شاعیر: حەمدی
کتێب: غەزەل
سەرناو: لە زوڵماتی شەوا جانانە شەمعێکی شەبستانە

لە زوڵماتی شەوا جانانە شەمعێکی شەبستانە
شەرابی کەیفی عوششاق و نیشاتی بەزمی مەستانە


گەهێ وەک بت زیارەتگاهی ڕەندانی خەراباتە
گەهێ ڕەندانە سەر حەڵقەی عموومی بت پەرستانە


لە سەحنی گوڵشەنا خۆشخوانە گاهێ هەر وەکوو بولبول
بە ڕەنگ و بۆ گوڵ ئاسا گوڵ نمایندەی گوڵستانە


گەهێ بۆ دلبەری ئەسبابی کوردانەی لەبەردایە
گەهێ بۆ ساحیری هەروەک پەری مەستووری فستانە


لەگەڵ دڵ حەمدی بۆ سەیر و تەماشا گەر تەماح ناکەی
بەسە ئەم حۆرییە وەک جەننەت و بۆستانە بەستانە

++++++++++++++++++++++