شاعیر: دزڵی کتێب: دیوانی مەلا حەسەنی دزڵی سەرناو: سڵام کۆساری جوان و شیرینم سڵام کۆساری جوان و شیرینم بوارۆ نە چەم سەیلە ئەسرینم سڵام بە چین چین گۆراڵانی سوور مەر بە خاو کەروو، بۆ و شەوبۆ و چنوور! ڕۆجیار بازش دا ئەو بازیبەران یاران دزڵی، یادمان مەکەران؟ دەروونم بیەن ساجە ماسۆڵە ئا باخە تازە، هانەکەرمۆڵە ئا باخە تازە خەزانش کەردەن؟ یا ئیمساڵ ئاوش، نەوشیروان وەردەن؟ بە سەرگەردت بام باخی دێوانە مەدیۆنە دزڵی، یانە بە یانە وەشەن گوراڵان خەیمەی ئا خیابان ناڵەی بەختەمەڕ جەلای ئەسحابان وڵ کەردەن بەنا چووزە کڵێڵەم پووینەی پای شەتاو، نە دەربەن کەڵەم وەرکەمەر، چنوور، سوور هەراڵ، شەوبۆ هەرکام بە جۆرێ، مەدیانێ پەی یۆ پیچک لوول واردەن، نەپای تاشەدا بەڕەزا پەخشەن، وەلای شاخەدا ئەجیام دماو من کەرەس مەوەران! دماو من قەزوان کەوە مەکەران! هەورامان خاکت، تەڵان، گەوهەرە! دزڵی دڵگیریت، جە حەد بەدەرە! واچە پا خەڵکی هانایی بەرا بەشکەم جە دزڵی حەشرەما کەرا پێوە بە جارێ بلمێرە بەهەشت بلمێ سەیرانە و وەشی و گێڵ و گەشت! ++++++++++++++++++++++