شاعیر: جەوهەری
کتێب: دیوانی جەوهەری
سەرناو: ئەی جەنابی موستەتاب ئەی سەییدی عالی نەسەب
سەبارەت: داوای تووتن لە خەلیفە سەیید خدری داشاغڵ

ئەی جەنابی موستەتاب ئەی سەییدی عالی نەسەب
ئەی موریدی قادریی و غەوسی گەیلانی نەسەب


ئەوڕۆ دوو ڕۆژە لە ماڵێ نۆبەتی میهمانمە
فەرموو با دەرچێ لە ماڵم کافرەدێوی لامەزەب


بۆ دەوای ئەم نۆبەتێیە تووتنێکم لێت دەوێ
نەرم و خۆش و زەرد و جوان، تای نەبێت و مونتەخەب

++++++++++++++++++++++