شاعیر: حەمدی
کتێب: تاک
سەرناو: ئەگەر ئەو دوژمنە وەک مار لەسەر کلک ڕابوەستێ بۆم

ئەگەر ئەو دوژمنە وەک مار لەسەر کلک ڕابوەستێ بۆم
بە شیرینی و خۆشی وا ئەکەم تا ماوە ڕام بێ بۆم

++++++++++++++++++++++
سەرناو: بە تاڤگەکەی سەری زەڵم بۆ نەڵێم نیاگارا

بە تاڤگەکەی سەری زەڵم بۆ نەڵێم نیاگارا
ئەمەندە بە فەیزە پررشکی کەفی گەوهەر بارە

++++++++++++++++++++++
سەرناو: تو خودا مەنعی مەکەن هەرچی بکا حاجی فەرەج

تو خودا مەنعی مەکەن هەرچی بکا حاجی فەرەج
چونکە خوا فەرموویەتی «لیسَ عَلى الاع٘می حَرَج٘»

++++++++++++++++++++++
سەرناو: شەوێ دەس ئەهرەمەن کەوت خاتەمی ملکی سلێمانی

شەوێ دەس ئەهرەمەن کەوت خاتەمی ملکی سلێمانی
کە چی میر و گزیری پێ ئەکرد، قەدری وەها زانی

++++++++++++++++++++++
سەرناو: قوتابخانەی کەری داناوە دنیا

قوتابخانەی کەری داناوە دنیا
مەلا وا بۆتە قۆڵچی ئەم کەرانە

++++++++++++++++++++++
سەرناو: لە من شەیداترە واعیز بە حوسنی سووڕەتی قالە

لە من شەیداترە واعیز بە حوسنی سووڕەتی قالە
تەماشاکە لەسەر قیلێ هەزار دەفعە ئەڵێ قالە

++++++++++++++++++++++
سەرناو: من لە دیوانا حیکایەی سەی عەلیم قەید کردبوو

من لە دیوانا حیکایەی سەی عەلیم قەید کردبوو
ناوی بیسمیللام کە نووسی وەک جنۆکە دەرپەڕی

++++++++++++++++++++++
سەرناو: ئەم شارە کە ئەشراف و توجاری چەلەبی بێ

ئەم شارە کە ئەشراف و توجاری چەلەبی بێ
وێرانە ئەبێ کاری تەواوی جەلەبی بێ

++++++++++++++++++++++
سەرناو: من لەناو ئەم کوردەدا چونکە نەزاکەتیان نییە

من لەناو ئەم کوردەدا چونکە نەزاکەتیان نییە
حەز ئەکەم دەنگم بنووسێ بەڵکە دەنگم دەرنەیێ

++++++++++++++++++++++