شاعیر: بێسارانی
کتێب: دیوانی بێسارانی
سەرناو: زېنهار سەد زېنهار
سەبارەت: هێنانە سەر ڕێنووسی هۆرامی: ئاکۆ مارانی

زېنهار سەد زېنهار...
دڵە واتم پېت، زېنهار سەد زېنهار

بېوەفا هەرگیز مەگېرە بە یار
جە بېوەفایان مەبینە قەرار

کەسێ بگېرە تۊ بە یاری وېت
ئەو جە تۊ فېشتەر بسۊچۊ پەرېت

زېنهار با سەودای کەسێت نە سەر بۊ
ئەو جۊیای عەشق بۊ، جە تۊ بەتەر بۊ

بۍ بەینەت شېوەی شېویان دارۊ
کەسێ سەر نە ڕای ئەوان نەسپارۊ

ڕەفېقی ناحاڵ، دۊستی بۍ بەینەت
مەگنەشان نە شۊن، مەینەتەن مەینەت

++++++++++++++++++++++