شاعیر: ئەدیب
کتێب: دیوانی ئەدیب
سەرناو: ئینسافە لە بۆ بێڵێ هەموو لابە و زاری

ئینسافە لە بۆ بێڵێ، هەموو لابە و زاری
ئەندێشە کەمێ باشە لە تەعنەی منی عاری


ئەو بێڵە مەگەر بێڵە وەیا ئۆتۆمۆبێڵە
سێ مانگێ موعەتتەل بێ، لەبەر بێ تەنەکاری


بۆ پێمەڕە قەت پەردەیی عارت مەدڕێنە
گەر خاوەنی شان و شەڕەف و هۆش و ویقاری


کوورەت لە بەهارێوە ‌دەمێ جۆشی نەهێنا
کەی کوورەیە؟ ! شایانە بڵێی کۆنە بوخاری


قد ضاق مجالی کسـراللە علاتک
تەفرەم مەدە چیتر ئەتۆ و حەزرەتی باری


ئەی وای چ سوودێ هەیە لە شکانی دڵی من
لا تحترق الکور بفطینی و ناری


هەر چەند مەلەکەی بیری تۆ پڕ تاو و عەجیبە
بگرە قەڵەمت، بەسیە، نەوەک ڕووشە بباری

++++++++++++++++++++++