەس نەزدیک بۆ مەبۆ شەریکش ++++++++++++++++++++++ سەرناو: هەزاران سەلام وە مام محەمە سەبارەت: بۆ مام موحەممەد هەزاران سەلام وە «مام محەمە» دەروێش موخڵیس دۆشت ئەقدەمە ڕەونەق مەجلیس زەوق و زەمزەمە چەند تەعریف بکەم هێمان هەر کەمە چە دەروون بەرکەر خەیاڵ و غەمە وەختەن ڕەوشەن بۆ ئەی تاریک تەمە هەر کەس بنۆشۆ جەور و ستەمە قاڵ مۆ جە کوورەی ساحێب کەرەمە لەشکر ئامادەن شۆڕشت هەم هەمە خەوەردار بومێ جەی وەخت و دەمە دەلیل دەستگیرن نووری دوو چەمە مەویانۆم وە پای قەتار و ڕەمە زەمیرت ڕەوشەن چون شەوق شەمە چون ساز خۆش خوان پڕ زیل و بەمە زاڵم گرفتار دەرد و ئەلەمە دەمارێ شێتی چە تۆی کەللەمە فەقیران مەسئوول وەبێ مەحکەمە شکەست خاس نمۆ وە سەد مەجلەمە مونکیران وەنێش قڵنج و قەمە وە زەرب ساتوور مەدڕان لەمە فریاد ڕەس مەوجوود ها جە وەر چەمە بەدان گرفتار مەحرووم جە شەمە یە فەقیر واتەن وەبێ هامدەمە ئەشعارم خاڵیس دوانزدە ڕەقەمە ++++++++++++++++++++++ سەرناو: یار هامفەردم یار هامفەردم... یاری دوڕ شوناس تۆنی هام فەردم مەبۆ بکیانی دەوا پەی دەردم بیاوی وە داد هەناسەی سەردم مەلوول و مەحزوون دەست نامەردم چە بەدبەختی وێم شکاتت کەردم دائیمەلمەدام چە بەر دەڵ بەردم سەبەب جە ئێدەن یادت نەکەردم چەرخ کەچ ڕەفتار ڕاست ناوەرد نەردم چە دووری دیدەت ئەرواح سپەردم چەند تەقەلووبات چە دونیا وەردم خاسان خەڵاس بین من مام نەمەردم شەبان تا بەڕۆ نامت مەوەردم چە لای خاس و عام مەدحت مەکەردم چە بەد ئەتواری دایم ڕوو زەردم چەی موڵک و وەتەن مەکەران تەردم پەرێ گفتووگۆ من سوارێ مەردم یەک فلسێم نییەن پەی ئادای قەرتم بێ شەوق و بێ زەوق زیادەن دەردم هیممەت چە قاپی یار تەڵەب کەردم یا حەق ڕاست باری مەوزوون بۆ فەردم چەی زەمانەدا خەیلێ دڵ سەردم ڕەوان ببۆ ئاو نام وەرد و چەردم گرفتار وەدەست نەفس نامەردم دائیما مەشغوول ئی جرت و فەرتم گرفتار وە دەست قەوم بێ شەرتم ++++++++++++++++++++++ سەرناو: یار یار گەرەک مەنیشۆ وە تەخت سەبارەت: ١٩٥٣/٥/٢ یار یار گەرەک مەنیشۆ وە تەخت وە گرۆی بەدان دەوران مەبۆ سەخت وەعدەی ساڵ مار پەردە ها پارە بریقەی زولفەقار بەرق شەرارە گڕۆی یارستان شادی هەی شادی یانەتان جە نۆ بکەن ئابادی ++++++++++++++++++++++ سەرناو: یاران ئیختیلاط یاران ئیختیلاط... چەنی یەک بودێ یەکسەر ئیختیلاط دەوام نەدارۆ ئی فانی ڕیباط لازمەن چەی وەخت هەم سەبر و سەبات خسوفەلقەمەر مەکەرۆ ئیسپات تاعوون و ئێولەت ئیحضارەن ئافات ئەر سەد نۆش کەردێ ئی قەند و نەبات نمەیۆ وە داد پەی ڕۆژ هەی هات دڵتان خاس کەردێ چی سەردی سەعات کەسب حەڵاڵی خاسەن پەی ئەوقات لقا الله حەق پێم مەدۆ قنیات بێزار چە دیدار حوری الجنات پەی حۆری مەکەن ئی صوم و صەڵات یا حەق نیک و بەد عەیانەن چە لات وەکار نمەیۆ هەزاران ئەبیات بورهان و دەلیل لازمەن ئیسپات چونکە عەوەجەن تەمەڵ و حەیات پینە نمەبۆ وە هەزار خەیات یاران بێزارم چەی فانی حەیات چەی زەمانەی سەخت حازرەن مەمات مەگەر فراوان دارۆم غەڵەتات بێ عیلم و عیرفان نەوانام مەلەففات عەفوم بکەران چە گشت سەهوییات ساکن بەر مەڵڵا مەکەر خەیاڵات ++++++++++++++++++++++ سەرناو: یاران ئینقیراض یاران ئینقیراض... نزدیکەن عالەم ببۆ ئینقیراض کافییەن مەڵڵا کەم کەر ئیستیقراض فائیدە نەدارۆ سەد داد و ئەعراض وەجا ناوردم شرووت ئیفراض سوپای حرس و نەفس ڕۆح کەردەن ئەمراض پەنامان وەتۆن یا حی الفیاض نەی جامەی کۆنە کەی مەبۆن ئەعواض وا مەربووت کەردم شیعرێ خۆش ئەلفاظ نایابەن چەی وەخت تا شار بنغاز وە خالیق مەخفی موعتەبەر ڕیاز کیتابمان پڕەن موئمین دەم ساز ڕاگەی حەقیقەت بەعید چە مەجاز شەوقمان ئامادەن مەراقین وە ساز کیتابمان خشتش گەوهەر خۆش ڕاز وە کەس نماچۆ بەد عەیب ئەغراض ئەر ئوستاد کەریم پێم بدۆ ئیجاز پەرێ یادگاری گفتارم الذاذ دەروونم وێنەی دووکان بەزاز پەرێ مەجهوولان گفتەم چون ئەقراز ++++++++++++++++++++++ سەرناو: یاران بێزارم یاران بێزارم... چەی دونیای فانی خەیلێ بێزارم گیرۆدەی گەرداب نەفس زۆردارم جامەی مەجازی بی وە زینهارم عاجز و مەحزوون زەلیل و زارم هیچ کەسێ نییەن بدۆ دەست بارم نەی خواب غەفڵەت کەرۆ بێدارم پەی ڕەهنموونی دڵ ئینتیزارم یاڕەب نەی جامە مەدەر ئازارم ئەر ئازارم هەن بکەر تیمارم مات و سەرگەردان تەعنەی ئەغیارم چە کەردەی گەردوون فرێ غەمبارم ئیمداد بکیانۆ شای مەدەد کارم دڵشادم کەرۆ وەدین یارم دائم المدام دڵ پڕ غوبارم جەستەی ئەزیەت بار خەستەی بیمارم شادی وە میسقال غەم وە خەروارم هەر وەختێ زانای چە تۆی مەزارم یاران یاوەران نەمەندەن چارم غوسەی ئی جیهان ڕێزنان دەمارم مونتەزیر وە لوتف پەروەردگارم وە قاپی خالیق ئومێدەوارم مێمان دونیا ئی ڕاگوزارم مەست ڕۆی ئەلەست دیدە خومارم گا گاهێ مەغدوور گاهێ غەدارم گا گاهێ مەعسووم گا ستەمکارم گا گاهێ مەعیوور گاهێ عەیارم گا گاهێ بێ ناز گاهێ نازدارم گا گاهێ تالب گاهێ مەتلووبم گا گاهێ قاڵب گاهێ مەقلووبم گا گاهێ زاکر گاهێ مەزکوورم گا گاهێ شاکر گاهێ مەشکوورم گا گاهێ داین گاهێ مەدیوونم گا گاهێ دڵشاد گاهێ مەغموونم گا گاهێ دافع گاهێ مەدفووعم گا گاهێ قانع گاهێ مەقنووعم گا گاهێ ئەمیر گاهێ مەئموورم گا گاهێ عابر گاهێ مەعبوورم گا گاهێ ساجد گاهێ مەسجوودم مونتەزیر وە لوتف حەیی مەعبوودم گا گاهێ هام یار گاهێ ئەغیارم گاهێ داخڵ شەرت گا بێ ئەتوارم خەیلێوەن حفظەن زمی بەیارم مەعشووق نمەگۆ یاد و تیزکارم مەراق وە دیدار سەمەن عوزارم ئەحواڵ پەرێشان هەم کەفتە کارم چە مەکیدی عەشق دڵ بێ قەرارم مەراق وە جەماڵ پەری ڕوخسارم ئەر سەد تەمامەن حەرف گفتارم ناقص العقلم نییەن کردارم خاسیم نەکەردەن بەد بییەن کارم ئێستا پەشیمان خەجاڵەت بارم یا رب العباد بشنەو هاوارم وە ڕاگەی غەڵەت نەکەی ئیجبارم چونکە وەیتەورە ئەز مەتڵەب کارم پەی ڕای حەقیقەت هەم خڕیدارم ئەر سەد نەی جامە گوناه بسارم کەلب ئاستانەی دوڵ دوڵ سوارم ++++++++++++++++++++++ سەرناو: یاران بەعیدەن یاران بەعیدەن... ئەدەب و ئەرکان نەی جا بەعیدەن بێ شەوق و بێ زەوق دڵ نائومیدەن پەنامان وە زات رب المجیدەن فەرد خۆش مەقال تازە جەریدەن زەمانە وەیتەور هیچ کەس نەدیدەن سەردارمان بێ بەر چون دار بیدەن مەجهوولان مەشغوڵ عیفەت دڕیدەن نەقڵ خانەم کەرد وە عارەب کۆیی گوایە خەڵاس بیم چە ڕەنجەڕۆیی مەلا موحتاج بی وەقومە دۆیی لە دەست سەگ خۆڕی حەیامان ڕۆیی دوو کومەڵ کەستەک چەلام مەکەم جەم خەریک سەگ قاودان تا وە سوبح دەم حەتتا بەیانی بە وێنەی ناطوور خەریکم چەنی کەلبان غروور سەد دادم چە دەست سەگ مام موتورزا پەرێمان بییەن وە بەڵا و قەزا ئافەرین موختار پەی فیکر و ڕایت یەک گاوەلێ سەگ کەردەنت هایت شغلنا چروک ما مثل گبل مختار القریة یدور حبل جارێ مەوەرۆ سفرە چەنی نان جارێ دەستە سڕ جە تۆش نان برژیان خاو لێم حەرامە سوقان مەکەن بەهانە حەوشەمان بییەن وە قەساو خانە سەد دادم چە دەست سەگ ماڵ شیکە زخیرەی مەڵڵا مەکۆ یەک تیکە وەخیمەن ئەنجام کەشکمان فەریکە نی دەور و زەمان مەڵڵا خەریکە بە غەیر جە کەلبان هامسای ڕاس و چەپ بێزارم چە دەست ڕاویار و... دەروێش و غەریب، عەتتار و بەقاڵ وەبێ پەرس و جۆ تاو ئەدەن وە ماڵ ئەڵبەت نیانم موسافر خانە سەد دادم چە دەست قەوم و بێگانە حەوشەمان وێنەی ئەشەگ مەیدانەن تاڵعم بێ هۆش تەحتەلخریانەن مەنزڵگای کۆپەگ چون کاروان سەرا مەشغووڵم وەحەربیم وە هەرا هەرا جەی قەریەی کەبیر بێ ئەسڵ و ئەساس نەداشان پێمان یەک خانەیە خاس خسووسی شکاتم چە دەست میللەتەن حەیا نەمەندەن غیرەت قیللەتەن هەر کەس نەی زەمان داشتە بۆ ئەمواڵ هەر ئەو مەقبووڵەن نە ڕووی ماه و ساڵ ئەر سەد عەیبش بۆ بە وێنەی غرباڵ ما یشوف عیبه و لا یدیر بال مەراق وە حەرام بێزار چە حەڵاڵ دەور ناکەسەن زەمانەی دەججاڵ گشت بی وە مۆدە حەیا پایماڵ نە هیچ گرۆهێ نەمەندەن ئەقواڵ ئەگەر چوار کەس دەست بدۆ وە وەر دیوار حەوشەم ئیکمال کەن یەکسەر یەک قاپییە حەوش بکەران عیلاج پەی چێش ماڵ من مەشۆ وە تاراج هەر کەسێ مەشغوڵ ئیرادەی وێشەن بێزار چە دیدەی مەڵڵا و دەروێشەن نوقسانیم جە سەر ئاغا عەلییەن سەبع سەهمگین چە عام بەللییەن تەماکۆم جە سەر ئاغا سەلاحەن لە گشت خسووسێ مەڵڵا موباحەن جوزئێ قسووریم چە سەر یارانەن قەوم بێ باوەڕ فیرقەی مارانەن قیطعەی کاکەیی فیرقەی قەو... داران ێەک مەڵڵا ئەویش ڕووت و قووت ئاغا فراوان ڕەعیە بێ شومار حەیفەن مەڵڵاتان ببۆ دڵ ئازار فائیدە نەدارۆ تەطویل کەلام موختەسەر خاسەن ئەی ئەهل ئیسلام نەواچان ئینە عەقڵ جافییەن وە مەرد دانا حەرفێ کافییەن زەمانەی زەندیق دەور ناکەسەن چەلای مەجهوولان گفتەم عەبەسەن یە مەڵڵا واتەن تاڵع بێ فەڕەن ساکن مەنزڵ فەرەجە کەڕەن ++++++++++++++++++++++ سەرناو: یاران تەفریقەن یاران تەفریقەن... دائیما دۆستان جە یەک تەفریقەن ئێدیش ئیرادەی حەیی حەقیقەن زومڕەی سابیران کارشان تەعویقەن اهل الله تەمام جە مەنجەنیقەن جاگەی مونکیران باغچە و حەدیقەن ++++++++++++++++++++++ سەرناو: یاران خەوەردار سەبارەت: ١٩٥٢ یاران خەوەردار... چە خاو غفڵەت بوودێ خەوەردار وەعدەش نەزدیک بی هەند با هەزار خودام ئەمرشدا پەی شەرت و ئیقرار ئاما وە حەساو شرووت تۆمار یاران زەلیل مەکەرۆ ڕۆزگار قەهرش خرۆشا پەی ئەهل ئینکار ئیسرافیل چەنی ئیزرائیل قەهار وەئەهل خاران مەکەران کوشتار ++++++++++++++++++++++ سەرناو: یاران دینداری یاران دینداری... وەیتەورە مەبۆ ڕەویەی دینداری ئەشک دمووعم چەنۆ بی جاری ساحێبمان بییەن لێمان بێزاری غوڵام موخلیس نەفس غەدداری دۆست بێگانە دوشمن وە یاری وە دەست حرس و نەفس زەلیل و زاری عەبد زەڕ خڕید هەم گەردن لاری حەسەب حاڵ مەکەم چە بێقەراری مەوت ئامادە بی پەی گردین شاری ئامراز وەقت مەکەم وەغەم کۆساری ئیحزارەن ڕۆحم پەی نۆشای ژاری نەفس ئەممارە چون گورگ هاری سوپای ئیمانش کەردەن قەلاری نەفس موتمەئین کەردەن قەراری چە ڕوبع مەسکوون وەنادیاری بەرگ شاڵ بکەر قەدیم ئەتواری فائیدە نەدارۆ لیبس کیباری مەر زات حەیدەر ببۆ سواری بەر ئارۆ چە بێخ ڕیشەی بەدکاری وەرنە مەحاڵەن شەوق دڵداری نەمەندەن وەعدەی هەند و هەزاری خاسی قەتع بی بەد وە بسیاری چە ڕووی ئەرز نییەن شەخسێ نامداری فایدە نەدارۆ داد و هاواری چەی وەخت نەمەندەن ڕای ئیعتیباری کێ خەڵاس مەبۆ چەی ئینحیساری بێ ڕاه مەندەنم نەی شەوگار تاری دایم مەشغوڵم وەستەم کاری وەسەن ئەی بەدبەخت مەردم ئازاری ++++++++++++++++++++++ سەرناو: یاران دەم دەمە سەبارەت: نامە بۆ مام موحەممەد دەروێش عەلی یاران دەم دەمە... مەعلووم بۆ لێتان دونیا دەم دەمە ئی شیعرە نویسنام پەی مام محەمە وەمن مەعلوومەن سیدقت مەحکەمە پەروانە دایم مەراق وەشەمە پەروانە یاران شەم --- چاکی و خەرابی گشتی وەدەمە ڕەونەق مەجلیس زەوق و زەمزەمە چەند تەعریفت کەم هێمان هەر کەمە ڕەحم قللەتەن زۆر زۆر ستەمە ئەشعار لەتیف هەم خۆش ڕەقەمە بەدان بەدگۆ خاکشان بەقەمە یاران چەمەڕای ساحێب کەرەمە خاسان گیرۆدەی دەرد و ئەلەمە پەناگای یاران ساحێب کەرەمە وەقتەن پەیدا بۆ شۆر و هەم هەمە یاران خەلاس بۆن چەی گێژ و غەمە زەینمان ڕۆشن بۆ چی تۆز و تەمە مۆ جیا کەران توخم هەڕەمە دەلیل حایرین هەر تۆی هامدەمە گفتار یاری «سعر» شەلەمە عالەم چە عەزاب پەرێ شکەمە بێزاری خەڵقان چە وەل وەلەمە عالەم خەریکەن یەکسەر چە ڕەمە ++++++++++++++++++++++ سەرناو: یاران شەریف کۆی ئەلبو گەسە یاران شەریف کۆی ئەلبو گەسە هیچ دڵخۆر نەبۆن ڕەهبەر داد ڕەسە «کل» تەسادف ناز ئەو شەسە زولفەقار سەیفەن دوڵ دوڵ فەرەسە نە ڕووی ئەنبیا دەستش ئەلەسە ساحێب نیمەی سێب دوو هەسە وەر چە بابادەم شەست عفریت بەسە عالەم وە قەبزەی قودرەتش مەسە هەر کەس وەعەشقش خاڵی نەفەسە کردارش زایە ئەفعالش پەسە دایم ها وەذل کەچی وەسوەسە ڕۆحش مورغێوەن قەڵبش قەفەسە وە ئەو کەس ماچۆن فانی پەرەسە دایم غەیبەت خەبیث و خەسە ماوای ئەرواحش تون و تەوەسە *** یاران نەکەران غەیبەت غیابی تا کەشف نەبۆ لێتان کەزابی چەند کەس وە لێتان من سوبتم کەردەن تەعنەشان وە تیر دوشمنان بەردەن حەیفەن پەرێ یار تەعنە دۆ وەیار وە قاپی سوڵتان کەی مۆ ڕستگار قەسدێ نەداریم وە ئەی ڕۆزگار باقی والسلام ئەوەڵ ئاخر یار *** بەعد ئەز موراجعەت وە مازەندەران لوتف و مەرحەمەت کەردەن چەنیمان یەک تەکیە وە عەشق شای ساحێب زەمان ئەگەر دائیر بۆ وە لوتف سوڵتان کول ئەجمەعین مەوین وە مەهمان یەعنی وە مەهمان تەکیەی یارستان جواب نامە بکەران ئیحسان سەی دارای قەسری مەکیانۆ پەیمان ++++++++++++++++++++++ سەرناو: یاران عار بییەن سەبارەت: نامە بۆ حەمە حەیدەر یاران عار بییەن... تومەز دینداری وەیتەور عار بییەن مەگەر ساحێبم لێم بێزار بییەن جەرگم ڕەخنەدار تەعنەی غار بییەن غەیر چە زات هەق مەدەد کار بییەن مەلجاهم ساحێب زولفەقار بییەن ئاشنای ئەزەلی گشت وە خار بییەن بێگانەی ئەبەد تاعەت کار بییەن حەیف پەرێ مەردان گشت خەسار بییەن مەئلووف جیفە هەم دینار بییەن وجوودم نابوود زەدەدار بییەن جە دووری یاران دڵ بیمار بییەن مەخلووق نادروست بێ قەرار بییەن ئیمان نەمەندەن دین فیرار بییەن فیرقەی مونکیران جە ئازار بییەن دەروێشی ئەی وەخت ژار مار بییەن دڵ قەید زەنجیر جە حەسار بییەن بێ شەوق و بێ زەوق تیرە و تار بییەن عەسری وەیتەورە یاران کێ دییەن زوڵم و تەعەدا چە حەد بەرشییەن دووکان مەحجووز بی دڵ بێ شار بییەن وڵاتان خاپوور کەس دیار نییەن شکاک جە ڕای هەق گشت ئینکار بییەن ئەهل هەق بێ قەدر ڕووی ڕۆزگار بییەن ناکەسان مەغروور یەکسەر هار بییەن ئاخر سەرئەنجام نیگوونسار بییەن زەمین دوو ڕەنگان گشت بەیار بییەن گاو وەرەو نیڵە بێ جفتیار بییەن نوختەی قەدیمەن چە تومار بییەن سەردی ساعەتەن کەس هۆشیار نییەن ئەی بەندەی کەمتەر خەبەردار بییەن مەڵحەم زام دڵ جەلای یار بییەن ڕۆح پەی زیارەت حازر کار بییەن سەر چەشمەی یاری ها عەوار بییەن ئێستا فرسەتەن هیچ زۆردار نییەن سەی حەمە جە نەسڵ یادگار بییەن پەی لوای زیارەت لێش ئیخبار بییەن فەقێ جەنابت جە شومار بییەن پەرێ یارستان هەم دەست بار بییەن زوانم دایم جە ئیزکار بییەن ++++++++++++++++++++++ سەرناو: یاران عار بییەن ٢ یاران عار بییەن... تومەز فەقیری وەیتەور عار بییەن مەگەر ساحێبم لێم بێزار بییەن جەرگم ڕەخنەدار تەعنەی غار بییەن نێشەی عاشقی جە دیدار بییەن فیغان بولبول جە گوڵزار بییەن غەیر جە زات هەق مەدەد کار بییەن چەرخ کەچ ڕەفتار ستەم کار بییەن زومڕەی جاهیلان دڵ ئازار بییەن غوسسەی ئەی جیهان وەنەم بار بییەن ئەی بەندەی موذنیب خەتا کار بییەن غەیر جە زات هەق مەدەد کار بییەن دەروونم جە عەشق تار و مار بییەن مەلجاهم ساحێب زولفەقار بییەن چەمەکیدەی عەشق دڵ خومار بییەن بێ پەروا جە خەوف هەرزەکار بییەن حەیف پەرێ مێردان گشت خەسار بییەن مەئلووف جیفەی هەم دینار بییەن ئاشنای ئەزەڵ گشت وە غار بییەن یەواتەی مەڵڵای دەردە دار بییەن گرفتار وەدەست فیرقەی غار بییەن ++++++++++++++++++++++ سەرناو: یاران عوریانم یاران عوریانم... مەعلووم بۆ لێتان یەکجار عوریانم چە داخ دەوران جگەر بوریانم یاوان وە فەڵەک داد و ئەفغانم گا گاهێ غەمناک گاه شادومانم گاهێ ئابادم گاهێ وێرانم دەماوەن ئاسا بەرزەن دەماخم کەم ڕوئیەت بییەن نوور چەمانم نحن قسمنا کەم کەردەن نانم نەمەندەن تاقەت تاب و تەوانم ئەر زات موتڵەق نەکۆ دەرمانم ساڕێژ نمەبۆ کۆنە زامانم سەد حەیف زایعەن واتەی بەیانم یار نییەن وەتەنگ زاری و گریانم گا گاهێ عابد گاهێ عیسیانم یاڕەب چە ڕەحمەت نەکەی نسیانم گا پیر گا کامڵ گاهێ جوانم گا گاهێ دانا گاهێ نادانم گاهێ غەرق غەم گا چە سەیرانم گاهێ چە گەردەش نییەن ئیسکانم بە وێنەی سەییاح گا سەرگەردانم گاهێ چە ئێران گا چە توورانم گا گاهێ گەدا گا چون سوڵتانم مونتەزیر وە لوتف حەیی سوبحانم گا گاهێ مالک یەک لوقمە نانم گاهێ ساحێب فەوج گەرمەن دیوانم غەواس دەریای بەحر عومانم مەرد موباریز سەر کۆی مەیدانم چە دانەی یاقووت پڕەن دووکانم خڕێدار نییەن خاڵی میزانم گا چون ئەرەستوو گا چون لوقمانم پەرێ بیماران شفان دەرمانم ئەساس چە نەسڵ کەیانیانم موحتاج نامەرد ئەحواڵ نەزانم کەس نمەزانۆ نام و نیشانم بەندەی کەمتەرین قاپی پیرانم گیرۆدەی گەرداب بەحر عومانم بێ قەدر و حورمەت چەنام قەومانم کەلب ئاستانەی شاه مەردانم چە ڕای ئەهل بەیت قۆچ و قوربانم ++++++++++++++++++++++ سەرناو: یاران عەیانە یاران عەیانە... نیک و بەد چە لای خالیق عەیانە پەنامان وە زات پادشای یەگانە لێمان نەگێرۆ عوزر و بەهانە ئی نەفس زۆردار خەتای کێمانە سەوقم مەکەری وە ڕای عیسیانە نەی چاه زوڵمەت تیرەی شەبانە دایم سەرکێشی وە مەغروورانە وێت کەرد وە تەعنەی خوێش و بێگانە تەکیەگای قەدیم بی وە مەیخانە مەعلووم نیشانەی ئاخر زەمانە مێردان بێ قەدرەن دەور زەمانە کۆنە ئوجاغان بی وە کارخانە دین فیرار بییەن نەمەند ئامانە مەتڵووب و تاڵب مەدۆ پەیمانە ئیغفاڵش کەرۆ چە خەڵوەتخانە چە هەزار یەکێ هەن پاک دامانە ئەر بەهەشت نەبۆ دۆزەخ جامانە چێش کەرۆن چە دەست ئی بەد زەمانە بییەن وە فحوول گشت موریدانە عەیبم بە وێنەی بەحر عومانە دائیمەل مەدام گفتەم هەزیانە پەرێ عەیب یۆم عەینم عەمیانە پەرێ عەیبەلناس هام نە جەولانە مەعیووبم لاهوور چون ئەسفەهانە حەیفەن بواچۆن بەدی خەڵکانە گفتار سەرف مەکەم وەبێ هودانە خەڵاسیم نییەن چە ئی زیندانە دونیا پەنج ڕۆژەن موسافر خانە چەندین نەگوون کەرد پەرێ ئاشیانە کەردەنم نەوەر خەرقەی ڕەندانە پەناهم بەردەن وە شای مەردانە یە گفتەی مەڵڵا غایەت خەجڵانە چە خەوف مەحشەر جەستەی بوریانە ++++++++++++++++++++++ سەرناو: یاران مەحشەرەن یاران مەحشەرەن... مەعلووم نیشانەی یومەلمحشەرەن برادەر عەدو وە برادەرەن فرزەند ناڕەزا چەنی پدەرەن هامسایان خائین وە یەک دیگەرەن حەڵاڵ ناتفاق چەنی هامسەرەن ئێدیش ئیرادەی حەیی ئەکبەرەن عالەم موبتەلای دەرد و کەدەرەن ئیسپاتەن عالەم وەیەک چاکرەن چە وەخت تەنگدا وێنەی کافرەن وەلحاسڵ ئەنجام کارمان خەتەرەن ئەحواڵمان قەبیح باغمان بێ بەرەن حێر و شەڕ وە دەست قەزا و قەدەرەن چە ئافات دەهر خەڵک بێ خەبەرەن ئافات پڕ بەڵا شۆڕش و شەڕەن چەی وەختە مەمات خەیلێ خوبتەرەن فیرقەی پڕ حەیات حاڵش بەدتەرەن ئی بەندەی ئاخوون قەوم بەقەرەن چە هەزار یەکێ ئەهل هونەرەن ماباقی حەیوان گشت بێ بەسەرەن قووت عاقڵان خوون جگەرەن ئەطعیمەی خەران شەهد و شەکەرەن تەوق زەڕینان چە عونق خەرەن ئەسپانت مەجرووح ژێر کەمەرەن عاقڵان خاس دڵ موعتەبەرەن قسەی جاهیلان نێش نیشتەرەن فەقیران هیلاک گشت دەربەدەرەن سنف دەوڵەمەندان ئازاد نەسەرەن تەمام خاس و عام گشت ڕا گوزەرەن پەنامان وە زات ئاغای قەمەرەن چە لای ئەهل حەق زەڕ خاکستەرەن مەرد نێک دایم خدرش ڕەهبەرەن چەی دونیای فانی جاگەم سەقەرەن یە واتەی مەڵڵای نەگشت کەمتەرەن ++++++++++++++++++++++ سەرناو: یاران مەحشەرەن ٢ یاران مەحشەرەن... مەعلووم نیشانەی یوم المحشرەن برادەر عەدو وە برادەرەن فرزەند ناڕەزا چەنی پدەرەن هامسایان خائین وەیەکدیگەرەن حەڵاڵ ناتفاق چەنی هامسەرەن ئێدیش ئیرادەی حەیی ئەکبەرەن عالەم موبتەلای دەرد و گوزەرەن گرۆی مونکیران هو الابترەن عالەم سەرگەردان گشت دەربەدەەن گرۆی جاهیلان گشت بێ خەبەرەن بەڵا ئامادەن ڕۆح جە خەتەرەن شەش جیهەت تاریک وەبێ قەمەرەن غەزەب حلوول کرد فەوت فەنا کەرەن پەی عیشوی فانی گشت جلوە کەرەن ئەفکار پەرێشان دڵ بێ مەوقەرەن عالەم گیروەردەی نار ئەحمەرەن نەگشت ئەترافێ ئاشووب و شەڕەن ئەر خێر و ئەر شەڕ میسقالە زەڕەن شەڕمان زیادەن خێر سەبووکتەرەن وەقەدیم عەقڵان ماچان بێ فەڕەن تازە مەقبووڵەن مۆدە بێ دەرەن موئمین عدوة عەدووی دوو سەرەن نە گشت ئەترافێ شین و چەمەرەن کەی ئەمر خودان قەول پێغەمبەرەن جەی سەحرای هاموون وەبێ سەنگەرەن جە هەزار یەکێ ئەهل هونەرەن ماباقی حەیوان وەبێ بەسەرەن تەمام عالەم گشت ڕا گوزەرەن پەنامان وە زات ئاغای قەمبەرەن پەی سەما و زەمین عەلی لەنگەرەن دوانزە ئیمامان تۆپ شەجەرەن چەهاردە مەعسووم زات ئەنوەرەن سەراسەر عالەم وەنەش جاگرەن مەعلووم ئەی دوو سەف دوژمن حەیدەرەن دەلیل قاتیع قورئان ڕەهبەرەن حەدیس موسەدەق وە بەرابەرەن قال البشر مان زۆر موعتەبەرەن قال الله و ڕەسووڵ ساقیت یەکسەرەن پەی ئەمر مەعرووف خەڵک بێ بەسەرەن نهی عن المنکر چون تاج سەرەن واجیبات ناقیس پەی دین زەرەرەن ئەحواڵ موفەشەق بێ بورغیو جەڕەن جیهان پڕ غەوغا حەزەر حەزەرەن بەد بەختی تالیع بەنی بەشەرەن مورغ دەروونم بێ باڵ و پەڕەن ئیفتادەی مەیدان دڵ بێ فەنەرەن ئەی برادەران جاگەم سەقەرەن ئەی بەندە ئاشووب قەوم بەقەرەن ئەر خاس ئەر خەراو سەبت دەفتەرەن جە قال و بلی زاهیر مەزهەرەن قووت عاقڵان خوون جگەرەن ئەتعیمەی - - شەهد و شەکەرەن ئەحواڵمان قەبیح باغمان بێ بەرەن جە دیوان هەق ڕەنجمان بێوەرەن گوفتارم لذیذ مسک و عەنبەرەن جە لای مونکیران جە ژار بەدتەرەن سنف دەوڵەمەند ئارادە سەرەن زومڕەی فەقیران تەعنەی لەجەرەن فەرموودەی ڕەسووڵ زات پێغەمبەرەن الفقیر فخری واتەی سەروەرەن ئەی بەندەی موذنیب نەگشت کەمتەرەن دائیم جە ئیسڵاح یار و یاوەرەن مەلجا و پەناهم ساقی کەوسەرەن هیچ خەوفم نییەن دڵ موعەمەرەن عالەم ئینقیراز زێر و زبەرەن هیلال جە خسووف بێ منەوەرەن جە یەک لا سەڵای الله و اکبرەن یەک لا موسەللەح دەست وە خەنجەرەن سەیارە فوول بۆ جە ڕا پەنچەرەن گشت خەتای مەڵڵای عەمامە سەرەن عەوام فەقیرەن قاریء مەحوەرەن جەرگم هەدەف گای تیر و تەبەرەن بابۆمان ئادەم شێخ بولبەشەرەن گرد یەک عونسرەن گشت برادەرەن ئەر یەک وجوود بۆ گرد موزەفەرەن ئەر مەیدان کورت بۆ چون خاکستەرەن پەرێ گرد میللەت ڕۆحم ئەسپەرەن مەڵڵا جان فیدای گشت نامەوەرەن ئەی عەزیزانم یومەلبەتەرەن چوار قوڕنە مەشغوڵ سوپا و لەشکرەن ++++++++++++++++++++++ سەرناو: یاران مەحشەرەن ٣ یاران مەحشەرەن... مەعلووم نیشانەی یوم المحشرەن برادەر عەدوو وە برادەرەن فرزەند ناڕەزا چەنی پدەرەن هامسایان خائین وە یەک دیگەرەن حەڵاڵ ناتفاق چەنی هامسەرەن ئێدیش ئیرادەی حەیی ئەکبەرەن عالەم موبتەلای دەرد و کەدەرەن قووت عاقڵان خوون جگەرەن ئەتعیمەی خ... شەهد و شەکەرەن تەمام عالەم گشت ڕاه گوزەرەن پەنامان وە زات ئاغای قەنبەرەن مەعلووم بۆ یاران جاگەم سەقەرەن ئەی بەندەی ئاخووند قەوم بەقەرەن مەلجاهم ساحێب تێغ دوو پەیکەرەن دەرکندەی قاپی قەڵای خەیبەرەن عالەم موبتەلای زەڕ و زیوەرەن عاقبت الامر کارمان خەتەرەن باغمان گشت بێ بەر هەم بێ سەمەرەن ئەجەل نەزدیکەن دڵ بێ خەوەرەن قانوونی ئیلاهی فورقان ڕەهبەرەن حەیفەن موئمینان وەبێ بەسەرەن عالەم موهاجیر خاڵک دەر بە دەرەن وە جیفەی دونیا گشت موسەخەرەن ++++++++++++++++++++++ سەرناو: یاران نیهایەت یاران نیهایەت... مەعلووم نیشانەی ئاخر نیهایەت هامسا وە هامسا مەکۆ خیانەت نەمەندەن ئەرکان ئەمن و ئەمانەت ڕەحم نەمەندەن جە نام ئەی میللەت شەوق و زەوق لوان بییەن وە زوڵمەت ئێستا نیشانەی ئاخر نیهایەت حەرف هەق باچی مەوی وە عیبرەت ڕزق ورگیریان جە نام ئەی میللەت ڕۆژ جە ڕۆژ بەتەر مەبۆ نەدامەت ئاخرش هیچەن دونیای نیهایەت بە وێنەی لۆتی هام جە سیاحەت چەنی هامسایان بکەر ڕەعایەت هامسا چەنی تۆ مەکەرۆ کەدرەت هەنی کافییەن حەرف بسیاری باقی والسلام هەم غەم گوساری ++++++++++++++++++++++ سەرناو: یاران چەنی یەن یاران چەنی یەن... مەعلووم بۆ لێتان دونیا چەنی یەن ئیدارەی ئی وەقت پەن پەنی یەن عەجەب قەرنێوەن دەورێ هەنی یەن موحەبەت ئی جا وەڕیش خەنی یەن هەر کەس لێش دوور بۆ تەمام غەنی یەن مەجهوولان مەغروور دەور دەنی یەن عاقڵان سکووت وەبێ مەنی یەن مونکیران مەشغوڵ ڕیشە کەنی یەن تیر وەڕووی سینەی موئمین شەنی یەن دۆعای فاتیحەی ڕۆحم وەنی یەن عالەم گرفتار قەڵا بەنی یەن دونیا سەراسەر مۆدە تەنی یەن مەڵڵا گرفتار قەڵا بەنی یەن گفتوو گۆی ئی وەخت توند سوخەنی یەن حەدیس نامەسمووع مەقبووڵ فەنی یەن تەپڵ بەد نامی میللەت ژەنی یەن ئەحواڵێ وەیتەور قەومان کێ دی یەن وەعدە نەزدیکەن زهوور مەهدی یەن ئەساس نەگبەت چە بێ عەهدی یەن مەخلووق موبتەلای فەسادی بی یەن خاسان ئینتیزار وەخت وەعدی یەن ئەحمەقان مەشغووڵ بێ ئەدەبی یەن غافڵ چە غەزەب قەهر ڕەبی یەن هیچ کەس نماچۆ ئەرکانمان چی یەن سەر چەشمەی زابت دین چە ویر شی یەن مەڵڵا هەر چە فیکر حیلە و خەنی یەن جڵەو حرس و نەفس چە دەست بەر شی یەن ++++++++++++++++++++++ سەرناو: یاران کەم هۆش وەدەم گشت دیندار یاران کەم هۆش وەدەم گشت دیندار زاهیرەن ڕوو کێش وە دڵ ژار مار جە لای ئەی میللەت گفتارم خەسار شکاتم پەرسۆ زات کردگار نەجاتم بدۆ جەی زیندانی تار جەی دەرد و میحنەت کەرۆم ڕەستگار مەئمووران مەشغوڵ هیچ نییەن دیار قەت نمەشنەفۆ ئەی داد و هاوار ++++++++++++++++++++++ سەرناو: یاران گۆیانەن یاران گۆیانەن... زوبانم جە مەدح عەلی گۆیانەن علی الاعلىٰ وێردی زوبانەن کافران جە خەوف تێغش لەرزانەن چ حاجەت وە حەرف واتەی بیانەن عالمان جە عیلم ئەو سەرگەردانەن عیلمش بێ پایان بەحر عومانەن کوشندەی کوفار شاه مەردانەن جۆ یار شوێنش کاکە سەلمانەن نامش مونەقەش تاق ئەیوانەن ئەر سەد نەیجامە بەندەت عوسیانەن قەترەیێ جە لوتف پەرێم دەرمانەن ++++++++++++++++++++++ سەرناو: یارستان ئیبلاغ یارستان ئیبلاغ... سەراپا پەیتان بەیان کەم ئیبلاغ نویسنام ئی کیتاب وەسەد ئاخ و داخ وە جامەی دیگەر ڕۆح مەبۆ ئیفراغ بەعد دوعای مەوت مەبۆ وەدایاغ ڕەحمەت بکیانان وە کەیف و دەماغ گشتش ڕووکەشەن ئی فانی سەباغ شەربەت ئەجەل نۆشکەم وە چەناغ حق دیواننده یارن نه دیاغ اسلاملق شرتی بۆیله در الچاغ دوغری یوله اولدر یساغ عار سز اده مه دهها نه دیاغ دۆزه قده بتر ال ایله ایاغ بدخوا اولانه دیلنی کساغ بربرمزه بیرنجی قیاغ هیچ بر گروهه خراب دیمی یاغ ناوه عده خوروس گبی باینماغ کافیدر ملا یوقدر ساینماغ ++++++++++++++++++++++ سەرناو: یارستان ئیتیفاق یارستان ئیتیفاق... چەنی یەک بوودێ یەکسەر ئیتیفاق بتەرسدێ چە خەوف پادشای ڕەزاق وەز بدەی کەلام مەکەردێ مەزاق سوپای حرس و نەفس بکەردێ ئیتلاق خانەی هەزاران خاپوور کەرد نیفاق رازق المرزوق مەدۆ ئیستیحاق چەنی یەک مەکەن جەنگ و ئیستینتاق هەر کەس وە گرۆی وێش بییەن ئیلحاق فیرقەی یارستان دایم ناتیفاق یاران یاوەران قەلبم بی ئیحراق چە دووری دیدار یار ئیشتیاق دادم نەیاوان وە هەفتەمین تاق ئەی وەفا داران کارم بییەن غاق شەش جیهەت یەک سەر لێم بی ئیستیغلاق کەی زائیل مەبۆ یاڕەب ئەی فیراق مەکەرۆ ڕەجای صاحب البراق وەرنە زیانی مەدۆمان شەلاق هەزاران ئاما ساحێب تەمتەراق چەی دەریای فانی نگوون بی ئیغراق ئیکمال بکەردێ ئەسباب و سیراق کافییەن مەڵڵا تەتویل ئەوراق ++++++++++++++++++++++ سەرناو: یارستان ئیسڵاح یارستان ئیسڵاح... چەنی یەک بودێ سەراسەر ئیسڵاح پەی جەنگ و جەدەل مەکەردێ ئیلحاح وەرنە فەوت مەودێ وە باد و ڕیاح وەزوبدەی کەلام گشت بودێ ئیقناح چە کەسب حەڵاڵ بکەردێ سفتاح چە دیوان حەق تا بودێ ئیفلاح لەفز گۆرانەن حسب الاصلاح مەئلوف وە جیفە وە حەرام موباح دین و إیمانکم یا رَبع! وِن راح؟ موحەبەتمان بۆ ئاقشام و سەباح حاضر فی الجنة عینەب و توفاح موبتەلای دەردەن مسکێن و فەلاح پەنامان وەتۆن یا حی الفتاح حازرەن پەی جەنگ دوشمن وە سیلاح چە کەردەی گەردوون حەقیرەن مەداح بەختمان مەغلوقەن زایع بێ میفتاح نەگبەت سەدا کەرد هەی داد چڕیش صاح سواران خاس گشت ساحێب ڕەماح کوشتار مەکەران وە زەرب ئەجناح دەرد دەروونم وەیتەور کەرد ئیشراح مۆ تەسلیم بوین وە دەست ذەباح ئی بەندەی بەندیت فراوان قەباح جۆمان ئەرزل هیچ نییەن تەڕاح ++++++++++++++++++++++ سەرناو: یارستان ئەحداث یارستان ئەحداث... عەشق دەروونم چە نۆ بی ئەحداث ئەشعاری لەتیف کەردەنم ئەبعاث مەقبووڵ بۆ چە بەین زکوور و ئیناث سەرگەردان وەدەست ئی نەفس ئیخباث لازمەن گفتەم مانۆ وە میراث پەنامان وەتۆن یازات غەیاث وەڕای موستەقیم بکەریم ئیبراز وێنەی بزغاڵەی هەیاس دوڕ ناس جەرگم تاویان بێ کەم و کەیاس یا حەق چە دەرگات مەکەم ئیلتیماس سەوقم بکەری تۆ وە ڕاکەی ڕاس یا حەی وەدەرگات سەد حەمد و سوپاس موحتاجم نەکەی وە مەرد ئیفلاس چەرتم چی وەختە موختەلیف ئەجناس بێ قەدر و حورمەت بە وێنەی کەنناس مەعلووم بۆ لێتان یا ایها الناس قەلیلەن چەی وەخت یەک شەخسێ دەم ڕاس حەرامەن بونیاد تەمەڵ و ئەساس چەو بۆنە مەخلووق گشت بییەن ناڕاس نامەرد بی وەکیل وە وەزیر دەست ڕاس کافییەن مەڵڵا کۆتا بکەر باس ++++++++++++++++++++++ سەرناو: یارستان ئەساس یارستان ئەساس... سەر نمەگێرۆ بنیاد بێ ئەساس بەشەر ئیلزام مۆ وە گفتار خاس بێزارم جە دەست ئەی دەور ناڕاس ئەر سەد بوانی قال الله وە ڕاس فائیدە نەدارۆ پەی خەڵق و ناس مەخلووقات تەمام دەروون پڕ وەسواس فیرقەی فاسیقان شووم الخناس جە درگاه هەق مەکەم ئیلتیماس زومڕەی یارستان چا بەند بۆ خەڵاس چێشتەن چەنی یاوەرانی خاس غەیبەتشان مەکەن وەچەپ و وە ڕاس عالەم وێنەی وێت مەکەری قیاس داخێ تۆ جەرگم کەردەن وە پەڵاس لازم بپۆشی قەترانی لیباس وێڵ بۆم نەشاران چون گەدای ئیفلاس قووت وەردەم نە بەحر بە وێنەی غەواس چەند لاڵە و یاقووت کەردەنم ئاراس گەوهەر بێ قیمەت بازاڕم کەساس مێرد نێک خاڵیس نەدارۆ ئیغماس قادر مەستانۆ یەکا یەک قەساس چەند خانەدانان کەردەن وە کەنناس اهل الله تەسلیم نمەکۆ هیچ باس هەر کەس وە ڕەنگێ مەکەرۆ حەمماس پەی ڕەعیە بییەن وەنێرە بڵباس یەکسەر مەخلووقات جە گیان بی هەراس پەرێ..... . بییەیان حوڕاس بێ سەدا و بێ دەنگ وێم کەردەن خراس سوخەن پەزیرم چون ئەبو نەواس پەروا نەدارۆم جە هەزار دەساس فریاد ڕەسمانەن هەم خدر ئەلیاس جە بەحر و جە بەڕ بێ کەم و کیناس مەئموور حازرەن سەعد ئیبن وەققاس جە سینەی بەدان مەکەرۆ ئیجلاس دایم حازرەن جاسووس حەساس عاقبت الامر فەحنووشی خەنناس عەجایب شەوێ کەردەنم ئەحداس سڵام بۆ وە گشت زکووروئیناس جە دەنگی لوری هەم چە شەقەی داس قیسمێ فەقیران بییەن کەڕ و کاس نیمەی ئەرزاقش چەودەر و قەڵداس خەرمان بێ دان خازرەن کەساس الظلم لا یدوم مەزانۆ حەسساس الکفر یدوم پەی هەق وەلا باس ++++++++++++++++++++++ سەرناو: یارستان ئەلفاظ یارستان ئەلفاظ... تەرتیب کەم شیعرێ شیرین خۆش ئەلفاظ بە غەیر چە خالیق نییەن ئیستیحفاظ حەسەب حاڵ مەکەم ساتێ سەد لەحاظ سوپای حرس و نەفس کەی مەبۆ ڕەفاض ئیمان شیرینەن تەڵخش کەرد مەجاز مەگەر هەم وە عەون پادشای بێ نیاز خەڵاس بۆم چە دەست نەفس حیلە باز هیچ زەوقێ نییەن چەی موڵک و ئەراز ساختە مەکەران بە وێنەی جانباز چێش کەرۆن چە دەست ئەی خاک ناساز بەنی بەشەرمان گشت ساحێب ئەغراض ئەی شیعرە نویسنام غایەت وە دڵواز ئەمثالش نییەن تا ماوای حیجاز وەقتەن پەیدا بۆ شامان چون شاباز وەختەن ئیحراق بۆ ئەی مەعدەن گاز کافییەن مەڵڵا وەس بکەر ئیغماز مەبۆ بوینی هەزاران ئەجناز وەجا مەمانۆ لاشە وە بێ ناز عیبرەت بگێرە وەس بکەر شەهناز مورغ دەروونم وەختەن بۆ پەرواز تەعتیل مەندەنان پەرێ یەک هام ڕاز نەفس ئەممارە دایم چە غەییاز مەردمان خاس مەکەر ئیستیعجاز ++++++++++++++++++++++ سەرناو: یارستان ئەندێش یارستان ئەندێش... چە زات بێچوون بکەردێ ئەندێش دڵتان ساف کەردێ مەودێ کینە کێش پەی ڕای حەقیقەت بکەردێ تەفتێش فائیدە نەدارۆ گەر دراز بۆ ڕیش یەک دڵ حەساوەن خاکش بۆ دەروێش ئەدەب و ئەرکان ئەی قەومان خوێش خزمەت دەرد دڵ مەکەرۆ ساڕێش وە خزمەتی هەق پوختە مۆ وەهێش یاران وەبێ شک سوجدە کەردێ پێش ئەر عالەم گورگ بۆ شمە بودێ مێش فیرقەی سەنگ دڵان نمەز واچی چێش خودا خەبیرەن مەزانۆ بە وێش فراوان کێشام سزای بێ تەشویش پەی جیفەی دونیا مەودێ خەتەر ڕێش ئاخریش هیچەن مەمانۆ نە جێش سەد دادم چە دەست قەومان قوڕەیش پەرێ هاشمیان سەوق مەکەران پێش دونیا فانییەن نەمەندەن همێش چە گۆشەی خەڵوەت خانە بکەن ئێش بێ هوودەن جەهد و ڕەنج و کەشای کێش ساکن بەر پەی وێت مەڵڵای جەفا کێش ئەر عیلم جیهان بوانی پەرێش مەڵڵا یە مفتەن نمەدان کرێش ++++++++++++++++++++++ سەرناو: یارستان ئەنفاز یارستان ئەنفاز... قەتع بی لێمان گشت ڕاگەی ئەنفاز پەنامان وە تۆن پادشای سەبەب ساز بکیانی ڕۆزی حلقووم وە بوغاز تەرتیب کەم شێعرێ شیرین خۆش تەراز وە دلێی مەغمووم بێ تاقەت و هاز ئەی موسڵمانان ئونسا و زکووران بابۆمان ئادەم دایەمان حەوان ئیحراقم کەردەن ئی جامەی مەجاز قاپی جەهەنەم پەرێم بییەن واز پڕەن دەروونم چە گفتار و ڕاز سەرمەستم کەردەن یار وە عەشق و ناز دەما دەم جەرگم وە قولاب و گاز بەرمارۆ چە بێخ وەی تەور مۆ ئیعزاز وە نەغمەی مەحزوون سەدای خۆش ئاواز ئەرباب و عاقڵ مەکەرۆن جەواز پەنج و دوو ڕۆژەن فانی ئیمتیاز قەت تێر نمەوی وێنەی سۆنە و قاز یەک کونجێ خەڵوەت بکەر ئیتیهاز مەکیانۆ حەکیم شفا پەی ئەمراز باوەرەش وە جا وە شرووت ئیفراز قانیع بەر پەی وێت مەکەر ئیستیفزا کەی تەمام مەبۆ نویسنای ئی بەیاز مەگەر هەم وە لوتف پاشای بێ نیاز ++++++++++++++++++++++ سەرناو: یارستان خەراب یارستان خەراب... دونیا نەمەندەن وەقتەن بۆ خەراب وە حوکم بێچوون پادشای وەهەاب مەئموور ئامادەن وە تەعجیل و تاب حورمەت قەلیلەن چە دۆست و ئەحباب مەردان چەنی زەن بییەن وە ئەرباب ئیسلامان مەراق عارەق و شەراب لە ئەفعال بەد ناکەن ئیجتیناب بۆ فسق و فجوور تێژن چون تیزاب بەڵێ چە ئاخر نابن کامیاب جاهیلان مەراق تەمورە و ڕوباب عاقڵان مەدفون فی تحت التراب شەبان تا بە ڕۆژ هیچ نەدارۆم خاب چە قەهر میللەت جەرگم بی خوناب بەنی بەشەرمان گشت بییەن کەزاب قوم ساختە چی جاهیل و شەباب لە ماڵی حەرام نەکەن ئیکتیساب بۆ جیفەی دونیا ئەکەن ئیرتیکاب ناقس مەڵڵایان ئەخوێنن کیتاب لە ڕۆژ مەحشەر چێش مەدان جەراب مەگەر چە ئاخر دڵ گێرۆ حوباب نێکان خەڵاس بۆ بەدان دڵ کەباب مەرد حەق نەیجا نمەبۆ سیراب مەر زات بێچوون کەرۆ فتح الباب ئاشنای ئەزەڵ بییەن وە ئەجناب بێگانەی ئەبەد بییەن وە ئەحباب قسەی حەق مەعلووم بە وێنەی ئافتاب لازمەن قەیدش کەری وە شەتاب بێ هوودەن نوقتەی ئەر خێر ئەر سەواب فائیدە نەدارۆ پەی دۆست و ئەتراب تەمام حەرامەن گشت ئەکل و شەراب خەتام فراوان بێ حەد و حەساب هیچ غافڵ مەودێ ئەی فیرقەی سەواب چە نام بەهەشت حازرەن ئەکواب هەر کەس پاک قەلب بۆ وەبێ ئیستیجواب چە حەوز کەوسەر نۆش مەکەرۆ ئاب هەزاران ئامان چون ئەفراسیاب چەی دونیای فانی نەگوون بی غەرقاب یە واتەی عەباس حیلمی الالقاب گوفتارە لەزیز بە وێنەی خۆشاب ++++++++++++++++++++++ سەرناو: یارستان خەراب ٢ یارستان خەراب... دونیا نەمەندەن وەختەن بۆ خەراب وە حوکم بێچوون پادشای وەهاب مەئموور ئامادەن وە تەعجیل و تاب حورمەت قەلیلەن جە دۆست و ئەحباب مەردان چەنی زەن بییەن وە ئەرباب مەگەر چە ئاخر دڵ گێرۆ حوباب نێکان خەڵاس بۆ بەدان دڵ کەباب مەخلووقات مەراق عارەق و شەراب لە ئەفعال بەد ناکەن ئیجتیناب هەزاران ئاما چون ئەفراسیاب جەی دونیای فانی نیگوون بی غەرقاب یاهەق دۆعامان کەری موستەجاب یاران نەجات بۆ نەی گێژی گەرداب شەبان تا بە ڕۆژ هیچ نەدارۆ خاب دەروون سیاوم چون ماهی نە ئاب جە تەعنەی بەدان جەرگمان بی خوناب وە ڕەجای خاسان زوود مۆ فتح الباب یەکسەر خائینەن حاکم و نواب بە ئەرز و حاڵم مانیعەن بەواب ئامانەن دەخیل یا اولو الاباب دڵشاد بکەری دۆستان و ئەحباب بەعزێ بەدکاران وەحشی ئیستیغراب وەسەد نەزاکەت مەدەرۆ جواب مەڵڵای ناتەواو مفشق الثواب جە هیچ ئەفرادێ مەگێرە عیتاب پارە نمەکۆ سەد نویسنای کیتاب پەی جیفەی دونیا مەکەر ئیرتیکاب جەی زەمانەی سەرد خەڵکی نا سواب مەحاڵەن مەڵڵا ببۆ کامیاب تەسلیم وە ڕای هەق بنۆشە زەهراب جەی بەحر بێ پەی نمەوی سیراب جە ئەی نەخڵستان مەحرووم جە ڕوتاب مەئیووسم جە شەهد نەسیبم زوخاب تەلاوەت کەردەی باڵینەن توراب چەند جار وانانت پەی عالی جەناب عەجەب سەرکەشەن نمەبۆ ئیقلاب جارێ سوارەن پاش ها چە ڕیکاب ئەمرش وەیتەورەن مالک الرقاب بێهوودەن واتەی ئەر شەڕ ئەر سەواب ئەشک و دمووعم وێنەی شەت زاب نەزدیکەن قابز کەرۆش ئیستیجاب وە قاپی هیچ کەس مەکەر دق الباب خالیق مەگێرۆت بێ شەرم و حیجاب یەکسەر مەخلووت بی چەشمەی گشت سەر ئاب عاجز بی جە گیان یەکا یەک میرئاب مەر وە حوکم وێش بارۆش وە حەساب زەحمەت نەجات بین جەی دام و دۆڵاب ++++++++++++++++++++++ سەرناو: یارستان خەراب ٣ یارستان خەراب... دونیا نەمەندەن وەختەن بۆ خەراب وە حوکم بێچوون پادشای وەهاب مەئموور ئامادەن وە تەعجیل و تاب حورمەت قەلیلەن جە دۆست ئەحباب مەردان چەنی زەن بییەن وە ئەرباب جاهیلان مەراق تەموورە و ڕۆباب عاقیلان مەدفوون فی تحت التراب مەگەر جە ئاخر دڵ گێرۆ حوباب نێکان خەڵاس بۆ بەدان دڵ کەباب هەزاران ئاما چون ئەفراسیاب جەی دونیای فانی نیگوون بی غەرقاب میسقالە زەڕڕە ئەر خێر ئەر سەواب یەکسەر مەنویسیۆ جە سەبت کیتاب یا ئەهلی... وەسەن ئیرتیکاب چە ماڵ حەرام مەکەن ئیکتیساب یاهەق زود بکەر پەیمان فتح الباب کەشتی مەزڵوومان کەفتەن نە گەرداب مەر وێت نەجات بەی یا اولوا الالباب فەقیران سوزیان وەنار ئەخشاب دەلیل حایرین بکیان وەشەتاب زاڵمان مەغروور وەبێ ئیستیجواب زەلیلان مەحکووم بێ عوزر و عیتاب تاکەی مەغلووق بۆ پەی مەزڵووم ئەبواب تا موشکیل گوشاد پادەر نە ڕیکاب یەکسەر مورتەکیب مەئموور بەواب ڕەحم و شەفەقەت ها چە لای ئەحباب دەروون سیاهەن ماهی نەڕووی ئاب یە فەقیر واتەن حلمی الالقاب ++++++++++++++++++++++ سەرناو: یارستان دمووع یارستان دمووع... چە نۆ جاری بی چە عەینم دمووع چە لای عاقڵان گفتارم مەسمووع قەزا ئامادەن چە بەینەل سەبووع ئەسڵ بێ قەدرەن مەقبووڵەن فرووغ سەد بارەکەڵڵا وە مەرد قەنووع چە خەوف خالیق وە قەلب خەشووع موناجات مەکەم کەس نییەن مەنووع گا دڵم وە فعل بەد مەکۆ شرووع گاهێ زەمیرم پاکەن پڕ لمووع تەنقیس بی چە قەهر چە ڕۆحم ڕەبووع لایقەن قەیدش کەری وە تەبووع نەفسی ئەممارە چە نۆ کەرد تلووع وە حوکم قەڵەم نویسنام ئەی شرووع نەفس موتمەئین چە تەخت بی خەلووع وێش پێوار کەردەن چە پەردەی قەلووع ئەفکار و عقوول چەلام بی ضیووع شێت و سەرگەردان بە وێنەی مەصدووع سەد دادم چە دەست ئی دونیای مەربووع گا گاهێ دافع گا گاهێ مەدفووع کەسابەت مەکەم وەنام قرووع حازرەن پەی ئەخذ قابیز شەجووع بە غەیر چە ڕەسووڵ کەس نییەن شەفووع چە ڕۆژ جەزا ڕێش هەنەن ڕقووع ++++++++++++++++++++++ سەرناو: یارستان دوڕساخ یارستان دوڕساخ... چە قەید میحنەت بیەنمێ دوڕساخ شەبان تا بە ڕۆژهام چە ئاخ و داخ بێزارم چە شورب تووتن و بەرماخ سوپای حرس و نەفس وێنەی سیا زاخ نەفس موتمەئین حەبسەن چە ئوتاخ جەرگ و دەروونم گشت بییەن سوراخ جلوودم خامەن نەوەردەن دەباخ شیراج ئەکل مەکەم چە باتی قەیماخ مەحرووم مەغدوور چون خەڵک ئێلاخ چە کەردەی گەردوون مەحزوون و نا ساخ چە لای قەوم لووت قسەی حەق یاساخ جار جار تەعتیلم پەرێ یەک بەرماخ حەڵوای گەزۆمان بییەن وە تۆراخ قەدیمی جاران گشت گەوا - - شیر داخ بییەن وە مۆدە گشت کۆنە قەڵتاخ ئیفتیخار مەکەن وەداس و قەیناخ تاڵعمان کەفتەن وە قوڕ پاتڵاخ نان جۆی وشک وێنەی کوتە شاخ زەقنەبووت مسکێن وەسەد ئوف و ئاخ سوحبەتمان جەنگەن کوتەک و چۆمان لەفز سەردارمان گەواد بکەر باخ ++++++++++++++++++++++ سەرناو: یارستان قیاس یارستان قیاس... هەر کەسێ وە نەفس وێش کەرۆ قیاس بەدی مەکەردێ بگێردێ ڕای ڕاس چە دیوان حەق مەودێ ئیستیخڵاس پارێز بکەردێ دڵتان چە وەسواس مەگندێ وە شۆن حەرف بێ ئەساس کاسە پڕ بییەن نگوون مەبۆ تاس ئامادەن پەی قەتڵ حەزرەت ئەلعباس مەعنای یار چێشەن بودێ دوڕ شوناس کینە کێش مەودێ بە وێنەی بڵباس یا حەق جە دەرگات مەکەم ئیلتیماس دڵی یارستان چە نۆ بکەی خاس گەوهەر بێ قیمەت بازاڕم کەساس سەدادم چە دەست گرۆی حەق نەناس قسەشان وێنەی خەدەنگ و ڕەساس ئەی برادەران چە گیان بیم هەراس مەبۆ بپۆشی قەترانی لیباس وێڵ بی نەشاران چون گەدای ئیفلاس نمەز چێش واچۆم یا ایها الناس فتنەی فەسادان چون دێو ئەلخەناس چێشتانەن چەنی هامسایان خاس غەیبەتشان مەکەن وەچەپ و وەڕاس وە فسق و فاسق وەس بکەردێ باس هەی داد هەی بێداد جەرگم بی پەڵاس پەردە مەدڕدێ بە وێنەی کرباس خودا شاهیدەن مەستانۆ قەساس یە واتەی مەڵڵای زومڕەی گرۆی گاس بێزارەن چە دەست مەخلووق ناڕاس ++++++++++++++++++++++ سەرناو: یارستان قەساس یارستان قەساس... قابیز مەستانۆ یەکا یەک قەساس قوت وەردەم نە بەحر بە وێنەی غەواس ئامادە کەردم یەک کتابێ خاس نزیکەن قابیز پێمان بدۆ پاس ئی شیعرە تازە نویسنام وە ئیخڵاس مەعلوومەن چە لای گشت حەرف حەق شناس نەی دونیای دەنی کەرۆمان خەڵاس ها وەختەن مەهدی زهوور بۆ ئیجلاس جەرگ بەد شەق کۆ وە پارچەی ئەڵماس وە زۆر قوەت سەر پەنجەی حەق ناس ساکن بۆم چە دەست ئی نەفس چەڵماس یەک عەشقێ جەدید کەردەنم ئیغراس مەیتەر دان دەروون دڵم چون ئەقواس چە حوجرەی دۆزەخ بسیار هەم گڵاس وە کۆنا لوان بلوسات الملاص تەنقیص بی چە قەهر ڕۆحم الاساس ها ئیستیمداد کەرد پەیم حەزرەت ئەلیاس ++++++++++++++++++++++ سەرناو: یارستان موحتاج یارستان موحتاج... خالق هیچ کەسێ نەکەرۆ موحتاج چەی وەقت نەمەندەن حوسن و ئیمتیزاج چەنی جاهیلان تەبیعەت شیراج وەیەد حەقەن تەخت و بەخت و تاج چەلای مەخلووقات حوکمش بۆ ڕەواج ڕاستی نەمەندەن یەکسەر گشت ئەعواج مەر زات بێچوون بکەرۆ ئیفراج دنیا تاریکەن وێنەی شەب داج چەی وەقت بێ فەرقەن شەکر چەنی زاج شێخان مەشغووڵەن چەنی خەرج و باج دەلیل حایرین مەر کەرۆ عیلاج کەشتیمان کەفتەن وەگێژ ئەمواج چە کەردەی واعیز چە ئەفعال حاج بەعزێمان بییەن دەروێش ناعیلاج مەشغووڵ وە زکرەن وە مەعیدەی ئاج دوو ڕوو، دوو زوبان وێنەی نان ساج یەکسەر ڕەش و ڕووت چوون یانەی هەللاج قیسمێ مەراقەن وەڕا و دوڕاج قیسمێ حەرامی قیسمێ هەن موغلاج بەعزێ حەددادەن بەعزێ هەن سەڕڕاج بەعزێ مەلعوونەن چە دین ئیستیخراج پەی دیدەی بەدان تیر بییەن ئاماج کافییەن مەڵڵای شکستە ئەفواج ڕۆشنایی نەمەند نەڕووی کائینات یەکسەر خانەدان وەبێ کەرامات فورقان و زەبوور ئینجیل و تەورات قەدرش هۆرگیریان نەڕووی سەربەسات چە بەد گۆیی خەلق دونیا پڕ ئافات زەحمەت بێ ڕەحمان بلان وە جەننات هەر کەس وەهەم جینس وێش بییەن بەدخواه فیرقەی ناکەسان مەغروور و گومڕاه یاڕەب قەتع بۆ زوبان بەدگۆیان کەی خالیس مەبۆ مەخلووق نی زەمان غەنی چە فەقیر گشت موقەدەرەن زومڕەی فەقیران گشت دەربەدەرەن ++++++++++++++++++++++ سەرناو: یارستان موحتاج ٢ یارستان موحتاج... بەنی بەشەرمان گشت بییەن موحتاج سوپای حرس و نەفس ئیمان کەرد تاراج سەوقمان مەکەران وە مەعیدەی ئاج وە پای پیادە ئاخر ناعیلاج ساتێ سەد دەفعە مەستاۆ خەراج زەحمەتەن چەی وەقت حوسن و ئیمتیزاج چەنی ئی مەخلووق گشت ئەخلاق شیراج مەخلووق دوو زوبان وێنەی نانی ساج گشت ڕەش و ڕووتن چون یانەی هەللاج چە قەید میحنەت کەی مەبۆن ئیفراج مەگەر وە ڕەجای هەم صاحب التاج بەڵای ناگەهان چە نۆ بی ئاماج کوشتارمان مەکەن بە وێنەی زوجاج جە ڕای موستەقیم بیەنمێ ئیخراج مەگەر حەق وە لوتف وێش کەرۆ عیلاج بێ فەرقەن چەی وەخت شەکەر چەنی زاج گشت مساوی یەن سەقەت و ئیفلاج تەڵاق و مەزهەب کەردشان هەڕڕاج گشت کەفتان نەچاڵ نییەنشان عیلاج ئی شیعرە تازە کەردەنم ئیدراج حەسابش تەمام وە دوازدە ئەبراج ++++++++++++++++++++++ سەرناو: یارستان مەعاف یارستان مەعاف... چە دیوان حەق کەم کەس مۆ مەعاف چە هەزار یەکی مەندەن سینە ساف ماباقی خود بین مەشغوڵ وە گەزاف دەردم گرانەن وێنەی کۆە قاف مەر قەدر گەوهەر بزانۆ سەڕاف مەخلووق گومڕاه گشت ئەقوال خیلاف ئاشووبە مەبۆ چە هەر چوار ئەتراف چەند زەحمەت کێشام ڕۆحم کەرد ئیتلاف فیرقەی یارستان نەداران ئەلتاف سەد دادم چە دەست موئمین خەواف قال الله ساقیت مەقبووڵەن ئەشراف پەرێ حق الناس مەکەن ئیستینکاف ئیستیهزا مەکەن وەحەق ئەسلاف تواڵێت بکەردێ وە سوورەی ئەعراف تاکە مەیاۆۆ وە سوورەی ئەحقاف کافییەن مەڵڵا کەم بدەرە لاف وە قسەی دراز کار نمۆ ئیسعاف چەشم باتینم نمۆ ئینکیشاف تصوم تصلی تعمل مثل... تقتل المومن من الله ما تخاف چەند سەعی مەکەم گەوهەر بۆ ئیسراف تەئسیر نمەکۆ وە فیرقەی ئەجلاف ++++++++++++++++++++++ سەرناو: یارستان چونەن یارستان چونەن... بزاندێ ئەحواڵ ئەی دونیا چونەن فیرقەی ئەهل هەق بەختش زەبوونەن پەرگەندەی شاران گێژ گەردوونەن بەدان سەرفراز ڕوبع مەسکوونەن مێرد نێک دایم جگەر پڕ خونەن گرۆی ئەغیاران جە شەبەیخوونەن یاران خاڵیس گشت توونای توونەن ئامانەن یا هەق یە چون مەزموونەن خاسان گرفتار دەست مەلعوونەن ئێدیش ئیرادەی حەیی بێچوونەن جە ڕۆژ ئەزەڵ یاران مەغنوونەن بنیاد بەدان وەبێ ستوونەن ئاخر سەرەنجام یەکسەر نیگوونەن ئەشعار مەڵڵا گشت حەرف ئاڵتوونەن سەر وەسەر لایق سیم و ئاڵتوونەن دەلیل حایرین لێش ڕەهنموونەن کەشتی ئامادەی بەحر جەیحوونەن فەرهاد ڕەنج بەردەی پای بێستوونەن عاقیبەت دەوران لەیلێ و مەجنوونەن تەمام اهل الله دوڕ مەرهوونەن ئەملاک بەدان یەکسەر نیگوونەن یە مەڵڵا واتەن دەروون مەحزوونەن ئینتیزار وەخت ساڵ مەیموونەن ئۆمێدمان ڕەجای یار شەرت بتوونەن مەرد هەق سالم بێ کفر و کینەن ئەر سەد ئەختیار عومرمان ئەفزوونەن جەی دونیای فانی گشت سەرنیگوونەن ++++++++++++++++++++++ سەرناو: یە خەیلێ وەختەن ئەشعارت نامان سەبارەت: بۆ مام موحەممەد یە خەیلێ وەختەن ئەشعارت نامان پەشێوم پەرێ دیدار مامان وەختەن ساڕێژ بۆ گشت کۆنە زامان حرس و نەفس غاڵب پاپێچ پامان بێزارم جە دەست فیرقەی نەفامان حاجی گیان دەخیل ئامان سەد ئامان مەوەر وە ڕەفیق خۆڕی و لەگامان هەرچی نویسیابۆ مەیۆ وەڕامان گورفتار وەدەست خەیاڵ خامان چەند وەختەن حاجی نامان وەلامان ئەی کار و بازاڕ هەق مەدۆش سامان تەعام بێ نمەک نەدارۆ تامان ئیرادەی هەقەن ئەمر خواجامان سەرد و گەرم مەبۆ وەشادی و کامان دایم عەشقت بۆ جە بابی بەیان ئومێد هەن شەوقێ وەنەت بۆ عەیان غوڵام یارانم نەواچی جیان ڕەهبەر وەیتەورە مەدەرۆم جەولان یەکسەر زهوور کەرد گوفتار و قەولان حاجی حازر بەر وێت مەکەر پەنهان وە پانزدە مەسرەع شیعرم نمایان باقی والسلام عەزیز گیانان ++++++++++++++++++++++ سەرناو: یەکێ واتش دەرد ئەتۆ باچە گیان یەکێ واتش دەرد ئەتۆ باچە گیان پەرێ تۆ ڕەحمەت پەرێ ئەو زیان نەک ئەو باچۆ دەرد تۆ باچی سننان وەرت مەگێرۆ مەنۆت وەنام سیان ++++++++++++++++++++++