شاعیر: ئەخۆل
کتێب: دیوانی ئەخۆل
سەرناو: من کە عەبدی دەرگەهی تۆم تەرکی ئیحسانم مەکە

من کە عەبدی دەرگەهی تۆم تەرکی ئیحسانم مەکە
وا جگەر ڕێژاو و تینووم فەوت و تاڵانم مەکە


گەر بە عەبدیشت قبووڵ نیم تۆ بە سەگ بڕوانە تێم
پاسەوانیت بۆ ئەکەم مەحروومی دیوانم مەکە


قەت بە دوژمن من مەناسە دۆستی دنیا و قیامەتم
هیچ خەتا و سوچم نییە خۆ تیرەبارانم مەکە


تالعی مەجنوونە ئەحمەد دڵ وەکوو ئاتەشگەدە
ئەی سەنەم ئەی لات و عوزا بتپەرستی ناوی تۆم

++++++++++++++++++++++